رواية معشوقتي المجنونة الجزء الثانى الفصل الثانى و العشرون بقلم ابتسام محمود الصيري
في الكافيه
ابراهيم بص ل الحارس : اتأكد انه مات و لو مامتش موته
*********
رنا واحد شالها و بيطلع بيها شافت عمرو بيقع : عمرو ، عمرو سيبني ارحله ، و فضلت تضرب الراجل و تخربشه
و جتلها صدمه عصبيه و صوتت جامد
الحارس راح حس نبض و دقات قلبه لقاه مات ، بص ل ابراهيم مات يا باشا
ابراهيم بعصبيه : يالا بسرعه نمشي من هنا
*************
اسعاف دخلت اخدت عمرو
في كيس اسود
مهيمن وصل الكافيه و معاه فريق : هتروح ع فين ؟
ابراهيم : خير يا باشا هو انتم موراكمش شغله غيري
مهيمن اخد منه الشنطه : لا ان شاء الله بعد دلوقتي هيبقى ورايا غيرك و فتح الشنطه لقاها فاضيه
و بص حواليه يدور ع سوزي مش لقاها
مهيمن رمى الشنطه و ضم ايده جامد و بصله بحده
ابراهيم ضحك
مهيمن بهدوء و حده : افتكر ان الدنيا صغيره و هتقع تحت ايدي يا مان
مهيمن انسحب ب رجالته
*********
عند اللي اخد رنا
احمد اتصل ع مهيمن ب اللاسلكي : كابتن البنت اللي اخدتها من الكافيه بتصوت جامد و بتكسر في العربيه و بهدلتني
مهيمن بعصبيه : هجيلك و ساب اللاسلكي و عمل مكالمه
*******
في الاسعاف
دكتور : ايوه يا كابتن
مهيمن : اديني عم كازانوفا
فلاش باك
مهيمن اول ما حس ان ابراهيم كشف عمرو و كان هيقتله امرالقناص بقتله
الرصاصه دي عباره عن سن رفيع و اخره حاجه عريضه فيها سائل بتوقف القلب و النبض لمدت ٣٠ دقيقه
اول ما اخدوه في الاسعاف ادوله حقنه فاق بيها
باااك
عمرو بدوخه : الو
مهيمن بحده : انت متخلف يالا
عمرو يقوم من ع سرير الاسعاف : كابتن رنا فين
مهيمن قفل في وشه و راح ل رنا لقاها مهيبره خالص بعد عنها و اتصل ع كرم
كرم : ابو نسب
مهيمن : كرم رنا مهيبره خالص
كرم بقلق : فهمني حصل ايه
مهيمن قاله ع الموضوع
كرم هاتها المستشفى بسرعه قبل ما يجيلها انهيار عصبي
مهيمن : تمام و قفل الفون و راح ل رنا
********
عند كرم
مريم برقه : هسيبك باين عندك شغل
كرم بصلها : دي رنا صاحبة نايا ، ايه رأيك تتكلمي معاها انتي
مريم بقلق : بس انا لسه في سنه اولي ، بلاش يا كرم
كرم : بس انا واثق في فراشتي انها هتقدر ، و غير كده نفس الحاجه اللي لسه مذاكرها ليكي
مريم : خليني مره تانية
كرم : شكل تلميذتي مافهمتش الدرس و كده يدل ع فشلي
مريم : لا طبعا فهمت جدا
كرم : يبقى نطبق
مريم هزت راسها : اوك و انا مش مسئوله لو البنت حصلها حاجه
كرم ابتسم : هتبقى زي الفل
********
عند مهيمن وصل ل رنا امر الحارس يفتح باب العربيه
اول ما الباب اتفتح كانت هتنزل مهيمن مسكها : رنا اهدى
رنا : اوعى سيبني اروح لعمرو
مهيمن : طيب اهدي و بص ل احمد يسوق العربيه و قاله ع المستشفى النفسيه و العصبيه
******
عند نايا
