رواية نعم أحببتك الفصل الرابع والعشرون 24 بقلم انين الليل

رواية نعم أحببتك الفصل الرابع والعشرون بقلم انين الليل

بصراحه احيانا المظاهر تخدع الناس وانا چنت غبيه ومخدوعه

انصدمت من شفت سعد شايل ابنه ويطفي ويا الشموع وزوجته يمه وفرحان بيها يعني متزوج وعنده اطفال لعد

ليش راد يخطبني واذا هو متزوج الناس الي اجو ويا منو همه زين اذا راد يتزوجني قابل انا ما راح اعرف انو

هو متزوج وعنده اطفال لا اكيد هاي فبركه اي ميه بالميه فبركه

ولج بثينه شلون فبركه بعدج اتدافعين عن هذا الحقير يعني

شكد جنت غبيه وعاندت نفسي واهلي وخليت اياد يتحكم بيه

ردت انهزم من بيت اهلي واخلي راس ابوي واخوتي بالوحل

على مود شنو والله واحد يراقبني بلكليه ودافع عني وكلي احبج

ليش هو الي يحب يخلي حبيبته تعوف اهلها وتنهزم ويا

اويلي شكد جنت غبيه خسرت دراستي وخسرت ثقة اهلي واياد ابن عمي الي اعرف بي

شگد يحبني لكن هسه ما ادري هو زوجي لو عدوي ما اعرف بواسطة HayderMohmed

البارت الاخير

نعم احببتك ،،،،😊😊😊،،،

بصراحه احيانا المظاهر تخدع الناس وانا چنت غبيه ومخدوعه

انصدمت من شفت سعد شايل ابنه ويطفي ويا الشموع وزوجته يمه وفرحان بيها يعني متزوج وعنده اطفال لعد

ليش راد يخطبني واذا هو متزوج الناس الي اجو ويا منو همه زين اذا راد يتزوجني قابل انا ما راح اعرف انو

هو متزوج وعنده اطفال لا اكيد هاي فبركه اي ميه بالميه فبركه

ولج بثينه شلون فبركه بعدج اتدافعين عن هذا الحقير يعني

شكد جنت غبيه وعاندت نفسي واهلي وخليت اياد يتحكم بيه

ردت انهزم من بيت اهلي واخلي راس ابوي واخوتي بالوحل

على مود شنو والله واحد يراقبني بلكليه ودافع عني وكلي احبج

ليش هو الي يحب يخلي حبيبته تعوف اهلها وتنهزم ويا

اويلي شكد جنت غبيه خسرت دراستي وخسرت ثقة اهلي واياد ابن عمي الي اعرف بي

شگد يحبني لكن هسه ما ادري هو زوجي لو عدوي ما اعرف

اكيد الناس الي جابوله التصوير اكيد يعرفون بلي بيني وبين سعد وهم اكيد خبروا اياد وادري بي ما راح يغفرلي

عضيت اصبعي من الندم وشغلت الجهاز اريد اشوف شنو المفاجئه شفت فديو جديد وكان هذا هو الصدمه الحقيقيه

لمن شفت شخص جاي يعترف شخص لاقين القبض علي الي شد انتباهي تاريخ هاي الاعترافات هاي لمن

احنا بالبصرة وهذا الشخص الي جاي يحجي شايفته اي بس وين منو هو ظليت ادك على صفحة راسي واستذكر

الاحداث الي مرت بيه من عرفت سعد اي تذكرته هذا هو نفسه الي حاول يخطفني

واسمع صوت المحقق كمزت من مكاني وانا احجي واكول

= لا ياربي هذا صوت اياد هو الي جان يحقق ويا اريلي عليچ بثينه

اياد ::ليش ردت تخطف هاي البنيه بالذات

المجرم بخووف /سيدي انا ما ردت اخطفها بس اكو شخص يخطط

النه واحنه أنفذ

اياد بهدوء بدون ما تطلع صورته ::عوفنا من البنيه بس كلي شلون

يخطط الكم ومنو هذا الشخص

المجرم بنفس نبرة الخوف /سيدي هو يشوف البنيه الي يريد يوكعها

واكو ناس تجيبله كل المعلومات عنها وهو يبدي يخلي الخطه

سمعت الجداحه شعل جكاره وسحب نفس لان شفت الدخان

اياد ::اي بالله وشنو الخطه

المجرم / سيدي هو يراقبها وبعدين يخلينه ايام نلحكها وينطينا ايعاز نبدي نتحارش بيها بعد ما يكون بالبدايه

