رواية الفصلية هدير الفصل الرابع والعشرون بقلم مرج البحر
هدير : رنا مچانت موجوده جانت هيه وغسق بالغرفه والله لو تدري تضل تگمز راحو اهل استاذ حارث والبيت چان نضيف ورحت ابشر رنا علئ موضوع اليوم
هدير : رنا ولچ رنا عندي ابشاره الچ
رنا : خيرر ياطير شبيچ شنو البشاره كولي
هدير: مااكول قابل هيه هيچ يباسي اريد شيء استفاد منه
رنا : شگد مصلحجيه
هدير : هسه عوفيني تقبلين لو لا
رنا : يي ميخالف شطلبين اطلبي
هدير : خوش لعد اليوم انتي من جنتي يم غسق ام حارث طلبت ايدچ لحارث وينتضرون موافقتچ شتگولين
رنا :😱چذابه اكيد هذا مقلب من مقالپچ
هدير : لا تصدگين بكيفچ انتي الخسرانه
رنا : احلفي
هدير : والله وحق الحمزه ابو حزامين ماچذب
ام چاسم : هدير چيبي رناو تعالووو چاسم يريدگم
رنا: امشي ماما تصيحنه
هدير : يله امشي حتئ تعرفين اذا اچذب لو لا
رنا :امشي نشوف
هدير : نزلت جوه اني ورنا وجان جاسم هو ماما كاعدين
ام چاسم : رنا تعاي اكعدي عدنه موضوع وياچ
رنا : ان شاء الله خير
ام چاسم : بي گل الخير يمه اليوم صديق اخوچ الاجه حارث امه طلبت ايدچ لابنها انتي شنوو رايچ احنه من ناحيت اخوچ واني موافقين بس ابوچ من نرچع نحجي ويا ونردلهم خپر حتئ اذا موافقه نتكول واذا لا ماكو قسمه
رنا🙈 : بگيفگم
هدير : اپاوع علئ رنا وفرحانه الها لان خطيه تستاهل علئ الاقل خلي وحده منه تفرح
چاسم : اليوم ام حارث خطبت اختي رنا واني وافقت لان حارث خوش ولد وصديقي مو غريب اجتي رنا وامي حجت وياها بس مانطت جواب مقنع وطلعت اني ائشرت لهدير انو تروح وراها تشوف جوابها اكيد خچلت مني لان اني گاعد
هدير : من چاسم اشرلي بعيونه افتهمت رحت ورئ رنا للغرفه وسالتها اذا موافقه لو لا
رنا :والله هدير اچذب اذا اكلج ماموفقه بس هم خايفه لان حياه جديده ومسؤليه بس هم اني صراحه حبيته هلكد متحجي غسق عنه وعن سوالفه اكلج صدگ انتي مو طالبته احجيلي عليه ارسلان جاف
هدير : ههه ولچ ادري طالبته قابل حبيبته حتئ احجيلج عليه المهم معليه اريد قرارچ النهائي الهم
رنا : مااعرف افكر واردت الجواب
هدير: فكري عيني فكري وطلعت شفت چاسم بالغرفه
چاسم : هاا هدير شكالت
هدير : مكالت شيء بس كالت افكر
چاسم : خير ان شاء الله
هدير : ايي
چاسم : اكول پاچر مو النتيجه مالتچ !
هدير ; ي والله ذكرتني كلش خايفه
چاسم: لااكيد ناجحه ورافعه راسي
هدير : الله يسمع منك
مرر باقي اليوم عادي اكل وتنضيف وحجي اني ورنا بغرفتها واني وهي نمنه علئ الجربايه وكل وحده تفكر بشيء شاغل بالها خليت راسي علئ المخده وافگر باچر شحيصير واني ميته خوف لحد ماتعبت من التفكير ونمت بدون مااحس يم رنا
رنا : كعدت بغرفتي وهدير يمي واني افكر بحارث واوافق عليه لو لا بس مرات احس اني عندي مشاعر تجاهه ومرات لا مادري حايره بروحي درت وجهي لكيت هدير نايمه اتمنيت اني انام براحه مثلها اني هم غمضت عيني ونمت .
رنا تتمنئ تنام مثل هدير براحه ولگن ماخفي كان اعضم ماتدري هيه اكثر وحده متعذبه
چاسم: رحت للقاعه الحديد اتمرن كملت وبوجهي طلعت لبيت صديقي لان الشباب مسوين كعده شبابيه ودومنه والنركيله بس اني ماشرب نركيله ولعب وتصنيف رجعت للبيت متاخر رحت للغرفه بدلت ملكيت هدير بالغرفه اكيد يم رنا رحت عليهم لكيتهم اثنينهن نايمات وحده حاضنه الثانيه طكيتلهم صوره ورحت حتئ اشيل هدير اوديها للغرفه لان ماكدر انام اذا مو نفسها تارس غرفتي وديتهه خليتها علئ الجربايه .
