رواية كريات الدم السوداء الجزء الثاني الفصل السابع والعشرون بقلم زحل شريف
_موقف ماتمنيته ابد ،،مثل وگفة المذنب هيج وكفتي گبال أبو وهو نضراته تنتقل بينا،حسيت النفس ضاق بيه من الموقف بسبب نضرات الحجي الي كلها رفض، رجع الباشا
أكد كلامه .
الباشا::تزوجتها يابه.
ابو اسعد: تريد تقنعني بهذا كلامك! شوكت تزوجتها وليش ماعدنا خبر ؟ هيج عندك تكسر كلمتي سهل ؟
الباشا: يابه أنتَ و كلامك على راسي بس افهموني هاي رغبتي والبنية عاشگهااا
_ضحك الحجي بس بستهزاء .
ابو اسعد: انه مافكرت بيه زين امك، ابنك، مرتك
والطفل الي ببطنها هم مافكرت بيهم؟
_تقدم الباشا على ابو صار كدامه وكال
الباشا: ماكدرت انساها حاربت روحي وحاربتها بس ماكدرت.
_سكت شويه ورد، وبصوت خافت بس خله گلبي يرفرف .
الباشا: إن كانت الخطيئة أن أحبها،ف والله، لا أطلب الغفران.
_ايده بعدها حاضنة ايدي، كأنو يگول
صرتي علن، مو سر ،هيج فكرت أو هذا الي تمنيته
بس رد ابو مثل الراشدي وصحاني .
أبو اسعد:: لك بابا أفهم يعني
تريد تجنب نفسك الحرج وتجنبها كلامي ،،عوف العيب والمايصير بس الي انتو بي ذنب تفهم كلامي ،،شوكت تتقي ربك ،، وانتي مو على أساس تصلين ترى هذا استخفاف .
_دنكت بقهر رد الباشا .
الباشا::وانه سويت الي يرضي الله تزوجتها بعقد شرعي وبشهود. وصلاتها صحيحه يابة .
_فك عيونه،، مامصدك ،احس نار واشتعلت بروحي نوب
هو لازم ايدي وابو عينه عليه،ردت اسحب ايدي ضغط عليها ،،اريد بس أبعد جسمي اكلني ،اكل،سكتو ثنينهم أبو يباوعلنا بعدم قناعه حجه موجه كلامها الي .
أبو اسعد::تعرفين شنو سلبيات زواج السر
وأكبر دليل مديحه .
الباشا::ادخل يابة وانه افهمك .
ابو اسعد::فهم نفسك .
_حجاها ودار وجه يريد يطلع مشه ورا الباشا
لزمه بعدهم يداهرون اجه ثابت باوعله الحجي.
أبو اسعد::واكيد عندك علم بكل شيء
ومااستبعد تكون شاهد على العقد؟
ثابت::تعال جوى يابة.
أبو اسعد::لو فعلا ابوكم جان حسبتو احسابي بس الضاهر مالي اهمية والدليل تصرفتو بدون علمي .
دفع ايد الباشا وتوجه للباب لحكه ثابت
التفت عليه وهو يحذرة.
أبو اسعد::اياك تتبعني ماريد اشوف واحد منكم.
_رغم گالهم ماريد احد بس همه.طلعوا ورا بقيت واگفه بمكاني، اريد رجليه تعيني ماكدرت اتحرك ،بعد طلعتهم من يمي صار هدوء و بس صوت انفاسي الثگيلة تنسمع
الباب انطبك، وصوت خطواتهم انسحب بعيد، بس صوتي؟ بقى بصدري... ما گدرت اطلعه،حسيت بجسمي مو إلي ، أصابع إيدي باردة، وجهي گب نار... كأنهُ احد شعل نار بي، مو دموع حجاية أبو أسعد تتكرر براسي، مثل صفعة،
"بعد مالج بقاء بينا..." هزت كل قوة بداخلي.
ردت اكعد بالكاع حسيتها بعيده
ما گدرت أركز، اشوف الدنيا من خلال دموعي، مهزوزة، مو واضحة،، گعدت فركت صدري بايدي ، مخنوگة
والعبرة گطعتني، شهگاتي ،ذبحتني والنفس ادوره دواره
اريد اصرخ وابجي بصوت عالي
بس كلشي خامد، كأن صوتي مات قبلي خليت وجهي بين رجليه، ضميت روحي،و دموعي تنزل بهدوء، بس كل دمعة تطيح، تجر وراها وجع سنين.
