رواية سراج السادة الفصل السادس عشر بقلم عسق ادريس
‼️امانه متابعه الحساب قبل لاتقرون البارت‼️
"عاتكه"
انصدم الكل من شفنا قدس واكفه ب الحديقه ايدها تجري دم ومحمد الصغير بنص الحديقه نايم
ركض غضنفر لقدس مصدوم من منضرها بجت غضنفر بخوف وحضنت غضنفر تصرخ
_قدس:: وينك وينكك ليش ماجيتني
_غضنفر:: بابا قدس شبيججج الدم هذا منينن
دخل الكل للحديقه مصدومين من الوضع اخذت رشا ابنها من الارض تبجي وتبوس بي باوعت قدس لطفل وباوعت لغضنفر
_قدس:: محمد جان يبجي واني ردت اسكته جبته للحديقه حتى يسكت بس باب الحديقه نسد ومانفتح واني شوف ايدي نشكت ب الشباك
حضنت قس اختها قدس بخوف وقدس تشكي النا الي صار وياها محد انطه رد فعل غير السكوت مانعرف شنو نحجي محمد جان سالم مابي ضرر واصلا جان نايم ورايح بسابع نومه وقدس تبجي من الخوف ومن ايدها قس تحاول تهدي ب قدس وغضنفر يسكت بيها
باوع السيد على قدس
_عبد الرؤف:: اذا الجرح عميق ناخذها للمستشفى؟
_غضنفر::لا سيد سطحي هسه اعالجه
_عبد المقتدر::دربالك ابني البنيه متوجعه
طلع غضنفر بيده قدس واحنا وحده صافنه بوجه الثانيه من صدمه الموقف والخوف باوعت لعمتي
كعدت ب الارض ايدها على راسها متوجعه التم الكل على عمتي خايفين عليها
_عبد الرؤف:: شبيج بابا جهاد!
_جهاد:: مابيه شي دخت شوي
كامت عمتي تريد توكف ماسيطرت على نفسها ورجعت للخلف تريد تطيح لزمها فقار وايليا سانديها
استغرب الكل منضر عمتي وشلون تغيرت حالتها بسرعه
حتى ماكدرت ترد اكتفت بشمر حيلها على فقار
طلع الكل من الحديقه ولهاي الحظه محد مصدك الي صار
ماكدرت عمتي تصعد تنام فوك وسحبوها ينموها جوا والباقين اطشرو رشا اخت ابنها ودخلت للغرفه بدون رد فعل غير الدموع بس واضح الخوف وعدم القبول للي صار
شفت غضنفر وقدس كاعدين ب الصاله قدس تبجي وغضنفر يمسح بدموعها باوعتلي قس وهزت راسها مقهوره سحبتها من ايدها وصعدنا فوك
رجعنا لفراشتنا وطفينه الاضويه نمت بتعب وبعد تفكير وصفنات من الي صار
ثاني يوم طلعت من الغرفه لازمه راسي الوجع فضيع احس راسي راح ينفجر من الوجع دخلت للمطبخ شفت البنات كلهن ملتمات انتبهت لقدس كاعده على الكرسي كدام الطاوله بيدها كلاص الجاي صافنه
جريت الكرسي وكعدت كدامها رفعت راسها باوعتلي ابتسمت بوجهه وهيه ردت الابتسامه ببرود
بالها مو يمنا ابد صافنه بغير عالم
نفتح باب المطبخ دخلت سهام زوجت عمران تصير مرت ابو البنات لان امهن متوفيه قبل تسع سنوات تقريبا بمࢪض الكانسر وابوهن تزوج بعد ثلاث سنوات
امهن جانت علويه من ساده الموسوي بس زوجت ابوهن مو علويه ماعرف الموضوع كله بس الي سمعته من امي وهيه حجتلي لان ماملتقيه بيها قبل ولا ب البنات
بسبب انو العلويه لباب من تزوجت السيد ابو عمران نتقلو لايران بعد عشر سنوات من زواجهم وهناك كملو بقيه حياتهم ب ايران لان والده السيد ابو عمران جانت تحب عيشه ايران وكذااك جانت عايشه هناك يعني
سكنهم كله ب ايران
دخلت سهام لازمه ابنها الصغير من شافت قدس صارت نضراتها متركزه على قدس بطريقه غريبه
من اجينه لنجف لهذا اليوم التقيت ب سهام مره وحده
اول يوم اجو بعدها ماشفتها والسبب راحت لاهلها جانو ب كربلاء وك اشتياق بسسبب البعد
بس البنات ابد ماراحن حتى اشوف علاقتهن ب سهام بارده
باوعت سهام لقدس الي جانت صافنه على كوب الجاي عافت ايد ابنها ودارت على السنك تغسل ب ايديها تقدم الطفل ل منة الله الي جانت واكفه قريبه على قدس
صار الطفل بسد قدس دارت قدس تباوعله ب ابتسامه مسحت على شعره الناعم تضحك ويا وهوا خجلان
من الوجع عيوني ماكدر افتحهن الوجع نزل عليهن دخلت رشا للمطبخ باوعتله تضحك توني اكلها اريد براسيتول وما اسمع غير صرخه سهام وركضتها على ابنها كمزنا كلنه من حركتها وشلون ركضت على الطفل وسحبته من قدس بخزره
دارت عليها قدس مصدومه من حركتها وتصرفها وسهام تخزر بقدس عيونها يردن يطلعن من مكانهن دارت سهام على ابنها تصرخ بوجهه
_سهام:: لاتوكف يمها تكتلك هاي
انصدمت من كلامها ونضراتها لقدس باوعت لقدس جانت مصدومه مامستوعبه شي
_عطاء:: شبيج سهام شهل كلام؟
دارت سهام على عطاء وصاحت بيها بحركه
_سهام:: شنو شهل كلام ماتخافين على اخوج؟
_قس:: ليشش تخاففف علي شنو بعبع كدامه؟
دارت سهام تباوع لقس
_سهام:: ليش السوته ب ابن رشا وصلاح شيسمونه؟
جنا اني والبنات مصدومات ماعدنا رد فعل بس صافنات على كلام سهام حتى قدس مانطت رد فعل غير الصدمه دارت سهام على رشا
_سهام:: شنو ذنبها هل مسكينه ابنها راد يموت بسبب هاي
حجتها واشرت على قدس هنا لا الكل نضراته تغيرت من الصدمه للغضب دنكت رشا ماراضيه على كلام سهام
_رشا:: خيه سهام شهل حجي ماكو داعي الموضوع نسد وخلص
_سهام:: رشا عوفي المستحى ماتفيد هسه ابنج وضناج غالي تجيبي منا حتى هاي تكتله والله متلبسها جني مو بوعيها
طفرت قس من مكانها
_قس:: اكلج هيووو لاتاخذينه بكلامج وصياحج الطفل ذاك هوا نايم مابي شي ومحد راد يموته واذا تخافين على بزرج مامجبوره تتواجدين ويانا بنفس المكان
عافت منة الله الكلاص مالتها على الطاوله ودرات تباوع لسهام
_منة الله:: سهام كافي
_قس:: انتِ مامضوجج سالفه محمد بس انت مبين محمضه وجايه تمشرين حموضتج علينه
دارت سهام على قس مصدومه من كلامها كلنا نصدمنه من ركضت تجر قس من شعرها قس ناعمه وصغيره وسهام ضخمه وجبيره
كمت من مكاني اني والبنات معترضات طريق سهام
_شاهيناز:: خيررر شووو انت مادري شلونج
_سهام:؛ وخري انتِ الطويله
انصدمت شاهيناز بكلام سهام ورد فعلها دفعت سهام شاهيناز من كتفها تريد تلكف قس وكفنا اني والبنات نجرها وقس ورانا تطفر
وكفت عطاء كدام سهام وسحبتها هيه والبنات لخارج المطبخ التفتت اباوع لقدس جانت تبجي بهدوء حتى مادافعت عن نفسها
ماتحركت من مكانها ولانطت رد فعل غير الدموع كمت من مكاني وكفت يمها خليت ايدي على كتفها باوعتلي الدموع شلال بعيونها مسحت دموعها وكامت تطلع
وكفت قس قريبه على اختها وطلعن من المطبخ
الموقف هذا حيل جان مزعج فعلا حسيت سهام داخله تشمر ضوجتها بقدس وتطلع توقعت سهام لهنا وراح تسكت بس لا!!! صدمتنا ثاني يوم من دخلت بيدها ماي بداخله تربه
دخلت للصاله تشمر علينه من الماي وكفت كدام قدس وشمرته على وجهه بقوه كمزت قس من مكانها على سهام وسحبتها من شعرها نهالت سهام ب الغلط والصياح
_سهام:: المسودنات امهات السحوره شوفن الله شسوا بيجن شلون دارت عليجن سحورتجن..
