رواية الفصلية هدير الفصل الرابع عشر بقلم مرج البحر
جاسم : من كلت لهدير تعاي نامي هاي طارت من الفرحه عبالك منطيها جائزه نوبل 😹 انتضرت شويه تنام حتئ احضنها وانام نمت حسيت الساعه 4:00 لكيت هدير ماگو .
هدير : نمت ساعه وكعدت ساعه 3:00 سويت جدولي بس مجان عدنه دروس بس جغرافيه
وقريتها كملت ونزلت اكلت البقه من الغده وكعدت نضفت البيت وكعدت اريد اسوي عشا نواشف كصيت البطاطه وخليتها بمي وملح وسويت بورك وكملت بس بقه عجين بورك سويت بي الحلو قطايف واجه جاسم كعد يمي .
جاسم : هاهدوره شتسوين
هدير : احضر العشه
جاسم : بس بعد بوكت
هدير : ميخالف
جاسم : براحتج كملتي دروسج لو لا
هدير : ي نعم اجل يس
جاسم : هااا خوش بنتي الشطوره
هدير : ي
جاسم : لعد روحي جيبي كتابج حتئ اسمعلج واذا حافضه الج هديه واذا لا عقوبه شكلتي
هدير : تدلل راح اكوم اجيب الكتاب رحت جبت الكتاب واجيت كعدت كدام جاسم وهو لازم الكتاب ويسال واني اجاوب لحد ماكملنه .
جاسم : عفيه بنوتي شتردين جائزتج اليوم
هدير : لاماريد شيء
جاسم : شبيج هدير ضايچه
هدير : تعبانه شويه
جاسم : لعد راح اروح اجيب حلويات ونباوع فلم ترگي زين
هدير : زين رحت حضرت شاميه وتذكرت رنا خطيه شكد مشتاقتلها واتذكرت من جنه نباوع الفلم وكاعدين سوه
:* ذكريات حلوه مؤلمه :*
جاسم : رحت للمحل اشتريت حلويات وعصائر ورجعت للبيت شفت هدير مسويه شاميه وكاعده بالغرفه انطيتها الحلويات ورحت جبت الفيشه حتئ اشغلها من التيلفون لتلفزيون
هدير : اكلك اكو واحد هسه يباوع فلم ساعه 6:30 غير وكت اليل
جاسم : هي هاي هيه بليل وانتي باجر صباحي شيكعدج عيني
هدير : اي هم صح بس شنو اسم الفلم
جاسم : فلم تركي اسمه
: * اخر ماتبقئ منگ لي:* حيل حلو يله تعاي راح اشغله
هدير : اجيت كعدنه نباوع علئ الفلم وناكل واني متت من البجي علئ البطله واحجي واكول خطيه متستاهل هيج يصير بيها خلصت الباكيت مال كلينكس وجاسم يضحك عليه كتله نيالك شلون متتاثر اخر شيء تعبت من البجي محسيت علئ روحي الاواني نايمه
جاسم : كعدنه نباوع علئ الفلم وناكل وهدير بس تبجي علئ بطله وتكول ليش خطيه وحرام واني خربان ضحك عليها 😂 خلص الفلم واني مسمعت بجي هدير درت وجهي لكيتها نايمه ياربي شو هاي تنبل مال نوم بس تنام جعت رحت للمطبخ فتحت الثلاجه لكيت هدير مسويه بورك كليت وكعدت اكلت ورحت فوك تصفحت بالنت لحد 9 وغطيت هدير وفكرت هيه نايمه ومامتعشيه شلون وضليت اتمعن بملامحها لحد منمت مااحسيت لا الصبح ساعه 7:30 كعدت هدير وبدلنه ونزلنه بساع بساع وصلت هدير للمدرسه وطلعت للجامعه
هدير : جاسم يوصلني للمدرسه ويرجعني واني بالمدرسه عاديه احضر دروسي واجباتي بس هاي الايام شذئ مادري شلونها تباوعلي بنضرات توعد مع العلم مامسويتلها شيء ممن اخر عركه صارت بيني وبينها من دگ الجرس چاي نطلع اني وعشق ونضحك جان شذئ تجي كدامنه اني وعشق وتعيط
شذئ : لج ليش مكلتيلي انتي والشاب الاجه وياج متزوجين
هدير بااستهزاء : وانتي شنو باالموضوع خاف انقهرتي لان ماحصلتي فريستج الناويه عليها واني اخذتها وانتي ضليتي لاتطولين سماء ولاكاع اذا تريدين عنده اخ احجي وياه بلكت يحن عليج وياخذج وغمزتلها ورحت 😉 وهي ضلت بنارها تحترگ دگ الجرس للصف ورجعنه چان عدنه شاغر وهي مدري وين ولت .
