رواية معشوقه الضابط علي الفصل الخامس عشر بقلم ارسلان جاف
داده لا تنسون تفاعل حبايب
عندما يأتي الصباح وتسكن الروح
وترتاح النفوس مماعلق بها من أتراح الدنيا
تحلو المناجاة بين الأحبة ويرق الهمس من الحبيب إلى الحبيب
وتطيب الخلوة مع القلب ليحكي مابه من جروح ومابه من سعادة
فيذوب في تجليه مع القمر والنجوم
ويبدأ في نسمات الصباح ...
ﺍﺳﻌﺪ ﺍﻟﻠﻪ صباحكم ﺑﻜﻞ ﺧﻴﺮ
صباح ﺍﻟﺤﺐ ﻭﺍﻻﻣﻞ ﻭﺍﻟﻮﻓﺎﺀ ﻭﺍﻟﻮﻋﻮﺩ ﺍﻟﻮﺍﻓﻴﺔ
صباح ﺍﻟﺼﺪﻕ ﻭﺍﻻﻣﺎﻥ ﻭﺍﻟﻨﻮﺍﻳﺎ ﺍﻟﺼﺎﻓﻴﺔ
صباحﺀ ﺍﻟﻘﻠﻮﺏ ﺍﻟﻤﺸﻌﺔ ﺑﺬﻛﺮ ﺍﻟﻠﻪ
صباح ﺍﻟﻨﺴﻤﺎﺕ ﻭﺍﻻﻟﻮﺍﻥ ﺍﻟﺰﺍﻫﻴﺔ
صباح ﺍﻟﻬﻨﺎ ﻭﺍﻟﻔﺮﺡ ﻭﺍﻟﺴﺮﻭﺭ ﻷﻃﻴﺐ ﻭﺃﺭﻕ ﺣﻀﻮﺭ
يوم جديد صباحا
هبه .. الو حبيبي فارس وينك ادك وماكو انت مو كلت اليوم لا ادومين شنو القصه شو اختفيت شبيك صاير غريب كلش
.
فارس .. يابعد هلي اني بالشقه مالتنه جهزتها لخاطر عيونج بس بقى انتظرج تنورينها
هبه.... صدك حبيبي فدوه لعمرك ومتشوقه اشوفهاا دزلي صورتهااا
فارس .. اجي باجر اخذج تشوفينها. بالحقيقه احلى شكلتي
هبه .. لا ماااكدر والله دزلي صورتها فدوه
فارس .. شنو ماعندج ثقه بيه ما ادز الظاهر ما تثقين بيه
هبه.... لا شلون حبيبي عندي ثقه بيك بس اخاف امي اخواتي يعرفن ما يقبلون
فارس... ماشي على راحتج باي
هبه.. فارس الو حبيبي فارس الووو خرب سد الخط زعل اكيد خل اتصل اتصلت اهوايه اخر شي قفل تلفون اووف
نور... خير شبيج ضايجه وجه الجوب
هبه... انجبي انتي الثانيه شعليج دزيتله رساله حياتي اسفه بس افتح تلفون نتفاهم كمت بدلت ورحت للجامعه عود ليش زعل معقوله لان كتله ما اجي اووف
علي.... كعدت راسي يريد يطك اخذت حمام بدلت ونزلت صباح الخير
ابراهيم.. صباح الخير ابني شلونك
علي... بخير شبيج ماما ما تردين الصباح عليه
رقيه... زعلانه منك كل وقتك يم بيت جدك ما تسأل اختك يمنا من البارحه سألت عليها لا
علي... قصدج ريناد رجعت متأخر جانت نايمه ليش شنو قصدج بيت جدي مو اليوم والبارحه من عمري ٧ سنين اني يمهم
ابراهيم.. علي. ابني امك اشش لا تجادل
علي.. ماشي بابا من رخصتكم
ريناد... واخيرا شفناك عريس اخبارك يروح اختك
علي.. هلا والله الحمد لله مشغول والله تعرفين شصار
ريناد.. عاادي اي ادري الله يعنك بس هناس بنيه حبابه كلش دير بالك عليها
علي... صدك انتي الوحيده بهذا البيت سمعت كلمه حلوه منها بخصوص هناس يلا حبي رايح
ريناد.. اخذ راحتك عيونك يكولن رايح تصبح بوجها
علي.. ههههه اي من دونها يومي ما يكمل يلا باي طلعت من البيت رايح عليهم وصلت بيتهم دكيت الباب طلعت ام محمد صباح الخير خاله ام محمد شلونج
فاطمه... صباح الخير ابني الحمد لله
علي... أكدر ادخل
فاطمه... اي اي اتفضل اعذرني ابني نور تعالي
نور... شفته كمزت من مكاني عزاا هذا جاي من الصبح ركض انهزمت منه