دخلت العلويه لباب وزهراء لصاله مصدومات من كلام سهام
_لباب:: سهاممممم استحي
_سهام:: ليش استحي عمه ماتشوفيهنن امهات السحوره يردن يكتلنه
_زهراء:: ولج يمه عيبب شهل حجي انتِ ماعندج اليضبج
ماهتمت سهام وكملت غلط وسب ب البنات احنا مانكدر نغلط ونصرخ عليها لان هيه جبيره وهاي تعبر قله ادب من عدنا وهما راجعين للعراق بعد سنوات غربه
جرت العلويه لباب سهام من ملابسها وطلعت بيها من الصاله اخذت العلويه زهراء قدس بحضنها تهديها
جانت قدس هادئه بدون رد فعل بس الحزن واضح عليها
منعتنا العلويه نحجي شي لاحد ووعدتنا تصرف ويا سهام وتحجي ويا عمران
طلعت العلويه زهراء من الصاله مقهوره ومعصبه من سهام
كامت قدس من مكانها ودخلت للمطبخ لحكناها اني والبنات مانعيها تبقى وحدها سحبت الكرسي وكعدت تبجي التفتت على حفيدات العلويه لباب واكفات بزعل ماراضيات على الي صار
_قس:: دسكتي ليش تبجين
_قدس:: شنوووو ليشش ابجي شفتي شكالت
_قس:: والله لو ماعيب من السيد جان خليت النعال بحلكها
مسحت قدس دموعها تريد تسكت بس ماكدرت رجعت عيونها ونهارت
_شاهيناز:: بداعتي عليج سكتي والله اني احجي لسيد اخلي يردهااا
_مهجان:: معليج بيها هيه هاي مادري شلونها من جنت ب ايران هم جانت ادور العليه والحرشه تزاكط مزاكط
باوعت للبنات مامهتمات لكلام مهجان
_عاتكه:: قدوسه فدوه مسحي دموعج والله ابجي وياج
التمينه عليها اني والبنات وحده تمسح بدموعها ووحده تبوسها بخدها شفت قس واكفه على مسافه مقهوره تاكل بشفتها
باوعت للبنات فتحن مجال مبتعدات من الباب
دخلت عمتي للمطبخ تضحك هيه واسراء من شافتنا وشافت قدس سكتت عن الضحك ووكفت كدامنا مستغربه
_جهاد:: شبيجن؟
درنا نباوع لقدس الي دنكت تمسح بدموعها صاحت بينه عمتي من شافتنا ساكتات
_جهاد:: ماتحجن؟؟
كلنا ضلينه على سكتونا نخاف نحجي وتكب بين عمتي وسهام بعد ماحذرتنا العلويه
_اسراء:: شبيجن بنات ليش ساكتات قدوسه ليش تبجين؟
مسحت قدس دموعها ودارت تباوع لعمتي
_قدس:: علويه اريد ارجع لبيتنا
عكدت عمتي حواجبها مستغربه
_جهاد:: ليش اكو واحد سمعج حجايه؟
هزت قدس راسها ب لا توها تحجي وحجت قس من مكانها بحده
_قس:: افضل للكل علويه دام الكل يشوف اختي خطر وتاذي المقابل ومحد محترم احنا خطار ويهينون بينا نرجع لبيتنا بكرامتنا واذا ماكدروتو ترجعونا نتصل على خواني يجونا
باوعت عمتي لقس ب استغرب دارت تباوعلنه دنكت راسي افرك ب ايدي
_جهاد:: منو حاجي وياجن!!!!!
_قس:: محد علويه بس سهام زوجه السيد عمران خايفه على ابنها من قدس لاتحاول تقتله هم حقها ابنها غالي وتخاف علي
هزت عمتي راسها فاهمه الموضوع باوعت عمتي ل اسراء الي دنكت راسها ساكته
رجعت دارت على البنات محد حجت
_جهاد:: احجلي كلشي
_قدس:: علويه ماكو ش...
اشرت عمتي لقدس تسكت وداررت على شاهيناز
_جهاد:: من الالف للياء
باوعتلنا شاهيناز ودارت على عمتي تسولف الها كلشي الي صار مانقصت ولا زيدت حرف وعمتي واسراء يتسمعن لكلام شاهيناز عمتي مانطت رد فعل غير الاستماع
خلصت شاهيناز كلامها وعمتي هزت راسها دارت على البنات
_جهاد:: تردن ترحن هسه؟
هزن البنات راسهن ب اي
_جهاد:: تمام ترحن ليش ماترحن بس قبل لاترحن ماتردن تاخذن حقجن؟
مسحت قدس دموعها تباوع لعمتي مستغربه
_قدس:: حقنه؟
_جهاد:: اي حقج ليش تردين ترحين بدون ماتردي؟
هزت قدس راسها مافاهمه دارت قس على عمتي
_قس:: شنو يعني نطكها؟
ضحكت عمتي نص خد بدون ماتضهر اسنانها
_جهاد:: الحق مو بس طك وصياح اكو طريقه تاخذين حقج بسهوله اكثر
كلنا استغربنا كلام عمتي بس اسراء ضحكت وكعدت بصفنه تسمع لعمتي
_قدس:: بس علويه اني ماريد حقي اريد ارجع للبيت وماريد احد يدري حتى غضنفر
_جهاد:: شوفي لج حقج تاخذي لا والله وحلفت اني تحلمين ترجعين لهلج فهمتي!!
قوست قدس حلكها تباوع لعمتي
_قدس:: علويه ماريد
_جهاد:: ماكو ماتردين اني مامشي بمزاجج تفهمين؟
ابتسمت على كلام عمتي رحتي بيها سهام
_قس:: علويه هوا الحق مايرجع الى بثنين لو نروح نكتلها لو نصيح ونغلط واحنا بثنينهن نستحي وعدنا حياء تعرفين
ضحكت عمتي وهزت راسها
_جهاد:: بدون ماتكولين بس اكو طريقه غير للحق تاخذين حقج على الساكت
_اسراء:: ابدعينه جهاد
تمشت عمتي ووكفت كدام قدس
_جهاد:: انتِ اذا هسه رجعتي للبيتكم بدون ماترديها راح تثبتين على نفسج الغلط وانت ماغلطانه بشي؟ عادي موقفج كلش طبيعي
_عطاء:: اني اكره البنات ماحبهن بس اكول صح
_جهاد:: احسنتي عطاء دوم ويا الحق وكلامج مال اكرهنن ماحبهن تتحاسبين علي بعدين
جانت عطاء ب البدايه مبتسمه من كملت عمتي كلامها اختفت ابتسامتها وضلت صافنه رجعت عمتي تكمل كلامها
_جهاد:: قال الله تعالى (فمن اعتدى عليكم ف اعتدو عليه بمثل ماعتدى عليكم) يعني الحق وياج ترجعي بس!!!
