رواية الشيخ سلطان الفصل الرابع والعشرون بقلم زينب نور
شمس
بقيت بغرفتي للصبح مانزلت نمت بوقت متاخر كولش خليت راسي على مخده سلطان ونمت على ريحته
فزيت على حركة هيا اجتي نامت يمي حضنتها ونمت
كعدنه ساعه 10 غسلت وبدلت ونزلنه كايدتها بيدها ونزلت البيت هوسه وكومه ناس اول مره اشوفهم سلمت على البنات اجتي نرجس اخذتني على نسوان اثنين كاعدات كولش كبار بالعمر كالت تعالي اعرفج على عماتج
كالتلهم عمه هاي شمس بت عمي حازم دنكت بستهن بقن يحضنن بيه ويكولن يمه بت حازم سوده عليه عمه ويبوسن بيه حته براسي باسني
رجعت للمطبخ لايه
شمس/فدووه ايه غسان ماخابرج ماكلج بعد شي سلطان ماصحى
ايه/مساع جنت احجي وياه بعده مصاحي والمستشفى مكلوبه عليه كلاب كلها جايه عليه ٱڵـڝُـًبح راحوله عمامج هم
شمس/يااااربي الطف بحاله
شقت عمه كاعده يم النسوان وحالتها حاله رحت يمها بس شافتني بجيت
ها يمه شمس سلطان بعده ماصحى
خليت راسي بحضنها وبجيت ايي عمه ادري بقيت ابجي ومغطيه وجهي بحضنها سمعت نسوان كالن هاي منو وبقن وحده تجاوب بالثانيه هاي مرته الصغيره قبل مده اتزوجها واسمع وحده تكول هي هاي بت المرحوم حازم ووحده تكول خطيه بعدها ڃًٌْـاهل صغيره
هواي حجي بس مشفت احد لان مغطيه وجهي ومغمضه عًۤـيًٗــــؤَّنُِـيِ عمه خليت ايدها فوك راسي وبقت تمسح براسي ماادري اني الي اهديها ماادري هي الي تهديني
وحده بصفها كاعده تسولف وي عمتي
جا هو اخذ على مرته
عمه/اي خيه هاي الثانيه هذيج ام حمزه زينب تعرفيها
المره/ايي اعرفها اذكر الهدوها اله مو
عمه/اي خيه. وهاي بت عمه خيه اجتنه خطار والولد حباها رادها ابن عمه ابن حاتم والولد تسودن عليها اله انه اخذها وخيه اخذها حباها كلش اوووف يايمه ياسلطان شوكت تكعد وترد لمريتك يمه بعدها عروس يمه. وبعدك ماتهنيت بيهاولك يمه سلطان ماشبعت منها
شمس/اسمع بالحجي ودموعي تصب صدوك سلطان هيج حبيتني اووووف ياحبيبي
اسمعها تكول بعدك ماشبعت منها كٓٓلٍٰبي عصرني هو اشاف مني حته يشبع اني الحقيره المفروض بليله للعرس انطي كولشي شلون كابرت وعفته بقت دموعي تجرح خدي ماهلكد بجيت
رفعت راسي ونزلت الحجاب على وجهي ماريد احد يشوفني
طلعت شِفـٍـْت حمزه كاعد بعتبه باب المطبخ والقهر مبين عليه حمزه عبالك رجال جبير حته تصرفاته مال كبار كعدت يمه
شمس/ها .حًبيـبي حضنته
حمزه/عمه اريدن اروح لابوي ومحد قبل ياخذني وياه
شمس/حبيبي هــًـًســًه بابا يصير زين وهو يجينه
حمزه/بابا داخل بغيبوبه انه موصغير اعرف كلشي
شمس/ايي حبيبي بــَس انَـَت اكثر واحد تعرف ابابا شكد قوي وميستسلم بسهوله وراح يقاوم ويحارب حته يصحى ويرجعلنه
حمزه/انـ شـاء الـلّه
بسته براسه حبيبي انَـَت هم صير قوي انت رجال ماشي
حمزه/هز راسه ماشي
بقت روحي اتلوب وين ٱڑۆح كل شويه اجي على ايه تخابرلي غسان ويكول ماكو شي جديد منتضرين
تعبت حيل ياااربي
