رواية كريات الدم السوداء الجزء الثاني الفصل الرابع عشر بقلم زحل شريف
_______قدر_______
_ضايعة وما كدرت
اخذ قرار تعبت من التفكير ؛اباوعله وكأنو ما
يشوفني معتبرني سلعة عادية حالي حال الكرسي الموجود بالصالة ؛وصار الكلام شبه معدوم بينا اباوعله طلع من الغرفة مبدل ويعدل بساعته التفت عليه وكال
ثابت :-محتاجة شيء ؟ تردين اجيبلج شيء وياي .
قدر :-هزيت راسي بمعنى لا
طلع وخلاني بحرگتي ،بقيت اكـل بروحي ارد اشوف الى متى نبقى على هذا الحال؛حاولت ،،،،اشغل نفسي بالتنظيف لأنه إذا ابقى أفكر اموت ،، كملت تنضيف ودخلت سبحت حسيت روحي استبردت رحت جبتلي غطه و طفيت اضوية البيت كلها تمددت عله القنفه
خليت سماعات بأذني وشغلت قصيدة ياقارورة
اردد بيها وكل ما تخلص اعيدها ودموعي تصب على وجهي مثل الجمر تلچم بروحي الى ان اتصلت بنين قاطعت صفنني بهل ظلام رديت عليها ،وبس فتحت خط استلمتني عتب .
بنين:-يله حتى لو ما تسألين علينا
احنا نسأل عليج شلونج شخبارج ؟
-ما ردتها تحس بيه جنت ابجي ؛جاوبتها
لان زعلانة عليج يعني ليش ما تجين
معقولة اهلج مانعينج مني ؟
بنين :لا لا منو مانعني،بس انه شفتج مكتفيه
من اجت اختج وصديقتج وماردت افرض نفسي عليجن .
-من كل عقلج، وعاد اختي شلونها
الي يسمعج يكول محتضنتني شو كاعدة
بيتها ما تدري عني .
بنين:-طبعاً ببيتهـا؛انتي مرأه متزوجة واكيد تستحي تكعد وياج ولا انتي ترهم تكعدين عدها ،شتكولين لو نسويلنا سهرة يمج ؛خابريها هيه وصديقتها ونجتمع يمج يوم الجمعة .
-ما ادري اشوف وارجعلج خـبر.
بنين :-تمام انتظر منج خبر .
نهـيت مـكالمتي ويا بنين
وانه حسبه تأخذني وحسبه تجيبني وفكرت اخابرها
لو ابقى زعلانة يلا يجي ثابت وهو يحجي وياها،
رجعت سماعتي بأذني وعدت القصيدة وما ادري شكد مر وقت على كعدتي ،وما احس الا انفتح الضوء لتفتت اباوعله يفتح بالأضوية ويحجي
ثـابت:-ليش ظلمة ،شكو مظلمتها يابه؟
-رجعت غطيت نفسي وانطيته ظهري
وكتله طفي الاضوية ماريده.
ثـابت :-ليش يابه موزين تظلمين البيت .
-انه عاجبني اكعد بظلمة ،خوما تجبرني هم ؟
ثـابت :- ليش انه على شنو جابرج يابه ؟
-ما جابرني ومكعدني
وحدي هنا بين اربع حيطان.
ثـابت:-ليش انتي تردين بشر ،
عازلة نفسج ومنطوية على روحج .
_جاوبته وانه اغلي من بروده
غير انتم ما تردوني واحد يذبني على الثاني .
ثـابت :-ااه منو لما رايدج شلون ما نريدج .
_اي مبين تردوني ذيج الخلتني بيدك ومحتضنه
مديحة وعايفتني ، ،،وانته لمعتبرني مثل الجماد بالبيت ،صفنت بوجه واكثر شيء يستفزني من يباوعلي ويبتسم ،،،،،، نكتت الغطه بعصبية وكمت طفيت الضوى اريد اعبر للغرفة وما حسيت
الا طفر وجرني من ايدي عليه قاصد يرجعني للصالة.
ثـابت:-يابه شبيج اعصابج منهارة وليش هجومية ماعندج لغة تـفاهم منو كال ما اريدج وتفسرين بكيفج
بكل بساطة لو ما اريدج اعوفج؛شو تعاي كعدي كبالي
نتفاهم واستهدي بالرحمن وتعوذي من الشيطان .
_يحجي وياي وهم رجع شغل الضوى
صحت ما تعرف تحجي الا تشغله طفي انه كارهته.
ثابت :- شلون وأسمج ماخذو من ليلة
كلشي بيها ضاوي،ليل القدر رحمة ونور .
_اباوعله يحجي بهدوء دنكت راسي
كعد بصفي ؛فزيت من حركته رفع راسي
بيده وصفن بعيوني .
ثـابت :خلينا نسولف،،، عيوني انتي انه ما تاركج مخليج على راحتج كلت ،،،،خليها تهدأ وتكعد ويا نفسها تقرر يااما نستمر يااما خلاص اخلي سبيلج ،،لا تتوقعين اجبرج على البقاء وياي ؛بس قبل كل شي سأليني انته تريدني ؟ اكلج اي وبقوة انه رايدج يا قدر .
- بقيت اعصر بأصابعي
مد ايده واحتضن ايدي بين كفوفه كانو حس بتوتري وبقى يمسح بحنيه جاوبته وانا اتغاضى عن حركاته ورجعت عيني بعينه ؛واضح تريدني ومكابل مريم وكاعد ؟ رفع راسه باوعلي وهو ياحول يخفي ابتسامته…مد ايده على جيبه وطلع باكيت الجكاير سحبله جكارة وشغلها واخذ منها نفس نفخ الدخان ليفوك . رد بهدوء
ثابت::اول شيء هيه زوجتي .
