رواية المتمرد والصغيرة الفصل التاسع عشر بقلم رسل
﮼كل ضيم العلي منك..
مثل ذاك الحمار برگبه العرسان ..
فشله من انشد عنك ♥️
_________
اديان: اكرهككككك
ابو فهد : عادي بوية يرخصلج بس لتبجين
اديان: بعد شهر تطلكني وترجعني لاهلي
اديان: بعد شهر تطلكني وترجعني لاهلي
ابو فهد : تؤ تؤ هيج تكرهيني
اديان : و اكثر والله
ابو فهد : بس خلي بالج متطلعين من هذا البيت اذا مو مرتي
اديان : لعد اني هسة شنو
ابو فهد :هسة بس مر بعدج مصايرة تي هههههههههههههههه
اديان : انتحر والله ولا اخليك تتقربلي
ابو فهد : ترى اكدر هسة بس غير اكول خطية
اديان : شايفة ناس حقراء مثلك مشايفة
بعدني ممكملة دارني الة ع السريع
و ضربني راشدي ضليت لازمة خدي
ابو فهد: الظاهر مو مال عيني و اغاتي
اديان : گمت ابجي .. وخررر يلا اريد اكووووم
ابو فهد : انطمرررررررري بساااااااع
اديان : درت وجهي و غفيت كعدت الصبح راسي و ايدي على صدرة اني نومي مو مخربط والله شاكة بي هو يخليني بحظنة علمود يفشلني
اديان : درت وجهي و غفيت كعدت الصبح راسي و ايدي على صدرة اني نومي مو مخربط والله شاكة بي هو يخليني بحظنة علمود يفشلني
كمت اريد اطلع من الغرفة
ابو فهد : وييييين
اديان : انزل جوة
ابو فهد : نامي بعدني نعسان
اديان : واني شعلية
ابو فهد : رجعييييي بمكانججج بعدين من انزل انزلي
اديان.. والله حلوة هاي رجعت نمت ع المخدة و خنكت روحي بيها
ابو فهد : كلللللللللت رجعييي نامي نفسسسس ما چنتييييي نايمةة
اديان.. ستوني كاعدة و هو بس يصيح صوتة واصل لسابع جار استهضمت حيل دموعي ضلن ينزلن وحدهن شكد ما احاول اصير قوية كدامة ماكدر
گتلة .. ترى مو غصب والله مو غصب
ابو فهد : هششششششششششششش
اديان... رجعت حضنتة واني اتمنى هسة اختفي من الوجود والله كارهة نفسي
اباوع للساعة ب11 و هو لسة مانزل
گعدتة وگتلة عمو.. خل انزل حباب
ابو فهد : ولييي من وجهي
اديان ... نزلت غسلت ام محمد تمشي و تغلط
ام محمد : ادبسزيااات ما يستحن معلگات يم الزلم ولو هم الزلم مابيهم خير
اديان.. عفتها و سويت الي لفة جبن و دا اشرب چاي نزل هو و اجة گعد ع الميز يمي
ابو فهد : جوعان سويلي ريوك
اديان: شتريد
ابو فهد : كملي ريوگج و سويلي لفة و استكان چاي
اديان : جبن لو شنو
ابو فهد : اي يمعودة شكد تلحين
اديان... عفت ريوگي ع الميز وگمت اريد اسويلة چاي رحت للسنك حطيت مي بالقوري و گال...
