رواية عوده مستحيله الفصل الخامس عشر بقلم جمانه السعيدي
نسرين....خاله اني اسمي نسرين مو زينب اعذريني ماكدرت اكول اسمي الحقيقي جنت خابفه
ام امل....اني عاذرتج وحاسبتج مثل بنتي امل
لا اطلعين وتشلعين كلبي عليج
خل الشيخ يدز ناس يدورون اهلج
ومن تلكينهم ارجعيلهم واعتذري منهم اخاف عليج
الوكت يخوف وانتي ماعندج تجارب ابد
جمانه السعيدي
بقيت كاعده بس راح اموت من القهر على اهلي
كرهت نفسي حيل
توسلت بيه ام امل حتى اتعشى بس ماكدرت مااكدر اكل
نفسي مسدوده رغم اني بدون غدا
كل النهار مااكلت
ام امل ...ماقبلت نسرين تاكل اخذت الصينيه ورجعت للمطبخ اجاني شاهين
شاهين...شششلوون صااارت ننسسسرين
ام امل ...يايمه هاي مسكينه لاحول ولا قوه كاعده تبجي تريد تعوف البيت
وين تروح هلمسكينه كلشي ماتندل والوقت هذا شلونه
اخاف عليه انت ماتعرف كلبه شكد طيب
شاهين...لالا تتخلييه تتطلع ااابد
ام امل ...بلكت الشيخ يدز احد يشوف اهله وين شالو
شاهين...اننششاء الله
الي مايعرفه شاهين ولا نسرين اهل نسرين عرفو مكانه
لمن شاهين راح يسئل عليه بلمنطقه
واحد من الجواربن صديق اخوها
من شاف شاهين يسئل عنه ويلح بلسوال
سئل السايق هذا ابن من وليش هيج يسئل عن بيت حجي عدنان
السايق جاوبه هذا ابن شيخ سعدون والبنيه الي يسئل عن اهله دخيله بيتهم ويريد يرجعه الاهله
هذا الولد اتصل باخو نسرين وحجاله كلشي
وهنا اهل نسرين عرفو مكانه ووقررو يرحون البيت شيخ سعدون ويرجعون نسرين
جمانه السعيدي
ثاني يوم نسرين من كد البجي والحزن ولا ماكله تخربطت
حيل وام امل تحاول تجبره على الاكل
حتلو شي قليل حتى تسند نفسه
الساعه ١١ الصبح وصلو اهل نسرين البيت الشيخ
اخوانه ثنيبنهم وابوها وابن عمه
استقبلهم الشيخ وهو مايعرف هم اهله
جمانه السعيدي
الشيخ...اهلا وسهلا
ابو نسرين...هله بيك شيخنا احنا عدنا طلب واحد نريد نسرين سمعنا بيه دخيله عندك
الشيخ عندا خبره بالرجال ويعرفهم من حجيهم
بس باوع عليهم عرف هم ناوين على الشر واذا أخذوا هاي المسكينه راح يكون مصيره الموت
حاول يهدي عليهم
الشيخ...انشاء الله بتكم هي بنتي واني حافظت عليه
ومحد قرب عليه ابد
علي اخو نسربن....شيخنا استعجل ورانا طريق طويل
الشيخ انتبه ثنيبن منهم مسلحين يعني اكيد ناوين على الشر
الشيخ...بس تشربون الكهوه انتم ضيوفنا وجايين من بعيد
طلع الشيخ برا.... صاح اريد شاهين ووين شاهين
ردو علي الحراس شاهين طلع
الشيخ...اتصلو علي يجي بسرعه
ضل الشيخ يسولف عليهم بلمعدلات كلهن
يعني بالسوالف الزينه طفله وبعدها زغيره ومايصير تجبروها على الزواج غصبا ماعليه
والاسلام يمنع الزواج الغصب هي ماجانت مقدره نتايج فعلته هاي وندمانه حيل
وصل خبر النسرين اهلج اجوو ومسلحين
تربد توكف على طوله ماتكدر هم خوف وهم حزن وماكله
من امس اي شي
نسرين...راح يكتلوني مادام اجو كلهم وعدهم سلاح هذا اخر يوم بحياتي
شاهين بس اتصلو علي رجع للبيت بسرعه حتى يحاول
يساعدهم بحل هاي المشكله
الشيخ...كاعد يسولف عليهم ويريد يحل هاي المشكله
وأهم شي نسرين ماتتاذه لان هي بحمايته
لازم يخلصه من هاي الورطه باي طريقه
راسا دخل عليهم شاهين سلم عليهم وكعد
الشيخ...هذا ابني شاهين واحمد اخو شاهين رجع من برا وسمع بهاي المشكله واجا كعد يمهم
جمانه السعيدي
