رواية المتمرد والصغيرة الفصل الخامس عشر بقلم رسل
صعب تتغيرين وياي
صعب مثل الركض بالماي
التسمي (حچي زايد ) مشاعر هاي
______
انفتح الباب و دخل
ابو فهد لگاني كاعدة بالكاع ما حچة شي دخل للحمام اني طلعت نزلت جوة ما لكيت احد بالبيت شنو وين راح
اخذت ملابس نضيفة وبدلت وغسلت ملابسي نزل هو من فوگ لابس دشداشة ولاف الشماغ سوري
هو ميلبس عگال ابد
طلع وشغل السيارة وراح ورا دقايق دخلو كلهم اجتي هيفاء حضنتني كالت هاي شمسوي
بيج البارحة ما حاچيتها
هيفاء: زين هاي شنو الصور
اديان: اني والقران ممراسلة احد
هيفاء: ادري يروحي بس هو حتلو مو انتي
هسة صورج موجودة عند هذا الرجال يعني اي لحظة ينشرهن
اديان: هو منو والله ماعرفة
هيفاء : هو ممخلي صورة بس اسمة مالك المدريدي بس ان شاء الله الحق يبين
اديان: زين انتو وين جنتو
هيفاء: ابوية تخربط و اخذنا للمستشفى
اديان: وهسة شلون صار
هيفاء: لا الحمدلله زين
اديان : الله عليج جوعانة
هيفاء: چنچ على اكل حبيبتي هسة اسويلج
اديان:شكراً.. راحت واني كعدت افكر زين حوراء ليش جذبت وكالت اجتي تريد تليفوني اني يمتة كتلها يعني اكيد هي ورا السالفة
بس اني شلون اثبت روحي بريئة ان شاء الله رب العالمين موجود وهو شايف كلشي و حبل الچذب قصير ..
اجتي هيفاء جابتلي لفتين معلاگ و قوطية اكلت لفة ونص شسوي جوعانة نوب جسمي لسة يوجعني اخذت المخدة ونمت
كعدت بالليل على صوت ام محمد تعيط
ام محمد: عديمات تربية گ** يراسلن بالزلم و يضمن روسهن بعد و بعد حوبة ابني ماتروح هدر
وهاي الماعين مشكولة ذمتها التغسلهن
تگوم بت السكارة هي تغسلهن
اديان،، كمت اغسلهن لكيتهن كومة اني من اشوف امواعين هواي تصير خنگة بصدري والله
غسلتهن و كملت دخلت سبحت و فتحت التلفزيون و هيفاء طلعت كرزات
وانطتني لحد 3 بالليل بعدين نعست ونمت الصبح اجة زيد مادري ليش افرح من اشوفة احسة مثل اخوية او شخص يحميني
كلهم جانو واكفين يسلمون هو شافني كال
زيد: تعاي دندن
اديان : ها
زيد : و سم لج
كالها و هو مبتسم رديتلة الابتسامة
زيد :شونج
اديان : تمام و انتة
زيد: الحمدلله
اديان.. رحت انظف المضيف وهنَ يسوون غدة
كملتة ونزلن زهراء و حوراء كاشخات و حاطات مكياج ولا عبالك امهن متوفية
اجاهن خالهن ضل يباوع اخذهن وراح كملو الغدة وغسلت المواعين اني و سراب و رحت للغرفة اخذت ملابس دخلت اسبح من طلعت لكيت زيد و
اجاهن خالهن ضل يباوع اخذهن وراح كملو الغدة وغسلت المواعين اني و سراب و رحت للغرفة اخذت ملابس دخلت اسبح من طلعت لكيت زيد و
ابو فهد بالصالة من شافوني اثنينهم تحولت انظارهم علية كلت بگلبي يارب سترك اكيد اكو شي
دخلت للغرفة هيفاء كاعد تمشطلي دخلو اثنينهم كعدو گبالي و هيفاء تضفرلي حتى نسيت اني الشال نوب كام زيد قفل الباب ورجع كعد
اني كلبي صار طبل
زيد: اديان بابا انتي التليفون منيلج
اديان: والله اني جنت كاعدة اجتي حوراء و زهراء كالت حوراء عندي تليفون ماريدة تردي كتلها لا
نوب زهراء كالتلها لا جيبي هاي تستحي
انطونيا اخذتة بس حتى ما لعبت بي هواي
زيد : زين صور ليش تطكين
اديان : والله قبل ليجي عمو بيوم سهرنة و هن كالن خلي نطك صور ..
