رواية زواج إجباري عشق السيد الفصل الخامس عشر بقلم جمانه السعيدي
اماني....كل هذا الوقت واني شايله قنبله وياي وماادري
باي ساعه ممكن تنفجر ودمر حياتي
تذكرون رسالة احمد الي احتفظت بيه
كنت خالته بجيب ستره قديمه هاي الفتره.كله مالبسه
من جمعت ملابسي زينب زوجت اخوي جاسم خالته ويااا الملابس الشتويه
واني لحد الان مافاتحه هاي الجنطه ولا شايفه شبيه
واصلا نسيت الرساله ونسيت احمد
واتاكدت اني بعمري ماحبيت احمد كان مجرد تعلق
لان هو الوحيد الي كان مهتم بيه ويعاملني معامله حلوه
وسط الإهمال الفضيع الي جنت عايشه بي بيت اهلي
ويمكن لو ماخذه حريتي واطلع وادخل واروح للمدرسه
جان عرفت من زمان اني ماأحب احمد
لان الشعور الي جاي احسه وياا السيد مختلف شعور ثاني
رغم فرق العمر بينا
بس الشعور وياا اله طعم ثاني السيد كدر بهذا الحب ينسيني مرضي وخوفي وحتى اهلي
كنت احس هو ابوي واخوي وحبيبي وكل ناسي
جمانه السعيدي
المهم بدا الجو يبرد والسيد انطاني فلوس حتى اشتري ملابس شتويه
قررت اطلع الملابس الي عندي وانطيهن المى واشتريله وياي كم قطعه جديده
فتحت الجنطه وطلعت الملابس وقررت اغسلهن واعطرهن
وادزهت المى من ضمنهن طلعت هاي الستره
شكله كلش تعبان قررت اشمرها
ونسيت الرساله فد مره ولا اجت على بالي
طلعت الملابس خليتهن بلغساله ورجعت شلت الستره
خليته على صفحه
العصر السيد كال روحي انتي وامج اشتري ملابس
على فكره السيد ماقبل انزع البوشيه ابد وين مااروح لابسته المهم جبت ملابسي الي طلعتهن وخليتهن بلجنطه
حتى ادزهن المى والستره قررت اشمرها
نزلت بيدي الجنطه والستره شايلته وخليته بلحاويه
بهاي الاثناء وكعت الرساله اني ماشفته
سكينه.... اي تحمل جنط الاهله كله من خير السيد وتكول اني مو بت فكر
التفت عليه وفتحت الجنطه كتله ملابسي القديمه الي اهلي اشتروهن مو من السيد انتي شتريدين
احترمي كبرتج شويه شنو هاي سوالف الزعاطيط
سكينه...اني زعطوطه لا ياحيوانه صدك مامتربيه
اماني....عفته وطلعت
هي شالت الرساله بعد مااني طلعت قرته وكانت فرحانه
واخيرا لكت الشي الي راح يخلي السيد يطلكني
بقت تنتضر للمغرب لمن الناس خلصت من يم السيد
وجابتله الرساله
سكينه....تفضل زوجتك المصون الي ذابح نفسك عليه
تحب وتتمعشك براسك
السيد كان مستغرب من كلامه رد عليه شنو قصدج
سكينه...تفضل شوف
السيد فتح الرساله وقراها ورجع قراها مره ثانيه وثالثه
اعيونه طكن معقوله اماني تحب واحد غيري
اماني....رجعت المغرب من السوك
صعدت الشغلات الي اشتريته ونزلت
راسا لا كأني السيد عيونه يطيرين شرار
خله الرساله بعيني جمانه السعيدي
السيد....شنو هاي وسكينه واكفه ورا وتضحك بشماته
اماني...شنو اخذت الورقه وفتحته واني وجهي صار اصفر
وبين عليه الخوف والارتباك
السيد...شنو هاي حضرتج تحبين ليش ماكلتي جان زفيتج بايدي الحبيبج لو هو مايزوجج جان بلعب عليج
اماني....وين لكيته
السيد...هذا الي هامج وين لكيته صدك ماتستحين
سكينه...مسويه نفسه شريفه براسنا ام الولد