عرف كل شي عنها وأندل بيتها وهو يتدخل بالوقت المناسب او نحاول نخطفها وهو يلحكنه ويخلصها منه

وبعدين هو يبدي يصادقها

،اياد باستهزاء ::ايبا هذا طلع رامبو واحنه ماندري كمل

،المجرم /سيدي احنه تخلص مهمتنا مقابل مبلغ ينطينيا إياه ونروح كل

واحد البيته نحاول ما نلتقي احنا التلاثه الى ان يتصل بينه ايحدد الزمان والمكان

اياد ::وضح اكثر

المجرم /:سيدي احنه من نكمل المهمه ينطينه فلوس وبعدين يخابرنه

على فريسه جديده وره شهرين تلاثه نلتقي وهو يفهمنا شنو

لازم نسوي ويدلينه المكان الي نبدي بي نراقب او نلاحك البنيه

،اياد وهو ينفخ ::زين البنات وين

المجرم ما جاوب رجع اياد زمخ علي وكله ::جاوبني البنات وين معقوله تكتلوهن انت وصحبانك بامر من رئيس العصابه

،المجرم يبلع ريكه /لا لا سيدي شنو نكتلهن احنه مهمتنا نتحارش والباقي

اياد ::لا تسكت كمل

المجرم // سيدي هو عنده علاقات هواي ويه ناس واصله فكل شي عنده عادي ولا يخاف بس مستحيل يكتلهن

اياد ::وليش هلگد متاكد

المجرم // لان هو نعرف بي ما يساوم اهل الضحيه

اياد //شمدريك

المجرم //سيدي خطته يسوي وياهن علاقه وبعدين يبدي يبتزهن

،اياد بذهول ::شنو ابتزاز وشنو هاي العلاقات الي يسويها

المجرم /: سيدي الي نعرفه هو عده علاقات ويه ناس (وسكت )

اياد ::قصدك عده علاقات بالحكومة مو

هز راسه //اي سيدي ودائما يكول لا تخافون من تنلزمون ساعه واطلعكم

لان انا جاي اخدم ناس ثكال اذا صار وياي شي بتلفون تنگلب الدنيا

اياد جر حسره وكله ::كلامه صحيح بس هم اكو ناس إشراف موجودين بنفس الحكومه يخافون على

أعراض الناس لا تخلون الاوضاع والحكومه والناس الواصله شماعه الاخطائكم قبل لا تتصرفون

هيج تصرف فكرو باعراضكم تره حتى لو اكو ناس تطلعكم هم راح تنكشفون والناس ما تسكت على ثارها وياكم

المجرم /سيدي هو تحس بي ما يخاف من اكبر واحد لان اكو ناس وراه حاميته وتصرف علي

اياد باستهزاء ::اي لعد وينهم الناس الثكال ما يجون يطلعونكم لو

يتوسطولكم كمل هذا صاحبك من يسوي علاقه ويه الضحيه شنو يصير

المجرم /:بعد ما يسوي وياهن علاقه واحبج واريد اتزوجج فهو

يصورهن ويسجل محادثاته وياهن وانوب يبدي يبتزهن

او يضغط عليهن ويشغلهن بالد-- ما كمل سكت --

،اياد بدأ يصيح ::بيمن هو يشغلهن احجي

المجرم //سيدي اخاف

اياد ::احجي لا تخاف القانون مثل ما ايدينك يگدر يحميك ولو اكبر راس ما يوصلك لان مثل ما اكو ناس انذال تبيع

كرامتها بفلوس اكو ناس اشراف ملايين الدولارات ما توكف بعينها فاحسن الك تحجي يمكن الاعتراف يخفف الحكم عنك

،المجرم سيدي /هو عنده عنده بيت للدعارة واحيانا يسفرهن يشغلهن ملاهي وتهريب ومخدرات وحبوب او ......