صعدت فوك هستوني طبيت لغرفه وسمعت صوت عياط جوه جمدت بمكاني رجليه متحملني لا يربي لا بس لا سلطان لااااااا اريد انزل اعرف شنو كوه امشي بلاوعي كولت خلاص سلطان راح نزلت بعدني بدايه الدرج. واغمى عليه بس حسيت اتدعبلت الدرج كله
صحيت شِفـٍـْت نفسي بغرفه عمه. راساً عطت سلطان صار شي السلطان اجتي نوجس تهدي بيه
اسم الله الرحمن حبيبتي مصار شي بس هدئي شصارلج شبيج
شمس/فدووه نرجس بس كوليلي سلطان صارله شي فدووه
نرجس/والله ماكوشي شبيج
شمس/لعد شنو هالعياط الي سمعته
نرجس/هاي خالاتي اجني ومتخبلات عليه
ولج عيني هو منو الي ممتخبل على سلطان كلها تبجي عليه وكلها تدعيله
شمس/ردت اكوم واحس جسمي متكسر كولت ايي جسمي كوله ياذيني
نرجس/طبعاً ياعيني غير تدعبلتي الدرج كله ابقي ارتاحي لاتتحركين
بقيت متمدده على جربايه عمه لضهر جابولي غده مالي نفس مااكلت وبالعشه هم مااكلت كولشي مالي نفس بس اريد سلطان يصحى كولشي ماريد بقو يحجون عليه اكلي ووجهج صاير اصفر
سهام /خيه اكلي من يجي سلطان شيلكه جلد وعضم هم يريدله لحمه يكرصها يعضها
ابتسمتلها كولتلها والنبي مالي نفس ابد بس يجي سلطان وبعدين اكل وارتاح
بقينه 3 ايام على هالحاله لاليلنه ليل ولانهارنه نهار وحالتنه من سوء لاسوءبيومها ساعه 9 بليل كاعدين واحنه على حالنه كانما عزا عدنه طب غسان للهول وبنص النسوان يبجي ويضحك نفس الوقت كبل دنك بحضن امه ويصيح ولج يمه هلهلي سلطان كعد سمعت الحجي ورحت اركض بقيت اجر بي بملابسه عليك الله غسان احلف عليك الله سلطان كعد
غسان/ايي خويه وعلي كعد واول ماصحه نطق كلمه يمه. وهيا وشمس سال عليكم اول ماصحى
بقت دموعي تصب بس هالمره من الفرحه وكانما صار عرس الهلاهل وعمه بقت تهلهل وتصيح يمه كرت عيني ولجن كرت عيني بوليدي ربييي الك الشكر والك الحمد مافشلتني ورديتلي وليدي سالم
بقت النسوان تباركلها ويبوسن بيها ويهلهلن
صاحت يمه جيبلي جكليت اريدن اطش واهليه
وفعلاً ورا شويه جابولها جكليت بقت تطشر وتهوس
اباوع عليها وابجي على فرحتها يربي ممصدكه واخيراً يااااربي الف الحمد والشكر الك ربي لطفت بحالنه بـٍْْـٍْ؏ـٍْْد هالاربع ايام شفنه الضيم بس آلـْ ح ـمـِْدِّ اللّـٰھ المهم سلطان صحى وكالو باجر يطلعونه
البيت انخبص والكل فرحان الجبير والصغير
بليل جابو عمو منتهي هناك كل شويه يتخربط يم سلطان
اجه بليل طب لغرفته حته يرتاح كولش تعبان طبيت حضنته وبقيت ابجي
الشيخ/بويه شمس الحمدالله رد وليدي سالم طلع من حلك الموت
شمس/ايي عموو الف الحمدالله
كوتله انت كولش تعبان يله ارتاح
طلعت صعدت لغرفتي هيا كل هلايام مفاركتني تنام يمي اجتي يمي حضنتها حبيبتي بابا باجر يجينه
هيا/هااااا باجر بابا يجي بقت تكمز على الجربايه وتلعب وتصيح باجر يجي بابا باجر يجي بابا
نمنه اني وياها على جربايته اريد انام حته يجي لباجر بسرعه
كعدت ب9 كعدت هياونزلنه سوه
اول مانزلت
