رواية انا والغريب الفصل الثالث والعشرون بقلم هبه حمزة
:مرآت اگو بگلبک حچي
بس تنجبر ما تحچي
ومرات عينگ ما تصب
بس تلگه گلبک يبچي !
______________________________________________________
ياسر..... اي أمير كولو شعدكم
امير. ...ياسر هاي اختي وهية مثل اختك وراح تسولف الك كلشي
ياسر...اي سولفي خيتي
.......بالبداية اني جنت فوك نايمة وما ادري عدنة خطار ردت انزل بس سمعت اصوات جوة خليت ورجعت اباوع و اشوف منو
بس الهول الفوك يصير مقابيلة المطبخ الجوة فيعني اكدر اشوف شيصير بالمطبخ
باوعت شفت مرتك واكفة يم طباخ ومرت رائد تحضر ب جاي بس وراهة شفت مرت رائد جرت شال
مرتك وحطتة علة النار من اشتعل عافتة وطبت جوة بس قبلهة من طلعت شافتني واكفة علة درج
واباوع الهة خلت وراحت ركض
بس مرتك جانت ملتهية تسولف ومحد من عدهم انتبه وية نزلتي
عاطت منار لأن يمكن حست بالنار.... وهية هاي سالفة كلهة.....
امير....اني جنت اكدر انقل الك الحجي مال اختي بس ما اكدر كلت خاف حتة متصدكني لأن اني لحد الآن ممصدك توصل بيهة النذالة لهل درجة
ياسر"......همة يحجون واني احس ناار واشتعلت بية
....امير طلبتك اني خلي اختك هنا يم منار وانتة هم دير بالك عل بيت ساعة واجي اني
عفت امير يصيح وراي ورحت بسرعة ركبت السيارة ورحت لبيت رائد
دكيت علية
....وكلت هلة أبو مريم شلونك
....حمدلله اسأل عليك شلون صارت زوجتك نشالله زينة والله بالنة يمهة اني وأم مريم
....حمدلله اني جايك هسة انتة بالبيت مو.
....اي خير نشالله بالبيت وكل الهلا بيك تنورني
....يلةة مع سلامة
سديتة منة وسقت بسرعة بس اريد اوصل للبيت
ورة نص ساعة وصلت ودكيت الباب واستقبلني رائد حتة خجلان شلون اسولف الة
اجة ابالي اسولفله السالفة من البداية لان هاي نذلة وحرامت تعيش بذمت رجلهة وتريد تخونة لأن اني لو منطيهة وجه تخونة والله ومتاكد اني......
طبيت وضيفني رائد كلت خل افتح وأي الموضوع بس هوة بدة
رائد. ..... ياااسر جيتك احسهة مو خالية اكو شي كول محتاج شي
ياسر....رائد انتة تعرف شكد عزيز علية والله وحاسبك اخو الي
رائد. ... والله صحيح كلامك اخوية انتة
ياسر..... انتة تعرف شلون نحركت زوجتي منار
رائد. ..اي خطية والله كالت ام مريم محتركة بالطباخ
ياسر.....لا مو صح ام مريم نفسهة هية الحركت زوجتي
شفت رائد وكف علة حيلةة وكال
.....شنو تحجي انتة واعي شنو تكول..؟!
رائد. ...مسحيل ما اصدك وليش تحركهة شنو عدوتهة هيةةة
ياسر ....اكعد رائد اني راح اسولفلك سالفة كلهة من البداية ....
انتة تعرف قصتي كلهة مو صح
رائد. ...اي صحيح أعرفها
ياسر..... بس اني ما سولفلتلك علة قصتي كلهة
راح احجيلك وانتة احكم بس رجاء لتتسرع بقرارك وتسمعني للاخير ومتعاطعني
رائد. ..اي احجيييي
ياسر... اني جنت كاعد بشقة وهاي شقة مقابيلهة جيران مرية وبتهة
جنت كلما اروح للدوام بايام الكلية واشوف البنية الكاعدة كبالي بالشقة تباوعلي بس اني اتجاهلة يعني اني ما اجذب عليك هم نعجبت بيهة بس ترة هوة اعجاب يعني فترة ويروح
فد يوم طلعت من الشقة ودا امشي وجان اسمع صوت بنية باوعت وطلعت هيةة نصدمت بالبداية بس بعدين كلتهة تفضلي اختي
بس هية صدمتني من اعترفت بحبهة الي شكد شايف بنات صلفات وعينهن وكحةة بس مو مثلهة
رزلتهة رزالة غسل ولبس وهددتهة اسولف الامهة الحجتة الي
رائد تعرف منو هاي البنية ..؟!
