رواية أسرار الهاربة الفصل الخامس والعشرون
في اوضة سما
سما لسة نايمة
وراضي قاعد جمبها
فجأة سمع صوت انين
بص لقى سما بتفوق
راضي بفرح سما أنتى فوقتى
سما بتأن بتعب
راضي مسك ايديها حمد الله على السلامه يا حبيبتي
أنا هنده للدكتور بسرعة وكان خارج
لكن رجع تانى وقرب منها وهمس في ودانها أنا آسف حقك عليا المهم متحكيش حاجه من اللى حصلت للدكتور سامعة
كل دا وسما ساكتة
خرج راضي ودخل ومعاه الدكتور
دخل الدكتور حمد الله على السلامه
طمنينى عليكى وسمعينى صوتك كدا
سما بتبص للدكتور وراضي وهى ساكتة
الدكتور بصلها بقلق انتى عارفه الراجل ده وبص للراضى
سما رمشت بعيونها
الدكتور ابتسم لا أنا عايز أسمع صوتك اتكلمى الراجل دا يقربلك ايه
سما بتعب جوزى
الدكتور كويس أوى طيب قوليلى إيه اللى حصلك قبل ما تيجي هنا
سما بصت لراضى ورجعت بصت للدكتور
الدكتور اتكلمى
سما أنا تعبانة اوى
الدكتور أنا هكتبلك على مسكن
حمد الله على السلامه
وسابهم وخرج
راضي مسك ايديها وباسها
سما شدت ايديها
راضي مسك ايديها جامد أنا آسف حقك عليا
سما بسخرية وتعب أنت إيه حرام عليك أنا مصعبتش عليك تعمل فيا كل دا
أنا كنت ساكتة وراضية بنصيبى تقوم تعمل كدا فيا
راضي معلش انتى بردوا شوفتى قولتى إيه
سما بتوتر أنا عايزة اطلق
راضي مسك ايديها جامد إيه انتى بتقولى إيه
سما بخوف عايزة اطلق مش عايزة اعيش معاك تانى
راضي مسك كتافها جامد وبقي يهز فيها جامد انتى اكيد اتجننتنى بعد كل اللى عملته عشانك عايزة تطلقى دا أنا اموتك ولا اسيبك سامعة وكان بيخنقها
سما بتحاول تتنفس
فجأة الدكتور فتح الباب
راضي حضن سما بسرعة
الدكتور بقلق فى ايه
راضي بتوتر ابدا دى كانت بتكح
الدكتور بص لسما
ورجع بص لراضى طيب ممكن تخرج برا شويه عشان اكشف على المدام
راضي بص لسما ورجع بص للدكتور وخرج
الدكتور قرب من سما بصت للدكتور بحزن انت انقذتنى بدخولك الوقت
الدكتور ليه
سما والدموع في عيونها كان بيخنقنى عايز يموتنى
الدكتور بصدمة إيه ليه
سما بتعيط عشان قولتله طلقنى دا ضربنى علقة موت لحد ما حستش بنفسى غير الوقت
الدكتور طيب بالراحة كدا احكيلى هو ضربك ليه
سما بصت بعيد
الدكتور هو ضربك عشان انتى تعرفى واحد عليه وخنتيه معاه
سما فتحت عيونها مرة واحدة إيه مين قالك الكلام دا
الدكتور هو جوزك اللى كان هنا
سما منه لله بيتهمنى بكدا وعيطت
الدكتور أنا كمان مصدقتش
سما ابوس ايدك ابعده عنى لحد ما أقدر اخرج من هنا
الدكتور تمام ولو حصل اى حاجه صوتى او رنى الجرس دا اللى وراكى وهتلاقى الامن هنا في ثانية
سما هزت راسها
الدكتور أنا هخرج الوقت عشان ما يحسش بحاجة
سما هزت راسها
الدكتور فتح الباب وبص لراضى باحتقار وسابه
دخل راضي بسرعة الدكتور كان بيقولك إيه
سما مقالش حاجه
راضي مسك ايديها جامد يا سلام كل دا ومقالش حاجه
