رواية اخذوني دفع للدار فصليه الفصل الخامس والعشرون بقلم زينب الموسوي
وتقربتّلك وإنتهت
كل القساوة العندي
من تبتسم أنسى الحچي
وما اعرف منين أبدي ،
حبيتك بگد ما چنت
خايف أظل لوحدي .
*****************************
نهر : اشوف ليث كتله من النار وهذا الولد الي اول ماجيت شفته وهم صفن عليه اجه ليث وجرني من ايدي كتله شبيك اخ
شيخ عكاب : ع كيفك بويه موهيج منا ناس هيه شعليها
نهر : جدي هيج يحجي وانه صافنه الولد كلهم يضحكون وخر ايدك جريت ايدي وصعدت وي عمار
عمار : ضليت اضحك خل اسولفلكم شصار اول ماطلعنه وشفت هاي شلابسه شعلتني شعل وصلنه ودخلت النسوان وكعدنه بالديوان وجان يحجي ابن عم سمر يكول اسمه الولد امير
امير : طبعا من رخصه الحضور وقبل لايصير اي كلام انه اليوم شفت بنيه دخلت لبيتنه وحيل حبيتها واجيت اريد اطلب ايدها من عدكم واريد تنطوني الموافقه قبل لا نعقد بين غضب وسمر
عمار : خليت ايدي ع كلبي بس لا همس وهيه طالعه جنها العيد وبعد اضيف شي اذا تسالون عن اهلي ف عزموهم وما اجو كالو ع العرس نجي ماضغطت عليهم خلي اكمل الكم ايمن هم وجهه نخطف ضليت اضحك عليه وانه بكلبي نار شو هذا كمل وانه طكيتها بصفنه والكل سكت
امير : انه سئلت ورا مادخلت وديت امي ودريت باسمها ف يا شيخ عكاب ويا عم فهد انه ع سنه الله ورسوله اطلب ايد بنتكم نهر وياريت ماتردوني
ليث : جاي يحجي وصل لاسمها انه صرت نار وعطت ولك ياهي التخطبها ها ماتستحي من سالت عليها ماكلولك متزوجه وماتدري انه رجلها ليث الفارس
امير : صفنت وخجلت حيل انه اعتذر شيخ بس امي كالت مامتزوجه لان مالابسه حلقه انه كلش اعتذر منكم اسف كلش منكم السموحه
الكل رد لاعادي
عمار : طبعا انه وسامر وايمن وعباس هم ويانه ستلمنا تصنيف متنه من الضحك خو غضب يريد يكمل العقد ماله ماكو
ليث : بدينه صح عوزنه بس هذا الموقف حتى ضحكون عليه مو سرسريه سدو حلوكم طبعا صار الليل واحنه بعدنه ناصبين ع ليث وميتين صحك ايمن شكله
ايمن : خليها تنخطب لو بس انت حلال باجر خطوبتك
ليث : رحت عليه وضربته
ايمن : ضربني وانه اضحك بس بداخلي كلت يستاهل خلي يحس باختي وشلون احساسها الادبسز
عمار : طلعنه واجت نهر صعدت وياي كلش ماقبلت ع جرته من ايدها سالتني شصاير وسولفتلها ضلت تضحك وكالت
نهر : وهوه شعليه باجر موراح يخطب خليه يطلكني ويعيش حياته
عمار : حسيتها بقهر حجتها باعي راح انصب عليه ههههههههه اتصلت ع خطه وفتحت سبيكر وكتله اكلك ليث نهر تكول خلي يطلكني وانه موافقه بامير حلو وخوش شاب عجبها
ليث : صافن ودك عليه عمار هيج كلي وانه وكفت السياره طبعا من عصبيتي وحدي صعدت وهمه رحو وي غضب وكفت السياره بشخطه وعيوني احسهن طلعن من مكانهن كتله ولك عمار اذا لعبه منك هسه اجي اخذ روحك كلب حيوان