........ البنيةةة هاااي زوجتك ام مريم....
رائد. ......شنووووووو لككك انتةةة صدك تحجي...؟!
ياسر......اني مو كلت من احجي لتقاطعني خليني اكمل اكلان خرة*
شفت رائد سكت بس احسة راح ينفجر ......
.....راح اكمل الك سالفةةة لعبالك بس لهنا وتنتهي لااااا اني حالف كلششي راح اسولف الك
لأن بعد ما اتحمل اسولفهة ...
اني مجنت اعرف بيهة زوجتك لكن من عزمتنةة وكلنالك راح نجيك بوكتهة اجيت اني وامير وفتحت الباب
هية اي صح نصدمت لكن مشيت الوضع عادي والله وكلت بكلبي ميستاهلة رائد انتة انسان متتعوض
حرامت تزوج وحدة مثلهة بس سكتتت محجيت شيي.....
تذكر انتة من كمت تحجي علينةة لان كمنة منجيك للبيت من تزوجت ورة فترة وردت تزعل وعزمتنة بوكتهة واجينة احنة
وادينة الواجب بس من كمت دا اريد اغسل شفتهة طبت ورادت تحضني بس يشهد الله عليةة دفعتهة دفعة يمكن كسرت ضهرة وراهة طلعت من بيتك
اني ودا اسولف مشفت رائد بس كام يركض لجوة البيت ركضت وراى خاف يسوي شي هذة
طب دور البيت كلةة ملكاها طلعت منهزمة وعايفة حتة بتهةة
اكبر غبية هية من نهزمت أكدت السالفة عليهة ....
..شفت رائد يدك عليهة وطلع مغلق
راح بسرعة ركب سيارتة ورحت ورأى اني خاف يسوي حادث لأن كام يرجف من العصبية حتة تندمت سولفتلة لأن خاف يصير بي شي من ورهةة...
شفت رائد طبك سيارة ونزل يصيح عليةة يكول
....هاهيةةةة بعد روووح انتةةة
ياسر....خل تولي عليمن تقهر روحك والله متستاهلك
رائد. ...هه خوش سالفةة هاي علة ذمتي وتخوني واعوفهة الضاهر بعدك متعرف رائد اليوم وين تضمم روحهة مني..
ياسر...رائد تعال وياي للبيت خل تولي وبنتك خطية هناك عفناهة خل نجيبهة وتعال وياي
شفتةة اقتنع واجة وياي اخذت بتة ورجعنة سوية لبيتي
طبيت شفت امير ومنار واختة يسولفون ومنار تضحك وية امير بدون حجاب خرب يومهة هاي مو جانت نايمة شكعدهة
مردتهة تعرف انو الحركتهة مرت رائد لأن اكيد راح تضوج ..........
منار....بعد فترة سمعت صوت بنية يصيح باسمي
باوعت بنيةة ما اعرفهة
...انتي منوو؟!
...اني اخت امير ،
تعاي سويت اكل حتة ناكل سوة...
...هااا بس شو مشفتج من اجيت لبيتكم؟!
....اي صح جنت نايمة اعتذر...
...لا عادي
...يلا تعاي نأكل سوة وراج دوة مو
..اي صح
منار....طلعنا اني والبنية سوة ولاكيت امير بالطريق حقة ياسر يحبةة سوالفة كلش حلوة ويضحك
كعدنا كلنة ناكل سوة سألت امير
....امير صدك ياسر وين شو ماكو؟!
....خل يولي شسوين بي شنو احنةة مو بعينج
...لا ههههه صدك ياسر وين!؟
....راح بشغلة وبقاني اني وأختي يمج هسة يجي ميتاخر
منار....اكلنة اني وياهم وصدك سوالفهم تضحك خصوصا من يتعارك امير واختة يخربون ضحك
ورة شوية طب ياسر هوة ورائد وبتة مريم
سلمو وكعدو بس الوجوه متبشر بخير كلهة ضايجة...!
