رواية أسرار الهاربة الفصل الثامن عشر بقلم موفا
راضي بيبص لسما بتركيز
سما بتبص لراضى باهتمام
راضى أنتى طبعا ضربتينى بالسكينة وهربتى وسبتينى سايح فى دمى
سما حقك عليا كان غصب عنى
راضى ابتسم أنتى بعد ما خرجتى أنا فضلت أحاول اقوم من على الأرض واتصلت بواحد صاحبى وجه بسرعة لما عرف إللى حصل وودانى عند دكتور هو يعرفه وعالجنى
سما بحزن محدش سأل عليا
راضى بصلها باستغراب حد حد مين
سما بحزن معاك حق حد مين هو أنا ليا حد
راضى قرب منها ليكى أنا يا سما أنا وبس
سما اتنهدت بصوت عالى
راضى بعد ما خفيت عملت حوار كدا فى الشارع اننا هنعزل فى مكان تانى وقفلت البيت وجيت هنا لوحدى
سما طيب عملت كدا ليه
راضى عشان أعرف ادور عليكى
ولقيتك ومش هتضيعى منى تانى ابدا
سما بتسمع بحزن
راضى احكيلى أنتى بقى عملتى إيه وروحتى فين من ساعة ما هربتى من البيت
سما اتفزعت وقامت وقفت من مكانها
راضى قرب منها وركز فى عيونها روحتى فين يا سما احكيلى
سما بحزن وصوت مخنوق كنت عند ناس ولاد حلال
راضى ناس مين دول وقعدتى عندهم بصفتك إيه
سما بتوتر كنت ضيفة بصفتى ضيفة واتنهدت بصوت عالى
راضى قرب منها وحسس على شعرها مالك يا حبيبتي أنتى مخبية عنى حاجة
سما بعدت عنه وبتوتر وأنا هخبى عنك إيه يعنى
راضى شكلك بيقول أنك مخبية حاجة
سما لا مافيش حاجة مخبياها
راضى بصلها وسكت
سما أنا هدخل انام
راضى لسة بدرى
سما معلش حاسة أنى تعبانة شوية
راضى بلهفة تعبانة مالك تيجى نروح لدكتور
سما بصتله باستغراب
راضى مالك يا حبيبتي
سما اتنهدت بصوت عالى لا مافيش أنا بس عايزة انام شوية
راضى طيب يا حبيبتي ادخلى ارتاحى
سما هزت راسها ودخلت وقفلت الباب وقعدت على السرير
أنا مش فاهمة حاجة الراجل دا بيحبينى للدرجة دى
دا مش متحمل عليا اى حاجة أنا مش عارفة أعمل أيه بس أنا تعبت ونامت واتغطت وراحت فى النوم على طول
تانى يوم صحيت سما
يااه الواحد نام نوم كأنه منمش بقاله سنة
قامت عدلت هدومها وخرجت من الأوضة لقت راضى قاعد ومحضر الفطار
أول ما شافته وقفت مكانها
راضى بابتسامة صباح الجمال
إيه الحلاوة دى هو كل إللى يصحى من النوم يبقى حلو كدا
سما بتوتر هو أنت مروحتش الشغل ليه
راضى لا خلاص أنا لميت كل الفلوس بتاعتى وحطتها فى البنك وديعة وهصرف الفوايد ونعيش منها
سما بصدمة يعنى إيه مش هتشتغل تاتى
راضى قرب منها لأ وحاول يبوسها
سما بعدت عنه بسرعة
راضى ابتسم يلا اغسلى وشك عشان نفطر
سما اتنهدت بصوت عالى ودخلت الحمام
وبعد ما خرجت قعدوا يفطروا
طول ما هم قاعدين راضى بيتغزل فى سما
سما قاعدة متوترة
راضى مالك يا حبيبتي
سما مافيش حاجة
راضى أنتى عايزة حاجة
سما الصراحة مخنوقة عايزة اخرج
راضى ابتسم بس كدا بعد ما نفطر نخرج
سما بفرح بجد
راضى أيوة بجد
سما طيب أنا هلبس بسرعة بس لا هشيل الاطباق الأول
راضى لأ البسى وأنا هشيل الاطباق أنتى ملكة
سما ابتسمت ودخلت تلبس
فتحت الدولاب الراجل دا مش ممكن إللى بيعمله معايا وبعدين كل دى هدوم فضلت تتفرج على الهدوم وطلعت فستان لبنى وحجاب ازرق والغريب أنها وقفت تتمكيچ وهى مبسوطة
