رواية المتمرد والصغيرة الفصل الخامس والعشرون بقلم رسل
______
أول مرة اجر بروحي لهناك
مو انا التگلة فلان يسواك
أول مرة روحي تغثها ال شبيچ ؟
أول مرة ابوس ايد الشبابيچ
أول مرة گلبي يكضني بأيدة
القصيدة الما تجيبك مو قصيدة
______
اديان.. يربي شهالخوف المحاوطني مادري اكو شي بداخلي يگلي اذا تنطين نفسج تخسرين نوب هو سواها شغلة عناد قفلت باب و ما طلعت بعد حتى عشة ما تعشيت بالعشرة من الخوف نمت
ب 12 فزيت ع دگة الباب ما سويت اي صوت و لا كلت منو
ثاني يوم الصبح كعدت رحت للمطبخ لكيتهم يتريكون محد فتح موضوع الخطوبة و لا هو حچة وياية مرت خمس ايام
هو حتى بوجهي ميباوع اني گلت بلكي هد ياخة مني وصار عندة ضمير و راح يتزوج اطمنت كعدت الصبح ما لگيت احد بالبيت هاي تعودت بس يزعل يگوم يطلعهم علمود اضوج
و اروح اراضي بس لو يموت البيت نضيف رحت للمطبخ سويت لفة جبن و اخذت ملابس و دخلت اسبح طلعت ظفرت شعري هم ماكو احد
حتى هو مموجود لان لو موجود جان نزل اخذت تليفوني و كعدت بالمطبخ العب العاب انفتح باب الشارع دخلت سيارتة و سيارة ابو سراب
دخلو كلهم سلمت عليهم هو صعد ورا شوية نزل لابس ملابس بيت
بعدين اجوي زلم معگلين تلاثة بالمضيف هو راح يمهم
واجة زيد كال شنو غداچن
بشرى: انا ستوني اجيت
زيد: عمامي هنا لعد راح ادز من المطعم
بشرى : والله تسوي فضل
اديان: بشرى هو انتو وين جنتو
بشرى: خالتي ام عدنان متخربطة ورحنة شفناها
اديان: لعد كلكم ترحون
بشرى : هاي احنة متعودين هيج
اديان.. جاب زيد الغدة مندي حظرنا و رتبنا اني و بشرى ورة ساعة راحو اجة ابو فهد للمطبخ
ابو فهد : تلگين فلوس بالكومدي جيبيهن بساع
اديان.. شكلة عصبي صعدت ركض اجيب الفلوس ما لگيت اي شي اريد اطلع من الغرفة صار بوجهي يم الباب
ابو فهد: وين الفلوس
اديان: ماكو
ابو فهد : تؤ تؤ دروحي دوريهن زين
اديان: ماكو والله قابل ماشوف
ابو فهد : هسة شبيج خايفة
اديان: مخايفة
ابو فهد : واضح
اديان.. كام يتقدم ليگدام واني ارجع ليورة قفل باب الغرفة هنا گلبي
شغلو بي دمام احس بس صوت دكات كلبي بالغرفة لزم ايدي و حظني حيل و حچة يم اذاني ... اعشگجججج
اديان: وخر حباب
ابو فهد: وين اوخر غير غرفتي
اديان: لعد خل اني انزل
ابو فهد : روحي انزلي
اديان.. ركضت للباب افتح بي مينفتح درت وجهي عليه لكيتة يباوعلي وكاتم ضحكتة
اديان: حباب خلي انزل
ابو فهد : اني اريدج تتغلبين على خوفج
اديان: و اني ماريد
ابو فهد : ترى صابر عليج اكثر من طاقتي
اديان: اتزوج غيري والله ما اضوج بس لتتقربلي
ابو فهد : تأمرين اتزوج بس مو هسة اخذ حقي منچ بالاول
اديان: ماعندك حق يمي اني فصلية مرجعي لاهلي غصباً ما عليهم يتحملوني
ابو فهد : شيتحملوج غير باعوج الي
اديان: رجعني الهم و اخذ فلوسك
ابو فهد: فكرت بهذا الشي و خابرت ابوج گال الفلوس صرفتهن واني ماعندي بنية اذا متريدها اشمرها بالشارع
اديان : اشمرني بالشارع
ابو فهد: مو ابو فهد اليشمر نسوانة بالشارع و شي ثاني شلون اشمرج و اني دافع فلوس يعني اطلع خسارة انتي تقبليها اطلع خسارة
اديان: الله ياخذ روحي و يخلصني منك و من ابوية و من عمامي
ابو فهد : حتلو متي انا نفسي بيج تخيلي نفسي تدني عليج وانتي بالتابوت
اديان: حباااب عوفني
ابو فهد: اعوفج والله بس صارحيني ليش هيج خايفة مو راح تكفريني والله حتى اذا متعرضة لحادث اني قابل بيج بس انطيني شي مقنع اني عمامي يومية فاتحين الموضوع وياي كدام اليسوة و الميسوة و اني