اياد قاطعه ::الله يطيح حظكم زين انت (اهنا اياد لزمه من ياخته )انت ياحقير ماعندك اخت زوجه بت ما تخاف

مثل ما تستدرج بنات الناس الله يسلط من يستدرج عرضك بس انتم عدكم عادي لان غيره سزز

وهسه سولفلي على هاي البنيه الي ردت تخطفها من باب الكليه

،المجرم بخوف /يا هي سيدي

جاوبه باستهزاء ::هااكيد ما تذكرها لان الظاهر هواي مشتغليله لك هاي الي

ردت تخطفها وخليت المسدس برأسها

المجرم / ها اي سيدي اتذكرتها عرف بيها أبوها عنده محلات ويتاجر بالعقارات وعنده هواي أعمال وهي متفتحه

زايد فراد يسوي وياها علاقه ورسم الخطه على اساس بالبدايه انا اتحارش بيها وبعدين احاول اسمعها كلام واشوف

ردة فعلها واذا ما كدرت احاول اخطفها وياي هذوله الاثنين هو سوالنه الخطه وانطانه الاشاره بالموبايل فانا حاولت اخطفهاهي قاومت حتى ضربتني بالجنطه أثناء مقاومتها وكعت سبحه ذهب من ركبتها بصراحه انا عتيتها واخذتها

هو اخذها مني وصورها وانطانه اياهاوقرر يشتري مثلها

اياد ::وليش يشتري لا تگلي كريم

لا استاذ اشترا الگلاده حتى يبين انو هو تاجر وابن خير

اياد ::ابن نعل وبعدين كمل

المجرم /خليت المسدس وعلى اساس فتحت السياره ويه أصدقائي

وهو بالوقت المناسب ينقذ ،،،،

اياد يقاطعه::اي يجي سوبر مان الكوا،،

المجرم /هو سيدي حاول بس يصادقها مثل الباقيات

بس من عرف انو عدها كرايبها يشتغل ضابط بالمكافحه

غير الخطه وطلب منه نفترق كل واحد يروح المكان

بعدين عرفنا يريد يخطبها ويتزوجها

اياد ::ليش مو مثل الباقيات مو تكول حلوه ومتفتحه

المجرم /والله ما اعرف بس مبين سيدي علمود بعدين من تكشفه على حقيقته راح تطلب الطلاك عاد هو يبدي يبتزها

ويأخذ منها فلوس هواي او إذاما تقبل يشغلهابا،،،

اياد بصوت عالي يقاطعه ::انجب حقيير اسكت كافي

انا سمعت هاي الاعترافات وشفت الكثير من مقاطع الفديو وأنا احس انو معدتي كلبت

رحت ركض للحمام واتقيات من التصوير الي شفتا والكلام الي سمعته

وانا أعض أصابعي ندم وقهر واغم بروحي

هذا الي ردت أبيع اهلي على موده

هذا الي تحملت كل شي ضرب اهانه رزاله طلع نذل وحقير

واياد جان يعرف وضام علي

يجوز حتى اهلي يعرفون لعد شنو البرود الي يعاملوني بي وابوي يگل الاياد مرتك

شتسوي بيها سوي

دكيت على خدي وانا أكل بروحي واحجي

--يعني اياد يدري بسعد من البدايه وما راد يحجي وانا حمارة

دايخه بالحب لا والمصيبه اياد يدري انو هاي السبحه مو مالتي وإنما

جايبها الملعون الله يأخذه امداني شكد غبيه

اشلون بعد اباوع بوجه اياد هم الي عين

-اي غصبن ما عليه كل شي اتحمل منه إلا اصيرلك خدامه جوه رجلينه

إلا اكسر يوميه عصة ماسحه واخليك تضربني عن العذاب الي عيشتك بي وعن استهتاري بكرامتي وباهلي وبيك

وصرت مرة ابجي ومرة ألوم على روحي ومرة اكله اياد وينك ويكون الجواب

=هسه ردتي الاياد الله لا ينطيج اشسويتي بي حتى ما تضحكين

=بوجهه واتهمتي بالبخل وعدم الرجولة الله ياخذج يا بثينه

وظليت اضرب اخماس باسداس واتاخر الوقت وما اجه اياد وين صرت

ابد ما متأخر عن الساعه تسعه واذا راد يطلع ويه اصدقائه يجي يكلي بس هو اتأخر

ظليت بقلق ياربي وين اروح لبست روب قطن فوك التراك وطلعت للحديقه اباوع ماكو

تقريبا الساعه أكثر من 11 شفت ضوى سيارة ضليت واكفه وانا لابسه الشال منتظرة اياد اريد احضنه

شفت واحد فتح الباب عرفتها سعاد

باوعت الها باستغراب = سعاد شجابج بالليل شنو صاير

سعاد بارتباك ،،،ما صاير اي شي بس اياد عمل حادس

انا صحت ولطمت على خدي و اهز بسعاد

=بي شي سعاد احجي

سعاد /،،حبيبتي ما بي شي يالله ادخلي البسي وامشي معي للمستشفى هاده ابو محمد جارنه هو بياخدنه