عمار: لك حترم نفسك لاتصدك انت شيخ سد حلكك هييه يمي وهيج كالت شعليه انه هاي وياك احجي
نهر: ستغليت الفرصه وكتله بصوت مبحوح كتله اي ليث طلكني وخليني اعيش حياتي انت ختاريت حياتك قبل لايرد سديته بوجهه
عمار : عفيه عليج ولج طلعتي قويه ع اخوج شوهاي بسرعه ضربتني كالت وكف السياره وكفها نزلت ستفرغت رغم مماكله شي
نهر : دخت حيل من السياره وشميت ريحه موحلوه لعبت روحي وضربته حتى يوكف ضليت اتقيء معدتي توجعني اخ عمار معدتي
عمار : ولج شماكله قبل لاترد عليه اغمى عليها بسرعه شلتها ولاقرب مستشفى وديتها وخلولها مغذي كلت اخابر ليث نوب كلت لا يولي الوصلتله كله بسببه نتضرت الدكتور طلع وكال
الدكتور : مبروك المدام حامل
عمار: ضليت صافن ع متفاجأ يعني علاقتهم جانت كامله والنذل يريد يتزوج الساقط انه اعمله الكلب دخلت عليها وجانت ستوه كاعده وكتلها
نهر : كلي حامل حيل فرحت واخيرا راح يصير عندي طفل ومنين من احلا انسان بالدنيا من شخص احبه واموت عليه بس خفت باوعت لعمار برجاء وكتله عمار اذا تحبني صدك بداعتي لا تكله لاتكول الاحد لمن انفصل عنه يصير خير الله يخليك
عمار: لج مطيه شلون مااكله ولج هذا نذل يريد يتزوج وبزوده مادري بعلاقتكم كامله
نهر: صح خجلت بس كتله اوعدني بداعتي ماتحجي ولاجيب سيره اوعدني
عمار: شفتها مصره كتلها تمام وعد خلينه وطلعنه للبيت وصلنه نزلت وجان تجي البلوه كتله هي هي وين طالعه بهذا لبسج
همس : وانت شكو نهر شبيج حبيبتي حيل خفت عليج
عمار: من احاجيج باوعيلي
نهر : بصوت مبحوح كالت ولكم بس شكد تتناكرون كافي
عمار : ماشوفينها شلون طالعه لا وبالشارع
همس : جنك نسيت احنه بغداد
نهر : اخ منكم خليت ودخلت وهمه بقو يتعاركون اول مادخلت شفته بوجهي والجكاره بحلكه تعجبت اول مرا اشوفه هيج يشرب جكاير ماحاجاني وانه هم مابيه حيل احجي خليت وصعدت نمت كبل .
همس : اي انت شكو
عمار : ولج اكسر راسج وبعدين حضري روحج سبوع الجاي اجيب اهلي
همس : ومنو كلك اقبل
عمار : ليث كلي قابله
همس : باوعت بعصبيه وكتله عود خوش خليت ودخلت مغرور شايف نفسه اف بس احبه شسوي خليت وصعدت شفت نهر نايمه والبنات هم بس نور كاعده
همس : شبيج
نور: اليوم مورجعنه السياره ماكفت صعدت وي ايمن وكلي انه احبج واريد اتقدملج شنو رايج
همس : ياااا شكد حلو وشنو رديتي عليه
نور: غبيه شرد طبعا كتله موافقه كال ورا خطوبه ليث اجي وي اهلي
نهر : اسمعها تحجي وانه ابجي وبالي كله يم ابني الي تمنيت اعرف بيه وليث يمي فرحان وياي بداخلي جزء منه جزء خله حبي اله يزيد ورغبتي بيه تكثر اخ يا ليث خليت وغفيت كعدوني من ال4 اي خلوني انام مابيه حيل اكعد
نور: ولج نهر كعدي ليث خبصنه من 3 كعدنه وجدي عاط بيه
نهر: ماخلص من اخوج انه كليله خلي يطلكني بسرعه