صابر الخاطرج ماريد اخذج غصب و تكرهيني انا رايدج و رايد اكسر روسهم بشرفج
اديان.. گمت ابچي
ابو فهد : هسسسسسسسسسة ليششششش تبجين بنت الكلب مو جاي احجي وياج مثل الگو**يد
اديان: ماريدك اكرهك اكررررررر
قاطعني راشدي خلاني اوكع بالگاع رفعني من الكاع و هو لازم زندي و ضاغط عليه
بدون اي كلام دفعني على الچرباية صار فوگاي شگد حاولت اتصارع ويا بس ماگدرت مثل الفارة
الي تحاول تتلاوة وي اسد ايدة جانت ع حلگي
اخذني بأبشع طريقة ما چنت متصورة هيچ ابد شكددد ما جنت اكره هاي السالفة بالزواج
هسة كامت تلعب نفسي منها
حسيت روحي ارخص شي بالدنيا اني صايرة جوا هو بس ضخامة جسمة خلت النفس ينگطع عندي بس دموعي الي چانت تعبر عن الهضمة البداخلي لمن ينوخذ شي منك غصب و بطريقة مو مثل الاوادم
تحس بهاي الخنگة گمت احس بروحي جاي اتگطع
ايدي ورجلي احس انشلو من كد ما صارعتة بيهن صوتي راح
خلص گام من يمي باسني بشفتي لحد ما اختنگت يلة عافني
ابو فهد : والله ما جانت نيتي هيج بس جبرتيني
دخل للحمام
طلع من الحمام و اني عيوني ما سكتن من البچي درت وجهي منة ماريد اشوفة رفع الغطة يريد يشيلني حچيت و اني صوتي رايح و ابچي
اديان: عووفني ما اريدك
ابو فهد : صار بس گومي لتضلين هيج
اديان: لفيت اللحاف على جسمي ودخلت للحمام الم ببطني راح يموتني فتحت الدوش الحمام صار عبارة عن دم اني گمت ارجف من الخوف
نوب ما اكدر اگلة استحي لفيت المنشقة على جسمي و فتحت الباب
هو چان كاعد ع القنفة و مدنگ جسمي گامت تمشي بي البرودة شافني گام بسرعة اجة يمي بعد ما حسيت بالدنيا
بعدين يلا گمت استعيد بوعيي شفت مرة لابسة عباية و دتشدلي كانونة و مغذي فوگ راسي و هو واگف يمها تذكرت قبل شوي شصار ضليت ابچي المرة گالتلة
- مو هالشكل اخي البنية متأذية حيل المفروض تراعي عمرها و نعومة جسمها
ابو فهد : هسة شلون صارت ؟
- خل تستمر على العلاج و ان شاء الله ما بيها غير العافية
اديان.. ورا شوية اجتي هيفاء باستني
هيفاء: الف مبروك حياتي
اديان: عليمن ترى مو من ارادتي
هيفاء: بعد صارت شسوين مكتوبلچ تشوفين هذا كلة
اديان.. دگ الباب و دخل هو
هيفاء: اي هسة صار
اديان.. سحبت الفرشة الي جانت ع الچرباية متروسة دم هو چان واگف اني غمضت عيوني حيل هو طگهة ضحكة خرب شگد كمت اكرها
شو هذا طول ما طلع من الغرفة فتحت عيوني شفتة ديگص بالفرشة اخذ قسم منها و طلع و هيفاء گومتني و دخلتني للحمام گتلها لا اني اسبح
سبحت اخذت وحدة من المناشف ولفيتها على جسمي وطلعت هيفاء دتنظف بالغرفة
هيفاء: نعيماً يروحي
اديان.. ابتسمتلها فتحت باب الكنتور اخذت من الملابس الاشتريتهم من المول بعدني ما سادة باب الكنتور وسمعت صوت الطلق
هاي ثاني مرة بحياتي اسمع هيج رمي من ضربو بيتنة واخذوني فصلية
و هسة هم نفس الشي هيفاء كامت تهلهل و اني صافنة بوجهة شكو
هيفاء: جاي يرمون لان ابو فهد ثبت الهم انتي شريفة
اديان... كلت بگلبي بعديش بعد ما خلاني افرفح من الالم بدلت و هيفاء كعدت تضفرلي اجتي بشرى باركتلي وجابت صينية بيها كباب و معلاگ كالت هذا ابو فهد دزة
جنت جوعانة مو مال ارفض اكلت و شبعت و هيفاء نزلت الصينية لحد الليل ضلت تسولف وياي هيفاء
هيفاء: لتحقذين على ابو فهد حبيبتي والله هو لو ما يحبج ما صبر عليج هلكد جان مثل اي واحد ياخذ حقة و يشمرج و عمامي الخبثاء خلو حچاية بحلگ اليسوة
