رواية سراب الفصل الخامس عشر بقلم جمانه السعيدي
سراب...هذا اليوم خلص بسلام واهم شي
سامر مااجه وخلصت من خلقته
اريد وقت افكر شلون اخلص منه هذا شيطان موبشر
ثاني يوم كعدنا الصبح نتريك ورائد يشرب كهوته ويلعب وياا الجهال
المحامي اجا وجاب فلوس للحجيه مال الايجارات
وتفقت ويااا قسم منهم يخليهن بلمصرف
بس طلع المحامي الحجيه كالت تعاي سراب
سراب.. هاا حجيه
الحجيه....هاي ٧٥٠ الف راتبج مال هذا الشهر
سراب...صدك تحجين بعد فوك هذا الدلال كله راتب
اني ماأخذ راتب انسانيتكم كافي
شسوي بالراتب اكل واشرب وساكنه بينكم
بعمري ماحسيت بلامان مثل مااني حاسه واني عايشه بنصكم
الحجيه...هذا حقج اخذي وضمي انتي ماتعرفين الضروف شني هذا تعبج اني حاجه بيت الله
وبعمري مراح اكل حقج انت يتيمه ومسكينه وبركبتج حمل
حرام واحد ياكل تعبج
سراب...دنكت بست ايدها الله يحفظج اليه
ويطول عمرج يارب
جمانه السعيدي
دخل رائد غرفته يصلي والحجيه هم كاعده اتصلي اني طفيت الطباخ ورحت اتوضا
اندكت الباب رحت فتحت لكيته سامر
ماحجيت اي شي بس فتحت الباب درت وجهي ورجعت حتى ماسلمت علي
سامر....شدعوه عيوني شايله خشمج علينا
عندي الج مفاجئه ماتتوقعينه ابد
دخل كعد بلهول
والحجيه طلعت من غرفته بقت تحجي ويااا
واني رحت اصلي
خلصت صلا ورجعت احضر الاكل
الحجيه....هنا نتغدا بلهول المطبخ حار
سراب...صار حجيه
بديت انقل الاكل واسمع حديثهم هو ورائد
رائد..البارحه مابينت
سأمر...عندي شغل خلصته
رائد...شسويت بلقرض
سامر....جاي احاول اسدد الله كريم
رائد...مو كتلك هاي الشغله ماتفيدك وماتكدر عليه
رحت سحبت قرض ورطت نفسك
سامر....اني راح احله اكو شغله ابالي لو تكمل كل مشاكلي تنحل
سراب...فهمت من كلامهم سامر على قرض ومايكدر يسده
اكول يريد يبوك ممتلكات رائد ويحوله بااسمه
ثاري واكع بمصيبه وبدال مايدور حل يطلعه من هاي المصيبه
يريد ياخذ حلال غيره
المهم حضرت الغدا وكعدو ياكلون واني ماكعدت وياهم
كعدت اوكل الجهال
ولمن خلصو رحت شلت ألمواعين وقدمتلهم جاي
الحجيه ...اني اروح ارتاح بغرفتي
سامر...لا حجيه ارردج بشغله مهمه
كعدت الحجيه يله كعدت كووول
رائد...شكوووو خير
جمانه السعيدي
سامر...اني قررت ازوج
رائد...وشنو الغريب انت يوميه مزوج ومنفصل
ليش تورط نفسك احسن رجع زوجتك وابنك للبيت قابل الزوجه الجديده شراح تقدملك زوجتك خوش بنيه
سامر....لا ماارجع زوجتي وابني مااريده ختولي حقيره
السانه شطوله وطلباته ماتخلص
رائد...ترا عادي كل النسوان عدهن طلبات هي الحياة هيج
اذا ماتطلب منك منيين تطلب فلوس انت مسول عنه
سراب....حسيت رشيد كدامي مو سامر نفس الحقاره
ياسبحان الله اني نضرتي ماتخيب ابد سامر ورشيد نفس النسخه
سامر....بس اسمعوني للأخير لان هلمره اني اختاريت صح
وهلمره راح تكون هاي الزواجه الاخيره انشاء الله
انتم تعرفون العروسه وراح تفرحولي
رائد...كووول نسمعك
سامر....سراب اني اريد اخطب سراب منكم
سراب...اني سمعت اسمي وكعت الصينيه من ايدي وتكسرت الستكاين
رائد...من كال سراب ابد ماكنت متوقع يقصد سراب الي تشتغل عدنا توقعت وحده ثانيه بقيت صافن
بس من وكعت الصينيه من ايد سراب وسامر طفر يطمن عليه اتاكد هو يقصده
مايقصد وحده غيرها
رائد...اي سراب تقصد
سامر....من وكعت الصينيه من ايد سراب كمت على حيلي
ورحت اطمن عليه وابعدها عن الكزاز
لازم تحس بااهتمامي بيه حتى تنفذ الي طلبته منه
رائد...رجعت عدت السوال علي بس بعصبيه هلمره
اي سراب تقصد
سأمر... وكفت بصفه وكلت سراب هاي سراب
ومستعد اتكفل بيه وبجهاله