وبتكلم نفسها فى المرايا إيه دا أنا اتغيرت خالص على رائ المثل لبس البوصة تبقى عروسة
وبقت تلف وتشوف نفسها بوصة إيه دا أنا قمر قال بوصة قال وخرجت بفرح من الأوضة عشان تخرج مع راضى
لقت راضى واقف أول ما شافها صفر بصوت عالى
سما يصتله وابتسمت
راضى قرب منها بسرعة إيه الحلاوة دى أنا مش مصدق عينى
سما بصتله بكسوف
راضى أنا مكدبتش لما قولت عليكى ملكة أنتى ملكة يا سما وبقى يبص عليها من فوق لتحت
وفجاءة قعد يضحك
سما باستغراب بتضحك على إيه
راضى قرب منها أصل مافيش ملكة بتمشى حافية وبص على رجليها
سما ضحكت
راضى قرب منها الله على ضحكتك حلوة اوى وحاول يبوسها
سما بعدت عنه احممم أنا نسيت البس حاجة فى رجلى
راضى ابتسم ولا يهمك تعالى ودخل أوضة النوم وفتح درج فى الدولاب مليان جزم
سما فتحت عيونها على الاخر كل دى جزم عشانى
راضى طبعا يا ملكة هتلبسى أى واحدة
سما باعجاب لمنظر الجزم اختارت جزمة بيضا
سما الله دى حلوة اوى
راضى لا يا حبيبتي دى بيضا مش هتليق بصى اتعودى خلى الجزمة والشنطة لون الحجاب أو قريب منهم عشان يكون لايق وطلعلها جزمة زرقا وشنطة نفس اللون
سما أنت جبت الحاجات دى كلها وأنا مش موجودة طيب جبتها ليه
راضى مسك ايديها وقعدها على السرير عشان كنت متأكد انك هترجعى تانى
سما اتنهدت بصوت عالى
راضى قعد على الارض وكان هيلبس سما الجزمة سما بسرعة شدت رجلها لا أنا هلبسها
راضى مسك رجلها جامد لأ أنا قولتلك أنتى ملكة وأنا خدامك وفعلا لبسها الجزمة وباس رجليها
وجه يقوم مش عارف يسند
سما بسرعة سندته
راضى متشكر يا سما
سما باحراج أنا مش عارفة اشكرك ازاى على إللى بتعمله معايا يا عم راضى
راضى قرب منها ممكن اطلب منك حاجة صغيرة
سما نعم
راضى بلاش تقولى عم راضى قولى راضى بس نفسى اسمعها منك
وقرب منها وضم وشها بايده
سما بتتنفس بصوت عالى
راضى قرب أكتر قولى يا سما قولى يا حبيبتي قولى
سما بتوتر وصوت مخنوق رراااضى
بسرعة البرق كان راضى ضمها لحضنه و ببيبوسها وسكتت الانفاس
سما بتحاول تزقه
راضى كان مسكها جامد
سما بتزقه
راضى سابها
سما بعدت عنه واقفة تتنفس بصوت عالى
راضى قرب منها وطبطب على ضهرها حقك عليا أنا أول مرة احب بجد سامحينى مش هعمل كدا تانى يلا عشان نخرج
سما بتوتر عدلت هدومها وخرجوا
ركبوا العربية
راضى الملكة تحب تروح فين
سما وتنفذلى اللى هطلبه
راضى انتى تؤمرى أنا عايزة اروح بيتنا القديم عايزة ازور هدى صحبتى
راضى بغضب نعم بتقولى إيه عايزة تروحى فين وشد دراعها جامد
سما بصتله بخوف
راضى بقى ينفخ فى الهوا
سما دموعها نزلت وهى ساكتة
راضى قرب عليها ومسح دموعها بطرف ايده خلاص بطلى عياط أنا مبتحملش أشوف دموعك هوديكى يا ستى تشوفى هدى بس شوية ونمشى على طول ماشى
سما بفرح ماشى ربنا يخليك ليا يا عم راضى
راضى قرب منها اكتر احنا قولنا ايه أنا بحب أسمع اسمى من شفايفك إللى عاملة زى الفراولة دى وكان هيبوسها
سما بعدت عنه خبطت راسها فى شباك العربية
راضى ضحك عليها وساق العربية وطول الطريق بيغازل سما وهو مشغل اغانى رومانسية
.وأخيرا وصلوا لشارع إللى فى بيتهم القديم