احجي ويه روحي... مثل المجنونة
"چا ياسونه، شنو حسبالج؟
من يعرفون؟ يباركولج؟
لو ياخذونج بالاحضان؟
لو يمسحون على شعرج؟"
الخيبة ثگيلة... مو من الموقف بس،
من كل شي فات،من كل مرة صدگت إن الحب يكفي
أكبر دليل؟ ردة فعل الحجي.
وگفتهم وهم يطلعون،وانه،، الي بقيت وحيده ،،بين تفكيري وشرودي طلعت قدر ادورني لمحتني اجت وهيه تحجي .
قدر::ها شبيج جا ثابت وين؟
_تحجي وتتلفت بالحديقه ،،رفعت راسي
باوعتلها هزت رأسها شكو كمت لزمتها
امشي ندخل المن طلعتي .
قدر:ولج ايدج مشتعله نار.
_سحبت ايدها متفاجئة من حالتي
درت وجهي ولمحت البوري مال الماي عبالك
لكيت فد شئ ينقذني ،، تقدمت فتحته غسلت
اريد بس اسيطر على دموعي ،، سديته
ومشيت وهيه وراي تسأل بقلق .
قدر::شنو صار يمعودة احجي.
_بعدني ماراده عليها دخل ثابت،، باوعتله
دنك متهرب من نضراتي ومن وجه عرفت
انو الحجي لايمكن يتقبلني .توجهت عليه قدر.
قدر::شنو صاير شبيكم؟
ثابت::ماكو شي يعني ماتعرفين بسوالف الباشا.
قدر::وهو وين هسه؟
ثابت::راح لبيته ،،يله يابه امشي نامو .
_حجاها وباوعلي فهمت مارادها تعرف،درت وجهي
ودخلت للغرفة ،گانو جبل على صدري.ضليت واگفه بمكاني اصفن،حسيت وجهي ورم،،طلعت بدون ماثير صوت دخلت للحمام سبحت اريد حرارة گلبي تبرد بدة جسمي يطكع كمت باوعت بالمرايه الي بضهر الباب مال الحمام وجهي متروس دوائر حمرة لبست وطلعت ، خذتلي ثلج من المطبخ ورجعت للغرفة حاولت انام ماكدرت كلمات الحجي يدون بأذني
التفتت ادور نقالي ،باوعت الساعه الوقت متأخر مو مال اطلع ،ضليت احسب الدقايق ردت الصبح يصير،،عيوني ماخذت نوم ،،وهو كل شويه يتصل وارفضه ماجوبته حتى الرسائل مادخلت عليهن ،سحبت جنطتي لبست صايتي
وطلعت عبالي ثابت بعده نايم بس من وصلت للكراج
ما لكيت سيارته عرفته طالع رجعت ،،باوعت لغرفة قدر ماهان عليه اعوفها لوحدها وماردت ابقى خاف يرجع ثابت ومايخليني اطلع ،دفعت الباب ومديت راسي وكل ضني نايمه،التفتت باوعتلي ونشغت.
قدر::هاي شنو شبي وجهج ؟
_العبرة خنكتني ،، اريد بس احجي ماكدرت
نزلت من جربايتها اجت لزمتني وهيه تسأل بخوف.
قدر::شبيج ليش هيج وجهج.
_تحجي وتلزم بوجهي انتبهت لصايتي كعدت
حواجبها، وسألت بشك.
قدر::شو لابسه صايتج شنو تردين اطلعين
وين رايحه.
هزيت راسي لا ،،جرتني للصاله ..
قدر::شو تعاي،، احجيلي شبيج شكالج
الباشا وهيجي صار بيج .
_بلعت غصتي ماردتها تنقهر،،رديت وانه
احاول مابين كسرت خاطري، تعاركنا
يريدني اروح لبيتي ،، دنكت تحجي بخجل.
قدر::يجوز مشتاقلج ، ترى هو يحبج،،المهم هسه
اريد اعرف هذا شنو الي طالع بوجهج حتى ركبتج
صايرة حمرة .
_ ماعرف هاي ثاني مرة تصير هل حالة
يمكن حساسيه .