هدير : چنت نايمه حسيت واحد يشيلني وخلاني بالفراش ويغطيني ويبوسني علئ راسي وگالي💙 تصبحين علئ خير يابنت گلپي❤عرفت هذا چاسم اچه نام بصفي اني رحت حضنته ونمت( بس سويت نفسي عود نايمه ومادري )
چاسم :من خليت هدير بفراشها رحت چاي انام اجتي حضنتني اني ضليت مخلي ايدي علئ بطنها واحجي لابني علئ امه وحبي الها اخر شيء بست ابني وصيته مايعذپ امه ونمت .
هدير :حسيت الصبح وچاسم حاضني بگل قوته عبالك حطير منه ردت اكوم حتئ احضر نفسي لان اليوم النتايچ شكد حاولت اريد اوخر ايدي مني مكدرت اخر شيء كعدت وسكتت اشوف شوكت يكعد حتئ اتحرر.
چاسم : چنت كاعد من هدير رادت تگوم وتحاول تفگ نفسها مني واني اشد عليها اكثر بس سويت نفسي نايم ضلت تحوس لحد متعبت وسگتت .
هدير : انداريت علئ چاسم واباوععليه من نايم وافكر بالصدفه الجابتني يمه وبااوع علئ شعره ولحيته بس فزيت علئ صوته
چاسم : هاا بشري عجبتچ
هدير : هاا ايي ينطلع بيگ( بس بكلبي اكول تموت 😻)
چاسم : هاا ينطلع بيه موو ولچ اصلا عندي وحده ميته عليه
هدير : هاا والله عمي صاعد سوگك لعد مادام كعدت حلني اريد اروح احضر نفسي لان اليوم النتيجه ومن نرجع تحجيلي علئ هاي الوحده لميته عليگ
چاسم :عود افكرلچ بالموضوع
هدير : لاوالله دعوفني خلي ارروح احضر نفسي
چاسم : وهاي عفناچ بس يله بساع حضري نفسچ مابيه اتاخر
هدير : حاضر
چاسم : حاضر لو غايب 😅😂
هدير :ههه مضحك
چاسم : انتي نفسيه يلي ولي عااد ترئ والله اطب الحمام واخليچ تنتضرين
هدير : شفت چاسم يباوع علئ الحمام عرفت ناوي نيه كشره اني ركضت للحمام حتئ اطب قبله وهو ركض بس اني طبيت عيبت👅 عليه وسديت الباب
چاسم : ههه خبله شلون فتهمتيني
هدير : ههه فهمتگ وانه گلبي❤ يعچبگ بهاي
كملت وطلعت بدلت هدوم طلعه لان رايحه استلم النتيجه وطب چاسم للحمام واني حضرت اهدوم اله بين مايطلع كعدت الف شالي
چاسم ; كملت وطلعت لكيت هدير مخليه هدومي علئ الجربايه ومكويات ومعطرات والساعه وهي مكمله تنتضرني گاعده اني لبست ورحت امشط شعري وصحت علئ هدير
هدير : ايي چاهزه
چاسم :لعد امشي ننزل حتئ نتريك ونطلع
هدير :حاضر
نزلنه اني وجاسم علئ الريوك جانو كلهم كاعدين صبحنه عليهم وكعدنه نتريك بهدوء لان طبعهم محد يحجي علئ الاگل
چاسم: هدير كملتي حتئ نروح لو بعد
هدير : يي بس اغسل واجي
چاسم : لعد اني اطلع السياره وتعالي
هدير : يي
گملت اكل ورحت غسلت وجاسم طلع قبلي صعدت بالسياره وجاسم مشغل اغاني واني ميته خوف پالي يم النتايچ وصافنهة محسيت الاعلئ صوت چاسم يصيحني يكول وصلنه نزلت من السياره
چاسم : اوكفي اجي وياچ
هدير : لاحبيبي انوب البنات يضلوون ايباوعون عليك مابيه حيل
چاسم : ههه شعليچ تغارين
هدير :يله بااي
چاسم : انتضرچ
فرحت من هدير مقبلت اجي لان تغار عليه من البنات
جاسم: كلت بگلبي علئ هدير
• ❤️💤
• انا لکۦ وا୪خرون مـُجرد اخرونٰ ،🌾🍿
• Your message is private,
• I m just another one, 🍃🌻
بس اني رحت وراها للمدرسه بدون متدري امشي وراها طبت المدرسه والبنات هووسه اني لزمت ايدها وطبينه سوه