رائد...رديت بعصبيه انت ابنك شامره وماتسئل علي ومطلوب دين بكد شعر راسك
شلون تتحمل مسوليته ومسولية ثنيبن جهال
جمانه السعيدي
سامر....اني اتحمل كلشي بس توافق عليه
اني مااعرف اهله حان طلبته منهم بس كلت احجي وياكم بلااول
رائد.. حسيت راسي راح ينفجر وكلبي يدك على السريع رديت علي بعصبيه .اسف طلبك مرفوض
سامر....ليش مرفوض اسئله بلاول
رائد..مرفوض يعني مرفوض وبعد لاتحجي بهيج موضوع مره ثانيه
سراب...اني واكفه ومذهوله من كلامه هذا من كل عقله
جاي يطلب ايدي
اني لو اموت ماارتبط بواحد مثل سأمر حقير ونذل
هذا رشيد الثاني
يعني اني ماصدكت اخلص من رشيد يطلعلي سامر
الحجيه...يمه سأمر انت فاجئني بهذا الطلب انطينا وقت
نسئل البنيه ونتصل بخاله ونسئله ونرجعلك خبر
سراب...عفتهم وطلعت رحت للمشتمل حتى مااخذت الجهال وياي
هذا شيريد بلضبط مو معقول شكد حقير
اني هسه راح احجيلكم سامر شيريد
سامر يريد يستولي على املاك رائد بعد ماخسر كلشي يملكه
من شاف سراب وعرف وضعه تخيل هي بعد الي شافته
من الفقر والضيم
ممكن تساعده حتى ياخذ املاك رائد اذا وعدها بمبلغ محترم
من حجه وياها وشافه ماانطته وجه
حاول يغريها بلفلوس رغم هو ماعندا فلوس كان يضحك عليه يعني يخليه تساعده ويزحلكه
لان اذا كمل شغلته وحصل البصمه على التنازل
هي بعد مراح تكدر تحجي
قابل تفضح نفسه هاي اذا مادبر له مصيبه ودخله السجن
جمانه السعيدي
من شافه رافضه هاي الفكره وماكدر يقشمرها
قرر يوهمها بلزواج
يعني يطلب ايدها كدام رائد والحجيه يخطبه بس بلكلام
ويوعدها اذا تمتت المهمه يزوجها
وينقذها من وضعها الي عايشه بي هو متوقع راح توافق علي لان ماتحلم واحد مثله يتقدمله وهيج تصير مثل المحبس بايده
راح ياخذ راحته وياها بلكلام اكثر
ويكدر يقنعها تسوي الي يريده
باعتبار هي آمنت هو راح يصير زوجها
بس يحصل الي يريد منها راح يتخلى عنه ويشمرها
ومايسئل عنه
بكل الاحول هو يريد سراب وسيله حتى يوصل الاملاك رادئد وبعدين يتخلى عنه
هو يكذب عليه من كال اني مراح استولي على املاكهم لمن يموتون بس يحصل التنازل راح يشمرهم بلشارع ثنيبنهم ويأخذ كل املاكهم
لان علي قرض اذا مايسدده راح ينسجن
افكاره كله شيطانيه ومراح يعوفها اله ياخذ الي يريدا منه
سراب...عفتهم يحجون وطلعت للمشتمل حتى الجهال مااخذتهم وياي
سامر....اني اكول تسئلون سراب لان هي الضاهر انحرجت مني اني فاجئته بطلبي كان لازم يكون عدها علم مسبق بلموضوع اسئليه حجيه واني مستعد الكل طلباته
الحجيه...انشاء الله يصير خير
طلع سامر
الحجيه....يمه رائد انت ليش عصبي مابيه شي زواج على سنة الله ورسوله
رائد....يمه انت تغشمين نفسج انت تعرفين سامر زين وتعرفين اخلاقه معقوله نورط هاي المسكينه وياااا
حتى حرام علينا
الحجيه...نسئله بلاول هي جبيره وتعرف مصلحته زين
اروح اتمدد شويه اليوم راسي يوجعني
رائد....عبالك كاعد على نار يعني سامر ماخله عينه اله على سراب
اني ليش ضايج ايجوز هي توافق
هو يمشي مو مثلي عاجز راح تبقى حايره بيه طول العمر
ايجوز صدك يحبه
لا شنو يحبه سامر مايحب احد بس نفسه وبس
اني شبيه ليش هيج متوتر
هي جبيره وتعرف مصلحته
بس اني لازم احذرها منه هذا لعوب ومو صاحب مسوليه ابد
دفعت الكرسي ورحت للمشتمل
دكيت الباب وصحت سراب
سراب....كعدت على الجربايه ومصدومه من طلب سامر
هذا شيريد بلضبط
مومعقوله يريد يزوجني اكيد هاي خطه حتى اساعده
ياخذ التنازل وبعدين يشمرني
لا ولله مااساعده ابد اعوف الشغل هنا واكعد بلشارع ولا
اخون الخبز والملح
سمعت رائد صاح سراب ودك الباب عليه
سراب...اجيت
شكرا لزيارتكم عالم روايات سكيرهوم
