رواية الشيعي وبنت الانبار الفصل التاسع عشر بقلم بنين البصراوي
لّتٍصِدكٍ حًبيِبيِ بدونَكٍ اَْرتٍاَْحً
بدونَ اَْلّنَومٌ مٌاَْتٍرتٍاَْحً اَْلّعيِونَ
اَْباَْوع ع اَْلّصِور واَْحًضنَ
هًداَْيِاَْك واَْكٍولّ شلّونَ
هًاَْيِ اَْلّنَاَْس يِنَسونَ
♡
♡
♡
♡
♡
آلُكآتٌبْه وآلُروآئيَه بْنْيَنْ آلُبْصٍرآويَ
♡
♡
♡
♡
♡
حاول يسيطر على السياره بس طلعت
من سيطرته
غمض عيونه واشاهد
جانت وراه سيارات شافو الحادث وبس وكفت السياره نزلو عليه شالوه وطلعو للمستشفى طايرين
جان بيه نبض
بعد مرور ٣ ساعات
طلعو جنسية عباس وعرفو هو منو طلع واحد من الشباب راح لبيت عمه (ستار)
وصل للمنطقه ودگ الباب
-السلام عليكم
-عليكم السلام تفضل
-عمي انت ستار
-اي وليدي
-عمي تعرف عباس
-اي ابن اخوي ومثل ابني شبيه ؟
-تعال وياي
-وليدي عباس بي شي
-لا عمي بس تعال وياي هسه انت
دخل للبيت غير ملابسه ورجليه كوه تعينه خايف عليه وطلعو للمستشفى
المستشفى
ستار وين عباس
-عمي ابنكم سوه خادث بطريق القرنه
-وينه شلونه شبيه ؟؟؟
-اهدا حجي الحمد لله هو بخير بس
-شبيك
-هو انكطعت رجله من الحادث
-كعد ستار وضل يبجي ويدعيله
وره شوي اجه الدكتور
ستار دكتور شلونه عباس
-للاسف المريض دخل بغيبوبه ومو معروفه مدتها شگد يمكن. يومين اسبوع شهر
-اخ يوليدي منين اجتك يابويه ضل ب المستشفى يتوسل ب الدكتور يخليه يشوفه اخر شي قبل الدكتور دخل وشاف عباس ضل يبوس براسه ويبجي يمه رجع للبيت وانطه خبر لخوانه وطلعو للمستشفى حتى الشيخ راح وياهم ضلو هناك يمه
مر اسبوع وعباس فاقد الوعي
رجع ستار للبيت واتصل على ادهام يبلغه بلكي اكو دكتور زين ب الانبار بغداد ؟؟
-ادهام هله عمي شلونك
-هلا وليدي الحمد لله انتم شلونكم
الحمد لله عباس شلونه ماسانع اخباره صار فتره
-هو انا اريد اگلك عليه
-كول عمي
-وليدي قبل اسبوع عباس من رجع من الانبار سوه حادث ع الطريق اريد دكتور زين
-اخ يابويه صار اسبوع ليش ما كتلي عمي الي عتب عليك هسه اخوي صارله اسبوع ومحد كايلي ؟؟
-والله يا وليدي عباس سوه حادث ونريدله دكتور زين
-اريد منك دكتور زين نشوفله هسه هو بغيبوبه
ادهام الله يكومك ب السلامه ياخويه يلا اشوفلك واردلك خبر طلع وهو ناوي نيه كشره على عائشه
دك الباب. و توفيق مجان موجود وصاحت من وره الباب
منو؟؟
انا ادهام
بس خالي توفق مموجود
انا جاي اكلج حجايه من وره الباب
تفضل
ارتاحيتي هسه يبت عمر عباس سوه حادث وبين الحياة والموت كله من وراج وره ابوج الله يحرك روحه بس لو ادري شعجبه بيج انا رايح للبصره واله ازوجه ورقة طالاكج انا اجيبها الج
عائشه دخلت تركض لـ امها
الام شبيج
عائشه انهارت اعصابها من سمعت ب عباس / يمه يمه عباس سوه حادث يمه اريد اشوفه عليج الله اخذوني للبصره اريد اشوفه
الام هسه بس خل يجي خالج انتي حامل مو زين عليج اسكتي يمه
ادهام راح للربعه لكة راشد هناك
ادهام راشد كوم
راشد شبيك
ادهام عباس سوه حادث
راشد يابويه يلا يلا
راحو بلغو الشيخ محمد وطلعو للبصره تقريبا ٣ سيارات سيارة الشيخ وسيارة ادهام وسيارة عثمان
البصره
الدكتور جان خالد ابن حجي جعفر عرفتوه
وصل الخبر اله وراح للمستشفى وي ولده
ستار ركتور خل نطلعه لبغداد
خالد لا حجي مايحتاج انشالله حالته جاي تتحسن يوم عن يوم بس انشالله يصحى من الغيبوبه بعد
ستار يارب انشالله
الانبار
رجع محمود وراح للربعه بس مالكه الشباب
طلع لبيت ادهام