_رفعت حاجبي . بعدم رضى ورديت بعصبيه
ومادام زوجتك شكو تزوجتني ؟
ثابت::لان حبيتج .
_مدري فعلا حرارتي ارتفعت
مااعرف بسبب كلامه حسيت وجهي صار حار.
مد ايده تلمس خدي عكد حاجبه وهو يسال بقلق.
ثابت::انتي مصخنه ؟
_يسال وايده تتنقل من خدي لجبيني
بعدت عنه . ورديت بتوتر ماعرف
يمكن لان مانشفت شعري من سبحت.
ثابت::الجو بارد يابه مو مال تبقين
شعرج بدون تجفيف.
_هزيت راسي اي. وهو كمل كلامه.
ثابت::المهم ياعيني ،انه ماريد احجيلج
عن علاقتي بمريم ، لاجل لاتعتبريني فرصه.
_باوعتله بعدم فهم . رد
ثابت::القصد اريدج تحبيني تتخذيني
زوج وطن اهل . يعني لو كتلج انه ومريم احتمال ننفصل راح تفكرين ،اي خوش فرصه رجال حاله حال اي شخص يتقدملي ومميزاته مامزوج يكدر يعيشني بالمستوى المطلوب .
_لا مافكر هيج بس انته ليش تريد
تنفصل عنها وهيه حامل . تجاهل سؤالي ورد
ثابت::ماتفاهمنا هيه تريد تكمل دراسه
وطموحها غير عن طموحي .
_عدت عليه السؤال بفضول جا شلون
اطلكها وهيه حامل،،
ثابت::الحمدالله طلعت مخربطه وماكو حمل
وهل شي خلانه نتاخذ قرار الانفصال .هسه
شتكولين ؟ لو ننطني لنفسنا فرصه نتقرب من
بعض ونعتبرها فترة خطوبه . ان رهمنا خير .
_وان مااتفقنا؟
ثابت::كلمن يذكر صاحبه بخير .انه مفكر
نسافر نزور نغير جو .
_كيفك بس شوكت .
ثابت::هل يومين ان شاء الله بس ارتب
اموري بالشغل .
_كتله عله طلب بنين . وصدمني من كال.
ثابت::اي خل ترجع سونه من النجف
واجيبها هنا وانجمعن شكو بيها.
_عدلت كعدتي وانه احجي شوكت راحت
وهيه ويامن وليش ماكالتلي ؟
ثابت::امس راحن ترى طلبت تاخذج
وياها بس انه كتلها نروح سوى .
_نزلن دموعي ليش . احس مديحه اقرب مني
الها يعني حته ماانطتني خبر . تقرب جرني لحضنه
وهو يحاول يبرر تصرفها.
ثابت::يابه ترى مارايحات يتونسن
راحن يزورن امهاتهن تدرين كاسرات خاطري.
_نوب قهرني اكثر بجيت بصوت
عالي وانه احجي حته انه امي ميته هنه احسن
مني يندلن كبور اهلهن اله امي مالها عنوان .
ثابت::انه اخذج الها وقبل ماتحجين ترى
مفكر بالموضوع واتصلت بطارق كال اسال
محمود وارجعلك خبر .
_يحجي ويمسح بدموعي . قاطع حديثنا
صوت نقاله . ابتعدت عنه طلعه ورد
ثابت::ها يابه شصار .
_حجاها وطفر كمزت اباوعله بقلق
وهو شاط يصيح ويعتب فهمت من كلامه
سونه بخطر لحد ماسده سالته بخوف شكو
احس نار واشتعلت بكلبي من حجالي اتمنيت الزمهن اكطعهن بسرعه اتصل واشرلي اسكت .
ثابت::وين انته . تمام تعالي بس لاتخلي
الحجي يحس اكو شي يله استعجل.
_دقايق واجه الباشا ومن حجاله
ثابت السالفه تخبل.
الباشا::تحجييييي صدك شلوون
خليتها تروححححح؟
_من خوفي ركضت للغرفه. وهو خبصنا
بصوته العالي خابرو اياد اجاهم وردت فعله
نفس الباشا تالي كالهم ثابت امشونا مو مال حجي ونضيع الوقت . التفت عليه اشرتله تعال اجه.
ثابت::ها يابه لاتخافي هسه رايحين
نجيهن . اذا ماعندج علاج خابري بنين
ادزلج مولي بس مو تخلينه يضربج ابرة .
_حجاها وغزلي خجلت اكله اروح وياك لان الباشا
ماخله مسبه وشكد تحلف بيها .طلعو
وانه ضليت بس ادعي .
______سلاسل____
_رغم الخوف من مواجهة خال مديحه
الي لحد الان ماوصلنه لبيته . شغل تفكيرنا وضع المنطقه وناسها .درت وجهي احجي وياها ولج وين
صار خالج الاعرج ؟
مديحه::ذابينه بالفتحه السابعه عله كولت
الدفان السألنا عن امي .
_تحجي وتتلفت استقرت نضراتنا
على رجال جبير بالعمر كاعد بركن بيت اتعس
واتعب من حالته شكيت بي مجنون ،،بس ماانطت مجال نفتهم وضعه عافتني وتوجهت عليه ،، مدري شحجت ويا ،،بقيت اباوعلها شجاي تسوي شو مدت ايدها لجنطتها ،عرفت طلب منها فلوس،،،
لحظات وماشوف اله مديحه ركضت بكل قوتها ،باوعت للرجال ماجنه يشوفني دار وجه للجهة،،الثانيه وهيه مستمرة تركض اريد الحكها احس ،،،رجليه ماتعيني وصلت مسافه ودار عليه اشرتلي،،تعاي مشيت وانه اسب بيها لحد ماوصلتها كلبي انكطع،،صحت شكو بت التالف شبيج تركضين؟ دنكت تاخذ نفس ردت وعينها لمكان الرجال.