ابو نسرين...بتنا غلطت ونزلت راسنا بلكاع حتى شلنا من بيتنا احنا وبيت عمه بسببه بس سلمنا اياها واحنا نعرف نحل هاي المشكله بطريقنا
الشيخ...بتكم محد قرب عليه وصارله عدنا فتره ماشفنا منه شي موزين ابد واذا على طلعته من بيتكم طفله
وماحسبت حساب راح يصير هيج من تطلع
والمشكله منكم ماتريد تزوج هي كوه ترا الزواج الغصب
حرام وين اكو بعد وحده يغصبوها على الزواج بهذا الوكت
ترا احنا بنهاية ٢٠١٠
ابو نسرين...شيخنا جزاك الله خير الجزاء انت ماقصرت ابد
انريد البنيه سلمونا بتنا
شاهين...من رخصت الششيخ اني ششاهين ابن ششيخ سسعدون اطلب ااابد بببتك نسرين منك واتمنى تقبل
تناسب شيخ سسعدون
الشيخ بقه مصدوم جان يعتقد شاهين طلع بهذا الحل حتى ينقذ البنيه ومايدري شاهين يحبه ويريد يزوجه
وينقذه من الموت مثل ماهي نقذته من سحر زوجت ابوا
الشيخ...والنعم عفيه ابني السبع انت زلمه ومن ضهر زلمه
اهل نسرين بقو يباوعون واحد بوجه الثاني شيخ سعدوون يناسبهم شيخ سعدون بنفسه يناسبهم
وياخذه الابنه يعني بتهم صدك شريفه لو ماشريفه
ماخطبه الشيخ الابنه
جمانه السعيدي
ابن عم نسربن...لا هاي مرتي مااقبل ابد
ابو نسربن....تحجي صدك شيخنا انت تريد نسرين الابنك
الشيخ...كلمة شاهين ماتنزل للكاع ابد
احنا نريد نخطب بنتك المصون الابنا شاهين هااا شكلت
ابو نسرين...تحجون صدك لو تردون المشكله تفض
الشيخ...افه اني احجي حجي ومااكون كده
باجر حضرو نفسكم تجيكم مشيه تطم عين الشمس
كل الناس المهمه بلعراق والشيوخ راح تجيكم مشيه
تخطب بتكم وكلشي لاتتكلفون احنا يزيدنا شرف اناسبكم
ابو نسرين...انريد مهله يومين نرجع البيتنا القديم لان بعدنا مابعنا وهناك تجي المشيه كدام اهلنا والجوارين كلهم
حتى نكدر نرفع راسنه بين اهلنا وناسنا بلمنطقه
جمانه السعيدي
الشيخ...بعد طلب عندي هسه نعقدله هي وشاهين وبتنا تبقى عدنا معززه مكرمه
ابو نسرين...اي شيخنا تامر امر
شاهين...مممن رخصصتكم العروسسههه تتتحضر نفسسه
ابن عم نسرين كام يفور وماقبل بس ابو نسربن كاله اسكت
لان نسب شيخ سعدون موشويه
وخصوصا راح يجيب مشيه ويجي عليهم كدام الناس كله
يعني راح يرفعون رأسهم كدام الناس كله
نسرين كاعده وارجف كلني واني اشوف الموت كدامي يفتر
بكل دقيقه اكول راح يدخلون عليه ويكتلوني بهاي اللحظه
مااحس غير شاهين جاي البيت ام امل
دخل عليه وهو مبتسم
شاهين...حضري نفسج يااعروسه
نسربن...اريد اجمع قوتي وواكف على حيلي كوه وكفت ياا عروسه
راح ياخذني ابن عمي
شاهين...لا اني راح اخذج
نسربن...شنو تاخذني
شاهين...ااني خطبتج من ابوج وهسه راح نعقد والمشيه
بعد يومين وراح اسويلج احلى عرس بلدنيااا
نسرين..اني سمعت ذني الكلمتين واني ووكعت من طولي
شاهين.. احجي وياها على عرسنا وهي وكعت من طوله
طفرت عليه خليته بحضني ااضرب بخدها
نسسرين..نسرييين.. هاااي شششبيج لا تخوفيييني يمممعوده ردي عليه
امل ركضت جابت عطر
خليت بايدي وكرصت خشمه فتحت عيونه
نسربن...فتحت عيوني شاهين حاضني ويكعد بيه
شاهين....مممو وكتت دلاللج هسسه خل نعقد وبعدين
ادللي براحتج
نسرين...الي سمعته حقيقه لو جنت احلم
شاهين...حلللم ارجعي نااامي هههاي شبيج اكععدي حتتتى نعقد واخووج واابن عممج السششهود
جمانه السعيدي
نسرين...ليش سويت هيج حتى تنقذني من الموت
شاهين...لا لان اححححبج ااحبببج
نسربن...انت تحبني