كعدت عمتي على الكرسي خاله رجل على رجل ودارت تباوع لقس
_جهاد:: بدون صياح بدون غلط بدون طك لان هذن من اعمال الشيطان ومالهن فايده صياحج غلطج وكل ردود افعالج الشرسه نتيجه وسوسه الشيطان الج لان ب اختصار الشيطان يزور الانسان بهل لحظه ترجعين الغلط عليج اضعاف خاف جنتي انت صاحبه الحق بهل لحظه ينسلب منج الحق وتصيرين انت الغلطانه
سكتت عمتي ورجعت كملت
_جهاد:: الانسان يكدر يرجع حقه بس مو ب الغلط يكدر يرجع حقه ب العقل دام هيه اعتدت عليج ب الكلام والغلط وحتى الضرب!! خليج ذكيه واعتدي عليها بهدوئج لان هسه بكل بساطه من اشوفج انطيتي رد فعل قويه راح اكول قدس غلطانه وماعدها احترام للمقابل وخاصتن سهام اكبر منها يعني مجبوره تقدم الحترام الها
الكل جان مركز ويا كلام عمتي وقدس صافنه عليها بتمعن
_جهاد:: تسكتين المقابل راح يشوف سكوتج عن حقج انو انت صدك غلطانه تحجين برد فعل قويه راح تخلين عليج دوائر حمره
_قدس:: لعد شسوي؟
وكفت عمتي كدامنا واشرت لقدس
_جهاد::امشي كدامي واني اكلج شسوين
عضت قدس على شافيفها تباوعلنه بخوف رجعت دارت على عمتي الي جانت مكتفه ايدها منتضره قدس تكوم وراها
_قدس:: علويه الكل برا
_جهاد:: اي وهوا هذا الافضل خلي الكل يسمعج حتى بعدين محد. يكدر يحجي وياج حجايه
_قدس:: استحي والله علويه ماريد
حجتها ودنكت تفرك ب ايدها
_جهاد:: اذا ماتكومين هسه كدامي احطج هنا واكتلج فوك كتلت سهام
_قدس:: لا فدوه علويه
_جهاد:: كومي كومي يلا
جانت عمتي ماهتمه بخوف قدس وخجلها واحنا كلنا ساكتات بدون رد فعل مره نباوع لعمتي مره لقدس واسراء تضحك وكفت قدس كدام عمتي بخوف
_قدس:: زين شسوي
_جهاد:: لاتسوين اني اسوي
_قدس:: اخاف اطلع
_جهاد:: لاتخافين اني بضهرج محد يحجي وياج
حجتها عمتي وجرت قدس كدامها تدفعها بخفه تريدها تمشي تشجعت قدس واحنا كلنا متشجعات وياها بحيث كلنا طفرنا وراهن مشت قدس تطلع من المطبخ وعمتي بضهرها واحنا وراهن
طلعنا كلنا من المطبخ الكل جان ملتم ب المصلا الساده والعلويات حتى غضنفر وغل الي مرت فتره طويله يلا شفته مختفي جان ببغداد
دارو كلهم علينه باوعلنه السيد مبتسم
_عبد الرؤف:: شلونهن الوردات
وكفت عمتي كدام السيد
_جهاد:: مو زينات سيد
‼️متابعه للحساب حتى يصعد وتضهر الروايه عند الكل ‼️
استغرب السيد والكل كلام عمتي باوع النا السيد
_عبد الرؤف:: ليش بنيتي منو وياهن؟
باوعت عمتي لقدس
_جهاد:: سيد البنات يردن يرجعن لبيت اهلهن
توجهت الانضار كلها لقس وقدس ب استغراب كام غضنفر من مكانه مستغرب
_غضنفر:: ليش قدس؟
باوعت عمتي لغضنفر صفح
_جهاد:: حقك ماتعرف سيد ليش انت سأل؟
باوع غضنفر لعمتي مصدوم من كلامها وكف السيد يباوع لعمتي
_عبد الؤوف:: شنو بابا جهاد شصاير؟
_جهاد:: البنات مارادن يحجن بس اني راح احجي انت علمتنه حقنا مانسكت عنه مو صح سيد؟
هز السيد راسه ب اي درت اباوع لسهام جانت صافنه علينه تاكل بشفايفها
_جهاد:: احنا هنا جايبين البنات ب امانتنا وخطار عدنا وهذا كلامي لسيد معز كذالك عمي تسمعني واتمنى ماتزعل
هز السيد معز راسه يريد عمتي تكمل كلامها
_السيد معز:: احجي عمة الساده شصاير منو حاجي ويا البنات
_جهاد:: اول نقطه اريد اوضحها موضوع قدس قبل لانعقد لقدس وغضنفر الكل جان يدري البنيه جاي تمر بفتره متعبه والموضوع كله مو يمها صح لو غلط غضنفر؟
هز غضنفر راسه ب اي
_غضنفر:: صح وكلنا ندري قدس مابيها شي الحمدلله
_جهاد:: زين من تدري انت مابيها شي ماتعرف ترد اليحجي عليها؟
عكد غضنفر حواجبه يباوع لقدس الي جانت مدنكه ترجف من التوتر
_غضنفر:: منو حاجي وياها!!!
_عبد الؤوف:: بابا رشا حاجيه ويا قدس شي؟
دار الكل يباوع لرشا الي ضلت مصدومه
_رشا:؛ لا والله سيد ابد ب العكس احب قدس اني وماعندي وياها شي وهيه كدامك اذا حاجيه وياها شي خل تكول
_جهاد:: رشا معليها ماحاجيه
_السيد معز:: لعد منو؟
باوعت عمتي لسهام رافعه حواجبها
_جهاد:؛ اي ام عيسى تحجين لا؟
_سهام:: ها شنو احجي
التفت الكل لسهام الي وجهه كلب اصفر
_جهاد:: ام عيسى اني احبج واحترمج وتعرفين بيه كلش زين؟
همست اسراء ماتريد احد يسمع
_اسراء:: اي وهذا الموقف يشهد
هزت سهام راسها ب اي تضحك
_سهام: اكيد ام عون منو يجي بحنيتج
ابتسمت عمتي ودارت على السيد
_جهاد:: سهام متعرضه لقدس والبنات ب الضرب بحجه قدس مريضه ومالازم واحد يتقرب منها ترضاها سيد؟
انصدمو كل الي كاعدين ماراضين لموقف سهام طفرت سهام تبرر موقفها
_سهام:: لا سيد ابد اصلا شعندي ويا البنات مثل بناتي ومعزتهن بمعزه عطاء وخدلجه بس اني جنت خايفه عليهن
صاحت عمتي من مكانها
_جهاد:: مع احترامي الج ولو قاطعتج بس انتِ يمتى عرفتي البنات حتى اعتبرتيهن بناتج؟
_لباب:: جهاددد
_جهاد:: الله يخليج عمه خل احجي
جان الكل ساكت يسمع العمتي الي جانت ترد وتحجي بهدوء بس بحه صوتها وكتمع عصبيتها ظاهره
_جهاد:: البنات معزتهن عندي بمعزه بنات خوتي واكثر يعني انتِ من اجيتي تحاوليننننن تعتدين عليهن ب الكلام لو ب الافعال ف انتِ معتديه عليه
دنكت سهام ساكته وعمران والعلويه لباب يخزرون بيها
_جهاد:: دام البنات جايات ويانا وب امانتنا وتعرضن لهل موقف ف اني مالي كعده هنا وراجعه لنجف والبنات ماخذتهن وياي
جان الكل ساكت يسمع العمتي هز السيد راسه وحجه بصوت
_عبد الرؤف:: المكان الي محد يحترم بي اهله ماكو النا كعده كلنا بي يلا بابا الكل يجهز غراضه راجعين لنجف
السيد حجه والكل وكف ماخذين تلموضوع بجديه فعلا محد جان راضي خواني وامي ونسوان عمامي وعمامي كلهم انزعجو من موقف سهام صاح السيد معز يهدي الجو
_السيد معز:: كعدو خل نتفاهم
_فقار:: اعذرنا عمي البنات بمعزه عاتكه والمحسنات واحنا مانرضى واحد يتعرض لخواتنا
_مفرقد:: دام البنات اغتاضن كلنا مغتاضين سيد
_ايليا:: ها سيد تبقى؟
حجه ايليا موجه كلامه لسيد عبد المقتدر وكف السيد والتفتت لسيد معز
_عبد المقتدر:: تعذرني سيد بس زعلنه لزعل البنات واحد يلا ولدي الكل يكوم راجعين للحله
نكدر نكول هنا جانت ضربه لسهام الي ضلت مصدومه وشلون الكل زعل لزعل القافيات ابتسمت اباوع لقدس وقس الي جانن مصدومات نفس صدمه سهام وشلون كلها كامت تطلع وترجع وكلها اندفعت معارضه
صاح جادح من مكانه يهدي الموضوع
_جادح:: سادتنا هدو كلنا ماراضين بس هذا مو حل
_غل:: لعد انا ارجع لبغداد زعلت لزعل مرت اخوي
التفتت الكل يباوع لغل الي وكفت واخذ السويج صاح السيد معز بي وهوا انسحب دار السيد معز لقدس
_السيد معز:: بنيتي قدس انا اعتذر ومادري والكل شاهد وهاي كدام الكل طالب منج السموحه
باوعت قدس لسيد بصدمه
_قدس: لاسيد لا تعتذر عادي ماصار شي
_عبد الرؤف:: لا شلون عادي ماكو عادي يلا بويه الكل يكوم يحضر نرجع من وكت
وكفت العلويه لباب كدام السيد
_لباب:: صدك هيج وترجع وتعوفني واني ضاله بلفهتي الك
باس السيد العلويه من راسها
_عبد الرؤف:: عزيزه عندي خيتي بس تعذريني قدس عزيزه هم ماراضى بزعلها
بباوعت العلويه لباب لقدس ولزمتها تبوس بيها
_لباب:: بنيتي قدوسه عذريني يمه ومسحيها بوجهي هسه سهام تكوم تبوسج وتعتذر منج كوميييي سهامممم
طفرت سهام من مكانها وركضت تبوس وتعتذر بقدس باوعتلها عمتي واشرت على قس
_جهاد:: حتى اختها هم مغتاضه
حصرتني الضحكه من اخذت سهام راس قس تبوس بي وتعتذر وقس تكلب بعيونها رجعت سهام لسيد تعتذر منه وتبرر موقفها هز السيد راسه معارض
_السيد عبد الؤوف:: القرار قرار قدس ترجع راجعين وياها تضل ضالين وياها
التفتت الكل لقدس الي توتر هزت قدس اكتفها
_قدس:؛ لانضل سيد
_عبد الرؤف:؛ لعد ضالين
_عبد المقتدر:: يلا بويه جاي من يمكم
ضحكنا كلنا وفرحنا لفرحه قدس باوعت قدس لعمتي بفرح غمزتلها عمتي ومسحت على راسها
_جهاد:: اهد كبالجن وارجع حقجن من عيون اليقهرجن
