رواية رماد انثي الفصل الرابع عشر بقلم جمانه السعيدي
مرام....كنت اعيش أجمل أيام عمري
وكل يوم عادل يااكدلي بتصرفاته ان اختياري صح
الساعه ١١ من يطلع من العلوه يجيبلي ريوك للمستشفى
ونكعد نتريك اني ويااا بلحديقه
ويجيب ريوك الامه وامي
ومن اخلص دووام يجي ياخذني من المستشفى على الدراجه حتى اوصل بسرعه لان الازدحامات لا تطاق
من ارجع الكا مساعد امي بلطبخ والتضيف
حتى ملابسه مايقبل اغسلهن يكول انتي تعبانه
اني اغسلهن بلغساله
طول الوقت يكعد ينكت ويضحكنا حتى خالتي تحسنت حالته على وجود امي بلبيت صح هي مارجعت تمشي مثل قبل بس وضعها الصحي احسن
بس كنت اتصل على هيام وماترد لو ترد كلمتين وتكطع الاتصال كنت قلقه عليه حيل
ثاني شهر طلعت حامل والفرحه ملت بيتنا الكل فرحان
وعادل طاير من الفرحه
شكد جان مداريني كام يداريني اكثر
حتى ملابسي يغسلهن ويااا ويحضر العشى والاهم
لكا شغل ثاني العصر محاسب بمكتب صريفه
عادل...الخير كله اجا على عين ابني
مرام...انشاء الله
عادل...اريده ينزل من بطنج لابس نضاره عليه
مرام...ايجوز نضره قوي على امه.. قصص وروايات عراقية كرار صلاح
عادل...لا اريد ولد يشبهني وبعدين بنيه تشبهج
مرام..كل الي يجي من رب العالمين نعمه
.اخذت صوره للتحليل ودزيته الهيام
بس ماردت عليه كلت ايجوز مشغوله
كتبتله يوم اللج ونفرح بيج قرت الرساله ومارت عليه
زاد قلقي عليه اكثر
وبيوم فزيت الساعه ثنتين وثلث بليل على رنه موبايلي
فتحت عيوني الله يستر لكيته هيام متصله
كعد عادل وفتح الضوه
انقطع الاتصال بعدين رجعت اتصلت مره ثانيه
مرام...الووووو
...راسا سمعته تبجي
مرام...شبيج ليش تبجين صاير شي
هيام...اشتاقيتلكم اهي اهي راسا سمعت واحد صاح عليه بعصبيه هيااام سدت الخط
رجعت اتصلت بيه ماردت عليه بعدين الخط نقفل
بقيت بقلق
عادل...لا تخافين انشاء الله ماكو شي
مرام..شلون ماكو شي تبجي
عادل...ايجوز تعبانه ضايجه
مرام..وهذا منوالي زمخ عليه
عادل...الله اعلم نامي وباجر ارجعي اتصلي مره ثانيه
مرام...ماكدرت انام بقيت احوس الف فكره اجت ابالي
حتى عادل قلقت نومه وياي
ثاني يوم اتصل عليه الرقم مغلق ماترد
بقيت اسبوع كامل اتصل عليه وماكوووو اسئل من عليه
حتى رقم زوجه ماكوووو ماعندي
بقينا نسئل اني وعادل اريد طريقه نتواصل بيه وياها ماكوو
قدمنا طلب للسفاره العراقيه بدبي بلكت يكدرون يعرفون معلومات عنها
كالو الشغله اطول نسئل ونرجعلكم خبر
امي اكلت كلبي ليش اختج ماتتصل ماخليت عذر ماكلته
كلبه جان حاس اكو شي
شهر كامل واحنا منتضرين نسمع خبر عنه وماكو
يمكن وصلهم خبر عن طريق السفاره
اجانا اتصال بعد شهر من هاي المكالمه
مرام...الووو
هيام...اني هيام اني زينه لا تقلقين عليه من افرغ اتصل
كالت هذا الكلام وسدت التليفون وكانما حافضتهن حفظ
او احد كاييله كولي ذني الكلمتين
بعدها كل شهر تتصل مره تحجي كلمتين وتسد التليفون
عرفت اختي واكعه بمشكله بس ماتكدر تحجي
الحد مادخلت بلشهر السابع من الحمل
اجاني اتصال من هيام
مرام...الووو فدوه طمنيني خل احجي وياج لاتسدين التليفون
هيام...الاسبوع الجاي راجعه للعراق واحجيلكم كلشي صار وياي
مرام...فرحت من سمعت اختي راح ترجع واشوفه
رحنا للبيت اني وعادل وامي انضفه حتى تكعد بي هيام
ايجوز تريد تاخذ راحته اكثر
بلضبط صارله عشر اشهر
و١٤ يوم من سافرت
عادل ماقبل انضف كال اكعدي واني انضف
اني هم مااكدر بطني صايره شكبرها كدامي
كملنا كلشي قبل لاتجي بيوم وبيوم الي تجي بي رحنا كلنا البيت اهلي حتى خالتي ام عادل راحت ويانه
امي وخالتي بقن بلبيت يطبخن واني وعادل رحنا نستقبله بلمطار
بقينا واكفين اني توقعت تجي لابسه ملابس شيك والشعر
والجنط اشكال اللوان كله محمله غراض
مااحس غير وحده لابسه رداء اسود وحجاب اسود ونضاره سوده وكمامه قربت عليه وكالت هلو مرام
