رواية المتمرد والصغيرة الفصل السابع عشر بقلم رسل
يجي يوم و تحن عينك
تجينة و ما نلاگيهة
يجي يوم و تحن ريتك
تشمنة و ما نطب بيها
______
الظهر اجوي ابو فهد وزيد يضحكون و لا عبالك البارحة لمن انكلبو وحوش ام سراب تصير بنت خال سهام الله يرحمها اجتي تركض من فوك
بشرى : عمي عمي كمال ابن عمي راهي داعمتة سيارة و هسة بالانعاش
ام محمد : يا يمة الله يساعد كلب امة شاب بعمر الورد ان شاء الله مابي شي
الحجي : لااااا ميستاهل والله امشي ام محمد خل نروحلهم
اديان : اباوع ابو فهد و زيد ولا يم السالفة
والله شكيت هم الداعمي صعد ابو فهد فوگ صعدت ورا دكيت الباب
اجة هو فتحة
ابو فهد : ها بوية اليوم منين طالعة الشمس
اديان : اني ما اجيت علمودك بس اريد اعرف انتة الدعمت الولد مو
ابو فهد : اي
اديان : متخاف من الله
ابو فهد : لعد هو ما خاف من الله من يحط عينة ع مرة متزوجة
اديان : بس هو ما سوة شي
ابو فهد : لججج شوو تدافعيلة كدامي
اديان..دخلني للغرفة و سد الباب
ابو فهد : باعي راح اعوفج لان البارحة اذيتج صيري حبابة و تچفي شري لو تنامين لو تطلعين
اديان : شنو ماعندي عقل اجي انام يم هيج واحد
فتحت الباب وطلعت اسمعة طگها ضحكة
لحد العصر اجوي
الحجي ومرتة كالو كسر برجلي اثنينهن و بأيدة اليسرة
بس تعدة مرحلة الخطر ..خطية والله
مشة اليوم عادي اني ما اسوي شي لان ايدي ملفوفة وزهراء تنظف هي و ام سراب ....
صارت الساعة ب 12 بالليل واني خططت اليوم اشرد انتضرت تصير ب 2 علمود اروح ضليت كاعدة طلعت بالگراج بس خفت تراجعت ورحت نمت نوب ميرحمني
مابية حيل ضرب بعد ثاني يوم و اجة ابن هيفاء محمد يبات يمها نوب هو كاعد يمها واني استحي ادخل للغرفة هو هم شكلة چبير عمرة 15 بس ضخم طالع على خوالة
كملو العشة و اجة ابو فهد للمطبخ جنت كاعدة على الميز
ابو فهد : اليوم صعدي نامي فوگ لتنامين بغرفة هيفاء ابنها ينام يمها و لتمدين ايدج على المطبخ هن ينظفن
اديان... ضليت ساكتة ما حاجيتة هو يكسر و يجبر يحرگني و يداوويني شديت ايدي ودخلت اسبح الفاف شلتة من ايدي لگيتها صايرة فقاعة سبحت و كملت
من طلعت دكيت الباب على هيفاء ابنها ماكو ظفرتلي شعري و صعدت كلت انام بغرفة فهد ويا بس لگيتها مقفولة دگيت الباب طلعتلي
حوراء: شعدها الگ*** صاعدة للطابق مالتنة
اديان: عفتها ما حاچيتها والله مالي خلگ اباوع لغرفتهن الباب مكسورة وصايرة يوم القيامة
دخلت لغرفتة هو ماكو لگيتهة نضيفة تلمع لمع اكيد هيفاء منضفتهة لان تنظيفها ميختلفون عليه اثنين
نوب اباوع للجرباية والله كمت اكره وجهة نوب ينام بصفي نزلت جوة لكيت هيفاء بالمطبخ گتلها اريد مخدتي و لحافي
هيفاء: خبلة وعلي هاي نزلتي علمود لحافچ ههههههه
اديان : اي
هيفاء: صعدي هسة اخلي فهد يجيبهن الج
اديان... صعدت صدگ جابهن فهد فرشت بالكاع بس طار النوم من عيوني ضليت ساعتين تقريباً بس افكر بعد شراح يصير و اذا طلگني ابوية يستقبلني
زين هم هسة وين صفة بيهم الوكت سمعت صوت الباب انفتح غمضت عيوني اسمع طگطگة لمن يخلي الساعة والمحابس ع الميز
نوب دخل يسبح وطلع سمعتة يخابر
ابو فهد : الو .. هاا .. الحمدلله ..شتردين .. الله كريم .. فد اسبوعين
.. اذا اي و اذا لا انتي شلج غرض .. لتنزلين نفسج لهلمستوى ..