انا رفضت ادخل للبيت راحت سعاد جابتلي جبه و اجت

صعدت بالسيارة وانا أحلف بسعاد = اياد شبي كليلي سعاد لا تضمين عليه

وهي تقسم ما بي شي وصلنه وانا رحت اركض لكيت يونس

--يونس شنو صار اياد وينه

يونس بارتباك ،/:،، أن شالله ماكو شي

=يونس شنو الي صار وين اياد

يونس والدموع ماليه عيونه//،بغرفة العمليات ادعيله

وكفت اباب الردهه وانا ألوم بنفسي وامرر ايدي على حلكي

= ليش هيج سويت لو انا من اياد ما اسامح ولا اغفر

وصل ضابط ويا شرطه اوياهم واحد لابس قاط مدني شافهم يونس

واتقدم بكل احترام

الرجل ،،،شنو صار

يونس //استاذ داهمنا الوكر ويه الشرطه اللبنانية والقينا القبض عليهم

الرجل /اياد شلون اتصاوب

يونس//سيدي من رحنا على الوكر صار إطلاق نار واياد ركض

على رئيس العصابه وصار رمي اياد قتله وقتل اثنين منهم بس الظاهر

واحد بعده بي روح وهو راجع صوبه

الرجل يتساءل عني باشاره من راسه

يونس جاوبه /هاي زوجه اياد

أتقدم الرجل المدني وكلمني /السلام عليكم لاتخافين بابا على اياد

رجلج شجاع ةسبع وكلنه مفتخرين بي

وقبل بهذا العمل علمود يقضي على هاي التجارة الرخيصة هو

إنسان من حقج تفتخرين بي

أن شالله يعدي من هاي الازمه

انا ما حجيت بس من كلي بابا نزلت دموعي وكمت انحب بصوت عالي

طلع الطبيب وسئله الرجل، ،،،طمنا دكتور

الطبيب /احنه عملنه كل شي بنئدر علي ونئلنا للعنايه المركزة ادعوله

استأذن الرجل مع الضابط وراحو ورة الطبيب وانا وسعاد بقينا

بعدين اجه الطبيب مع يونس واتكلم

الطبيب /يا جماعه ما في داعي تبئو هون هو هلا بالعنايي المشددة

يعني انتو ما ال كن لازم

يونس باوعلي وكال /:،،ياالله خويه روحي وسعاد تبات يمج وباجر من الصبح تعالي وانا ابقى اهنا

انا بس اهز راسي،بدون وعي

يونس /:ام اسد ما كو تبقين انا باقي

انتبهت على سعاد كان مبين عليها التعب

جاوبته وانا انفخ = يونس أنت وسعاد روحو لان خطيه تعبت وانا ابقى ما أتحرك إلى ان يصحى اياد ،،،،

يونس //بس انتي سمعتي الطبيب يكول بعده ما يصحى هسه امشي خويه وندعيله

هزيت راسي = ما أتحرك منا إلى ان يكعد اياد لو ادري أظل العمر كله لا تحاول أخذ مرتك وروح انا ما علي شي

شافني يونس شكد مصره وقرر يروح بس طلع نقالات اثنين كلي

:اتفضلي هذني نقالاته وهاذي محفظته راح اروح وكل شويه اتصل بيج والصبح اجي من غبشه

اخذتهن خليتهن بجيبي وضليت الليل كله وانا مرة اوكف مرة اكعد على الكرسي مره اكعد بالأرض

وكل ما اشوف ممرضة او دكتور اسئلهم يكون الجواب (ادعوله)

اتحسست جيبي وطلعت نقالاته اثنينهن ما اعرف ليش فتحتهن مع العلم اعرف باياد اميد مهليلهن رمز لكن الي فاجأني اثنينهن ما بيهن اي رمز فتحته شفت رسائل كومه جايته اليوم قريتهن

اياد ترة العصفور صار بالقفص

ادري سيدي لان العصفورة كلتلي

يمته تروح

بالليل احجز البغداد واجي

اياد دير بالك ما اوصيك لان انا متواصل للعمل مع الجهات الي بلبنان

اعتمد سيدي

دير بالك ياريت تلقي القبض علي هذا العار سعد واذا اضطريت اقتله احنا عرفنا كل شي عن العصابه

وشغله بالتهريب

(انا احجي ويه نفسي يعني اياد قتل سعد الخائن)

