رواية نصف عذراء الفصل الخامس عشر بقلم جمانه السعيدي
نرجع للأحداث بيت حجي سعد قبل الحادث
ثاني يوم سجى راحت للمستوصف ويه ندى....الحقيقه ندى جانت متفقه ويه صديقتها تشتغل بلمستشفى ممرضه
اجيب سجى حتى اخو هاي الابنيه يشوفها لان جان يدور على عروسه
وندى كالتلها اختي مودبه واخلاق وام بيت حتى من البيت ماتطلع
اتفقن يجي الولد ويشوفها بلمستشفى الولد عمرا ٣٠سنه
ويشتغل بلرعايه الاجتماعيه
عند اخ مزوج واخت مزوجه وعندا اخت ماموزجه خريجه
وامه وابو متوفي
هاي الخطه ماتعرف بيها سجى
الولد فعلا اجا وشاف سجى وعجبته حيل وراح سئل عليهم بلمنطقه كلها حمدت باخلاقهم
وبيوم الي ابو فهد وعمه راحو البغداد يطمنون علي اجن النسوان يخطبن سجى
وكان رد ام فهد نسئل ونرجعلكم الجواب
ولمن رجع ابو ابو فهد فاتحته بلموصوع طلب وقت لمن يرجع فهد ويسئل عليهم
جمانه السعيدي
اما عمام فاطمه كل يوم يدزون احد عليهم وخالها يكول الحكومه تاخذ حقنا
ذاك الوقت الحكومه قويه ومحد يكدر يتنفس
الشي الوحيد الي كان مضوج فاطمه هو بعدها عن فهد تعودت علي وتحس بفراغ جبير
فات عشر ايام وتحدد موعد الكعده بيت خال فاطمه
وحضر فهد وابو للكعده وصلو قبل الموعد بساعه
ولمن شافتهم فاطمه طارت من الفرح وبين عليها الاشتياق
فاطمه...شلونك عمي
ابو فهد...هله هله ببنيتي انتي شلون صرتي ايدج شلون صارت
فاطمه...الحمد لله نعمه من الله
فهد...شلونج فطم ويها ابتسامه حلوه
فاطمه...الحمد لله قربت علي وهمست وهي تاخذ الجاكيت من ايده...من شفتك صرت احسن
فهد...بهمس...مشتاقلج موت البيت اضلم من دونج ماترجعين ويانه كلبي طك عليج
فاطمه...ابتسمت وراحت وهي تكله ياريت
صارت الكعده وجتمعت الناس والشيوخ والساده وكالو الخالها تفضل كول شنو شروطك وتطلع الزلم من السجن
ابو رحيم....اولا مالهم شغل بلكاع احنا انريد انبيعها ونشتري بيها كاع ثانيه بعيدا باسم فاطمه
ثانيا...يكتبون تعهد مايتعرضولها ابد ومالهم شغل بيها لامن بعيد ولامن قريب...يعني تزوج.. تسافر تموت مايدخلون بيها ابد
ثالثا...يسحبون الكوامه من بيت ابو جاسم لان مالهم دخل بلموضوع هي فاطمه راحت عليهم
موهمه اجو عليها
جمانه السعيدي
اذا موافقين على هاي الطلبات وتتعهدون كدام الناس كلها
وتوقعون عدم تعرض بمركز الشرطه نسحب الدعوه وكلشي يرجع المكانه
ابو جلال....كلهن موافقين عليهن والكاع كاعنا واحنا نريد نشتريها مانريد غريب يدخل بينا
ابو رحيم...خلاص متفقين كدام هاي الوجوه الطيبه
فاطمه...واله اسمعهم ومتعجبه من حكمت رب العالمين بعد ماجنت شارده منهم اصبحت اني اشرط عليهم
لا وفوكاها سجنتهم
الحمد والشكر اللك ربي لان وكفت وياي وماخذلتني وطلعت حقي منهم
فهد وحجي سعد باتو عدنا بليلته واني الكاع ماشيالتني من الفرحه وخالي بس يشكر منهم لان حافضو عليه وساعدوني