مشيت كتير جرحها بيزيد كل ما تفتكر ان حته من مهيمن ملك غيرها ، كانت بتتمنى تبقى هي و بس في حياته ، كان عندها امل يوم من الايام ان مهيمن يسيب ديرو ، قلبها بينزف ، مش قادره تتخيل ازاي هتعيش من غيره ، حست ان الدنيا بتضيق جدا لدرجة ان عضمها بيتكسر ، حتى الاكسجين حاست انه خلص من الدنيا بقت مخنوقه بصت حواليها لقت البحر اللى بياخدها عالم تاني ، كله بقى ذكريتها الحزينه المؤلمه مع كل موجه، لقته غريب مش هو ده البحر اللي كانت تعرفه ، امواجه عاليه و موجه بتطلع ع موجه صوته عالي و حزين كأن بيشاركها اوجعها : قالت بصوت مبحوح و بدموع :
انا اللي غلطانه ، انا اللي جيت ع نفسي من الاول ، ليه فضلت ماشيه ورا قلبي كل ده عشان حبيته ، و بصويت ليه تجرحني ليه دموعها تنزل تمسح وشها بعصبيه انا واثقه انك بتحبني بس ليه ليييييه ، عمري ما هقدر انسى حضنك انت هتبقى ليا زي ازازة البرفيوم الفاضيه هي فضيت لكن رحتها فيها ، راحتك هتبقى معايا حبك هيفضل ياكل في قلبي لحد ما امووت
""مهما اوصف حزنها صعب انى اخد وجع و الم من دقات قلب ميعرفش الا الحزن و الاسى و المرار و احوله لمجرد كلام بحبر ع ورق""
*********
عند مهيمن
وصل المستشفى اتصل ع كرم : كرم انزلها مهيبره خالص
كرم : ثواني و هكون عندك قفل الفون و بص ل مريم مستعديه تستقبلي اول حاله عندك
مريم تهز راسها ب اه
كرم يمسك ايدها يبوسها و ياخدها و ياخد ممرضتين معاه و ينزلو
مريم اول ما قربت للعربيه لقت بنت بتصوت جامد و احمد اللي سايق وشه بيجيب دم و دراع مهيمن كله دم
رنا بصت ل كرم : انت متأكد عايزني اعالج دي
كرم هز راسه ب اه و فتح باب العربيه رنا نزلت تجري مسكوها الممرضات و طلعوها
مهيمن : اوعى تعاملها بعنف
كرم بص ع مريم : قول ل اختك
مهيمن بصلها و ابتسم
مريم حضنت اخوها : وحشتني
مهيمن بحب : و انتي يا حبيبتي ، خلي بالك منها و من نفسك
مريم برقه و قلق : دعواتك يا ابيه
مهيمن : ربنا يقويكي يا اجمل دكتوره ، هاسيبكم انا عندي شغل ، اي جديد كلمني
كرم : اووك
مهيمن اتحرك و كلم نضال قاله
نضال بحزن ع حالها : البنت دي صعبانه عليا ، بس هي مالها و مال عمرو
مهيمن مرضيش يقوله اللي عمله عمرو اكتفى بقول : كان فيه بنهم اعجاب
نضال بتأثر : طيب عمرو فعلا مات
مهيمن : مش شغلك يا نضال و قفل الفون
**********
عند رنا
مريم قربت ل رنا و بصت ل كرم اللي مربع ايده و بيبصلها : اديها حقنة مهدئ
كرم : احنا هنغش
مريم : معلش المره دي و بس
كرم هز راسه ب اه
مريم سحبت الحقنه و الممرضات ماسكين رنا مريم ادتها الحقنه
رنا فضلت تعافر شويه لحد ما نامت
كرم بص للمرضات : ريحيها ع السرير اول ما تفوق بلغيني
مريم : انا هفضل معاها
كرم : اووك ، لو حصل اي حاجه كلميني
*******
عند نضال
مرضيش يقول ل ويزو عشان متزعلش و هي حامل و تتعب ، كلم فوزي و قاله
فوزي زعل عليها ، عرف مكانها و نزلها
*****
عند دانيه
بتأكل توتا
توتا بدموع : لا مث هاكل انا عايزه ماما