وشفت رسائله ويه زين

اياد ::ها زيوني شلونك وشلون عمي وعمتي

زين /احنه زينين بس مشتاقين

والله احنا أكثر

اشلون بثينه

بزونتي زينه

يعني مرتاحين

في قمة السعاده

وشكد قريت محادثاته هسه تكولون هاي أسرار ليش تفتحين نقاله

لأن من شفت التصوير وعرفت انو كل شي يعرفه عني انا حبيت أقرأ رسايله

فتحت النقال الثاني

لكيت رسائل جايه من صديقاتي استغربت شلون صديقاتي يدزن رسايل اهنا اتذكرت شريحتي

،،،،،،ولمن اياد كسر النقال وهنه كاتباتلي

اشلونج حب شخبارج وأخبار العشك ليش نقالج مغلق

شنو صار بالخطبه فرحينا

،،اكلج وابن عمج المعقد شخباره

وهواي من هذا الكلام

بس اياد يرد عليهن بلساني (انا الحمد لله زينه

لا بابا ما وافق اتزوجه وقرروا يخطبوني الابن عمي

وهسه انا ا تزوجت المعقد ابن عمي والله يعيني )هذا رده على صديقاتي

وحده من عدهن تكلي

يابووووي بثينه الله يعينح

والثانيه تكلي بثينه اذا ما تردي الابن عمج المعقد عفيه انا اخذه احب الرجال الحمش ههههههههه

وحجي انا باوعت على تاريخ المحادثات

لكيتهم ثاني يوم زواجنه وهو يرد بكل أريحية وما ماسحهن

لا عيني ابن عمي يحبني ولو اعذب بي واتعزز علي العمر كله ما يبدلني

بعدين شفت رساله من هذا الحقير سعد كانت ثاني يوم

/هلا حبيبتي بالي يمج خو ما صاير شي

اياد طبعا راد باسمي --لا ما صار شي الحمد لله وأنا تزوجت ابن عمي

وبعد ارجوك ما تتصل لان كل شي انتهى

وكام اياد وإنطا حضر

بقيت أفكر معقوله هلكد انا غبيه ما حسيت بحب اياد ولا بحنيته

اي بس ليش يضربني و يتلذذ باغتصابي وانا ما احبه

ولج بثينه الج السان وتحجين ليش انتي الي حبيتي شنو طلع ولج

أدعي ربج الله ياخذ بايده ويكوم الشبابه شحصل منج بس القهر من

امه الي ما تريدج لو من عذابج

انا بصوت مسموع (اياد إذا يصير بيك شي انا وراك ما اريد أعيش ) وبقيت ابجي

___________________________________________________

لمن اياد كل البثينه راح يحجز وانو بس يوصل البغداد يطلكها

بعد ان يخلي كل الحق علي لان اياد يدري انو بثينه ما تحبه وحس بالذنب لمن طلعها بليله المطر

وكان ممكن تموت فمن جابلها التسجيل كان نيته تشوفه وتعرف سعد على حقيقته وبعدين ينتهي كل شي

وطلع واتصلوا علي انو العصفور صار بالقفص ،،،زين اي عصفور واي قفص ،،،

هو لمن بثينه اجه سعد يخطبها وسمع اياد شك بالموضوع وحس اكو لعبه خصوصا ويجي واحد ينقذها من دون الناس بعدين يجي يخطبها واياد أخذ المعلومات بنفس الوقت دز على ولد صديقه يشتغل بدائره مهمه

وكله جيبلي معلومات عن هذا الشخص

وفعلا جابله معلومات وانو هو شخص علي شبهه وبين يوم وليله صار غني مثله مثل حال الكثيرين في مجتمعنا العراقي وانو مسنود من جهات ،،،،،

اياد حجى العمه كل شي وانو خايف على بثينه واتفق انو ينهي عليها وبس خطبه بعدين من يوكع سعد وتعرفه بثينه على حقيقته يخليها بكيفها هي تختاره او لا (بس الصدك اياد ما جان اله نيه يعوف بثينه لو يتركها لو شما يصير لان اياد يحبها )

اياد فهم عمه على كل شي واهم شي لا يبين البثينه اي شي لان هو يخاف عليها بس اتغيرت الخطه من سمع بثينه

راح تشرد ويه سعد هو اتصرف بسرعه وعقد على بثينه وصار الي صار

اياد جان متواصل ويه الدائره من اكتملت المعلومات الدائره

دزت على اياد وفهمته لازم يقدم استقالته بصورة شكليه أمام كل الناس

لان سؤاله على سعد فتح كثير من الألغاز خصوصا بعد ما اياد وجماعته

القوا القبض على الجماعه الي تحارشو ابثينه

عرفوا انو سعد يبتز النساء من خلال صور او أشياء أخرى وبالتالي فهو يقوم بتسفيرهن إلى دول عده

