رواية حب صغيرتي الفصل الخامس عشر بقلم اية عيد
في القصر في الصباح، العيلة كلها متجمعة في الصالة.... وبيان بتحط الاكل علي السفرة وعمالة كل شوية تبص علي الباب علي امل ان يونس يدخل
جه كريم ودخل القصر بسرعة
نسمة باستغراب :فيه ايه ياكريم، بتجري ليه كدا؟!
كريم بسرعة :ي يونس في المستشفي
بيان اتصدمت ووقعت الطبق ال في ايدها
نسمة بصدمة ودموع : ا بني، ابني جراله ايه؟!
كريم وهو بينهج : في ناس طلعت عليه، واخد طل"قة في جمبه
كل دا وبيان مصدومة وقلقانة عليه
حسين بقلق:طب يلا يابني خلينا نروح نطمن عليه
نسمة بسرعة :وانا كمان انا جاية معاكم
بيان بقلق والدموع بتتجمع في عنيها :م ممكن ا اجي معاكم
حسين :اقعدي انتي هنا يابنتي، احنا مش هنخليه يبيت في المستشفي هنجيبه علطول
وخرجوا من القصر بسرعة
بيان فضلت واقفة مكانها بتعيط
ورانيا بعدت عنهم شوية و اتصلت بيوسف
ومصطفي كان قاعد علي الكنبة بيبتسم بش"ر
@@@@@@@@@@@@@@@@@@@@@
في المستشفي
وصل كريم وحسين ونسمة وشافوا ريان واقف قدام غرفة العمليات
نسمة بدموع :ر ريان يونس فيه ايه يابني
ريان مسك ايدها بحزن :متقلقيش، هيبقي كويس.... شوية كدا والدكتور يطلع
حسين :جيب العوا"قب سليمة يا رب
............ بعد نصف ساعة
خرج الدكتور والكل راح عنده بسرعة
ريان : ها يا دكتور
الدكتور :متقلقوش، هو بقي كويس دلوقتي
حسين :طب ممكن ناخده علي البيت يا دكتور
الدكتور :مش هينفع، بس لو هيبقي فيه راحة تامة وممرضة خاصة يبقي تمام
كريم :واحنا هندفع ال هتقول عليه، بس ناخده علي البيت النهاردة
الدكتور :تمام، وانا هخلي احسن ممرضة عندنا تهتم بيه
نسمة بدموع :ط طب ممكن ندخل نطمن عليه
الدكتور :هننقله بس لاوضة عادية، وبعدين تقدروا تشوفوه
ومشي الدكتور
ونسمة ارتاحت شوية ووقعدت علي الكرسي
ريان قرب من كريم وهمس : تعرف مين ال عمل كدا بسرعة
كريم بصله بمعني تمام
@@@@@@@@@@@@@@@@@@@@@
في شقة يوسف
يوسف كان نايم علي الكنبة ال في الصالة، فجاة صحي علي رنة تلفونه
فتح عينه وقام قعد ولقي رانيا
يوسف :الو
رانيا بسرعة :انت فينيا يوسف، بتصل بيك من الصبح
يوسف :معلش كنت نايم، ومحستش بنفسي
رانيا :طب يونس اتضر*ب بطل"قة وراح المستشفي
يوسف بخضة :ايه؟! ازاي
رانيا :كريم قال ان فيه ناس طلعت عليه في الطريق.... قول لغنوة بقي
يوسف :ط طيب، هقولها سلام انتي
وبيقفل معاها.... وبيقوم وبيتجه عند باب الاوضة وبيخبط
شوية وفتحت غنوة
يوسف بحيرة : غنوة، ك كنت عايز اقولك حاجة
غنوة باستغراب :ايه؟!
