رواية الشيخ سلطان الفصل التاسع عشر بقلم زينب نور
شمس
فزيت من نومي اول مره عبالي سلطان فتحت عيوني
وراساً عطت انت شجابك بغرفتي وشلون صعدت
راساً خله ايده على حلكي وتقرب مني ويحجي بصوت ناصي
مهند/اشششش لج شلون ترفضيني علمود سلطان ولج اشفتي بسلطان مو اني بعدني حته ممزوج وموالم عمرج واخذج لبغداد اعيشج فضلتي سلطان الي اكبر منج. ب12 سنه ومتزوج وعده جهال وماخذج المره الثانيه اله ولج انتي متعرفين سلطان شنوو شراح يحكمج حكم مصاير يشوفج نجوم الضهر
شمس/عضيته من ايده راساً وخر ايده سحبت الغطه غطيت نفسي لان لابسه كيمونه
انت شصعدك لغرفتي
مهند/ميصعب عليه شي
شمس/تدري اذا سلطان شافك هنا شراح يسوي والله اله موتك ويخلص عليك
مهند/اي عادي المهم ميموتني وحدي يموتنه اني وياج سوه يابت عمي الحلووه
شمس/نضراته كولش مقرفه
امشي اطلع من غرفتي بسرعه لا والله وروح بابا هسه اعيط واخليك فلس متسوى
ودير بالك. تجيب طاري سلطان انت وين وسلطان وين لو تبقه اخر واحد مستحيل اقبل بيك ااااييييع
مهند/متقبلين بيه مووو ليش شبيه موبعينج شمسويلج سلطان وهيج كاسر عينج
حاول بتقرب مني سحب الغطه ماكدرت اقاومه اقوه مني نام فوكاي بقيت اتلاوه وياه
مهند/هالجمال كله يروح لسلطان والله حرامات هالجمال اريده اليه
بقه يحاول يبوسني بس مخليته بقيت اقاومه بكل قوتي
صار صوت طكطكه بره راساً وخر كال توقعي باي لحضه اني يمج واله اضوكج قبل ليضوكج سلطان والله اله اصير شبح ويطاردج ما اخليج ترتاحين ابد
راساًطلع.
بقيت ارجف اريد اسيطر على جسمي مااكدر جسمي كوله يرجف كوه سحبت لفون باوعت الساعه 7 جسمي يرجف وخايفه كمت قفلت لباب اتصلت على سلطان
سلطان/الوو
شمس/راساً بجيت سلطان وينك
سلطان/شكوو شمس شبيج
شمس /تًٓعال بسرعه الله يخليك بسرعه
سلطان/ جنت واكف ابابنه واتصلت عليه شمس تخبلت شصاير وياها طبيت ع السريع كبل لغرفته فتحت لباب مقفول دكيته
شمس/منوو انت
سلطان/انه شمس فتحي لباب
سمس/سلطان راساً فتحت لباب وحضنته حيل وجهي احمر وابجي
سلطان/شبيج شمس شصاير وياج فهميني
اريد ابعدها افتهم شبيها بس حاضنتني حيل وتبجي وتكول سلطان لتعوفني حباب
سلطان/حضنتها مااعوفج حبيبتي
بس فهميني شبيج
شمس/جنت نايمه واجاني كابوس كولش يخوف وفزيت
خفت حيل كولش خفت حباب لتعوفني ابد
سلطان/اهدئي حبيبتي تعالي تنزلين جوه يم لبنات
شمس/تخايلت مهند راح يفتر كدامي
كولت لا ماريد انزل بس انت ابقه يمي
سلطان/زين تعالي بغرفتي حته الي يجي نكله نرتب بالغرفه
شمس/ايي أحـسًٓـن يله نروح
رحت وي سلطان للغرفه احس روحي ماريده يعوفني جسمي لهسه يرجف وخفت حيل واتذكر تهديده اليه اخــّّـّّاف بلاكثر
سلطان/مكابلها وكاعد دك تليفوني غسان
جاوبته
سلطان/ها خويه ابو علي
غسان/شني خويه وينك شو اختفيت
سلطان/بالبيت انه فوك بغرفتي
غسان/يمعود هسه وكت غرفه اجوي وادم وينشدون عليك تعال بــَسرعه
سلطان/زين خويه يله جاي
شمس لازم اروح جايه وادم بالمضيف
شمس/تمام روح بس عفيه لتتاخر انتضرك وراح ابقه هنا ماريد ارجع لغرفتي
سلطان/ماشي براحتج اذا تحتاجين شي خابريني
طلع سلطان راساً قفلت لباب وبقيت افتر بالغرفه من الرعبه والخوفه بقيت يتراوالي شغلات واصوت حته بالبالكون بقيت يتراوالي اكو صوت كل شويه اجفل ساعه 8 اندك لباب كمزت صحت منو صوت فرح.
