رواية عشق مابعد الطلاق الفصل السادس والعشرون بقلم ساره فاضل
ناي
دخل والدي للعمليات وكلبي نار شلون بيه وشسوي
بيت ابو رضا خطيه معافوني ولالحضه ابو رضا
وام رضا وياي ورضا خطيه وقع ع العمليه وكعد بالممر مكعد يمنه
اااااخ ياسجاد بجاه هاي المغربيه كون ماتتوفق بدنياك ويطلعلك بجهالك مثل مامرمرت ابوك ووكعته كون يجي اليوم ليسون بيك جهالك مثل سوايتك وازيد بيا ذنب سويت هيج ببوي وبينه الله واكبر عليك بياذنب هاذا حالي ويه هلولد المريض وحالته تكسر كلب الكافر
و سوده عليه امدد بالكاع مايقبل يكوم يبجي وينحب ومااعرف شسويله لو شلون اصبره وهوه مثل الطفل ذاك اليوم فاكد امه وابويه هسه بس الله يعلم بحاله انتضرنه من الساعه 6دخلو لحد الساعه 9طلع الدكتور واحنه تلكينا بس نريد نعرف اخباره
ناي
كول دكتور ابوي شلونه
وكال الحجي حالته خطره الحوض مالته متهشم وكسر بالفقره الاخيره ورض بالضلع الايمن الحجي عنده سكر ونقص كالسيوم وعنده هشاشه اعضامه منتهيه والضربه جانت قويه ع بنية جسمه راح اندخله للعنايه ونشالله خير
ناي
بجيت ولطمت ع وجهي لااكدر اصرخ ولااكدر ابجي وانحب متقيده المستشفئ مليان عالم ااخ يابويه شسوي بدونك وشحجي وشكول جنك تدري بجيت سجاد مامن وراه خير وضنك ابمحله هلكومك بمكانك ماخله شي بيك سالم النذل اااه يابويه اه منين اجيب الوالي الياخذك ويوديك لحسن مستشفئ
ام رضا
يمه سمي برحمانج انشالله يكوم بالسلامه بس ادعيله يايمه ذبي حملج ع الله بنيتي مايصير انتي هيج وضعك كدام هاذا المسكين هلتشوفين حالته من اجه لهسه يبجي لخاطره يايمه تماسكي
ناي
ونعم بالله خاله بس ماسمعتي الدكتور شيكول كسر بالحوض ورض بضلوعه وفقرته مكسوره شضال بي ياخاله سمعتي بالجبير انكسر وطاب وابوي مريض سكر وضغط وقلب شلون ترديني اتفائل شلون ترديني اتماسك قالل اني حجر ياخاله خلاف ابوي نضيع
ابو رضا
ركضت وره الدكتور وسالته
دكتور دكتور
من رخصتك ولو اسوي عليك زحمه
ابو رضا
الحجي شنو حالته بالضبط واله علاج لا لان بنيته وابنه حالهم يكسر الخاطر
الدكتور
والله ماادري شكلك هيه الاعمار بيد الله بس الحجي ميطول لان الحوض متهشم لو اقوئ مسكن ميرحمه
من الالم وبعدين الرجال جبير وسكر وضغط وهشاشه بعضامه يعني ماله جاره الوكعه اقوئ من جسمه لان جبير مومال هيج حادث
ابو رضا
دكتور بس بالعراق ماتصيرله جاره لو اذا نطلعه بره اله علاج باي دوله بس اطينه امل يادكتور
الدكتور
موقصة بالعراق لو بالخارج
الحجي جبير بالعمر وسكر وضغط اعضامه موبسهوله يشفئ. انتم ادعوله وخلوه ع الله لان سبق وكلتلك الحجي ميطول لان منتهي وع الله موجبيره عده العافيه انشالله
ابو رضا
يايابه يابويه عمت عيني عليك ياخويه يارفيج دربي من عمري ع عمرك ياخويه منين اجتك هلمصيبه والمن تعوف بتك وهلمسكين والي اه اه