دانيه بهدوء : ما انا بحاول اكلمها مش بترد عليا
توتا : يبقى مث هاكل
دانيه : طيب الساندوتش ده بس
توتا : بث بقى مث هاكل
فادي يروحلهم و يمسك ساندوتش : طيب عشان خاطري يا ضحى
دانيه رفعت حاجبيها و قامت حطت ايدها في وسطها : و مين ضحى دي كمان
فادي يحط ايده ع شفايفه و يشاور ع توتا : هي مش ضحى
دانيه بغيظ : ده انت يومك مش معدي
فادي يبعد عنها : اهدي يا عيوني
دانيه بصوت عالي : ايوه بقى هي دي اللي بتخوني معاها اعترف
فادي يرجع ل ورا و بهزار : والله ابدا مش هي دي
دانيه بغيظ : و حياة ماما ، هما كام واحده
فادي بتركيز : يا حبيبتي اهدي البنت بتعيط
دانيه مسكت سكينه
فادي بصلها : انا واثق انك لسه عقله
دانيه تقرب عليه : لا انا بقا مجنونة و ستين مجنونة
فادي ينادي : يا حماتي تعالي الحقيني من بنتك
دانيه : مافيش حد هينقذك من ايدي يا خاين ماما روحت من بدري
توتا قامت راحت ل فادي حضنته و بصت ل دانيه : انتي نوتي امثي بعيد عنه انا هقول ل ماما تعاقبك
فادي حضن توتا : ايوه دي لازم تتعاقب النوتي دي
دانيه بغيظ : انا نوتي ماشي ماشي يا فادي والله ما هقعدلك فيها يا خاين يبتاع ضحى
فادي يناديها و هو مكانه : يا دانيه خدي بس اقولك ، و بص ل توتا مشيت الحمدلله
اتصل ع نايا و اخيرا ردت : نايا تعالي الحقي صاحبتك المجنونة كانت هتقتلني
نايا بصوت حزين : حصل ايه؟
فادي : كل شويه تحلم حلم و تقوم تقولي انت بتخوني
توتا بعياط : ماما تعالي خديني
نايا سمعت توتا : فادي توتة مالها
فادي : عايزاكي
نايا تقوم من ع السور بسرعه و تمسح دموعها اديهالي
توتا : ماما انتي فين؟
نايا وقفت تاكسي : توتة حبيبتي انا جيالك اوعي تعيطي
توتا بدموع : مث تتأخري هنا فيه طنط نوتي
نايا : مش هتأخر خالص هجيلك بسرعه
*****
عند مهيمن
وصل للمكان اللي فيه عمرو اول ما دخل ضربه بالبوكس
عمرو وشه طار و بقه كله دم : فيه حد عاقل يعمل اللي عملته
عمرو بحده : فين رنا؟
مهيمن : كنت هتموتها و تموت نفسك و لسه بتسأل عليها
عمرو بقلق وحده : فين رنا يا كابتن؟
مهيمن : في امان ، ممكن اعرف ازاي تتصرف كده و انت في مهمه
عمرو : انت عايزني اشوف حد بيلمسها و اسكت
مهيمن بعصبيه : كان لازم تسكت و تتحكم في نفسك اكتر
عمرو : ازاي يا كابتن انت تقدر تشوف نايا بيحصلها حاجه و تسكت
مهيمن بصله و قلبه وجعه : انا وجعت نايا وجع مفيش بني ادم يتحمله ، نايا مش زي اي بنت ، نايا بيزيد حبها في قلبي كل ثانيه ل تحملها كل اللي بيحصلها بسببي
عمرو : انا عايز اطمن ع رنا
مهيمن بعصبيه : انسى خالص انك هتشوفها لحد ما المهمه تخلص انت لازم تبان انك مايت
عمرو : انا مش هقدر لازم اطمن عليها
مهيمن بحده : ياريت نركز في شغلنا
عمرو بضيق : النهارده كان بيستلم تمثال عشان يسلمه مع باقي التماثيل
مهيمن : تمام اووي عرفت الميعاد
عمرو : بعد اسبوع الساعه تسعه في ".."