فتحت لباب كالت خاله دزتلج العشه رحت لغرفتج مالكيتج واجيت هنا
اخذت الصينيه وراحت
صحت فرح
خالج سلطان وينه جوه
فرح/لا مموجود بالمضيف
شمس/ماشي حبيبتي تسلمين
طبيت وطبكت الباب اكلت شويه وبقيت اكلب بالفون مليت حيل تمددت على القنفه وغفيت
سلطان/ساعه 10 الوادم طشت مابقو بس ولدنه سحبت نفسي وصعدت للغرفه فتحت لباب شِفـٍـْت شمس نايمه على القنفه تقربت عليها همست باذنها شموسه وخرت خصل شعرها من على وجهه راساً كمزت وعاطت بصوت وخرررر
كمت رجعت ليموره شبيج شمس اسم الله
شمس/باوعــت سلطان راساً فركت وجهي بيدي كولت اسفه معبالي انت
سلطان/عقدت حواجبي لعد عبالج منو
شمس/هاا لا هيج بس موكوتلك تحلمت بكابوس ولحد لان الخوفه بيه موقصدي شي
سلطان/خوش تروحين لغرفتج تنامين
شمس/لاعفيه خليني هنا انام يمك
سلطان/شمس لحد يحس انتي يمي وزحمه مااريد تجيج حجايه هي بس اليوم وباجر هناك انتي
شمس/بكلبي شكد عيب هسه ياخذها بغير قصد ومنا اخاف من مهند لان احتـمـاآل بليل هم يطبلي يربي شسوي بقيت اباوع على سلطان بنضرات توسل بدون مااحجي لان احسه اماني الوحيد هو
سلطان/شمس ابد مو على بعضها صاير وياها شي بس شنوو ماادري شبيهاماتريد تفاركني
ماااااشي ابقي هنا نامي بس ماريد احد يعرف انتي نمتي يمي ومن الصبح اكعدج ترجعين لغرفتج شموسه مو ماريدج تبقين يمي بالعكس بــَس انتي متعرفين طينه الناس والف حجايه يطلعون عليج وانه الي اسمعه جايب سيرتج بكلمه وعلي ادفنه
شمس كعدت على القنفه
سلطان تخاف عليه
سلطان/كعدت مقابيلها بالكاع على رجلي وخليت ايدي على رجلها
طبعاً اخــّّـّّاف عليج مو انتي بـٍْْـٍْ؏ـٍْْد صرتي مرتي وانه المسؤل عليج شلون مااخاف عليج بعد وحته لو مو مرتي هم اخــّّـّّاف عليج انتي بنت عمي وعرضي
شمس/واذا احد اذاني شتسويله
سلطان/لَيــِْش هو منو اليتجرأ ويلمس شعرايه منج وانه اشم الهوى غير افني من الوجود
شمس/ابتسمت
تدري من بعد بابا حسيت ماعندي بعد سند ولا احد يحميني
بس ربي نطانياك
سلطان/فرحت بكلامها
طبعاً بضهرج اسد لتخافين يالبوه مالتي
شمس/شكرا
سلطان/على شنو
شمس/ردت اكوله لان فتحت عيني على انس وخليتني اكشف حقيقته بس خفت
كوتله شكراً على كولشي
سلطان/بستها براسها
يله آنام باجر الحنه وورانه كعده مٰن الصبح
شمس/ماشي روح للجربايه اني هنا راح انام
سلطان/تصبحين على خير
شمس/وانت من اهلو
رحت طفيت الضوه وتمددت بفراشي كلت بكلبي كون شمس تسلمني نفسها بليله والله متشوق عليها حيل بس اله هي بموافقتها
يااا رب سهل عليه كلشي
نمت فزيت ساعه 7
باوعـ👀ـت عليها نايمه مثل الملاك والشمس من الشباك عاكسه على شعرها الذهب