علي... دخلت لكيت اخته وخالتي شكلهم من الصبح يخيطون ملابس هاي الناس تاكل بتبعها خاله هناس وين
فاطمه.. اتفضل ابني هناس يمكن نايمه هاي غرفتها هدى كومي
علي... اشكد عيب يالله فتحت الباب نايمه مثل ملاك
هناس .. كعدت الصبح علي فوك راسي حلمان بيه شعدك من الصبح جاي
علي .. بست عيونه ماعندي غيرج يرويحتي مشتاقلج اجيت أصبح بوجهج
هناس ..... . اموت بيك
علي .. منين الشمس طالعه شعجب
هناس .... . اتقربت عليه حضنته قوي اريد ادخل لصدره
علي... .. لج اعشقج موت ماناويه تجين وياي تنورين بيتي تعبت من دونج
هناس..... .. لا مااكدر
علي... .. ليش والقران مشتاقلج وهاي اني علنت زواجي وهيج صار
هناس ... علي ليش هيج سويت بيه
علي. ... شسوي جدي مااكدر اكسر كلمته
هناس .. بس كدرت تكسر كلبي
علي .. ليش هيج تسوين بيه والله احبج مالي غنا عنج انت رويحتي عندي رضاج بالدنيا كله
هناس ... عفته كتله علي شسوي جاي
علي . .... علمودج والله
هناس ... عوفني وروح الله يخليك
علي .. بس انت تحبيني
هناس ... علي لاتلح
علي .. يلا براحتج حبيبتي عفتها كتلها ام لسان سبع جطلات وين
هناس .. ضحكت علي امانه لاتاذيهاا
علي .. جاي مناك علمودها
"
هناس .. كمت من مكاني هو واكف انت مو جاي علمودي بسته بخده ضل صافن بعيوني
علي... تحبيني ليش تبعدين عليه
هناس... كرامتي ما تسمحلي انت ما خليتي كرامه
علي... ارجعها الج الله شحده احد يحجي وياج اتقربت عليها بستها من راسها نزلت دمعتها. َ
هناس... نفسه دخل صدري اتمنيت هاي جرعه الموت اتمنى اموت على انفاسك واخلص مسح راسي باصبعه بهدؤ مسح دموعي هاي دموع بسببك
علي... انقهرت عليها فعلا اني دمرتج وياي اسف خلص اشش اسم عليج ان شاء الله جنازتي قبل عرسي ولا هاي عيون تبجي عليه
هناس... خليت اصبعي على شفته اسم الله اشش لا تجيب طاري الموت احجي بغضب عليك بس من داخلي نار
علي... حضنتها قوي لآخر يوم بعمري اضل وياج اتنفسج انتي اشش حضنتني بقوه وتبجي خلص اشش
هناس... علي روح الله يخليك روح فدوه خليني وحدي عفته رجعت باوعت عليه شفته مسح دمعته ما يحب احد يشوفه ضعيف حتى لو اني يالله اشكد حلوه شخصيته
علي ...... عفتها نور وين
هناس .. عوفهااا وروح
علي... لخاطرج
هناس ... ابو البنات
علي .. شله داعي هالكلام تدرين نفسيي مو دنيئه
هناس .. بس صارت
علي .. كافي مو.معناهاا اسمحلج تجاوزين ذليت وروحي لخاطرج اهواي وعذرتج كلت مكسوره وتره اني مامتزوج حبن بيهاا مجبور هسه تكولين ضابط شكبره ينجبر راح اكلج كلمه جدي تنفذ كلمته غصبن عالكل
هناس... بس انت ما دافعت عن حبنا
علي... هناس تدرين بيه احبج واضل احبج كبري عقلج كاافي ترا دا اموت من دا الي يصير تعبت أكثر منج
هناس .. ضليت ساكته شفته طلع محفظته
علي.. يلا اروح باي خليت مصرف ةعالفراش
وطلعت
