رواية عشق مابعد الطلاق الفصل الثالث والعشرون بقلم ساره فاضل
سمر
منو بالباب وسن تأخرتي ماطلعت فتحة باب
امممم الثنائي المرح شعدكم جايين هناا
قيصر
احترمي نفسج لا اعرف اخليج تحترمين نفسج
بطريقتي يلاا بسرعه وبدون صوت بدلي وطلعي لاافضحج گدام اهل صديقتج واخليهم يشمرونج بالشارع. يلااااااا
وسن
قيصر اهدء هسه تطلع بس اهدء لاتفضحنه بالمنطقة
وسن
فدوه سمر بدون مشاكل طلعي وياا وشوفي شيريد امي بس تسمع احد جايج للبيت تصير. عصبيه وتكب المشاكل وهيه مريضه مااريد اتعبه فياعيني روحي شوفي شيريد بدون شوشره فدوه روحي
3 ت
سمر
هيج صارت هيين هين وسن اني رايحه اشوف شيريد وراجعتلج
2 ت
طلعت سمر ورا قيصر وحسين وصعدت السياره اتحركو وراحو ع الشقه الي بالمنصور الجانت تسكنه سمر سابقآ واول ماوصلو
قيصر
حسين انته روح اني اتصرف
حسين
لاقيصر مااعوفك بوحدك اخاف تتهور وتجيب النفسك مصيبه انته بغنه عنه
2 ت
سمر
يلاااا خلصني شرااايد
قيصر
اخلصج
اي ولا يمهج هسه ع امرج ان شالله هسه اخلصج من الدنيه كله ولج اني الصبرت ع المشاكل والاذيه البسببج وتحملت كلشي ع مودج
قدمتلج كلشي تحتاجه اي بنيه بيت سياره
حتهقصد الجامعه ومصرف شهري ارقئ موضفه متلزمه مقصرت عنج بأي شيء وبدون اي مقابل جنت اكول خطيه يتيمه ومحد اله وطموحه تستحق المساعده
بس طلعتي حيه جذابه وحقيره. جذبتي بموضوع اهلج وجذبتي باأقصاد الكوليه وجذبتي بيجارات الشقه الجنت تاخذينه من العالم واخر شيء جذبتي بحبج الي طلعتي جذابه واني بالنسبه الج مصرف تستلمين منه وكت حاجتج لااكثر
2
سمر
هييييي
اوووكف يمك منو الجذابه والحقيره لك اني اشرفك واشرف عشره من نوعيتك
واذا ع السياره لو الشكم فلس الجنت اخذهم منك تره ذني جنت اعتبرهن هديه مواني الااخذ شي من احد بدون رضا كله جان برضاتك محد جابرك لاتسوي نفسك المسكين المضحوك عليك
3 ت
قيصر
ولج هاي الفتره كله وانتي تكولين اني مكطوعه شجنتي تكلين النفسج وانتي تجذبين هيج جذبه مخفتي تنكشفين وينكشف اصلج الاانتي اصلآ مستعره منه
سمر
شنو اصلي هااا شنووو
هاذا الجنت متوقعته وهاذا الجنت خايفه منه طول عمري واني عايشه يتيمه ومااكول لحد ع اهلي لان هاذا الااخاف منه تعيروني بيهم وبفگرهم
3 ت
قيصر
شتوقع مثلآ منج اكيد متشوفين احد احسن منج واكيد اهلج ميشرفونج وتستعرين منهم لان شرفاء مومثلج نصابين وقفاصه ولابايعين شرفهم وسمعتهم حته يصيرون بكان مومكانهم
سمر
اني مونصابه
3 ت
اني طموحه اني خيالي واسع وافكر لبعيد عمري مجنت اريد اصير مثلهم همه طول عمرهم عاجبهم وضعهم وعايشين ع كد يومهم ميطورون بس اني غيييير اني طموحه وصلت للكليه الاريده وكونت حياتي ونسيتهم ونسيت فكرهم مااريدهم وماأريد أي أحد يوكف بطريق نجاحي وحته انته مادامك عرفت بموضوع اهلي وبماضيي لازم اتخلص منك وارتاح كلكم حقراء وفكور متفكرون بالمستقبل ولاتفكرون بالاحسن. طول عمركم تضلون تابعون جوه رجليكم همج متصيرلكم جاره