كعدتها
شموسه
شمس/اممممم
سلطان/روحي لغرفتج يله بعد شويه حته تكعدين تتريكين وتروحين للصالون يله كومي
شمس/كعدت الشمس صارت بعيوني غمضت صباح الخير
سلطان/صباح العسل يا احلى عروس بالدنيه
شمس/ابتسمت وكمت رحت للغرفه ماكدرت آنام
طبيت سبحت وجففت شعري خليت قناع مغذي للبشره غسلته. صارت ساعه8ونص صعدت فرح كالت كاعده اجيبلج الريوك وخاله كالت ب10 خلي تتحضر حته تروحين للصالون
شمس/مْـإأڜْـي حبيبتي مااريد ريوك بس كوب حليب
راحت ورا دقايق انفتح لباب شِفـٍـــٰٰتْ سلطان طب
سلطان/هلا شموسه هاا تريكتي
شمس/وصيت فرح تجيبلي كوب حليب
سلطان/بدلي خلي ننزل سوه نتريك
شمس/مْـإأڜْـي هــًـًســًه دقايق ابدل واجيك
لبست دشداشه وحجاب وطلعت لغرفه سلطان شفته لابس دشادشه وواكف يرش عطر باوع عليه مد ايده عدل الحجاب شويه طالع شعر ضماه.
سلطان/والله لوبيدي مااخلي احد يشوفج كلج مو بس شعرج
نزلنه هو وكايد ايدي بيده دا ننزل اخر بايه وطلع مهند من الحمام صار بوجهي وخزرني من الخوفه عثرت
راساً لزمني سلطان وصاح اسم الله
تقصدت اسمع مهند لان
كولش قريب علينه جان
شمس/ سلامَـتكْ حبيبي منتبهت همزين انت لازمني فدووه الكلبك
سلطان/بقيت صافن الكلامها اول مره تكولي حبيبي وفدوه الكلبك معقوله شمس بقت تحبني لو تمثل لو شنو هي اصلاً صارلها يومين مو على بعضها ابد
طبينه نتريك اني وياه وحدنه ومهند كل شويه يصير كدامي نضراته مقرفه وتخوف يربي منين طلعلي هذا لنوب حاولت اتجاهله بس من لخوف ارفع عيوني عليه
سلطان كمل كام يغسل راساً رحت وراه وكفت يمه طلع للصاله رحت وياه ابد ماابتعدت عنه من خوفي
اجتي نوجس كالت يله. شموسه نروح هم ياله
شمس/تمام اصعد ابدل وانزل
نرجس/منو ياخذنه
سلطان/انه خويه اوصلجن واروح للحلاق حاجز يمه
شمس
صعدت لبست جبتي ونزلت
رحنه للصالون اول مابلشو وياي بالمكياج اني اختاريته
هادء مو هوسه ولنوب التسريحه ولبسوني البدله صارت ساعه 2 كالت نرجس يله خلي البسج البرنص اجانه غسان ياخذنه
طلعت ومغطايه بالبرنص كولشي مااشوف صعدت ليوره صعدتني نرجس وهي صعدت ليكدام وصلنه للبيت طبيت بس نسوان ولا ولد موجود نزعت البرنص تلكتني عمه تطشر جكليت ويصلون على النبي كامو اجتي مره جبيره بالعمر اجتي باوستني
عمه كالت شموسه يمه هاي عمتج ام عزيز
باوستها وكعدت بصفي بقو يطشون جكليت عليه وشغلو دي جي والبنات يركصن. وزعون العشه كولش استفقدت زينب مكانه خالي حيل
وراها كالو
راح يجي الشيخ
خليت لبرنص على كتفي
كالو محد يدخل وياه بس عمامه
طب سلطان لابس الزي العربي
دشداشه بيضه وعكال وبشت كولش لايكله اول ماطب باسني من راسي وكعد بصفي طب عمو حسين وعمو حاتم سلمو عليه وطلعو دمعت عيوني تمنيت لوبابا موجود