قدر::دخل اخابر ثابت يجي ياخذج للطبيب
_حجتها وكامت لغرفتها صحت بيها تعاي يمعودة لاتخابرين هسه اروح اجيبلي علاج من الصيدليه ،وين اكو دكتور هسه ،ماجنها تسمع جابت نقالها واتصلت.
قدر::ها لا بس سونه خطيه مادري وبيها
أي يمكن حساسيه خوش انتضرك.
_سدته وكامت .
قدر::بين مايجي انه لابسه
_دغسلي وتعاي راح اسويلج ريوك حتى تاخذين
علاجج
قدر::مااشتهي ،، وهم خاف يجي ويلكاني بعدني
وماينتضر
_وانتي شكو رايحه ،، كالولج لاتتحركين
قدر::جا شلون اخليج وحدج؟
_وانه اطلگ ورايحه اجيب ،شبيج يمعودة
ترى حساسيه .هسه ينطوني ابرة
قدر::اي ميخالف .
_ماداهرتها ادري ماراح تقنع كمت توني خليت
القوري على النار اجه ثابت .تلكته من الباب تحجي
قدر::بس البس صايتي ولا تكول ماترحين.
_دنك باسها ابتعدت
عنه خجلانه من وجودي .
ثابت::لا ماترحين .احنى بس نوصل المستشفى.
قدر::اروح لاتعب نفسك ماعوفك اختي
وحدها.
ثابت::ماحب هل نبرة بس لخاطر يومه
راح اسكت.
_هزت بمعنى أي وراحت لغرفتها التفت عليه،،سلم وكعد ينضرلي بأسف وشكد اكره هاي النضرة مال الخطية
تحسسني انه مضلومه وهمه يشفقون عليه.
ثابت::هايابه شو طلعتي مابيج فايدة.
_دنكت احس الدنيا صارت بگد دائرة
المحبس رد يحجي بهدوء.
ثابت::من البداية گتلج الأمر مو هين
والمواجه صعبه ،،وبعدج بأول المشوار اذا
من موقف هيج صار بيج شلون راح تواجهني
كلام الناس وزوجته والمشاكل
_رفعت راسي باوعتله ،، ماعندي استعداد
لكل هذا ولا مجبورة أتحمل كافي عليه
العشته انه بشر حالي حالكم الكلمة توجعني
اكثر من الطگه. والحجي ماقصر بيه.
ثابت::لا تلومينه لان اب والاب يحسب
حساب البعيد .
_قطع كلامه من اجت قدر تلف بشالها،كام واشرلي يله طلعنه ،، للمستشفى ونفس المرة الفاتت هم ابرة وكال لازم اراجع دكتور،كتبلي حبوب تخفف الحرگه الي احس بيها،طلعنا ونزل ثابت للصيدليه جاب العلاج گتلهم نزلوني على بيتي باوعتلي قدر.
قدر::ليش ؟
_همزين ثابت هو الي رد عليها.
ثابت::خليها تروح لبيتها عيني انتي ،،جاي تشوفين وضعها اكيد هيج حاله مو مال تبقه مقيدة بملابس مقفله المفروض قماش بارد.
_هزت رأسها أي بس فاجئته من گالت.
قدر::اي فهمت هاي هيه ودينا لبيتها.
_التفت باوعلها .
قدر::اي خو ماعوفها وحدها .
ثابت ::العصر نجي ناخذها للدكتور .
قدر:: شكو موديني للبيت
ابقى وحدي .شو انته ماتجي لليل .
ثابت::اخلي بنين يمج .
قدر::لا ابقى يم سونه .
_نهيت المدارهر البينهم وگتلها لا روحي ويا حتى تجيبلي ملابسي،، باوعتلي مامقتنعه غمزتلها دارت وجها بزعل وهو ينضرلها ومبتسم حبه الها واضح وصلوني لبيتي نزل
هو وياي شغل الكهرباء .
ثابت::لاتبقين،تحرگين بروحج كل شي
بيد رب العالمين شوفي شنو كاتبلج.