البنات: عفيه عليج رديتيها بس ديري بالچ منها ترئ راح اتشد ووياج
هدير : وليش هلكد حاسبيلها حساب يطبها طوب
البنات : انتي بعدج ماتعرفيها انوب تروح تطلعنه سالفه عوجه وننداس بالرجلين ويروح يوصل الخبر لاهلنه والله نصير بخبر كان
هدير : يااا
الطالبه من غير شعبه : بنات اكو هنا ابنيه اسمها هدير استاذ حارث ايريدها بالاداره
هدير : يي اني اجيت (ياربي هذا انوب شيريد اني عايزني هذا خلي اروح اخذ عشق ونشوف شيريد) عشق تعاي وياي مااندل الاداره
عشق : ليش محجيتي الي انتي متزوجه
هدير : هسه امشي بعدين اكلج
عشق: حاضر
هدير : رحنه اني وعشق للأداره ولكيت شذئ كاعده ومملخه روحه تملخ جان عشق تهمس باذني
عشق: شوفي هاي لعبه من الاعيبها ديري بالچ منها اني رايحه
هدير : ولج وين موليه ابقي جاسم ميقبل ابقئ وياه اصلا .ارسلان جاف
حارث : هدير تعاي كعدي عندي موضوع وياج وانتي عشق ارجعي الصفج
عشق : حاضر استاذ
هدير : لاليش استاذ عشق ترجع خليها هي ويايه اجت ويايه ترجع وهي جانت ويايه من صارت المشكله واني ماضم عليها شيء
حارث : شلون عرفتي علمود المشكله لصارت
هدير : هههه من شگل العتوي ليمگ😂
حارث : يله عشق روحي الصفج
هدير : عشق متروح
حارث :شنو خايفه ناكلج
هدير : لاوالله مخايفه اصلا لان :*حرامي لتصير من حاكم لتخاف :* بس حبيبي هاا نسيت انتو متعرفون اقصد زوجي جاسم ميقبل ابقه وحدي بنص رجال غريب لان علمني الغريب ذيب اتفضل احجي شرايد
حارث : اعرفگم عن نفسي اني حارث عمري 26 مدرس رياضيات ادرس بمدرسه بنات اني شكلي كلش حلو عيوني زرق واشقر شويه ذاگ المره فتت علئ صف الرابع وجانت طالبه جديده جايه كلش شكلها حلوو وحيل عجبتني كتلها كومي عرفي عن نفسج عرفت علئ نفسها وطلع اسمها هدير كلش حلوو اسمها وشكلها ضليت اباوع عليها لحد محسيت علئ نفسي واني من ذاگ اليوم بديت اراقب تصرفاتها وحركاتها وكمت احب درس الرياضيات يم شعبه الرابع حتئ اشوفها بس قبل جنت اكره هذا الدرس من ورئ شذئ وربعها فديوم اجتي شذئ تبجي وحالتها حاله واجتي يمي باعتبار اني مرشد صفهم اجتي حجتلي عن هدير انو كاتلتها ومخرمشتها وهي ممسويه شيء وموتتني بس تبجي انطيتها مي وشويه سكتت دزيت علئ هدير طالبه تصيحها الي وره اشويه اجتي هي فاتت تصفنت بيها شكد حلوه ملامحها اويلي حسيت علئ نفسي وجانت وياها عشق كتلها تعالي اكعدي عندي موضوع وياج وكلت لعشق تروح لصفها بس هي ماقبلت كالت عشق اجتي ويايه ترجع ويايه وهي شاهده علئ المشكله لصارت كتلها شلون عرفتي كالت من العتوي ليمگ وكامت تضحك واني كوه لزمت ضحكتي بس انتبهت عدها غمازه من تضحك انوب كلت لعشق مره ثانيه ترجع بس مقبلت كتلها شنو خايفه ناكلج مثلا هي ردتلي بمثل حلوو بس كالت لان حبيبي مايقبل كلت شنو هاي هم تحب بعدين كالت لازوجي ميقبل ابقه وحدي بنص رجال غريب لان الغريب ذيب اني افتهمت قصدها جاي تبسمرني وصراحه ضجت لان عرفت متزوجه شلون الواحد بسماء ويرجع يوكع بساع بالارض وحجتلي عن سبب المشكله هي وشذئ وصراحه كلش عجبتني طريقه حجيها من متعاركه هي وياها وضحكتني من حجت وياها هيج وثقتها بنفسها كتلها يله روحي وباجر خلي يجي حبيب القلب مالتج حتئ نفتهم اكثر وراحت هي وشذئ اني متت بقهري لان من صدگ حبيتها .
هدير : حجيت لاستاذ حارث كل شيء عن المشكله وطلع حباب كلش عكس مامتخيلته وضحكني من كال باجر جيبي حبيب القلب وتعاي ضحكت ووكتله حاضر استاذ ورجعت لصف شفت شله شذئ يباوعن عليه عفتهم ومشيت لان دگ الجرس للبيت وطلعت انتضر جاسم لحد مااجه من الكليه بس خفت احجيله عن الصار ....
يتبع لا تنسون متابعه او ارسال طلب صداقه حته يوصللكم اشعار النشر وشويه كثرو تفاعلكم حته نختمها بساع لا نطول عليكم داده دوسي اعجاب وعلقي شكد متكدرين