رواية دعني احطم غرورك الفصل الخامس والعشرون
كانت دينا تجلس مع عايدة هانم في حديقة الفيلا،،
-عايدة: ههههههههههههههه انتي so sweet يا دودي
-دينا: ثانكس أنطي ديلة
-عايدة: عن اذنك حبيبتي هاجيب حاجة من الـ kitchen ورجعالك تاني
-دينا: اوكي أنطي ، take your time
تركت عايدة هانم دينا لتجلس بمفردها في الحديقة لحين تحضر بعض المؤكلات من الداخل .. قامت دينا بفتح هاتفها المحمول لتتصفح أخر الأخبار والمستجدات على شبكات التواصل ، وهنا جــــــاء ياسين وقفز فوق الكنبة ليجلس بجوار دينا،،،
-ياسين مفزعاً دينا: لا والله ده كداااااااا كتيرررررررررر علياااااا وربنا
-دينا بفزع: OMG .. خضتني !!
-ياسين بسهتنة: سلامتك م الخضة يا قمررررر .. انشالله أنا
-دينا: انت مين؟
-ياسين بهمسة : أنا... أنا.... أنا اللي بحبك
-دينا: نعم؟
-ياسين: أنا سينو قصدي ياسين
-دينا وقد رن هاتفها: ده دادي بيتصل!!
-ياسين وقد قفز من مكانه: ده لو حد مسلطه عليا مش هيكون بالشكل ده ، هو ورايا ورايا ، انا خايف يطلعلي في الحمام
-دينا وقد استأذنت لترد عليه ومشيت بعيداً : ألووو ، ييس دادي .........
-ياسين ناظراً إليها بعشق: وراك وراك لو حتى روحت فين يا عسلية !!
......
في مكان أخر ، حيث قضت دارين ليلتها بصحبة حازم في مسكنه ، دارين وهي تنهض عن الفراش ومرتدية قميص نوم وتشعل سيجارة،،
-دارين: انا مش هسيب حقي يا حازم ، لازم تساعدني
-حازم وهو ينهض من جوارها وهو عاري الصدر: فكك بقى يا دونا ، خلينا نقضي وقت حلو سوا!
-دارين: لأ مش هفكني من الحوار ، بنت الـ....... فضحتني قصاد النادي كله
-حازم: ما انتي اللي زوديتها معاها
-دارين: لازم انتقم منها
-حازم وهو يتلمس جسدها: طب ما تيجي بقى!
-دارين بقرف: يووووه بقى ، سيبني الوقتي يا حازم ، خليني افكر لها في مصيبة
-حازم باصرار: طب تعالي وانا هساعدك في الخطة !!!
........
عودة مرة أخرى إلى غرفة عز الدين،،،
-عز: ماهو انتي يا جانا اللي ع طول بتعملي الكارثة وتدبسي فيها غيرك!
-جانا: يا سلااااااااااااااااام ، ومجاش في بالك ان البت دي هي اللي تكون السبب؟
-عز: وهيجي في بالي ازاي ، وانتي كل يوم والتاني هرياني بمصيبة.
-جانا بضيق: ايوه ايوه ، مالقوش في الورد عيب ، قالوا ده احمر الخدين
-عز برومانسية : ده أحمر وسكر وعسل، بطيييييييييييخ يا ناس
-جانا: ايه !! في ايه ما تنشف كده ؟
-عز: ليه شيفاني مبلول؟ يا بت بقولك كلمة حلوة ، احسسك انك انثى وبتتعاكسي، بدل ما انا حاسس اني بتكلم مع طولبة صاحبي ، إن ماشوفت حد عبرك بكلمة حلوة غيري !!
-جانا بدلع : نعم نعم ياخويا!! طولبة صاحبك مين ؟؟ ليه مش شايفني وشايف جمالي !!
-عز: الصراحة ، ومن غير زعل لأ ...... ده انتي ناقصلك شنب وتبقي شبه فرج !!!
