رواية جحيم ابن عمى الفصل العشرون
يبدأ يوم جديد على جميع ابطالنا يوم مليئ
بالمفاجأت والسعادة فاليوم إرتباط عائلة الالفى بعائلة العراقى(مراد،نغم)
استيقظ زياد ثم دلف الى الحمام ليتحمم وخرج
ارتدى بنطلون قطنى اسود وتيشرت اسود ابرز
عضلاته ثم مشط شعره وتطلع على الكنبة ولم
يجد ندى استغرب كثيراً فهى بعادتها غير نشيطة
ثم قال......: هو انا بسأل عليها لية ماتولع
ثم غادر الى اسفل
وجد الجميع جالس يتناول الافطار
زياد.....: صباح الخير
الجميع.....: صباح النور
احمد.....: تعالى يا حبيبي افطر معانا
زياد.....: حاضر
جلس زياد وبدأ فى تناول الطعام
نورا......:هو مراد هيجى امتي
محمد.....: الساعة ٧
ندى بإستغراب.....: هو مراد جاي لية يا بابا
محمد......: نسيت اقولك اصل مراد اتقدم لنغم وانا وافقت وانشالله هيجى النهارده الساعه ٧ علشان يخطوبها
ندى بهمس لنغم......: انتى يا حيوانه مقولتليش لية وبعدين تعالى هنا بقيتى بتخبي عليا ومبتحكيليش لية
نغم.....: اسفة والله اصل كل حاجه بتحصل بسرعه وعموماً ياستى متزعليش خلصي فطار وتعالى نطلع فوق هحكيلك كل حاجه
ندى.....: لا ياختى انا رايحة الشركة دلوقتي ولما اجى ابقى احكيلى
نغم.....:اوك
زياد......: الف مبروك يا نغم
نغم.....: الله يبارك فيك يا زياد
ندى......:طيب ياجماعه انا رايحه الشركة بعداذنكم
محمد......: ماشي يا حببتي بس متتاخريش
ندى......: حاضر يا بابا
ثم التقطت مفاتيح سيارتها وهاتفها وغادرت الى الشركة..... بينما زياد انهى من طعامه واستاذن وغادر هو الآخر
محمد....: إياد انت لاقيت سكرتيرة
إياد......: ايوة يا بابا لسة هتفق معاها
محمد....:ماشي
ثم استأذن وغادر الى الشركة
نغم......: انا رايحة الجامعه باي
نورا......: رايحة فين ياختى انتى ناسية ان النهارده خطوبك والمفروض متخرجيش
نغم.....: بس.....
قاطعتها نورا.....: مبسش مفيش جامعه النهارده
محمد.......: عندها حق يا نغم اسمعى الكلام.. يلا بينا يااحمد
احمد.....: يلا
ثم غادروا الى الشركة
سهام.....:عليكى قلبة وش يا نغم ربنا يعينك يا مراد
نورا.....: يلا ياختى متقلبيش بوزك ورانا حاجات كتيره
نغم....: يلا
نورا.....:اُمال فين مى وحمزة
سهام.....:لسة نايمين يلا بينا
ثم صعدوا الى اعلى لتجهيز نغم
______________________
ركب إياد سيارته وغادر الى الشركة دلف الى
الشركة بكبرياؤه وغروره المعتاد كل من حوله
يتهامسون عليه ثم اكمل طريقه ولم يعايرهم اي
اهتمام..دلف الى مكتبه والتقط هاتفه وقام
بالإتصال على ليان وجاء الرد
ليان.....:الو
إياد......:ازيك ياليان
ليان......:الحمدلله وانت
إياد.......:الحمدلله
إياد.......:ليان انتى بتشتغلى
ليان......:لا مش بشتغل
إياد.......:طب بقولك ايه رأيك تيجي تشتغلى معايا وتكونى سكرتيرتى
ليان......:ماشي
إياد......:خلاص تمام انا دلوقتي فى الشركة اية رأيك تيجى دلوقتي علشان اعرفك على الشغل
ليان......:خلاص ماشي نص ساعه واكون عندك
إياد.......:اوك هستناكى سلام
ليان......:سلام
ثم اغلق معها وجلس يتابع عمله وينتظرها
____________________
دلفت ندى الى الشركة بأنقتها وجمالها الفاتن
وكل من حولها ينظرون إليها بجرأة ووقاحة ولكن
لم تعايرهم اي اهتمام ودلفت الى مكتبها.....