مرام..التفتت هذا صوت هيام صحت من كلبي يمه هله
ردت احضنه ماقبلت كالت ابتعدي عني شايله جنطه سبورت رياضبه زغيره مو جبيره كلش وهاي هي
استغربت منه ومن طريقته حتى عادل استغرب منه
صعدنا السياره ورجعنا للبيت طول الطريق ساكته ماحجت اي شي كلت ايجوز تعبانه
بس دخلتا للبيت سلمت سلام عادي وماحضنت امي ولا باوعت عليه دخلت الغرفته وقفلت الباب
مرام..دكيت الباب عليه هيام هيام بيج شي احجي
هيام..مابيه شي تعبانه
بقينا نباع واحد بوجه الثاني كعدنا والاكل بقه بلجدر محد اكل منه رجعت دكيت الباب
هيام...عوفوني تعبانه باجر نحجي
بليلته ماقبلت ارجع وياا عادل اريد افتهم شنو القصه
عادل حس الموضوع عائلي اخذ خالتي ورجع البيتهم
واني بقيت كاعده ماكدرت انام هاي مو هيام الي اعرفه ابد
للصبح يله غفيت شويه الساعه تسعه دكيت الباب عليه
مافتحته ولا حجت اي شي
الساعه ١١ اجاني عادل يطمن عليه وعلى هيام
كاعد نحجي اني ويااا اجت امي كالت هاي اوراق لكيتهن
باب غرفة هيام دافعتهن من جوا الباب صارله ساعه جو الباب واني عبالي اوراق عاديه بس مكتوب بيهن
مرام..فتحتهن والكيت المصيبه
هيام...اني اسفه انتم احسن اهل بلدنيا واحلى نعمه رب العالمين خلقه اليه بس اني ماقدرت هاي النعمه ابد
اني كنت اخون الثقه الي انطيتونياها وفوكاها احجي عليكم وماراضيه كنت اخون ثقتكم و ابيع جسمي للي يدفع اكثر
وصميم تعرفت علي عن طريق هذا الشغل واتفقنا نزوج
كنت فرحانه بي لان قبل يزوجني بعد ماشاف كلشي
ودخلت وياا وياا غيره بالف علاقه كلت خلاص ازوج وهاي هي لمن سافرت الدبي لكيته يدير شبكة دعاره وكنت اني الضحيه رقم الف من ضحايا ولكيت نفسي ابيع جسمي
كل يوم عشرات المرات واني مجبره على هذا الشغل
اخذ كل اوراقي ومستمسكاتي وذهبي عندا وكان يقفل الباب عليه حتى لا اطلع عندا اشياء مصوره اليه
هو ووحده اسمه فتاة مارس كانت تشتغل عنده ووكعوني بهذا الفخ ماكدرت أرفض هذا العمل لان يهددوني
بلفدبوهات الي عدهم وكان مانع عليه الاتصال بيكم
الحد مااكتشفت مؤخرا اني صار عندي الايدز من العلاقات المشبوه الي امارسه كل يوم اتحولت من ورقه رابحه بلنسبه اله الى ورقه خسرانه عافني اسبوع بلشقه بدون مااشوف وجا بعدين دزلي اوراقي وتاشيره حتى ارجع للعراق اني اسفه اخطئت بحقكم هواي سامحوني.. قصص وروايات عراقية كرار صلاح
ادعولي رب العالمين يغفر الي
مرام.....ركضت الغرفته كسرت الباب بس مافتحته اليه
فدوه عادل اختي اريد اشوفه اكيد قتلت نفسه
عادل...الايدز مرض معدي خل نتصل بلشرطه ونبلغهم
عنه هم يتصرفون
مرام...كمت اكسر بلباب ولج حاجيني هيام لا تكتلين نفسج
اني قابله بيج حتلو كلشي بيج فدوه لا تموتين
بس ما ردت عليه ماحاجتني
امي انهارت مدري الزم امي مدري اشوف اختي
ياربي شني المصيبه
اجت الشرطه وفتحت الباب كاطعه وريدها وسابحه بدمه
ماقبلو انقرب عليه اني وامي كنت اتمنى احضنه واشمه ولو اخر مره بعدني ماشبعت من شوفته اجت سياره من الصحه
واخذو الجثه وقفلو الباب
ماتتخيلون حالتي اهمالي خلاني اخسر اختي الوحيده
خسرت اختي حبيبتي اسبوع واني ابجي ليل نهار
مااكدر اتخيل هيام ماكووو
حتى ماكو اله قبر ونزوره الي مثل هاي الحاله يحركون الجثه لان يخافون من العدوه
ليش عفته ليش ماراقبته ليش ماضغطت عليه حتى لا اضيعه مني للابد اني هسه رماد انثى روحي احتركت وياا جثت هيام
صارخمس سنوات من ماتت هيام وبعدني مااكدر اتخطى هذا الحادث وماناسيته ولا دقيقه وحده
احنا هسا عايشين كلنا بيت عادل وبيتنا اجرنا مالنا عين
نشوف البيت بعد
صار عندي وولد ثنيين وبنيه
ارجوكم لحد يغلط غلطتي صادقو بناتكم وخواتكم وقربو منهن حتى لا يضيعن مثل ماضاعت هيام مني
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