-جانا: ولااااااااااا احترم نفسك
-عز: كمان ولا !!! مش بقولك طولبة !!!
رن هاتف جانا برقم دينا،،،
-دينا: هاي جوجو ، انتي صحيتي؟
-جانا: ايوه يا دودي
-دينا: طب يالا عشان دادي جه وهنمشي
-جانا : كووويس ، بدل ما اعمل مصيبة تانية
-دينا: اوك .. باي
-عز مخاطباً جانا: في ايه؟
-جانا: ارتاح ، اديني سيبهالك مخضرة ، اشبع بيها
-عز: ماشية ولا ايه؟
-جانا : آااااااااااااه .. سلام ياخويا ، ال شنب ال !!
-عز وهو يضحك : سلام يا طولبة ، قصدي يا فرج ، يوووووووه يا جانا
-جانا بغيظ: اوووووف منك
.......
نزل عز الدين ليجد ياسين يجلس بصحبة والدته عايدة
-عز: ياسين؟ انت بتعمل ايه هنا ؟ وجيت من امتى ؟
-ياسين: ده انا هنا من بدري
-عز: أها ، طب وجاي ليه ؟
-ياسين: مافيش جيت اطمن عليك
-عز : طب مااتصلتش ليه تقولي انك تحت
-ياسين: أصل...أصل انا لاقيت حالي تحت
-عز: قصدك ايه ؟
-ياسين: ماتخدش في بالك
-عايدة وهي تضحك: ههههههههههههههه كبريتي يا بيضة
-ياسين: مين ده اللي بيضة؟
-عايدة: انت يا سينو
-عز: ماتفهومني بقى ، بدل ما أنا حاسس اني زي الأطرش في الزفة
-ياسين: ياعم ده الحاجة بتحب تنكت ، اطلع انت بس منها
-عز بغمزة: بقى كده ، هنيالك يا عم ...
................
في منزل حسين الدمنهوري ،،،،
-سهير: يعني فكرك الخطة دي هتنجح ياحاج؟
-حسين: قولي بس يااااارب
-سهير: أنا خايفة تبوظ
-حسين: لأ ان شاء الله تنجح وبامتياز كمان ، ده تخطيط بشمهندسين على مستوى عالي
-سهير: طب هنقول للبنات ايه ؟
-حسين: بصي هتقوليلهم زي ما هأقولك هتـــ...............و....و......
ثم توجهت سهير حيث تجلس الفتيات
-سهير: بتعملوا ايه يا بنات؟
-دينا: nothing important مامي
-جانا: بتابع الفيس
-سهير: طب سيبوا اللي في ايدكو الوقتي ، وركزوا معايا ، عندي اخبار حلوة هتبسطكوا
-دينا: ايه يا مامي؟
-جانا: استر يا رب
-دينا: بطلي غلاسة يا جوجو ، اكيد مامي عندها حاجة جامدة هتقولهالنا
-جانا: هنشوف
-سهير: حذروا فزروا ، ابوكو حسين وافق على ايه ؟
-جانا بلهفة: اني أطلق صح
-سهير : بعد الشر
-دينا: اننا نعمل بارتي ، أو .. أو .. نخرج نروح المول ونتفسح ونقضي اليوم بره
-سهير: مممم ، ها غلب حماركوا؟
-جانا: ما تقولي يا أنطي بقى
-سهير: بصوا يا بنات، الحاج حسين وافق انكو تطلعوا الرحلة اللي كان اعلن عنها النادي
-دينا: بجد ، بجد يا مامي ؟؟ دادي وافق؟
-جانا: no way ، اكيد بتهزري يا انطي صح ؟؟
-سهير: وهو الكلام ده في هزار يا بنات ، هو وافق
-دينا وهي تقفز فوق الكنبة : ييس ، ييس ، ييس ، love you daddy ، ثانكس مامي .. اما الحق بسرعة اجهز الـ bag بتاعتي
-جانا: طب وهو ايه اللي خلاه يغير رأيه ؟ وبعدين الرحلة دي كان معلن عنها من مدة ، وباب الحجز اتقفل فيها ؟؟؟
-سهير: عمك واصل يا جانا ، انتي متعرفيهوش ولا ايه ، وبعدين يا حبيبتي ، انتو هتروحوا واحنا هنحصلكوا تاني يوم .. يدوب بس عقبال ما يخلص كام حاجة ونجيلكوا
-جانا: أها ...