شفت ياسر كام وصاحني اجي
رحت ورى بالغرفة
ياسر.... منار احنة شتفقنة ليش ماكو حجاب
منار....عزة والله نسيت ممتعودة ونسيتةة
ياسر....منار كعدي هنا ولطلعين خوش ... وصدك وين ادوية مالتج
منار....لا عيب شلون اعوفهم هناك وحدهم خل اجي وياك وأدوية ما أريدها لأن بس اشربهة انام .
ياسر....منار انتي مريضة ابقي هناا ولطلعين وشربي الادوية ونامي
منار....هاهية روح افتهمت
عافني وطلع شربت الادوية ورحت نمت بس ضليت افكر توني طبت ورهة احتركت
المرة الجاية يمكن انتهي هههه خرب حضي اشو من ازوجنة ولحد الآن يومية سالفةة طالعة هاي
كل اليزوجون هيج...؟! من تفكير نمت .....
ياسر....طلعت من الغرفه وضايج حيل هم علة منار وعلة رائد وسالفتة
لكيت امير يسولف الرائد شلون مرتة حركت منار
اني متاكد رائد راح يطلك مرتة بعد هل الحجي كلةة
شفتةة رائد مكسور ومستحي من عدنة حيل من ورة وحدة متسوة نعاال*خلتة ينزل راسة
رحت وبستة من راسة وكلت
......ما عاش الي يخليك تنزل راسك تروحلك فدوة لتراب رجليك والله
حضني وترخص راد يروح بس مخليتهم رحت جبت غدة
وحضرتهن وردت اصيح منار بس لكيتهة نايمة عفتهة وطلعت امير كال
.....ولك شنوو شسويت بالبنية شو اختفت شنو خنكتهة .
...انجب لك ك*** بس نايمةة طلعت
.....ههههه عوفهة لعد اليوم خوش غدة راح ناكل براسك
.....خاب تنجب لو اكوملك بالنعال اني جايبة الك لو ل ابو مريم
....يا يابةةة شوف التفرقةة جان اني ابن البطة السودة وهيج مالي خاطر
....دنجب لخاطر ربك وأكل بدون صوت....
احنة وكاعدين ناكل كال رائد
....اني قرررت***********************
فارگني اعله گيفگ
لا يحس الليل ....💔
وتدري_اليل
يخنگ كل بشر فاگد .................. _________________________________________________________
رائد. ...اني قررت احرمهة من مريم ومسحيل اخليهة تشوفهة وخليهة يم امهة لأن اني متاكد هسة راحت لامهة وراح اطلكهة غيابي لا اريد اشوفهة ولا تشوفني
ياسرر....زين ما سويت رائد ولو لو اني منك ما اخليهة عايشةة
رائد. ...خل تولي ما الطخ ايدي بدمهة
امير....زين ما سويت رائد طلكهة واخلص ..
رائد. ..هوة اني هم هيج كلت وهسة اترخص راح اروح اني ومريم للبيت
ياسر....راح رائد وراى هم ترخص امير وراح ودعتهم وطبيت للبيت
رحت للغرفة لكيت منار بعدهي نايمة
صفت علة منار احسهة عانت اكثر مني من عرفتني لهذة اليوم حتة فكرت اني نحس عليهة ..
استغفرت ربي وحاولت اكعدهة متكعد كانما غايبة عن الوعي
...مناار كعدي يمعودة
...خايبةةة كعدي شنو شبيج انتي كل مرة تهبطيني
شفتهة كامت تتحرك وهم تونون خرب يومه متبطل هاي العادة كل مرة تخبلني وعبالي بيهة شي.....
منار...كعدت علة صوت ياسر يريدني اكعد باوعت علية وضايجة منة مخلاني اكعد يمهم
ولا جاوبتة سويت نفسي ما اسمعة
آخر شي مليت منة كلت
....هاااااا شكو
...كعدي منار اكلي وياية
...ما اريد عوفني
....كومي ولج هية بكيفج كومي يلاااا
...ما اكوم وما اريد
....شبيييج كومي وبدون صوت يلةةة
....استغفر الله ربي شبيك انتة دا اكول ما اريددد
...اي وليش بلةة؟!