.. لتلحين ..سد الفون
اديان : انصدمت هاي شنو مرتة لعد ليش متزوجها بالسر قابل يخاف شو هو شيخ العشيرة يلا طبهم مرض اثنينهم اني شكو
ورا شوية حسيت واحد يخلي بأيدي مَرهم عرفتة هو بس سويت روحي نايمة بعدين حطلهن گطن و لاسق مال جروح وگال
ابو فهد : للمعلومة ترى ما تعرفين تچذبين وين اكو وحدة نايمة و ترمش عيونها
اديان: غمضت عيوني قوي و درت وجهي طگها ضحكة وگام نام ع الچرباية اني هم نمت بس بالي مشغول بهاي الي خابرتة البارحة يربيي هاي منو
كعدت الصبح بعدة نايم ضليت بمكاني ما كعدت شفتة كعد غمضت عيوني اجة نزل لمستوى الگاع و باسني من راسي اني ضليت اگرص بأيدي كلت اكيد هذا حلم
بعدين دخل يسبح اني طلعت من الغرفة بس ضليت افكر بي شنو يضربني شنو يكص شعري شنو يبوسني نزلت غسلت وجهي وفرشت اسناني
ام محمد بس تذب حچي بس احسن من قبل لا تضرب و لا شي بس اكثر شي تغمني اتريكت و رحت لغرفة هيفاء هي اجتي وراي
اديان : اكلج هيفاء
هيفاء : كولي حبيبتي
اديان : ليش هيج ابو فهد كاص شعر بناتة يعني خل يضربهن بس مو يكص شعرهن خطية زين سراب ليش كتلوها
هيفاء: حوراء تتراسل وي شباب هواي ومكالمات وواحد منهم دازتلة صورتها
و زهراء ناشرة على الانستكرام صور ايدها و عيونها
و سراب تراسل ابن خال امها
اديان : خطية والله
هيفاء: هم كلش عدهم و لا الشرف احنة ديرة عشاير ماينفع ويانة تطوور
اديان: قصدج همج
هيفاء: عيب حبيبتي هسة لو يسمعوج يكسرون راسج
اديان :هي كلمة الحق صار اليگولها راسة يتكسر
هيفاء: چا ليش من تشوفين ابو فهد لسانچ تاكلة البزونة
اديان : اني ما اخاف بس غير احترمة يعني
هيفاء : هههههههههه اي ادري بيج ذيبة
اديان.. مشة الروتين عادي بالليل اجوي بيت ابو سهام الله يرحمها هم من يجون هيفاء متطلع ابد متحبهم يمكن ف ابوهم گال اريد هيفاء راح فهد صاحلهة
اجتي سلمت ...
ابو سهام : شلونج بوية
هيفاء : اللحمدلله بخير
ابو سهام : عساج بوية دووم ... انا جايج بموضوع و اتمنى ما ترديني
هيفاء: كول عمي اذا كدرت اسوي
ابو سهام : انا اريدج تردين لبيتج والله عدنان من يوم العفتي ما اجتة عافية و اذا على البيت يكول اشتريلها بيت وحدها و انتي بوية تدرين
ابنكم يريد يشوفكم يمة باجر اذا تزوج وجهالة كبرو يشوفون جدهم و جدتهم مطلگين
هسة انا جايج بشيباتي واليگولة لسانج يصير بس ابشري و بعد بكيفكم
اديان... ابو فهد ضل يباوع عليها مستغرب و ابوها هم وهي تباوع بالوجوه گالتلة ... ان شاء الله عمي اردلك خبر بيد اخوي
حچو عن كمال كالو لا زين تحسن و ورا شوية راحو رحت يمها بالغرفة لگيت ابنها يبوس بأيدها و يقنعها خطية والله يقهرون
ابو فهد و زيد راحو دخلو لغرفتها اني ضليت بالصالة يم فدعة
فدعة: هم عوزها ما ترضة صايرات تتعيقلن
اديان : شنو غير بكيفها
فدعة : انتي انجبي بت بغداد شو انجبي
اديان: هو كدرتكم على صخمان
فدعة : كومي لا تتمسكنين لا افلش وجهج بالسبحة
اديان : كل قوتج لو عندج بعد
فدعة : ابووو فهددد ابووو قرررد