4 ت
قيصر
واني شنو ذنبي من هاذا كله انتي عندج عقدج
من اهلج وناسج وبيئتج اني ليش خليتيني بطريقج ليش علقتيني بوهم سراب وكذبه جبيره اني بغنه عنه
2 ت
سمر
أنته ههههههه انته اسهل فريسه صدته بحياتي
واحد غني وعنده فلوس ومغرور بنفسه
وهوه كله خلك حشره اخلي جوه حذائي واسحك علي وامحي
بس الصدك مااخذت بيدي شيء بس أمك الحقيره هيه سبب تأخيري انو اتمم عليك واخلص منك بس اليوم اجه يومك يالغبي لازم اتخلص منك ومن كل واحد غبي مثلك يوكف بطريقي
جان تلزم السجينه ع الميز كبل خلته ابخاصرة قيصر لأن جان منطيه ضهره
6 ت
قيصر
تحجي ومااعرف شسويله لو شحجي وشگول كمية الشر الطلعت من حلكه ماكو عقل يستوعبه هيه تحجي واني شمئزيت منه ومااعرف شلون افتك مااعرف شلون دمرت حياتي 5سنوات وياها ومااعرف كمية الصرف والوقت والجهد الانطيته اله شلون جنت مااشوف الشر والحقاره اكيد جنت اعمئ مامعقوله جنت احب هاذا الكائن الخبيث
انداريت ومااحس الا سجينه فاتت لخاصرتي
انداريت عليه رادت تفوته لبطني لزمته من ايده وهيه تحاول كل مابيه قوه تكتلني حاولت اخلص نفسي خانتني قوتي. ووكعت وهيه صارت فوكي عاد صرخت بأعلى صوتي
4 ت
حسين
رحنع لمكان سمر رالطريق كله اني اسوق واسولف لقيصر بالسمعته والمصادر الجبت منه حقائق سمر لان خفت نروح اله وتفر دماغه حياله وحقيره
وقيصر ماكو منه جواب رحنه ودكتوره وسن كالت ممجوده بس بعدين عرفنه بوجوده ماقبل قيصر يحاجيه كلمتين ونروح غصبه تجي وياا واني لازم كلبي بيدي سمر السانه زفر ونزره
وقيصر عصبي ومدمر دمار خفت لايشد النقاش ويضربه ويبتلي اعرفه حقيره وكلشي تسوي
نزلنا اباب البنايه ومقبل اصعد وياهم قيصر توسلت ردت مقبل كال روح ع دوامك بس اني مانطاني كلبي اروح جنت حاس راح تصير مصيبه خليتهم صعدو وره 5دقايق لحكتهم صعدت فوك شفت باب الشقه مفتوح شوي ممسدود عدل والمواجه حاميه بينهم والغريبه سمر منكرت شي بالعكس مستبيعه وحاجته حجي يعصب المايتعصب اني اسمع بس مااكدر افض المشكله واخلصه منه لان راح اي تصرف من قيصر راح يشمره بحلگ النار لان سمر كلشي تسوي ومعارفه الضباط هواي لشوي ونكطع الصوت العالي جنت اسمعه كلت يجوز هدئو خل انزل جوه انتضر عيب شكلك يتصنط هستوني خليت رجلي ع البايه اريد انزل وجان اسمع صرخه من الشقه هزت البنايه هز رجعت اركض وفتت جوه مااعرف وين كاعدين فتت لكيت قيصر متمدد ودمه مفيضه وسمر فوكه وتريد تفوت السجين بصدره لزمته من ازنوده وشبكته شبااك رجعت علي بالسجين وجان تكص جف ايدي بس جان الكص قوي لزمته كل قوتي وضربت ايده ع الحايط وكعت السجين جرجرته بالكوه للحمام وسديته عليه خابرت ع الدوريه براس الشارع والاسعاف