كوثر منو
محمود انا خويه محمود ادهام موجود
كوثر لا والله راح للبصره
محمود هاا يلا خويه في امان الله
كوثرالله وياك
دخل توفيق للبيت وركضت عليه عائشه تبجي
توفيق شبيج بويه
عائشه خالو فدوه وديني لعباس
توفيق اوديج بس ليش تبجين يابويه
عائشه عباس سوه حادث اريد اشوفه
توفيق يابويه يلا يلا هسه نطلع راح غير ملابسه وطلع يشغل السياره
محمود شلونك حجي
توفيق هلا بويه الحمد لله شلونك اخبارك الحمد لله ع السلامه
محمود الله يسلمك خير خو ماصاير شي
توفيق والله ياوليدي عباس سوه حادث ورايحين للبصره
محمود اخ تانيني هل ابدل واجي وياك
توفيق يلا بويه منتضرك
بعد مرور فتره زمنيه
وصل ادهام والشيخ للبصره وكبل للمستشفى
دخلو للمستشفى
وجانو اهل عباس وعمامه هناك كلهم وجعفر هم موجود
اخذ ستار الشيخ والزلم ضلو بس الشباب ب المستشفى
وصل توفيق للبصره وده عائشه لبيت ستار وراح للمستشفى هو ومحمود
ادهام راح للدكتور وطلب منه يدخل على عباس
راح للغرفه لكاه نايم ورجله فاقدها نزلت دمعته وضل يحاجيه
دهل وياه راشد ومحمود ضلو كاعدين يمه صارت حركه ب ايد عباس طفر ادهام صاح للدكتور
خالد بس اطلعو بره راحو الشباب بره الغرفه شوي وطلع خالد
خالد الحمد لله جاي يحس شوي شوي وانشالله فتره ويكعد
ادهام يا الله
بيت ستار
عائشه من وصلت وهيه بس تبجي
ام ستارهدي بنيتي انشالله ماعليه شر
عائشه اخ كله مني
ستار رجع للبيت وبشرهم وعائشه اصرت تروح تشوف عباس
قبل ستار وراحت وياه للمستشفى دخلت للغرفه ومن شافت رجله ضلت تبجي راحت يمه وتبرس براسه
انا اسفه والله ماراح ازعل بعد عباس بس كوم والله بعد لا اطلع ولا اوصل للانبار بس كوم مااريد احد اريدك انت
انت ابوي وحبيبي وصديقي وابني كوم عفيه طلعت من الغرفه وحضنت توفيق وزادت دموعها كعدت كدام الغرفه بعناد انو ماراح اكوم مناه
مر اسبوع
وعباس بعده ماكايم صحته تحسنت بس الى الان بعده مايحس والشباب ادهام ،راشد،محمود ضلو ب البصره
عائشه طلعت هيه وستار للمستشفى ومن وصلو هناك شافو الدكتور يركض لغرفة عباس
يتبع .....
البارت الاخير
لا رد
لا كلام
لا حرف
سوى عيني التي وقعت في حبك من
النضره الاوله اشتقت اليك كثيرً هل
يمكنني ان احتضنك للابد
الخاطره بقلمي 💕
آلُكآتٌبْه وآلُروآئيَه بْنْيَنْ آلُبْصٍرآويَ
ركضنه لـ ركضت الدكتور دخلنه وراه وعباس بده يفتح عيونه بس طلعونه بسرعه وره نص ساعه مرت عباره عن شكر وحمد لله طلع الدكتور
خالد الحمد لله على سلامته
ادهام الله يسلمك نكدر ندخل نشوفه
خالد اي نعم بس مو كلكم
ادهام دخل هو والشباب وستار وعائشه ضلت بره تسمع صوته وفرحانه بيه انتضرتهم ماطلعو طولو يمه طلع ستار وراه الشباب بس وخرو دخلت للغرفه جان يعدل كعدته ويباوع لرجله
ركضت عليه وحضنته خلت راسها على صدره وتبجي
عباس مو غريبه ريحتج عليه اعرفج من بد كل النسوان انتي الروح والريه
عائشه اسفه
عباس حضنها وباس راسها انا ازعل من الدنيا كلها وما ازعل من بت گلبي
دگ الباب ادهام ودخل وبيده(ونجير) الكرسي المتحرك
طلعو عباس من المستشفى وذبحوله ومر ٣ ايام الناس تجي تتحمدله ب السلامه اجوه ابو راشد واخوانه واخوان ادهام والشيخ محمد وعثمان وتوفيق وجعفر واهل محمود وو..الخ
رجع للبيت لكه عائشه منتضرته وكاعده
عائشه الله يساعدك
عباس ويساعدج بنيتي
عائشه اخذت ايده واتجى عليها وصعدو للغرفه دخل سبح وطلع نامت على ايده
عباس اخ
عائشه شبيك
