رواية دعني احطم غرورك الفصل الخامس عشر
في منزل حسين الدمنهوري ، كانت سهير تخبر جانا بأخر التطورات ،،،،
-جانا: إزاي يا انطي ازاي ؟؟
-سهير: خلاص عمك حسين اتفق مع الجماعة ، وبكرة هتنزلوا تجيبوا الشبكة
-جانا: من غير ما ياخد موافقتي؟؟؟؟؟
-سهير: عمك أدرى بمصلحتك !
-جانا: بس مصلحتي مش مع البني آدم ده ، ده وقح وحيوان وهمجي و...
-سهير مقاطعة: بصي يا جوجو يا حبيبتي ، مش هينفع تعترضي على كلام عمك ، بس لو مش حابة تكملي الموضوع ممكن بكل بساطة تفركشي بعد الخطوبة ، لكن خلاص عمك ادى للناس كلمة
-جانا: طب وايه اللي يجبرني من الأول على كده ، انا مش موافقة
-سهير: يا حبيبتي ، ربنا يهديكي ، عز مش وحش زي ما انتي معتقدة ، ده انقذك كام مرة ووقف جمبنا و.....
-جانا مقاطعة بنرفزة : ده كداااااااااااااااااااب وقليل الأدب
-سهير: انا تعبت من الكلام معاكي ، م الآخر كده يا جانا ، الخطوبة يوم الخميس ، وبكرة هتنزلي تجيبي الشبكة .. يالا بقى وأنا مش فاضية ورايا حاجات في البيت عاوزة أعملها ...
-جانا في نفسها: والله يا عز يا بن الـ..... لخليك تندم ع اليوم اللي بس فكرت انك تقرب مني ، والله لهطلع ميتين......و....و.... !!!
أخذت جانا تتوعد بالانتقام العنيف من عز الدين ...
......
في فيلا يوسف الكيلاني ،،،،،
-عايدة بفرحة : اخيرااااا هنفرح بيك يا عز
-عز: اه يا ماما
-يوسف بسعادة: ربنا يباركلي فيك يا بني ، كبرتني قصاد عمك حسين ، راجل من ضهر راجل وأد كلمتك
-عز: وهو أنا أقدر برضوه يا بابا أكسرلك كلمة
-عايدة: هتنزل بكرة مع العروسة تجيب الشبكة ع الساعة كام ؟
-عز: لسه عمي حسين هيكلمني يبلغني بالمعاد
-يوسف: ربنا يهنيك ويسعدك يا عز
-عز: و يخليك ليا انت وماما.
........
وفي صباح اليوم التالي،،
-سهير: يا بنتي اليوم عدى من غير ما نكلم عز نقوله ع المعاد اللي هتنزلوا فيه سوا تجيبوا الشبكة!!!
-جانا: يوووه ، مش نازلة ، مش نازلة
-سهير: لأ بقى ، انا هاقول لعمك يشوف حل معاكي !
ثم خرجت سهير لتتحدث مع حسين .........
-دينا: انتي ليه مش موافقة يا جوجو ع الخطوبة؟
-جانا: يعني أخرتها يا دينا اتخطب للبأف ده ؟؟؟ انتي نسيتي عمل فيا ايه ؟؟
-دينا: هو عمل ايه بالظبط ؟
-جانا بتردد: آآآآ... يعني ... ضايقني ، الله بقى ، مش عاوزاه وخلاص
-دينا : ماهو ده مش كلام يعقل يا جوجو
-حسين مقاطعاً: ايه اللي سهير بتقولهولي ده يا جانا؟
-جانا: ايه يا عمي ؟
-حسين:انك مش عاوزة تتخطبي ؟ هتكسري كلامي ؟؟ هتحرجيني مع الناس؟؟
-جانا: والله يا أنكل ما اقصد ، كل الحكاية ان....
-حسين: أنا عاوز الرد حالاً
-جانا: خلاص كلمه وقولي يجي الوقتي حالاً نجيب الشبكة وإلا نفضها سيرة
-حسين: انتي عارفة الساعة كام؟
-جانا: I don't care
-حسين: هشوف هيقول ايه ، بس لو اعترض هخليه هو اللي يحدد المعاد اللي يناسبه
ثم طلب حسين عز الدين على الهاتف: الووو ، صباح الخير يا بني
-..........................
