رواية عشق مابعد الطلاق الفصل العشرون بقلم ساره فاضل
ناي
نزلني قيصر بالباب بين ماينزل الاغراض ونفوت سوه عاد بالساحه شفت زوجات عمامه جان يهلهلن
الكل اجه يركض عاد عمتي محضره جكليت ووياس طشته علينه عاد اجت وشبگتني وبجت من كل كلبهه
ام كرار
ياعيني هسه وكت بجي صدك جذب شنو ممصدكه خليه تفوت
ام قيصر
والله ناي دخلته ع بيتي تسوه الدنيه
رفل
لابالعكس عمه اشو ناي مثل العابه بكل حالته حلوه وبعدين هاي رهبة العرس شكم يوم وترجع ورده مفتحه
ام قيصر
يلااا بنات فدوه عمه كومن ساعدني بالعشه
وانتي ام كرار اريدج تسوينه الكبه
من ايدج غير شكل وانتي ام رفل
هماتين تعالي اريدج تسويلنه التحلايه تعرفين العرسان يحبون الحلويات
من بعد ماكام الكل ع شغله
رفل
كومي ناي خل اصعدج الغرفتج حته ترتاحين
قيصر
اساعدكم
رفل
لاااا خليك شوي ونازله اريدك بموضوع
1
صعدت ناي وحبيبتي كوه ترفع رجليه
كوه صعدتهه قبل لايشوفنهه الحبايب
والحجي يطلع اشكال صعدته وهيه ساكته ماتطلع صوت حاسه بكسرته بس شحجي وشلون اواسيهه
وصلته لفراشه جبتله شلحه ولبسته عاد رادت تمتد خليته تمتد تجيته ع المخده وكعدت كباله بس ماكدرت ارفع عيني بعينه
ناي
ليش رفل ليش من جنت اسالج ماجنتي تگليلي جان ارتاحيت من هاذا العذاب من وكت
رفل
ماعرفت الزم دموعي انداريت عليه واني مااعرف شكول
ناي عذريني ماجان الي حق اكول. بس والله اخذت كلمه من قيصر يبدي حياة جديده
وكال نسه موضوع ذيج الحيه المسمومه
وناوي يبدي حياته وياج
ناي
موهاي قضيتي انتي صرتي صديقتي ووعدتيني تصيرين اختي جان المفروض تحذريني تكليلي خلصي وعبري النهر ماطوله ضيگ
2
رفل قيصر موالي قيصر عقله وكلبه يم اليحبه اني مجرد رضه عمتي بيه حته تسكت من يمه لاأكثر
1
رفل
لاوالله قيصر كلش معجب بيج وكلشي بيج عاجبه بس شيسوي هاي المسمومه ساحرته مخليته ميشوف عيوبه
ناي
موهيه الاجت البارحه
1
رفل
اي هيه شفتيه شلون غيرانه منج انتي احلئ منه خلقه واخلاق
وهيه لاعده لاخلقه ولااخلاق وان شاء الله راح نكشفه ع حقيقته باأسرع وقت لقيصر كافي يضل ع عما
ناي
مااعرف شكلك بس تصدكين اخر همي وحياتج
اني باقيه هلفتره بس بين ماادبر عذر ارجع بي لبيت ابوي لان اخاف ارجع هسه وابوي ينجلط ويروح بيه بس فتره واشوف وين توصل ويه قيصر هوه وعدني واذا مجان كد كلمته بعد مااكدر ابقه
رفل
لاان شاء الله كد كلمته وتعيشون سعداء
ناي
ان شاءالله
رفل اريد انام تعبت