مديحه::ولج لوتدرين شسوى هل وصخ.
_شسوا؟
مديحه::سالته تندل بيت الاعرج كال
اي اطيني افلوس وادليج .
_اي شفتج
مديتي ايدج لجنطتج. هزت ايدها .
مديحه::اول مرة انطيته الف . ماراده ،رديت الالف وطلعتلته خمسه كتله هاك هاي بس كلي وين بيت الاعرج.
_صحت بيها . واكيد من دلاج اخذتي الخمسه
وشردتي مو اعرف سوالفج العوج . ردت وهيه تضحك .
8
مديحه::هععهععهعه لا وروح امي ولج دخل اكمل.
_هيه قصه ماتحجيين . مو راح يصير اليل .
مديحه::كال ماتكفي لان بجامتي مشكوكه.
حجاها وفتح رجليه .متعمد يلفت انتباهي ل،،،،،
61
_باوعتلها اريد افهم 'صفنت ثواني لحد مااستوعبت
الكالته فكيت حلكي بصدمه التفتت اباوعله ورديت اباوع عليها تضحك من كلبها .
4
مديحه::دمشي امشي خل انشوف بلكي
احد يدلينا .
_صارت بصفي ،لزمتني من ايدي تمشي بيه
ضليت اتلفت، وهيه مستمرة تعيد بموقف المخبل
بس انه عكس تفكيرها خفت من الصار لان هذا دليلي عله المنطقه خطرة . وبين تفكيري وكلامها صادفنا وليد
صاحت عليه.
مديحه::ياوليد تعال اكلك عفيه ماتندل
بيت الاعرج .
_رد وهو ياشر عله مجموعه بيوت مقابيلنا.
-هذا البيت البابه احمر .
_حجها وركض . التفتت عليه وهو تحجي.
مديحة::خاف تكولين خالج موزين شفتي
من كثر ماذواق،، بابه احمر وهذا دليل عله انه مثقف.
17
_دفعتها . مشينا لحد ماوصلنه الباب الي كال
عليه الولد وكفنا نرتب كلام اذا سالونا منو انتن
اباوع لسياج البيت الي مبني ساف بلوك وساف
طابوك مثلم والباب مزنجر بحيث مايل لونه للحمار.
التفتت عله الي تسالني .وهيه متقدمه للباب.
مديحه::ها ادكه ؟
_هزيت راسي اي. ،،،دكت الباب شويه وسمعنا
صوت مرة تصيح منو ردت عليها مديحه احنه احنه
انفتح الباب وطلت علينا مرة متوسطه بالعمر شادته راسها بشال حجيت بكلبي ثاري وراثه ،،،وانه اكول منين تعلمت مديحه تشد الربطه وكل ضني تقلد صوله خذتلها صفنا بوجوهنا وعبال سونار كشف . ردت تسال .
_شتردن منين انتن؟
مديحه::جايين عله الاعرج.
_ردت وهيه تعدل الربطه الي عله راسها
التفت عله مديحه وفهمت نضرتي دنكت تخفي ضحكتها .وفاجئنا جواب المرة من كالت.
_بطل مايشتغل اعتزل . روحن شوفلجن
دكتور احسن هسه الطب اطور وبعد ماكو شي مستحيل شو حته يصنعون بشر.
3
_مافهمنا كلامها،ضلينه وحده تباوع للثانيه
دارت وجه تريد تدخل صاحت بيها مديحه
مديحه::اوكفي خاله احنه جايينه بشغله
انتي بس كليله من الصعده من طرف سنيه.
_التفتت علينا . وهزت ايدها بعدم رضى.
_كتلج مايشتغل . روحن منا ،
_نبهني صوت نقالي عرفته ثابت
مديت ايدي لجنطتي طلعته فتحت خط وانه
فشلانه منه حجه بنبرة اتبين زعله.
ثابت::ها يابه شصار وياكم؟
_حجيت وعيني للمرة . تونا وصلنه لبيت
الرجال ، بعدنه ماشفنا .
ثابت::خوش عود اطيني خبر بالي يصير.
_سديت النقال . ورجعته لجنطتي
وهنه مستمرات يداهرن المرة رافضه دخولنه.
مديحه::خاله بس افهمي انه جايه
اساله عن ناس هو يعرفهم . ترى انه اصير
بت اخته والله شبيج روحي كليله وشوفي.
_ابتعدت من الباب مسويتلنا
مجال ندخل وهيه تباوعلنا بنضرات فاحصه ،،
طبينا وعيوني دور بالمكان،، الكاع مامصبوبه ساحه وبنهايتها غرفه،، رفعت راسي اباوع للسكف جينكو . نبهتني مديحه وهيه تحجي بصوت ناصي .
2
مديحه::شبيج عبالك داخله متحف .
_وصلنه لمدخل الغرفه . والضاهر نايمين
فزت بنيه تجي بعمرنا ركزت بشكلها حلوه بس انصدمت من شفتها تاشر بحركه عشوائيه
فهمت تسال بمعنى منو هذن ؟ . جاوبتها امها
_خطار . دروحي كعدي ابوج كليله جاينك ناس.
_حجتها واشرتلنا اكعدن كعدنا وحده بصف الثانيه
وماكدرت مديحه تلزم لسانها تقربت تحجي مسمعتني.
مديحه::خرسه التدك بالباب ،عرجه التفك بي
مكرم البل بيت شلون اطب ليه ؟
_خزرتها تسكت ،لان المرة تباوع علينا
بلعت ريجي بخوف وانه احاول احجي بلطف
وجهت سؤالي الها جا وينه الاعرج ، رفعت حاجبها
بعدم رضى وردت ،
_قصدج شيخ غني ؟ هسه يجي راحت
طماطه تكعده .
_كامت وهيه تصيح .