اديان .. اني من كالت ابو قرد طگيتها ضحكة طلعو ابو فهد و زيد يركضون عبالهم اكو شي شفت ابو فهد صافن علية شلون اضحك
و زيد يباوعلي ويضحك ... و گال :: هاا الخبلة شبيج تضحكين
فدعة : ولك تعال كسرلي راس هاي
ابو فهد : ليش شمسويتلچ
اديان :يحچي و هو يتقرب علية وگف يمي و لزم چتفي
فدعة : تغلط علية
اديان : لا والله چذابة
فدعة : يا دهر دگلي چذابة ولك الزمها خل اگوم
ابو فهد : دگعدي لا توگعين اگعدي شغلطت عليچ
فدعة: ولك اكلها اسكتي لا اضربج بالسبحة دگلي كل قوتج لو عندج بعد
اديان... ابو فهد و زيد گامو يضحكون
زيد : صدك اذا عندچ اقوة كومي خل نشوف
فدعة : يا مناعيل الوالدين تضحكون عليّ انا فدعة بت مطشر
ابو فهد : روحي اديان لمي ابوها
اديان : ها
سمعتهم طگوها ضحكة بعدين طخت بالي لان ابوها اسمة مطشر گمت اضحك وياهم على الواهس
مرر اسبوع و هيفاء گالت ارجع علمود ابنها بس والله اني ضجت لان هي اكثر وحدة تحبني
جانو گاعدين بالصالة و ام سراب دتسوي كيك و زيد راح جاب ببسي كعدو ياكلون و هيفاء راحت جابت زهراء و حوراء و سراب
سراب ركضت لابوها حضنتة وكامت تبجي و هو هم حضنها
وزهراء وحوراء كذالك ضلن يبوسن بأيد ابوهن تالي هو اشرلهن يگومن و حضنهن والله اني دموعي ضلت تنزل وحدها واگول هنيالهن لعد اني لو ابوية هيج يحبني و لامرة من وعيت للدنيا
شفت ابوية حضني لو باسني ابد ام سراب ضلت تبجي على بتها
فدعة : خايبين بسكم لا تبچوني
زيد : ليش انتي هم عندچ دموع
فدعة: لا عندي خالتك
اديان .. لمن راحن بناتة كعدن على القنفة شافني اباوعلهم و ابچي فتحلي ايدة يعني ديأشرلي اروح احضنة عزا استحي نوب اخاف افشلة گلت خليني اني اتفشل و لا هو نوب انكتل
رحت الة حضني و ضل يمسح راسي بيدة
زيد : هااااا بوية چنك وگعت
ابو فهد: انچب لك هاي هم بنتي الثالثة
اديان.. كامو يضحكون نوب اني استحي اشيل راسي منة بعد شون اباوع بوجهم
فدعة : شو دوخري چلبتي بحضنة
اديان: شنو تغارين
كلهم ضلو يضحكون بس حوراء تباوعلي بحقد حتى اكثر من اختها
زهراء چان هذا اليوم احلا يوم عشتة عدهم المغرب اجة السيد و اجة زوج هيفاء
عقدو ورجعت ويا و ع اساس الصبح يرحون يعقدون محكمة من جديد نمت بغرفتها و احس بوحشة ضلت عيوني مدمعة ثاني يوم اجتي ام محمد
ام محمد : كومي بسااع بعد نومها هنا ماكو خلي بالج نريد نسويها غرفة للخطار رجعي للمخزن
عفتها وكمت غسلت وجهي وفرشت رحت للمطبخ كاعدين كلهم حضرت وياهن ريوگ
ابو فهد : من رخصتج يابة فلوس ع الكومدي روحي جيبيهن
اديان .. صعدت جبتهن ونزلت انطيتهن الة هو طلع بالگراج و گتلة عمو
ابو فهد : ها يابة
اديان : ام محمد دگول نريد نسوي الغرفة للگعدة
ابو فهد : ايي
اديان : لعد اني وين انام
ابو فهد : چا غرفتي المن منصوبة فوگ اخذي راحتج بيها انا ما ادخللها بس من انام
اديان : اوك
ابو فهد : انا رايح تردين شي
اديان : سلامتك
فرغتها بس عافت الكنتور ما شالتة و راحت ورا ساعة هي و الحجي دخلو ودخلو وراهم شباب اثنين يدخلون تخم للغرفة جان لونة ماروني و ابيض حلو كولش