ابو فهد : بعد ماريد اكلت مالاتج
اديان: خبل والله حچيتهة بيني و بين نفسي راح هو مدري وين رحت كعدت بالصالة اني اذا اضوج اروح يم فدعة تونس
اديان : شونج خالة
فدعة : و خلخالة هازة كاروكج كولي فدعة
اديان : فدعة شونج
فدعة : بخير و انتي
اديان : تمام
فدعة : دمام شنو
اديان : ههههههههه لا تمام يعني زينة
فدعة : عمت عينجن اي والله مدري منين اجيبن هذا الحجي كومي جيبيلي ماااي
-رحت جبتلهة و اجيت ونوب رحت سبحت و رحت فوگ بالغرفة نشفتة بالسشوار و سويتة ضفيرة صفح لان ما اسيطر جانت هيفاء تضفرلي شمرت الشال ع راسي نزلت لكيتهم
كلهم كاعدين بالصالة و بشرى تصب بالمواعين رحت ساعدتهة و زيد و فهد يسفطوون بالسفرة ميقبلون وحدة من البنات تدنگ چانو مسوين سمچ اني ما اطيقة لا هو و لا ريحتة
ضليت اكل بس خيار و طرشي منتظرة واحد يكوم حتى اكوم
ابو فهد : ليش متاكلين
اديان.. اشوفها كلها دارت وجهة علية گتلة .. لا دا اكل
ابو فهد : هو غير من بدة الغدة جاي اباوعلج تاكلين بس طرشي
اديان : ماحب السمچ
ابو فهد : هااا هنا الحچي
اديان .. كامت سراب كمت رحت للمطبخ لان اكيد المواعين علية اجتي زهراء تصب چاي تباوعلي مثل المستحية بديت اغسل المواعين ورا نص ساعة تقريباً سمعتة يصييح
ابو فهد : اديااااان
اديان : ها
ابو فهد : هاچ هذا غداچ
اديان: شكراً ليش تعب نفسك
ابو فهد : لا بوية عليمن
ام محمد : يتبطرن بنات الفگر ميحبن السمچ ليش هو انتو ماكلي قبل
الحجي : بيداااااء سدي حلگج
- رحت للمطبخ خليت العلاكة بالفرن و رحت اكمل المواعين كملتهن و اخذت العلاگة لكيتها لفة صاج و علبة فنگر و قوطية ببسي
اكلت من الفة نص و شبعت اجة فهد ياكل وياي شبعنة و نضفت الميز ورحت كعدت بالغرفة الجوة اباوع مسلسل وهم عدهم لازم وجبة العصر شي رئيسي يسوون حلويات
مثلة مثل الريوگ و الغدة طلعت من الغرفة شفتة كاعد بالصالة وكلهم كاعدين بس هو حسيتة ضايج حتى ميباوعلي شنو قابل لان ما نمت يمة بالغرفة بس اني ماريدة هو عمرة راح يصير اربعين
واني هستوني صرت 17 ممستعدة اضحي بعمري بالليل صعدت للغرفة هو يجي ورا 12 بالليل نمت كعدت الصبح لگيتة نايم على الچرباية و حاط ايدة ع عيونة طلعت من الغرفة
مرت اربع ايام هو ميحچي وياي ماعرف شنو السبب بس هو اعتقد لان ما رحت يمة بالغرفة
الظهر قبل الغدة بشرى صاتلي
بشرى : حبابة هاج هذا خمسة انطي لفهد ينطي لواحد من الحراس يجيب نومي بصرة و شعرية
اديان.. طلعت مالكيت فهد دكيت الباب واحد من الحراس مد ايدة من فوك الباب وگال شتردون اني وين الوح حتى انطي الفلوس فتحت الباب و مديت ايدي گتلة شعرية ونومي بصرة
الحارس ما اخذ الفلوس بسرعة انفتحت الباب ودخل هو سد الباب حيل و سحبني من شعري
ابو فهد : انااااااااااا مو كااايل محد توووصل يم الباب
گ*** سا***
اديان .. متت بدمي اني ما سويت شي بس مديت ايدي بس هو الظاهر يريد يطلع حرگة گلبة اباوع لام محمد تبتسم ابتسامات خبيثة
لازمني من شعري و صعدني فوگ احس شعري