نور: الضاهر النوم اثر ع عقلج كومي جاي نحجي وسمعنه صياح جوه طفرت نهر وانه وراها نزلنه ولكينه عمار وليث يتعاركون
عمار: من الليل وانا ماطايق اشوف وجه ليث كسر اختي واذاها وبسهوله رايح يتزوج البنيه الي يحبها خوش عليه صار الفجر ودوخنه بالصياح كعدت كتله اذا ماسد حلكك افلشه الك
ليث : انجب وكوم يلا اطلع برا انت وخوانك راجعين للبيت احنه لوتريد يخلالك الجو وي هموسه
عمار: ماتحملت كلامه كمت وضربته كتله نذل جيب سيره بنت خالك صدك ماتستحي ونسيت روحك
ليث : صدك غلطت انه باوعت شفتها واكفه هيه ونور عطت بيهن يلا بسرعه شمتانيات بسرعه بدلن ورانه طريق وحفله خطوبه
نهر: حجه هيج درت وجهي وصعدت بدلت ونزلت ونور نزلت ولجين هم اجت ماخذه اجازه بعد خطيبها استاذها ههههه محد يدري هيه خطيبته كلش حذره تكول خاف يحسدونه لجين صعدت وي سامر وانه هم ويا اجه عمار شاورني بس تفاجئت
عمار : تقربت عليها وكتلها اول ماتوصلين تحضرين كل ملابسج وماتبقين دقيقه يمه فهمتي
نهر: كلبي وجعني بس هذا احسن حل داخل ع حياه جديده هوه ومستقبل جديد انه مالي فايده بقائي صعدنه وبنص الطريق لعبت روحي وكتله اوكف سامر اوكف نزلت اركض وستفرغت الي بطني كله وانه بخشمي ماكو ريحه غير ريحه ليث اخ لو اشمه هسه اشبع اجتني لجين كالت
لجبن : نهر صارلها كم يوم مو ع بعضها وانه مغلسه كلت يمكن لان ماتاكل بنص الطريق ستفرغت نزلت وكتلها نهر انتي حامل صح
نهر: سكتت ماعرف اجاوبها وكتلها الله يخليج لاتكولين
لجين : لج شلون ماكول هذا المفتاح الي يحل كلشي ويرجعلج ليث
نهر: اذا مايرجع من ذاته ماريده يرجع ع مود الطفل وعديني ماتكولين الله يخليج اذا تحبين سامر ماجيبين سيره اصلا بس اوصل يجي عليه عمار ياخذني وماريد اشوف وجهه بحياتي بعد
لجين : شسوي وهيه مقهوره وعدتها وكملنه الطريق وصلنه ساعه 12الضهر صلينه واكلنه وهيه نامت بغرفته وقفلت الباب كملنه وصعدنه نبدل رايحين نخطب عشتو
ليث : وصلنه وهمه تاخرو ورانه بنص ساعه يلا اجو جلبت بسامر وايمن ماقبلوا يبقون خلو ورجعو لبيتهم ودخلنه صلينه واكلنه وهيه ماكو بالي يمها خاف بيها شي صارلها ايام ماماكله غير القليل كلش خليت وصعدت فوك بعد مالحك بدلت ونزلت ماكدر اكسر بخاطر صدف نزلت وهيه ماكو سالت نور وبنها نهر
نور: نايمه
ليث : ليش ماتجي
لجين : كال هيج من حركه كلبي كتله شبيك انت ماتحس تريدها تموت تدري بيها شكد تحبك تريدها تحضر خطوبتك فوك هذا كله اخ ليث وين راحت طيبه كلبك
ليث : ماهتميت لكلامها خليت وطلعت شوفي لجين وين نور تاخرنه يلا مياده طبعا مياده ماجت بخطوبه غضب لان جان رجلها مسوي عمليه منعها تحضر بسرعه نور تاخرنه
نور: عزا بعينج صدف شمسويه للولد وهيج يريد يوصل بسرعه
لجين : دخلت اشوفها وشفت لامه اغراضها كلها كتله فكري
نهر : فكرت لجين فكرت لعد ما للامل ابقى هنا خلي يتزوج ويشوف حياته احسن يلا روح باي