_طماطه وينج جيبي للبنيات ماي.
_واكيد مديحه ماتفوتها بدون تحشيش
مديحه::اذا غنيهم الاعرج . جا فكرهم شلونه؟
_رديت وانه صاكه عله سنوني،فكرهم ابو بجامه مشكوكه فكت عينها بخوف وعبالك تذكرت . قطع حديثنا دخول رجال يتكه عله عوجيه مدري توثيه
ولاف عليها قماش مسويلها ممسك ،،ايطفر اطفر وكل ضني رجله مكطوعه بس من ركزت شفته ثانيها سلم .
الاعرج::سلام عليكم.
_ردينا انه ومديحه وعينه عليه
كعدومد رجله وخله العوجيه بصفه .ويباوعلنه بتساؤل. حجت مديحه وهيه تعصر بأيدي.
مديحه:اانه بت سنيه .
_رد وهو يهز ايده.
الاعرج::وينها امج ؟
مديحه::ماتت صار فترة .
الاعرج::وهاي اختج ؟
مديحه::لا جيرانه.
_باوعلها بشك .وهو يسال
الاعرج؛؛ياهو بتمن .
مديحه::بت راضي.
_راضي العبد؟ ونجيه امها لو غيرها.
مديحه::اي نجيه . جا خلفها من سلوم
_ضلت تحجيله عن الصار وموت امي
وجويسم وجعفر .وابوي .هز ايده
الاعرج::يله كلنا انموت وهسه احنه عايشين
شو مدفونين بالدنيا .
_سكت شويه ونوب سالها.
الاعرج::وانتي شلون اندليتيني؟
_حجتله عن الصار بالصعده وموت امها
الى ان وصلت لحد معرفتها بمكانه عن طريق
سليمه .
الاعرج ::وهسه سلوم وينها؟
مديحه::مو اكلك انسنجت ١٥ سنه.
_كمزت من فزت مرته .وهيه تحجي بشماته.
_قليل بحقها ١٥ سنه كون اعدام .
_سكتت بدخول طماطه وهيه تنزل الناركيله
بحذر خلتها كدامه . والمرة مستمرة تسب بسليمه
وهو ولا جنه يسمع ،لزم الجمرة بمنكاش الفحم
نفخ عليها ورجعها فوك المعسل والتفت علينا.
موجه كلامه لمديحه.
الاعرج::وهسه شنو المطلوب مني
شتردين جايه .
_ردت بعبرة.وصوت مخنوك .
مديحه::اجيت لان مابقالي احد بالصعده
كتلك هاي الفترة كلها انه كاعده بيت سلوم
الاعرج::خوش ضلي بيتها.
_بجت مديحه وهيه ترد عليه.
مديحه::اكلك بحدي بالصعده واول وتالي
سلوم تطلع ويمكن تبيع البيت .
الاعرج::شيطلعها كولي تموت بالسجن.
مديحه::افهم من كلامك تكلي رجعي للصعده؟
الاعرج::جا شتشوفين حالنه. ترى الصعده
احسن الج .
_ادخلت زوجته؟ ومارتاحيت لكلامها.
_يعني تردين تبقين عدنا؟
مديحه::وين ماجن المهم اكو من يعرفني
عله الاقل بينكم ،زين انتو ماتندلون الرجال
الخلفتني منه امي .
الاعرج:لا وين نطيح مدري ميت هسه.
_حجها وكام طلع من يمنا . ضلت مديحه
تناشغ وتمسح بدموعها . عيني لطماطه
الي تباوعلنا بفضول . حجيت بكلبي نوب فوك الضيم
خرسه ،تمعنت بشكلها حلوه كلش كامت ولفت انتباهي
صوت الحجل الي برجلها . كتمت حسرتي لحالها
والتفتت عله مديحه الي تحاول تقنع مرة خالها.
مديحه::زين اذا العيشه هنا صعبه
ليش ماتجون للصعده ترى الاجارات رخيصه بيها
واذا تكولين ماعدكم ادفعون تكعدون وياي بيت
سلوم لحد ماتطلع احنه مدبرين امورنا .
_ غلست متجاهله كلام مديحه
.وردت بسؤال خله شكي وخوفي يزيد .
ام طماطه:وانتي شعجب لهسه مامتزوجه. عاد سلوم
صيداتها ثكيله ليش ماعرفتج عله واحد بي حظ.
مديحه::انه ماجنت اشتغل وياها .
_جا ويامن اشتغلتي؟
مديحه::لوحدي اجدي واطي نص للنصافات
وهيج خلصناها انه وامي.
_يحظي هيه الجداوى بيها عيشه.
مديحه::اي عله كد حالنه.
ام طماطه::ومن اتلزمج شرطة المتسولين
شيطلعج؟
مديحه::مرتين مدري ٣ مرات لكفوني
وتوقفت ايام وطلعوني.
_فكت حلكها مرت الاعرج مامصدكه
وردت سالت مديحه بشك.
_شلون يهدونج .غير يفرون المراكز كلها
بيج لان ماعندج جنسيه.
مديحه::لا انه عندي الجنسيه
الي مسجل بيها اسم خالي .
_لطمت زوجه الاعرج . وردت عليها.
ام طماطه::ولج ياخال هو احنه منيلنا جناسي ،،حته يسجلج بااسمه . خاف هاي تزوير،،ديري بالج تكولين انه غجريه وعدي جنسيه.
_التفت عليه مديحه وهيه تسب باليوم
الي انولدت بي،كسرت خاطري ردت سالت زوجة خالها
مديحه:هسه شتكلتي ؟
مو احسن الكم منا ترجعون وياي للصعده.
ام طماطه::مانكدر احنه مطلوبين هناك
واذا سمعو بينا ردينه اينعلون والدينه خاف
كبل عيبو رجل خالج هل مرة يخلصون علينا.
