رواية بائعة الورد الفصل السابع عشر بقلم إسراء محمد
يمني : طب احنا لو اتجوزنا هنتجوز في الشقه اللي انا قاعده فيها
كريم : لا مش موافق اني اتجوز في شقتك
يمني : هو ده شرطي قولت اي
كريم : موافق بس بشرط
يمني : انت كمان هتتشرط
كريم : مش انتي قولتي شرطك وانا وافقت يبقي انا كمان اقول شرطي وليكي الحق توافقي او ترفضي
يمني : واي بقي شرطك ده
كريم : اني أجر منك الشقه قولتي اي
يمني : وتأجرها لي
كريم : عشان مش حابب اقعد في مكان واحس انه مش بتاعي
يمني : يعني انت لما تأجر مني الشقه وتقعد فيها هتحس انها بتاعتك
كريم : اه
يمني : موافقه
كريم : ليا شرط كمان
يمني : لا كده شروطك كترت
كريم : معلش استحملي
يمني : قول
كريم : هغير العفش بتاع الشقه كله ممكن
يمني : لي
كريم : عشان ده عفش جوازك الاول وانا مش حابب يبقي موجود
يمني : ولو قولت لا
كريم : هعتبرك بترفضيني تالت مره وهمشي
يمني : تمام اعتبر زي ما تعتبر
كريم : ده اخر كلام
يمني : اه اخر كلام
كريم : طب عن اذنك
وسابها وكان طالع قابله يحيي
وقال : رايح فين انت لحقت
كريم : اختك رفضتني
يحيي : انتوا لحقتوا تتكلموا مع بعض يا يمني
يمني : الاستاذ مش موافق اننا نتجوز بالعفش بتاعي
يحيي بأستغراب : ازاي يعني يتجوز علي حاجة راجل تاني
كريم : قولها
يمني بصوت عالي : هو ده اللي عندي
سندس وملك دخلوا بسبب الصوت العالي
سندس : في اي
يحيي : لو مواقفه يبقي هنجيب عفش وأجهزه جديده مفيش حاجه اسمها هتجوز بحاجتي بتاعت جوزك الاولاني
يمني : يعني اي بقي اومال حاجتي دي هتروح فين
يحيي : ما تسيبها في الشقه هنا ونأجرها مفروش
كريم : لا هي عايزه تتجوز فيها فقولت هأجرها منها ونتجوز فيها
يحيي : خلاص هشوف ممكن اي احتاجه في شقتي واخده ونبيع الباقي
يمني : لا مش هبيع حاجتي
يحيي بعصبيه : لا هتتباع
كريم : اهدي بس
يحيي وهو بيحاول يهدي : يا حبيبتي مفيش راجل يقبل يتجوز واحده علي حاجه راجل تاني
يمني : لا في عادي
يحيي : كده ميبقاش اسمه راجل وكريم لو كان وافق علي اللي انتي بتقوليه ده انا رفضت الجوازه دي
يمني : خلاص ماشي بس هو هيجيب كل حاجه انا مش هجيب حاجه
كريم : بس كده بسيطه
يمني بغيظ : موافقه
كريم : بعد اذنك يا طنط انتي ويحيي هجيب اهلي الجمعه الجايه ونقرأ الفاتحه
سندس : ماشي يا حبيبي ربنا يتملكوا علي خير
يمني : انا مش فاضيه الجمعه الجايه
سندس : لي وراكي اي
يمني : هبقي عيانه
كريم بضحك : خلاص شوفي هتبقي عيانه عندك اي واجيبلك الدوا بتاعه بدل الورد والشيكولاته
يمني : مستفز
وسابتهم ومشيت
سندس : متزعلش يا كريم لما تتعود عليك هتلاقي اتغير
كريم : مفيش مشكله يا طنط ، عن اذنكم بقي عشان افرحهم في البيت
يحيي : والله وعشت لليوم اللي هشوفك فيه عريس
كريم : مع اختك هبقي عتريس مش عريس
كلهم ضحكوا
يحيي : مش انت اللي متمسك بيها اشرب بقي
كريم : علي رأي الكبير ده انا هشرب المر بشاليموه
يحيي : انت لسه حتي مقرتيش فاتحه وبتقول كده اومال لما تتجوز هتقول اي
كريم : تفتكر هعيش لحد ما اتجوز
سندس : بعد الشر يا ابني في اي
كريم : والله يا طنط البدايه مش مبشره مع بنتك بس هقول اي بحبها بقي
سندس : ربنا يسعدكم
كريم : يارب وعقبال ما تفرحي بملك ويحيي
سندس : يارب
كريم : انا همشي انا بقي
سندس : خلي بالك من نفسك
كريم : حاضر
ومشي كريم ودخلت ملك عند يمني
ملك : اي يا عروسه
يمني : متقوليش عروسه
ملك : اومال اقولك اي
يمني : انا عملت الحاجات اللي ممكن يطفش منها وبرضو هو لزقه
ملك : ولي متقوليش انه بيحبك بجد مش لزقه
يمني : معرفش بقي
مر اسبوع لحد الخميس بالليل
كانت سندس وملك قاعدين مع بعض ويمني بتأكل ماس
يحيي دخل عليهم
وقال : مساء الخير
سندس : حمدلله علي السلامه
يحيي : الله يسلمك
ملك : اي اللي في ايدك ده
يحيي : ده يا ستي فستانين واحد ليكي والتاني ليمني
يمني : وجايبلي فستان جديد لي بقي
يحيي : يمكن عشان قراية فاتحتك بكره
يمني : بس انا مش هلبس فساتين جديده
يحيي : خلاص البسي مريله المطبخ وانكشي شعرك واطلعيله هو واهله يمكن يخاف ويرجع عن اللي في دماغه