لجين : قهرتني خليت وطلعت نور بوجهي صارت لج امشي امشي خل نروح امشي
نهر : طلعو وانه عيني مابطلت صعدت فوك وكعدت ع الجربايه وتذكرت كلشي بينه صار وحتى اليوم الي لمسني بيه جانت هاي احلا ذكره اخذت من عنده قميص ونزلت هاي اخر مرا اشوفك بيها ليث اخر مرا اخ كلبي اخ يمه نتضرت لل5ونص اجه عمار صعدت جاي نحرك وجان توكف كبالنه سياره نصدمت من شفتها ااااااااا عمار بسرعه امشي امشي حباب امشي
ليث : طلعنه وصلنه لبيت عمي شهم وكعدنه جاي يسولفون وانه فاصل عنهم كلهم كعدت صافن اليوم بس عقد حتى ماعازمين احد بس عمامي ولدهم وبنات عمي وخالي الي بالبصره اجه الي بغداد مااجه كلنه خلي ع العرس نعزم صافن وفاصل عن الدنيا واحس الاسوي موبيدي احس شي مسيرني ماعرف حتى افكر جاي افكر بحبيبه كلبي وجان توصلني رساله خلتني افصل عن الدنيا كلها
لجين : وصلنه وانه كلبي نار ع نهر كضيت نور وحجيتلها ضلت تلطم
نور :ولج لجين هذا المفتاح الي راح يرجعهم
لجين : شسوي ولج شسوي كبل لايعقدون وماطول محد غريب وتدرين بهاي الحيه ماتكول الاحد خاف تنحسد وجه البومه
نور : اجتني فكره اخذت نقال لجين وطلعت رقم ليث ودزيت رساله
نور: 💬ليث لاتقبل بالخطوبه الله يخليك نهر حامل واخوها راح ياخذها هسه من بيتنه اللحك عليها
دزيته ولجين كالت
لجين : عزا وعدتها ماحجي
نور : وعدتيها انتي موانه
ليث : قريت الرساله والشيخ يكول هل قبلت رديت عليه بدون وعي كتله لا خليت وطلعت والكل وراي ضل يصيح وصلت لبيتنه وهمزين لحكت عليها رادت تروح رادت تضيع من ايدي موبس هيه حتى ابني واخيرا رجعت لصوابي وصلت بالوقت المناسب وكفت سيارتي كبال سيارت عمار ونزلت كتله انزل ونزلها هسه لاتخليني اسوي مصيبه هيه جر بيه اعتقد تكله خلي نحرك
عمار : نزلت وكتله ماعدنه الك مرا كافي اذيتها لهنا وبس
ليث : لك عمار انه احبها وعفت كلشي وراي واجيت رحت صوب بابها نهر الله يخليج ابقي والله عفت صدف عفتها اريدج بس انتي الله يخليج نهر لاتعوفيني انه احبج
نهر: حجه هيح وضليت ابجي كل قوتي وصدف
ليث : لج ياروح ليث لاتبجين والله اعوف الدنيا كلها ع مودج يابعد روحي نزلتها وهيه كبل حضنتني وضلت تشم بريحتي الضاهر ابني جاي يتنسى عليه هيج حجيت بكلبي وانه احس بروحي طاير من الفرح مادري شلون اعبر فرحتي حبيبتي صارت الي وكلشي خل يولي اهم شي هيه صحت لك عمار احبها
عمار: ضحكت وكتله الله يوفقكم حبيبي
نهر: نزل عمار غراضي وراح وانه دخلت جوه وهوه كاض ايدي مايهدها ابد بهاللحضه حسيت بسعاده ماحاستها كبل ولا راح احسها شويه وجه جدي حيل غضبان ويكله فشلتنه
ليث : جدي مافشلتكم ولا شي محد غريب وهيه الله يسعدها وي غيري ماحبها كوه
فهد : وهسه تذكرت يابويه
ليث : اي ردت حجه والحجه اجت من دريت نهر حامل وراح اصير ابو