_هزيت راسي طلع قفلت الباب ورا،
ورجعت للصالة ذبيت الصايه والشال شغلات
الثلاجة وخليت بيها ماي وركضت للحمام سبحت ولبست شلحهة،قماشها فانيله شغلت السبلت وكفت گباله احجي ويا روحي شتبردين ،،ياسونه نار گلبج لو حرارة
جسمج من الشوطه والقهر،،،،صرخت اخخخخ يايمه شدعي عليج انتي وابوي ليش هيج ضيعتونه ، تدرون الناس ماتتقبلنا ، خذتلي مشوار أصرخ وادك على صدري لحد ماتعبت ،تمددت على القنفه ومدري شبيها دموعي ماتقبل تنزل ،وينج يا مديحه حتى انتي هم بعدتي مني، كمت جبت نقالي دكيت على طارق رد.
طارق::اهلا سلاسل شلونج؟
_الحمد الله ،، اگلك انه بيتي بلكي تجيب
مديحه مشتاقتلها .
طارق::تعذريني مااكدر لان امي كلش تعبانهوخالاتي عدنا ..
_زين خليها تخابرني ،، وبعدين انته
ليش ماجبت نقالها ؟ ولا تكلي عند المصلح
طارق::سلاسل اتمنى تستوعبين انو هيه
زوجتي يعني انه أعرف شنو الي يصير .
_تمام ، خليها تخابرني من نقالك،سديته
منه وكمت محتارة شسوي شويه ودك الباشا كلت اجاوبه لان اكيد عرف بيه اجيت
لبيتي وراح يكاها حجه يجيني رديت.
الباشا::شلون صرتي؟
_ماعرف؟
الباشا::شنو يعني ؟
_يعني ماعرف شلوني وشلون صرت لان
كلشي بيه يوجعني فما اعرف ياكتر منهن سكن .
الباشا::سهله باليل اجيج،،وسكن الالمج
_واذا كتلك ماريد اشوفك اعتقني اطلع
من حياتي كافي تعبت مليت.
الباشا::شگو بنت الكلب شبيج مو هذا الردتي،صار شكد تصيحين أعلن .
_ولو عالن جا مانحطيت بموقف امس
جا ما سمعني أبوك الكلام الي كاله.
الباشا::اگيد يحجي ولج من امس هو
مستلمتني رزايل سونه الأمر مو هين بس خلص هاي هيه مادام عرف اختصر عليه الموضوع .
_قاطعته،،شختصر سمعته شنو گال
كلامه يأكد ماراح يتقبلني. ويجوز يفكر
ابقى هيج ويمكن عباله فترة وتنتهي هل سالفه .
الباشا::ولا يتقبلج،، خو ماافرضج
عليهم گوى تعالو اتبقلوها ،، خلص انتي
شنو يهمج منهم الاهم انه رايدج أن قبلوج
او لا هل شي بشنو ينفعج.
_ماينفعني بس الي كاله ابوك معنى ابقى
بالسر يعني حتى هو راح يتكتم على زواجنا.
الباشا::لا مادام عرف هسه يكول لعمي
محمد واكيد يبلغ امي،،وهذول اهم
شي عرفو همه ذول اهلي خو ماتردين الزم
سماعه وأصيح تزوجتها.
_لا تصيح ولا تسوي بس كفني شرك
الباشا::ولج توازيني اجيج اسحلج
بنت التالف انه شر ماتنعدلين اله احمسج
شوكت تتعلمين تحجين مثل البشر .
_غير كون أنتم حاسبينا بشر ؟
الباشا::يابه غير أنتم أصل البشريه.
_وين انته؟
الباشا::ها مشتاقتلي بس أكمل شغلي
اجيج انه هسه متوجه للدائرة مالتي .
_فركت وجهي بملل ،، رد صاح
الباشا::ها حب .
_اطلب منك طلب .
الباشا::عيوني مايغلن على اعطوبج.
_بلعصت غصتي،، وحجيتله عن مديحه.
الباشا::يجوز مايريدها تتواصل وياجن
يعني ماضن بيها شي وساكته خو تكدر تطلع
وتجيج .
_وليش يمنعها منا شنو بكيفه؟
الباشا::بكيفه زوجته،، ولاتنسين مالج عليه
حق لا انتي اختها ولا تقربجن فا جدا طبيعي
اذا قطع علاقتها بيجن .
_حتى لو هيج ،، مستحيل هيه تسكت
لو تقبل انه أعرفها ،،واذا كلامك طلع صح وطارق مانعها وهيه قابله ،مااعتب ولا احجي خليها مستقرة،بس اطمن عليها .
