رواية عشق مابعد الطلاق الفصل الثاني والعشرون بقلم ساره فاضل
ابو سجاد
صعدت وياريتني ماصعدت بتي امدده وحاله مثل حال الميت جثه ومغطايه ماصارله سبوع من اجت البغداد شبسرعه سوو بيه هيج ام رضا صعدت وراي
شافت ناي وكامت تلطم ع خدوده وتصيح
ام رضا
انا امك يارضا ولكم ياضلام شمسوين بالبنيه شبيه ليش هيج حاله البنيه جانت ورده مفتحه شبيه شجراله
رفل
والله مبيه شيء البنيه بنيته ضعيفه ومتحملت الزواج وتعبت واحنه جبناله دكتوره للبيت جيكت وضعه وكالت هليومين وترجع ورده مفتحه
رفل
لاعمور اترجاك لاتقرر هيج قرار قبل لاتسمع من البنيه والله ماكو شيئ يستدعي تطلع من بيته 3يوم عرسه شتكول علينه العالم
5 ت
ابو سجاد
اذا اضل ع حجي العالم بتي تموت وناي انه ابوه واعرفه المرض عمره مايوصله لهيج وضع البت مضيومه
انه هسه راح اخذه بس الي غير حجي وياكم يالاجاويد واخيتي ااااخ يااخيتي جنت شايفه بعين الجبيره بس طلعت مابيه رجمه مثل النسوان وماحنت ع اليتيمه الاطيته بمهر قرآن وكلت هوه اليحميه بس اريد كلام الله اليضر كلمن ضر بتي
3 ت
ام قيصر
صعدت وره اخوي وسمعته شيحجي لطمت ع وجهي ملخت روحي دخلت ع الغرفه وطحت علي وجلبت بي
وكتله
خويه والله مابيه شي مجرد سوئ فهم هيه ورجله وتصدك اني اضر ناي ولك خويه ناي بنتي المجابته بطني
ابو سجاد
والج عين وتحجين انتي هم يتصدك بحجيج لوبحلفانج ولج اجيتيني وحاجيتيني فرد احجايه كتلج كبعيه واخذيه وماعزيته عليكم وحته مهر مااخذتله ولاوديت وياها احد مثل العرايس كلت ماحاجه هناك عمته بمثابة امهه بس انتي بيمن جازيتيني كليلي بيمن
1 ت
ام قيصر
خويه فدوه صدكني ماكو من الحجيته وتكعد ناي واساله خويه لاتتسرع وتاخذ البنيه
1
ابو سجاد
ام رضا خويه همي ايدج بعد مااكدر اضل بهلبيت اختنكت
ام رضا
هلخلصت خويه خلصت خابر ع سياره الاجينه بيه خل يجينه بسرعه بين مااجهز ناي والبسه
رفل
بس عموو
وخابر ابوسجاد السياره ودقايق واجه الولد بالباب لف ناي بالفرشه الجواها ونزل. شايله بي مابي
لان ناي جانت بالاصل ضعيفه ومنا المرض صايره بكد الطفل نزله اتلكا ابو قيصر
ابو قيصر
صدك جذب خويه هاي مامقبوله منك تاخذ مرت ابني بدون حته متسمع منه ولامن رجله هاي الاصول يبو سجاد
4
ابو سجاد
هاذا الحجي ماينحجي هناا خل نوصل ويحله الحلال ونشوف شنو الحجي المامقبول يااااا ابو قيصر
ام قيصر
امروتك خويه رجعه لاتاخذه واشمت بينه الناس خويه خليه فدوه اروحلك
ابو سجاد
وووخررري وخري ولج كله منج وانه كدام هاي الناس كله متبري منج ولاانتي اختي ولااعرفج
14 ت
رفل
اخذو ناي للسياره ابوه وابو رضا كعدو كدام وهيه وام رضا بالوسط واغراضه ورا مددته ام رضا ع رجليه وناي بغير عالم بسبب المهدء الماخذته متدري بالدنيه
رجعت للبيت واني اصيح بيهم
انتم تضلون واكفين اخذوه السياره حه تتحرك كومو گومي عمه كوم عمو ولك قيصر تحرك شلون ياربيييي
ام قيصر
اويلي عليه شكول عليك يقيصر خربتني ويه اخوي هلواحد اباوع لله ثم اباوعله ساعة السوده الاخذتك للعماره وخليتك تشوف ناي اويلي يابه لحكلي راح اموت
3 ت
ابو قيصر
كله منج تستاهلين اليجرالج الف مره كتلج ابنج يفشلنه ويه الرجال ابنج مومال زواج كتيلي يتزوج ويستعدل وهاي النتيجه هاي شوف عينج صرنه كدام الرجال بكد القنادر كلمه مكدرنه ننططق لان صاحب حق والله وكفه ع بنته وكوف وجماله جيرانه وياا يعني الله وكف ع ضلم البنيه شهود دكليهه يم قيصر هاي صنايعج اتحمليه وضوكي من الكاس السكيتي الهم