وقبل ما ينزلوا اسمعى يا سما
سما نعم أنا هقعد هنا اسلم على الناس وانتى سلمى على هدى بسرعة وأنزلى
سما حاضر
طلعت سما بتوتر لحد شقة هدى خبطت فتحت هدى
سما بتبص لهدى اذيك يا هدى
هدى ركزت فى وش سما
سما بالدموع معقولة تكونى نستينى
هدى سما أنا مش مصدقة نفسى أنتى روحتى فين واختفيتى مرة واحدة كدا ليه احكيلى حصلك إيه
سما طيب دخلينى الأول عشان احكيلك
هدى لامؤاخذة تعالى ادخلى معلش المفاجأة لغبطتنى
هدى احكيلى كل حاجة أنا روحتلك البيت كذا مرة اسأل عليكى وفى يوم شوفت خالك قالى انك اتجوزتى
سما بحزن خالى دا الله يسامحه بقى واتنهدت بصوت عالى حزين
هدى مالك يا سما واتجوزتى مين وازاى وكنتى فين كل دا
سما هحكيلك وقعدت تحكى لهدى كل إللى حصل
هدى قاعدة مصدومة يالهوى عليكى يا سما كل دا حصلك
سما بتبتسم بحزن
هدى بس أنا لسة مش مصدقة جوز أمك يا سما
سما بتوتر أنا مش عارفة أعمل أيه
هدى احممم قوليلى بصراحة هو حاول يغلس عليكى
سما بتوتر الراجل دا مش معقول
هدى قصدك إيه مش معقول
سما بتوتر مش عارفة دا بيعمل كل حاجة عشانى من قبل ما اطلبها دا بيحبنى بجنون يا هدى
هدى بصتلها باستغراب وسكتت
سما مالك بتبصيلى كدا ليه
هدى اتنهدت بصوت عالى
سما مالك يا هدى فى إيه
هدى خلى بالك من نفسك يا سما
سما يعنى إيه
هدى بلغبطة يعنى أنتى ممكن تحبيه من غير ما تحسى
سما قامت وقفت بفزعة إيه الكلام الفارغ دا لا طبعا مش ممكن احبه
هدى أنا قولتلك وخلاص خلى بالك هو كسب عطفك خلاص يبقى ناقص ايه انك تحبيه وتبقى مراته بجد مش على الورق بس
سما أنا خايفة اوى يا هدى
هدى خايفة من إيه
سما خايفة احبه زى ما بتقولى
وسابتها وخرجت على الشارع
سما اول ما نزلت الشارع شافت راضى مستنيها قربت منه بتوتر
راضى بابتسامة هاا خلاص خدتى راحتك مع صحبتك
سما هزت راسها بتوتر
راضى نمشى ولا فى حاجه تانى
سما لا خلاص مافيش حاجه تاني
راضى وسما ركبوا العربية وفي طريقهم لشقتهم
طول الطريق سما ساكتة
راضى مالك في ايه من ساعه ما ركبنا وانتي سرحانة
سما مافيش حاجه
راضى بصلها وسكت لحد ما وصلوا
بتعدى الأيام على بدر كلها شبه بعضها
دخلت عليه أمه نجاة
نجاة بقولك إيه يا بدر
بدر بصلها وسكت
نجاة أنا بقول أنك لازم تنسى سما بقى
بدر ابتسم بحزن عايزانى انساها بسهولة كدا يا ماما
نجاة يا ابنى أنا عارفة انك موجوع بسبب إللى حصل بس خلاص هى مشيت مع جوزها وعاشت حياتها وانت كمان لازم تعيش حياتك
بدر بسخرية حياتى وهى فين حياتى أنا محستش أنى عايش غير لما حبيت سما ولولا عجزى وقعدتى دى مكانتش ضاعت منى
نجاة كل واحد بياخد نصيبه يا ابنى وأنت بكرا تخف وتبقى زى الفل
بدر بكرا دا شكله مش هبجى ابدا نجاة ليه كدا بس بلاش ولا تيأسوا من من رحمة الله
بدر اتنهد بصوت عالى أستغفر الله العظيم معلش يا ماما أنا عايز اقعد لوحدى
نجاة حاضر يا ابنى وسابته وخرجت
فضل بدر يفتكر كل حاجة حصلت بينهم ويكلم نفسه بصوت عالى يعنى الحكاية خلصت على كدا طيب أما هى تسبنى كانت ليه بتقابلنى وتيجى تقعد عندنا وتخلينى اتعلق بيها واحبها ليه ليه وضم وشه بايده وعيط. .
