رواية معالج الروح الفصل الرابع عشر بقلم جمانه السعيدي
#البارت__14الاخير
#معالج_الروح
#جمانه_السعيدي
معين اخذوني كبل للسجن لا تحقيق ولا اي شي
اريد اي احد اسئله ماكوو
ردت اعرف شنو المشكله محد يجاوبني
شويه وجابو ابو مروه للسجن
من شفته تفاجئت
معين...هااا عمو شكووو
ابو مروه ...جنت متوقع هذا الشي
معين...شنو غير افهم
ابو مروه...هاي سوالف الهام حقيره وماعدها ذرة انسانيه
متوقعه اني اخذت منه مروه ماتعرف مروه انهزمت منه ومن تصرفاته
معين...واني شنو علاقتي بلموضوع
ابو مروه...شلون غير عرفت انت تريد تخطب مروه وانت
ماعاجب ست الهام لازم أدبر هيج مصيبه تبعدك نهائي
عن حياته
معين...تحجي صدك تكدر ترفض هاي الزواجه بكل بساطه ماكو داعي الهذا التصرف
ابو مروه...لا اذا رفضتك مروه راح تتمسك بيك اكثر واكثر
وهي تريد تخفيك نهائيا من حياته
معين...غير اعرف شنو تهمتي على شنو اني بلسجن
شراح يكتبون انسجن لان حاول يخطب بنيه يحبه وتحبه
ابو مروه...مالك شغل هسه ادبرلك تهمه معدله هسه انت اهون اني شلون بركبتي عائله وجهالي كلهم زغار
اذا بقيت بلسجن راح يضيعون
معين...بيبتي تنجلط بس تسمع اني بلسجن
مروه...منتضره بابا يجي وياخذني الجلسة العلاج بس اتاخر
اتصلت علي مايرد
رجعت اتصلت وماكووو
مروه...ام حمودي عندج رقم ثاني
ام محمد...لا ماعندي بس نتصل على حسام خاف طالع وتليفونه فاصل شحن
اتصلنا علي
ام محمد....هلو حسام وين ابو حمودي
حسام...اجو على الأمن واخذو ردت اروح وياا بس ماقبل
كال ابقه انت بلورشه
ام محمد...الامن ليش شنو المشكله
مروه...شنو الأمن الأمن اخذو
ام محمد...اي ومايعرف شنو السبب
مروه عرفت امي ورا هاي المصيبه اني جبت البابا مشكله
لان اجيت هنا سببته هاي المشكله
اتصلت على معين هم مايرد اتصلت أكثر من عشر مرات مايرد عليه
اتصلت بولد صديقه بلمستشفى وسئله
نفس الجواب اجو الأمن واخذووو ومايعرف شنو السبب
مروه...اتاكدت امي ورا هاي المصيبه زين معين شعلي
ولله هلمره مااسكت ابد عليه وعلى اعدائي
مثل ماهي محاربتني احاربه
فتحت التليفون وكمت اسجل صوره وصوت
اني مروه...بت الهام العاصي مدير عام الدائره.....
