رواية انا والغريب الفصل الخامس عشر بقلم هبه حمزة
منار".......بيبي شلون يعني تبقين وحدج هنا!
بيبي"..بعد شنو قابل اجي وياج بنتي..
منار".....شنوو يعني متجين وياي من نتزوج!.
..... شبيج بنتي منار وين اكو هيج حجي اجي وياج شسوي غير انتي وزوجج تعيشون سوة واني هم
اجيج كل اسبوع نشالله...
منار......ضليت اباوع متكدر تعيش وحدهة مسحيل كلت خل احجي ويه ياسر بلكي يقنعهة
....صعدت فوك ودكيت علية
دك اول مرة ..رفضني!
رجعت خابرته هم رفضني!
صارت شغله عناد ضليت اخابر بي وهوة يرفض
دزيت رساله
***... متجاوب عله اتصالي موضوع مهم عندي....**
شفته هوة دك
وكال
ياسر "......أي شنو موضوعج المهم احجي بسرعة
منار"....كتله ماكو شي وسديته بسرعه. .. اتخبل من يحجي وياي بطريقه مستفزة ويدري كلش زين اكرهة من يحجي وياي بهاي طريقه
شفته دك .... كلت اله ارجع حقي صار الي ساعه ادك ويرفضني خلي يجرب نفس شعور
رفضته ورجع دك هم رفضته تالي دز رساله...
*...... طبج مرض لجاوبين اشوف منو يخابرج بعد...*
منار. .... صارت شغله صدك خل اخابره اريد افهم موضوع بيبي".
خابرته وجاوب
ياسر"......بطلي لعب الجهال هذة واحجي شبيج..؟
منار"....بيبي
ياسر ".....شبيهةة؟
منار "......شلون اعوفهة وحدهة من نزوج
ياسر "..... تدرين راح هذة موضوع من بالي
منار"....أي شلون هسة شسوي كللهة خل تجي وياي
ياسر "....وين تجي.؟
منار".....غير وياي من نزوج
ياسر ".....هههههههه لا مترهم ..!
منار ....شو تضحك زين باوع ليش متكعد ويانه انتة شتكول؟
ياسر "....شو هل ايام عقلج ضارب لو شنو ، شبيج بويه مترهم اكعد وياكم...
منار".....زين شوف ليش مناخذ بيت قريب عله بيبي
ياسر "......منار اني صار الي سنين من مقرر زواجي بذاك بيتي الي جبتج بي هوة هذة ومستحيل اغيرة
منار"....زين حاجيهة خل تشتري بيت ونكعد هناك
ياسر"....ما اتوقع تقبل متعودة هيه عله مكانهة وبيتهة مو صح
منار"...اي بس خطيه والله مدا اتخيل اعيش بدونهة ياسر الله يخليك شوفلي حل
....شفته زفر نفس وكال
.......الله كريم منار مع سلامه عندي شغل..
وسدة حته مخلاني اودعة ..!
.......مر اسبوعين كاملات. ...... وبدت امتحاناتي وخلصت بس بهاي فترة ابد ما احجي وية ياسر ابتعدنه الى درجه حته للبيت ما اجه من اخر مرة باول يوم خطوبه النه وبعده اختفه
دكيت اكثر من مرة علية ويرفض بالاخير مليت وبعد مراستله ابد حتة بيبي من تسألني اكللهة ديخابرني وكلشي طبيعي
.......فد يوم كاعدين وبيبي كالت
... ياسر خابر وكال لازم تبدون تجهزون للزواج لأن بعد شهر
......بيبي خابرج!
.....أي بنتي
.... زين هوة مو.كال شهرين شنو ليش قلل المدة!
.... ما اعرف بس انتي مو كلتي يومية احجي ويا؟
...اي صح بس محجة بهيج موضوع
.... ما اعرف منار بس لازم نبدي نجهز
...................بعد سبوع ذاعو نتائج وطلعت درجات عاليه .........
وفرحت حيل بوكتهة بس فرحه الي ما تمت
بوكتهة من رجعنه لكينه سيارة ياسر بالباب شنو هل زيارة مفاجأه
.......نصدمنه اني وبيبي بس استقبلنا طبيعي وسلمنه علية وكعدنه
وضلو يسولفون لحد ما فتح موضوع زواج وكال
ياسر ".........منار زواجنه بعد سبوعين ترة
منار"......شنوووو!