السيد...التفت على سكينه وكال اسسس ولا كلمه
السيد....اماني اصعدي جيبي عباتج بعد مالج مكان بيتي ورقتج راح توصلج البيتكم ماادري اني كاطع رزقج روحي ازوجي حبيبج وعيشي حياتج دفعني بقوه
احس روحي تهدمت من هاي الدفعه راسا سكينه طفرت صعدت الدرج جابت عباتي ودفعتني تريد اطلعني بلشارع
والسيد دار وجه وراح للمضيف
دفعتني سكينه للشارع وسدت الباب راسا دموعي نزلن
امشي بلشارع احس بيتنا بعيد رجليه مجاي تشيلني
وصلت مسحت دموعي شراح اكول وشراح احجي شراح اكول الاهلي السيد اكتشف عندي رساله من احمد ويشك اني
خاينته وصلت للباب وبقيت واكغه مااعرف اتصرف متردده شلون راح ادخل عليهم
مسحت دموعي ودخلت
امي...باستار شكوو شبيج
اماني....تعاركنا اني والعلويه والسيد كال روحي ارتاحي بيت اهلج الحد مالكه حل
امي...الله لايوفقه شكد خبيثه
دخلت بغرفتي وتمددت وتغطيت اجت وراي امي
امي...شببج حبيبتي ضربتج
اماني....مابيه شي اريد ارتاح
بقيت بلغرفه اسمع امي تكول الابوي هاي العلويه مصيبه
ولا تنحمل ولا تنقبل بلكت السيد يوكفه عد حدها
هسه لو يخلي اماني بيت وحدها احسن
اماني...كمت ابجي خاف يوصل خبر الاهلي قسما بلله يذبحوني شلون اذا طلكني السيد شراح اكووول
شلون اهلي راح يتصرفون وياي معقوله اني بغبائي راح ادمر حياتي لا موبس حياتي حياتي وحياة اهلي
السيد ضاج لان هو فعلا يحب اماني وتعلق بيه ومامتوقع منه هاي الشغله بقه طول النهار بلمضيف وحتى اكل ماقبل ياكل قفل المضيف علي ونام بي
الفرحان الوحيده بهاي المصيبه سكينه تحس نفسه انتصرت ومو اي انتصار طلعت اماني من بيته بفضيحه
اماني ماكدرت انام والا اكل خايفه خايفه من اهلي وخايفه اخسر السيد بعد ماتعلقت بي وحبيته شلون راح احل هاي المشكله ماادري بقيت كاعده توضيت وصليت صلاة اليل
ودعيت ربي يخلصني من هاي المشكله لان اني مضلومه
وماعندي هاي السوالف ابد كمت ابجي على السجاده
ابجي بعبره ليش اني الفرح مايلوك عليه ليش الحزن
لازكلي اني شسويت
جمانه السعيدي
ثاني يوم بقيت بلفراش ماكمت مااكدر اواجه ابوي واخواني الحد ماطلعو من البيت
طلعت للباب وكمت اباوع على بيت السيد اريد بس اشوفه
مااكدر اتحمل بليا ابد معقوله راح يعاقبني ويعوفني علمود ورقه اول يوم ماطلع ماشفته اني من يجي ابوي وخواني
ادخل بلغرفه مااطلع ومن يطلعون اطلع اكلهم تعبانه
خاف ابوي يسئلني شراح اكله ماادري
ثالث.يوم شفت سيف طلع السياره يعني السيد راح يطلع
راسا لبست عباتي وحجابي والبوشيه هاي المشكله مشكلتي واني لازم احله امي جانت بلحمام وزينب بلمطبخ محد انتبهلي بقيت واكفه ورا الباب لمن طلع وصل للسياره
واني طلعت ركض فتحت باب السياره الثاني ودخلت
هو تفاجئ مني
صعدبلسياره وكال شتريدين كلشي بينا انتهي
التفتت علي شفت عيونه حمر وصوته تعبان
اماني....مراح ينتهي اي شي قبل لا تسمعني ومن اخلص كلامي ساعته قرر بس اني كتلك انت اول حب بحياتي
وبيوم الي راح تعوفني راح يكون اخريوم بحياتي