و الميسوة و انتي طلع عليج حچي اشكال و الوان ف هو لو ما ياخذچ ميگدر يسد هاي الحلوگ كلها انتي هم على كيفج ويا ترى والله اخوي ماكو منة بس هو هاي مرات تجي الحالة لازم تتحملي
اديان: بس اني ممجبورة اتحمل واحد مريض نفسياً
هيفاء: ولو عيب عليج تحجين هاي الحجاية بس راح اعتبرج بنتي و غلطت هو لو يسمعها ينهيچ و علي بس هو مو مريض بس ضغوطات الدنيا و مصايبها خلتة هيج عصبي
سهام الله يرحمها مرة من المرات ضرب راسها بالحايط صار عندها فطر بالجمجمة و ما عافتة حتى لاهلها ما راحت و هاي عود ميحبها
وانتي هسة محسودة الدنيا ما دايمتلج
انتي لو باقية ببيت اهلج تجيج هيج قسمة لا طبعا اهلج عليهم شبهة
قابل يجي ياخذج دكتور لو وزير اكيد لو يجيج واحد من معارف عمامج السكارة
لو تبقين بدون زواج بس الله كاتب يصير هذا كلة ليش منو كال ابو فهد مرتة راح تموت ومنو كال ياخذ فصلية واصغر منة ب 23 سنة و شجابج من بغداد للبصرة ومنو كال اخوية علاوي يموت بس
هذا كلة ربج كاتبة و ماكو شي كاتبة ربج ميصير الي مكتوب على الجبين لازم تشوفة العين واني اكلج حقج جان حلمج شاب و يفهمج و يعرف شتردين بس كلمن يمد رجلة علة كد غطا
لان حتلو ما ماخذج ابو فهد متجيج هيج قسمة و خلي بالج نص بنات عمي حاطات عينهن عليه خاصتاّ من كالو متخلي ياخذها
بس هسة تلكين السكر عدهن صعد
اديان.. لحد ثمانية بالليل راحت هيفاء اني شلت الكانونة و نزلت جوة تغطيت و ضليت اباوع مسلسل لحد 11 بالليل نمت كعدت الصبح لگيتة نايم على القنفة
گمت غسلت وجهي ورجعت اريد الم الفراش سحبني من ايدي و وحضني اني صايرة فوگا دفعتة من صدرة ليجي واحد ويشوفنة
هسة شيگول
حتى الفراش عفتة رحت للمطبخ لگيت بُشرى دتسوي ريوگ
بشرى: روحي يم رجلج خية انتي عروس انا اسوي الريوك
اديان: لا عادي هو نايم
ساعدتهة بالريوگ هو يباوعلي و يمسح بشواربة اتجاهلتة
فدعة: مبارك يمة ان اشاء الله اشوف جهالكم
ابو فهد: بعد بيتي
فدعة: چنها شلعت گلبك
ابو فهد : يووووووو خليها سكتة
گامو يضحكون
مرر اسبوع كامل يحاول يحچي وياي و اني ما احچي ويا و اكعد الصبح الگا نايم ع القنفة جوة
الحجي: بوية شگلت على سالفة البنات تراهم خوش زلم وحرام توكف بقسمتهن
ابو فهد : گللهم خل يجون
ام محمد: كللللللللللللللللشش
ابو فهد : شدعواچ هلگد فرحانة
ام محمد : چا يتيمات ذني
ابو فهد : بس خلي يفضوها هالاسبوع انا ارد اسافر شهرين
اديان.. فددددد ضجت اكيد راح يروح يتزوج شهرين و بس احاچي يكول انتي ممطيتني حقي
اديان.. بالليل جنت نايمة كعدت على صوت الرمي مو كلش قريب بس يلفت النظر باوعت هو نايم على القنفة بس معقولة ميسمع ضليت اهز بأيدة فتح عيونة شافني
گام بسرعة
ابو فهد : هاا بوية شجرالج
اديان : مجاي تسمع صوت الطلق
ابو فهد : انااا اخوك اي وعلي هذا رمي طلعنة من الغرفة كلها نزلت من الدرج
فدعة : خايبين سطو علينة
ابو فهد : زيد اركضضض جيب الاسلحة
اديان.. طلعو الحجي و ابو فهد و ابو سراب و زيد وراهم
ورا شوية سكتو لحد الساعة بالستة احنة منسمع بس الصياح
و فدعة كالت لحد تروح يم الشبابيك لا تطيح طلقة و يتطشر الجام
ورا شوية اشتعلت الدنيا بالطلق بشرى كامت تفرفح وبنات ابو فهد يبجن و ام محمد تخرمش بخدودهة و اني ضليت مثل الاطرش بالزفة بس خايفة من صوت الطلق