دلف زياد الى الشركة بكبرياؤه المعتاد ولكن
عَكس إتجاهه وذهب الى مكتب ندى دلف ولم يطرق الباب
ندى بحدة......:مش المفروض تخبط قبل ماتدخل
زياد بإستفزاز.......:واخبط لية مش مكتب مراتى
ندى بعدم اهتمام وهى ممساكة بملف.....:عايز ايه
اخذ منها الملف والقى بعيداً وقال......: لما اكون بكلمك تسيبى اي حاجه فى ايديك وتبصيلى
ندى بإستفزاز......:اهو ركزت ممكن تقولي عايز ايه وتخلص علشان مش فاضيه عندى meetingبعد شويه
زياد......:النهارده خطوبة نغم ومراد عايزك
تلبسي حاجه محترمه فاهمة ولو لاقيتك لابسة
حاجه مبينة جسمك هتشوفى وشي التانى يا ندى
ندى بحدة وهى تشير بسبابتها....:اسمع انا
محترمه غصبن عنك وملكش دعوه البس حاجه
مبينة جسمى والا لا انا حرة وياريت تتفضل علشان مشغوله
جذبها زياد من يدها لتقف امامه ثم قال
بشراسة......:اسمعينى كويس جسمك شعرك كل
حاجه فيكى تخصنى فاهمة وزى ماقولتك البسي
حاجه محترمة علشان متشوفيش حاجه متعجبكيش سلام يا مراتى
ثم غادر الى مكتبه ونظرت الى ان اغلق الباب
وزفرت بضيق ثم قالت بخبث.....:مش انت
عايزنى البس محترم حاضر يا زياد هلبس بس
بردو دا ميمنعش انى ممكن اعصبك بطرقتى
ثم ابتسمت وجلست تتابع عملها
_____________________
دلفت ليان الى الشركة وهى مرتدياً شورت چينز
وتيشرت ابيض قصير يصل لفوق خصرها وكوتش
ابيض وتاركة العناءلشعرها اخبرت موظفى الأمن
على مكتب إياد شكرته وجاءت لتصعد الى مكتبه
اصتدمت بجسد عريض وجاءت لتقع امسكها
الشخص من خصرها..فى ذلك الوقت كان زياد
غادر الى اسفل وجد هذا المنظر كور يده وابيضت
مفاصله وعينه يتطاير منها شرار ثم قال بحدة.....:لياااااااان
انتفض كلاً من ليان والشخص على صوته ذهب اليهم إياد وقال بغيرة.......:انت مين
الشخص......:انا حمزة مدير الحسابات
إياد......:طيب اتفضل يلا
غادر حمزة وهى يسب ويلعن هذا الاحمق الذي
يُدعى اياد....بينما جذب إياد ليان من يدها وصعد
بها الى مكتبه كادت ان تقع اكثر من مره ولكن
تحكمت بتوازنها دلفوا الى مكتب إياد صافعاً الباب خلفهم
ليان بغضب......:انت ساحب جاموسه وراك فى ايه
إياد بحدة......:انتى ليكى عين تتكلمى بعد اللى شوفته تحت
ليان بحدة......:احترم نفسك معايا وبعدين شوفت ايه تحت كنت هقع وحمزة مسكنى مش اكتر
إياد.....: صوتك ميعلاش عليا تاني... وبعدين
تعالى هنا ايه اللى انتى لابسة دا ممكن اعرف
ايه دا انتى فاكرة نفسك لسة فى لندن
ليان.....:انت فاكر نفسك مين اصلاً علشان تتحكم
فيا وفى لبسي انت اخو صحبتى وبس...واه
صحيح طلبك منى للجواز مرفوض ووظيفة
السكرتيرة كمان بعد اذنك
جاءت لتغادر جذبها اليها اصتدمت بصدره العريض
شهقت بخجل عندما وجدت انها بحضنه
إياد بصوت عالي.....:سمعيني كدة قولتى ايييييه
هو اييييه دا اللى مرفوض...اسمعينى كويس اوى
انتى كدة كدة هتتجوزينى بالذوق بالعافية
هتتجوزينى فااااااهمة انتى ملكى انا ومحدش
هيخدك منى واعملى حسابك هاجى انا واهلى
الاسبوع الجاي علشان اخطبك ولو رفضتى
صدقيني هتندمى اوى يا ليان
ليان بخوف وقد اوشكت على البكاء.....:ايدي وجعتني لو سمحت سيبنى
ترك إياد يدها وقد تطلع اليها وجدها حمراء بشدة
كانت تؤلمها اشفق عليها كثيراً وهو يراها تبكى بهذة الحالة
إياد.....:احم انا اسف يا ليان متزعليش منى
اتجننت لما شوفتك فى حضنه مقدرتش امسك
نفسي انا من غيرك ممكن اموت... مش مستحمل
فكرة انك ممكن تبعدى عنى ارجوكى متزعليش
ليان وهى تمسح دموعها بطفولة.....: خلاص يا
إياد حصل خير...دلوقتي ممكن تقولى تفاصيل شغلى
إياد.....:حاضر ياستى اقعدى
جلست ليان وبدأ إياد يشرح لها كل شيء خاص
بعملهم