هناس ..... راح اتمنيت اكوله لا تروح ما يفيد بعد راح منج علي يا هناس اجتي امي
فاطمه... يمه اريد احجي وياج كلمتين ادري بيج جاي تتعذبين
هناس... من سمعت كلمتها رحت حضنتها قوي بديت ابجي بحضنها يمه يمه تعبانه تعبانه ما أكدر اشوفه يروح كدامي من بين ايده لغيري جاي اموت والله يمه تعبتت
فاطمه... سمعت بجيها وكلامها اتكطع كلبي عليج يا يمه اني السبب دزيتج للبيت ياريت لو ميته ولا كتلج روحي اشتغلي بمكاني
هناس.. اسم الله عليج يمه لا هيج تكولين قسمتنا هيج قسمتي يتعذب كلبي من وراه اشكد حبني هو احسه جذب
فاطمه... لآ بنتي مو جذب هو يحبج ويموت عليج عيونه يكولون هذا الكلام من اجه قبل اشويه متلهف لشوفتج اني اعرف تقاليدهم ما يصير ينطون كلمه بعدين يتراجعون الي عرفته هو جان يريد بنت عمه قبل لا يشوفج وصار الي صار كوني قويه لا تتستلمين ماشي كومي غسلي وجهج تعالي اتريكي ويانا
هناس.. َماشي ماما راحت ماما اجت نور تركض
نور... ولج خفت منه عب
نور... ولج خفت منه عبالي متحلف بيه بس ولج اشكد يحبج سمعت كلام ماما وياج
هناس .. اخذت حسره ادري ماكو بشر بالدنيا يحبني بكده يحبني بكده
نور .. ليش مترجعين اله خطيه.
هناس... تعبانه اريد ابقى عوفيني هاج 10 الاف اخذي اشتري كرزات فستق اي شي حلويات جبس تتسلين تاكلين تتعبين عندج دراسه
نور .. فديتج يا روحي خليهن الج هو انطاهن الج
هناس .. اموت بيج يكلبي اخيتي الصغيره يمته كبرتي لا اخذيهن
نور.... انتي الي كبرتي وتعبتي اكثر وحده بينا عانت جنت متصوره الحياه بس افلوس ولبس وتلفون بس انت ضحيتي اهواي لوما كلمه خدامه جان اتزوجتي من علي عن حب وجان اهواي اشياء اتغيرت بحياتج وانتي خريجه محلله وحلوه بس هيه الحياه صعبه ياريت لو اكدر اصير مثلج قويه
هناس ...... شتصرين مثلي يمعوده طيحت حظي بيدي هو حبني خدامه مو محلله اوففف شيفيد الكلام خلص كلشي خسرت اني كافي انتي كدامج مستقبل. حلو مشرق لا تحبين اله الي يستاهل حبج لا تنطينه كلشي بسرعه الرجال ميحب الرخص يحب الشي الي يتعب عليه تعرفين انتي اذا اي شي طلب منج راح تنفذين تنزلين من عينه
بس هو ماكال هيه تحبني علي هو حبني مو اني حبيته هو دمر روحه ودمرني وياه مو كل رجال يضحون ولا كل نساء تضحي كلنا مثل بعض والقلب خسران هاي احنا وهاي الحقيقه أغلبنه نتجاهلها
يجبرك شخص احيانآ على ان تتغير بطريقه قاسية جدآ تقول فيها لنفسك أنا لم أعد انا.!💔
نور .. الله كلامج اشكد حلو فديتج
هناس ... فدوه الج يلا تعالي نتريك
نور .. ماشي خل اشوف هبه وين اليوم اوففف منها كالت ما اروح الجامعه اليوم راحت
هناس... ليش ما تروح شعدها اليوم دوام
هدى... لآ راحت بس هيه الصبح كالت ما اروح غريبه هاي صار يومين ما عاجبتني
هناس... ليش شبيها خاف من دراسه او امتحانات اليوم اشوفهاااا امي وين
