رواية الشيعي وبنت الانبار الفصل السابع عشر بقلم بنين البصراوي
جعفر لزم مي ورش على عباس وصحى عباس والدمعه وگفت بطرف عينه
عباس شنو المطلوب ؟
جعفر بويع الزلمه جتال ابنه نريد ناخذ ثارنه
عباس وانا وياكم بس اريد اعرف ليش سوه هيج
طلعو الزلم واتفقو يرحون ثاني يوم يروحون للانبار
عائشه عباس شنو جانو يريدون ذول
عباس باوعلها بنضره نضره اول مره تشوفها عائشه بعيونه نضرة حب وغرام بس بيها اه
عائشه شبيك عباس
عباس مابيه شي بس باجر عندي شغله اريد اگضيها ب الانبار
عائشه الله يسهل دربك
عباس انا هسه طالع لعمي ستار محتاجه شي
عائشه سلامتك
طلع ل ستار وگله بكلشي صار
ستار انهار من البجي والصياح واخذوه للمستشفى بسبب انهيار عصبي
عباس رجع للبيت متأخر يتهرب من عائشه الي يضعف گدام عيونها رجع على امل انو بلكي نايمه بس جانت منتضرته ب المطبخ
عباس ها بويه بعدج گاعده
عائشه اي عباس عليك الله كلي شبيك مامرتاحه مو گتلي راح تضل وياي ع الحلوه والمره انت هسه تعبان شاركني تعبك ليش تضم عليه
سحبها لحضنه وحضنها حيل وضل يبجي بلكي دموعه تخفف من حزن گلبه بس هيهات
صعد للغرفه وهل مره هو نام بحضنها
عائشه رغم الي صار كله ومافهمت شي بس احسه محتاجني حيل اكثر من اي وقت
الساعه ٣ فجراً
عباس گعد على صلاة الصبح ولگه عائشه بعدهي حاضنته ونايمه وهيه منتجيه ع الجربايه عدل راسها وكام صله وضل يدعي خلص دعائه واخذله ثوب ودخل سبح طلع من الحمام ورح للغرفه بس مالگه عائشه بدل ونزل لگاها محضرتله الريوگ باس راسها وگعد يتريك وهيه يمه
عباس عائشه اليوم راح تجي عمتي ام منال تضل يمج لحد ما ارجع ماشي
عائشه الله يسهل دربك ويرزقك
طلع عباس وبداخله خوف لأن ما گاللها الحقيقه راح لحجي جعفر وطلعو للانبار. بـ سيارة عباس وسيارتين وراهن ضل عباس يسولف وي جعفر وشلون راح يتصرفون هناك وطبعاً وياهم شهود ع الحادث الشهود الي شافو وجه عمر
عباس حجي احنه نروح ل شيخ العشيره شيخ محمد ماراح يقصر ويانه زلمه معدل وحجايته حد سيف
جعفر وليدي انا اريد اعرف ليش ولدنه بـ الذات وموبس ولدنه وابن عمك واربع شباب هو برگبته ٧ زلم ليش هسه هيج سوه
عباس انا هم اريد اعرف حجي ما اجذب عليك انا تهموني بگتل ابن عمي وانا بريئ طلعت للانبار ضليت هناك الزلمه جان كارهني كلش وره فتره صارت الاقدار وردت اتزوج شفت بنيته اخلاق وسمعتها حلوه رحت خطبتها بكل ادب ما انطاني ياها وصارت مشاكل كلش جبيره وره فتره راد يزوج بنته البنيه راحت مهزومه لبيت خالها هو عباله خطفتها اجاني بـ سلاح وصوبني بيدي وشيخ عشيرتنا اجه وصارت سالفه جبيره بيومها قرر الشيخ محمد جبير عشيرتهم يسد السالفه بلا دم زوجني بنته وماشفته ابد لحد ما مات ابن عمي وراها اجاني ب الفاتحه وصار يتردد علينه بين فتره والثانيه
جعفر والله سالفتك غريبه وحلوه يبني
عباس هو انا خايف من الي راح يصير هناك ومن ردة فعل مرتي
جعفر عندك جهال
عباس عندي ولد وطفل ب الطريق