سهام/يله تعالي تريكي كاافي زلمتج اليوم يطلع وشوفي شصاير بيج وجهج اصفر
كعدت اكلت
زينب/خيه كرت عيني وعينج الله باوع الحالنه ولحال جهاله ورده النه
شمس/اييي الف الحمدالله اثنينه يتيمات ومالنه احد غيره
زينب/ايي وعلي يمه ردت روحي اليه من كالو كعد الشيخ
كملت ريوك سالت شوكت يطلعو كالو الضهر
بقيت للضهر عيني على الباب
لنوب طب محمد ابن عمي حاتم كال اريد بطانيه السلطان طلعناه بالمضيف
راحت ايه جابتله بطانيه من غرفه عمه ونطتها
صحت عليه محمد عفيه شوكت تجيبونه للبيت
كال خويه الوادم انكلبت كلاب بالمضيف عليه خلي تطش لوادم ونجيبه
محمد اخو مهند بس ابد ميشبهه كولش ثكيل ومؤدب وحته من حجه وياي عينه بالكاع فرق كولش جبير بينهم
بقيت الوب عليه بس اريد اشوف لليل كولش كالو راح يجي طبعاًالذبايح والرمي صار من طلع والدنيه نكلبت لليل ساعه10 كالو راح يجي سلطان سوله مكان الكل نخبص حضروله غرفه جوه كالو هنا يرتاح ميكدر يصعد فوك وامه متكدر تصعدله هم كالت ارده يمي هنا
عاد طبو الولد طوبوه غسان ومحمد لازمينه منا ومنا ودخلو ووياهم هواي زلم ولد خالتهم وخوالهم وولد ولدعم ابوه
صارت خبصه اريد المحه ماكو لابس دشداشه جوزيه ومخلي غتره على راسه
كعدو على الجربايه وطلعو الولد كلهم بقن النسوان التمن عليه هيا لازمتها بيدي وواكفه ع صفحه امه واخواته وزينب وخالاته وعماته وكولهن سلمن عليه وحده ورا لثانيه وصارن داير مدايره يتحمدله على السلامه الغرفه هوسه بقيت واكفه مقابيل لباب شويه شويه كامن ينسحبن يطلعن بقت عمه واخواته يمه شفت وجه لحيته هوسه صايره وجهه اصفر حيل مد ايده واشر على هيا كال تعالي بابا راحت تركض عليه حضنها بيده يشم بشعرها ويبوس بيها تقربت اني كوتله الحمدالله على سلامتك صحه وعافيه انشالله
كلبي طاك عليه بس الكل كاعده استحي
سلطان/رفعت راسي عليها اويللللي شكد مشتاقلها اجتي اتحمدتلي بالسلامه بس من بعيد كلت بكلبي بعدج ميبسه راسج ياشمس جاوبتها
ربي يسلمج
امي/يمه مريتك انتهت عليك شصار بحالها
سلطان/عبالي امي تقصد على زينب كلت اصيله ام حمزه
امي/يمه قصدي على شمس حالتها حاله من وكعت ولليوم لكمه ماخلت بحلكها وعيونها مانشفن عليك
نرجس/اي خطيه غير من اجني خالاتي وسمعت لعياط نزلت مرعوبه وصلت لبدايه الدرج وتخربطت وتدعبلت الدرج كله وعلي كلت ماتت لابنيه
امي/يااا اول ماسمعنه لخبر قبل لاتجني غير وكعت انتهت جبنه جارتنه المضمده خلتلها مغذي ياله صحت
سهام/اتوسل بيها اكلها اكلي لكمه ماكو صوفرت لبت جلد وعضم صارت تكلي مالي نفس اله يجي سلطان ياله اكدر اكل
سلطان/امي واخواتي يسولفون وانه كلبي كام يدك صدك كل هذا مسويته شمس علمودي ولج شمس هلكد تحبيني لهل درجه
كلتلهم ماتصيحوها اليه وعلي اشتاقيتلها
شمس/واكفه يم لبنات بالمطبخ واجتي نرجس كالت تعالي سلطان يصيحج رحت وراها اول ماطبيت كولهن طلعن بقيت بس اني وياه بالغرفه كال سدي الباب وتعالي يمي