رفل
هسه لاتنامين بعد شوي يفوت المغرب ونامي
انتي عروس موالج هلنومه وخل اروح احضرلج عشا
ناي
لامااشتهي هستونه اكلنه بالفندق ومالي نفس
قيصر
فتنه للبيت وجان بودي محد نلكا
لان اعرف الت والعجن وخاصتآ
من مرت عمي ام كرار هيه طيبه بس فضوليه زايد فوتته واني لازمه واشوش عليهم بالسوالف والضحك حته مينتبهون اله والمشيته وصلنه جوه
نزلت رفل وشوي غيرت من جوه
1
وهماتين ام كرار مافوتته ذبتله شكم حجايه تسم البدن وكالعاده رفل هيه المحامي لشوي وراح الكل لشغله رادت ناي ترتاح ورفل ساعدته قدمت المساعده بس رفل رفضت
1
صعدو فوگ واني متعجب من طريقة رفل وامي لاسلمن عليه ولا كئنما يشوفني
وعموو عصام مشفته اصلآ
كاعد بالصاله واجت امي رادت تصعد لناي
عاد رحت لمي وردت اسلم عليه
هلو ماما شنو ماما مشفتيني ليش مسلمتي عليه مواني قيصر حبيب كلبج
ام قيصر
لاهله ولامرحبا ولك تعبتني انته تموتني يلااا
شنو هاذا المسوي بالبنيه البارحه
عروس بااول ساعات عرسه
تتخربط وتوصل المرحله الجلطه ولك اتقي الله انته تموتني يلاا ترتاح جان سكتت وگلت خطيه يتيمه وحرام اكسر بخاطره لو شلون اذا متجيب طاري الحقيره مالتك
قيصر
ماما
انتي شتحجين لاتبرئين نفسج انتي الحطيتيني وحطيتيه بهاذا الموقف اني من البدايه گتلج البنيه خطيه شنو ذنبه تزوج احد كلبه موالهه
ام قيصر
تحجي
وهيه اتدك ع صدر قيصر
ولك يمه باوع الطريقك وكافي هاذا الحجي تعبتنه وتعبت نفسك
گلبك هاذاااا فرغه من الناس الماتستحق تكون بي واملي بالبنيه الماتلكه مثله طول عمرك
عصام
ام قيصر
روحي ع شغلج
قيصر تعال الغرفتي بسرعه
ام قيصر
بس،،،،
عصام
كلت روحي ع شغلج
قيصر
تعال
قيصر
حاضر بابا
فات قيصر وعصام للغرفه
عصام
شنو هاذا السمعته فهمني بهدوء
قيصر
بابا البارحه جان لازم اكل لهاي البنيه البداخلي ميصير نبدي حياتنه بكذبه لاأله اول ولااله اخر
حجيتله كلشي حته تبقئ وياي وتتحمل مزاجيتي وتعب كلبي وتصبر عليه لحد ماالله ييسر امري
ويرتاح كلبي ان شالله اكدر اتفوف ع كلبي لان تعبت كلش مااعرف شسوي كل حياتي متخربطه كل الحجيتليا البارحه صح كل كلمه كلته اجت ع الجرح وفهمتك وين تريد توصل
بس مااعرف مااعرف شبيه اموري متخربطه كلش بابا ادعيلي اني تعبان
عصام
ادعيلك بابا ادعيلك بس انته لازم توكف ع حيلك وتنسا الماضي وخليك بالحاضر باباتي تره ناي خوش ناي وحرمات هاي البنيه تفرط بيه بس اهم شي قربته منك وخلصت كلشي.