امي انسانه مو اهل للمسوليه جاي تستغل منصبه وتاكل حقوق الناس اني بته شوفو حالي ماخلصت منه ومن
استغلاله تريد تستغل حالتي المرضيه حتى تسوي دعايه للانتخابات هذا وضعي بسبب إهمال امي
اذا اني بته هيج هامله وضعي شلون بمصالح الناس
ارجو من كل واحد شريف يشوف هذا المقطع يشيره
الاكبر عدد من الناس حتى تعرفون حقيقته
اني راح انشر ملفات الفساد الي امي محتفظه ببهن
لازم الناس تاخذ حقوقه امي انسانه استغلاليه وماتحب بس نفسه
سويت للفيديو حفظ ومانشرته راسا طلعت اجرت تكسي ورجعت للبيت طبعا عفت كل غراضي بيت بابا
دخلت المكتب ماما اني اعرف وين تحتفظ بلمفات المهمه
وصورت كل ملفات الفساد الي محتفظه ببهن بلمكتب
اهم ملف اكو قطع اراضي راجعه للدوله هي موقعه على بيعتهن
وماخذه مبلغ محترم باتفاق هي والوزير بس منو الي موقع عليهن امي يعني هي بوجه المدفع
من غير مطلعه تصريحات اشكال بفلوس واكو مناطق
عليه بيوت تجاوز مطلعه قرار ازالة هاي البيوت
ومتفقه هي والويز يبيعوهن ويقبضون الثمن
شكد ماكله فلوس حرام من شغلات خارجه عن القانون
صورت كل الملفات بعدين دزيت كل الصور مال الملفات الزوجت بابا تحتفظ بيهن
وطلبت منه تاخذ الجهال وتسافر الغير محافظه موقتا
ولا تكول الاي احد هي وين رايحه واني راح ادزله
مصرف يكفيه هي والجهال
وأهم شي ماتكول وين مكانه
هنا وصل الخبر الاهل معين ماخذينه للسجن
بيبي تبجي علي ومصصمه تروح للسجن تشوفه وبيت خاله
متشمتين بي لان ابنهم انسجن
يعني معين مو احسن من امير لازم مسوي مصيبه ودخل السجن مستحيل هاي الشغله خاليه
مروه سحبت فلوس من المصرف ودزيتهن بيد ام ساره
الزوجت بابا
اتصلت وتأكدت هي استلمت المبلغ وطلعت من ألبيت
مروه.... بقت الخطوه الاخيره لازم انفذه بحذر لان اي غلط راح افقد بابا ومعين للابد
صعدت على سطح البيت وبعدين كعدت على سياج السطح
واتصلت بماما بس رفعت التليفون جان تضحك وتكول
الهام...ههههههه هااا عرفتي اني شنو اكدر اسوي
مروه.... دزيتلج فديووو ومجموعة ملفات تخصج شوفيهن
راسا غلقت التليفون وراحت شافت كلشي ورجعت اتصلت عليه
مروه...افتحي الكامرا حتى تشوفين اني وين
الهام...قسما بلله يامروه اجي اموتج خلاص
مروه...اني ميته وانتي موجوده بحياتي شوفي اني وين
على السياج هسه اصور لحظة انتحاري
وانشرها هي والفديو الي دزيته اللج وكل ملفات الفساد
حتى بعد ماتقوملج قائمه لمن تخسرين كلشي خلي المنصب والفلوس تفيدج
الناس اذا تشوف فديو انتحاري راح تصيرين بوجه المدفع
اني ماخايفه من الموت لان انتي كل يوم تقتليني الف مره
الهام...لا اوكفي لا تنشرين اي شي انت غبيه تردين تقضين عليه ولج اني امج
مروه...وشنو الي يااكد انتي امي انت مو ام انتي وحده بلا ضمير
الهام...ولج هاي الملفات خطيره تردين اضيعيني
مروه...ليش خايفه لان متاكده من نفسج جاي تاكلين حقوق الناس
الهام...ولج مو بس اني اني وكل الناس الواصله شريكين
بهاي المصايب راح يقتلوني اذا انكشفت هاي الاسرار
مروه...خلاص طلعي بابا ومعين من السجن وباسرع وقت