-حسين: كلنا بخير الحمدلله ، انتو أخباركو ايه ؟؟
-......................................
-حسين: بقولك يا عز يا بني ، جانا بتسألك فاضي الوقتي........قصدي يعني كمان شوية ، شوف نفسك كده وقولي ، اصل انت عارف بقى العرايس مالهومش مواعيد ، يعني الوقتـ...... آآآآ
-.................................................
-حسين: يا بني أنا مش عارف أقولك ايه ده أنتـــ....................
-.................................................
-حسين: أها ... اه ......
-.................................................
-حسين: ماشي يا بني ، اتفقنا
-.................................................
-حسين: في رعاية الله
ثم توجه حسين لجانا بالحديث : 5 دقايق وتكوني جاهزة ، هو جاي دلوقتي
-جانا بدهشة : نعم ؟؟؟ هو اتجنن ؟؟ ده مافيش محلات فاتحة 7 الصبح !!!
-حسين: مش ده اللي انتي عاوزاه ، مستغربة ليه ؟؟؟
ثم تركها حسين وهي مندهشة من رد فعل عز الدين
بعد مضي ربع ساعة،،،
-حسين: عز وصل تحت، ومعاه عايدة هانم هتلاقيها منتظراكو
-سهير: تمام يا حاج ، احنا نازلين أهوو
-حسين: خلي بالك من البنات ، وان شاء الله تقضى على خير ، انا رايح الشركة ، سلام.
-سهير : ان شاء الله خير، تروح وترجع بالسلامة يا حاج.. يالا يا بنات بسررررعة
-جانا : اووووف
-دينا: I am ready mom
-سهيرموجهة حديثها لجانا : ايه اللي انتي لبساه ده ؟؟ في عروسة تنزل تجيب شبكتها وهي لابسة كده؟؟
-جانا: ماله لبسي ؟؟ ماهو جامد اهوو
-دينا بضحكة : لأ جاحد مش جامد ههههههههههه
( كانت جانا ترتدي زي فلاحة مصرية أصيلة يمتاز بكثرة الورود الملونة فيه ولم تنسى المنديل بؤية ، ومن أسفل الفستان بنطلون بيجاما رجالي وشبشب زنوبة )
-سهير: انا مش عارفة انتي بتعملي كده ليه؟؟
-جانا: هو ده نظامي ، وإن كان عاجبه
-سهير: طب يالا ، احنا أتأخرنا
-دينا تهمس لجانا: ده انتي هتجيبلوه شلل
-جانا: وهو ده المطلوب
نزلت عائلة حسين الدمنهوري وتوجهت نحو سيارة عز الدين التى كانت متواجدة أمام بوابة العمارة
-عايدة بصدمة: ايه ده ؟؟
-التفت عز الدين ليرى ما صدم والدته: هـاااااااااااااا ......
-سهير: صباح الخير
-عايدة : آآصبـ..اح النور
وفتحت سهير باب السيارة لتجلس الفتيات بالخلف وهي معهن ، دخلت دينا أولاً ، ثم جانا في المنتصف ، وأخيراً سهير...
-عز ناظراً من مرآة السيارة لجانا وقائلاً في نفسه: يخربيت لبسك
-عز مجيباً عايدة باستهزاء: اصلها fashion icon يا ماما
-جانا بصوت منخفض: هع هع خفة ياض
وصل عز الدين إلى محل مصوغات كان قد اتفق مع صاحبه ليفتح أبواب محله مبكراً من اجله ، وخاصة ان الأسرة تتعامل معهم منذ سنوات
-عز: خلاص وصلنا ياجماعة ، اتفضلوا حضراتكوا انزلوا ، وانا هركن العربية وأحصلكوا
-عايدة وسهير: حاضر
نزلت كلاً من سهير وعايدة أولا من السيارة ولحقت بهن دينا من الباب الجانبي ، وكانت تنتظر جانا سهير لتنزل فتتبعها ، ولكن أغلق عز الدين القفل الأوتوماتيكي بسرعة ، فأصبحت جانا سجينته،،،،
-جانا: افتح الباب ، بقولك افتح الباب !!!