باست قدس عمتي وعمتي رجعتلها البوسه سحب غضنفر قدس للخارج واحنا كعدنا بعد مرور الوقت الكل انسحب من المصلا بقينه بس احنا كاعدات
كامت سهام من مكانها ووكفت كدام عمتي
_سهام:: ليش جهاد هيج تخليني بموقف كدام الكل
_جهاد:: ماخليتج نبهتج اني
_سهام:: غير خايفه عليكم
بدون ماتباوع عمتي لسهام حجت وهيه تسبح ب السبحه
_جهاد:: الموضوع موضوع اهل لادخلين نفسج انتِ
_سهام:: ههه شنو يعني اني مو منكم؟
باوعت عمتي لسهام بعدم اهتمام
_جهاد:: سهام
_سهام:: ها؟
ابتسمت عمتي بطريقه غريبه تباوع لقدس من بعيد وهيه واكفه ويا غضنفر
_جهاد:: لمصلحتج لاتحتكين بيها لانلكاج متمدده ب الحديقه
شركت بالماي مصدومه من كلام عمتي والبنات كلهن اخترعن بحيث اسراء رفعت راسها من القران تباوع لعمتي اشوف وجه سهام كلب الوان مانشوفها غير طارت ب ابنها تركض خارج المصلا باوعتلنه عمتي كاتمه ضحكتها
_العلويه زهراء:: صدك عود جهاد هاي عود انت الجبيره
باوعت عمتي للعلويه تضحك
_جهاد:: دخليني انطيها بنج مؤقت
_اسراء:؛ جهاد ترا انت خرعتينه وياها
_خدلجه:: رجلي اليمنى ماتتحرك من الخوف
ضحكت عمتي بقوه واحنا على صدمتنا صاح غل مار ب المصلا
_غل:: ضربده متردده
ضحكت عمتي مامهتمه اهم شي رجعت حق البنات
بهذا اليوم ماكدرنا نفرح لان رجع حق قدس اليل كله نسمع اصوات ضحك وركض ب البيت
عيوني ماخذتها النوم من الرعب
"قس"
نزلت الدرج شفت الصاله فارغه بس رشا كاعده على القنفه والطفل بيدها تمسح على راسه من شافتني ابتسمت
_رشا:: هلا قسوسه
_قس:: هللا رشاوي
كعدت قريب عليها اباوع لطفل جان مفتح عيونه بس مايشوف عدل لان بعده صغيره حده يتلفت ويا الصوت باوعتلي رشا تضحك شالته من حضنها وحطته بحضني
باوعتله مبتسمه رفعت راسي
_قس:: رشا تحبي؟
عكدت حواجبها مستغربه سؤالي
_رشا:: ليش اكو ام ماتحب ضناها
_قس:: اي اكو هواي
باوعت لمحمد ناعم يجنن عيونه يتطافرن بسته بخده بلطف
_قس:: رشا بعدج ماخذنا موقف من عدنا؟
_رشا:: موقف لشنو؟
_قس:: اقصد هذيج السالفه الصارت ب الحديقه
هزت راسها بعدم اهتمام
_رشا:: لا ابد الموضوع راح ونسد بعد
_قس:: قدس بعدها مستحيه منج
_رشا:: لا شحدها تستحي اصلا اني احب قدس لاتنسين بعد جم يوم تصير جنه البيت واني ماعندي وياها شي الله شاهد
سكتت ماحجيت بعد رشا جانت حبابه ولطيفه تاخذ وتنطي وياي حسستني ببساطه الموضوع
تحاول تخلينه نتناسى الي صار دخل عماد ابن جادح الصغير لابس تراك ورافع شعره عيونه ملونات لعيون ابو باوعتله رشا
_رشا:: ميرزا صيح لعمك صلاح
هز راسه وراح يركض باوعتلها مستغربه
_قس:: هوا مو اسمه عماد؟
_رشا:: اي اسمه عماد
_قس:: لعد وميرزا؟
_رشا:: ميرزا لقب
_قس:: امه علويه يعني؟
_رشا:: لالا امه مو علويه بس قبل جان اكو شيخ يصيحله ميرزا على صغره واحنا اخذناها لهذا عمره نصيحله ميرزا
_قس:: زين امه وين ماشوفها
_رشا:: مطلقه ببغداد
هزيت راسي ساكته توني ادري جادح مطلك نام محمد ب ايدي اخذته رشا تنومه ب الغرفه واني كمت من مكاني دخلت للمطبخ شفت العلويات كلهن ملتمات يطبخن وسوالفهن وضحكهن بهدوء ابتسمت لمنضرهن عائله نظيفه وقلوبهم بيضه
باوعتلي العلويه لباب
_لباب:: هلا بقس
ضحكت ومشيت الها وهيه مبتسمه
_قس:: هلا بيج علويه
_لباب:: شلونج يمه
_قس:: زينه الحمدلله
_لباب:: الف الحمدلله تردين البنيات
_قس:: اي ادور عليهن ماكو
_لباب:: ملتمات ب الحديقه يمه
باوعت لباب الحديقه هزيت راسي وتمشيت للحديقه
دخلت للحديقه شفت الكل مجتمع البنات فارشات ب الارض والساده نازعين العمايم بزاويه الحديقه كدامهم المشاوي والحطب وطاوله كدامهم متروسه لحم ومشويات
مشيت للبنات شفتهن كاعدات يسولفن بهدوء وضحكهن على كد الابتسامه بس
من شافني ابتسمن يهلن بيه
_شاهيناز:: نورت الاميره النائمه
_مهجان:: حتى الاميره كعدت وانتِ ضليتي على نومتج
تربعت بنصهن
_قس:: شلون نومه نمت يا يابه
_عاتكه:: هوا منو كدر ينام غيرج اني البارحه كوا كدرت اغمض
_شاهيناز:: اني هم من شفت الشمس طلعت يلا نمت
صفنت متذكره الي صار البارحه والله صدك اكشن بس اني من كد التعب شمرت روحي بسابع حلم
بدينه اني والبنات نسولف جانن حفيدات العلويه لباب كاعدات على مسافه من عدنا وغضنفر وقدس كاعدين بعيد عنا بصف الورد قدس تحجي وغضنفر يسمع الها
درت على ملاك شفتها كاعده على المرجوحه بيدها التلفون وصافنه
كمت من مكاني تمشيت الها من شافتني ابتسمت تسمحلي اكعد
كعدت بصفها متربعه يمها
_قس:: شبيج عازله روحج
جنت مدنكه انزل ثوبي رجلي طالعات شفتها ساكته باوعتلها مستغربه سكوتها شفت نضراتها على فقار الي جان يحجي ويا غل ويضحك
باوعتلها مصغره عيوني وهيه فاصله عني
_قس:: عيونج راح يرحن من التركيز
_ملاك:: ها شنو
ضحكت على رد فعلها وشلون كسرت نضراتها بسرعه تباوعلي بخجل دنكت تعدل بكفر تلفونها
_ملاك:: ههه جنت اباوع للورد
_قس:: اي خوش ورد
رجعت باوعت لفقار طلع من الحديقه واني وملاك نضراتنا خلفه باوعت لملاك وحجيت
_قس:: فقار خوش فقار
ابتسمت تباوعلي رفعت حواجبي وغمزت الها دنكت تضحك بخجل
_قس:: ترا مبين من عيونج
_ملاك:: مبين شنو مبين؟
رفعت اكتافي ماعرف باوعتلي مستغربه تريد تدافع عن نفسها بس سكتت من دخل فقار للحديقه بيده شيش لحم بس بدال الحم محطوط شحم ابيض باوع لشاهيناز وضحك
_فقار:: هذا الج مو تحبين الشحم
ضحكت شاهيناز بفرح تصفك وفقار يضحك
_شاهيناز:: اللههه فقار دربالك على الشحمات
_فقار:: يمي
دك صدره ومشه يضحك باوعت لملاك وجهه نلكب عضيت شفتي جرت حسره ودنكت ضايجه
ضليت ساكته اباوع الها وهيه تفرك ب ايدها حجيت بعدم اهتمام
_قس:: عادي ترا فقار يعتبر شاهيناز مثل عاتكه
_ملاك:: ممم عادي ترا اني اعتبره مثل ميزان
_قس:: ميزان منوو ميزان؟
_ملاك:: ميزان اخوي
باوعتلها مستغربه
_قس:: توني ادري عدج اخو زين وينه ماشوفه
_ملاك:: بقه ب الحله
_قس:: مممم
سكتت صافنه على قدس وغضنفر شكلهم حلو ولطيف قدس ناعمه وغضنفر ضخم الساده احفاد السيد عبد الؤوف اخذ منهم طول وبياض وجوهم بيضه وطوال وجسمهم وسط يعني مو معضلين ومو ضعاف لابأس
اجسامهم مرتبه بس اولاد السيد معز جادح وغضنفر لا عكس طوال وضخام جسمهم تارس حتى ملامحهم عكس الساده الباقين ملامحهم ابد مابيها رحمه يعني
حده ملامحهم ويا ضخامتهم راهمه
احفاد السيد عبد الؤوف عكسهم ملامحهم هادئه وحبابه شايفين الملامح الحبابه؟ اي بريئين بس فقار لا ملامحه بيها غضب ومفرقد صاحب جسم اما الباقين ف لا حلوين
كسر صفنتي من دخل السيد عبد الرؤف والعلويه زهراء مبتسمين بفرح تمشو للساده يلاعبوهم والسيد يمشي ويا العلويه ومبتسم
صفنت عليهم وعلى علاقتهم حبهم لبعض وحبهم لاولادهم واحفادهم
_قس:: السيد عبد الرؤف علاقته ب اولاده واحفاده غريبه
_ملاك:: غريبه؟
هزيت راسي ب اي والتفتت لملاك
_قس:: اني ماصدك حب الاهل لاولادهم ابد
استغربت ملاك كلامي
_ملاك:: ليش اكو اهل مايحبون اولادهم؟
_قس:: اي اكو اني امي ماتحبني
حجيتها بعدم اهتمام عكدت ملاك حواجبها
_ملاك:: امج؟ انتِ مو تكولين امي ميته؟
باوعتلها وضحكت بحزن هزيت راسي بنفي
_قس:: لا امي عايشه
_ملاك:: ها؟ وينها ماشفتها ابد
رفعت اكتافي ماعرف
_قس:: مدري يمكن ب البصره مدري ب السماوه ماعرف بس هيه عايشه ومرتاحه
باوعت لملاك شفتها صافنه مافاهمه شي بس ترمش
_قس:: شبيج؟
_ملاك:: اخاف اسألج وتزعلين
_قس:: لا ليش ازعل
_ملاك:: يعني امج وين ليش مو يمجن؟
درت عليها اعدل بكعدتي
_قس:: امي عايشه بس اني نابذتها الي يسأل وين امج اجاوبه ب ماتت لان هيه فعلاً ماتت بداخلي وبداخل خواتي وخواني
_ملاك:؛ ليش؟
_قس:: تزوجت وعافتنا
_ملاك:: يمكن رادت تعيش حياتها بعد مامات ابوج يعني مادري شلون افهمج
باوعتلها بطرف عيني
_قس:: قبل لايموت ابوي عافتنا
_ملاك:: شلون!!
