رواية أسرار الهاربة الفصل الثاني والعشرون
سما كانت نايمة هى وراضى
وكان تليفون راضي بيرن كتير
صحى راضى ورد على التليفون
صحيت سما وسمعته بيتكلم عن حد مات
سما بقلق مين مات
راضي بصلها بتوتر
سما قولى مين مات
راضي مسك ايديها بحنان خالك الله يرحمه
سما بصدمة إيه خالى مات
راضي أيوة واتصلوا بيا عشان نحضر الدفنة والعزا
سما بحزن الله يرحمه
راضي طيب يلا قومى بسرعة لمى الشنط عشان نسافر
قبل ما يدفنوا
سما بهدوء حاضر
راضي بصلها ومستغرب وبيكلم نفسه دى منزلتش دمعة من عنيها
بعد مشوار طويل وصلوا وحضروا الدفنة والعزا
سما قاعدة في الميت مع الستات فجأة شافت صاحبتها هدى
ابتسمت بحزن
هدى قربت منها بسرعة وحضنتها جامد الباقية في حياتك
سما حياتك الباقية
هدى وحشتني اوى يا سما عاملة ايه طمنينى عليكى
سما الحمدلله وانتى كمان وحشانى
هدى عاملة ايه مع جوزك بيعاملك كويس
سما هزت راسها
هدى تلفونها رن وكان جوزها
هدى معلش همشى شكل جوزى طلع بعد ما عزا انتى هتباتى ولا هتروحى
سما مش عارفه لسة
هدى طيب لو هتباتى عرفينى عشان اعدى عليكى
سما ماشى وسابتها ومشيت
خلص العزا والناس مشيت
طلع راضي هااا مش يلا بينا بقى
سما حاضر
وخرجت سما وراضي
راضي مالك يا سما
سما مافيش حاجه
راضي ازاى مافيش حاجه انتى مش شايفة نغسك ساكتة على طول ازاى سما بجد مافيش حاجه أنا مصدعة شوية
راضى معلش اليوم كان طويل وجاين من سفر على الترب على العزا
سما هزت راسها
راضي أما نروح تاخدى مسكن وترتاحى شوية والصبح هتبقى زى الفل
سما ماشى
وروحوا. وفعلا خدت مسكن ونامت من التعب
راضي صحى وساب سما نايمة براحتها
وخرج وعمل قهوة وقعد يكلم نفسه يا ترى هتفضل معايا ولا بعد اللى حصل هتسبنى ماهى لو سبتنى يبقى معاها حق مافيش واحدة تقدر تعيش معايا وفجأة اتحول لواحد تانى بقى يكلم نفسه بعصبية
دى لو فكرت تسبنى أنا هموتها واشرب من دمها إزاى تسبنى بعد كل اللى عملته عشانها مش ممكن ورمى السيجارة اللى فى ايده ودخل اوضة النوم وقف يبص لسما وهى نايمة قعد جمبها قعد يحسس على شعرها بحنيه ومسك ايديها وباسها
راضي فضل قاعد جمب سما لحد ما صحيت
سما أول ما شافته اتعدلت بسرعة
سما أنت قاعد كدا ليه
راضي بابتسامة الناس الحلوة تقول صباح او مساء الخير
سما اتنهدت صباح الخير
راضي إيه مش هتقومى عشان تاكلى بقالك كتير نايمة
سما ماليش نفس
راضي لأ لازم تقومى عشان تاكلى ومسك ايديها
سما طيب أنا هقوم
راضي ماشى يلا قومى أنا مكلتش من امبارح يلا يا حبيبتي عشان ناكل بقى
سما حاضر وقامت
قعدوا ياكلوا
سما كانت ساكتة
راضي بصلها مالك يا سما ساكتة ليه
سما مافيش حاجه
راضي بصلها وسكت