هدير 😕: هاي انته خوفتني عبالي غير احد
چاسم :ههه جبانه
هدير : بعدين اني مو كتلك لتچي
چاسم : هاا والله حبيت اكحل عيني
هدير ☹ : بسيطه كحل عينك حبيبي
طبينه اني وجاسم وكل البنات يباوعون علينه جان بس جاسم لازم ايدي اني لا بس من شفت البنات يباوعن عليه وبدهن ياكلنه بعيونهن اني لزمت ايده قوي وابتسمت وكلت بصوت يسمعنه البنات حبيبي انتضرني مو تروح اني اجيب نتيجتي واچي زين
چاسم : يي • يعٰཻ̲ـﮧٰۛـٰمـرٰي⇣!😻♥️˝
هدير : من طبيت حتئ اخذ النتيجه شفت عشق وشذئ سلمت عليهم وكعدنه نحجي وسالت شذئ عن صحتها
شذئ: الحمدلله زينه طلع الورم مو خبيث
هدير:الحمدلله علئ السلامه حبيبتي
شذئ : الله يسلمچ
عشق : يله كافي حجي اجه دورنه بالنتايچ
هدير: امشي
رحنه اخذنه النتائچ وطلعنه كلنه ناجحين اني وشذئ وعشق
شذئ:اگول شلون رجلج وياچ
هدير : زين الحمدلله
شذئ: تعرفين اني حسيته يحبچ بس انتي ثوله مدايره پال
هدير : هاا شلون عرفتي
شذئ: معليچ هسه شوفي شلون اثبتلچ
هدير :شلون تثبتين !
شذئ:باعي تروحين لچاسم وتكلبين وجهچ وتكليله اني رسبت واني اشوف وجهه اذا ضاچ علئ ضوجتج معناها يحبچ واذا مدار پال معناها ولاباله
هدير: نشوف
جاسم :هدير راحت تستلم النتيجه اني وكفت انتضرها ورئ شويه اچتي گالبه وجهه گئيب والدمعه بين عيونها
جاسم: هااا هدوره حبيبتي بشري شبيچ وجهچ مكلوب
هدير :هااا بس اني نجحت وحضنته حيل (مكدرت اچذب عليه وازعله لان اليحب كلب مايحب ايأذي )
چاسم: من شفت وجهه هدير كلبي كام يوجعني واخر شيء كالت نحجت حضنتني اني هم حضنتها وشلتها ضليت افر بيها وهي تضحك والدموع تنزل
هدير : ههه ولگ كافي بطني كامت توجعني نزلني
چاسم: تامريني امرر يارفعه راسي يله امشي نرجع للبيت حتئ انبشرهم
هدير : هسه بس اروح اودع صديقاتي واجيك رحت لشذئ وعشق وسلمت عليهن وحضنتهن
شذئ:ولچ هدير ديري بالج عليه ترئ والله يحبچ مبين من شافچ ضايجه ومن كتيله رسبت
هدير : ههه مكتله رسبت كتله نجحت اول مرحتله
شذئ : ياغداره
هدير : والله متحملت اشوفه هيج
شذئ : ايي عيني ماتتحملين حقچ
هدير:يله پاي بنات
عشق : الله وياچ
شذئ:مع السلامه
هدير :ودعت البنات وطلعت لچاسم چان موچود بالسياره كاعد ينتضرني
چاسم:هاا گملتي نطلع للپيت
هدير :يي
چاسم :صعدت هدير بالسياره وشغلت اغاني واحنه طول الطريق ساكتين وصلنه للبيت نزلنه وتلكتنه امي
ام جاسم: هاا يمه بشري
هدير :ايي ماما ناجحه وطلع معدلي ٩٧
ام چاسم : هلهلت وبست هدير الف مبروك حبيبتي
رنا :(حضنت هدير وباركتلها ) الف مبروك يعمري
رنا بهمس: كملي وصعدي عندي موضوع وياچ
هدير :شكرا يله اني ارروح اپدل واچي رنا تعاي ويايه اشوفچ الصور
رنا:يي
هدير :يله ولچ امشي سولفيلي شمسويه
رنا:شبيچ مستعجله بس نوصل
هدير :ماتحمل
رنا:لاتستعجلين علئ رزقچ عيني
هدير:يي يله مادام وصلنه احجي
رنا:اليوم انتي من طلعتي تاخذين النتيجه اني كعدت انضف البيت ودگ موبايلي شفت غسق غسلت ايدي وجاوبتها
رنا:هلوو حبيبتي
حارث: هلا بيچ بس اني 🚫مـًًـِـℳOـًـُـٍو🚫 حبيبتج حبيبچ
رنا:هاا بس اني معندي حبيب بعدين هذا رقم غسق شچابه يمگ وانته منو