هدى.. راحت تودي ملابس جورارينا خلصناهن هسه تجي
هناس.. هدى شلونج احسج تعبانه اسفه يروحي
هدى... مو بيدي هناس نار بصدري ليش يهون عليهم زعلنا هم عادي يكملون يومهم واحنا لا نار بصدري من وراه هو تخلي بسرعه ولا دافع عن حبنا
هناس... الله كريم حبيبتي اوففف احنا ما عدنا حظ كل وحده ونصيبها كمت اسوي ريوك كل دقيقه بالي يمه اليوم حنته باجر يزفونه عفت دموعي تنزل بدون ارادتي
هبه .. كاعده اني وصديقتي عبير اكلج روحي طالعه تلفونه مغلق معقوله زعل
عبير... ليش زعل شبي هذا خل يولي يمعوده كاتله نفسج عليه
هبه... شبيج انتي الثانيه ناقصه اني بل البدايه انتي جنتي تشجيعني عليه هسه شجاج
عبير... كلشي يختلف عن قبل
هبه... شبيج شنو يختلف تعرفين شي عنه ما تكولين
عبير... لآ شعرف اووه دوختني من. الصبح رايحه باي
هبه.. عبير عبير ولج اوكفي شبيج متغيره عليه اسفه إذا دوختج وياه انسي
عبير... عوفيني روحي اريد ادخل المحاضره باي
هبه.. عبير شبيها هاي ليش محد جاي يفهمني بس فارس يفهمني فدوه لعمره خلص اروح اشوفها عندي ثقه بي هو جاي يتعب علمودي ليش ازعله
هدى .. تعالن عوبات البيض برد
نور... عوعع حشا نعمه الله هو شياكله البيض
هناس .. انجبي نعمه الله
الام ... هناس .. ابو البوتيك دز عليج
هناس .. ادري باجر اروح ان شاء الله
نور... ليش انت مو مزوجه شعليج بينه وبمصررفنه
هدى .. اي صدك
الام.... بس هل الفتره لما يفرجها الله علينا
هناس... لآ ماما اضل اشتغل اني جنت متزوجه واشتغل ما منعني ما اتغير شي
الام... براحتج يمه ربي يسعدج
هناس .... خلصت اكل هدى اخذت مواعين غسلت البيت طلعت الفرشات ونضفت رجعت لكيتهن مكملات نور تقرا وهدى وامي يخيطن واني غسلت كلشي طلعت فاصوليا وسويت تمن علي ما اتصل بعد اكيد مشغول اجتني رساله رقم غريب منو
(مرحبا بواكه الزلم هلي بلا اخلاق وشرف انتي رخيصه حقيره خاينه تافه ذبيتي بلواج عل علي " بالقلم العريض انت بنت شارع بنت ليل)
هناس.... اقرا ايدي يرجفن جسمي نار
منو يتجرا اكيد سهام لان نفس كلامهااا من كالت الي هذاك اليوم راح اتخبل والله عوفوني بحالي دمرتوني الله ياخذكم اوففففففف 💔💔
علي... رجعت لبيتنا امي واخواتي مشغولين طلعت روحي من عفتها خليها على راحتها بعد ما اضغط عليها بديت اكلب بل رسايل مالتها اكو كلام غلط اكثر كلامها تدعي عليه ضحكت على خبالاتها قزومه كلبي
سيف... شبيك صافن مو شكل واحد فرحان اليوم الحنه وفرحه والكل موجود وأغاني ودك وركص تضل هيج وضعك مو عاجبني
علي... ماكو شي عادي لا ليش امشي اجه عمك الدايح
مهيمن... اني دايح لك صرت مثلك يوميه بيت تلام ليك حقها اثاري شالع سابع قلب
علي... امشي سد الموضوع رجاءا نفسيتي تعبتت خليها على راحتها
سيف.. ليش ما تقبل ترجع وياك
علي.. لآ يلا امشو ما احب يحجون بموضوعنا اتصلت سهام..