ركضت ع قيصر
لكيته بالكوه يتنفس نزعت تشيرتي وخليته عالجرح والجرح ينفخ دم قيصر ضل يغمض ويفتح واني كلبي راح
ولك قيصر كوم كووم لاتنام هسه تجي الاسعاف لاتستسلم قييييصر
6 ت
نروح للعماره
ناي
فزيت وره يومين غيبووبه وتعب حسيت نفسي بغير مكان صحصحت وانتبهت اني ابيتنه اي والله اني ابيت ابوي ااااه ياربي الحمدلله
ردت اكوم ماكدرت بعدني دايخه
دخل عليه والي
وشافني كاعده خطيه اتخبل وراح يركض
والي
بويه الحك نوني كعدت الحك بويه تعااال
ابو سجاد
صدكك تحجي الحمدلله
زينب ونرجس
يمه الحمدلله صلاوات
فات عليه ابوي وزينب ونرجس ووالي خطيه مامصدكين جان يشبكني ابوي وكام يبجي
زينب
صدك جذب عمي شسالفه الحمدلله ع سلامته ليش تبجون وتضوجونه
ولج حته انتي نرجس تبجين صلو ع محمد
ابو سجاد
اللهم صلي على محمد وآل محمد
بويه الحمدلله ع سلامتج خوفتيني
2 ت
ناي
الله يسلمك بويه لاتخاف عليه مابيه شي
الحمدلله اني بخير
شلونجن بنات مشتاقتلجن وحضنتن وبجن وياي خطيه
ههه زينب موانتي كتيلهم لاتبجون اشو انتي هم بجيتي
زينب
ولج خفنه عليج هاي النومه مو الج خيه كومي وشوفينه طولج الحلو لاتنامين هلنومه
نرجس
اي والله ماتعودنه عليج نايمه كومي وشدي حيلج وحكج يرجع والله موجود لاتضنين الله غافل
ابو سجاد
وعيونج بويه الا اسوي بيهم العمايل انه ياخذون بتي وهيج يسون بيه ااااخ يابويه غلبه غلبتني عمتج غلبه جبيره
ناي
لاوالله بويه عمتي طيبه وكلهم طيبين وماشفت منهم بس الخير واذا ع قيصر سالفته جبيره بعدين اسولفلك خل ارتاح بويه ولاتفتحون الموضوع يتعبني يابويه
تعال والي شلونك شخبارك مشتاقتلك حبيبي
والي
وانه مشتاقلج مشتاقلج هواي مشتاق للكيكه مالج
زينب
ههههه ولك ماصارله سبوع شبسع أشتاقيت للكيكه وبعدين موكتلك شتريد تكلي بعد زعلانه منك والي لاانه صاحبتك ولااريدك
والي
لاعفيه لاتزاعليني احبج انه احبج
ناي
ههههه كافي نگره وتعالو اشبع منكم شوف كعدو استريحو
وكعدنه وضحنه ع سوالف والي بس اضحك حته ماخوفهم عليه الا اني براكين بداخلي الحزن والقهر والضلم جاي يكطعن بكلبي تكطع اخخخ ياقيصر ليش هيج تسوي بيه وماقدرت اني قبل يوم كتلك اوكف وياك بكلشي حجايه مو حلك غريب هزتك عليه ليش وكله كوم والسويته بيه كوم لارحمتني ولارحمت نفسك ولاكلت عيب من العالم وراح اقلل من قيمة مرتي
ماجان هاذا الرايدته كل الردته انو نتقبل بعض ونحب بعض ونعيش تحت سكف واحد ع حب الله بس انته مجنت رايد هيج انته تكره لوتحب ماتسوي سوايتك
وكلبي ااااخ ياكلبي لوبس اطلعك من كلبي واكرهك رغم السويته بيه بس بعدني احبك بس مواني الانزل نفسي الك ياقيصر ان شالله اكوم ع حيلي وانساك واطلعك من كلبي
3 ت
كامن البنات جهزن غده تغدينه وكملنه كامن للبيت نضفن وغسلن مواعين وسون جاي اجن يمي خطيه وماعافني ولالحضه وره شوي اجت ام رضا خطيه ممخليه شي مجايبته حلويات وفواكه وحته العشه لافه كبه ومسويه كباب عروك وجايبته وياها