_قس:: حبت ابو السمج جان يفتر هوا وسيارته يم بيتنا وراحت تطلكت من ابوي وخذته ومادري وين صفه بيها الدهر
انصدمت ملاك من كلامي وعدم اهتمامي كملت كلامي متذكره الماضي
_قس:: جان يمر من يم بيتنا يصيح زوري كطان صبورررر سمتيييي روبيان وهيه تصير بيها رجفه من تسمع نغمته جانت مشبعتنا سمج اسبوع كامل توكلنه سمج لو ردات تغير تسوينه مركه سمج ومرات لا يصير عدنا عيد من تطبخ مركه فاصوليه وعدس
رمشت ملاك مصدومه
_ملاك:: عود يعني صدك وهسه انتِ مامهتمه ولا مشتاقه الها
ضحكت على كلامها بحزن
_قس:: شلون ماشتاق الها اكو واحد مايشتاق لامه؟ احبها تدرين لو ترجع يمكن اعاتبها واصرخ بوجهها واطردها بس بعدين اسامحها وخليها تحضني واكعد اسولف الها كلشي شلون من عافتنا تاذينه وصفه بينه الدهر يكف بينه يم فلان وعلان
مسحت دمعتي الطاحت من عيني
_قس:: احب امي تدرين اني الوحيدة من خواتي انطيها شبهه جانت حلوه تخبل طالعه تشبهني
_ملاك:: قصدج انتِ تنطيها شبه؟
_قس:: لانجبي هيه تشبهني
ضحكت راجعه للماضي
_قس:: من عافتنا انطفينه كلمن حار بروحهه تدرين اخر مره قبل سنتين سمعت صار عدها تؤم بنات وحده زهره والثانيه زهراء
هيه اصلا قبل لاتجيب التؤم عدها اربع ولد كرار حيدر علي وحسن
_ملاك:: يعني عندج خوان سته!!
_قس:: ههه عود
سكتت مقهوره اكره الماضي اكره فكره امي عافتنا وابتعدت ماجان ابوي مقصر وياها عائلتنه حلوه ودافئه مشاكلنا مثل كل العوائل يتعاركون ويرجعون يتصالحون نلتم كلنا على صينيه الاكل بحب وفرح
بس كلشي تغير من امي غدرت ب ابوي وغدرتنا لهذا اني يتمت نفسي منها ماريد اسميها ام
رغم اني من اذكرها لو تنذكر سالفه وينجاب اسمها اول وحده تتلهف لطاريها
_ملاك:: اني جنت عايشه ببغداد
درت على ملاك من حجت
_ملاك:: صح اني علويه بس ابد ماخذت انطباع العلويات بشي جنت عايشه اني وامي واخوي ميزان ببغداد اطلع واطب وذاك البس وذيج الكشخه جنت اقلد بنات خالاتي بكلشي مبتعده عن الدين ومنحرفه لابعد درجه حتى ماجنت اسمي نفسي علويه ولا اعترف بهل نسب
جنت ساكته اسمع الها
_ملاك:: ابوي ماجان يدري لان ب السبوع يجي 3 ايام يكعد عدنا ويرجع للحله ومرات لا بكربلاء لو ب النجف فجأه قرر ابوي ينقلنه للحله محد جان راضي لان بيئتنه تختلف عن بيئتهم جنت فاهمه حياتهم غيررر جنت اشوف حياتهم تقيد مايصير تلبسين هيج مايصير تحطين هيج عبايه اغاني ممنوع عباده كل يوم ماجنت متعوده جنت انزعج هواي من السيد عبد المقتدر يجي يكعدنا لصلاه اليل واني قبلها نايمه بنص ساعه ويكسرون نومتي اتعارك وانهد عليهم
جرت حسره ورجعت كملت
_ملاك:: حاول السيد وياي هواي يجيبني يمنى اطلع يسرى يجيبني يسرى اطلع يمنى يجيني من الجهتين اطلع كبل
ضحكت على وصفها وهيه ضحكت
_ملاك:: بعدين اجو بيت السيد عبد الرؤف شوفي
تربعت تحجي بحماس
_ملاك:: فقار جان دوم يتردد للحله بس مايوم التقينه وجه لوجه جنت اشوفه من بعيد اتذكر اول مره شفته يراوض ب سراج
_قس:: سراج منو
_ملاك:: سراج خيل عمة الساده
_قس:: قصدج العلويه جهاد؟
هزت راسها ب اي
_ملاك:: جنت دوم اسمع بعمة الساده وشخصيتها وشلون فارضه نفسها على الكل جانت امنيتي اشوفها تدرين اول امي جانت دوم تسولفي على العلويه جهاد رغم هيه ماملتقيه بيها هواي بس العلويه جهاد الها حضور قوي
ابتسمت لكلامها فعلاً العلويه جهاد شخصيتها غير
_ملاك:: ببعدين حقدت ويا شاهيناز شفتها ماترضى لفقار وفقار مايرضى عليها ضجت منها تخيلي مره راد ينكسر ضهرها بسببي
_قس:: ياحقيره
طكتني على ايدي بقوه
_ملاك:: نجبي لج ماضي هذا
_قس:: اييي شبيج غير مندمجه وياج كملي كملي
_ملاك:: اييي هواي والله سويت وياها مواقف وجنت رايده استمر بس وقتها عمتي جهاد ادبتني
_قس:: كتلتج كون
ضحكت وهزت راسها بلا
_ملاك:: اني هم جنت خايفه لاتكتلني لان وقتها صاحتني ب الغرفه وحدنا بس ابدد ماضوجتني لو قهرتني بحجايه جانت هادئه وكلامها بلسم لقلبي نصحتني بطريقه غريبه ماعرف شلون شدتني الها بحيث من يومها طويت صفحتي القديمه وبديت بصفحه جديده وهسه جاي احاول اعدل نفسي حتى سيدنا صاير يفتخر بتغيري
ضحكت على حماسها وشلون تحجي وتمدح ب العلويه جهاد
_قس:: اني هم احب العلويه جهاد شخصيتها تعجبني اريد اصير نفسها ماتهتم زين اكلج هيه العلويه اني مره سمعتها تحجي انكليزي بطلاقه هيه جانت عايشه ب الخارج؟
ضحكت ملاك وهزت راسها بلا
_ملاك:: جانت عايشه ب ايران بس عمتي اصلا مدرسه انكليزي
_قس:: مدرسه انكليزي!!!