هي صح ام محمد كلش مرتبة يعني ديكور البيت ع ايدها تحس اثاثة فخم مثل الخليج مرت الايام عادية اني بس على گد النومة انام بغرفتة بالگاع و هو كل مرة يگلي جسمج ميتكسر من نومة الكاع
صار ست ايام من راحت هيفاء
جنت كاعدة اباوع تلفزيون الظهر دخل ابو فهد
ابو فهد : الاب توب مالتج بالجرارة اليمج اخذي
اديان : لا ما اريدة
ابو فهد :براحتج بوية .. عود حظريلي ملابس بجنطة السفر الصغيرة عندي روحة خمس ايام
اديان : وين
رفع حاجبة
ابو فهد : شلج غرض
اديان : لا بس هيج
انذكرت هاي المرة الي خابرها اكيد راح يروحلة خل يروحلها اني شكو كمت حظرتلة ملابس و صعدت فوك لسراب ضلينة نسولف
سراب : اكلج اديان عمو ابراهيم ليش ههذاك اليوم حارگ ايدج
اديان : لان راددتة بالكلام
سراب : الله يساعدج عليه لعد باعي راح اكلج شغلة بس مدكولين
اديان : لا والله ماكول
سراب : شوفي ابن خال امي شاب عمرة عشرين يحبني و احبة كل ما نروح لبيت جدو نگعد نسولف تالي سويت انستكرام علمودة لان اني ماعندي رقم و صارلي اربع ايام اراسلة كمشوني
اديان: بس انتي عمرج 12 وينج ووين الحب بعدج صغيرة
سراب : هو احنة البنية من يصير عمرها 14 تستحق الزواج يعني اذا اجوي خطابة خوش ناس ينطوها بس عمو فهد ما زوج بناتة لسة كال خل يكبرن
اديان : احنة ببغداد تعبر ال 18 او اكثر
سراب: لا احنة اذا توصل عشرين و بعدها منتزوجة بسلفنة يكولون عانس
اديان: بس اني اكول عوفي درب الحب والله ميفيدج بعدج صغيرة
سراب : احبة مو بيدي
اديان.. كمت منها لان انصدمت بعدها جاهلة زين امها متحاجيهة صح جسمها اضخم من عندي بس هو العقل اهم شي وهي عمرها 12 الي بحدها بالسادس كلت ماريد اضل انصحها لان اكيدً تكوم
تكرهني احاجي امها احسن بالليل راح ابو فهد بس مخد يسئلة وين رايح لبس كلة اسود و طلع احس بروحي ضايجة بس من شنو
ماعرف مرن يومين واني النوم ماشوفة وكلساع اكول هسة يمكن يم مرتة قابل شيسوي بية اني بعدين اكول طبهم مرض اني شكو
يربي معقولة بس هاي صارلة كم يوم يعاملني زين حبيتة لا شنو حبيتة هو اني ششفت منة غير الظرب. والاهانة اجتي هيفاء كالت ليش هيج صايرة ضعفانة كتلها مابية شي
اخلص وكتي نصة بالغرفة ابجي لو افتح الاب توب اطلع مقاطع حزينة وابجي العصر جابتلي سراب التليفون كالت رجلج يريد يحاجيج
ابو فهد : الو
اديان : الو
ابو فهد : شونج بوية
اديان : زينة
ابو فهد : ليش هيج صوتج تعبان
اديان : لا كلشي ما بية
ابو فهد : متاكدة
اديان : اي
ابو فهد : تريدين اجي
اديان : اي .. هاا لالا براحتك اني شكو
احس روحي صخنت من الفشلة
ابو فهد : هههههههه اليوم جايي بالليل
اديان : و شسويلك
ابو فهد : خوش
اديان .. سدت الفون بوجهة ضايجة اول شي من فشلتي لمن كتلة اي و ضايجة منة اكيد هسة وي مرتة نضفت الغرفة و سبحت صارت ب 11 هو ماكو لفيت راسي و نمت كعدت على صوت باب الكنتور ينفتح
شافني كاعدة
ابو فهد : هلا يابة شونج
اديان: زينة
ابو فهد : شو تعاي احاجيج
اديان.. كمت من فراشي ورحت يمة