سلطان
كلتلها سدي لباب وتعالي
سدته وتقدمت وكفت كدامي
باوعت عليها صدك عيونها ذبلانات ووجهه اصفر
فتحت ايدي مضروب باليسره بس اليمنه مابيها شي فتحتها وكلتلها تعال يمي صعدت على الجربايه انه متمدد ومنتجي ضهري على المخده تمددت بصفي وخلت راسها على كتفي حضنتها بيدي شميت شعرها
ولج المايعه بت لندن كل هذا طلع منج
شمس/ليش شنو شطلع مني
سلطان/وتساليني اليه ولج غير امي وخواتي كلشي حجلي شلون ماتقبلين تاكلين اله يجي سلطان وشبيج كل ساع تخربين وتوكعين حته الدرج متدعبلته
شمس/ماشاء الله الاخبار اول باول
سلطان/وانه شفتج اجيتي تسلمين عليه ابرود كلت شمس ولايمها ولامهتمه وانه اول مافتحت عيني نشدت عليج غسان
شمس/ادري كلي
سلطان/خفتي عليه
شمس/وخرت منه باوعت بعيونه وبقيت ابجي بحركه شلون ماخفت كولش خفت عليك اصلاً متخيلت حياتي بدونك
سلطان/شمس نهارت كدامي تبجي بقوه وتسولفلي شكد خافت عليه بكلبي اوووف يا شمس ايي احجي وطلعي الي بكلبج طلعي الي منتظره اشهر اسمعه منج
كلت افرضي متت جان شصار بيج
شمس/اششش عفيه لتجيب طاري الموت اعرف بيك متعوفني
سلطان/وانه شعرايه بيني وبين الموت هــًـًســًه افرضي متت شلون حالج هسه هم تنقهرين لو تكولين خلصت منه حته ارد لديرتي
شمس/والنبي اموت وراك اني اصلاً 4 ايام ميته جسد بلا روح ردت روحي اليه بيوم الي اجه غسان وكال سلطان صحى حسيت نفسي احتيت من جديد
سلطان/ايي احجي طلعي الي بكلبج يابت عمي وياحلالي احجي يا رويحتي وريحيني
شمس/واني ابجي بحركه كلت احبك سلطان اني احبك واموت عليك واعشقك لتعوفني الله يخليك اكتشفت بنفسي شكد احبك من حسيت راح اخسرك بس والله كولتلهم حته العمه كولتلها لتبجين سلطان مراح يعوفنه
سلطان/واخيراً كلتيها سحبت نفس قوي وسحبتها لحضني ابوس براسها ولج شعوفج هو المثلج تنعاف غير انتي روحي اصلاً بس انتي الي راح تعوفيني بعد شهر وتروحين
شمس/نايمه بحضنه وهزيت راسي لا مااعوفك ابد حبيبي مااعوفك ولادقيقه اصلاً اكتشفت نفسي مااكدر اعيش بدونك
سلطان/ااااااه ياكلبي ماتعوفيني ولج يـعـنـي هاي هيه شلتي سالفه الرجعه من راسج
شمس/هزيت راسي ايي
ووعد بس تطيب وترجعلك صحتك راح اعوضك عن كلشي وانطيك كل حقوقك
سلطان/يااااابويه شيصبرني ولج وهيج اضوكج وانيمج بحضني للصبح اويلللي وعلي مااخليج توصلين لباب الغرفه بس خلي اطيب وشوفي شراح اسوي بيج
شمس/عاد لاتخوفني
سلطان/لاحبيبتي لاتخافين شتدرين بيه اكدر ااذيج بس عطشان عليح كلش ومتلهف ولج لوتدرين شيصير بيه من اشوفج تفترين كدامي ومااكدر اتقربلج ابقه الوب احترك حرك من جوايه بس شسوي انطيتج حجايه ومن انطي حجايه مااكدر اتراجع عنها
شمس/بس اكو شغله بقت
سلطان/وهي
شمس/كمت من حضنه وخليت عيني بعينه
هدى
سلطان/عقدت حواجبي هدى
