رواية قصة زهراء الفصل الثالث والعشرون بقلم زينب نور
زهراء:سحب ايده من جوه راسي بنتر واخذ التلفون من الميز ماشفت منو بس حسيته اتفاجئ رد بسرعه
ياسر:الووو
ابو صاحب:السلام عليكم
ياسر:وعليكم السلام منو حضرتك
ابو صاحب:خويه هذا التلفون لگيته يم البستان مالي شلته اشو لا رمز بيه لا ارقام بس كم رقم
اخر شي اتصلت على هذا الرقم
ياسر:اي خويه التلفون مال اختي
زهراء:طفر گلبي قربت اذني يم التلفون
ياسر:انته من بيت منو
ابو صاحب:بيت ابو صاحب ابو البساتين
ياسر:هلا بيك عمي التلفون بيد الجهال وطلعو بيه هسه وين انته
ابوصاحب:يم البستان
ياسر:خليك جايك
زهراء:سد الخط بلا مايباوعلي صاح سعد شويه واجه سعد
ياسر:ابو صاحب اتعرفه
سعد:ايي شبيه
ياسر:واگف يم البستان روحاه ينطيك تلفون وتعال
سعد:اي غير افتهم تلفونمن شسالفه
ياسر:هسه روح وتعال انه افهمك
زهراء:طلع سعد كتله وين لاگيه
ياسر:اسئلين بعد بيج بخت هذا الرجال شايفه ومحمد لو طايح بيد واحد من ذولي الهتليه
غيررر ماارحمج
زهراء:انه شدخلني مامتعمده اضيعه ليش ذابها براسي وتحجي عليه
ياسر:من الثول الشايلته براسج
بربج تلفون من امس واليوم ياله ذكرتيه
زهراء:اييي وشعندي بيه والزمه لا برنامج لا شي ولا اخابر احد
اخذه مااريده احسن خليت وطلعت
لگاني سعد بيده التلفون دخل لياسر
سعد:هذا التلفون وجبته مالمن
ياسر:مال زهراء ماخذه واحد من الجهال وطالع بره ومن الصبح ليهسه ادور قبل شويه اتصل شفت الرقم رقم زهراء رديت ولنه ابو صاحب
سعد:ايي هوه عرفني وحلف يمين انه ماشايف شي ولا مگلب التلفون
ياسر:رجال جبير يخاف الله
زهراء:طلع سعد انه بالصاله گاعده
ياسر:شغلته ودخلت على الصور
ايااا بنت الکل.....
اسوي حركات بعد زهرررراء
زهراء:رحتله فتحت الباب كتله
هااا
ياسر:وجعااا تعاي
زهراء:رحت يمه داخل على الصور
ياسر:هااي شنوو
زهراء:صوري شنوو
ياسر:ادري موو اعمه كدامج كفيلج العباس لو اخذتي بعد صوره بالتلفون اكسره فوگ راسج
زهراء:اووو هسه ليش مسويها قصه
هسه تلفونك موو تارسه صورك كتلك لا تاخذ ليش بعد تحجي عليه
ياسر:انه مو اثول نفسج وين ماجان ذابه التلفون
زهراء:اگلك شي خله يمك احسن مااريده بعد درت اطلع صاح تعاي مادرت رد صاح مره ثاني رجعتله وكفت كدامه سحبني من ايدي گعدت ع الجربايه
ياسر:ليش زعلتي
زهراء:😒
ياسر:باوعي عدل لا اعميهن
زهراء:هسه شتريد صحتني
ياسر:اهاا الصور
زهراء:شبيهن امسحن
ياسر:حلوات😉
زهراء:ادري ماكو شي جديد
ياسر:ههههه شوف الثقه
زهراء:ياله مو حلوات عوفني خل اگوم
ياسر:هاا ليش معصبه بابااا
زهراء:ماامعصبه عوفني ولا ادگلي بابا مره ثانيه
ياسر:ليش
زهراء:شنو ليش مرتك انه مو بتك
ياسر:سحبتها اكثر عليه....
بس اريدج بنتي ومرتي وكلشي
زهراء:لاا ياسر لا يدخل احددد
ماسمعني اخذ شفتي بشفته
لمن انگطع نفسي ياله عافني بالكوه اسحب النفس.
ياسر:عدت سلامات😉
زهراء:كمت لفيت الشال وطلعت
كعدت يم عمتي بغرفت ام ياسر مطلعه غراض العرس اشوفها الها ملات سهى شويه وصاح ياسر
رحتله راد عشه صبيتله انه وياه واخذت الصينيه للغرفه تعشينه خلصنه وانطيته جاي
كلمن راح الغرفته ينام انه دخلت
اشرلي انام بصفه رحت لبسه اتراك بي صورة بزونه نص ردن
تمددت وغفينه
....