-عز بثقة : تؤ يااااااا يااااا قـ..طة
ثم انطلق بالسيارة وجانا تصرخ
-جانا: انت مجنون ومش طبيعي
-عز: مش زيك برضوه
-جانا: وقف العربية أحسنلك وإلا......
-عز بتحدي: وإلا ايه يا بت ؟؟
وقفت جانا خلف مقعد عز ثم وضعت كفي يديها الاثنتين على عيني عز فأصبح لا يرى الطريق أمامه، وضغطت بشدة عليهما
-عز: يخربيتك ، هنعمل حادثة
-جانا بصريخ: وقف العربية وقفهاااااااااااااااااااااا
ضغط عز الدين على الفرامل بشدة ليوقف السيارة ، وارتطمت رأس جانا بسقفها
-عز: الله يخربيتك يا شيخة ، كنتي هتخلصي علينا ، ده انتي ولا عزرائيل
لم تستمع جانا لما يقوله عز ، ونزلت من السيارة مسرعة ..
ظل عز الدين يتأوه من الآلم في عيونه ، ولحق بباقي العائلة عند محل المصوغات
-سهير: ايه يا جوجو كنتي فين؟
-جانا: مافيش يا أنطي ، انا موجودة أهوو
-سهير لعايدة: تعالي نشوف الحاجات اللي هناك دي يا عايدة هانم ، بصي يا دينا معانا
-دينا: sure مامي
استغرب صاحب محل المصوغات من هيئة جانا ، ولكنه لم يعلق ...
-عز: صباح الخير يا شريف
-شريف: صباح الخير يا عز باشا ، أنا جهزت لحضرتك تشكيلة حلوة عشان العروسة ، اتفضل شوفها ...
-عز: ممم ، فعلا حلوين ، وريهم للخدامة
-جانا: نعم ؟؟؟
-عز: حلو استايل الخدامة ده عليكي ، فعلاااااا شبهك جدااااااااا، لأ و لايق اوي عليكي!
-جانا: خدامة في عينك !!!
-عز مكملاً: ناقصك بس ريحة معفنة ودي سهل اجيبهالك ، وشوية زبالة ، وتبقى مية مية .. صورة بقى عشان البروفيل
ثم التقط لها صورة بحالتها المزرية بهاتفه المحمول
-جانا لشريف الصائغ: مش عاجبني اي حاجة
-عز: أه فعلا، هاتلها حاجة على هيئة صفيحة زبالة ، ولا زمبيل الزبال هتليق اكترررر
-جانا: ما تلم نفسك يا سقيييل
-عز: شوف يا شريف ، انت تعمل اللي بقولك عليه ، وفكك من اي حاجة تقولهالك ، هاتلنا بقى الدبل
-جانا: دبل ايه ؟؟ مش عاوزة البس دبلتك!!
-عز وهو يمسك يدها اليسرى ليدخل دبلة ضيقة : مممم ، الدبلة دي هتليق على صوباعك اوي
-جانا بتآلم: أي صوباعي ، سيب ايدي ، آآآآي
-عز بعد ان نجح في ادخال الدبلة : خلاص هناخد دي
-جانا لشريف وهي تحاول خلعها : شيل الدبلة دي من ايدي ، انا مش عاوزاها !!
-عز: طيب يا شريف ، ده شيك تحت حساب الحاجة
وهنا قاطعتهم سهير: ها يا ولاد اختارتوا حاجة؟
-عز مسرعاً : ايوه يا طنط ، الآنسة جانا اختارت الدبلة وصممت متقلعاش من ايدها
-جانا: والله ما حصل ، ده هو اللـ.......
-عز: خلاص يا جانا ، قصدي يا آنسة جانا ، طنط مش هتضايق انك عملتي كده ، صح يا طنط ولا ايه؟
-سهير بضحكة : هههههه ، حلوة يا بنتي ، ويارب ماتتقلع من ايدك ابدااااا ابدااااا
-جانا وهي تنفجر من الغيظ: هقلعها وهتشووووف
-عز: ابقى حاولي بس ، وهتشوفي ...!!!