طول النهار سما قاعدة ساكتة وراضى شويه يكلمها وشوية يسكت لحد ما جاله تليفون من واحد صاحبه
راضي بعد ما خلص التليفون
راضي بقولك ايه أنا هخرج رايح مشوار
سما هتروح فين
راضي مشوار هقابل واحد صاحبى
سما يعنى هتخرج وتسبنى لوحدى
راضي قرب منها انتى خايفة ولا ايه
سما بصتله هتتاخر
راضي خدها في حضنه متخافيش مش هتاخر نص ساعة واكون هنا وانتى اتسلى بالتليفزيون وممكن تعملنا عشا حلو ذيك كدا وضمها لحضنه
سما وهى فى حضنه سرحت
راضى روحتى لفين
سما مافيش حاجه
بس متتاخرش عليا
عشان مش عايزة اقعد لوحدى
راضي ابتسم وباسها وخرج
قعدت سما لوحدها
تفكر ياترى ايه اللى بيحصل لراضى وهو معايا دا أنا مش مصدقة نفسى
اوووف أنا زهقانة اوى أما اقوم أعمل الاكل قبل ما يجى
وفعلا شغلت نفسها في الاكل والبيت
بعد حوالى ساعة راضي رجع لقى سما منضفة البيت وعاملة الاكل
وكانت قاعدة قدام التليفون وهى لابسة طقم حلو ومكياج جميل
أول ما دخل إيه الجمال دا كله
سما ابتسمت
راضي الحلوة رايقة خالص
سما الحمدلله
راضي قوليلى عملتى ايه من ساعة ما مشيت
سما ولا حاجة
قعدت انضف البيت وعملت الاكل
راضي أيوة بقى هناكل احلا اكل من أحلا واحدة في الدنيا وضمها لحضنه وشوية قبلات مبعثرة
ودخل يغير هدومه
راضي من اوضة النوم حضرى الاكل يا سما
سما حاضر ودخلت المطبخ تحضر الأكل
وهما قاعدين بياكلوا
سما قاعدة سرحانة
راضي مالك سرحانة في ايه
سما هو انت مش ناوى تشتغل
راضي باستغراب أشتغل
سما أيوة تشتغل
راضي أشتغل ليه هو أنت عوزتى حاجه وأنا قولتلك لا ولا معايش فلوس
سما لا مش كدا
راضي ساب الأكل وقعد بعيد عنها اومال إيه
سما قربت منه أنت بتجبلى كل حاجه ومش مخلينى عايزة حاجة وعارفة أنك معاك فلوس كتير بس أنا قصدى ممكن نعمل مشروع نشتغل فيه سوا بدل القاعدة دى
راضي باستغراب مشروع
سما ااه مشروع
راضي مشروع مشروع إيه أن شاء الله
سما قربت منه وقعدت جمبه اسمعنى بس يا حبيبي ممكن نعمل مشروع مثلا محل مكياج
او محل لبس للستات عبايات مثلا أى حاجة زى كدا
راضي بيبصلها وساكت
سما مالك ساكت ليه
راضي مسك ايديها اصلك قولتى حبيبى من غير ما اطلبها منك
سما بصتله بكسوف
راضي انتى بتحبينى بجد
سما اتكسفت اكتر
راضي قولى بتحبينى
سما بكسوف ااه بحبك ولو سمعت كلامى هحبك اوى أوى
راضي بانفعال يالهوى ياما وخطفها في حضنه وقبلات مبعثرة وشدها على اوضة النوم
وطفى النور
سما ولعت النور استنى
راضي استنى إيه يا بت بعد ما جننتني
سما ابتسمت قولت إيه في موضوع المشروع
راضي بعدين بقى
سما لا قولى الأول
راضي بص في عيونها انتى تؤمرى وأنا انفذ
سما بفرح بجد موافق
راضي أيوة موافق
سما حضنته من الفرحة
راضي ضمها جامد وطفى النور
وكانت ليلة طويلة على سما