مهيمن : تمام سابه و لسه هيفتح الباب بصله
بحذرك يا عمرو اياك تنزل من هنا و سابه و طلع
عمرو حدف الكرسي جامد و راح ناحيت الشباك "ل اول مره قلبه يوجعه ع حد ل اول مره ميكونش ملك نفسه، نفسه يكسر الدنيا عشان يوصل ل البنت اللي غيرت عمرو بالكامل فضل يضرب ايده ع الحيطه جامد
******
عند فوزي
وصل المستشفى دخل قلقان وشه حزين ع بنته و سأل ممرضه : لوسمحتي فين الاقي بنتي رنا
الممرضه : اللي لسه جايه
فوزي : ايوه
الممرضه : اتفضل عند دكتور كرم هو اللي متابع حالتها
طلعو عند كرم خبطت ع الباب
كرم : ادخل
دخلت الممرضه و فوزي : الاستاذ بيسأل ع رنا
كرم : وقف اتفضل حضرتك
فوزي قرب عليه : هي بنتي مالها
كرم لسه هيتكلم لقى الباب بيخبط ، اذن بالدخول و كان نضال دخل سلم عليه
كرم : رنا ان شاء الله هتبقى كويسه بس لازم تقعد معانا ع الاقل النهارده
فوزي : هي حالتها ايه
كرم : عندها انهيار عصبي بسيط مش عايزك تقلق عليها
نضال قام : تبقى تطمنى عليها و بص ل فوزي قومه
فوزي : ممكن اشوفها
كرم : طبعا بس هي نايمه و وداه اوضتها
اطمن لما لقا معاها مريم و بتقرا ليها قرآن
*****
عند دانيه
نايا توصلها : ازيك يا فادي
فادي : طول ما صاحبتك ع زمتي هتموتني
توتا بفرحه : ماماااا جت هيييييه
نايا ميلت عليها شالتها : قلب ماما عامله ايه
توتا : زعلانه
دانيه طلعت من اوضتها
توتا تشاور ع دانيه : زعلانه من دي
دانيه تحضن نايا : شفتي بنتك بتقول عليا نوتي
نايا مكنتش قادره تسمع اي حاجه محتاجه هي اللي تتكلم و تطلع اللي جواها
نايا نزلت توتا خليكي مع عمو شويه
توتا : اوعي تسيبيني تاني
نايا : متقلقيش
و ميلت ع دانيه عايزه اتكلم معاكي لوحدنا
دانيه : تعالي اوضتي
نايا اول ما دخلت الاوضه اترمت في حضن دانيه و فضلت تعيط
دانيه بقلق : فيه ايه يا حبيبتي
نايا : مرات مهيمن حامل
دانيه : ينهار اسود عليه
نايا : ماتغلطيش فيه
دانيه : والله هتفضلي طول عمرك خايبه جمدي قلبك و ارمي ورا ضهرك
نايا تبصلها : هو بالنسبه ليكي الموضوع سهل
دانيه : بس ده لو بيحبك كان عمره ما عمل كده
نايا بثقه : مهيمن بيحبني يا دانيه ، بس انا لازم ابعد عشان ابنه يتربه في حضنه
دانيه : ايوه يا نايا ابعدي و انسي
نايا قامت بحدن : مفتكرش اقدر انسى حياتي ونبض قلبي
دانيه اخدتها في حضنها خمس دقايق
توتا كانت بتجري من فادي فتحت باب اوضة دانيه و نطت ع السرير
فادي دخل وراها لقه نايا منهاره راحلها : نايا مالك
دانيه : طول ما انتو فيه حياتنا هتخلصو علينا كلكم صنف خاين
فادي بتهرب : اخ نسيت اصلي العصر و طلع
دانيه : ماشي يا فادي
توتا قعدت جنب نايا و فضلت تطبطب عليها
نايا قامت حضنتها و بصت ل دانيه : انا همشي
دانيه : استني يا نايا
نايا : معلش يا دانيه مش هقدر حاسه اني مخنوقه اووي و طلعت من الاوضه
فادي بهزار : هنزل معاكي ل دانيه تستفرد بيا و تموتني
و نزل معاهم
في العربيه
فادي : نايا مهيمن بيحبك
نايا : خلاص يا فادي الحب مابقاش ينفع
وصلت البيت دخلت سلمت ع مامتها : ماما هموت نوم خلي معاكي توتة
هاله : انتي اتخانقتي مع مهيمن
نايا بصوت ضعيف : خلاص يا ماما مبقاش فيه مهيمن قالت كلمتها بوجع و حزن و دخلت اوضتها
هاله كان مذهوله من كلام نايا : هو مهيمن مات
نايا طلعت من اوضتها : بعد الشر ودخلت تاني
*********
في المستشفى
كرم دخل ل مريم : مريوم الوقت اتأخر يالا اوصلك
مريم : عايزه اقعد معاها بتتكلم كتير و كلامها هينفعني
كرم ابتسم : ماشي خليكي ، هكلم ماما اطمنها عليكي
