رواية الضابط واليتيمة الفصل العشرون 20 بقلم مجهول

حسيت بايد على جتفي كطعت كلامي رفعت راسي جان وليد 

- اني اذا ارفضج مو بسبب هلاشياء الي تحجيها الاهل الدراسة انتي بعدج اصغيرة وهواية ولد يتمنوج 

- ما اريد احد افهمني اني اريدك انت وحدك 

- خليني اكمل اني ما افيدج اني اعرف نفسي زين واعرف انتي شنو الي يفيدج ولمصلحتج اني اكلج اني ما افيدج 

- ليش ها ليش فهمني ليش ( جنت ابجي لزمت قميصة مثل طفل يريد موافقة اهلة ) 

-وليد مينا وينكم بدلنا ودنتضركم 

- روحي هسة بدلي يادوب انلحك 

- بس

- بدون بس بعدين نحجي بهذا الموضوع 

التفت وطلعت من الغرفة رحت رحت لغرفتي سديت الباب ونزلت بالكاع ابجي ابجي وما اعرف ليش ابجي جان تفكيري كلة ليش ليش لعد رفضتني اني شنو سويت بنفسي شلون راح ابقى بهذا البيت ورة الي صار وزاد بجيي بس هلمرة لان خسرت البيت الي حواني خسرت الامان الوحيد الي حصلتة سمعت صوت ريهام مرة ثانية عفتها ورحت بدلت وغسلت وجهي لبست قميص هو جابة وبنطرون وسديت القميص شلت شعري وطلعت 

صعدت السيارة وصعدوا وليد الي يسوق ما باوعت ابد علي جنت دايرة وجهي على الشباك هو شغل اغنية كلش حلوة 

وضليت اسمع الى ان وصلنا نزلت ولزمت ايدي ريهام ومشينا قبلهم اتذكرت من جابني هنا اول مرة من فقدت الامان فجاءة وهو لكاني ولكيت اماني مرة ثانية 

- وينج مو دا احجي وياج شبيج 

- منتبهت اسفة 

- تعاي تعاي دنطب لهذا المحل 

- اهلج وين 

- ورانا هسة همة يطبون 

طبت قبلي تركض دورت عليها بعيوني ماكو انذكرت التلفون ناسيتة بالبيت كلت خلي اطلع اكيد راح اشوف وليد وامة وهمة يلكوها طلعت كومة ناس دورت دورت ماكو خفت بس كلت لا الكاهم قابل وين يروحون ضليت ادور عليهم ماكو هنا خفت كلش فكرت انو هاهية وليد راح يتزوج ريام وكلشي راح ينتهي مراح نكدر نحجي بنفس الموضوع مرة ثانية مراح اكدر امنعة بجيت من كل كلبي بجي عبالك جنت حابستة حسيت بايد على جتفي وصوت اعرفة يكولي

- كافي شششش يلى كافي لكيتج و( ضل يطبطب على ظهري ) 

متحملت حظنتة وصار راسي على صدرة هو لف راسي بايدة وايد الثانية يطبطب على جتفي 

- كافي الناس دتباوع كافي ولج ههههههه تدرين اصلا محد يهتم عبالهم بنتي 

رفعت راسي علي 

- مو بنتك 

-ديلى كافي لعد 

سكتت ومسحت دموعي وهو لزم ايدي وجرني وراه مشينا شوية وجان تركض ريهام علية 

- وينج انتي متت خوف تلفونج ليش متردين علي  

- مجايبتة 

حسيت بضربة على راسي لزمتة ورفعت عيني علي 

- مشتري للبيت اني مو 

لفت راسي علي 

- ضلي ويانا ماما حتى لتيهين 

مشينا اني وريهام 

- مضربج 

- شنو

- مضربج وليد 

- ليش يضربني 

- ولا عيط عليج 

- لا كلشي مسوة ليش 

- عزة كلبها للدنيا من لكاني وملكاج يمي دك عليج ومتردين اسوة عزة لو اني ضايعة ميسوي هيج 

- جان مات لو ضايعة انتي

- ورة الي شفتة ما اتوقع 

صعدنا عمود ناكل وعلى غفلة كعدوا ايمن وزين 

كعدوا يسولفون وزين وريهام يتعاركون واني اتجنب اباوع على وليد 

باوعت على العالم وانتبهت على البنات من صنف ولون الحلوة والمحلوة كومة بنات 

احلى اللبس والمكياج والشعر يجنن كومة اجسامهن حلوة وشكلهن حلو 

ليش يختارني اكيد مراح يختارني اكيد راح يختار وحدة منهن قابل شنو المميز بية عنهن حتى يختارني 

-مراح تاكلين 

- هسة 

بديت اكل والتهيت بالاكل عن التفكير 

رجعنا للبيت وجان همي المحادثة الي لازم انكملها مردت نحجي هسة اريدة يفكر فرحت اركض لغرفتي وقفلت الباب حتى ميحجي وياية

كعدت الصبح كلت شلون راح نحجي اوف طلعت لكيتة ماكو اليوم سبت وين راح ضليت على نار منتظرتة ينزل وكلش خايفة صارت ب١١ ونزلت ريهام 

-اكلج وليد وين 

- رجع الشغل يطول 

- بليل يلى يرجع 

- لا مثل ذيج المرة شهر هيج شي 

صفنت على حجيها هاي شدتحجي معقولة 

-ريهام اني شوية تعبانة راح اروح لغرفتي ارتاح 

- اي روحي انتي اصلا وجهج اصفر كلش 

رحت واني بعدني منصدمة وصلي رسالة بطريقتة هاي اني ما هامتة اصلا لدرجة ميرد علية اصلا ولا يتعب نفسة تصرفة كلش حقير شكد اكرهة كلش اكرهة