يوسف بتوتر : يونس في المستشفي
غنوة بصدمة :ايه؟! اخويا يونس
يوسف :اهدي، البسي وانا هاخدك هناك
غنوة بتبكي وبتدخل الاوضة تغير هدومها بسرعة
@@@@@@@@@@@@@@@@@@@@@
في المستشفي
في اوضة يونس
فتح عيونه ببطيء وشاف قدامه امه وعمه وكريم وريان
نسمة بلهفة : ابني حبيبي، انت كويس حاسس بحاجة
يونس بصوت شبه مسموع : ا انا كويس
كريم بابتسامة :قلقتنا عليك ياكبير
يونس ابتسم بخفة
حسين :احنا اتفقنا مع الدكتور انك تطلع النهاردة بممرضة خاصة
ريان بابتسامة خبيثة : طب يلا خلينا ناخده، اكيد المدام بتاعته قلقانة عليه دلوقتي
نسمة ضحكت علي كلام ريان
@@@@@@@@@@@@@@@@@@@@@
في القصر بعد الظهيرة
بيان كانت قاعدة علي السلم بتعيط وعايدة قاع0ة جمبها بتواسيها
تفيدة بغرور :انا مش عارفة ايه النكد دا، ما قالوا هيرجع
عايدة بصتلها بضيق
بيان وهي ضامة رجلها وايدها علي رأسها قالت في سرها :
ا انا مش عارفة ببكي عليك ليه، رغم ان مفيش حاجة بينا.... بس في نفس الوقت قلقانة وخايفة عليك.... خ خايفة لتسيبني.... وابقي لوحدي، ا انا مش عارفة انا عايزة ايه، بس حاسة ان في حاجة جوايا ليك، حاسة بمشاعر غريبة عليا
فجاة دخل حسين ووراه يونس ال متسند علي ريان وماسك جمبه
بيان قامت بسرعة ومسحت دموعها بكف ايدها
عايدة قربت منه بابتسامة :انت كويس يا بني
يونس بهدوء : كويس
نسمة :الحمد لله الدكتور قال انه ممكن يخرج بس يبقي معاه ممرضة خاصة
كل دا وبيان واقفة بتوتر وماسكة في هدومها بتردد
يونس بص عليها، وهي اتوترت وبعدت عينها عنه
فجاة دخلت الممرضة وكانت بنت حلوة
(مش احلي من البطلة ياختي 😒)
روان بابتسامة بصت لريان : ممكن توديه اوضته عشان يرتاح، الوقفة غلط عليه
وقربت من يونس وسندته من الناحية التانية
بيان للحظة حست بالغيرة
يونس بعدها عنه :لا متشكرين، بس هو هيطلعني
روان بابتسامة : خلاص ولا يهمك
وريان طلع يونس لفوق والممرضة وراه وبيان كمان طلعت معاهم
اهل البلد جم وكانوا عايزين يطمنوا علي يونس، بس حسين وكريم قابلوهم
@@@@@@@@@@@@@@@@@@@@@@
فوق في الاوضة
ريان قعد يونس علي السرير، ويونس رجع رأسه لورا بتعب
روان قربت وبدات تعلق محاليل
بيان كانت واقفة عند طرف السرير
روان خلصت :انا علقتلك سيروم، نص ساعة كدا وهاجي عشان اشيله.... انا هروح دلوقتي عشان اعملك اكل خاص بيك
وخرجت
ريان :طب انا هسيبك ترتاح بقي، لو احتجت حاجة اتصل بيا
يونس بهدوء : شكرا يا صاحبي
ريان بابتسامة :دا انت اخويا يا يونس
وخرج
بيان بصت علي يونس بتوتر
ويونس بيحاول يظبط المخدة ال وراه.... بيان قربت منه بسرعة وقعدت جمبه وظبتت المخدة، ويونس بصلها، وبيان مقدرتش تمنع نفسها انها تبصله
بيان بعدت شوية بتوتر: ا انت كويس؟!
يونس بهدوء :كويس
بيان :يعني هو انت كان لازم تتطلع بليل
يونس بصلها ومردش
بيان بطفولية :اكيد حصل فيك كدا عشان جر*حتني
يونس بصلها برفعة حاجب :عشان ايه؟!
بيان ببراءة :عشان جر*حتني بالكلام، وحب*ستني كمان
يونس بحدة :يعني انتي شايفاني تعبان وجاية تقوليلي كدا، شايفة ان الوقت مناسب
بيان وقفت علي ركبتها وحطت ايدها في وسط*ها بطفولية : ما هو اكيد ربنا انت"قم منك عشان كلمتني بطريقة مش كويسة
يونس بقلة حيلة :وقولت ايه بقي حضرتك؟!