الباشا::تمام دروحي خل اتصل بطارق
واشوف شنو يكول .
_سديته وكمت طلعتلي ثلج كسرته
وخليت بطاسه وكمت امسح وجهي ورگبتي رجعت مثل قبل اخلص وكتي اباوع للكامرة،
للعصر وماكو خبر من مديحه وكل ما اتصل بالباشا يرفضه . خابرت قدر ردت تبجي
اوووو شبيج يمعودة.
قدر::دوم تبعدين ليش ترتاحين بعدي:
_ترى هاي انه بنفس المنطقه وانتي عد رجلج خو ماابقى كاعدة عندج العمر كله موكالج العصر اجيبج بعد شكو .
قدر::ذبني بالبيت وراح ولحد هسه مااجه
_ليش ماخابرتي بنين تجي يمج،، قدر
شفتي حالتي ،، ماكدر ابقى يمج ولج جسمي مشتعل نار كوى متحمله الملابس تعاي شوفي مخليه طاسة الثلج بحظني
قدر::دسدي خل اخابرة يجي ياخذج
للاخصائي.
_لا تخابرينه روحي خابري بنين تجي
قدر::خابرتها وگالت عدهم خطار مدري
شنو عدهم اسمع هوسه يمها
_غمضت عيوني ، بقهر وهاي بدايتها
الموضوع اثر على اختي .
قدر::الووو تسمعيني.
_اي شسوي يعني خلص انتضري يجي
ويجيبج الي .
قدر::وتبقين هيج غير ترحين للطبيب
_انه اروح لاتخابرينه يجوز عنده شغل،يله
روحي ارتاحي ولاتنسين جنطتي .
قدر::وهاي الحقيرة مراسلتني
_ منو هيه؟
قدر::مديحه دازة رسالة تسالني شلونج
وشنو الوضع .
_صفنت ثواني،،شنو الفلم، اكيد مو مديحه
قدر::الوو وين رحتي .
_قدر سمعي الي اكوله وتنفذين،،دخلين
على رقم طارق تحذفينه وتحضرينه وماتردين
عليه بعد خوشش .
قدر::خوش بس ليش ؟
_روحي هسه خليني اشوف طريقه
اوصل بيها لمديحه .
_عود طمنيني .
سديته منها ودكيت على طارق بس فتح
خط استلمته،،شوراك وشعدك تحوم على اختي ، اسمع ترى اذا مفكر وحاط ابالك
تخرب زواجها فغلطان لان ثابت يعشقها
طارق:'هوب هوب شبيج شنو هل كلام
_لا هوب ولاستوب خابرتك وكتلك خل
مديحه تحاجيني ،، لو لا .
طارق::اي وانه بعدني بالشغل .
_اها اذن شكي بمحلة انته الي تراسل
قدر بأسم مديحه
طارق::لا ماراسلت بس هيه امس
خذت نقالي كالت اطمنهن
ياامس،،ح اليوم واصلة الرسائل ،وشمعنى
قدر ليش ماراسلتني؟
طارق::ماعرف وعلى العموم بعد ماخليها
تراسل .
_حجاها وسدة مالحكت احجي رديت اتصلت بي رفضه دكيت على الباشا هم رفضه للمغرب انه الوب وقدر كل شويه تتصل ،،احس بروحي اختنكت
مافادني لاثلج ،، ولا شي اتصل ثابت يتعذر
ثابت::ها يابه شلون صرتي
اعذريني ماجيتج باالله صار عندي شغل
_عادي بس قدر لوحدها وكل شويه تخابرني تبجي
لو جايبها يمي اذا بنين مشغولة
ثابت::لا هسه راح ادز عليها نغم تاخذها يمهم
_سديته منه التفكير هلكني بين اصفن هاي
الي احسه يريد يعودها على اهله وياريت هيه اقتنعت
جان ماتقيدت جا شردت بعيد ،، لو مديحه الي وضعها قالقني وخاف احجي لثابت وتصير مشكلة وهو أساسا يگره طارق ،، احتاريت ياربي شهل قهر،،تعبت من كلشي مريت بي، من اول مرة حبيته، للمرة الاولى الي طلگني بيها،،،لحد ما رجعت، رغم الرفض،و الوجع،خلصتها حسرات عيني للكامرة طبكت سيارته غمضت بقهر،، قبل مايدك الجرس طلعتله باوعلي متفاجئ
الباشا::هاي شبي وجهج؟
_من الراحه من كلام ابوك امس من تفكيري
بااختي من قلقي على مديحه من ضيمك ،، دخل
ودار للباب سده وجرني مدخلني للصاله،،كعد وكعدني بصفه يتفحص وجهي ..