وعرفوا انو نشاطه أكثر شي بلبنان وبعض دول الخليج وعرفو انو سعد سافر ال لبنان بحجة العمل

اياد من انطى اللابنوب البثينه طلع واجا تلفون انو سعد دخل للوكر الي جانو مراقبينه قبلها اتصل بشركة سياحه وحجز البغداد راح اياد للكمين طبعا بالتعاون مع الشرطه اللبنانيه وتضاربو لكن

اياد كان يهمه أن يقتل سعد لان هو مو بس مجرم ومطلوب للعداله لا هو يطلبه بثار

سعد راد يضحك على بت عمه وحبيبته الي هي هسه زوجته وعرضه

وترامى وياهم اياد ودار عليهم وفعلا قتل سعد وجه الوجه

لكن أحد أفراد العصابه كان بي نفس وصوب اياد وكع وشاله يونس

وهو يكله :: رجع بثينه الاهلها لا تخليها تعرف بالي صار

شالو بالاسعاف ودخلو عمليات

بثينه

ظليت ابد ما نمت ولا حسيت بتعب صار الصبح واجه يونس ورحت ويه الطبيب ما خلوني اشوفه

دخل الطبيب كال أن شالله خير واتوسلت اشوفه قبل الطبيب

ودخلت بعد ما لبست كمامه وكال خمس دقائق شفته كل جسمه أجهزة وخرت الكمامه وحطيت حلكي على خده واحجي ويا

= حبيبي اياد كوم ولا تفكر تعوفني يا عمري انت السبع الي ما تنغلب

اياد إذا تسمعني يا عمري الخاطري كوم تدري شنو قررت

بس تكوم اله اصير خدامه جوة رجليك

لأن انا حقيرة وما استاهلك

وبجيت اباوعله حرك إصبعه

يعني سمعني دنكت على اصبعه بسته واجت الممرضة طلعتني

طلعت وانا بغير عالم والوم بنفسي كله مني كله مني

ظليت بالمستشفى ما أقبل اروح الاي مكان واجت سعاد وجابتلي عصير وقطع كيك وتتوسل اكل لو شويه بس انا شربت بس الماي

ورفضت اروح للبيت

وظليت لليوم الثاني وانا مكابله الغرفه شافني الطبيب واتكلم وياي

،،،،مدام ما بيصير تبئي هيك لازم ترتاحي ،،،،

انا و دموعي سبقني--،دكتور وين ارووح هو بيتي وزوجي وكل حياتي

وظليت مراقبه الغرفه

وصار الليل واجه يونس وسعاد وجابو اكل انا ابد بس اشرب ماي

سعاد قطعتلي تفاحه واتوسلت انا أخذت قطعتين وما قبلت اروح وياهم

وبعد أن يئسوا راحو وبقيت انا كاعده بالكاع واجتني ممرضه كلتلي امشي الغرفتي ارتاحي انا رفضت

راحت جابتلي بطانيه زغيرة وخلتها على اكتافي الصبح دخل الدكتور مع الممرضه ومن طلع كل لها

انقلو المريض للغرفه استقرت حالته

ورحت أركض قبلهم وخلو بالسرير بس هو بعده ما منتبه

واجه الدكتور وفحصه واتكلم مع الممرضه على العلاج وعلكوله مغذي بأيد وايد الثانيه دم

سئلت الدكتور --طمني دكتور الله يخليك

الطبيب باوعلي وابتسم /الحمد لله نجى بأعجوبة الرصاصة شعره عن الئلب ،،القلب،،،الله يامدام رأف بحاله وحالك

حمد لله ع سلامتو

ظليت يمه ما فاركته ومن طلعت الممرضه انا لزمت ايده وبستها وانا أعتذر

واحجي ويا هو نايم ثاني يوم الصبح انا من التعب كعدت بالأرض لان احس اتكسرت من الكعدة على الكرسي