جعفر الله يحفضه الك ويكومها ب السلامه
عباس الله يسلمك
جعفر انشالله عاد حلو مثلك ههههه
عباس هههه الله يحفضك ويسلمك
الساعه ٩ صباحاً
✿
البصره
❀
ام خلف راحت لـ عائشه تشوفها مالها ذنب
عائشه هلا خاله تفضلي
ام خلف اخ ييمه سوده عليه عليك ياخلف
عائشه شبيج خاله
ام خلف يمه عباس ماگالج
عائشه شنو صاير خاله خوفتيني
ام خلف لا رد
عائشه بروح خلف احجي
ام خلف يمه ابوج كتال خلف
عائشه شنوووو
ام خلف يمه بنيتي طاح مغمى عليها من الصدمه
گعدتها وانطتها لبن مالح
گعدت وضلت تنوح وتبجي
عائشه خاله خاله بروح خلف خلي عمو ستار يوديني للانبار
ام خلف يا يمه شبيدي عليج سوده عليه
عائشه فدوه خاله
ام خلف انشالله اگله
راحت للبيت وگالت لـ ابو خلف بس هو نضره يضعف ب الليل ف اجلوها ثاني يوم الصبح
عائشه تنوح وتبجي وتدعي ربها ماصاير شي لابوها
❀الساعه ٤ العصر❀
وصل عباس للانبار وراحو لشيخ محمد گبل وضلو يمه وعباس راح للربعه ومن دخل شاف محمود هناك ستوه جاي من سوريا وادهام الي جان يحلي گعدتهم ماموجود
عباس شباب امشونه اله نشوفه
راشد يلا علواه
محمود والله مشتاقله كلش
طلعو ل بيت ادهام وجان موجود راحو وغيرو نفسيته شوي بس الحزن الي بگلبه محد شايله
طلعو الشباب لبيوتهم وعباس راح للربعه حط راسه ونام من تعب الطريق
ديوان الشيخ محمد
جعفر هذا الي صار شيخ
محمد بويه عندك شهود
جعفر ذولي الزلم گدامك وترا الزلمه بركبته ٧ شباب مثل الورد ولدنه ماراح يسكتون ترا
محمد يصير خير الصباح رباح
جعفر شيخ ترا احنه جايين نريد ناخذ ثارنه مانريد نصالح وياه
محمد والله ما ادري شگلك حجي بس يصير خير
گعدو تعشو الزلم وبعدها نامو بسرعه من التعب
عباس فز على شخص يندهه شاف ادهام وبيده علاليك سود
ادهام گوم نتعشى
عباس يلا يلا غسل وجهه ورجع گعد
ادهام شبيك يخوي الهم تارس وجهم وگلبك
عباس آخ يخويه اخ سولفله كلشي سار من الالف الى الياء
ادهام انا اخوك
عباس اي والله هذا الصار
ادهام انت مو مهتم لعمر انت خايف تفقدها من جديد مو
عباس اي والله
ادهام انشالله كل خير
مر اليوم مرور الكرام
الساعه بـ ٣ الفجر طلع ستار وعائشه وام خلف للانبار وطول الطريق عائشه تقره ادعيه وخايفه من مستقبل مجهول ممكن يبعدها عن عباس
تسريع احداث
الساعه بـ ٤ العصر
ودو على عمر وطبعاً جعفر ما قبل يصير دم بديوان الشيخ طلعو يتفاهمون بيت عثمان
عمر ولا كأنو مسوي شي دخل بكل تمبر وتعجرف وگعد
بلش عباس ب الموضوع حتى يكسر الحاجز
عباس ممكن اعرف ليش كتلت خلف
عمر اخ عاد انا جان هدفي انت مو ابن عمك بس خيرها بغيرهز
عباس وتعترف
عمر انا محد ياخذ بنتي بسهوله كسرت كل القواعد واخذتها غصباً عني اسكتلك
شيخ محمد بويه انتم عرفتو هذا الزلمه
الشهود اي هو متأكدين
محمد تحلفون
الشهود اي نحلف
حلفوهم وعمر اعترف بكلشي سواه
جعفر طلع مسدسه وصوبه ع عمر وضربه رصاصه بصدره وبراسه
صرخه هزت المكان كله
عائشه لااااااااااااااا
جانت واگفه وشافت كلشي صار گدامها