الباشا::كومي البسي بسرعه بلكي نلحك
على دكتور
_ماريد اروح خليني اموت بلكي اخلص
الباشا::بس انه ماريدج تموتين
_اگيد لان مستفاد بيت وماخذ راحتك
تجي وقت مايعجبك وتطلع من تشبع،، باوعلي
الباشا::طاح حضج اذا هذا تفكيرج
_ليش الها غير تفكير
الباشا::زوجتي انتي وجيتي الج.
_يازوجه يازوجه الي تجيها من اتضلم
الباشا::مو مشكلة انوب اجي الصبح
_اي واذا وصل خبر لابوك
الباشا::وهو عرف البينا حتى لو وصله خبر
شوفي ولج ترى تعبت من سوالفج فهميني شنو التردينه شنو الي ابالج زواج وتزوجتج اهلي وعرفو
_عرفو بس مااعترفو.
الباشا::واجبرهم لازم يعترفون،،وشلج بيهم
اهم شي انه اريدج العليه احميج اوفرلج عيشه
ادللج بس مال افرضج على الناس ،، هذا لعب.
_وانه ماريد منك شي ،،غير تبعد عني.
باشا اهلك لايتقبلوني ولا بيوم يرضون،، فلا تصدك زواجنا يستمر ويجوز زوجتك من تعرف ماتسكت.
الباشا::وانتي شكو لاتسكت معليج بيها
_هزيت ايدي وكمت للمغسله غسلت وجهي
التفت لكيته وراي .
الباشا::لبسي خل اخذج للدكتور فضيها.
_صحت بصوت عالي ماريد اروح بس فكني
باوعلي وهز رأسه تمام .. توجه للقنفه
شال جكايرة والسويج وقبل مايطلع التفت عليه
الباشا::هسه عرفت كلام سلوم صح من جانت
تكول انتن مول استقرار تردن تعيشن على حل شعرجن رجال وستر وتعيشين محترمه مثل النسوان هاي ماتخدمج .
_هيج تشوفنا .
الباشا::اي والدليل قدر اهلي كلهم واكفين
وياها وثابت مستقتل على طفل منها وهي محتارة
شلون. تنزل الطفل انتن مو ما بيوت واستقرار
_وليش ماتگول اريج بثت سمها باذن قدر
وخبلتها وخلتها تفكر هيج ،، عكد حاجبه
مافاهم كلامي .
الباشا::واريج شكو هاي جديدة نوب
_حجيتله عن كلامها باوعلي مستهزء
صحت طبعا ماتهتم هو ماتكول مرتي غلطانه
الباشا::وبس كلام اريج اثر بيها ،، شمعنى يعني
جا ثابت وانه وانتي واهلي والدنيا كلها حجت وياها
مااثر بيها غير كلام اريج .
_ ورديت بغصه ،،اي لان الگالته
صح وانه أعرف هل شي من جنه جهال نسمع
الي يأخذ وحده عبدة لابد يوم يصير عنده طفل
نفس جيناتها،،احجي وامسح بدموعي. كمزت
من صاح.
الباشا::صار وذبينا كالها ثابت اذا اسود
انشمرة من الجسر شلجن بهاي الكلاوات
كولن انريد انديح .
_لو نريد الطريق الموزين مااستنجدنا بيكم
مارد درا وجها وطلع ركضت ورا ،، حمل فضلك
وشوفلي طارق شنو فلمه ،، التفت عليه
الباشا::وهاي هم دليل يأكد كلامي
لان الي ماخذتلها واحد مثل طارق تبوس ايدها
وجه وكفى مو نايمه بيته وتتواصل ويا محابس
اريد استوعب الگاله ضليت متصنمه بمگاني
وهو صعد سيارته ،،وقبل مايحرك صحت
ورا بس اوكف فهمني ماده راسي من الباب وأصبح
اشرلي فوتي ،،صحت بداعت بوك بس فهمني
نزل متوجه عليه جرني وطبك الباب .