.....هيج ما اشتهي اكل
.....منار ضايجة مني لأن كلت فوتي جوة بالغرفة ترة هذا موضوع تافه وميستاهل زعل
...اي ؟!
....شنو أي كومي وياي اكلي ما اشتهي اكل بدونج
باوعت علية صفح
.....اممم صدكت؟
...وليش مصدكين كومي يلة حبيبتي لخاطري خل نأكل ولج جوعان...
...كوووووميييي
...اي كمت شبيك لصيح!
....انتي الة بالخوف يالة تمشين؟
عفتة يحجي وطبيت للحمام
طلعت ولكيتة حاط الاكل وكاعد ياكل ! شو منتضرني هذا!
...كعدت اكل بس ضايجة منة ومن تصرفاتة متضاربة ...!
ياسر.....ايي ست منار شلونج
منار...خزرتة وكلت ...بنص الخيرر والحمدلله..
ياسر....اي طبعا الي يكعدد وياية يشوف كل الخير
منار...كلت بكلبي ايي كلش مبين. جاوبتة
....آي زين تعرف نفسك...
ياسر. ...منار تدرين المن مشتاق
منار...اي بلةة المن؟!
ياسر...للعركات مالتنة
منار...لا حمدلله عقلت اني..
والدليل هسة انتة دتتحارش بيةة واني ساكتة وادورلك عركةةة كووول جذب...
ياسر.... ما اصدك المخبلة صارت عاقلة ولج اني ناوي هل يومين اوديج للشماعيةة ...!
منار...استغفر الله ياسر اسكت لخاطر الله
ياسر....شنو هوة بكيفج شوكت ما اريد احجي
منار....عفتة يحجي وما اجاوبة واحد خازر الثاني ضحك ياسر وكال. ...
ياسر. ...ههههههه هاي كعدتنة تذكرني من كعدنة بالمطعم وواحد خازر الثاني والله ايام ..
منار... هههه اي اذكر والله ايام ،
ياسر. ... شنو رايج نعيدهة
منار....لا اكيد لأن ابني ميقبل
...صدك منار بيا شهر انتي
...راح ادخل التاسع
....لا ولج صدك يا شهر
....يا زوجي العزيز ب شهر الثاني مضل شي وادخل الثالث
...هااا بس بعد هواي شيخلصهن هل اشهر
منار...اريد اروح لبيبي هل الايام شتكول!؟
ياسر...نشالله اطيبين ونروح ، ولج خطية خاف تنجلط نوب مرة
شافتج مكسرة وهل مرة محروكة نوب خاف اخذج وبعد متنطيج الي...
.....لا لتخاف اني راح ابقة يمهة ولا ارجع بعد
ياسرر....اييي نشوف عود
منار....اي نشوف ليش لااا
خلصنة اكل وياسر راح للغرفة ورحت وراى شفت الدهون مال الحرك لازم احطهن بس منو يحطلي
جنت لازمتهن وحايرة ....
ياسر... هاا شبيج شو دايخة؟!
منار....هذني الدهون منو يحطلياهن ..؟
ياسر...دتعاي اني احطهن شنو اكو مشكلةة بالموضوع
منار....هااا اكلك عوفهن يعني الة احطهن مياثرن اذا ما احط
ياسر..تعاااي منارر لازم تحطيهن يوخرن الاثر ذني ، تعاي نامي يلااا حتة احطلج العلاج...
منار....رحت بس خجلنة منة رغم صارنة هواي مزوجين بس بعدني اخجل منة ..
حطلي الدهون بس هوة ويدهن بضهري نعست واخذتني النومة ...
...كعدت بعد فترة باوعت ياسر نايم يمي وحاضني ...
ردت اكوم للحمام بي حضاني ميخليني اكوم كعدتة وكلت
...ياسر وخر خل اكوم
...ياسسسرر
....شنو مسوي روحك نايم خابب هدني خل اكوم
ياسر....متكومين منو لازمج..!؟
منار...عوفني بالاول شلون اكوم إذا انتة حاضني
ياسرر...يا شلون نسيت
منار...شنو شنسيت