بقه بس سلطان وخرت لبرنص اجتي عمه حنتني وحنته وهلاهل وهوسات وجكليت كولش هوسه صارت ايه اخذت تليفوني بقت تصورني بي خلصت لحنه احس راسي موتني كبل صعدت لغرفتي نزعت الحذاء وشمرت روحي على الجربايه بالبدله اخذت سنابات سلفي حسيت لباب انفتح معدت شِفـٍـْت سلطان كمت وكفت
سلطان/صعدت ابدل وكلت امر اشوفج لان هوسه كلد شي ماشفت منج
باوعت عليها دخيل الله شطالعه لعابه خوما لعابه
شمس/خجلت دنكت كوتله تعال ناخذ صور
بقيت اخذ صور اني وياه
سلطان/يله رايح ابدل انتي هم اخذي راحتج بدلي
طلع سلطان حاولت افتح السحاب مال لبدله ماكدرت اتصلت عليه كوتله بس تًٓعْال افتحلي لسحاب مدااكدر ومحد من لبنات صعدتلي
كال هسه جايج
سلطان/بدلت ملابسي لبست دشداشه مارونيه وطلعت حته انزل جوه رحت لشمس طبيت نطتني ضهرها كالت بس افتحلي السحاب
مديت ايدي فتحت لسحب للاخير طلع ضهرها وبياضها اليسطر ولنوب لابسه ماروني دوختني شلون باجر راح اكدر اقاومها
طلعت وطبكت لباب
شمس نزعت البدله وفتحت شعري طبيت سبحت لبست دشداشه خفيفه وقصيره
صعدت فرح جابت عشه لفات وببسي اكلت وقفلت لباب زين ونمت
كعدت ساعه 8لبست دراعه وحجاب ونزلت
كعدت بالمطبخ ايه ونرجس موجودات طب مهند وعيونه عليه حاولت مااباوعله تجاهلته تريكنه ورحت للصالون ايه ويايه راحت كملت من الصالون ساعه 2 واجه سلطان اخذني للاستوديو اخذنه صور جان لابس قاط حبري وقميص ابيض ورباط سمائي عيونه عليه والفرحه كولش واضحه بعينه تلمع كملنه صور و اخذنه للبيت وصلنه كال راجع للمضيف طبيت للبيت تلكوني بالهلال والجكليت كعدت بالصاله. ونسوان يهوسن ويركصن ويصلن على النبي بقينه تقريباً لل5 لنوب صبو عشه واني كاعده حسيت بملل وتعب كملو العشه بقيت كاعده لحد ساعه 7 صعدني لبنات لغرفه سلطان طبيت شِفـٍـت الجربايه فارشين عليها فرشه كولش حلوه مال عرس اوف وايت كعدت على الجربايه نرجس طلعت كل لبنات بقت بــَس هي يمي كالت شموسه حبيبتي هنا جوه لمخده خليتلج وصله بيضه للنيشان
شمس/شنو وصله بيضه على شنو
نرجس/بعدين هو سلطان يعلمج ولتخافين حبيبتي
بقت تحجي وياي شغلات وتوصيني واني ميته خجل كولت بكلبي همزين اتفقنه ماكو زواج الحمدالله
سمعنه صوت رمي كالت جابو العريس راح يزفونه شويه واسمع صوت بالباب شباب ويهوسون طب سلطان وعمو
عمو /باسني من راسي وباركلي خله. بيدي ضرف وباركً السلطان وطلع. نرجس كالت خويه اخذو راحتكم شويه واصعد العشه بيدي وليوم مااخلي اي احد يصعد فوك ابد
طلعت نرجس وسدت لباب راح سلطان قفلها للباب وراها واجه وكف مقابيلي