سهام ... نايمه اليوم الحنه مالتي يا عيني
ام سهام .. يلا بنيتي اكعدي ماضل وكت اكو عروس الحنه مالتهاا اليوم نايمه للضهر خرب بحضي
سهام .. اهووو كمت رحت سبحت وبدلت لبست بنطرون وقميص اوف وايت وشال بيجي وبوت وطلعت فد شي امي كالت عمج يجي ياخذج انتي وساره وبنت خالتج هاجر كتلها اوكي كعدت اتصلت ع علي صباح الخير علي
علي .. هله صباح النور مرتي
سهام .. حلوه الكلمه
علي . اي حرام قابل رحتي للصالون
سهام .. لا بعد هسه عمو مهيمن يجي
علي ..عمج يمنا هسه ادزه ماشي اخذي راحتج بس ها اياج بالحنه ادكينهاا ركص اعدمج
.سهام .. لا يابه طبعا الحنه مالتي حره بيها هو قابل خما كل يوم متزوجه ميحقلك تمنعني وسديت الخط عزااا خل يطير
علي .. اني تسدين الخط والله لا أعدم
خلقتج اني اعلمج
علي ..... . مهمين لا تروح ع سهام اني اروح
مهمين... .. ليش كبد شبيك متشوق من هسه
علي ...... ولي لا بس اريد اسويله كرصه اذن
مهيمن.. ههههه روح الله وياك بس من هسه اكولك مثل هناس ما تلكي بعد
علي... ادري شغلت السياره وطلعت رحت لبيتهم شفتهاا واكفه هيه شافتني اختطف لونهاا ها اتسدينه بوجهي اخذتهاا للغرفه عمتي شافتني كتلها اريده ىبشغله عمتي كالت كيفك مرتك
صعدت لزكته بالحايط لج قندره شلون تتجراين تسدين بوجهي
سهام .. ها ها مو هو مو
علي .. انبلع لسانج هو وجعووو احجي
سهام .. ماادري اجت القوه دفعته وخر جنك حايط ماحس بس خدي اشتعل نار
علي .. اموتج لسانج اكصه حقيره منو انتي تعلين صوتج
سهام .. ماعاش اليمد ايده عليه امشي روح اتعلم الرجوله مو بالضرب
علي. .. لزمتهاا من شعرها اني اعلمج الرجوله شلون اصبرلي
سهام .. شلون متحملتك هناس ما ادري الله يعينها
علي .... اكص السانج تجيبين طاريهاا او تذكرين اسمها
سهام. .. اوف شنو لاحني بلاني بيك مو طالبه دكتوره الف واحد يتمناني
علي .. ضربتها حيوانه
سهام .. وخرررر عطت بي الله ياخذني شلون قبلت بيك
علي .. يالله اسمع منهاا ان شاء الله الله ياخذج واني ارتاح
سهام ..... عافني وطلع اتندمت بكد شعر راسي لان قبلت بي حسبيالي بشر طلع البشر يستنكف منه طلعت غسلت اجا عمو مهيمن علي كايله تعال أخذنا اجت ساره ونهوره وهاجر وليان وريهام دخلنه الصالون سويت شعري تسريحه تجننن ولبست .بدله دنفش ذهبيه مشلتحه وقصيره اني بيضه طلعت اجننن فديتني كملنه رحنه للبيت لكيته كا مل حته الكيكه الدك الاغاني الركص ليان اخذت التلفون مني
تصور بي اجوي صدقاتي كضيناه دك وركص لل7 بليل تعبت والبنات خالتي تجننن صدك حته علي نسيته اجا هو مبدل طالع يجنن فديته اوي خل يطير ما يستاهل
فديته اوي خل يطير ما يستاهل
ريناد... فدوه تخبلين طالعه ربي يسعدكم.