عباس تعبان بعد شبيه فقدت رجلي
عائشه لاتكول هيج انت كبل ماتكون كامل بعين نفسك كامل بعيوني انا جنت احبك هسه اموت عليك
عباس ويلوموني ليش احبج
عائشه نزلت راسها خجلانه
عباس وين الي جانت كبل تريد تدججني
عائشه اهووو بعدك متذكر
عباس هههههه هيه السجين تنسي
عائشه اي
عباس شلون
عائشه مو راح انزل اجيبلك وحده من المطبخ
عباس يلا يلا سكتت هههههه
،
،
،
الانبار
راشد رجع للبيت متأخر ولكه منال نايمه ع القنفه
راشد مد ايده جواها وشالها صعد للغرفه بس حطها ع الجربايه گعدت
منال ها حبيبي رجعت
راشد اي يگلبي
منال ليش متاخر ضل بالي يمك
راشد جنت ب البستان يم حجي توفيق كضيتله شغله
منال الله يكويك
ويكويج غير ملابسه ونام
،
،
،
بعد مرور عدة سنوات
عباس ركبله رجل اصطناعيه
عباس صارو عنده ٤ اطفال
خلف،علي،رفل،نرجس
عباس بنيتي
رفل ها بابا
عباس لا بويه بعد روحي على امج وينها
رفل راحت تشوف علي راسب ب المدرسه
عائشه ولك ليش هل علامات
علي اهوووو يمه ترا صعبه
عباس شبيج وياه
علي اجه المنقذ تعاللها موتتني
عباس هههه شبيج وياه
عائشه دحك درجاتو
علي امي ٢٤ ساعه بصراويه من تعصب تنكلب انباريه مدري الها غايه ثانيه
عائشه مثل شنو ولك
عباس ههههه دعوفي الولد وتعالي باجر نروح للانبار جهزو نفسكم
علي هذا الحجي الحلو فدوه ل ابوي الصاك
عائشه انجب ولك
علي اممم الحجيه تغار
عباس ههههه
خلف يابه يابه
عباس هلا وليدي
خلف اريد اخذ اخواني ونطلع نفتر شوي
عباس يلا بس مو تبعدون
خلف ماشي
نرجس الوح وياكم
خلف،علي، رفل لااااااااا
عباس شبيكم وياها انا اطلعها ولو
علي بابا دير بالك ترا امي هسه معصبه وراح طك من الغيره لا تجيبلها سجين وتدججك
عباس باوع لمكان ثاني وبعدين باوع ل عائشه
عائشه اهووووو
عباس ههههههه غزرت بيه السجاجين
،
،
،
ادهام صارو عنده
غيث،سالم،حامد
كاعدين ب البستان يجهزون اغراض الشوي
كوثر حامد تعال يروحي انت
سالم بويه امي تكول ل حامد روحي انت شنو هيه الروح وحده وغاليه فدتها اله
ادهام هذا طالع فطين عليه ههههه
كوثر الله لايحرمني منك ضحكة خير يارب
ادهام هو انا عرفت الخير من تزوجتج
كوثر ويابعد روحي وكلبي
غيث هاي غزل ويرادلهم اغنيه
،
،
،
راشد عنده
شمس،صادق،سعد،جمال
راشد دخل يصيح لان ولده ضاربين ابن الجيران وشاكين راسه
راشد ولكم تعالو هناااا
نزل صادق وراه سعد وجمال
راشد شمسوين ب محمد
صادق سعد جان يلعب بره وهو اجه وضربه بدون سبب وانت تدري سعد مايكدر يدافع عن نفسه كادرلي عليه اشوفه يضرب اخوي واسكتله فشخت راسه حتى لا يعودها
راشد يشوف ب صادق رجال قوي كدامه
نزلت منال وحضنت ولدها وبوستهم
راشد فزعت ل اخوك هاي مااكدر اعاقبك عليها بعد ابوك يلا اصعدو الله يرضه عليكم
منال الله يخيلنا ياك ومايحرمنه من طيبة كلبك
راشد هو انا ترا من شفتج سكتت جنت جاي اضربه بس عيونج سكتن حتى گلبي
منال يابعد روحي انت
،
،
،
محمود ماانرزق غير بطفله وحده وبعد وقت طويل سماها. شام لان انتقل من حلب للشام وتعرفله على واحد هناك وفتحله محل وشغله ماشي تمام
لا زالو ابطال قصتنا يعيشون قصص حزينه وسعيده تتغير الاحداث وتتماشى الاقدار مع الزمن فل يمكن للحب ان يستمر
انشالله تكون عجبتكم النهايه
ن ه ا ي ه
نحيا
هنا
انا وانت والجميع
يوماً جميلاً حباً ابدياً لا
نهاية له حتى الموت
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
شكرا لزيارتكم عالم روايات سكيرهوم