نهر : الكل بقى متفاجأ وانه نصدمت يعني رجع ع مود ابني مو ع مودي مو ماشي ليث يصير خير من درو بيه سكتو وكلها باركتلي وجدي عكاب اكثر شخص فرح للخبر كعدنه وراها نسولف ولجين سولفت كالت لوشوفين صدف نصدمت صدمه عمرها
نهر : خطيه
لجين : امداج انتي خطيه يا خايسه ولج هاي حيه مسمومه شبيج فرحي بالعندج وبيومين تلكينها ناسيه حتى لعرس غضب تجي
نهر : تعدن الاسبوعين وفعلا غضب تزوج ورحنه للصالون كلنه وانه نضفت جسمي وكصيت شويه من الاطراف شو هاي ام الصالون سوتلي تسريحه عروس شسالفه شبيها ومكياج عروس كتلها موجنه هواي
ام الصالون : لا حبيبتي لايكلج معليج
نهر: سكتت شحجي وياها بعد هههههه
طبعا الاسبوعين المرت عشت مثل الاميره مايخليني اجيس عود لان حامل وعاتبته
ليث : كال لا والله احبج انتي مو ع مود ابني بس صار عندي حافز ماريد اخسرج والصار هوه قواني
نهر: باول يوم رجعت تقرب عليه وجان احلا يوم يمر عليه بحياتي كلها وحسيت بيه وبطعمه كتشفت انه شكد جنت احبه لدرجه ماشبع منه ولا من ريحته رجعت لواقعي وانه صافنه لكيت خالتي واكفه وكاضه بيدها بدله بيضه باوعت بستغراب وكالت
قسمه : اي يمه اليوم عرسج وليث ماراد تبقى بنفسج البدله
نهر: ردت ابجي وعاطن عليه كافي بجي لخاطر الله ماتملين كافي بس جان شعور حيل حلو انو اصير عروس همزين بطني بعدها ماتبين لبست البدله وجانت باللبس احلا
شويه وكالو اجه حسيت كلبي يركص ركص صعدت ويا وشال الوشاح مالتي وشافني كال
ليث : حبيت اسويلها مفاجئه وتفقت وي البنات اللبسها البدله حيل حبيت اشوفها بهذا الشي كملنه ورحت اجيبهن طبعا سيارتي وحد وزينتها بورد وردي ادري بيها تحب هذا اللون صعدتها وشفتها وكلت اويلي عليك ليث ناويه تموتك
نهر: اسم الله عليك حبيبي عمري ع عمرك
ليث : لا ناويه عليه انتي ادري بيج
نهر : ضليت اضحك ورحنه صورنه وي سمر وغضب هذا الحجي بشهر الواحد 2014 صورنه وخلصنه ورحنه للقاعه وكل كشي مسوي ماناسي اي افصيل خلص وزفونه تمنيت الوقت يوكف حتى ابقى ويا ومحد يفرقنه وكل يوم حبي اله وتعلقي بيه يزيد مايقل واحب ريحته احبها دخلنه للفندق وجانت احلا ليله بعمري ومانساها جان كلش حنين وياي لدرجه حسيت بروحي بنته رجعنه ثاني يوم وذبحو جوانه ذبايح والناس موجوده ولكيت اهلي وملك جايين هم وحيل فرحو الي شويه واجاني ليث كال هاج وقعي ع هاي الورقه كتله شنو كال وقعي وقعت بدون مااقره كال مبروك واخيرا صرتي مرتي شرعا وقانونا حسب علاقاته جان الورقه مال العقد للبيت وصرت مرته بالقانون حسيت الدنيا ماشايلتني مرت الايام والاشهر وعمار خطب همس وامين خطب نور وراها سامر تزوج لجين وضجت لان البيت فرغ وسمر صارت كلش صديقتي وحبيبتي تعدت الاشهر وصلت لشهر 8 وهنا بده ليث يصنف عليه لان صرت مثل البطه واي