بيان بصتله بحزن :قولتلي اني تربية شوراع
يونس بصلها و سكت، وبيان قعدت علي طرف السرير وبعدت وشها عنه
@@@@@@@@@@@@@@@@@@@@@
تحت في القصر
دخلت غنوة بسرعة وجريت علي مامتها
غنوة بدموع :ي يونس مله يا ماما، جراله ايه؟!
نسمة :اهدي يابنتي، يونس كويس.... هو رجع من المستشفي وطلعناه اوضته
غنوة بقلق :ط طب انا عايزة اشوفه
دخل يوسففي الوقت دا
نسمىة بحزن :مش عارفة هيقبل يشوفك ولا لا، بس هطلع اسأله
وطلعت فوق، وغنوة واقفة متوترة
عايدة قربت من يوسف :انت كويس يا حبيبي
يوسف :كويس يا ماما
رانيا قريت من غنوة : عاملة ايه؟! والبيبي ايه اخباره
غنوة بضيق : كويسة
رانيا :والبيبي
غنوة بضيق :انا كويسة يبقي هو اكيد كويس يعني، ايه الغباء دا
يوسف بص لغنوة بحدة :اتكلمي معاها كويس
غنوة بصتله بانفعال:وهو انا قولت حاجة غلط ان شاء الله
يوسف كان هيتكلم بس والدته وقفته
عايدة :خلاص يا يوسف، هيعشان متوترة بس
رانيا بصت لغنوة :عادي اصلا، انا وغنوة متعودين نكلم بعض كدا عادي ومش بنزعل من بعض
غنوة تفادت النظر ليها
@@@@@@@@@@@@@@@@@@@@@
في اوضة بيان ويونس
يونس كان قاعد ومغمض عينه، وبيان خرجت من الحمام وكانت بتغسل وشها
الباب خبط وراحت بيان فتحت لقت نسمة
نسمة دخلت وقربت من يونس
نسمة بحزن :غنوة تحت وعايزة تتطمن عليك
يونس بصلها ببرود :مش عايز اقابل حد
نسمة : بس.....
يونس :انا تعبان ومش قادر اتكلم
نسمة اتنهدت وقامت واتجهت للباب، ولقت روان في وشها ومعاها صينية عليها شوربة
نسمة بعو"ج :انتي هتأكليه دا
روان بابتسامة :اه، دا صحي عشانه
نسمة :لا يا حبيبيتي، انا ان مأكلتهوش خمس ست فرخات بلدي كدا مش هتطمن عليه
روان :يا مدام مينفعش الاكل ال بتقولي عليه دا فيه دهون كتيرة عليه
نسمة :هه، دهون
بيان قربت منها :خلاص ياخالتي، اكيد الدكتور ال قال كدا
نسمة بصت ل روان من فوق لتحت وخرجت
روان دخلت وقعدت جمب يونس.... بيان قربت منه بسرعة
بيان :انا هأكله
روان بصتلها :مين حضرتك؟!