مديحه::ليش شمسوين ؟
ام طماطه::اوف اوف كله من سلوم
واله جنه عايشين بخير بنص الصعده .
_وانصدمنا بلي حجته .
ام طماطه::جنه كاعدين بكراج السكراب وعايشين حالنه حال اهل الصعده مرة،حفله يوم سهرة خاصه . بس الحيه ام راسين،زنت براس غني وقنعته يسوي روحه عارف ويكشف للنسوان .
مديحه::مثل طشه ؟
ام طماطه::مااكفت سلوم وطمعت من شافت
الشغله سهله وتجيب فلوس هواي ولان هيه
تطلع وتتخشش بين الناس كامت تسويله دعايه
شيخ غني ماكو مثل شغله حته العاجر تحبل من علاجه.
_قطعت حديثها وهيه تاشر لطماطه
تناوشها الناركيله . كامت دنتها يمها
جرت القامجي ومسحت مقدمته بايديها
سحبت نفس وردت كملت سالفتها.
ام طماطه::ومنو يكره الفلوس خالج عجبته
الشغله وضل يحضر جلسات الزيران مال طشه
وسلوم تجيبله بخور وسوالف مال سحر .
_وكل ضني شغلهم مثل جلسات الزار
لان اعرف بسوالف طشه وجماعتها فما استغربت
كلامها بس الي صدمني من حجت الصاير وياهم.
ام طماطه::واستمرينا بشغلنه
وصار اسم غني بالوصف وتجينا اشكال
النسوان وبيهن الي تقبل وترضخ لطلبه وهو يقنعها
انو العلاج يطلب هل شي .
_التفتت عله مديحه الي وجها كام
ينطي الوان . والضاهر تفكيرها مثل تفكيري
انو شغلهم متعدي شغل طشه . والاكد شكوكي كلامها.
ام طماطه::ومثل كل يوم اندك الباب
ودخلت علينه مرة انبهرت بشكلها
وشخصيتها مبين عليها الخير . دخلتها وانه احجي بكلبي اليوم الصيده ثكيله .كعدت وهيه تتلفت و
مامقتنعه ومبين مامتردده عله هيج اماكن حاولت اجاملها بس مانطت مجال وطلبت تقابل الشيخ .
_كلت بكلبي شيخ . الكاوليه. من الله ينتقم
منج سلوم يوميه اكتشف سالفه شكد مسويه مصايب.
ام طماطه::ودخل عليها ومثل كل مرة،شرح الها طريقة العلاج وطلب منها مبلغ وبدون ماتعامله مدت ايدها لجنطتها وشمرت عليه الفلوس والضاهر عرف ،ماراح ترضخ لطلبه بسهوله وتفاجئت من كالها زوجتي الي تدهنج وتكتب الطلاسم عله جسمج .
_وخذتني ذاكرتي لجلاسات الزار والصار
بقدر وشلون خلونه نرضخ لهيج سوالف تحسرت
بصوت مسموع ودرت وجهي اسمع باقي حديثها.
ام طماطمه::دخلته للغرفه وشعلت البخور
وانتن تعرفن بخور الزار . اشرتلها نزعي وتمددي نفذت بدون قناعه. لزمت الريشه وغطيتها بالزعفران وكتبت على ضهرها وبطنها . وكتلها تمددي خل الدوى ينشف حته ادهنج مرة ثانيه.
_هيه تسولف وانه عيني لمديحه
الصافنه بمرة الاعرج وكأنو جاي تباع فلم
لو تسمع قصه . وسحبتلها نفس من الناركيله
وردت كملت سالفتها
ام طماطه::طفيت الضوى وشمرت
البخور بنص الجمريه وطلعت . وخالج
جان واكف منتضرني
الاعرج::ها بشري؟
ام طماطه:: كتله كملتها ضل شويه ونوب
دخل عليها وكل ضنه داخت ومراح اتحس بلي يسوي وبعد مادخل بدقايق ماحسيت اله صوته وهو يصيح عليه الحكيلي ركضت بخوف عبالي المرة ماتت ،،دفعت الباب وماشوف اله خالج بالكاع وهيه فوكه ايد خانكته بيها وايده الثانيه اتكفخ بي.
_الفتت عله مديحه الي دنكت تخفي ضحكتها
وحجيت بصوت ناصي مسمعتني .
مديحه::كون المرة هيه الراكبته،ولو خانكته وموته
من ذيج الساعه.ومخلصه النسوان من شرة .
_والضاهر ام طماطه سمعتنا ردت وهيه تضحك.
ام طماطه::يا جا لو ماانه مخلصته منها
كتلته خلاص .
مديحة::وبعدين شصار؟
ام طماطه::جريتها اريد ابعدها
عنه شو هاي عافته وجلبت بيه. استلمتني
دك وخالج النذل خلاني بيدها وشرد .ماهدتني لحد مانعنعت اعضامي وهلست شعري هلس دفعتني ودنكت
عله ملابسها جرتهن وهيه تسب وتغلط وتتحلف بينا.
_وماكدرت اسيطر عله روحي ضحكت
بصوت عالي وانه اسالها يعني كتلكم
وهيه مصلخه؟
ام طماطه:كولي همزين مصلخه
لو بملابسه جا كنست الشارع بينا.
_اريد بس اسكت ماكدرت لان اتخيل
شكل المرة وهيه ادك عليهم . التفتت عله
مديحه الي انمطلت من الضحك .
_وعبالك ام طماطمه هستوها يله انتبهت
للسالفه وكعدت تضحك من كلبها . ومديحه
تسالها بفضول .
مديحه::كملي بعد خالج .
_نزلن ادموعي عله حال مديحه
تضحك بقهر . انشحطت كامت طماطه بخلخالها الي يرن جابتلنا ماي شربنا .وهاي مستمرة تسولف واحنه نستمع بفضول انريد نعرف بعدها شصار.