___________________
انهت ندى عملها وذهبت الى القصر ولم تجد احد
علمت انهم فى غرفة نغم...صعدت الى غرفتها
القت حقيبتها على الفراش ودلفت الى الحمام
وخرجت ارتدت فستان طويل يصل لقدميها باللون
الاسود بدون اكمام تركت العناء لشعرها وارتديت
جزمة بكعب سوداء بكعب عالى ووضعت مساحيق
التجميل وغادرت الى غرفة نغم طرق الباب ودلفت
ندى.......:الف مبروك ياقلبي
نغم......:الله يبارك فيكي ياحب تعالى يلا حطيلى ميكب
ندى......:عيونى
ذهبت ندى اليها وضعت لها مساحيق التجميل
وارتديت نغم الفستان وكانت جميلة بفستانها
البصلى يوجد به فتحة من الظهر قصير يصل
لفوق ركبتها وجزمة بلون الفستان وتركت العناء لشعرها
نورا......:بسم الله ماشاءالله ربنا يحفظك ياحببتى
ندى......:طول عمرك قمر زى اختك
سهام.....:قمر ياحببتي ربنا يسعدك تعالى معايا يا نورا عايزاكى
نورا......:حاضر
ثم غادروا الغرفة وجلست ندى مع نغم لإحتياجها لشئ
__________________
دلف زياد الى القصر وجد والده وعمه جالسون
زياد......:السلام عليكم
محمد واحمد.....:وعليكم السلام
زياد......:هى ندى جات
سهام وهى تنزل من اعلى......:اه يا حبيبي
زياد......:طب هى فين علشان عايزها
نورا......:فوق مع نغم بيجهزوا
زياد......:طيب انا هطلع اغير هدومى...اه صحيح مراد لسة مكلمنى وقالى انهم جايين فى الطريق
محمد......:ماشي ياحبيبي اطلع انت
صعد زياد الى غرفته يود ان يرى ندى هل تجاهلت
حديثه ام لا يريد معاقبتها اذا تجاهلته.. تشوق بشدة
ليراها هو يعلم انها شديدة الجمال اذا ارتدت اى
شئ سيكون مميز عليها زفر بضيق ثم دلف الى
الحمام وخرج ارتدى بدلة سوداء وكرافت وجزمة
سوداء ومشط شعره ووضع عطره الفاخر وغادر الى اسفل
دلف إياد الى القصر ومعه ليان قد دعاها لتأتى
معه..استغرب الجميع ولكن لم يتسالوا الى ان ينتهى الحفل
دلف مراد الى القصر بصحبة والدته ووالده واخاه
رحبوا بهم بشدة ثم جلسوا
صعدت نورا لإخبار نغم انهم قد أتوا.. غادروا الى
الاسفل نغم بصحبة ندى ونورا
انبهر الجميع من شدة جمالهم الاكثر من
آخذ...جلست نغم بخجل بجوار مراد بينما جلست
ندى بجوار نورا ولم تعاير زياد اي اهتمام زفر
زياد بضيق كور يده عندما وجد هذا الابلة يتطلع
اليها اسودت عينه ولكن تحكم بنفسه اراد ان
يكسر عظامه لتطلعه على زوجته بهذا الشكل
عمرو"والد مراد".....:احنا يشرفنا ان نطلب ايد
الانسة نغم الى ابنى مراد
محمد......:الشرف لينا طبعا مراد زى ابنى واحنا
مش هنلاقى حد مناسب لبنتى غيره
عمرو......:ربنا يخليك يبقى نقرأ الفاتحة
محمد.......:على خيره الله
انتهوا من قراءة الفاتحة وجلسوا ليتعارفوا اكثر
ولكن هناك من قطع هذا الحديث
حسن"اخو مراد"......: بعد اذنكم انا طالب ايد الانسة دى
اشار بيده على ندى
مراد بصوت منخفض......: الله يرحمك كنت طيب
جذبه زياد من تلابيب قميصه وقال زياد بحدة....: طالب ايد مين يا روح امك
حسن.....: هو انا قولت حاجه غريبة بقولك عايز اطلب ايد الانسة دى
ذهب كلاً من محمد واحمد وإياد ومراد ليجذبوا منه قبل ان يقوم بقتله
محمد......: اهدى يا بنى مش كدة
حسن......: هو انا قولت حاجه غريبة يا جماعه
زياد.....:اللى انت بتطلب ايديها دى تبقى مراتى ندى العراقى
صدم حسن من حديث زياد وانحراج كلاً من عمرو وابتسام "والدة مراد"
عمرو بإحراج......:احم معلش يابنى حسن ميعرفش صح ياحسن
حسن بحقد.....:ايوة يابابا
محمد لتهدئة الجو......:خلاص ياجماعه حصل خير
اتفضلوا اقعدوا ثم جلس الجميع ولكن اقسم زياد
على عقابة ندى عقاب شديد انتهى الحديث
وحددوا ميعاداً للزفاف وغادروا عائلة مراد بينما
صعد الجميع الة غرفتهم