فهد استغل الفرصه وخطبني من خالي
ابو رحيم...ولله يافهد انت اكثر واحد تستاهلها لان لوما انت هاي البنيه ضاعت من عدنا
اني موافق اذا فاطمه توافق ولو اني ادري بيها موافقه لان عيونها فاضحاتها
بس تخلص هاي الشغله نسويلكم احلى عرس
ابو فهد...واحنا مستعدين الكل طلباتكم
ابو رحيم...كل طلبات ماعدنا فاطمه بتكم ولو كلشي ماجيبون هم تاخذونها
فهد...شلون كلشي مانجيب هي الي تستاهل كلشي نجيب الها وندللها دلال
ابو رحيم...خل نقرا الفاتحه وفاطمه بتكم
ثاني يوم اجينا البغداد وياهم بسيارة فهد حتى نتنازل عن الدعوه
وكتبو تعهد بعدم التعرض اليه وجابو واحد قيم سعر الكاع
وتفقو خلال اسبوع يدزولي الفلوس
وفعلا دزولي الفلوس انطيت منهن الخالي قسم لان خطيه عندا عيال ومسوليه والبقيه قررت اشتري بيهن كاع قريب بيت فهد او بيت مرتب حسب هنا شنو يجيبلي
من رجعو فهد وابو تمت خطبت سجى حرامات اني مجنت موجوده بيها
وراها باسبوع جاب فهد مشيه واجا يخطبني من خالي
واجن ويا البنات وعمه وخاله ام فهد
بيومها رحت للصالون غيرت لون شعري وجانت الكصه الدارجه بهذاك الوكت الدلص يعني مدرج وحفافه ومكياج
تدرون لا المكياج ولا الحفافه الي طلعتني حلوه
الفرحه الي اني فرحانتها بهذاك الوكت خلت عيوني يلمعن
وتفاصيل وجهي تضحك
جمانه السعيدي
عقدنا بيومها واول مادخل فهد عليه نسا نفسه وحضني حيل كدام اهله واهلي
ويبوس بعيوني وبخدودي وبراسي
يضحك ويكول واخيرا صرنا البعض وبعد محد يكدر ياخذج مني ابد
اتفقنا يكملون كل الترتيبات ويتم الزواج خلال اسبوعين حددنا موعد زواجنا
ما اسولفلكم على الزفه اني وفهد بسيارت فهد وتقريبا عشر سيارت وارنا
والهورنات وكل شويه يوكفون يركصون ويرجعون يصعدون بلسياره
بسم الله الرحمن الرحيم ( وان تعدو نعمت الله لاتحصوها )
بعد ماكنت ياسه من حياتي والموت قريب مني وابد ماكو امل تنحل مشكلتي الله فرج عني وفتحلي باب رحمته
هسه عندي اربع اطفال ثنيين بنات وثنيين ولد ابني الجبير عمرا ١٧ والثاني ١٥ وبناتي وحدا ١٣ وحدا ١٠ سنوات
والفلوس اشتريت بيهن بيت جبير بلولايه وبي اربع محلات اماجريهن وجبت عمي وعمتي يعيشون ويانه
وذاك البيت عفنا الليث هو وزوجته وعمه عايشه وياهم
وليث حماي ازوج بت خالي وعندا ثنيين اطفال
وندى دومها زعلانه يمنا لان كلساع تكشف خيانة مهند
صار عدهم ٣ اطفال ابنهم الجبير عمرا ٢٠ سنه وهو مامبطل سوالفه
ام سجى وكعت باحسن رجال بلدنيا شايلها شيل ويموت عليها وعدها ٣ اطفال الله نجاها من مهند لان مايستاهلها
ووكعها بواحد يسواله عشيره
كل الذي ياتي من الله جميل اللهم انت كما احب فجعلني كما تحب
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