ام طماطه::طلعت المرة وحته ماداعتنا،بفلوسها وهذا الي نسانا الكتله وعبالنه مثل باقي النساء الي ترفض طريقة العلاج وتروح بعد ماترجع بس ماحسبنا راح تسوي بينا هيج.
مديحه::شسوت؟
ام طماطه::بعد يومين نسينا السالفه
وبليله ضلمه اندك الباب وجفتو علينه مجموعة
زلم ملثمين واحدهم بطول الباب . كضو خالج
عدمو العافيه، وعله اثرها سكطت رجله
بوقتها جنت حامل بطماطه بشهر السابع من الخوف
صارت عندي ولادة نقلوني للمستشفى وخالج احتار بي ربيع ومنا لملمنا غراضنا وشردنا . لان هددونا اذا صبح الصبح واحنه ماطالعين من البصرة يذبونه بالسجن ويطلعون شكو مصيبه سويناها .
_ وعرفت الحال
هنا العن من حال الصعده .الفتت عله مديحه
وهزيت راسي بعنى ها شقررتي . ردت موجها كلامها
لام طماطه بقهر وعبرة تسال ودموعها تصب.
مديحه::احنه ليش مانرد لاصلنه
يعني بلدنا الاصلي وين . المن باقين هنا.
ام طماطه::خاب صخونه مال حصونه
يابلد هو احنه فكينا عيونا هنا . واهلنه يكولون
نرجع لكابول او قبائل الهند وتوزعنا بين البلدان .
دكومن غسلن وانه راح اسويلجن لكمه .
_رفضت محاوله افهمها انو احنه
لازم نرجع لان الطريق بعيد .ردت وهيه تكوم
ام طماطه::وين ترحن ؟ بالنسبه لمديحه
بعد شعدها راجعه وانتي ابقي اليله هم
نتعرف عليج وهم تشوفين بقية ناسنا راح اخليهم
يسوون كعدة نحتفل بجيتجن .
_وبس طلعت جريت نقالي وانصدمت
من شفت الساعه يعني ضلمت الدنيا
بسرعه دكيت عله ثابت رد بقلق .
ثابت::ها يابه وين انتي ؟ شنو صار .
_مالحكت احجيله دخل علينا الاعرج
ايطفر . ضليت ابلع بريجي وماعرف شحجي كتله
ها اي احنه بيت خال مديحه اي خوش ناس احجي وعيني للاعرج الي واضح منتضر اخلص مكالمتي
بس الضاهر ثابت حس بيه سالني بقلق .
ثابت::احد مقيدج ليش مرتبكه؟
_اكفيت بكلمة اي .
ثابت::سونه فهمت عليج خليج هادئه ولاتثيرين الشك خاف ياذوج بس مسافه الطريق وانه يمج .
لا تكولين راح يجون عليه.
_سديت النقال .وانه اباوع للاعرج الي
وجه كلامه لمديحه. .
الاعرج::شعدج رايحه انتي اجيتي ،،بعد ابقي هنا حالج حالنه وحته بت راضي اذا تريد هم خليها وياج .
_عرفت زوجته حاكتلها خطه . رديت بخوف
لا انه اروح لان رجل اختي مايقبل اضلن .
الاعرج::خوش عود الصبح انه اوصلج
لكراج السيارات لان هسه المنطقه خطرة اذا
طلعتي يلكفونج.
_اي اي ابات والصبح اروح
هز راسه تمام وطلع . التفتت عله مديحه
شو ساكته بت التالف شنو عاجبج تبقين .
مديحه:شوري عليه ابقى واعيش
مصيرهم لو .
_ماخليتها تكمل . صحت بيها
تحجين صدك ولج واضح شغلهم .وقبل ماترد عليه
دخلت ام طماطه بيدها صينيه بيها تمن وروبه خلتها كدامنا رغم جوعانه بس خفت اكل . كعدت وعينها لمديحه الي انخبط لونها .
ام طماطة::يله اكلن لايبرد التمن .
_همزين مديحه تعذرت .
مديحه:قبل لانوصلكم اكلنا عود اذا نجوع
نكلج صبيلنا بس شبعانين .
_الوقت صار شطوله ضلينه
وحده تباوع بوجه الثانيه طلبت منها اكوم للحمام
اشرت لطماطه تاخذني طلعت من الغرفه وانصدم
بالاعرج ناصب بطله باوعت الدنيا مضلمه خرب شلون
نسينا ارواحنا دعيت بكلبي كون ثابت مايتاخر.من خوفي حته للحمام مادخلت غسلت وجهي جوى البوري الي بالحوش ورديت لكيتهن يسولفن.
ام طماطه::مو كلها اكو بطلو سهرات
وشالو لغير محافظات اشتغلو حمالين بالسوك
لو عمال بمحلات وضيعو روحهم بين الناس
وبيهم يرحون بمواسم الزيارات يبقون هناك فترة يجدون ويجون .
_ضلينه نستمع وكل اشويه اباوع لنقالي
تعدة الساعه العشرة بليل احس ضهري انكطع
من الكعده وجعت . رجلي اذتني خفت اشرب المسكن
لان يخليني انام . وطماطه وامها ساعه يكعدن يمنا
وساعه يطلعن يم الاعرج . ادنت مديحه عليه تحجي بصوت ناصي .
مديحه::حته مانكدر نشرد .
_كل عقلج ماتحرك لحد مايوصلنا ثابت
ترى اذا طلعنه يخفونه ويضيعون ذكرنا معليج
بكلامها جذابه الوضع هنا زايد عله الصعده .ردت وهيه تاشرلي عله ركن الغرفه .
مديحه::بدون ماتحجين مبين من هاي
الربابه الي معلكه الضاهر الاعرج بطل شغل
السحر ورد عله الربابه.