حته تحبه لان الرجال ياابني لمن بتقرب الزوجته يحس غير احساس يحسه هاي المره مسؤليته ويحبه
قيصر
الحمدلله بابا كلشي خلص والحمدلله البنيه صارت مرتي. وماكو اي شيء
اني من رخصتك اروح ارتاح
ناي
كاعدين اني ورفل ودخلت عمتي سلمت وردينه السلام بس الصراحه اني زعلانه منه وجان مبين عليه الزعل
ام قيصر
ادري بيج زعلانه مني وحقج بس اني معذوره اني ابني هلواحد ومارادته يتزوج هاي الانسانه الحقيره وردتج انتي التوكفين وياا واطلعينه من هاذا العذاب
ناي
بس جان المفروض تاخذين رئي موتذبيني بحلك النار وتكليلي خلصي روحج وخلصي ابني شلون اخلصه واني تعبانه ومااعرف شنو الوضع الااني بي گبل دخلت ع موضوع اني مااعرف شلون اتصرف بي
بس احمد الله الانطاني الصبر وقررت اساعد قيصر من الي هوه بي بس مو علمود شي بس علمود والدي لااكثر مااريده ينقهر ويروح بيه
ام قيصر
حقج يمه والله مااعرف شكلج لو شكول لخوي
بس والله ياماما قيصر خوش قيصر
قيصر مؤدب وخلوق وانسان راقي موابني وامدح بي بس هاي الحقيقه بس من يوم الاتعرف ع هاي المسمومه وابني احواله اتخربطت
ابني مسحور موطبيعي
ابني ماجاي يسمع ولايشوف غيرهه صح صار فتره افترقو وماصار بينهم حديث بس هيه
ماتاركته بحاله اوكفي ويا ناي وساعدي ابني معجب بكلشي بيج بس عيونه معميه الله يعينج ويساعدج واني وياج بكلشي تقررينه تردين تبقين وتساعدين ابني هله بيج متقبلين اني من عين باجر الزمج وادزج لبيت ابوج وابوس ايده ورجله حته يسامحني ع السوينته ابنته
ناي
لاعمه محشومه
انشالله اذا الله كدرني اساعده واطلعه من الهوه يمر بي والصدگ اني احبه اي احبه ماانكر جنت مااعرف شعوري اتجاهه بس البارحه واليوم اتاكدت احبه لان لومااحبه مابقيت بهاذا البيت ولالحضه اني عزيزة نفس وماارضا باليرفضني بس حبه خلاني اتهاون وماازعل من تصرفه بالعكس طلبه للمساعده والوكفه وياا خلاني اتمسك بي اكثر واافرط بي
ام قيِّصٌر
من بين الحجي الحجته ناي كالت اني عزيزة نفس ومااقبل باليرفضني عزا العزاك قيصر بعد مماخذ مرتك
1
ماما ناي خلي هاذا الحجي وراج هسه بشريني انتم كضيتو شغلتكم
ناي
هااا
اي اااي الحمد لله
ام قيصر
متاكده متجذبين جاي احسج ضامه شي عليه
ناي
لاعمه كلشي تمام والحمدلله عدت ع خير
ام قيصر
أشو انطيني نيشانج خل اشووف
ناي
هااا
مونسيته بالفندق
ام قيصر
ناي عيب تجذبين ماما واصلآ مومن مصلحتج اتجذبين هاذا ابني لازم يوكف عد حده
طلعت ام قيصر شايطه غضب جان تلكه حماته ام كرار واكفه تتصنط عليهن
اتفضلي ام كرار ليش واكفه بالباب
ام كرار
هااا مو،،مو
م
وو اجيت اصيحلكم ع العشاء
ام قيصر
جان دزيتي وحده من البنات عليمن تعبتي نفسج وصعدتي الدرج
ام كرار
تعبكم راحه
نزلن ام قيصر وام كرار وام قيصر شايطه غضب من ابنه بس محضوره منا عالم ومنا مرت حماه الفضوليه نزلت ع السريع وراحت لغرفته
عصام الحكلي
عصام
سلامات شصاير
ام قيصر
ابنك الشفيه مامتقرب للبنيه ولامباوع بوجه
عصام
شلون دريتي
ام قيصر