_ملاك:: اي قبل بس من سافرت لايران يكولون بطلت من المدرسه ماعرف والله الي سامعته اني
ابتسمت شكد حلو باوعت للبنات جانن يسولفن بالهن مو يمنه
_قس:: زين والبنات هم يدرسن
_ملاك:: اي كلهن تربيه بس هل سنه اجلن
_قس:: ليش؟
_ملاك:: شوفي الحوزات العلويات والساده لازمينهم وهل سنه اعداد الي يدرسون كثرو ماكو وقت اجلن
_قس::كلش حلو
هزت ملاك راسها وحجت
_ملاك:: وانتِ
_قس:: اني اخذت شهاده الثالث وبطلت
_ملاك:: ليش؟
_قس:: ماجان عندي واهس لدراسه
هزت ملاك راسها ساكته التفتنا اني وملاك من كامت شاهيناز من مكانها تضحك وفقار بيده شيش الشحم
تقدمت شاهيناز لفقار من بعيد تضحك واكفه على مسافه يحجون صوتهم مامسموع
_ملاك:: فقار حيل يهتم ب شاهيناز
_قس:: اي عادي طبيعي متربين سوا
سكتت ملاك ضايجه التفتت اوزع انضاري على الكل شفت معراج ابن العلويه لباب يمسح بمناضره عيونه مدمعه وغل واكف بصفه يضحك
انتبهت لغل ينطي شبه لجادح ب العيون بس طويل وضعيف ومعراج اقصر من الباقين وملامحه يعني بس اعمص هوا يلا مقبول لابأس
شفت غضنفر وقدس بعدهم كاعدين يحجون عبالك زرازير مو عصافير الحب
انتبهت الجادح واكف قريب السيد عبد الؤوف يباوع ب اتجاه فقار وشاهيناز
توني احلل نضراته واهتزت المرجوحه بقوه لان ملاك كامت باوعتلها جانت ضايجه تمشت تطلع من الحديقه
لاهاي البنيه عالم ثاني
مر الوقت والساده خلصو المشاوي دخل الكل يصلي المغرب واني ويا البنات صلينه ب الغرفه كملنه تسبيح ونزلنه للحديقه لان السيد صاح الكل
شفت الحديقه اجوائها تجنن الفرشه فوك الحشيش على طول الحديقه ومزينين الحديقه ب اضويه والنشرات
والورد محاوط الحديقه هدوء وصوت القرأن وريحه البخور اجواء ماكو اجمل منها
جنا اني والبنات كاعدات على مسافه والساده ينزلون ب الاكل الساده الكبار واكفين ياشرون وين يحطون الصحونه والباقين ينقلون بيهن
والسيد عبد الرؤف يشجعهم بكلامه الجميل
_عبد الرؤف:: عفيه بولدي
نقلو الصحونه والسيد اشرلنا نكعد كعدنا اني والبنات والساده كدامنا دخلت العلويه جهاد واسراء للحديقه كعدن قريب السيد عبد الرؤف جنت ملتهيه اسولف ويا عاتكه باوعت لقدس واكفه بعيد عنا
مكتفه ايديها
رفع السيد راسه يباوع لقدس ب استغراب
_عبد الرؤف:: ماتجين تاكلين بنيتي
وكف غضنفر توزيع الماي ودار يباوع لقدس الي جانت عازله نفسها من حجه السيد هزت راسها ب لا وابتسمت
_قدس:: لاسيد ب العافيه شبعانه
_غضنفر:؛ شبعانه ليش شنو اكلتي انتِ؟
_قدس:: اكلت ويا شاهيناز وعاتكه وقس قبل شوي
رفعن البنات راسهن وحده صافنه بوجه الثانيه
_شاهيناز:: هسه شيكولون توهن ماكلات ورجعن ياكلن شكد جوعيات لعد
_عاتكه:: والله من الرويك بس ماكلت غيره
_قس؛؛ انوب اني مسرفنه ردني
ضلينه اني والبنات صافنات على الاكل حتى نستحي ناكل بعد هز السيد عبد الرؤف راسه
_عبد الرؤف:: ماكو شبعانه بابا تعاي اكلي يلا
هزت قدس راسها ب لا
_قدس:: ب العافيه سيد والله ماريد
_غضنفر:: جهاد عزليلنه اكل ناكل ب الصاله
هزت العلويه راسها وبدت تعزل الهم..... اخذ غضنفر الصحن من العلويه واشر القدس يمشون هزت قدس راسها برفض
_قدس:: شبعانه غضنفر ماريد
التفتت الكل يباوع لقدس ابتعد السيد عن الاكل
_عبد الرؤف؛؛ الحمدلله
التفتت الكل لسيد ب استغراب صاح السيد معز
_السيد معز:: ماكلت سيد
_عبد الرؤف:: الحمدلله شبعت
_العلويه لباب:: شكلت انت عبد الرؤف وجهك اصفر
هز السيد راسه ب لا وابتعد كاعد على مسافه من السفره ابتعد السيد معز عن السفره
_سيد معز:: الحمدلله
بدو الساده ينسحبون عن السفره والعلويات وياهم ابتعد فقار عن السفره
_فقار:: ب العافيه
ضليت صافنه عليهم كلهم ابتعدو عن السفره حتى العلويه جهاد واسراء باوعت للبنات وحده تباوع بوجهه الثانيه ابتعدنا عن السفره بحيث السفره صارن فارغه بس سهام وابنها ياكلون حتى حفيدات العلويه لباب ابتعدن ضحك غضنفر ودار على قدس ضلت قدس صافنه على الكل دار السيد عبد الرؤف على قدس
_عبد الرؤف:: اذا قدس ماتكعد على السفره محد يكعد
ابتسمت قدس بخجل
_قدس:: سيد ليش هيج والله اني شبعانه
_عبد المقتدر:: المهم كعدتج على السفره تنور السفره
_عبد الرؤف:: وجودج ب السفره يكفي بابا
_السيد معز:: اذا قدوسه ماتاكل محد ياكل
ابتسمت بفرح حيل حبيت اهتمام الساده بقدس بحيث الكل ابتعد عن السفره
باوعت قدس للكل وابتسمت باوعلها غضنفر ورفع حواجبه تقدمت قدس لسفره تضحك
_قدس:: يلا سيد لعد خل ناكل
_عبد الرؤف:: ااي هيج من البدايه يلا بابا ب اسم الله
رجعنا للسفره وقدس فرحانه لاهتمام الكل واني فرحانه اكثر منها من شفت الاهتمام جايها من الكل عرفت اختي ماينخاف عليها ببيت الساده
التمينه على السفره ناكل ومشاعر الحب والدفو محاوطتنا ابد ماتقيد بهل بيت ماتقيد ويا هل ناس
اليوم الثاني الكل طلع من البيت بقينه اني والبنات لزياره.....
"مهجان"
ابتعدت عن المرايه ادور على مشد الشعر التفتت على قدس جانت كاعده تخابر خواتها وتضحك اشرتلها ب ايدي رفعت راسها تباوعلي
_مهجان:: شفتي مشد شعري
_قدس:: جوا الربطه
رفعت ربطه قدس شفت المشد اخذته من اشد شعري رجعت اباوع للمرايه ادندن بقصائد باسم الكربلائي
اعتقد بعد هاي المده كلها صار لازم تعرفوني
اني مهجان حفيده السيد عبد الرؤف من ابنه الصغير علي بعد ولادتي بشهرين والدتي العلويه والسيد
توفو اثار حادث ب السياره
ماتو بساعه الحادث بسبب النزيف الي اجاهم
تربيت على ايد عمتي جهاد
صارتلي الام والاب جدي السيد عبد الرؤف جان حنين وماحسسني ب فقدان الاهل ب يوم من الايام
عمامي الساده واولاد عمامي الساده والعلويات
جانو اخوان اكثر من اولاد عم
بعد حادثه عون واجبار السيد عبد الرؤف لعمتي على السفر لايران ماكدرت اترك عمتي تسافر وحدها
قررت اسافر ويا عمتي لايران واعيش وياها ببيت العلويه لباب اخت السيد عبد الرؤف
درست وتربيت ب ايران سبع سنوات بعد مارجعت للعراق حسيت ب الامان اكثرر
رجعت لموطني والبقعه الي تربيت وكبرت بيها
رجعت لاحضان السيد عبد الرؤف والعلويه زهراء
_قدس:: البنات يسلمن عليج
التفتت على قدس وضحكت
_مهجان:: الله يسلمهن والله مشتاقه الهن لو جايات
_قدس:: بعد
لبست ربطتي واشرت لقدس
_مهجان:: ننزل؟
_قدس:: اي يلا بس البس ربطتي
اخذت مهجان تلبس ربطتها صح البيت فارغ من الساده بس الحذر واجب
كملت وقدس وطلعنه اني وياها من الغرفه نزلنه الدرج شفنا البنات مجتمعات كلهن ب الصاله من شافنا صاحن
_شاهيناز:: يلااا زين اجيتن اجينا نصيحجن
_مهجان:: شسون
_عاتكه:: تعالن جاي نختار شخصياتنا بباب الحاره
تمشينه للبنات مستغربات لمتهن ضربت قس ايدها وصاحت
_قس:: اني ام زكي
التفتنا على قس نضحك وهيه مامهتمه
_شاهيناز:: ام زكي يابهههه اني فريال
_ملاك: واني سعاد خانم
صارت التطفر كلها تصيح اني واني
_قس:: قدس فوزيه
انصدمت قدس ماراضيه
_قدس:: ليش اني فوزيه!!