حارث: علئ كيفچ حبيبتي شلون تريديني اجاوب علئ كل هاي الاسئله فد مره
رنا:احترم نفسك ولاتكول حبيبتي ويله ولي صووچي اني اجاوب علئ هيچ نماذچ
هدير :ايي وشسويتي
رنا:سديت الموبايل بوجهه بعدين باوعت شفت هذا رقم غسق لعد منوهذا الجاوب ورئ شويه اجتني رساله من رقم غسق ومكتوب بيهاا
هدير :يي شمكتوب بيها
رنا :طلع حارث دازها
حارث: يمه فدوه لحبيبتي العصبيه ماتوقعت هاي الاشوفها كدامي هادئه طلعت وكحه
عــ👌ـGoodـفيـ👍ـة بحبيبتي اريدچ هيچ وبشريني بجوابچ شنو ترئ بعد مابيه اتحمل وهاج هاي غسوقه ووياج واني حراسلج من رقمي بعد لان صرتي حلالي 😍😘😻
رنا:لاوالله مو بكيفك تامرني وبعدين منو كال اني حلالك اصلا منوكال اني موافقه بيگ وغسق بعدين شغلي وياها
حارث:ديري بالچ تعيدين هالكلام ويله پاي
رنا :الله وياك
_
هدير : ههه أأمًـًـً🙌🙌👐😂👐🙌🙌ـًـًدآاج اذا ماوفقتي والله هل استاذ حارث طلع • ﺳﮧـﯡبرَ وﺂوَ ⁽💗😻₎ ⇣
رنا :انجبي هدير تعرفيني اني ميته عليه بس هيج كلمه طلعت والله
هدير : امشي ننزل لايحسون علينه واني سدي الموضوع ومن يراسلج تعاي كليلي
رنا: يي
هدير :نزلنه جوه وجانت عمتي جاي تصب الاكل نزلنه اني ورنا نساعدها وكعدنه ناكل وهدوء لحد مكسر الهدوء جاسم
چاسم : يمه اليوم معزومين علئ العشا بمناسبه نجاح هدير تحضروا زين
الجميع : يي
هدير : مر اليوم عادي مابي شيء صارت العصر بدينه نجهز روحنه اني رحت لرنا اختار لبسي
هدير : رنوش حبيبتي شنو رايج بهذا اللبس
رنا : حلووو بس جاسم اكيد ميقبل تلبسين هيج
هدير : لامعليه راح البسه
رنا : بكيفج بس اتحملي النتائج
هدير :لعد انتي شتلبسين
رنا : البس سلفي وبنطرون
هدير: هااا حلووو يله اني اترخص ارروح ابدل يادوب الحك
رنا : مرخوصه
جاسم : من جنه كاعدين علئ غده عزمتهم علئ العشا وصيتهم يحضرون ارواحتهم واني طلعت كضيتلي جم شغله ورحت يم اصدقائي نتسامر لحد مصار الوكت وترخصت
هدير : حضرت نفسي ولبست فستان تسعيني لون وردي وجوه ستريج اسود حذاء رياضي ولبست شالي وتعطرت ورحت حضرت هدوم جاسم لان علئ جيه علمود بس يلبس ونتوكل ورحت يم رنااا
جاسم : رجعت وشفت هدير ماكو بس محضره اهدومي بدلت ونزلت جوه اشوف امي وصحت عليهم
هدير :ايي جاسم نازله بس دقايق
جاسم: نزلت هدير من الدرج جنت احجي ويا امي وشفتها عصبت لان جانت لابسه فستان قصير ومانكر طالعه حلووه
جاسم 😠:هديرر شنو هذا اللبس هسه تروحين تبدلي
هدير : فدوه حبيبي الله يخليك بس هل المره
ام جاسم : يايمه عوفها فرحانه خطيه لاتخرب فرحتها حتئ بطنها مامبينه ليش تعترض
جاسم : يمه ماتشوفين شلون مخصر عليها
ام جاسم : هل المره لخاطري
جاسم :بس هل المره زين لخاطر امي
هدير :طفرت بست ماما شكرا ماما
ام جاسم : ههه خبله يله امشي لج مصلحجيه
جاسم: يله للسياره
هدير :صعدنه بالسياره وكالعاده اغاني وضحك وصلنه للمول المنصور وصعدنه بطابق الاكل واشووووف...😨😨😨😨 لايالله موو وكتها ابدد ليش كل ماتتطور علاقتي بجاسم يجي شخص يخربها ......
ياربي هسه وين اولي بس لا يشوفني 🙀... هله هله اجه اجاك الموت ياتارك الصلاه