مررر اسبوع حددو موعد العرس مال سهى الاسبوع الي جاي
ياسر رجله تحسنت اليمنه يحركها ويطبكها
بس اليسره لاا بس الاصابع يحركهن واتئذيه اشتره عكازه وگام يمشي على رجله بس بالگوه يذب ثگله على رجله اليمنه بس اشوه من حركها وعمتي ام ياسر هي هي نومتها بالفراش رجلها نفس الشي
مرات اسمعها اصيح وادخللها صح تحجي وياي بس بنتر
بس انطيها للثواب لان مره جبيره ماكرهتها ولا حقدت عليها اكثر المرات منال تسمعها وماتدخل الها اروح انه تحجي من وره خشمها انطيها الي تريده واطلع
اليوم صادف اخر موعد لياسر عن الدكتور راح هوه واحمد من الصبح سعد بالدوام
كمت انه لملمت البيت ودعاء ركبت الغده
للساعه ١٢ توضيت بالمطبخ وردت اصعد كلت عليمن خل اصلي بغرفه بيبي دخلت فرشت المصلايه
والتربه صليت بديت بالفرض الثاني ومااسمع بس الصيااح
ياسر:دخلت امش على العكازات
احمد بعده بره دخلت للصاله البيت هدوء
شويه واسمع صوت منال
ام ياسر:ولج خاله بس اسنديني
اكوم مليت من الكعده وحدي
منال:وانه شسويلج شنو اگابلج واگعد مااكدر اكومج ظهري يوجعني
ام ياسر:شمالج يممه
منال:اوووو كافي والله ماعايزتج بعد كالساعه صايحه على شي شنوو مامجبوره بيج عندج بنات وجناين غيري ويجن يخدمنج
ياسر:سمعت حجيها ونترها على امي انجنيت مشيت حيل
دفرت باب الغرفه واشوفها واگفه ومخوصره صحت بيهااا
ولج ياهي المليتي منهااا
هاااا اليوم مااخليج عدله
زهراء:خلصت الفرض اركض طلعت وياسر مجلب بشعر منال ونازل عليها ضرب اتفاجىت شمسويه
اجه احمد وجدي وعمي توهم دخلو جانو بالمضيف
ياسر:والج انتي اتنترين بمي ترحين فدوه لنعالها بنت الكلب مااريد اشوفج گدامي بعدددد هسه اتنزلين واتبوسين رجلييييهاااا
ادبسززززز
ام ياسر:ولك يمه اذكر الله البت حامل لا تموت بيدك
زهراء:سحلها احمد من جوه وعمتي اصيح ليش هج يمه البت حامل
ياسر:يمممممه لا تخليني اكفرر بيها هل كلبه بعدج اتحاميلها
زهراء:ضل جدي يصيح ياسر طلع للغرفه رحت وراه صاير اعصاب نار
شمر العكازه بالباب
وگعد ع الجربايه رفع راسه وحاجاني
ياسر:انتي ويييين وهاي الكلبه اصيح طرمه مااسمعين
زهراء:جنت اصلي خلصت وطلعت
ضليت احاجي بيه مايرد تمدد وايده على عيونه خليت وطلعت
صبينالهم غده شلت غده ياسر كلت من يكعد اصبله
خلصنه انطيتهم الجاي
مر الوكت للعصر كعد ياسر طلع لبس اتراك وعاقد حواجبه
اصبلك غده
ياسر:ايي وحبايه مال راس وياج
زهراء:صبيتله الغده اول انطيته خلص انطيته الحبايه وكلاص جاي ضل گاعد بالصاله اجه جدي وعمي طلع من غرفته نزل سعد واحمد التموو كمت صبيتلهم جاي
وكعك دعاء مسويه انطيتهم وصعدت يم فاطمه
دخلت يمها كعدنه انسولف سوالف عاديه شويه ودخلت دعاء
دعاء:انتن هنا وانه ادورر
فاطمه:تعاي ادخلي
دعاء:والله حرامات فاتتني الكتله مال الحيزبونه ماشفتهااا
زهراء:ههههه انه من الصياح طلعت اركض وشفته من شعرها لزمها راشديات وين التوجع والتخليك
فاطمه:والله تستاهل
زهراء:فوگ مامدللتها هسه اكلاص ماي ماتنطيها
دعاء:غيررر كل هذا وما ذابه بيها صوج
زهراء:اجت سهى كملت الگعده ضلينه نسولف عن عرسهااا
للمغرب نزلنه سوينه العشه وام الطلايب بغرفتها فوگ مانزلت
وره العشه اجونه طيبه ورجلها هم جاي وماي وسوالف
للساعه ١١راحو
كلها طشت لغرفه انه دخلت للغرفه
نمنه لثاني يوم ياسر اتريگ وطلع وحده كتله رجلك بعدك مو كلش تمشي عليها مارد خله وطلع
لمينه البيت وعمتي سعاد يوميه بالسوگ اتكمل غراض سهى للساعه ١١ دخل ياسر كعد بالديون يم جدي باب الديوان يصير گبال الحديقه
كملنه الغده صبينه بالصاله
كعدنه كلته منال نزلت كعدت ولا مهتمه ام ياسر طالعت ساندتها دعاء وكعدت نتغده هدوء اذا جدي كاعد
شويه ودخل سعد يخابر فزينه على صوته يصيح..
سعد:وحقه هوه علي لو مو مرة عرفت شلون اصرف وياها.......