مريم ابتسمت : مرسي يا حبيبي
كرم طلع و كلم مامتها طمنها عليها
*******
عند دانيه
اول ما فادي دخل : لسه بدري
فادي : دانيه انزلي من ع دماغي انا تعبان
دانيه : انا بقى اللي بتعبك
فادي : ولا اتعبك ولا تتعبيني انا نزل
دانيه بغيظ : ماشي يا فادي
********
عند مهيمن الساعه ١١ بليل
يوصل بيته و يقعد ب تعب
ديرو تطلع : هيمو وحشتني كل ده بره
مهيمن بصلها بلا مبالاه : كان عندي شغل
و قام دخل اوضة توتا مش لقاها طلع دخل اوضة نايا مش لقاها ، قعد ع الكنبه و طلع فونه اتصل بيها
*****
عند نايا
اول ما الفون رن قلبها دق جامد دموعها زادت و صوت شهقتها عليت قفلت الصوت و نزلت وشها ع المخده
*****
عند مهيمن
استغرب انها مردتش اتصل تاني
نايا قفلت الفون خالص
مهيمن قلق و اتصل بكرم : كرم نايا عندكم
كرم : معرفش والله انا في المستشفى مستني رنا تفوق
مهيمن : هتفوق امتى ؟
كرم : ممكن تفوق الصبح جسمها محتاج ينام ، مالها نايا
مهيمن : معرفش والله رجعت البيت مش لاقيها
فادي : طيب كلم ماما
مهيمن : تمام و قفلو الفون اتصل ع هاله
هاله : حبيبي عامل ايه
مهيمن : الحمدلله نايا عندك
هاله : اه جت من بدري و دخلت نامت
مهيمن : هي تعبانه
هاله : والله معرفش يابني هي كل اللي قالته خلاص يا ماما مبقاش فيه مهيمن
مهيمن يقف و ينسى كل تعبه : امال فيه مين ؟ هو فيه ايه !!!
هاله : والله معرف هي تقصد ايه
مهيمن بعصبيه : ادهالي اكلمها
هاله : ثواني و راحت ل نايا خبطت ع الباب
نايا مهيمن عايزك
نايا تمسك دموعها و تحاول تظبط صوتها انا مش عايزه اكلم حد عايزه انااام
مهيمن سمعها : هي دي مالها؟ اقفلي انا جايلها
هاله بحزن : نايا ما تقوليلي فيه ايه و ريحي قلبي عليكي
نايا من ورا الباب : انا كويسه يا ماما و عايزه انام
هاله : ربنا يريح قلبك يا نايا و تروح ل توتا تنيمها
********
عند فادي
لف كتير بالعربيه لحد ما راح كافيه و كان متضايق جدا و اول ماقعد جاتله جرسونه
الجرسونه : تشرب ايه
فادي بضيق : قهوه
الجرسونه تضحك رقيعه : انت تاني
فادي بصلها و يشاور ع نفسه : انتي تعرفيني
الجرسونه : الا اعرفك انت ع طول متعصب كده
فادي باستغراب : انتي مين؟ و ركز في وشها اه انتي اللي كنتي معايا في فندق "٠٠"
الجرسونه بضحك : هي
فادي قام مسك ايدها قعدها : انا عايزك تحكيلي كل حاجه حصلت بالتفصيل الا انا مش فاكر حاجه خالص
الجرسونه تحرك شفايفها : واكسه عليك توكسك ، احكيلك ايه
فادي : كل حاجه حصلت و بالتفصيل
الجرسونه : وسع كده عندي شغل
فادي طلع من جيبه ٥٠٠ جنيه : و كده
الجرسونه اخدتهم : كده احكيلك
اول ما دخلت الاوضه زقتني ع السرير و قلعت التيشرت و بصتلي كتير و في الاخر نمت يا عنيا
فادي حاول يفتكر حاول يلمسها داخ و نام
كأن عقله رفض تماما اللي هيحصل و حاول يحمي فادي من خطوات الشيطان
فادي بفرحه : يعني معملتش حاجه خالص خالص
الجرسونة شالت الفلوس : ولا حتى لمستني وكسه ع الرجاله اللى ب الاسم و بس و قامت
فادي قام فرحان جدا و راح بيته
*******
عند مهيمن
يوصل عند نايا يخبط هاله تفتحله يدخل بهدوء : هي فين ؟
هاله : حبيبي سيبها تهدا و بعد كده اتكلم معاها
مهيمن بحده : هي فين ؟
هاله تشاور ع اوضتها
مهيمن يخبط عليها ملقاش رد خبط تاني : نايا افتحي
نايا :—
مهيمن بهدوء : نايا ردي عليا
نايا تحاول تطلع الكلام : مهيمن امشي و ياريت متجيش هنا تاني و ورقتي توصلني كل اللي بينا خلص
مهيمن الكلام نزل عليه زي الصاعقه : انتي بتقولي ايه ، نايا افتحي ، بقولك افتحي ، وحياتي عندك افتحي