علي... مشكوره كافي ركص راسي صار طبل
ريناد. َ هيه مره بل العمر لو هم ناوي تزوج بعد غير هذول
علي... من بعد هناس ماكو مره تاخذ مكانها
ريناد... هلكد تحبها نيالها
علي... ليش شبيج انتي شلونه وياج
ريناد.. ألحمد الله يمدح منك اهوايه
علي... اي زين اموته غير امشي نطلع بل الحديقه
سهام... اخذني للحديقه وهو عيونه شرار ع لبسي واني ولا ابالي
ليان اخذت صور بالكامره سويت حركات اني وياه اله بشده كلشي جنت محضرته سويته ماضل شي بنفسي بالحنه تالي سحبني الغرفه ضربني راشدي حسيت ركبتي انخلعت والله
عطت شبيك شمسويه
علي .. لج تكسرين كلمتي "
.سهام .. متكلي شكسرت من كلمتك لان ركصت
علي .. لو متصلخه احسن
سهام .. شكو هيه كله بنات ماكو ولد
علي .. لا تردين ولد فوكاه
سهام .. شبيك حبيبي.
علي .. وجع ان شاء اللة
سهام .. يالله شلون اخلي ميمد ايدي عليه خل اصير لوكيه كتله حبيبي مدري شلون طلعت
علي .. كومي بدلي
سهام .. هسه بس لا تعصب اقتربت منه حضنته مابادلني شبيك ياحلالي خليت اصبعي على شفته شبيك ضايج حياتي اليوم فرحتنا
علي .. مابيه شي ليش تصتصغريني اني مو بعينج ما دخلج
سهام .. ها ها.
علي ..وجعا شكد فاهيه امشي بدلي لا اجنزج
سهام. . رحت بدلت وهو طالع
هناس .. صرت دم احس روحي تريد تطلع من جسدي كافي وصلت حدها وياكم ابنكم طيح حظي كاافي بديت اصرخ وابجي اجتي امي
فاطمه... شبيج يمه شصاير شكو ليش تبجين
هناس... ماكو شي ماما اروح نص ساعه وارجع ما أطول اوك
فاطمه.. علي ادري روحي اشوفج وين توصلين
هدى... يمه خليها على راحتها روحي هناس
هناس... رحت بدلت وأخذت تكسي رحت لبيت اهله كالو بيت عمهم اخذت العنوان من الحارس وطلعت شفت علي بل الحديقه رجليه كوه شالتني اريد اصرخ بعلو صوتي
علي .... شفته اجت هاي شجابها شسوين جايه لج
هناس .....اتقرب عليه الله ياخذكم مو كافي دورتين ادور طعنون بشرفي يل ما عدكم شرف ضربني
علي .. ضربتها راشدي شلون وياج تضلين تلوصين
هناس .. كافي طلكني ماريدك مو اليوم حنتك شتريد مني ابني ونحرمت منه بسسبك كلشي خسرت من وراك اهلي كرامتي حياتي دمرتني انت شتريد بس فهمني كول احجي دمرني سكوتك لوين تحب توصل لما تموت هناس هذاك الوكت
علي. .. شبيج احجي هناس كاافي صوتج اسكتي اجه جدي
هناس.. .. مااسكت حقي اريده ماردت منك شي عايله عليك اني ماريد بس عوفني
علي... غضب شلون ابتلي بيها اليوم
الجد...... .انت ما عليك شنهي حقج احجي بنيتي ولا يخوفجج مني انا الشيخ احل مشاكل العالم تعصه عليه سالفتج
هناس .. جدي اريد اطلك منه لان هو ما يريد يطلك
الجد .. لا يبنيتي السالفه متنحل هيج هل ولد شمسويلج تراه الرجال يتزوج 4 انه كدامج تزوجت اثنين بس ما ضنيت اانتي عاقله وهيج تسوين
هناس .. والله جدي عقلي يوزن بلد مو نفسي وامدح بيها بس جدي سمعان بالمثل الي يكول الحديد من كثر الدك يطك اللحيم حجيت وياه وفهمت وضعه وكالي جدي يرجعج البيته صح كلامي لو يجذب