رضا
كوم بويه كوم وكل الله انشالله عده العافيه وتره الاعمار بيد الله كلمن بيومه لاتضن الله ياخذ احد كبل يومه
قيصر
يووم يمه وينج يووم
ام قيصر
بلي وليدي هياتني شتريد حبيبي
قيصر
يمه اجاني اتصال من كرايبنه من العماره بيت الحجي ابو محمود يكولون خالي معتدي علي سجاد وبالمستشفئ حالته خطره
ام قبصر
يمه اخويه سم علي شبي يمه فهمني
قيصر
مااعرف كل العرفته هاذا النذل سجاده متعارك ويا ودافعه دفعه قويه ابلوم مااعرف شنو وخالي متكسر وحالته تعبانه وين عموو عصام
ام قيصر
بالاستقبال روح كله وليدي روووح اويلي عليك خويه من صحتي ع صحتك
قيصر
بابا خبر مزين هسه وصلني من العماره
عصام
ياستاار يالله خير شصاير موكعته لكلبي
قيصر
خالي معتدي علي سجاد وحالته خطره بالمستشفئ
عصام
لاحول الله صدك جذب شصار بيه ال نيه ولد يعتدي ع ابو يلاا بابا اتجهزو خل نروح للعماره ناي اكيد محد اله ومحتاجتنه بهيج وضع
قيصر
بس بابا تضن يستقبلوني
عصام
بهيج وضع مااضن الهم خلك سوالفك يلاا بابا روح جهز نفسك ولاتنسه علاجاتك
ام قيصر ياا ام قيصر
يلاا جهزتي
ام قيصر
هياني جهزت يلا عصام بسرعه اريد اوصل للعماره بسرعه اريد اشوف اخويه لايضيع من ايدي
طلعنه للعماره الساعه ب12بليل الجوو ببرد والعمليه كامت تصل علي مااعرف ليش متوتر رغم اني جاي كذا مرا هلمره الشعور مختلف حاس نفسي مرتاح من الهموم العلا ضهري ولااحس بصدري مقبوض مثل كل مره لان قبل شكم يوم حسين اخذني الجده سيد جليل وجبير بالعمر قره عليه وسوالي حجاب يمكن تكولون دكتور شلون تأمن بهيج خرافات بس اكدر اثبتلكم موكل وجع. يحتاجله طبيب القرآن وال البيت خيير اطباء الطريق كله واني احسب الدقايق حتئ اشوفها مشتاقله حييل انشالله بس تتقبلني ومتصدني لان كلش راح اتعب من صدته يارب سخره الي وحببه بيه اعرف غلطي جبير وياها وعذبته شر عذاب باحلا ايام عمره بس والله مالي ذنب
عصام
وصلنه العماره تروحون للبيت ترتاحون لو لامستشفئ
ام قيصر
يابيت وراعي البيت بالمستشفئ وديني لخويه عصام وديني
عصام
بيا مستشفئ كلولك
قيصر
مستشفئ الزهراوي للكسور
ام قيصر
نوصل للعماره نفسه واني اسوق اني اندله بدل متضلون تفرفرون
عصام
بيج حيل سياقه
ام قيصر
الحمدلله ولو ضهري واجعني بس اذا نبقئ عليكم سنه يلا نوصل لان متندلون بس اني ديرتي واندله وبعدين الدنيه فجر ومحد بالشارع ماعندي شي العماره بليل شورعه هادئه ماكو ازدحامات
وصلنه للعماره الساعه 4نزل والدي وامي ثارت مكانه تسوق لاهيه تندل بدل من كضيه واحد يوصف للثاني وصلنه للمستشفئ الجو بارد يموت احس العمليه تنهش بجسمي نهش من الوجع بس مكلت لان جان الضرف حيل تعبان ومومال واحد يزيد ع امي اخاف عليه وخاصتآ هيه صاحبة سكر والطريق كله جبته اجيكلهيا دخلنه لحديقة المستطشفئ شفنئ ابو رضا يدخن وبصفه ولد كاعدين تجهنه ليمهم