-سهير: يالا بقى يا جوجو ، جهزي نفسك للرحلة
-جانا: ثانكس أنطي .. فرصة نغير المود شوية
-سهير بخبث: اه يا حبيبتي ، ان شاءالله تكون رحلة الهنى والسعادة
..............
-يوسف على الهاتف : كله تمام يا سحس ، انا ظبطت المسائل عندي
-حسين: وانا تمام يا جوو ، ربنا يكملها ع خير
-يوسف: ان شاء الله ، ههههههههههه ، والله ورجعتنا لزمن الشقاوة يا سحس
-حسين: هههههههههههه ولسه كمان ياخويا. نخلص بس الجزء الأول وبعد كده نخش ع التقيل
-يوسف: عاش يا سحس
.............
في صباح اليوم التالي كانت الفتاتين قد اعدوا العدة للذهاب في رحلة إلى منطقة ( العين السخنة) ، كان مكان التجمع أمام بوابة النادي ، حيث سينطلق الباص بهم إلى وجهتهم
-جانا: ها تممتي يا دودي ع الـ stuff بتاعتنا
-دينا: ييس ، كله تمام وموجود
-جانا: اوك يالا نطلع الباص ، انا هاقعد جمب الشباك
-دينا: whatever ... المهم نغير جو ، واو ، السخنة مكان تحففففة
لاحظت جانا ودينا وجود بعض الهمهمات والهمسات والنظرات بين اعضاء النادي المشتركين في الرحلة لهما
-أحد الأشخاص: بص هي دي البنت اللي مسحت بدونا البلاط
-شخص ثاني: هي تستاهل ، كانت منفوخة وبتكلم الناس من مناخيرها
-فتاة معهم: دي بنت بيئة اتعالت ع اسيادها
-فتاة اخرى: بس بقى لاحسن بينها خدت بالها
-مشرف الرحلة: يالا يا شباب ، الكل يجمع هنا ، هراجع الأسماء ، واللي يسمع اسمه يطلع يقعد في الباص ، deal ؟
-تنوعت ردود الجميع مابين : تماااام .. deal ... ماشي ... اوك .. يالا يا برنس
وبالفعل صعد الجميع إلى الباص وانطلق بهم نحو العين السخنة
..............
في تلك الأثناء في سيارة عز حيث كان ينتظر نزول ياسين من منزله ، كان ياسين يرتدي ( قميص كاروه أحمر في ابيض ، ومن أسفله تي شيرت أبيض ، وشورت بيج ، وشبشب أسود ) ، بينما عز الدين كان يرتدي ( تي شيرت أبيض ، وجينز أزرق ) ، وضع ياسين حقيبة السفر في شنطة السيارة ثم انطلق ليجلس بجوار عز الدين ،،،،،
-عز: يالا يا ياسين ، اركب بسرعة ، خلصني
-ياسين: في ايه يا عم ، مالك مصحيني من النجمة كده ليه ، وتقلي جهز نفسك وهات عدة السفر معاك ؟ خير؟
-عز وهو يقود السيارة بسرعة رهيبة: هفهمك في السكة ، المهم بس الوقتي نلحقهم
-ياسين: نلحق مين؟ ماتقولي رايحين فين بدل ما أنت واخدني من الدار للنار
-عز: بص الحكاية ومافيها إن ..............