ياسر "......لازم نستعجل لان صار عندي شغل ولازم اسافر ورة هذن الاسبوعين
بيبي"......بس احنه بعدنه ممجهزين كلشي
ياسر".....كلشي جاهز جهزت كلشي اني بس بعد منار تجي وتنور بيتي
منار .....من كلامه ضجت إلى درجه وحته خله بيبي توافق يدوخ الواحد من يحجي بحيث يخليك اجباري توافق من خلال كلامه واسلوبة
مرن هل اسبوعين بتحضيرات والعزايم ومعازيم وقررت عناد بي اسوي حفله غير حفله الزواج
عزمت صديقاتي وصديقات بيبي واقاربنه كلهة وصارت حفله كلش حلوة
حته من رحت للصالون مدزيت عليه اني رحت ويه صديقتي .....
بس خلال هل اسبوعين مشفتة ابد
خلصت الحفله...... وكلمن راح لبيته ........
كعدت ثاني يوم يوم جديد وعالم جديد حياه جديدة وية زوجي الي هم مختفي
حتة بديت احس مجبور يزوجني ولا كانما هوة الجبرني
رحت للصالون اني وبيبي وجبت بدلتي وساعات مرت واني هناك
بعد فترة دك مبايل بيبي وكالت هذة ياسر
بطني وجعتني من ذكرت اسمه.....
جاوبت وكالت
... الو..
... هله والله بالعريس شلونك ابني
...... اي آي هاي منار خلصت وراح نطلع للاستديو
.... اي احسن تعال انته اخذهة
سدته
وكالت .......... ياسر جاي بالطريق
ورة ربع ساعه بيبي كالت واكف بالباب
منار "...... اي اجينه
طلعنه وشفت ياسر! !
! شعرة طولان ومربي لحيه معرفته !
وصلت يمة وكلت
منار".....اكلك يولد ما شفت زوجي شو تاخر ما اجه؟
ياسر ".....هههههههههههههه شلوني ولج
منار "......معرفتك شهل تغيرر؟
ياسر ".....كل هل فترة مجنت ناوي اراويج شكلي بس باعي بالقران اذا كلتي بعد اكرع اشبعج كتل..
منار".....ههههه لا ابد بس بقي شعرك حلو طالع
غمزلي وكال.
ياسر ".... انتي الي طالعه تخبلين يوم بعد يوم انصدم بجمالج ...
خجلت منه وصعدت بالسيارة وبيبي وبنات راحن بسيارة ثانيه كدامنه
طريق كله بس مشغل اغاني ويطك اصبع... وفرحان حته اني فرحت عله فرحته
......مدري شلون تقربت منه هوة ويسوق...
وبسته بخدة !
ما اسولفلكم عله ردة فعله
وكف السيارة وضل فاتح عيونه مصدوم
منار".....هههه شبيك ياسر
ياسر ".....انتي منار لو مبدليهة بالصالون
منار"...هههه.لا منار بشحمهة ولحمهة..
ياسر".......اويلللللييي يا ربي اني ما اتحمل كلبي رجيج شلون بيج
منار ".....ياسر امشي مناك بنات منتضرينه
مشت سيارة وهوة كلسع يلتفت يغمزلي واني ادير وجهي
كوة وصلنه للاستديو وبيبي ضلت تحجي علينه ،.....
لأن اتاخرنه هواي
والمعازيم بالقاعه منتضرينه.......
اخذنه هواي صور ويه بيبي وصديقاتي وجلسه بس اني ويا
خلصنه من صور وصعدني بالسيارة وكال
ياسر"......هسة مال نطفر للفندق ونعوف المعازيم شتكولين
منار"..... هههه من كل عقلك
ياسر"....لا من نص عقلي
إجه بالي سؤال؟
منار"....ياسر ليش جنت مختفي؟ ؟؟ كل ذيج الفترة
ياسر"....... سكتت وضل يباوع للطريق
منار"......ياسر لتضم عليه شي الله يخليك ما اريد انصدم بشي ورة زواجنه
شفته ضل ساكت ويسوق
جنت متأكدة اكو مصيبه ورة هذة السكوت.....
واجاني نفس الشعور قبل لا انخطف رجع نفسة وجع بصدري كانما كلبي يدري راح يصير شي.........
شكرا لزيارتكم عالم روايات سكيرهوم