سما بوجع سيب ايدى كان بيكشف عليا
راضي ساب ايديها ووقف يبصلها ماشى يا سما أنا شايف أنك بقيتى كويسة نمشى بقى
سما بس أنا تعبانة
راضي لا انتى كويسة اهو
سما لا أنا مش هرجع معاك
راضي مسك شعرها جامد اومال هتروحى فين يا حلوة قولتلك هقتلك لو بعدتى عنى سامعة وفي لحظة اتحول لواحد تانى سما أنا بحبك بحبك يا سما وحضنها جامد ماقدرش ابعد عنك ابدا وباسها بالعافية
سما سبنى أنا مش عايزاك تلمسنى أنا كنت بحبك بكل اللى فيك بس الوقت بكرهك بكرهك
راضي قرب منها وحضنها جامد وهمس في ودانها هقتلك يا سما لو قولتى كدا تانى سامعة هقتلك
سما بصتله بخوف
بدأ بدر رحلة علاجه
من تحاليل وإشاعة
وطبعا العامل النفسى
الدكتور دخل لبدر
هاا بطلنا عامل ايه النهارده
بدر أهو ماشى على التعليمات زى ما حضرتك قولتلى
الدكتور متقلقش بس خلى عندك امل وحاول تهدى اعصابك
بدر حاضر
وعدا كام يوم والحال هو الحال
لحد في يوم حصلت حاجه غريبة أوى
في اوضة سما
سما كانت هتهرب من راضي
وخرجت من الاوضة وكانت نازلة من على السلم
شافت راضي قصادها اتفزعت أول ما شافته
راضي مسك ايديها انتى رايحة فين
سما بصتله برعب
راضي كنتى عايزة تهربى منى
سما واقفة مرعوبة
راضي قرب منها ومسكها جامد وكان نازل بيها
سما وهى مرعوبة فجأة بتحاول تشد نقسها من راضي غصب عنها زقته جامد لدرجة انه وقع من على السلم وبقي يقع والمصيبة انه كان ماسكها
أول ما نزلوا على الأرض سما بصت لراضى لقت وشه كله دم فضلت تصوت بصوت عالى لمت كل المستشفى عليهم
بسرعة اخدوا راضي وسما لاوضة الكشف
سما دراعها اتكسر وجبسته
وفضلت قاعدة وفجأة خرجوا الدكاترة من عند راضي
سما بصتلهم بقلق
الدكتور بصلها وساكت
سما في إيه هو فين راضي عايزة ادخله
الدكتور بصلها
للاسف جوزك تعيشى انتى
سما بصدمة إيه يعني ايه تعيشى أنتى
الدكتور يعنى الباقية في حياتك جوزك مات
سما فتحت عيونها على الآخر وضحكت إيه الهزار دا
الدكتور دا مش هزار جوزك مات يا سما. مات
سما بصت للدكتور وقعدت تصوت بصوت عالى وكل الناس اتلمت عليها
واترمت في الأرض فاقدة الوعى
وكانت من الصدفة اللى غير متوقعة خرج بدر بالكرسي المتحرك يشوف مين بيصوت
بدر بيبص لسما بصدمة وهى مرمية في الأرض وبيشلوها
بدر بهمس لنفسه سما مش ممكن
اخدوا سما لاوضة الكشف مرة تانية
وواقف بدر على باب الاوضة خرج الدكتور
بدر هى عاملة ايه
الدكتور باستغراب وانت بتسأل عنها ليه انت تعرفها
بدر بسرعة لا مااعرفهاش اصلها صعبت عليا أوى هو ايه حصل
الدكتور للاسف جوزها مات
بدر بصدمة إيه لا حول ولا قوه الا بالله
الدكتور عن اذنك وسابه ومشى
اتصل بدر بسرعة بجابر
كل دا وبدر واقف قصاد اوضة سما
جابر بسرعة وصل لبدر