علي... اباوع عليها بكلبي والله اني خبل فدوه لهل لسان ينكط عسل شلون تحجي اروحلج فدوه صافن عليها الله ياخذك علي
الجد ... لا بنتي صح كلامج بس كوليلي جايه. ودمج نار وحاميه احجي شنو سالفتج
هناس.... جدي كعدت الصبح لكيت علي فوك راسي حجيت وياه راح اني ماعندي شي وياه اثنينه غلطنه بس جدي كلتله اني هسه مارجع لان نفسيتي تعبت كرامتي متسمحلي
الجد .. حقج بنيتي
هناس .. وجدي صح اني كلمه والثانيه طلكني لسان لحمه كلشي يكول ساعه غضب
الجد... بارك الله بيج بنيتي بس اريد رباط السالفه مو جن طولتي سالفه عليه
هناس ..... احجي علي بس صافن ادري جدي بس الحجي الي وصلني استحي احجي لو بنتك هيج حجي يوصلها كلام شتكول بس اني ما عندي سند صارت الذيابه تنهش بلحمي ماكواحد يساعدني اريد كرامتي منك كافي الي شفته اطلع تالي اني مو زينه
الجد ... كولي بنيتي العيب علي كال الكلمه ودزه الج واني اذا طلعت السالفه من عيالي حقج اطلعه من بين عيونهم احجي ولا تخافين
هناس .. دموعي نار لا جدي مو علي ما اعتقد هلكد صرت رخيصه عنده ويكول هل كلام عليه
علي... عيونها نار دموعها تجري والله اطلع روحه الي يحجي عليج احجي
الجد... علي خل نسمعها احجي بنتي
هناس... كتله جدي اجتني رساله من هذها لرقم تكول كوه احجي (.................)
ابجي انهاريت وكعت بالكاع مااريد شي جدي بس خل يعرفني شنهي ذنبي هو جبرني خوفني اني شنو ذنبي حبيته
الجد .. كومي مسحي دمعتج غاليه انت حسبه بناتي عليوي ما يستاهلج تعالي ول عليوي
علي .. تحجي كل كلمه تزرف كلبي وتبجي كطعت كلبي اووف اشسويت بيج اني لحضات ردت اطلكهاا حته ترتاح من الي جاي يصير وياها جدي كومها من الكاع مسحت دمعتها ما تباوع عليه ابد هااا جدي
تباوع عليه ابد هااا جدي
الجد.... اخذ الجهاز وشوفلي يا حيوان دازه واجمعلي الاوادم كلهاا بيتي اني رايح لبيتي وماخذ البنيه وياي كل اجهزه أريدها اليوم اريد حقها من عيونك
.علي..... جدي اني شعليه خوما أدز هيج كلام لمرتي
الجد... انت الغضب ويكول مرتي امشي اتحرك سوي الي كتلك عليه لا اموتك تعالي بنتي وياي
علي. .. اخذت التلفون اجت ساره اخذتها ونهور هيه بس دموع تجري رحت عليهاا كتلهااوالله لااخذ حقج والي حجه عليج حجه عليه مو ابن امي وابوي اذا مااخلي يركع جو رجليج
هناس .. ماحجيت نار بصدري بسببه حصلت كلام تافه عفته رحت اخذتني ساره وصلت البيت جدي كال
الجد... ساره بنتي خل تسبح تبرد كلبه وخله تتعشا بين الوادم عيال يجون ونفهم السالفه
ساره... حاضر بابا أمشي عيني
هناس... رحت وياه سبحت جابتلي دشداشه نيليه بيهاا ذهبي لبستهاا خليت شال وتعشينه مالي نفس كوه رحت تمددت بغرفه نهور افكر شراح يسون
علي..... رحت على سهام كتلهاا جدي يكول الكل يجون للبيت الجبير افتهمتي
سهام.... ماشي هسه اكول لبابا اخذ التلفون من ايدي
علي.... وراهاا رحت ع بيتنه اخذت كل التلفونات وكتلهم جدي يريدكم بل البيت ليان بأن ريناد الكل