زيد : زين شعدج مسوية فيس
اديان : و القران ممسوية
زيد : لعد مو لكا ابو فهد بجهازج
اديان: والله اني هم مصدومة
زيد : زين انتي عندج علاقة وي واحد قبل لتجين
هنا فصلية
ابو فهد : لك بابا هي اختها ذابحيها لان شاردة وي واحد شتريد الصغيرة شتطلع ملاية ؟
زيد : بس صبر ابو فهد مو كلشي اعصاب
ابو فهد : لك بابا لكيتة دازلي صورها و كاتبلي مهرة اصيلة مرة الشيخ .... ولكم يااااااا گو**** يقبلها على عرضة اللللللللله و اكبررررررر
زيد : اوكف راح اخابر صديقي يشوفلي الموقع
ابو فهد : لك انا ضابط قابل ذني جديدات علية بساعتها خابرت كفاح و دزيتلة الحساب كلت ما اريد اضلمها
بس حسابة مو على رقم ما كدرنة نطلعة
زيد : بس دزليا
اديان : بس عمو و الله اني ممراسلة رجال وروح امي
ابو فهد : اريد اثباااات حتى اصدگج
اديان... كمت ابجي والله الموقف صعب حيل من انتَ بريئ و متكدر تثبت هذا الشي
زيد: لتخافين اني وياج وعلي اطلع حقج
ابو فهد: طرطور الك اني هنا
زيد : لا حشاك ابو فهد بس حرام عليك البنية شمسوي بيها
ابو فهد : الحرمة حرمتي محد الة غرض
اديان.. طلع زيد و طبك الباب ونوب طلع ابو فهد
مشت الايام ابو فهد ميحچي وياي وبناتة مموجودات يطلب من هيفاء اذا راد شغلة
نزل زيد يركض من فوگ طلع برا بس مو بالسيارة ورا ساعة ونص تقريباً دخل هو وزهراء و حوراء و فهد
بس هنة وجوهن صفر ركضن فوك ابو فهد جان مموجود اجة المغرب وصبو عشة كلهم كعدو بس زهراء و حوراء ماكو كلها حست اكو شي
وزيد كال ...
زيد : الله بالخير
الكُل :الله بالخير
زيد : عمي ذاك اليوم ضلمتو هاي البنية المسكينة و سويتوها مصادقة و ماعدها شرف لاا والله بناتنة الماعدهن شرف
ابو فهد : شنو السالفة زيد احجي بسااع
زيد : حساب الولد مالك المدريدي من دزيتة الي انطيتة لجماعتي يراقبو قبل يومين الحساب متغيرة الصورة والاسم
دزيتة لصاحبي يهكرة كدر يهكرة بسرعة لان مو رقم
وابشرك مالك المدريدي بتك حوراء
وزهراء هم عدها فيس لان شفت المحادثة مالتهن و ماريد اكلك شي غير گرت عيني و عينك ع هاي الخلفة
ذني بناتك دام سون هيچ يسوون الاكبر بعد اذا متأدبهن لو تسلمهن بيدي اني اعرف شلون اتصرف
ابو فهد : انتة شجاي تحجي يعني صدكككككك
اني ملفيييي گح*** بيتي و علي الا اندمهن هالسا***
ام محمد : على كيفكم وياهن يجوز غارن لان هاي الگ*** اخذت مكان امهن شبيكم بساع تصفگون للغريب چا هاي مو بت چتالين اخوكم
ابو فهد : تسدين حلگج لا بالله العظيم افلشة خوش لو لا
فدعة: خايبين مادگلولي شني السالفة وروح ابوي كلشي ما افتهمت
الحجي: بوية عاقبهم بس على كيفك وياهن ذني بناتك وبعدهن صغار
زيد : چا ليش ما كتلة هيج من كتل هاي الطفلة
هيفاء : لازم يجي يوم يطلع الصدك ماكو شي يبقة علة حالة
ام محمد : خوب انتي اجت من صوبچ كيفتي
اديان.. اني ضليت صافنة و فرحانة بنفس الوقت اول شي انكشفت الحقيقة و شي ثاني خليتة يندم صعد ابو فهد يركض و صعد ورا زيد