بدر اسمعنى يا جابر أنا مش عايز الست الى جوا هنا تغيب عن عينك ثانية من الوقت لحد ما تخرج وتشوف هتروح فين وتيجى منين سامع أنا عايزك تراقبها 24ساعة في ال24ساعة سامع
جابر طيب أنا مش فاهم حاجه
بدر مش مهم الوقت اى حاجه غير انك تسمع كلامى فاهم
جابر مع انى مش فاهم بس حاضر
فجأة بدر شاف الدكتور ومعاه ظابط رجع اوضته على طول
وبدأ التحقيق مع سما
سما بتعيط بهستريا
الظابط أنا مقدر حالتك بس قوليلى حصل ايه
سما بتعيط بهستريا
الدكتور اتكلمى يا سما
سما بتعيط أنا كنت نازلة على السلم وهو بيشدنى جامد وقعنا من على السلم أنا مش مصدقة ان واقعة زى دى تموته وقربت من الدكتور ومسكت ايده وباستها ابوس ايدك يا دكتور اكشف عليه تانى اكيد مغمى عليه هو اكيد عايش مش ممكن يموت ويسبنى لوحدى أنا ماليش غيره في الدنيا وعيطت بهستريا
الظابط بحزن لا حول ولا قوه الا بالله
كدا المحضر منتهى مات قضاء وقدر
الدكتور بص للظابط.
سما لسة بتعيط وهى مش حاسة بحاجة ولا اى حد
الظابط مشى
الدكتور وقف يبص لسما احنا الوقت هنطلع أمر بالدفن انتى عارفه مكان المقابر بتاعتكم
سما بالدموع أيوة عارفة مكان ما ماما مدفونة عشان مدفونة في مقابر جوزى
الدكتور تمام
وطلع أمر الدفن وادفن راضي ومكنش في حد في صلاة الجنازة ولا الدفنة غير جابر ومعاه بدر بس وقف بعيد وناس قليلة خالص
سما واقفة لوحدها في المقابر بتعيط وفى الاخر قامت مشيت طيب أنا هروح فين الوقت سبتنى ليه يا راضي أنا كنت راضية بيك عشان أنت نصيبى وقعدت تعيط في الشارع أنا هروح شقتنا ما هو قالى دى شقتنا وهو اشتراها
بس اروح ازاى أنا معايش فلوس ولا المفتاح فجأة بصت في ايديها كانت استلمت هدوم راضي فتشت في هدومه لقت محفظته ومفتاح الشقة
روحت سما وكانت في حالة رهيبة
وكان ماشى وراها بدر وجابر
بدر بحزن يلا عشان نروح المستشفى يا جابر
جابر في الطريق انت تعرفها منين يا استاذ بدر
بدر بحزن معلش يا جابر مش عايز اتكلم بس أول ما النهار يطلع تكون واقف قصاد البيت ومتتحركش
جابر حاضر
أول ما دخلت سما الشقة قعدت تفتكر كل لحظة عاشتها فيها وتعيط وتكلم نفسها
أنا هعمل ايه الوقت وأنا لوحدى ومااعرفش أى حاجة
ليه يا راضي تسبنى لوحدى وبصت على صورته وخدتها في حضنها وقعدت على السرير
فجأة لقت راضي قدامها بيكلمها مانتى كنتى زهقانة منى ومش عايزانى
سما بدموع الفرح جريت على راضي وحضنته أنت مموتش صح أنا كنت متأكدة انك بتحبنى ومش هتسبنى لوحدى
راضي خلاص يا سما أنا ماشى ومش هتشوفينى تانى بس أهم حاجة و آخر حاجة بطلبها منك انك تخلى بالك من نفسك عشان مبقاش في حد هيخلى باله منك من بعدى وفجأة اختفت صورة راضي
سما صحيت مفزوعة انا كنت بحلم وقعدت تعيط
وعدت أيام على سما وهى لوحدها وبدأت الناس تعرف ان راضى مات وفى يوم وهى قاعدة لوحدها
الباب خبط
سما فتحت
راجل كان واقف على الباب السلام عليكم