السلام عليكم
وعليكم السلام
سلمنه عليهم وخطيه اكلونه بالسلام وابو رضا بس شاف امي بجه بصوت عالي وكع اكلوبنه امي كامت تبجي ووالدي لازمه
ام قيصر
ابو رضا اخوي شبي خويه كلي وكعت كلبي
ابو رضا
ابوسجاد موزين يم قيصر بس الله ينجي
ام قيصر
ولج يمه سوده بوجهي دلوني علي خل اروح اشوفه
رضا
وين تشوفونه يخاله الرجال بالعنايه المركزه لان مخلينه جوه الاجهزه وومهدئات لان الكسر العنده بالحوض كلش قوي وهوه تعبان ومنا سكره والضغط مرتفعات وبس الله يستر تعالو اخذكم البنته وابنه جوه
اخذنه ابن ابو رضا واني رجل متخطي قبل الثانيه مااعرف شلون راح اواجه لو اشلون اشوفه وجهي وصلنه للممر المقابل العنايه لكينه والي نايم ع كارتونه ومغطينه ببطاطين المستشفئ وناي لابسه عباته متلفلفه بي ومتكرفصه ع الكرسي وبصفه ام رضا
تقدم امي قبلنه شافته ام رضا وشبكته وبجت عاد امي راحت لناي لكته منتهيه وكاضيه روحه من البجي بس شافت امي كامت تبجي. وامي تبجي وتكله ولج يمه گليلي ابوج شلون وصل لهيج حاله شلون سجاد طاوعته ايده وجان تجاوبه ناي وتكله
ناي
شفتي عمه شفتي شسوه بينه سجاد هاذ الجنتي ادافعيله ودكولين طيب وحبيب بس مرته المخربته
مرته بريه من افعاله لان لومانكس ماسوه هيج باابو لومومرته توزه علينه
هوه حقير وماغزر بي الربه
ولاطمر بي المعروف ابو باع الورا والكدامه ووصله وزوجه وسفره وهاذا كله مااجه بعينه لحد البارحه اجه هاجم علينه ويريد يضربنا ابتنه وابوي تشادد ويا وتعرفين مابي حيل دفعه دفعه الصاحي يتكسر منه مو ابوي الرجال الكاضي اويلي عليك يابه شلون بيه شسوي وترجعلي سالم
عصام
بابا وحدي الله انشالله يكوم بالسلامه موبعيده ع الله ليش هيج تحجين انشالله يكوم بالسلامه والج عليه قيصر بس يداومون الدكاتره ياخذ تقاريره ويدزهن الاحسن مستشفيات العالم ومنو يستقبل حالته اني اتكفل بكلشي وارجعلجيا سالم غانم
قيصر
شلونج ناي عنده العافيه انشالله لاتخافين هسه اشوف الدكاتره واتفاهم وياهم ونشالله خالي يرجع لحيله بحيل الله
ناي
وهيه كوه تجاوبه ودايره وجه منه جاوبته
الحمدلله متقصر
راح الكل وكعدوو بره لان الجو جوه مومريح ومتعب راحو يكعدون بحديقة المستشفئ يتريكون بين ميجون الدكاتره هسه بال5كله ساعتين تلاثه ويجوون ونشوف الاخبار ونتطمن راحو الكل وامي اخذت والي لان خطيه تعبان ومترب ومن البارحه مماكل كوه قنعته تاخذه تريكه ناي مقبلت تطلع الكل توسل بيه وهيه رافضه رحت وراهم جبت كوب جاي ولفة جبن واجيته لكيته منتجيه ع الحايط وتبجي وحالته حاله
قيصر
صلي على محمد