بيان :مراته
روان:اه، تمام.... اتفضلي
روان قامت وبيان اخدت منها الصينية وبصتلها
بيان بابتسامة مزيفة :تقدري تروحي انتي
روان بادلتها الابتسامة مزيفة : مينفعش لازم اقعد عشان ياخد الدوا
بيان بصتلها بضيق وبعدين مدت الملعقة ل يونس
يونس قام قعد : اقدر اكل بنفسي، انا مش عيل صغير
واخد منها الملعقة
بيان بصتله بضيق: براحتك
وقامت من جمبه
@@@@@@@@@@@@@@@@@@@@@@
تحت في القصر
نزلت نسمة وباين عليها الحزن
غنوة قربت منها :ها ياماما، اطلع اطمن عليه
نسمة بحزن : مش عايز يشوف حد
غنوة زعلت، ويوسف قرب منها وحط ايده علي كتفها :يلا خلينا نمشي
نسمة بصتله :لا يابني اقعدوا معانا حتي لبليل
يوسف : يونس مش هيحب اننا نبقي هنا كتير، فا الاحسن نروح بيتنا
غنوة بصتله بحزن، ويوسف مسك ايدها وخرجوا
رانيا بحزن :انا مش عارفة يونس هيفضل كدا لحد امتا
عايدة :ربنا يهديه، دي مهما كانت اختوا من دموا بردوا
تفيدة قعدت وهي بتشرب العصير وبغرور :اكيد من ظلمه ليا، جراله كدا
نسمة بعصبية : لا بقي بقولك ايه انتي تتكلمي عدل علي ابني.... وهو ظلمك امتا اصلا، دا انتي تظلمي بلد
تفيدة بعصبية : جرا ايه يا نسمة، دا انتي لسانك طول عليا لاوي اليومين دول.... بتتكبري عليا عشان ام الكبير يعني
عايدة :انتي بتتكلمي دلوقتي زي ما انتي عايزة عشان يونس مش هنا، بس اول ما يخف هتشوفي الكبر"ياء علي اصوله
تفيدة قامت بعصبية :لا بقي، انتي ليكي حق اصلا تتكلمي و....
قاطعها حسين بغضب :اطلعي فوج ومسمعش نفسك
تفيدة بصتله بغ" ل :ماشي ياحسين، انا هوريكوا كلكم
وطلعت فوق
وحسين بص علي عايدة ال بعدت نظرها عنه بضيق وكر*ه
@@@@@@@@@@@@@@@@@@@@@
في اوضة يونس وبيان
يونس اكل وبعد عنه الصينية
روان :ممكن تاكل الباقي، انت ماكلتش اصلا
يونس ببرود :شبعت
روان قربت منه: طب انا لازم اغير علي الجرح
بيان بسرعة :ط طب قوليلي ازاي، وانا هعمل كدا
روان : مش هينفع، لازم حد خبير يعمل كدا
بيان بتتوتر وبتسكت وبتبعد نظرها، ويونس كل دا وباصص عليها
روان قربت من يونس، وقعدت جمبه وبدات ترفع التيشرت من عليه
بيان بصتلها بصدمة وجريت قعدت علي السرير ومسكت التيشرت
بيان بغيرة لروان :انا هساعده
وبدات ترفع التيشرت لحد نصفه، وقاعدة بتبص علي روان وغيرانة لانها شايفة عضلات بطنه قدامها
ويونس عينه علي بيان، وملاحظ غيرتها
روان بابتسامة :واضح انك رياضي اوي
يونس مبصش ليها حتي ونظراته كلها علي بيان
بيان بغيرة :طب ركزي في شغلك شوية
روان بصتلها....... وبعد مدة، خلصت روان، وبيان نزلت التيشرت بسرعة
بيان بضيق :احنا جهزنا لحضرتك اوضة تقدري تتفضلي بقي
روان بابتسامة مست"فزة :تمام بس لو يونس بيه احتاج حاجة ناديني فورا
بيان بسخرية :ماثي
يونس مسك ضحكته بالعافية
خرجت روان
يونس بابتسامة : انتي كنتي بتكلميها ليه كدا
بيان بتوتر :ه ها، ل لا بس يعني طريقتها معجبتنيش
وقامت بسرعة ووقفت :احم، ا انا هروح اشوف خالتي عايزة مني حاجة ولا لا
وكانت هتخرج بس
يونس بتعب :استني.... خليكي معايا شوية
بيان قربت منه بقلق :انت كويس؟!
يونس وهو بيحاول يقوم :اه، بس ساعديني عايز ادخل الحمام
بيان قربت منه بسرعة وسندته وهي حاطة ايدها علي مكان جرحه
@@@@@@@@@@@@@@@@@@@@@@
في اوضة مصطفي
كان ماسك تلفونه وبيتكلم مع عيسي
مصطفي بغضب : وانا ال كنت فاكر رجالتك حاجة تقيلة طلعوا شوية لعب
عيسي :يا عم دا رجعوا وقالو محدش قادر عليه
مصطفي :واهو رجع ولسة عايش، وانا ال كنت فاكر اني هرتاح منه ووووووووو