شي مايصير عليه تزوجو عمار وايمن بنفس اليوم وراها بسبوع عباس خطب ملك والجلبه عرفنه بيها عدها علاقه بيه بعدين دخلت بشهري وكوه اوكف طبعا ماماخذه سونار ومادري شنو بيه بس ع الاحساس جهزت شي يصير للاثنين سواء بنيه او ولد وليث ماعافني ولا يوم وحدي ومانام اذا مو على ايده ماكتلكم نور خلصت سادس وطلعتلها كليه هندسه نفس ايمن بس تركت السنه كالت اريد ارتاح نايمه واحس رفس بطني حيل حيل ضليت اصرخ كعدت وليث كمز خطيه ودوني للمستشفى وجان اجيب والدكتوره كالت مبروك ماما بنيه ولد مثلج يخبلون الله يخليهم مادري شنو حساسي بوقتها انو صرت ام لثنين طلعوني والبنيه نسخه مني والولد نسخه من ليث وكبرو باذانهم جدي عكاب طبعا وسماهم
ادم وحور حيل حبيت اسماءهم كال حور لان عيونها وهيه جنها حوريه من الجنه باوعتلها فعلا ملاك نازل من السمه والولد ماكلكم بعد يشبه حبيبي رجعنه للبيت وراها بيومين سمر بشرتنه بحملها وحيل فرحنه طبعا لجين وسمر نفس الشهر حبلن وراهن نور وملك بشهرين وكلحنه عشنه بسعاده وخصوصا انه الله عوضني عن ايامي الي فاتن كلهن بالهم والغم وبالنسبه الصدف تزوجت رجال اكبر منها ب20 سنه بس يكولون مرتاحه ستقرت باربيل وعسوله دكتور وياها خطبها بالجامعه وهم حيل يحبها وملك دايما تسولف بعمتها تكول مامرتاحه اخير شي عباس اخذها وعزل لان مايحب يشوفها ضايجه وطلع حيل يحبها .....
ومرت السنين وهسه صارلي متزوجه 7 سنين دخلت بالثامنه طبعا ماكتلكم حور بنتي نسخه مني نفس لون عيوني شعري وادومي ليث ومحطوط نفس حتى عصبيته ومخبليني دوم يتعاركون ع الاقلام والدفاتر بس حيل شاطرين وانا قررت اكمل سادس وهم انه وليث عرك يكلي مادخلين كليه ويشوفونج اخاف عليج كتله بس السادس كال الله كريم عود صيري زينه ويصير خير واحنه اليوم 23/3/2022 وجمل سنين عمري عشتهن طبعا حياتنه ماتخلى من الزعل بس ليوثي مايخليني اطول بزعلي واصلا ماكدر على فراكه وهسه انه حامل مرا ثانيه وهم حامل بتوم بس هالمرا ولد ثنين ادعولي اكوم بالسلامه .
لهنا انتهت قصتي اتمنى تستفادون انو الصبر اهم شي بالدنيا والله راح ينطينه بكد صبرنه اضعاف وربي الحمدالله عوضني حبيبي ليث الي مايزعلني ولا لحضه ولا ثانيه ويوم عن يوم حبي يزيد اله الله لا يحرمني منه ولا من العفاريت مالاتي الصغار يارب يجمع كل شخص وي الشخص الي يحبه ومايفرقهم ابد ...
نهر : احبك ليث
ليث : اضل طول عمري احبج نهر انتي نهري وسمائي ودنيتي وكوني الله ينطيني العمر واسعدج طول عمري ياكل هلي انتي الي الله عوضني بيها من بعد هاي السنين كلها انتي هديه من الله الي
نهر : طول عمري ابقى مسجله بأسمك والك وبحياتي ماشوف غيرك احبك 💕
هاي اخير محاوره بين نهر والشيخ ليث الفارس
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