كلها ركضت وراهم واني من ضمنهم طبعاً ابو فهد ضل يدك بالباب
ابو فهد : طلععععن ساق*** يابة وحق محمد اذا ما ما خليت الكفار تبجي عليجن ما اطلع من ظهر ابوي
اديان... هنة يتوسلن بأبوهن دفر الباب اول مرة ما انكسر المرة الثانية هو و زيد دفعو طگ الباب سحبهن من شعرهن زهراء لازمها زيد و حوراء لازمها ابو فهد دخلوهن لغرفة فهد وقفل الباب
اني متتت من الخوف يعني صح السالفة صارت لصالحي بس الموقف يعني يخليك غصباً عليك تخافف ضلينة واكفين منسمع بس صوت الصياح والبجي و الغلط ساعة كاملة الحجي واكف يكللهم عوفوهن كافي
ابو فهد : حجي اطلع من السالفة احسلك لا اطببك وياهن
اني كلت شعندًي واكفة تعبت بعد نزلت جوة غسلت وجهي وضليت كاعدة بالصالة يم فدعة
فدعة : خايبة هذا كلة حتى يكحل عيونج
اديان: لا بس الغلطان يتحاسب واني هم كتلني بس الفرق اني ممسوية شي
فدعة: اي واذا كتلج احنة چنة يگومونة بكتلة و يگعدونة بكتلة شو ما نحجي
اديان: انتن متحجن اني شعلية
فدعة : طولان السانج ولج اكوم اگصة
اديان: هي ضلت عليج قابل
فدعة: امج شلون ماتت
اديان : احتركت
فدعة : يااا سودة علية الله يرحمهة ان شاء الله عوضج بأبو فهد رجال والله و النعم منة بنات عمة كاتلات روحهن عليه
اديان : هو اني ششايفة منة غير الكتل
فدعة : ما يكتلج بدون سبب
اديان ... ضليت ساكتة عفتها مالي خلك وخايفة نزلو زيد و أبو فهد
بس شنو حالهم شصاير عبالك جايين من الحرب كعدو بالصالة بدون كلام ومحد حچة اصلا لان يعرفوهم هسة اعصاب
اني واكفة بالمطبخ اغسل و اباوع ورا شوية كامو زيد دخل للحمام وابو فهد صعد فوك كملت المواعين و اهذت ملابس سبحت و لفيت راسي و نمت
جنت فرحانة لان حقي انوخذ و خايفة شراح يسوولي بعد هاي اذا بدايتها شرف نهايتها شلون يارب ميخيب الي يوكل امرة بيدك الحمدلله والشكر
كعدت الصبح لكيتهم كاعدين بالمطبخ و ابو سراب يكول ..
محمد : هاي شمسوين بالبنات والله حرام عليكم اتفاهمو بالاول
زيد : انتَ مالك غرض احنة نعرف شي و انتو تعرفون شي
هي لو على سالفة اديان زينة بس مسويات الاكبر وانتة هم بتك بعد تليفون ماكو واضح لو اعيد
محمد : هاهية واضح امشي لج سراب جيبي تليفونج انطي لعمج
سراب : والله لو مدري منو يجي
اديان.... اني انصدمت من ردها عبالي مترادد زيد كام بسرعة ركض فوك خرب يومة شكد سريع بالركض رغم هو ضخم
ورا شوية نزل بيدة تليفونها
زيد : فتحي الرمز هسة بساااااااااع
-سراب صار وجهة اصفر ركضت صعدت فوك صعدو وراها زيد و ابوها و ابو فهد عزا ذولة ميصدكون تصير سالفة بالبيت ام سراب كامت تلطم على خدودها
ام محمد : اوهمداج يا بومة من يوم الاجيتينة ماشفنة الخير
صعدت هيفاء و ام سراب و الحجي اني خفت من ام محمد ابقة يمها هم صعدت وكفت على الدرج مال الطابق الثالث ابوها لازمها من شعرها و زيد لازم التليفون وترد الرمز و ابو فهد واكف ع صفحة