وكنت اباوعله حسيت كأنما آهه طلعت منه وكفت شفته فتح عيونه شفته بجيت كتله

الحمد لله عه السلامه يا بطل يا عمري وروحي يا كل شي بيه

أحبك اموت عليك

وبسته بخده باوعلي وانا ابجي عيونه غوركن بالدموع

كتله = ابوس رجلك لا تبجي ايودي يا عمري

شد حيلك لان انا ما اكدر أعيش بدونك

أنت سبع ورفعت رأس والسبع ما يبجي

بس اياد نزلن دموعه انا دنكت على دموعه وكمت ابوس بيهن وهنه على خده وأكله

= اياد فدوة سامحني

دخل الدكتور والممرضه فحصه /الحمد لله على السلامه استاز بس بدي

بئلك ع شي

ياخي شو هالمرة يلي عندك اديش بتحبك من يوم الحادس لهله ما

نامت ولا كلت صرنا خايفين عليها

الممرضة /وهلا بدنا تئلها تروح ترتاح وتأكل

باوعلي اياد وحركلي عيونه يعني روحي

انا هزيت راسي بلا

لكن من اجه يونس وسعاد بقى يونس يمه وانا رحت للبيت سبحت

وسويتله شوربه ورجعت انا وسعاد خطيه تعبت وهي حامل

وبقيت ويه اياد اتناوب انا ويونس وهو ولا يحجي وياي

إلى ان طلع من المستشفى وكال الدكتور لازم يرتاح شهر

ورجعنا للبيت وهو متمدد عه الجربايه وانا كاعده بالأرض انا

احجي ويا هو ما يرد عليه بس انا اكول

-- خلي حل وياي استاهل اكثر

خامس يوم من طلع من المستشفى اجه يونس الي ابد ما فاركنه

وسئله اياد بتعب وحزن

ايادكوه يحجي:: اه يونس حجزت البغداد

يونس كله /:اي سيدي باجر ان شالله السفر

انا فزيت من مكاني واحجي بحزم

=ولو لازم أعتب عليك يونس لان ما خليت سعاد تكول على طبيعة

المهمه بس مي خالف اعتبرك مثل اخوي زين العابدين

ومن باجر لاتجي ابقى يم مرتك خطيه حامل ومحتاجه مدارا اما انا ما راح أسافر ياالله

خويه روح يم سعاد لان تعبانه وما الها خلك من الحمل

يونس ما حجى بس ابتسم وراح

واجيت امشي وكعدت يم رجلين اياد

باوعلي وحاجاني اياد بتعب ::باجر نسافر كومي حضري الجنط

اناجاوبته بهدوء = سافر أبحدك عيوني انا باقيه اهنا

اياد بتعب::وج وين باقيه

= اهنا بالبيت اريد إداري زوجي خطيه تعبان والطبيب كال لازم يرتاح شهر

اياد أبتسم انا شفته أبتسم حتى نسيت هو متصوب

كمت اطفر عبالك طفله جاهله = حبيبي يعني انت زعلان مني شويه

اروحلك فدوة بس انطيني فرصه هذا الشهر

واذا تبقى زعلان انا بنفسي اكلك طلكني

-وبرطمت -واروح البيتا ويجوز انا اخطبلك مره واصير انام ابحدي

ويه دبدوب الحلو

باوعتله بخباثه

= بس اكو واحد من چانت مرته مريضه لو تشوفه شنو يسوي چان يروح ينام بالغرفه الثانيه والصبح من تكعد من

النوم تلكا نايم بحضنها وشابكها

اياد كوة يحجي ::انا قررت اطلكج لان ما احبج خليتج أداة علمود

اتخلص من هذا النذل الساقط احنه طريقنا مسدود

لازم واحد يعوف الثاني كافي بثينه قررت وخلص

انا اتخوصرت وكتله = اي مو هي بكيفك والله ياالله ماتحبني مو

شنو عيني ما سمعتك ذيج الليله لمن ذبيتني بالمطر والبرد وانت تبجي وتكلي احبج اموت عليج من يصير بيج شي

اموت وراج شنو بكيفك تعوفني بعدين انا اريد فصل لان ردت اموت من البرد

اياد بابتسامة باهته ::حاضر شتردين فصل انطيج بس هم لازم نتطلك

انا=امم ام اي اريد فصل لعد شنو يابه افوتها الك --اتقربت منه وحجيت ويا --

=اياد سامحني وانت بكيفك شنو يرضيك تضربني تصيح علي تخليني

خادمه بس سامحني

والله خادمه جوه رجليك ابقى اياد اتزوج علي والله اخدمك انت مرتك

اياد ::وليش كل هذا

جاوبته وانا اشهك من البجي = لأن أحبك والله احبك

ونزلت دموعي حسيت بأيد دافيه انمدت علي ومسحت دموعي

كتله = والله راح أسمع كلامك بكل شي شتريد سوي بيه اهجرني

اضربني بس لا تطلكني اياد انا احبك وما اعوفك

لزمني من ايدي وسحبني علي ونيمني على ايده اليمنى ودار وجهه علي

اياد بتعب ::ادري بيج حبيبتي راح تسمعين كلامي بكل شي

بس راح تعانديني بس بشي واحد

= لا ابد والله كل شي تريد اسويلك

::والعصير المجمد

انابدلع = جنت اكله محترك كلبي منك هسه انت كلبي بعد شلي بي

اياد ::شتردين بثينه

= اريدك اياد احبك :