_قس:: مو انتِ عندج ابو بدر
_شاهيناز:: اي عفيه ابو بدر وام بدر
سكتت قدس تفكر واحنا نضحك طفرت عاتكه من مكانها وصاحت
_عاتكه:؛ اني ام حاتم هادئه وجميله
_قس:: شقصدج احنا دلالات
_شاهيناز:: عاتكه ضبي لسانج وكلامج
_مهجان:: ام زكي وفريال قلب وقالب
هزيت ايدي مختاره شخصتي
_مهجان:: لعد اني ام ظافر
_حميده:: اني ام بشير
_حوراء:: اني نورهانن
وكفت قس وصاحت
_قس:: من اليوم اسمنه نسوان حاره الضبع
_شاهيناز:: اويهاااااا ارفعي راسك يامرفوعت الراس
صحنا كلنا اويهاا نضحك
ضربت قس على رجليها بقوه
_قس:: ذكرتني بمعتز اخ يامعتز خليت بكلبي لجمه جنت اشوف المسلسله علموده ومن يطلع اكعد مستحيه وخجلانه منه
_شاهيناز:: ماشاء الله زلم حاره الضبع كلهم كفو
_قس:: تدرن شنو تذكرت؟
_ملاك:: شنو؟
باوعتلنه قس تذكر
_قس:: نسيت اسمه هذا الي شفناه ب الزياره الاصلع؟
_عاتكه؛؛ دلهب!
_قس:: اي عفيه دلهببب
_عاتكه:: شبي
_قس:: تذكرت ابو شهاب واجه ابالي كلش ينطي شبه
صفنه اني والبنات فعلا حيل ينطي شبه مر الوقت واحنا ماخذات دور نساء حاره الضبع
جرت قس الكرسي وخلته بنص الصاله صعدت على الكرسي وصاحت
_قس:: اويهاااا اني ام زكي
صحنا اني والبنات ملتمات عليها اويها
_قس:: اويهااا دلاله المنطقه
_: اويهااا مافي حدا يلحقني ب المتاجره
_:اويهاااا نسوان حاره الضبع يطلوب راضاتي
وكفت شاهيناز بنص الصاله وصاحت
_شاهيناز:: اويهاااا اني فريال
_: اويهااا زوجت بنتي لعصام النسونجي
_: اويهااا بموت من ام معتز
_: اويهااا كلهم بيغارو من طولي
وكفت قدس وصاحت وياهن
_قدس:: اويهااا اني فوزيه
_:: اويهاا يئبرني ابو بدررر
_:: اويهااا احلى شباب كربلاء
_:: اويهااا بيسميني عزيزته
_:: اويهاااا مافي حدا يلحق معزتي عندوو
صاحت ملاك بصوت رنان
_ملاك:: اويهاااا اني سعاد خانم
_:: اويهااا ام شعر الاحمر كلهم بيغارو مني
_:: اويهاااا مشيتي بتغيض الكللل
_:: اويهاااا ابو عصام الاكرع تزوج علييي اجنبيه
ضحكنا كلنا مصدومات من ابو عصام
_عاتكه:: اويهاااا اني ام حاتم
_:: اويهااا احلى واهدء نسوان الحاره
_:: اويهاااا مافي حدا يلحقني ب الدلع
_:: اويهااا عندي بنات يجننوو
_:: اويهاا ابو حاتم خلص حياتو يشرب ناركيله
صحت من يمي اطفر
_مهجان:: اويهااا اني ام ظافرر
_:: اويهاا شاده شده فكر ويا مرت ابنييي
_:: اويهااا الذهب يدندش من ايدي
_:: اويهااا ابو ظافر مابيخلي شي بنفسي
تقدمت حميده بنصنا وصاحت
_حميده:: اويهاااا اني ام بشير
_اويهااا احلى خبز بالضيعه
_:: اويهااا بكره سعاد خانم
_:: اويهااا بدي حفيد من بنت ابو عصامممم
صاحت حوراء من مكانها خاله ايدها على حلكها
_حوراء:: اويهاااا انت نورهان خانم
_:: اويهااا بنت ابو عصام
_:: اويهااا بفزع مع امي ضد فرياللل
_:: اويهاا بخيط وبصرف على زوجي
هلهنا كلنا بصوت ناصي نضحك
_جهاد:: اويهاااا اني جهاد بت السيد عبد الرؤف
_:: اويهااا راح اجيجن كل وحده بكف على وجههه
_:: اويهاااا بربيكم من جديد
_:: اويهاااا بشوف شو بيعملو نسوان حاره الضبع
_:: اويهااا شكلي راح ارجع افرمتجن من جديد
كمزنا كلنا من سمعنا صوت عمتي جانت واكفه بباب الصاله لابسه عبايتها واسراء واكفه يمها تضحك دخلت عمتي تضحك ويانا
_جهاد:: ها نسوان باب الحاره
_قس:: لاعلويه نسوان حاره الضبع
باوعت عمتي لحفيدات العلويه لباب الي جانن كاعدات ماعدهن رد فعل غبر الابتسامه
_جهاد:: وانتن
_قس:: هذن من حاره ابو النار
ضحكنا كلنا وعمتي صعدت هيه واسراء للطابق الثاني اطشرنه ب الصاله كاعدات نسولف...
"قدس"
بعد كل الي صار ونضرات الخوف من الجميع حسيت واهسي نكسر بكلشي اريد بس ارجع لديوانيه وابتعد عن هاي العائله خوفن لا اذيهم اكثر واني ماحس
رغم رد فعلهم جانوو يحسسوني الموضوع عادي ومو مهم بس اني اعرف الي بداخلهم يكول مو عادي
مستحيل الموضوع عادي!!
اني حاولت أذي طفل صغير رغم نيتي ماجانت اسبب الاذه لمحمد بس الكل جان يشوف هيج
بيوم جنت كاعده ب للحديقه وحدي صافنه على كل الي صار واعيد الاحداث الي صار دخلت غضنفر للحديقه عيونه ادورني من شافني اجه ب اتجاهي ايده بجيوبه باوعلي ورمش
_غضنفر:: تسمحيلي اكعد ياحلوه
درت عنه ماريد اخلي عيوني بعيونه بعدني ماخذه موقف منه
_غضنفر:: قدوسسه
_قدس:: نعم
_غضنفر:: ممكن اكعد بقربكي لو سمحتي يا اميرتي؟
دنكت ماريد ابتسم اني مشكتلي ضحكتي ماسيطر عليها ولا خجلي اشرتله يكعد
_غضنفر:: حنينه مو بيدج
حجاها وكعد بقربي بقيت ساكته وهوا ساكت الجو جان حلو وهادء
_قدس:: اريد ارجع لهلي
جر حسره ساكت بدون رد درت علي وحجيت
_قدس:: ماريد ابقى هنا غضنفر اريد ارجع
_غضنفر:: ان شاءالله خير
سكتت ماحجه واني هم سكتت عضيت شفتي من حسيت بنفسي اريد ابجي فركت ايدي بزعل
_قدس:: ماحبك اني كرهتك
باوعلي مبتسم
_غضنفر:: اموت عليج انا
_قدس:: اي شعلي بيك اني ماحبك طلكني
غمز نافي كلامي بعدم اهتمام
_غضنفر:: ماطلك شسوين
_قدس:: اطلك مو بكيفك اشكي لسيد عبد الرؤف اخلي يطلكني منككك
_غضنفر:: اي وسبب الطلاق؟
رفعت اكتافي ماعرف ابتسم صافن بعيوني
_غضنفر:: احبج
_قدس:: اكرهك
_غضنفر:: مو مهم انا احجي عن مشاعري بعدين تحبيني
_قدس:: غضنفر
هز راسه يسمعني باوعتله ودمعن عيوني
_قدس:: جاي اتاذى غضنفر
حجيتها وبجيت بقهر وقله حيله خليت ايدي على عيوني اشهك اخذني بحضنه يهديني واني انفتح ب البجي
_قدس:: جاي يأذوني غضنفر بكل مكان اشوفهم صرت اخاف اكعد وحدي احاول اهرب منهم ب النوم الكاهم ب احلامي اشوفهم بكل مكان يردوني يموتوني
جان ساكت يسمعني واني اسولف كل معاناتي بكل مره اشوفهم احس روحي تطلع من الرعب
_قدس:: الكل صار يخاف مني ويكرهني شفت سهام مرت السيد عمران ماتخلي ابنها يتقرب مني خاف يتأذى بسببي زين اني شنو بيدي اني
مسح غضنفر على راسي ضامني بحضنه رفعت راسي خاله عيني بعيونه
_قدس:: صرت اخاف عليكم مني
ابتسم غضنفر بحزن باسني من راسي فوك الشال بهدوء
_غضنفر:: انت مصدر الامان الوحيد هنا مو مهم كل الي تشوفني هذا كله خيال
هزيت راسي ب اي وكمت ماعندي طاقه للكلام طلعت من الحديقه غضنفر حاضن ايدي صعدت للغرفه شفت البنات كلهن ملتمات اخذت ملابسي من الكنتور وطلعت من الغرفه
دخلت للحمام خليت ملابسي على صفحه وفتحت الماي كعدت بنص الحمام جوا الدوش مغمضه عيوني اريد اطفي النار البداخلي فكرت بكلام غضنفر اريد ماعندي مشكله ب الزواج مشكلتي خاف اتقرب من عائله السيد اكثر وأذيهم اكثر
حسيت بنغزه بخصري مسحت ب ايدي على مكان النغزه وكملت كعدتي جوا الدوش توني اخلي اغسل الشامبو من شعري وصرخت من نسحب شعري بقوه من الخلف كمت من مكاني امسح بعيوني
فتحت عيوني صرخت بفزع من المنضر الشفته كدامي شخص لابس دشداشه بيضه ولحيته سوده طويله يباوعلي بضحك غطيت جسمي اصرخ
رجعت غمضت عيوني استنجد بصريخي اريد شخص يجيني ماكدر اطلع من الحمام واني ملصخه!!