اني بعدني على السياج لمن يتصل عليه معين ويكول كلشي تمام انزل وابطل ماانشر وبابا نفس الشي
وخل ازيدج من الشعر بيت هاي المكالمه هم سجلته
وانتي تعرفين على نفسج وعلى الحراميه الي مسانديدنج
يله اني منتضره بااسرع وقت يله بسرعه
أرواح الناس لعبه باايدج
الهام...احترك ابوج وحترك معين لا تنشرين بت المطي
انعل اهلج كلهم
مروه...بسرعه بدون كلام زايد هاي الفديوات والملفات
دزيتهن الأكثر من واحد لا تحاولين تغدريني
اقسم بلله اخليج اطلعين من هذا البيت حافيه
بقيت كاعده على سياج السطح والحرس شافوني اخذو صوره ودزوها الامي
تقريبا نص ساعه واني انتضر
رجعت اتصلت عليه...هااا اتاخرت عليه
الهام...... راح اطلعهم
بس بشرط انتي تسافرين خارج العراق مااريد اشوف وجهج هنا فهمتي لو لا وتمسحين كلشي
مروه...موافقه بس يطلع بابا ومعين وراح ابقه محتفظه
بكلشي اذا رجعتي غدرتي بيهم ديري بالج تقربين عليهم
ولله احسب الله ماخلقج اني ماعندي ام امي ماتت من زمان
فعلا سديت الخط اتصلت على معين رد عليه كال طلعت وكلشي تمام اتصلت على بابا كال طلعت وراح اروح للبيت
مروه...بس ام حمودي مو بلبيت اني انطيته فلوس وخليته تسافر خوفا من اي غدر من امي
بابا...اني اعرف وين ممكن تروح اني راح اروح ارجعه للبيت
مروه...اكو ملفات تخص امي دزيتهن الام حمودي احتفظ بيهن عندك خاف تغدر بيك بالمستقبل
نزلت الغرفتي وبقيت منتضره امي
بس دخلت اجت كبل وضربتني راشدي فرت راسي فر
الهام..حيوانه حقيره اني تساوميني ماتبقين دقيقه وحده بلعراق بعد انت مو مال احترمج واقدرج
سحبت التليفون مني وطلعت من الغرفه
راسا طلعت الجواز واتصلت حتى تاخذ تاشيره
خلال يومين اني محبوسه بلغرفه ومااطلع ابد
ثالث يوم اجت ام ساره كالت الرحله بعد ساعتين حضري نفسج وبدت اجمع بملابسي
مروه...ام ساره اريد اطلب منج طلب
ام ساره. اي كولي
مروه. راح انطيج رقم معين اتصلي بي وفهمي كلشي صار
اريده يعرف اني سافرت مو باارادتي
لازم اسافر حتى هو وبابا يعيشون بسلام اني اتصلت علي
قبل لاتاخذ ماما التليفون ومايرد عليه
معين..بعد ماطلعت من السجن أنطوني تليفوني اتصلت على مروه طمنته عليه ورجعو اخذو تليفوني وابو مروه نفس الشي ماقبلو يسلمونا التليفونات
بس وصلت للبيت بيبي حضنتني وتبجي رغم اني انسجنت يوم واحد بس خالي ماكان عاجبه طلعت من السجن
بس شافني بدا يحقق وياي بعصبيه شلون طلعت وليش طلعت وشنو المصيبه
الي سويته انت تريد تموت بيبيتك
ماهان علي طلعت من السجن ابد بعد هاي المكالمه ماسمعت صوت مروه كنت منتضر تجي اطمني عليه بس
ماعرفت عنه أي شي اشتريت تليفون واتصلت عليه يطلع خارج الخدمه رحت وبقيت منتضر ام ساره حتى اسئله عليه
معين.. شلونه ام ساره
ام.ساره . .هله معين الحمد لله
معين..شنو اخبار مروه
ام.ساره...امه سفرته خارج العراق وأخذت منه تليفوني
هذا كان شرطه حتى تطلع من السجن كالت اتصلي بمعين جاي اتصل وماترد
معين. اخذو تليفوني اني هم اتصل عليه ماترد خطيه مروه ضحت هواي وهاي اخر تضحيه كلش صعبه عليه
رحت على ابوها وسئلته عنه مايعرف عنه أي شي
حتى مايعرف سافرت منتضرها تجي