يشرب جكارة ماكو ولا صوت بس اسمع صوت الانفاس دگول مو بيت فلم رعب سراب صارت شفتها ووجهة لون اصفر شكد انقهرت عليها
لان هي و لا يوم اذتني لو سمعتني حجاية زيد واكف يگلب بتليفونها وكلها تباوع لمعاني وجه زيد طلع ماعرف شنو بالتليفون وانطا لابوها
ابوها هد شعرها و صل لازم الفون ويقراا زيد سحب جكارة وواكف يورثها اجة ابو فهد وكف بصف محمد و يقرون گطع المشهد راشدي من زيد وگعت سراب بالگاع
ابو فهد : ولكم اني جااااني بهذا البيت بناااااات لليل بناااات ملاهي لا والله بنات الملاهي اشررررف منجن وعلي ذني ذبح كلهنننن ذبح
اديان ....محمد لزم سراب من شعرها وكام يجيبها براشدي ويوديها براشدي و يغلط
محمد: لجج ادبسززز هذا جزات تعبي بيج والله الا اربيج من جد وجديد تنزلين راسييي سا**
زيد اجة طفة الجكارة بيدها هي صاحت صووت هز البيت كلة
ابو فهد ضربها راشدي هم وامها واكفة تبجي واني دموعي تنزل وحدها عليها عافوها بالكاع ونزلو
ركضت عليها امها و هيفاء واخذنهة للغرفة اني نزلت هم رجعو كعدو بالمطبخ صبيت جاي جانن هن محضرات الريوك
ياكلون ويشهكون سريع
ابو فهد : عيب و الله عيب هيج تاليتنة
زيد : وعلي الا اربيهن
محمد: اسكتو اني مصدوم بحياتي كلها ما مار بهيج موقف
للعصر الجو متوتر بالبيت اجوي بيت جد حوراء و زهراء ووياهم كمال خالهن رادوهن وفهد كاللهم نايمات هم يمكن عرفو اكو شي
ابو سهام : شنو وين بنات بتي
ابو فهد : بناتي قصدك شتريد منهن
ابو سهام : اريد اشوفهن مشتاقلهن
ابو فهد : هااا لازم وصلت الاخبار
.... يحجي وهو يباوع على ام محمد
ابو سهام : ليش بوية شجاك مو ذني يتيمات
ابو فهد : حجي مالك غرض هن بناتي واني اعرف شلون اربيهن
ابو سهام : هسة شلون اطلع بدون ما اشوفهن
ابو فهد : انا شلي دخل هن ميردن يشوفنك
اديان : طلعو و هم يشمرون حچي اني جنت بالمطبخ انشمرتلي ورقة باوعت هذا كمال خالهن عفتها و طلعت لان شفتة يباوع ماريد يكول اخذتهة لمن راحو رجعت اخذتها
لا يطلع بيها شي وتوكع بيد واحد غير انجلط و اموت بمكاني بعد ما بية كتلة وعلي اخذتهة و ضميتة خلصت هوسة الليل و سبحت ورحت للفراش انتضرت هيفاء تنام
علمود اشوف شنو بيها كتلني الفضول لمن نامت طلعتها
السلام عليكم
ادري راح تاخذين نظرة مو حلوة علية لان حاط عيني عليج
وانتي متزوجة بس والله ماكدر الحب مابي حواجز بعد عشگتج من يوم الي شفتج بي بالحديقة والله العظيم لا لليلي لليل و لا نهاري نهار
اني ادري سنة و يطلگوج واني منتظرچ تتطلگين و اخذچ حتلو صارو عندچ اطفال و دراستچ هم تكمليها
اديان : انصدمت بكلامة شنو هالجرأة والله لو ماقارية الورقة احسن وهمزين اخذتها لو عايفتها وشايفها واحد جان اني هسة بوادي السلام هم بناتهم ما يرحموهن اني انتظر رحمة منهم ؟
ومن ضمن الكلام موجود شعر بظهر الورقة ...
وين الگاچ و انتِ برگبتي گلادة
انتِ حچاية السادة
انتِ أول جرح عادة
و انتِ أول وجع بالروح
رايد جثتي مرادة ..
اديان : منسجمة دا اقرا الشعر چان ......