السيد....ضرب الستيرن وكال استغفر الله
اماني...هاي الرساله صار اكثر من سنه وعليه تاريخ من احمد ابن عمي الي احنا متربين سوا بيت واحد فتحت عيني واحنا عايشين وناكل ونشرب سويه بس امي وامه كان اكو بينهن خلاف دائم وحده تكره الثانيه كره العمى
بعمره ماقرب عليه ولا لمسني ولا كالي اي كلام غير الي داخل الرساله واني اي شي مني ماشايف وحتى هاي الرساله تفاجئت من انطانياها وحرت وين اضمه من الخوف بس اني غبيه ماشكيته من انتقلنا الهذا البيت اجا خطبني رسمي من اهلي وامي ماوافقت ورجع خطبني مره ثانيه وامي كلبت الدنيا صممت على الرفض واني وكعت مريضه بعتقاد امي ام احمد سوتلي سحر وبدت تعالجني يمك وانت تعرف البقيه اني تعرفت عليك بالصدفه وعمري ماتوقعت اني وياك راح نزوج وانت نفسك كلت احنا زواجنا كان اجباري الك واليه انت ماسئلتني عن حياتي السابقه
واني نسيت كلشي من دخلت بيتك وحبيتك وتعلقت بيك
جمانه السعيدي
السيد...اذا تحبيني ليش محتفظه بلرساله وجايبته البيتي
اماني....اني من يوم ازوجتك نسيت حياتي السابقه وبديت من جديد زينب جمعت ملابس وجابتهن ومن فتحتهن لكيت ستره قديمه حتى نسيت الرساله بيه الانسيت الرساله فد مره مثل مانسيت كلشي يتعلق بلماضي لان لكيت بيك العوض من رب العالمين الي ماكنت احلم بي ابد
حبيت اتخلص من هاي الستره لان تعبانه ومن شمرته وكعت الرساله هذا كل الكلام الي ردتك تعرفه اعرف انت واعي وقاري كتاب الله وتفتهم وضعي زين اقسم بلله هذا الي صار واذا ماتصدكني عوفني بس اليوم الي تعوفني بي
راح يكون آخر يوم بعمري مااتخيل حياتي من دونك
شكرا لان انطيتني من وقتك فتحت باب السياره ونزلت
وكلبي يدك الف دكه بلدقيقه من الانفعال الي اني بي
موتكول كم متر واوصل البيتنا اريد امشي مااكدر رجليه يتخربطن بس دخلت للبيت وكعت من طولي
امي وزينب كامن يعيطن السيد بعدا كاعد بلسياره ويفكر بكلامي بس سمع صوت العياط نزل بسرعه اتوقع كتلت نفسي دخل مرعوب البيتنا وهو يصيح لا اماني لا على بختج يحركني مااتحرك شالني بحظنه واخذني للمستشفى
فتحت عيوني لكيته واكف يم راسي وامي من الجهه الثانيه
بس شفته كمت ابجي عبالي اني بحلم مسح دموعي وكال لا تبجين اني يمج دخلت الممرضه وكالت هاي التحاليل طلعت مبروك اماني حامل
كمت ابجي بصوت عالي مامصدكه راسا حضني وكال اسكتي لا تبجين موزين عليج
ساعه وطلعنا للبيت واخذني وياااا البيته سكينه بس شافتني
كامت تعيط بصوت عالي
سكينه...يااا رجعته المن رجعته جان عفته الصاحبه كدرت تضحك عليك
التفت عليه السيد وضربه راشدي فر راسه فر زعلت علي
وكامت تغلط وتدعي عليه
المهم المشاكل ماخلصت بينا اله كل وحده سكنت بيت وحدها بس نفس الشارع ومضيف السيد بيتي
صار عندي ولد ثنيين وبنيه واني العزيزه على كلب السيد
ابني الجبير سنه اخيره كلية صيدله والثاني يدرس قانون
وبنتي بلاعداديه الحمد لله عايشه احلى عيشه
وحبنا اني والسيد يوميه يكبر اكثر
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
