رواية انا والغريب الفصل السادس والعشرون بقلم هبه حمزة
فقدت اعصابي وتندمت ضربتها هواي
رجعت للبيت بالليل شفت الباب الرئيسي مفتوح نصدمت وكل ضني خاف حرامي طاب لمنار نزلت ركض
واشوف باب مطبخ هم مفتوح !!!
طبيت للمطبخ والارضية كلها دم !
نزرع الخوف بكلبي ضليت ساكت وبس افتر ادور علة منار ....
دورت البيت كلة ماكو ولا طير بي؟؟؟
فتحت موبايلي وخابرت علة اميير.
وشفت مكالمات من بيبية منار....
عفتهة. ورجعت خابرت علة أمير
خطيةة اجة ركض للبيت..
اجة ابالي الكامرات رحنة اني ويا ورجعناهن بالوقت الطلعت منة منار منهزمة
بس حالتهة متنوصف...!
وطلعتهة من البيت بدون علمي هاي سالفةة وحدهة يرادلهة كعدة ......
حلفت ااذا الزمهة محد يخلصهة مني
بس بالاول اعرفهة وين هيةة....
توني فتحت موبايل دا اخابر بيبية منار خاف يمهة بس هية دكت
وكالت اطلك منار والبقية بحياتك ابنك مات ............
صدمتين جانت شكد جنت افكر بهذة الطفل وشسمي وما احرمه من شغلات النحرمت منهة وابسطهة
كلمةة بابة نحرمت منهة بسس مات ..!
سديت المبايل وكعدت بالكاع وايدي علة راسي وامير ساكت بس صافن عليةة تالي كال
....ليش مات ضاربهة انتةة
صفت فعلا اني ا اطيتهة دفرة ابطنهة شلون يعيش بعد!
اني سبب يعني كتلت ابني..!!
....اميرر اني كتلت ابني
امير".....ابن كو***شلون كتلتة؟!
ياسر"...دفرتهة ابطنهة بس والله جنت عصبي مو بيدي انتة مو تعرفني من اصير عصبي افقدد
امير "....اكل قندرة بحلك لكك شنو ولك اي كو** مرتك هاي مو عدوتك شفتك نفسك صرت عصبي
اطلع من البيت لتبقة بي ، مو تروح تدفرهة ابطنهة وهية حامل وين تروح من الله هاي إذا رضت
مرتك ترجعلك ....
ياسر"....هسة شسوي كليييي..؟
امير"....طبك مرض والله لو اني من مرتك فلا ارجعلك لو مدري شنو يصير...
ياسر"...اكل نعل نروحلهم هسةة شتكول
امير"....كوم كوم لا بارك الله بيك تسوي المصايب واني ابتلي ..
ياسر...كمت وياا ورحنة وطريق كلة اكل بروحي اخاف مترضة ترجع. بعد فترة
وصلنة للبيت ، انتبهت الباب مقفول
وادك بالباب محد يجاوب؟!
...شنو هاي ليش محد يجاوب؟ !
امير".....ولك خاف مموجودين
ياسر....لا ذولة نهزمو....
امير"....شنووو!
ياسر.....اني اكلك نهزمو متأكد اننييي
امير....خرب** وهسةة شلون
ياسر....ضليت افكر وين الكاهم بهل ليل وهنة بس نسوان خاف يصير بيهن شيي .....!
وكعت بمصيبة وحيرة بس الله اليدري بيهةة ....
امير"....هاااا هسة نضل واكفين بالشارع
ياسر"....رحمة علة والديك امير مقصرت روح للبيت بعد ، الباقي عليةة
امير"....انجب لك شنو اعوفك وحدك نضل سوة ونلكاهة سوة
ياسر...خاب روح لتجلب اني احل السالفة
امير"...عناد بيك راح ابقة بعدد
ياسر.....عفتةة يحجي ولا جاوبته وصافن بشارع شسوي دخت وحرت وين الكاهن
امير"....امشي نرجع للبيت شنسوي قابل نضل واكفين هنااا
ياسر "....امشيي امري لله
رجعنة للبيت وبالطريق لكينة طريقة نرجع بيهة منار بس يرادلهة وكت
وصلنة للبيت وامير نام يمي بالبيت .....................
○○○○○○○○○○○○○○○○○○○○○○○○○○○○○○○○○○○○○○○○○○○○○○○○○○○
منار.............. اليوم مر اسبوع كامل من طلعتي من البيت ومشايفة ياسر ابد ولا راح اشوفة
كعدت من نوم بكل حماس واخيررا اليوم راح ترجع مناار القديمةة
بيبي صار الهة سبوع تمشي بمعاملة نقلي لمدرسة جديدة قريبة علة منطقتنة هاي
تريكت وياهة وحضرت جنطتي وبست بيبي براسهة وطلعت اتمشى
احلة شي هوة المدرسة كلش قريبة علينةة والمنطقة حلوة وراقيةة
طبيت وبدة دوام اعتيادي وتعرفت علة طالبات جديدة حتة بديت احس نفسي صايرة اجتماعية
واحب الاختلاط ...
يمكن لأن جنت محبوسة يم ياسر ....؟!
طلعنة نتمشى اني وبنات اتعرفت عليهن اليوم وبيتهن قريب علة بيتنة
اني ودا اتمشة لكيت بيبي واكفة كبال البيت وجهةة ينطي الون
وصلت يمهة وكلت
.....ها بيبي شبيج ليش واكفةة بالباب؟!
بيبي"....فوتي هسة واني اسولفلج
منار "...فتتت جوة وبدلت ونزلت يمهة وكلت
....ها بيبي خير خوفتيني !
بيبي"...بس كليلي سيارة ياسر سودة لو بيضة
منار"...سودة ليش؟
بيبي"....اليوم طلعت ردت اروح لبيتنة القديم ورة مرحتي للدوام
فاخذت غراض ردتهن وطلعت وبالطريق شفت سيارة بيضة عالية بس مشفت منو بداخلهة
تراقببني وطول ما السيارة تمشي هيةة لاحكتني
فكلت لابو تكسي يغير طريقة ودوختة ونزلت يم سوك وضيعت نفسي وبعدها اجرت سيارة ورجعت
منار".... عزة .بيبي لازم نكون حذرين خاف يندل مكانةة
بيبي"....اي هوة بس ما اروح للبيت بس بالليل من احتاج شغلة...
منار"...اي بيبي هيج احسن
......الاسبوع الجاي تمشين بمعاملةة الطلاك مو.؟
....اي أن شاء ألله الاسبوع الجاي راح اخلي محامي هوة يمشي بدالنة حتة لو يطلكج غيابي.....
منار....................************
شكرا لزيارتكم عالم روايات سكيرهوم