شاهين اااي احبببج يلله كووومي تاخررررنا على الششيخ واهلللج
ااامل تعاي كووميه تتغسل ووجه
ااني راااح اسبببقج للممممضيف
نسرين...كعدت شاهين طلع ولج امل تعاي اكرصيني خاف احلم
امل...لا ماتحلمين اصلا شاهين مبين يحبج من زمان
جمانه السعيدي
نسربن...غسلت وجهي ولبست الثوب والشال الي جابه اليه شاهين وطلعت خايفه من عيون ابوي
قربت للمضيف شاهين شافني وكال تعاي
دخلت بس شفت ابوي نزلن دموعي دنكت حضنته وكمت ابجي
ابو نسرين...جنت زعلان عليج الي سويتي مو شويه
بس الشيخ طيح الزعل كله
نسرين بسته من ايده وراسه وسلمت على خواني بس ابن عمي ماسلمت علي مايستاهل
سلمت على الشيخ وكعدت شويه وكالو اجا الشيخ يعقلكم
طلعت برا وام امل واكفه يمي هي وام يوسف يباركلي
وام عامر تخزر بيه ماعاجبه الوضع ابد
عقدلنا الشيخ وابوي واخواني باركولي وابن عمي طلع زعلان طلع قبلهم صمم الشيخ يتغدون عدنا
تغدوا وشاهين كاللهم نجيب نسرين يوم المشيه ويانا
الشيخ دز السايق يوصلهم البيتهم
رجع عليه شاهين....مممبرووك مررريتي
نسرين...الله يبارك بيك ويحفظك اليه ياسندي وعزوتي
الشيخ انطاني مهري وكال خل السايق ياخذج انتي وام امل
وشتري اي شي يعجبج واذا تردين بعد فلوس اني بخدمتج
بهذني اليومين انخبصنا اني اجهز من جه
وشاهين يرتب ببته من جه واشترا غرفة نوم جديده
وعدل البيت
الشيخ جمع الناس كله وراح مشيه الاهلي بعد مارجعو البيتهم
الحمد لله البيت بعده مانباع
واني رحت وياهم بسيارة شاهين
جمانه السعيدي
من شفت بيتنا وامي وهدى مدري شصار بيه شعور ماينوصف ابد بقيت حاضنه امي واشم بريحته
وهداوي لازمتني تكول مامصدكه شفتج
تم كلشي بس الشيخ اعتذر مايكدر يسوي عرس بسبب وفاة ام شاهين
سافرنا اني وشاهين للشمال ازوجنا كانت احلى ايام حياتي
ثالث يوم عرسنا اتصلو علينا ام عامر لزمتها الشرطه
ارجعو بسرعه لان الشيخ تخبل من هاي السالفه رجعنا بسرعه شكووو
لان السحر ماشتغل وهذا الساحر اخذ منه فلوس هواي راحت تعاركت ويااا وهنا كبست الشرطه على المكان
واخذوها هي والساحر وبعد كم وحده
اكو ناس مشتكيه على هذا الساحر لان ميت رجال بسبب سحره
اتصلو بالشيخ حتى يخلصه والشيخ عرف هي ورا كل هاي المصايب لان من سئلو الساحر عنه كال هاي زبونتي من زمان وهواي اشتغلته سحر
الشيخ انجن لان كشف حقيقته
فشلته كدام الناس كله مرت الشيخ تشتغل بلسحر
الناس الخيره ادخلت حتى اطلعه دفعوا كفاله يله طلعت
بقت سنه بيت اخوها والشيخ مايقبل ترجع البيته
بعدين وولدها ادخلو حتى ترجع رجعه الشيخ بس بشروط
رجعه بس خلاله بيت زغير بعيد عن البستان بغير ولايه
وحكم عليه لا تطلع ولا تدخل منا للموت حتلو تتمرض
يجيه الطبيب للبيت ولا يوصله الشيخ ولا يدخل عليه هجره للابد
ولا موبايل ولا فلوس زايده اذا تحتاج شي الحارس يتصل على ولده هو ماله شغل بيه ابد
ازوج الشيخ بنيه عمرها ٣٠ تخبل كلش حبابه واسلوبه حلو
الشيخ طاير بيه
اما اني وشاهين الله رزقنا بولد نسخه من شاهين وهم يتئتئ مثله وبنات ثنيين وحده تشبهي والثانيه يكول هاي تشبه ام امل لان مكابلتج كل الوقت
وأهلي كل شهر اروح اشوفهم مره
ياخذني شاهين نبات ليله ونرجع ثاني يوم
نصيحتي لحد يغلط غلطتي يمكن رب العالمين سترني
وساعدني بس مو كل مره تسلم الجره
دمتم سالمين احبتي
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