قيصر
صعد خالي حته بدون ميرد السلام عليه شاف ناي واني ماعرفت اشاف لان ماسبق وشفته كبت العيطه فوك واني من خوفي وقهري ومستحاي احس الكاع اندارت بيه ووكعدت ع القنفه البلستقبال لحد ماسمعت خالي نازل وويا ناي وامي تركض ورا وتتوسل هيه ورفل طلعت بخطوات بسيطه وشفت الي شفته وخلاني اعذر خالي حقه هيج عصبي وحقه يهدد وحقه يتوعد البنيه الجانت ورده امفتحه جثه بيضه بدون روح ملفوفه بجرجف اسود وحجابه واكع من عليه وشعره متناثر بكل مكان حجه عمو عصام وامي واول مره اشوف خالي من الغضب طاكه شرايين وجه اخدوو ناي واني اباوع من الباب شفت خالي خلاه بالسياره واني بداخلي اكول
روح بوس رجله وخل يرجعه روح واعتذر عن فعلتك بس مااعرف ليش جن اكو احبال مسنسله رجليه
7
اباوع لرفل تركض وراهم وتتوسل وخالي مدايرله بال حركت السياره واجت رفل فاتت للبيت وهيه تجرجر بالكل عاد رجعت عليه وتحجي واني لاحول ولاقوه مااعرف شبيه ابويه تعارك ويه امي وامي تدك وتلطم ورفل تبجي ماعرفت شسوي مااعرف ليش لبيت خنكني صعدت بالكوه لغرفتي واني مالي نفس افوتله لان اتذكر جريمتي دخلت شفت الغرفه فارغه وخاويه جن مهجوره هوسه وريحة علاج ومحاليل كلش انزعجت منه غمصت عيني وتذكرت الغرفه قبل شكم يوم من جانت مثل الجنه كله مرتبه وكل مكان بيه حلو ولمسات ناي المحليات كلشي فتحت عيني ع واقعي رحت اخذت جنطتي وخليت بيه كل اغراضي وكتبي واوراقي وفلوسي وبدلت ملابسي ونزلت امي ورفل شافوني بس مسئلوني الكل جان زعلان مني
3 ت
ردت ارجع وابوس ايد رجل امي بس شفت الوقت ممناسب وامي منهاره طلعت من البيت واني مخنوك والحسره بصدري اذا اطلعه تفلش اجبال اخذت جنطتي ورحت بوجي ع المستشفئ دخلت ع دكتور سمير
السلام عليكم
د سمير
وعليكم السلام اهلآ ابني شجايبك اليوم موعساس اسبوع اجازه اخذت
قيصر
اريد استئنف الاجازه دكتور
د سمير
خير ابني صاير شي مصارلك يومين متزوج وتستئنف انته نسيت الاسبوع الجاي عندك سفر يعني يمته تلحك تشوف اهل بيتك
قيصر
ميخالف دكتور اني اريد ارجع لدوامي وارتب اموري قبل السفر
د سمير
واني كلت ماكو دوام ويلا شوفني طولك الحلو وكبل لبيتكم يم عروستك
قيصر
طلعت واني محتار وين اروح دوامي اجازه والبيت طلعت منه ماكو غير الشقه التركته سمر
طلعت اباب المستشفئ وشفت حسين جاي من الطوارئ
1
هلوو حسين شلونك
حسين
صدك تحجي قيصر تجذب من البارحه لليوم اتصل بيك ومغلق ليش قيصر ليش هاي عمله تسويه باهلك البارحه لكيتهم مختبصين وميعرفون شيسون
شبيك قيصر انته بوعيك متاكد ماتخبلت
الا هاي عملتك ميسويه دكتور وواعي ومثقف الله عليك شخليت للهمجي وللأمي
قيصر
خلصت
حسين
شنو؟
قيصر
تعبت من الكلام حسين خليني ارتاح لان مجاي استوعب الجاي يصير وياي مااعرف شنو الاسوي حته اطلع من هاي الدوامه مااعرف
حسين
اليوم بليل اجيك واريد اكلك بموضوع مهم عرفته من اسبوع بس مجنت ناوي اكوله لان محسبالي بهاي الاهميه بس من عرفته واخذت معلومات كافيه صار لازم اكلك
بس كلي وين الكاك
قيصر
بشقة المنصور القديمه الجنه نقرا بيه
حسين
ماشي
قيصر
طلعت من المستشفئ بوجهي ع الشقه مااعرف راح اكدر اكعد بيها لولا لان بيها ذكرياتي اني وسمر لمن جنت اوصله لومن جنت ادزله المسواگ لومن اخذله الكيك والحلويات التحبه وبالكوه تفتح الباب. وجنت اتوسل واخابر حته اتتخليني اشوفه ولو شويه وضحكنه وشقانه مااعرف مااعرف