شمس/اي هدى حبيبتك السابقه اني اعرف عندك تواصل وياها وجنتو متواعدين على يوم الخميس تبات يمها وعلى طول بينكم مراسله شِفـٍـــٰٰتْ الرسايل وقريتهن
سلطان/قريتي كل الرسايل
شمس/يعني تقريباًاي
سلطان/سحبت تليفوني وطبيت على محادثه هدى صعدت للبدايه لاول ماحجيت وياها وكتبتلها اخذت بت عمي وشكد احبها شوفتها كلتلها حته هاي قريتيها
شمس/بقيت اقره وهزيت راسي لا
سلطان/هدى شنووو اني عندي شمس تسوى هدى وعشيرة هدى واذا قصدج على يوم الخميس مارحتله وداعت هيا وداعت شموسه نص الطريق واجتي صورتج ابالي لفت سيارتي ورديت بس مااجيت يمج رحت نمت يم هيا
شمس/اممممم اي ادري عمه كالت
سلطان اخذت لفون وحضرتها كدام شمس
وعيونج وغلاتج لاهدى ولا10 من هدى تاخذني منج ولج انه اول يوم شفتج تذكرين من بليل تبحوشين بالثلاجه
شمس/ضحكت اييي
سلطان/هو من يومها وحسيتج طبيتي الكلبي
شمس/زين شوكت حبيتني من كل كلبك
سلطان/بالشمال حبيتج وجنت بيوم عيدميلادي بليل ناوي اصارحج بس صار الي صار وجريت حسره
شمس/وانت انقذتني من اقذر وانصب شخص بهالدنيه هاي قبل فتره جنت احجي وي صديقتي والله ماسالتها عليه وحدها حجت كالت انس الابنيه الي اتزوجها بامريكا ناصب عليها مخليها تحول گـِْـِْلِْ املاكها باسمه ومطلكها
سلطان/امممم وشكتلج لعد اني
شمس/الحمدالله ربي خلصني منه وهالشي بفضلك انت اشكرك
سلطان/انتي قبل كلشي بت عمي وعرضي شعبالج اخليج ينضحك عليج من محادثته عرفته نصاب ويدور فلوس
لتجيبين طاريه خلي يولي
شمس/تمام زين انت شكد جنت تحبها الهدى شعجب من رجعتلك كلبك مادك الها
سلطان/ابددد ولارف عليها تدرين بقت تتوسل بيه حته اتزوجها متطلكه من زوجها واجتي تريد سلطان يتزوجها عبالها سلطان ياخذ فضلات العالم
شاخذها وانه عندي كمر بالبيت يضوي
هم حلوو وهم صغيرون وهم بعده بالباكيت😉
شمس/ايييي سلطان كافي عاد
سلطان/يمه خرب خوالج والف رحمه عليهم لان انطوج كل هالجمال هذا
شمس/زين واذا طالعه على جمال عمامي جان شسويت
سلطان/مااسوي شي عادي بس هـًُّـيًُْـچ احلى جمال بريطاني ودم عراقي بت لندن
شمس/بس انه مو بت لندن انه بت البصره
سلطان/ضحكت ولج لنوب تكول انه يمه فدوووه الحلكج شكد حلوه بي كلمة انه
اييي انتي بت لبصره ولاهم انتي بت هذا واشرت على كلبي
شمس/مكان الطلقه تاذيك
سلطان/يعني بس اذا تبوسيها كل الالم يروح
شمس/مديت ايدي فتحت دكم الدشداشه شِفـٍـْت الضماد بسته على كيف
سلطان/يااااابويه طبت وعلي طبت موبوسه مسكن الالم
تعالي اريد منا واشرت على حلكي
شمس/قربت شفتي وابوع بعيونه شكد ذبلن هستوني دا اريد اخلي شفتي على شفته وانفتحت لباب طبت هيا تركض
سلطان/عفيه عليج بويه ماتذكرتي ابوج اله بالدقيقه ال90 مدري الله سلطج عليه مدري حضي تعالي بنيتي تعالي يمي ابوس بيها افيششش هالريحه شكد احبها
شمس/ضحكت على كلامه وكولت لهيا يله تعالي خلي بابا يرتاح اخذتها ووصلت لباب فتحته طلعت دا اسده وشمرلي بوسـّﮧ💋 بالهوى