رجعت نضرب بجسمي من الخلف درت مصدومه وصرخت برعب رجعت للخلف بحركه غير متوقعه
دست على الشامبو ب الارض ورجعت طايحه بقوه على راسي ماحسيت بشي بعد غير بلمسات على جسمي...
"مهره"
نزلت جدر التمن من الطباخ........ طفيت جدر المركه وطلعت من المطبخ منتضره خالتي تجي حتى نصب الاكل تمددت على القنفه رافعه رجلي للحايط التفتت شفت الكتب على الطاوله
نكلبت على بطني بتسمت متذكره السيد مفرقد
ضحكت بس تذكرته رغم مايوم خله عينه بعيني ولا جمعنه حديث بس هل شخص مايروح من بالي بيوم ماعرف شنو جاي يصير اني خفيفه مدري كلبي
خليت ايدي جوا حنجي شكله يتردد براسي
عدلت كعدتي ضايجه من تذكرت صاله مده مختفي حتى من سألت عن اختفاء العلويات محد جاوب
كلهم يكولون مانعرف ولو اعرف مدرسات الحوزه يعرفن بس ماينطن جواب مقنع
كمت من مكاني اخذت تلفوني دخلت على الوتساب ماكو رد دخلت على سجل المكالمات ماكو اتصال
شمرت التلفون على الميز ورجعت كعدت بمكاني
صفنت راجعه للماضي متذكره كل الي صار
صادف يوم الخميس قبل العيد ب ايام قليله طلعنه اني وامي ولجين اختي نشتري ملابس العيد
رجعنه للبيت شفت الكل مجتمع ببيتنا دخلنا انا وامي واختي لجين مستغربات شفت اخوي كاعد بنص الصاله محتار وعمامي وعماتي محاوطينه من دخلنا توجهت الانظار كلها علينه
اخترعت امي من جمعتهم وشلون اخوي محمد معصب وكعدته كعده شخص هموم الدنيا فوك راسه
صاحت امي من مكانها مستغربه
_جنان:: شصارر محمد يمه شبيك
هز اخوي محمد راسه ماعنده جواب غير السكوت
سمعت صياح جاي من الصاله نزلت الدرج وشفت امي و اخوي واكف بنص الصاله متعصب وامي كدامه تبجي وتصرخ صاح اخوي محمد يضرب على راسه
_محمد:: لو عندي انااااا ماطلبببببب ماطلبببب منج
صرخت امي بوجهه بحركه
_جنان:: كتلك البيتتتت ماينباع وين تردينه نكعد ب الشوارعع نعيش لو ب الايجارات
_محمد:: لعدددد انسجن!!!!
_جنان:: خواتكككك وين يرحنننننننن ماعدنا بس هل بيت تريد تبيعه وتشردناا
لطمت امي على راسها واخوي محمد واكف كدامها معصب ويحجي بحركه كاعد كدام امي بحزن
_محمد:: ماعندي بس باجر يمه راح يرفع شكوى ويسجني
ببجت امي بقله حيله مسحت على وجهه تباوعلي اني ولجين الي مافاهمات شي من صياحهم غير محمد يريد يبيع البيت!
_جنان:: وخواتك يمه بس هذا بقالهن من ابوك
_محمد:: خواتي بعيوني انا وين رحت لعد
مسحت امي دموعها ومسحت على راسها باوعتلنه وباوعت لمحمد اخوي
_محمد:: ها يمه
_جنان:: بيعه بس الفلوس اليزودن ماتاخذ منهن فلس احمر
وكف محمد يبوس براس امي فرحان ويحلف لها راح يعوضها عن كل اللي اخذه لحد هاي اللحظه اني ما فاهمه شيء غير بيتنا اللي احنا عايشين بيه وورثناه من ابوي اللي سجل البيت بأسم امي راح ينباع والسبب اخوي محمد ماخذ فلوس بالفايز وداخل بمشروع
والمشروع فشل!!
والمبلغ جبير وصاحب الفلوس اللي ماخذهن منه مسوي عليه كامبلانه يعني اذا اخوي محمد ما رجع الفلوس اله حق يسجنه وفعلا محمد اخوي بطل من الشغل وفلس من فلوس المشروع وهيج يعني محمد ما راح يكدر يرجع الفلوس والشخص اللي انطاه فلوس قرر يرفع شكوى على اخوي
ما جنت مستوعبه كل اللي صار وشلون بين الليله ويوم كعدنا نجهز اغراضنا حتى نشيل من بيتنا
ما حد جان مستوعب الغدره اللي راح يقدمها النه اخوي محمد بعد ما انباع البيت وجان المبلغ اللي زاد مبلغ كبير ويعادل المبلغ اللي اخذه اخوي محمد مرتين
محمد بدل ما يرجع الفلوس لامي اخذهن ونطاهن لصديقه بحجه راح يشغل الفلوس حتى نرجع نلم فلوس البيت ونشتري بيت غيره بس اللي ما حد جان متوقعه من صديق محمد اخذ الفلوس واختفى يعني م يعني احنا صفينا بلا بيت وبلا فلوس
امي بعد اللي صار ما تحملت وضربتها جلطه وتنومت بالمستشفى
الفلوس الي راحن جانن اخر فرصه حتى نرجع نلم نفسنه بس محمد وصديقه لغو الفرصه بلحظه غباء من محمد وحقاره من صديقه
بيوم اللي رجعنا بيه من الزياره صارت مشكله بين امي ومحمد والسبب؟؟ محمد ماتب ورجع تسلف فلوس من اصدقائه وصرفهن بدون فايده؟
تدخلوا بهاي المشكله عمامي السبب اللي خلي امي ما تتحمل الوضعيه قررت تاخذنا لبيت جدي اهلها
بعد مرور اسبوع من بقائنا بيت جدي اهل امي
اجت خالتي الي جانت عايشه بنجف وحدها
تخدم ب الامام جانت متزوجه شيخ معمم والله سبحانه وتعالى مارزقها ب الضنى مات زوجها وبقت خالتي وحدهأ ب النجف ماتكدر تفارق محافظه النجف
فتحت خالتي موضوع تاخذني وياها لنجف جم يوم وترجعني وفعلا امي مارفضت ولا اني كدرت ارفض ردت اي طريقه اهرب من الاجواء الي جانت محاوطتني
بعد ماجيت لنجف تغيرت وفتحت صفحه جديده ويا نفسي وبدت خالتي تهدم الخصال السيئه وترمم الخصال الحميده واني قابله بهل ترميم
بديت ادرس ب حوزه ساده معروفين بمحافظه النجف وبديت احسنن من نفسي ومن تصرفاتي بكل مره امشب للحوزه اتذكر من اجيت وترزلت على ايد المفتشه اضحك بخجل جنت محتاجه هل رزاله
كمزت من مكاني من سمعت صوت التلفون يرن ركضت على التلفون شفت اختي لجين تتصل اخذت التلفون ورفعت خط توني ارزلها لان ماترد على رسائلي ومكالماتي واجاني صوتها تبجي
_مهره:: لجين شبيج امي بيها شيي !!
_لجين:: مهره
_مهره:: شبيججج ماتحجين!!!
_لجين:: مهره عمي قصي راح يجيج لنجف
_مهره:: يجيني شنو؟
جنت مصدومه مافاهمه شي من كلامها كملن كلامها ببكاء وهيه تكول
_لجين:: اخوي محمد نطاج لمسلم ابن عمي قصي راح يعقودن عليج!!
شكرا لزيارتكم عالم روايات سكيرهوم