كلة صار بيدة اني بس ابچي و لازمة ايدة الي لازم بيها شعري
اديان : حباااب بس خل افهمك عليك الله
ابو فهد : لجج سا*** الحارس تمديلة ايدج و يسمع صوتج انا تتعززين علية بس وعلي الا اذلج ذلة الچلاب و گولي ابو فهد ما گال
اذا ما جيتي بنفسچ تتوسلين اتقربلچ ما اطلع من ظهر ابوي
ادياان : و انتة منو تبقة يمك اني بس هذا الشهرررر و تطلگني
ابو فهد : واللله خليها ترچية بأذنج هاي طلاگ ما اطلگ و هنا تبقين خدامة عود انا شوكت ميعجبني اريدج تجيني
اديان : وخرررررر هددد شعريي ماريدك اكرهككك والله اكرهكك
هد شعري و نزع الحزام ضليت اتوسل بي حتى يعوفني ماكو انگلب عبالك وحش العدو ميسوي هيج بعدوة
يضرب و يگول بعدددد لو كافييي ؟؟؟؟
ادري بي يريد احضنة و اگلة كافي مثل ما ذليت نفسي هذاك اليوم بس والله لو يموت صوتي راح من الصياااح يگعد يرتاح نوب يرجع
يضربني ما اشوف الموضوع هلگد يستاهل اهمية و هيج يضربني ضرب مال واحد حاقد صار سنين زيد گام يدگ بالباب اني بعد صوتي راح من الصياح
ضلت بس دموعي تنزل و صوت الضرب يرج الغرفة كسر زيد الباب وسحبني من الزاوية و لزم اخو يهز بجتافة
زيد : شجااااك ابو فهد هاي عود انتة الشيخ ترى طفلة هااااي
ابو فهد : لتصير حنين براسي وخرررر
زيد : خلفلة عليك
اديان.. دخلت ركض للحمام فتحت الدوش و جسمي يوجعني و يحرگني من ورا الضرب ضليت ساعة بالحمام
سراب : اديان يمعودة شنو نمتي بالحمام امشي عمو زيد يريدج
اديان : الله عليج روحي جيبيلي ملابس من جوة
راحت جابتلي بدلت و اخذت فلوس من الكنتور لان اعرف وين يضم فلوسة
ما اعتبر روحي بگت شي لان فلوسي هم عندة ورا شوية هم اجتي سراب گتلها سراب خلي انام يمج صعدتني لغرفتها وكالت راح اكول لعمو
زيد نايمة نمت واني جسمي يون علية كعدت بثمانية بالليل حيل هاي اني شكد نايمة
سراب : يمعودة كلساع اجي احط ايدي ع كلبج عبالي ميتة
و عمو ابراهيم كل شوي دازني روحي شوفيها
اديان .. نزلت جوة بطني موتتني من الجوع لكيت سلة فواكه بالمطبخ اخذت تفاحة و برتقالة اكلتهن التفاحة والبرتقالة نصها و كمت صعدت لكيتة كاعد بالصالة يباوعلي
شكد كرهتة رحت يم سراب ضلينة نسولف احلا شي بيهم من تصير عركة ميسئلون ليش و شنو السبب اعشق هيج ناس هههه
نامت سراب واني للوحدة كاعدة نزلت جوة للغرفة فتحت الكنتور اخذت ملابسي الاجيت بيهن شمرت الشال على راسي و طلعت امشي ع كيف رحت يم الباب الجبير اسمع صوت شباب يعني الحراس
يبو مو خوش سالفة هاي رحت ورا البيت اكو باب صغير بي يدة (سرقي) اذا اكو زلم هواي كبال البيت يطلعن من عندا النسوان علمود محد يشوفهن مرة هيفاء كالتلي
فتحتة واني دكات كلبي صايرات معزوفة كبل صار بوجهي الشارع ضليت امشي ماكو احد صار الفجر بدت السيارات تمشي وگفو هواي شباب بس ما صعدت بعدين وگف حجي گتلة عمو اريد اروح لبغداد
اول شي صفن بوجهي بعدين كال صعدي بوية بس شعندج طالعة وحدج
: مو اني اقسام داخلية اريد ارجع لاهلي
شفت الرجال باوعلي بنظرة كأنو ممصدك