يمني : اتصدق فكره
يحيي : انتي ما صدقتي امسكي ، واعملي حسابك الناس هتكون هنا الساعه 7
يمني : اشمعنا 7 اللي انتوا ماسكين فيها دي
يحيي : ميعاد مناسب لا بالليل متأخر ولا بالنهار
يمني : طيب
وخدت بنتها وقامت
سندس : رايحه فين
يمني : رايحه انام
ملك : بدري كده
يمني : اه
سندس : طب تصبحي علي خير
يمني : وانتي من اهل الخير
تاني يوم الساعه 6 ونص
يحيي : انتي لسه ملبستيش الناس هتوصل بعد نص ساعه
يمني دخلت المطبخ وخرجت
كانت لبست مريله المطبخ ونكشت شعرها
يحيي بصدمه : اي اللي انتي عملاه ده
يمني : مش انت امبارح قولتلي انكشي شعرك والبسي مرسله المطبخ
يحيي : كنت بتريق
يمني : وانا بتكلم بجد
يحيي : انجزي ادخلي البسي الفستان والبسي طرحتك متخرجيش منكوشه كده الواد واهله يتسرعوا
يمني : خليهم يتسرعوا يمكن يطفش
يحيي : طب خليها بعد الجواز عشان تتضمني انه لما يطفش ميتقدمش تاني
يمني : تفتكر
يحيي : اه افتكر
يمني : خلاص هتجوزه وبعد كده اطفشه
يحيي : روحي البسي بقي
يمني : حاضر
وسندس وملك كانوا واقفين ميتين من الضحك
سندس : اي اللي انت بتقولهولها ده
يحيي : بحاول اقنعها انها تأجل تطفيشه شويه
سندس : يعني هتفرح لما تطفشه بعد الجواز وترجع مطلقه
يحيي : ومين قالك ان كريم هيطلقها اصلا ده ما هيصدق انه يتجوزها وبعدين ساعتها انا اللي هرفض انها تتطلق
سندس : طب ادخل كمل لبس انت كمان
يحيي : طب انا عايز حد يربطلي الكرفته
سندس : انا مبعرفش شوف ملك
ملك : مبعرفش
سندس : خلاص مش لازم الكرفته النهارده
يحيي : طيب خلاص
وبعد شويه
كريم واهله وصلوا
ويحيي وسندس رحبوا بيهم
وبعدين دخلت ملك
مامت كريم وتدعي شاديه
شاديه : ما شاء الله مين الاموره دي
ملك معرفتش ترد ويحيي لاحظ ده
يحيي : تبقي بنت خالتي
شاديه : ما شاء الله اموره
ملك : شكراً
عمرو والد كريم
قال : لا احنا لازم نشوف ماما بقي عشان نطلبك انتي كمان لحسام اخو كريم
سندس بحزن : للاسف اختي وجوزها اتوفوا وانا اللي بربي ملك
عمرو : الله يرحمهم
كلهم : اللهم امين
شاديه : اومال فين عروستنا
في الوقت ده دخل عليهم ماس
يحيي شالها
وقال بضحك : طب ينفع بنت عروستنا
شاديه : ينفع طبعاً
واخدت منه ماس
شاديه : الله اكبر عليها ربنا يحميها
سندس : اللهم امين
ودخلت يمني وهي شايله الحاجه الساقعه
لابسه فستان ابيض بورد صغير موڤ وطرحه بيضه ومش حاطه حاجه علي بشرتها غير كحل
وسلمت عليهم وكانت لسه هتقعد
كريم : اتفضلي
يمني باستغراب : اي ده
كريم : ده دوت برد مش كنتي بتقولي هتبقي عيانه النهارده فقولت اجيبلك الدوا
يمني : استظراف
كريم : طب اتفضلي بجد
واداها بوكيه ورد كله موڤ
يمني فرحت بالبوكيه
وابتسمت
كريم : ضحكت يبقي قلبها مال وخلاص الفرق ما بينا اتشال
شاديه : بس يا واد كسفتها
كريم : كسفتها اي انتي مش شايفه بتبصلي بغل ازاي كأني عدوها مش خطيبها
يمني بانفعال : لسه مبقتش خطيبي
كريم : شايفه بتكلمني ازاي
شاديه : ما عندها حق احنا مقرأناش الفاتحه حتي عشان تقول خطيبها
كريم : انتي معايا ولا معاها
شاديه : انا مع الحق
يمني : ابتسمت ان مامته معاها عليه
عمرو : طب خلاص بقي خلونا نتكلم في المهم
يحيي : اتفضل
عمرو : انا مش هلاقي انسب من يمني تبقي مرات ابني
يحيي : ده شرف لينا
عمرو : وشرف لينا احنا كمان
سندس : تسلم
عمرو : كريم قالي علي طلباتكم بس عايز اسمعها منكم تاني وبالزياده لو زياده
يحيي : هي يمني عايزه تتجوز في شقتها اللي قصدنا وكريم قال هيأجرها منها عشان يرضيها وفي نفس الوقت متبقاش في حساسيه بينهم
عمرو : جميل اوي الكلام ده
يحيي : والشقه 3 غرف انتوا هتفرشوا غرفه واحنا هنفرش غرفه والغرفه التالته فاضيه لحد ما ربنا يكرمهم بعيال ويفرشوها علي مزاجهم
عمرو : حلو اوي الكلام ده
يحيي : وانتوا هتجيبوا الانتريه وركنه او سفره زي ما يمني وكريم يعوزوا واحنا هنفرش المطبخ
عمرو : في حاجه تاني
يحيي : لا تمام كده
عمرو : طب نقرأ الفاتحه بقي
يحيي : نقرأ الفاتحه
ويحيي حط ايده في ايد عمرو ولسه هيقرأوا
شاديه : استنوا