ام رضا
يمه الحمدلله ع السلامه خوفتينه عليج بنيتي
ناي
الله يسلمج خاله ماله داعي هلتعب شنو قابل انتم غربه
ام رضا
صدك جذب يمه انتي بمعزت بناتي
الله شاهد خوفتيني عليج وجبت الدرب كله ابجي
2
ناي
يادرب خاله فهميني
ام رضا
جاانتي مادريتي احنه اجينه للزياره نزور ونرد عاد ابوج كال صار يومين امج تتردد علي بالحلم امج تكله روح لناي ناي مو بخير عاد احنه رحنه ع وجوهنه ولكيناج بحال بس الله يدري بي وجبناج واجينه ويمه لوتدرين شصار ابوج اتبره من عمتج جدام الكل والله بساعته كسرت باب گلبي لان المره مبين عليه خيره ماتستاهل بس ابنه اااخ يابنه صدك الوادم بس شكول محد يدري شبلكلوب
ناي
لاوالله خاله هاذا الحجي كله ماادري بي جنت بغير عالم وعمتي ماتستاهل عمتي حبيبه ماشفت منه الا كل طيب وكلهم طيبين حته قيصر بس ماعرفت شنو السمعه وخلا يسوي بيه هيج
ام رضا
وشني انتي ادافعيله سكتي يمه سكتي وخل ابوج يسويلج حل وياا ماكو يركبج شكلك فقيره وماله احد من البدايه خل يضبه حته يعرف قيمتج هاي سوايه يسويه بيج شني حيوان موبشر حته الحيوان مايسوي سوايته انتي بعدج زغيره وماتعرفين مصلحتج حبيبه
يلا يمه انه اترخص والبنات يمج ولاتهتمين يوم يومين عشره هنه بخدمتج
1 تفاعُل
الله وياج خاله
ماتقصرين نوكفلكم بالافراح
زينب
ناي تره امي صدك تحجي خل رجلج واهله ابوج خل يضبهم ويسويلج قيمه عدهم لادافعيلهم مايستاهلون ادافعيلهم لو بيهم رحمه جاخلصوج من ايده
ناي
بس،،،
زينب
لابس ولاشيء كافي ناي كافيج طيبه الولد موادمي خل ابوج يربي شني تايه انتي
ناي
صدك اليحجونه قيصر مايحبني ولايحترمني ولااني اباله اصلآ خل اكوم ع حيلي وخل ابوي يطلكني واطلع من حياته للأبد اريح اله والي بعد مالنه عيشه سوه خل اشبخ النهر ماطوله ضيك ع كولت ليگولوالمايحبك اليوم مايحبك دوم
مرت الايام وصارلي شهر يم اهلي صرت زينه وتحسنت كمت ع البيت ورجعت لروتيني وابوي مامفاركني بس سوده عليه ذبلان ومادري شبي
رحت يمه وسالته
بويه شخيرك اشو تعبان ومالك خلك شبيك بويه كلي
ابو سجاد
والله ياوبويه ماتعبني بس عمتج وعياله الصدك جذب مانشدو من اجينه للعماره لهسه ولااجو وراج اعتذرولج
وماهاضمني بس غطت اختي حته صدك جذب ماخابرت وكالت اخوي وحزام ضهري لااا انوب ضمت راسه واغتاضت ع غيض ابنه
ناي
لاتهتم بويه يمته مايجون يحجون وانه بيني وبنك اريد اطلك بعد مالي رجعه قيصر موثوبي كلتلك كبل وارجع اكرر قيصر موثوبي
ابو سجاد
لابويه انه مااخاف من الله واطلكج بس انه ردت اسويلج حل ماردت من اول ايام تركبين وينعال عليج وفوك هاذا كله ضامينج عليه مثل المسويلهم عمله
دك تلفون ابو سجاد
الووو
ياهووو
شكرا لزيارتكم عالم روايات سكيرهوم