البنيه متقبل تكول بس اني جبرته وكالت
عصام
يعني قيصر يجذب عليه
ام قيصر
والله قيصر هلفتره كلشيي يسوي خل تروح العالم واتصرف ويه ابنك
خل تطلع العالم واشوف وين حد هالسالفه واريد اعرف سبب جذبه عليه مع الااسف قيصر موهاي المرجيه منك
( 2 )
قيصر
متمدد بالااستقبال عاد لشوي وصاحولي اخذلي عشه الي ولناي اخذت العشه وصعدته فوك لگيت ناي نايمه اني اخذتلي لفه زغيره وغطيت الاكل وخليته ع الطاوله اجه ابالي انزل اشرب جاي نزلت الساعه ب11الكل رايحين لبيوتهم لكيت بس مرت عمي ام كرار تلبس بعباته وامي كلتله قبل لاتروحين اجيبلج الجنطه من جوه عاد سلمت عليه ووصلت للباب عاد رجعت
ام كرار
ماما قيصر
ميصير تضلون هيج هيه غير مرتك ميجوز تباتون تحت سكف واحد وانته ممتمكن منه لازم تاخذ حقك ياابني
قيصر
وبغضب
ومنو كلج اني مماخذ مرتي
ام كرار
يبووو كول منو الميدري هلشغله متنضم عيوني انته يلاا يمه اودعناكم
قيصر
اخخ ياناي بعدج ماوصلتي شيعتي خبر صدك لو كالو النسوان مالجن امان بس اني الج الا اعلمج شلون اطلعين اسرارنه
رحت واني شايط غضب
لاكيت امي وعمو عصام جبروني اكعد واني اطفر شرار
عصام
قيصر
تكذب عليه اني تستغفلتي وتكلي كلشي تمام والنيه مرتي وكلشي تم ع خير
قيصو
منو كلكم شلون عرفتو هاذا الشي
ام قيصر
يرادله احد يحجي مبينه ذيج هيه ولك بنت العالم مولعبه ومخليه سبير وقت حاجتك تلتفت اله والله قيصر اذا بقيت هيج معند وعايش ع ذكرا ذيج الخايسه الا اتبره منك
2
قيصر
بدون مااكمل حديثي وياهم ركضت ع الدرج وحسيت نفسي طرت مثل الهواا وصلت للغرفه واني اطفر شرار
قفلت الباب ورحتلهآ جريتهآ منِ شعرهآ وسحلتهآ ع الگاع وهيه تصرخ
ناي نايمه
ومااحس الا قيصر كمشني من شعري وسحلني بدون مفاهمه ضليت اصرخ وهوه لازمني من شعري شبعني ضرب حسيتّ نفسي متت وهوه يصرخ ويكول
قيصر
ليش ولج ليش
سر هلكده ماحفضتي باقي الحجي شلون اني ولج اني اليسوه والمايسوه يلزمني ويصير عليه فهيم ويعلمني الا اموتج
ناي
والله محاجيه شي والله ااااه قيصر شعري راح اموت
قيصر
كلجن نفس الطينه متصبرن ع الرجال تفف عليجن ولج هسترتوني وشنو التردينه مني تردين تصيرين مرتي تردين تصيرين مره براسي الج اليرضيج بت الكلب
ناي
انكلب وحش موهاذا قيصر المثقف الهادئ ضل يسب كلشي ويحجي حجي مثل المو بوعيه ضل يحجي حجي يخزي رجع عليه شك ملابس واني اصرررخ عمتي وعمي بره يصرخون ويدكون بالباب جان سوه الماجنت متوقعه يصير بيه
أغت صبني بوحشيه وبدون رحمه بعد ماحسيت الا اني بحضن عمتي
قيصر
بعد الي سويته حسيت نفسي مثل المغيب مثل المخبل ورجعله عقله جنت مااسمع ولااشوف فجئه نفتحت بصيرتي الباب يندك والصريخ بره وناي جواي جثه مليانه دم ومنضره يخوف لبست
ع السريع اخذت سويجي وفتحت الباب امي موتتني ضرب واني مااحس وبابا سوه شي بحياتي مجنت متوقعه منه باوعلي بنضره عمري ماانساهه وضربني راشدي وعاني ع زماني عفتهم وطلعت اركض ع سيارتي
رفل
يمه يممممه يمه البنيه ماتت الحكلي عموووو ناي ماتت