_باوعت للاله الي معلكه . واخذتني
ذاكرتي لاايام ابوي من جانت امي تعاركه
وهو يكلها ياربابة الماتخلص ولا تسكت . تحسرت
نبهتني مديحه وهيه اطكني باوعت الها تاشر بمعنى سمعي مافهمت عليها حجيت من بين سنوني ها عجبج
تقلدين لو تجربين شعور طماطه ؟
مديحه::ولج اسمع صوت غنى ودك بس
بعيد يعني المنطقه بيها سهر .
_لا بشرفج عود مكتشفه شي مهم
اسكتي لا اصفكج بالعكازه لان رجلي موتتني
ومثانتي راح تنفجر .
مديحه::جا مو رحتي للحمام ؟
_ولج خفت ادخل ويسوون بيه سالفه
يتراولي يقفلون عليه الباب الاعرج ناصب بطله.
مديحه؛؛دكومي انه هم انكتلت اوكفلج . وتوكفيلي.
_طلعنه نتلفت لكيناهم كاعدين
ويمهم وحده بعمر مرة الاعرج رفعت راسها باوعتلنا.
والتفتت تسالهم عفناها وتوجهنا للحمام بسرعه دخلت وطلعت وكفت لمديحه . ردينا للغرفه .
مديحه::مددي حته ترتاح رجلج .
_خاف اغفه .لان ميته تعب.
مديحه::انه اضل كاعده لاتخافين.
_لا معوده خلينا وحده تنبه الثانيه
لحد مايجينا ثابت والله فشلانه منه.
مديحه::كله مني انه اتعذر منه وافهمه.
_كسرت خاطري تمسح بدموعها مديت
ايدي لزمت ايدها . لا تكولين هيج انتي اختي
هايه هيه اجينا حته لابيوم تجين لوحدج همزين عرفنا
الوضع هنا خلص نعيش انه وياج وين ماتوصل توصل .
مديحه::الله لايوفقج سلوم تدرين تعمدت
تودينا لهنا .
_عدلت كعدت وصفنت بكلامها
معقوله؟
مديحه::اي الي سوت كل هاي المصايب
كلشي توقعي منها والا ليش ماحذرتنا .
_تاخر الوقت دخلت طماطمه اخذت الالة العزف
وطلعت ورا شويه بده صوت الربابه ،باوعت لمديحه هزت ركبتها من حركة كلبنا ضحكنا. وعله هذا الحال
بقينا ساعات واحنه نجاهد النعاس بحيث مديحه
تفتح عينها بديها . دخلت علينا ام طماطه
وتفاجئت من طلبها.
ام طماطه::اكلج ماتنطيني نقالج
رصيدي خلص واريد اخابر عله ابن اختي يجينا .
_ماجادلتها ولا رفضت . لان اعرف الها غايه
مديت ايدي انطيته الها . خذته وطلعت .
مديحه::ليش اطيتي ؟ولج شلون راح يوصلنا
ثابت .خرب ابوج عله هل دكه .
_غمزتلها بمعنى اسكتي . مافهمت حركتي تمددت بحظنها وانه احجي بصوت ناصي خليهم يأمنون حته لا يسحلونه لغير مكان وساعتها ،الجن الازرك مايندلنا .
مديحه::ماضن ثابت يلحك علينا.
_عيوني قفلن وتعبت احس رجلي
تسعر من الالم . غفيت وفزيت مرعوبه اتلمس
لزمت ايدي وهيه تحاول اطمني .
مديحه::اسم الله شبيج هاي انه يمج.
_بعدني مارافعه راسي دخلت ام طماطه
بيدها مخاد وبطانيات شمرتهن وهيه تطلب منا
ننتقل لغير غرفه .ردت عليها مديحه.
مديحه::خلينا هنا هو خلص اليل
وسونه بس يكشف الوكت تطلع .
ام طماطه::عفيه مالي حيل اداهر
كومن لان خالج مايعرف ينام بغير مكان.
_من نبرتها عرفت حانت ساعة الصفر
ومنتضرة منا نجادلها وتسحلنا لزمت ايد مديحه
وسندت روحي غمزتلها اسكتي وسحبت عكأزتي وكمت
وهيه كامت وياي وبعدنا بالحوش وام طماطه تاشرلنا
عله الغرفه الثانيه . اندك الباب التفتت متفاجئه بس انه عرفت وصل ثابت . تقدمت وهيه تصيح .
ام طماطه::منو ؟
_وانصدمت من سمعت صوته.
الباشا::فتحي يابه .
_اشرتلنا بمعنى ادخلن
تصنمت بمكاني . ومديحه .تتلفت صاح بينا
خالها وهو يكوم مستند عله عوجيته
الاعرج::دخلن جوى .
_تقدمت فتحت الباب دفعها وجفت وتفاجئ
من شافنا واكفين . دخلو ورا ثابت واياد طفر
ضلو الاعرج ومرته واحد يباوع للثاني بخوف .
ام طماطه::خير منو انتم اذا حكومه
ترى ماعدنا شي وهذن بنات اختنا خطار.
_تجاهل كلامها وتقدم علينا دنكت من نضرات
ثابت واياد حسيت بيهم يلوموني . كزمت من صاح بيه وعيونه تجدح
الباشا::انقلعيييي شمنتضرة .
_حجها وطلع وتبعه اياد، رفعت راسي لثابت تقدم لزمني من ايدي ومديحه تمشي وراي بخوف وهمزين هيه تذكرت نقالي كالتله.
مديحه::نقال سونه عدهم.
_طلعنه ورجع عليهم . باوعت الباشا
يمشي كدامنا واياد ماكو . كلتالها اوكفي خل يجي
ثابت ويه حجايتي دار علينا الباشا ضل يباوع ويمكن
لا حض لوحدنا رجع بطوات سريعه .يسال بقلق
الباشا::ثابت وين ؟
_اشرتله بمعنى رجع زمخ بيه.