وقبل مانرجع سامحني اياد وكلي انو هو چان يكدر يلقي القبض على سعد

لكن قتله انتقاما العرضه الي راد يدنسه وكلي

::انو الي مطلق الحريه ان أتركه وابدي حياتي من جديد

::ولا تنسيين يا بثينه انا عذبتج هواي وضربتج واريد أحتفظ بالسبب النفسي

وبدون اي تفكير اختاريت ايادلان احبه وما حاسه

واتصالحنا وطوينا ذيج الصفحه السوده ورجعنا للعراق

زوج وزوجته بالبداية أجر بيت بعدين اشترينا بيت على كدنا

سعاد إجت ويه يونس وصار عدهم بنات اثنين أولد سمو اياد

زين العابدين اخويه أخذ تماضر لان هي خوش بنيه وتحب اهلي

ساهرة تزوجت اخو زوجة رياض وسافرت للخارج

وأنا صار عندي ولد وبنيه وعايشه ويه حبيبي

منى دخلت كلية الطب وبهاء بالاعداديه ويفكر يدرس قانون وامي وابوي كبرو بس اشوفهم مرتاحين

تعالو اشاوركم على عمه كريمه لان زحمه من حبي لا يسمع

(طلع عمي متزوج عليها وعنده 2 اولاد لان مللته من سمعت كلبت الدنيا بس بعدين سكتت فهي مو ما تحبني كل ما تشوفني اضحك ويه اياد تكله)

اكلك اياد يمه يراد الك مرة ثانيه مثل ابوك خو ما تبقى على وحده

ايادبضحك :: يمه ليش تردين ينشلع كلبي كافي هي عن عشر نسوان

انا اباوعله بعتب وهو شاورني

اياد ::عن عشر نسوان بالحب والوفا يا عمري

شكد سووه وياي اياد بس الرجل الي عنده غيره على عرضه يسوي اكثر وحياتنا صارت حلوه بوجود اطفالي اوجود حبيبي المشكله بطل عصبيته صار هادئ وانا اموت عشقي عصبيته

نسيت اكللكم بقى يم عمه كريمه محمد ورغد

هي صدك قصه ممكن تحدث باي بيت اتمنى أكون خفيفة ظل معاكم شكرا الكم

واريد اكول شي الحب مو عيب ولا خطيئة لكن العيب انو الحب يجبرنا على الخطأ إذن هذا مو حب وانما ضحك وتمضية وقت ومهما صار من تطور وتقدم لكن نبقى ناس شرقيين النا عادات وتقاليد هي تميزنا عن باقي دول العالم عجبتني مقوله لإحدى طالبات كلية الطب كانت توها متزوجه وبيو م حفلة التخرج كاتبه قد عباره (اناتفوقت بعرق والدي ودعاء امي وتعبها وحب زوجي )

حلوة يارب الكل يتفوق وينجح

وشكرا لكل من صوت وقرأ وعلق 😃😃😃أنين الليل😃😃😃

انتظروني قصه حقيقيه اسمها انقذتني روح

🎉 لقد انتهيت من قراءة Loveنعم احببتك 🎉

إضافة

صوت

لقد حدثت مشكلة أثناء استرداد التعليقات.

أعد المحاولة

قد يعجبك أيضاً

اغفري لي

138K

17K

أتقنا الرحيل لم نتقن كيف النسيان.

إن الأسود فرائس الغزلان

17.3K

3.2K

من القصص الاجتماعية الجميلة

سيطرة ناعمة (دانت ليا السيطرة)

3.3M

84.2K

تلك الفتاة ذات الأنوثة المظلمة حينما تتقن فن الإغواء فتصبح مررعبة....مرعبة ستأكل الأخضر واليابس وسيخاف منها من كانت هي تخشاه. ماذا عن التحرر بعد القيود، بعد الإستغلال،...

عرض الموقع الكامل