ميجوز البجي تره ابوج مريض ميجوز تبجين علي ادعيله صلي لاتستسلمين للحزن تره هوه هسه بحاجه الدعاء البجي ميجيب نتيجه
وهاج هاذا الجاي والصمونه فتحي ريكج ميجوز تضلين جوعانه تره خالي شغلته مطوله ايام ويجوز اشهر لان كسره قوي فاكلي وداري نفسج حته تكدرين اديرين بالج ع والي خطيه محد اله انتي بالنسبه اله كلشي صيري قويه لخاطره
ناي
المن اجيت
قيصر
شنوو قصدج
ناي
فهمتني وفهمت قصدي المن اجيت شنو الهدف من جيتك هسه
لو شفتني خطيه وكسرت خاطرك يلا اتذكرت تجي شهر 30يوم مايوم كعدت ويه نفسك وكلت
اروح اعتذر من خالي اعتذر من مرتي ابرر فعلتي اله
لاااا عايش ولاع بالك ولاكئنما خطئان بحقي وبحق والدي الامنك ع بناه وانتهشلون حافضت ع الامانه دكتور قيصر
قيصر
بببس
ناي
شنو بس
هاا شنو فهمني شنوهوه البس
شوف قيصر مالي خلك اي حجي وياك ولااخذ وعطه قيصر رجائآ امشي منا وورقتي توصل بااسرع وقت ومالك علاقه بيه
بعد شنو العدي مااخذته اخذت ضحكتي واخذت فرحت عمري واخذ الدفو البروحي خليتني اكره كل الرياجل واحسهم كلهم ذيابه وماعدهم رحمه شنو الضريتك بي قيصر شنو بس كلي فهمني
شنو الشفته من عندي بهليومين العشتهم وياك بس تدري متكدر تجاوبني لان ماعندك اي حس بالمسؤليه انته شخص ضعيف وغير مسؤول تجرك عواطفك وحجي النايس والگال وگلت احجايه فرتك عليه واجيتني مثل الوحش لااستفسرت مني ولاكلت اساله وعله شنو الصاو وشنو السمعته ماادري
عاملتني مثل الحيوان وعنفتني مثل اي وحش يعنف فريسته شنو البس قيصر شنو
شنوالتريد تبرره وتكوله تريد تطلع نفسك ملاك
حابه اكلك بعد مااصدك باأي شي منك الي بالفندق يحجي ويتوعد وبينلي انو هوه ملاك موهوه نفسه الي بالبيت. الاعلمود حجايه شمرني من سابع سمه للكاع
رووح قيصر روح وعوفني بهمي عوفني اجمع البقه بروحي عسا ولعل ابني ناي جديده بدل هاي الحزينه المكسوره الاحسه حرام تعيش بس والي وابوي همه المخليني اتمسك بدينيتي روح قيصر وخر عني لان وجودك يخنكني
رضا
شفت رجله هوه واهله اجو الصبح ودخلو من باب المستشفئ كوه لزمت نفسي وتعاملت وياا طبيعي ل
هاذا الحقير مااعرف شلون اله عين وجاي وهوه اخذه سبوع ورجعه جنازه والف صدمه متعرضه الهه سبوع ودمره الحمد الله مابقت شهر اااخ لوماعيب العالم جا كتلته خلاص لهلكلب دخلنه جوه وهوه مشال عيونه من ناي بس هيه ماباوعتله ابد ووره ماطلع الكل هوه سوه نفسه الحنين ودخل ماخذله اكل بيده رحت ورا ووكفت بالممر الثاني بدون ميشوفني سمعت حديثهم وكلش فرحت لان ناي رفضته وحطته كدام الامر الواقع وطلبت الطلاگ احس بذرت امل نبتت من جديد بكلبي وحسيت ناي راح ترجع الي وتصير مرتي وحلالي تصير الي اي تصير الي وحدي