الباشا::ماتحجين انخرستي .
_نقذني صوت ثابت .
ثابت::ها يابه ليش واكفين . يله ترى
المكان تعبان .
_مشينا واحنه نتلفت الشارع اضلم
التفت عليه الباشا وهو يستعجلني
رديت بقهر ترى رجلي . ولو ادري ماحجيت رجع بطوات سريعه جر العكازه شمرها وجرني صرخت بوجع
ثابت::شبيك يمعود ترى مو وقت سوالفك.
_ماجنه يسمع حط اديه بخصري وشالني عبالك جيس طحين وشمره عله اجتافه ،،صار واباوع لثابت ومديحه من خوفي لايطيحني جلبت بي يمشي ويسب بيه.
الباشا::جا ماوجعت رجلج من اجيتي؟
هاي وانتي مكسره وتمشين عله عكازه
وصلتي للغجر . يابه اذا خليتج تزحفين
بس خل نوصل لبيت هينه .
_نزلن دموعي من الفشله . لحد ماوصلنه السيارة
ركض ثابت فتح الباب وهو نزلني بالخانه البنص
وطبك الباب حيل . كال لثابت .
الباشا::روح ويا اياد .
_ التفت عله مديحه
اشرلها صعدي صعدت بصفي عرفت ثابت ماراح
يخليني سحب الباب وصعد بالصدر . احس السيارة
تريد اطير من سرعته .
ثابت::يابه لا تكلبنه .
_صاح وهو يطك الاسترين بقوة.
الباشا::شجابجن شوصلجن هيج
ضاله ام اعطوب تلعب بكيفها .كتلك هذن ماينطن عين انته ماتعرفلهن بس سلوم دواهن جان مشيتهن
مثل المسطرة . بس هينه انه الجن .
_مديحه من خوفها ادنت حشرت روحها
بيه حجيت بصوت ناصي ولج رجلي موتتني.
مديحه::كله مني الله ياخذني كون واخلص.
_سكتنا صوته.
الباشا::اسسسس ماريد اسمعلجن
نفس وانتي يابه شراح اسوي بيج ليش ضاله
ادورين اهل اريد هسه انه اوديج يمهم اذا مادفتنج
وانتي عدله شلج بيه .
_مدري من الخوف ماادري من سرعة السيارة
ماحسينا بالطريق باوعت طبك اباب بيت ثابت
كلت راح ينزلنا هنا بس انصدمت من كاله
الباشا::انزل .
_التفت علينا ثابت وبعده ماحاجي
صاح بي .
الباشا::يابه وداعت الحجي اذا
مانزلت انزل اخليها جوى التاير وخليها
العمر كله كاعده .
ثابت::يمعود دعوفها. قابل
انه قابل عله تصرفها بس صارت بعد.
الباشا::انزل انه اوصلهن لبيتها
واحجي وياها قابل راح اموتها بس يردالها
كتله زينه وجرة اذن .
_كشف الوقت وصار الصبح
بدت الناس تطلع الي عنده شغل
والي عنده دوام . خفت الجيران تنتبه كلت لثابت
روح هز راسه ونزل وهو يوصي بينا.
ثابت::توصلهن وترجع اريدك .
_هز راسه اي وحرك وصلنه لبيتنا
نزل وصاح عله مديحه تفتح الباب.
اطيتها جنطتي طلعت المفتاح ونزلت تقدم
راد يجرني بعدت وهو تخبل .
الباشا::ها خايفه لو مستحه
جا مافكرتي من دخلتي بيت الاعرج.
_نزلت اكمز اتكمز دخل وراي وطبك الباب
وبس وصلنه الصاله كال لمديحه .
الباشا::اختفي من كدامي احسابج
بعدين .
_ماصدكت الزم القنفه كعدت
وانه اعصر برجلي الالم موتني .تقدم يحجي
وهو صاك عله اسنونه .
الباشا::كلت ابعد واحترم رفضها وخليها عايشه
بينا وتحت انضاري بس مال ،،تخوطين وتخربطين وتمشين بكيفججج ،،وتجرجرينه وراج لدروب المزبله لا يابه هنا اعاملج بااسلوب ثاني . سمعي .
_ماجاوبته رد كال .
الباشا::اسمعي . من الساعه وهاي الحظه
ممنوع منعا باتا تعتبين باب الصاله مو البيت.
اذا لمحت لو عرفت خاطيه خطوة اسحلج سحل
فهمتييييي ؟
_حسيته ايدوس ابطني ومنا رجلي ،،الي اشتعلت
نار رديت بصوت عالي ترى ،،زايده منك باشا مدخل روحك انه خابرت ثابت ،،لا وديت عليك ولا طلبت منك تنقذني وهم مشكور ونعم الله انه احجي وهو
ينضرلي .سكتت .
الباشا::كملي وبعد ؟
_اي مو تشرط عليه ،،وكانو انته ولي امري مو من حقك اطلع اطب الطم ،،لا انته ابوي ولا اخوي ولا رجلي .تقدم عليه وهو رافع حاجبه دنك لمستوى وجهي وكال .
الباشا::وهو هذا الصحيح. لان انتي
ماتنلزمين وعليه ياسونه نوثق حكمي عليج.
صباح الخير . شلونكم ان شاء الله بخير
انتضر تعليقاتكم بين الفقرات
ماراح اعتب عله الي تجاوزت بالتعليقات .
تركت الامر الكم .
بدال تعليقاتجن السلبيه وخابصاتني وانتن
حته تصويت ماتصوتن عيوني التنزيل عله التفاعل
اريد اشوف تعليقات بين الفقرات اذا التفاعل قليل
ميسوي واهس مانزل