مشينة نوب يصعد ناس و ينزل ناس صعد مرة وبنتها گلي روحي كعدي يمهن بابا و وراها صعد شاب هم عافني ليورة بعدين صعد 2 شباب خلاني اتقدم يمة
العصر يلة گال دخلنة لبغداد دليتة ع المكان الگاعدين بي انطيتة 25 گتلة بعد گال لا بوية كافي و زيادة ضل واكف لحد ما دخلت للبيت
انصدمو من شافوني
بيبي : لا هلا و لا مرحبا صارلنة سنة خلصانين
حامد : شعندج جاية لج
اديان : خلصت السنة اريد اتطلگ
حامد: هنا مترجعين خلي يشغلوج يمهم خدامة لو ترحين تدبريلج شغلة كعدة بهذا البيت ماكو
اديان : بابا شبيك اني بنتك والله ماشفت منهم بس الضرب والله اطلع اشتغلك واجيبلك فلوس بس طلكني منهم
حامد : جعفر خابرلي رجلها
اديان... دگ عليه بسرعة جاوب فتح سبيكر و صاحلي بالغرفة
حامد : الو
ابو فهد : باع لك اذا هاي الادبسزز يمك و باجر متجيبها و تجي انعل والد والديك خوش لو لا
حامد : امشي لك گو** تعاي لج انتي تردين تطلگين منة لو لا
اديان : اييي
ابو فهد : لججج سا*** اني الج تشردين مو بس وحق ضلع الزهرة الا اذلج و اخليج تطلبين الرحمة و متلگيها
حامد : هسة بدون حچي زايد طلاگ تطلگها خوش لو لا احنة اتفقنة سنة و هاي صارت سنة لو تريد ابيعها الك ب 15 مليون و بعد ما اسئل عنها
ابو فهد : ههههههههههههههههههههههههاي موافق
باچر يمك
حامد : منتظرك
اديان: يمكن هذا اليوم الوحيد لو ابوية ميت بدال امي هواي احسن حسيت بروحي فد شي لعبة لو قطعة من واحد لواحد شايفين شكد صعبة من ابوج يبيعج
وترجعين مذلولة للأنسان الشردتي من عندا اخخخخ شتحمل بعد سحبني ابوية من ايدي و شمرني بغرفتة وطلع و قفل الباب حتى ما اشرد
هاي اكثر لليلة حاولت و فكرت بالانتحار بس دائماً جنت اتذكر انو راح اخسر الاول و التالي خلي اخسر الدنيا و لا اخسر الاخرة الله موجود وشايف كلشي الحمدلله و الشكر ع كل حال
الفجر نمت الساعة بالسبعة انفتح الباب انصدمت ،،،
ابو فهد : گومي عااررر بساااع يلا
اديان: الله ياخذ حقي منكم ان شاء الله
ابو فهد : هذاااا الحجي احجي لابوج العارر
اديان: انتَ ويا نفس الشي
لزمني من ايدي و يسحل بية و ابوية واكف لازم علاگة بيدة اكيد مال الفلوس دخلني بالسيارة وصاحح عبااااا بساااع
راح عمي جعفر جابلة عبا شالها و شمرها علية و شغل السيارة و مشة يسوق و يسب
ابو فهد : والله ما رجعتجرمحبتاً بيج بس الا اذلججج يا سا***
لججج تردين تنزلين راسي حتى يصيتون مرت الشيخ شردت
بس اني اعرف شلون اذلج و بعد وين ترحين
ابوج العار و باعج يعني اذا اذبحج واشمرج للچلاب هم محد يدري بيج ب 3 الظهر تقريباً و صلنة هو لسانة ما وگف من السب دخلني گال بساع گدامي فوتي للبيت لا اذبحچ وغطي وجهچ
دخلت و صعدت فوگ ماشفت احد جوة نزلت اخذت ملابس ودخلت سبحت و صعدت فوگ لگيتة بالغرفة
ابو فهد : يواشچ يواشچ وين طابة اني متشرفني هيج نماذج بغرفتي براااااااااااااااا يلا ارجعي انطمريي بالمخزن
اديان.. نزلت كعدت بالمخزن و حاضنة راسي بس دموعي تنزل انفتح الباب ...