بعدين كعدت وفكرت اني شكول وشلون افكر هيج والبنيه ع ذمت رجال هلشيئ حرام ميصير افكر هيج تفكير بس مايمنع اتمنيت من كل كلبي تتطلك وترجع حرت نفسه واني الاخذه واعوضه عن كل الشافته وياا
قيصر
طلعت من ناي واني حجايه مطلعت من حلكي مااعرفت شبرر اله لو شكول كل الحجته صح بس اني جنت بضروف ميعلم بيه بس الله مصارلي سبوع من صحيت ع زماني وجنت مقرر بس ارتاح واطيب اجي للعماره واصالحه واصالح خالي وابوس ايده وراسه بس الضروف حكمت ااخ ياربي شلون اقنعه وشلون ابرر موقفي مااعرف ااووف
دك تلفوني
رفل
الووو
هلو قيصر شلونك
قيصر
الووو هلو رفل الحمدلله
رفل
وينكم قيصر ادك بالباب محد جوه وين انتم جبت العلاج من المستشفئ دزالكيا حسين
قيصر
احنه بالعماره
خالي متعرض لحالة ضرب واعتداء من قبل ابنه الجبير وصايره عنده كسور قويه وهسه بالمستشفئ
رفل
يايمه ياعيني صدك جذب شلون يمد ايد ع ابو كون كسر الايده وناي هسه شلونه شخباره حبببتي اكيد هسه حالته حاله
قيصر
والله حالتهم كلش تعبانه تعرفين ماعدهم غير ابوهم وكلش متاثرين علي
رفل
ياعيني ان شالله يكوم بالسلامه
قيصر عيني تحتاجون اجيكم الله عليك
قيصر
مشكوره متقصرين لاانشالله احنه نكفي ونوفي
رفل
اذا ناي يمك انطينياها
قيصر
وين انطيجياها اشو اني قبل لااحجي صدتني والمصيبه طالبه الطلاك ومااعرف شسوي دبريني رفل حليه تره كلش انسدت الدنيه بوجي والضرف ميساعد احاجي امي لوعمو يحاجونه ويعطلونه عن قراره ومحتار حيره
رفل
محلوله ان شالله اني راح اجي للعماره راح اخذ سيارة محمد وانطي سيارتي لان متوصلني للعماره تعبانه وأجي للعماره واني الاحله
قيصر
وحدج
رفل
اي وحدي قابل مسافره للمريخ اشو هياته العماره راح اخذ الطريق براحتي ان شالله اوصلكم العصر
رفل
اي وحدي قابل مسافره للمريخ اشو هياته العماره راح اخذ الطريق براحتي ان شالله اوصلكم العصر
قيصر
ديري بالج ع نفسج واذا متكدرين تجين لاتجين
رفل
افاا عليك لعد الخوات المن يرادن وهلناي كل مفاتيحه عندي هسه اجي وشوف شلون الينه الك ونشالله ترجعون دهن ودبس
قيصر
يلا رفول اني اترخص شفت دكتور فات للعنايه خل اروح اساله
رحت وره الدكتور قبل لايفوت عرفت عن نفسي وشوفته باجي كتله اني دكتور قيصر محمد وخالي مريض يمكم بس اريد اعرف اكثر عن الحاله حته ابعث تقاريره لمستشفيات اخرئ بدول متقدمه لان اعرف اهنا الاجهزه الطبيه والمعدات ضعيفه ومتسمح يتسواله عمليه كبرا
الدكتور
اهلآ وسهلآ دكتور تشرفنا بس اذا تسمحلي
ادخل للمريض اجيك حالته ومن اطلع تعال المكتبي ونسولف بالموضوع لان مومال انسولف ع الباب
قيصر
شكرآ الك دكتور تعبتك وياي واني بنتضارك
وفات الدكتور ووره 10دقايق صارت خبصه جوه وماقبلو ينطونه اي معلومه شنو الديصير جوه ومرت ربع ساعه واحنه كلوبنه نار
وطلع الدكتور
جان يكول البقيه بحياتكم المريض انطاكم عمره