4 ت
وصلت للبنايه نزلت ونزلت جنطتي صعدت للشقا لكيته فارغه كلشي مابيه بس زوليه قديمه وكرويته ومكتبه بيه كتب طبيه وشكم ملزمه وسنك وميز طعام زغبر قديم فتحت الشبابيك وكعدت مااعرف شسوي الشقه بارده ثلج نزلت اخذتلي صوبه من المحلات الجوه وخليتهم يعبولياها نفط كالو اصعد فوك وشغله وخذتلي غلايه وطباخ ليزري ابو العين وشكم ماعون ع شكم خاشوكه وكلاصات لان سالفتي مطوله منا للسفر الف حلال يحله والسفر دائمآ يتاخر يكولون سبوع يصير شهر خذتهم وصعدت خليت الاغراض ع الميز الخشب البصف السنك وشكلت الطباخ بالكهربائ ورتبت كلشي بمكانه وتذكرت الصوبه بيمن اعلكه كلت خلي اخلي ورقه ع الطباخ اليزري اول متحترك اشغل الصوبه بيه رحت للمكتبه واخذت ملزمه اخذت منه ورق عاد من رجعته لمكانه فلتت الرف ووكعت الكتب بالكاع وصارت هوسه عادمدرت بال رحت علكت الصوبه وخليته بالبالكون تدخن ورجعت الم الكتب جان اصفط كلشي بمكان الا كتاب طبي مكتوب علي بقلم احمر يمر محمد جذبني الكتاب وفتحته اتصفحه جان اله ورقه بداخله اخذني فضولي افتحه
مكتوب بالورقه
رساله جايه لسمر من وحده اسمه همسه وحسب الكلام هيه اخته
الرساله
هلووو سمر شلونج اختي شخبارك يااختي وين صفه بيج الوكت ماصدكتي تروحين للبصره نسيتينه ونسيتي امج وابوج من يوم الرحتي وامي بس تبجي عليج كلتي راح اروح ادرس بالبصره وكل شهر اجي يومين وخاي الج سنتين مالج خبر احمد الله اليوم شفت ام وسن وحلفته تدز هاي الرساله بيد وسن ووين متشوفج تنطيجياها لان يااختي العالم اكلت وجوهنه وحجي العالم اشكال تعالي وخل الناس تشوفج ويشوفون وين وصلتي ورفعي راس اهلج ليوين تضلين مستعره من عدنه ومن ضروفنه امج وابوج كبرو وابويه مريض بين الحيه والموت وضروفنه يوم عن يوم جاي تسوء اكثر وانتي دكتوره اكيد الج راتب تكدرين تعينين امي وابويه تالي عمرهم وتوفريلهم علاج واذا علبنه يااختي منريد منج شي الحمدالله احنه نشتغل ونعيش رواحنه تعالي سمر تعالي
4 تعليق
قيصر
قريت الرساله واني قبق راسي طار من كمية الجذب الجنت اسمعه من عده وجانت تكول أهله بس هيه عدهم وماتو بانفجار وحجي هواي هواي اجئ حسين ابالي وكلت اخلي يجي يشوفلي هلمصيبه
الو
حسين تعال بسرعه
حسين
شصاير فهمني
حسين
هسه بس ابدل ويه دكتور محمد اجيك
حسين
خابرني قيصر وهوه مااعرف شبي بدلت ويه زميلي وطلعت بسرعه ورحت لمكان سكن قيصر
هاا قيصر سلامات
قيصر
لزم الرساله وانطاها اله
هااك اقرا وشوف
حسين
من بعد ماقرا الرساله الحمد لله وكع نص الحمل من علئ ضهري هاذا الموضوع الجنت ناوي اكلك ياا بس ماجنت اعرف شلون افاتحك بالموضوع
قيصر
شتفاتحني اني لومالااكي هاي الرساله بكتابه مستحيل اصدك
حسين
الله ميقصر قيصر
سمر نصابه ولازم تعرف شنو الوراها وبااسرع وقت حته ترجع لوعيك لان انته وضعك موطبيعي ومااستبعده من سمر مسويتلك شيئ
قيصر
وراي حسين
حسين
وين قيصر فهمني
قيصر
البيت وسن هناك نلكه سمر
ورحنه لبيت وسن جان بدربونه ضيكه وشبه مگطوعه وبعيده دخلنه للمنطقئ وسالنه كالو بنهايته الشارع وصلنه للباب ودكينا
طلعت وسن
وسن
ق ق ق قيصر
اهلآ وسهلآ
قيصر
وين سمر
وسن
هااا سمر ما،،مااعرف ماعرف
حسين
شبيج متوتره دكتوره اكو شيء
وسن
لاا شنو متوتره بس سمر طالعه
سمر
منووو وسن منووو بالباب
حسين
طالعه موو
سمر
قيصررر
،،