ليان... شكو خير ان شاء الله اجتماع طارىء
علي... انجبي انتي لا اجي اكص لسانج روحي طالعه
ريناد.. هيج احسن ما تشوفينه شلون صاير عيونه بكصته نروح ونتفهم السالفه
رقيه... وشعدهم هو وجده ليش ما يسوي اهنا الا اهناك عبالك بيت ملك مو شيخ
ابراهيم.. رقيه تاالي وياج امشي نروح َنفتهم السالفه من ابويه لا تحجين وتخربينا روحه علينا
بان... ماكو داعي كبرتو السالفه ريهام روحي حضري نفسج انتي والجهال
ريهام.. ماشي ما عندي شي انتظر سيف يجي
علي.... ورحت لبيت جدي نهور
نهور ... هله علاوي مرتك خطيه ما اكلت اكلك شبيهاا بس شكد حلوه منين جايبها
علي .. امداج هيه عالكه وتكول حلوه بس اي والله تجلط بل الحظ يا نصيب خبله انتي
ساره .. علي هناس مصخنه خطيه
علي .. هيه دومهااا مصخنه اجعله تنور واخبزي بي
ساره .. والله عن الشقا شبيك نار صايره
علي .. هسه اشوفها خلي هاي التلفونات يمج
نهور .. الله شكد حلوات شتسوي بيهن
علي .. ابعيهن خليهن يمج ومعليج ومهيمن هسه يجي وكرار هم اخذي التلفونات منهم
ساره .. ليش عود واحنه هم تاخذهم
علي .. لا بس لان رااح يحجون ولو متاكد مو انتن الي تسون هيج سالفه
ساره.. َماشي براحتك عيني أصعد شوفها خطيه
علي... يلا صعدت رحت لكيتهاا متممده نايمه حضنتهاا دفعتني حضنتهااا قوي غصب عنج ترضين ما ترضين احتويتهااا بصدري ارتخت بس تبجي وتكول تعبت والله كلبي يوجعني مو حب هذا والله تعبت شنو ذنبي
علي. .... اشش كافي ذنبي اني تعبتج اهدي كومي صلي استهدي بالرحمن اسمعي قران راح ترتاحين بس اتوضه واجي نصلي صلاه المغرب فاتتني
هناس.... .. ماشي رحت لبست جادر مالت الصلاه هو اجه ابتسم الي صلينه كعدت وأقرأ قراءن هو كاعد ورايه شغل القران واسمع ارتاحيت
علي... اتقربت عليها اشكد حلوه بحجاب الصلاه
هناس... بقيت ساكته احس كلبي يوجعني علي
علي.... خلص تنحل اخذلج حقج والله انتي مرتي افتخر بيج غصبن عن الكل رضيت اسمع كلام من الناس بس مال ينطعن بشرفج لا هاي مستحيل اسكت عنها امشي ننزل
هناس... علي
علي... روح علي
هناس... خليني اهنا ما اريد انزل ويكولون سوت مشكله وخاف جدي يحجي على الكل ما اعرف
علي... لآ تفكرين ولا تقلقين تمام الزمي ايدي ولا تهتمين انتي مرتي حبيبتي روحي بستها من كصتها هسه ننزل
هتاس... ماشي لازم ايدي بقوه متمسك بيه ليش اتخليت عني ما سمع صوتي ناصي
علي.. شكلتي حبيبتي
هناس... ما كلت بقيت ساكته بكلبي كومه كلام لزمن الي ما شوفني شي حلو يمكن علي شي حلو بحياتي بس دمرني ما ادري دماره وين يوصلني.....
علي... ادري شنو بكلبها ادري تعبانه تكره وجودي يمها ذنبي حبيتها ودخلتها كلبي ما اعرف حبنا مو غلط والغلط الي يكول حبكم غلط رغم الي صار لو اعرف طول العمر انزف قهر وتعب ما اتخلى عنها.....
انتي ورده زرعتها بكلبي اخاف اسقيها
ومن دمي اخاف اوصخها اخاف
تكبر وشوكها يجرحني 🌹💔
شكرا لزيارتكم عالم روايات سكيرهوم