بقيت منتضر اتصال من مروه حتى اطمن عليه يمكن جانت خايفه عليه لان ماجاني منه اي اتصال ولا خبر
بس اني مانسيته ولا لحظه كنت اشوفه بوجوه الناس
بكل مكان النا بي ذكرى كنت اشوفه واذكر تصرفاته وعصبيته كلشي حلو جمعنا سوا
اجت الانتخابات والوزير الحرامي الي كان لازم تصعد وياا
الهام.خسر مافاز بلانتخابات ولأن علي مصايب ماله حد
انهزم خارج العراق ومنو وكع تحت المسائله جماعته
الاقل منه مثل الهام وغيرها
ودخلو بمتاهات ماتنتهي وطلعت عليهم كل ملفات الفساد
طلعت الهام شكد موقعه على تصريحات باتفاق هي والوزير
وباعين أملاك للدوله بكيفهم ومتقاسمين الفلوس
بعد الانتخابات كله نكشفت والي وكع الهام بيه لان الوزير
شرد خارج العراق اكو ناس تحمي بس الهام منو يحميها
وخصوصا الوزير شمر كلشي عليه ومحضر كل الادله ضدها
حتى يخلص نفسه يعني كل الأوراق عليهن توقعيه هي
دخلت للسجن وكل ممتلكاته اتصادرت
معين خلال سنتين من بعد سفر مروه كدرت اجمع مبلغ
واشتري قطعة ارض وسحبت سلفه على راتبي وبديت ابني بيتي
وبيوم واني كاعد بلمستشفى صدكوني هذا اليوم كنت حاس احساس مختلف بس مااعرف شنو السبب الهذا الاحساس
كاعد بغرفة العلاج واجت وحده لابسه كمامه وقبعه ونضاره لابسه بنطرون جينز وبدي ابيض
تمشي بس مشيته مو تمام رجل تقدمه الرجل الثانيه
وكانما تسحبه
حسيت نفسي شايفه او اعرفه بس ماكان باين منه اي شي
معين...تفضلي مدت ايدها وانطتني ورقه بلتمارين
ماحجت اي شي اشرتله تكعد على الكرسي قريب الاجهزه
كعدت واني دنكت اخلي السلك المتصل بالجهاز على رجله
بس دنكت هي وخرت الكمامه وباستني بخدي
اني راسا ابتعدت متفاجئ منه ومن ردت فعله
راسا نزعت الكمامه والنضاره وكفت وصاحت مفاجئه
باوعت هاي مروه
بدون وعي حضنته وكمت افتر بيه
معين..حبيبيتي يمته رجعتي
مروه ...اليوم بس سلمت على بابا وكبل اجيت عليك
نزلته وأخذت ايده وكتله افتري شنو هذا التطور تمشين بدون عكار
مروه...من سافرت الحد الان واني اعالج بمركز تاهيل
معين..وليش مااتصلتي عليه
مروه...كنت خايفه عليك وماردت يضيع مستقبلك بسبي
معبن...تبقين هنا لو ترجعين
مروه...باقيه بيت بابا وهم اريد أزور ماما بلسجن واطمن عليه
معين...ممكن اخبطج ونزوج بأسرع وقت مشتاقلج حبيبيتي
مشتاقلج مووت
مروه...ممكن
معين...شنو هاي صايره تخبلين
مروه....انت الحلو وماكو احلى منك بلدنيا كله
معين تقدمتله وابوها كلش رحب بيه بلبدايه بس خطوبه وعقد وبعد سنه يله ازوجنا علما كمل البيت
امي ماكانت عاجبته العروسه لان مشيته مو تمام بس اني مايهمني كلامه اني حبيت واني اختاربت
أمير طلع من السجن بس مو أمير القديم حيل متغير
حسيته صاير مجرم اكثر من قبل
على العموم احنا انتقلنا للبيت الجديد واني خليت كامرات
والاقفال مال البيبان كلش قويه
اخذنا بيبي تعيش ويانه مروه درست سادس خارجي
وبعدين قدمت معهد حاسبات
تخرجت ولله الحمد سنة ٢٠ صار عدنا ولد وهسه ننتضر الثاني واني عندي عيادتي الخاصه وعندي زبائن كلش هواي كله
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