سما وعليكم السلام ورحمه الله وبركاته
الراجل الباقية في حياتك
سما حياتك الباقية
الراجل انتى متعرفنيش صح
سما لا
الراجل أنا مجدى عبد السلام محامى راضي الله يرحمه
سما بحزن الله يرحمه
المحامى أنا جاى النهارده اسلمك ورثك
سما ورثى يعنى ايه
المحامى يعنى كل حاجه بتاعت راضى بقت بتاعتك
سما ياريته كان هو فضل معايا هو بكل فلوس الدنيا
المحامى الظاهر كان كلام راضي عنك حقيقى
سما كلام إيه
المحامى راضي كان بيقولى انه بيحبك وانتى كمان بتحبيه
سما عيطت
المحامى ربنا يصبرك المهم دا الورق اللى يثبت حقك في ميراث راضي بما أن مافيش وريث غيرك وكمان في حاجه مهمة
سما حاجه إيه
المحامى كأنه قلبه كان حاسيس فكتبلك كل حاجه ليكى بيع وشرا
سما بصدمة يعني ايه
المحامى يعنى كل فلوسه بقت ليكى والشقة دى والبيت القدبم والمحل والعربية
سما بالدموع راضي عمل كل دا عشانى
المحامي أيوة وكان موصينى عليكى لو احتاجتى أى حاجة أنا في خدمتك في أى وقت
سما متشكرة اوى ليك
المحامى العفوا اتفضلى الورق دا كله فيه ممتلكاتك ودا جواب من راضي ليكى
سما باستغراب جواب
المحامى أيوة راضي قالى لو حصله حاجه اسلمك الجواب دا
استاذن أنا
سما اتفضل
ومشى المحامى وفضلت سما لوحدها
قعدت تفكر هو إيه اللى بيحصلها وفجأة عنيها جات على الجواب بتاع راضي
مسكته بتوتر ياترى فيه ايه الجواب دا فتحت الجواب وقعدت تقراه
💔صوت راضي 💔
أنا راضي يا سما وانتى بتقرى الجواب دا أنا مش هكون موجود معاكى أنا بس حبيت اشرحلك حاجات انتى مكنتيش فهماها وكنتى ظلمانى بس بعد ما تعرفى الحقيقة هترتاحى
أول حاجة عايز اقولك اني اتجوزتك غصب عنك بس جوازنا مش حرام عشان أنا كنت جوز امك
لا يا سما أنا كنت جوزك أنتى وبس والسنين دى كلها أنا كنت متجوز امك على الورق بس أيوة يا سما اتجوزت أمك على الورق بعد ما ابوكى مات انتى وامك كنتم لوحدكم وانتم صعبتوا عليا اتجوزت امك وقررت اربيكى طبعا بتسالى نفسك إزاى متجوز أمك على الورق بس أنا هقولك أنا زى ما انتي عرفتى مكنش ينفع اتجوز عشان الحالة اللى عندى لما جيت اتجوز أمك عرفتها انى جوازنا هيكون على الورق بس وهى رضيت وفضلت حياتنا ماشية لحد امك ما ماتت ولما كبرتى قدامى حركتى فيا مشاعر عمرى ما حستها حتى وأنا لسة شاب صغير عشان كدا اتجوزتك يا سما عشان حبيتك حبيتك بجد يا سما الوقت لازم ترتاحى منى ومن الذنب اللى كنت شايله المحامى هيدكى كل حاجه كانت عندى كلها هتكون ملكك انتى
اخر طلب بطلبه منك أنك تخلى بالك من نفسك يلى اغلا من نفسى
وادعيلى يا سما كل اما تفتكريتى ادعيلى
💔 راضى 💔
حضنت سما الجواب وهى فى حالة هستريا من العياط
قربت خدت صورة راضي في حضنها واترمت على السرير تعيط
😭😭😭😭😭😭😭😭
بتعدى الأيام على سما والحزن كسرها وبقت تايهة وهى لوحدها وايامها بقت زى بعضها