الباشا::منا الشارع بنت القندرة
طالع بثوبج هذا تستعرضين .
_شبعني كفخ لحد ماوصلني للصاله دفعني
على القنفه والتفت يريد يروح صحت وانه
ابجي عليك بداعت ابنك بس فهمني،، رد باوعلي
الباشا::مادري خابرته كال متحاجين كتله
جيبها رفض تحاجيت ويا كتله هنه يعتبرن نفسهم
خوات مايصير هيج تمنعها ،،، اذا متجيبها انطيها
نقالها تتواصل وياهن ..
_هو يحجي وانه كمت افور شلون شي حار
ولهب جسمي عفته وركضت للحمام فتحت
الماي وكفت جوى بملابسي اجه وراي .
الباشا::مو كتلج اخذج للدكتور بلكي تموتين
وخلص منج بنت القنادر تعاندين ليش ؟
_حجاها ومشه ثواني ورجع اجيبلي خاولي
شمرة على الباب .
الباشا::بسرعة تشفي وطلعي يله
_طلعت بملابسي دخلت للغرفة بدلت
وهو يحجي ويسب.
الباشا::حايرة بهاي وذيج دنتبهي لنفسج
بس انه صوجي ماكاتلج كتله زينة .
_ماجاوبته دخلت للمطبخ جاي اطلعلي ثلج
صاح عليه.
الباشا::وينجججج،،بسرعه دقيقتين الكاج
كدامي بالسيارة .
_هو يصيح وانه ادورلي شي اكسر
الثلج بي شمرته بلسنك وكعدت
بالكاع ابجي واحك بااديه اجه كومني.
الباشا::لاتحكين ،،بس كليلي وين صخامح
عباتج فضيهاااا.
_انوب خبصني بصياحه تلفوني يدك
وهو يصيح عافني وتوجه للنقال ومن كلامه عرفت
قدر الي خابرت
الباشا::انه يمها لا تجين راح اخذها للدكتور
_حجاها وشمر النقال راح للغرفة جابلي
صايه وشال ،، شمرهن عليه وطلع نقاله يخابر
الباشا::وينك بسرعه تشوفلي يادكتور
زين لا مال جلديه اي هسه لازم اها بيها خوش
اطلع كدامي انه اشويه واجي .
_لبست وضليت منتضرته نهى مكالمه
وبدون مايحجي مد ايده جرني طلعنا
قفل الباب صعدت السيارة بارده وجه
الريش مال التبريد عليه.
الباشا::تقربي وجهج خلي البرودة
تلوحج .
_نوب بردت يمكن لان شعري مبلل
لحد ماوصلنا مستشفى ، نزل واشرلي
نزلت ورا تلكانه مولي .
مولي::ها سلامات؟
_هزيت راسي كرد .
الباشا::ها اكو دكتور ؟
مولي::اي وخوش دكتور يله دخلو
_دخلنه بس شافني الدكتور كال هاي
حالة تصير.
الدكتور::مختلفة. الحساسية الغذائية تحدث عندما يتعامل جهاز المناعة مع طعام معين كتهديد ويطلق مواد كيميائية تسبب أعراضًا مثل الطفح الجلدي، الحكة، أو مشاكل في الجهاز الهضمي.
_رد عليه الباشا
الباشا::بس هيه ماماكله شي يعني مو من النوع
الي يخبط بالاكل.
الدكتور::اذن حالة النفسية، مثل التوتر والقلق،قد تؤدي إلى تفاعلات جسدية مثل الارتكاريا (الشرى) أو زيادة الحساسية الجسدية بشكل عام.
يصير الطفح الجلدي، الحكة، التورم، مشاكل في الجهاز الهضمي (مثل الغثيان والقيء)، وصعوبة في التنفس. راح اكتبلها ابر وحبوب تاخذها عند الحاله
والاهم تبتعد عن أي ضغط نفسي
_راح مولي جاب العلاج ،، اشرنا عليه الدكتور
وطلعنا .
مولي::هاي الابرة لازم تنضرب هسه
_باوعله الباشا وابتسم .
الباشا::رجعها بلكي اكو مضمده جوى
مولي::خو.
_ماخلاه يكمل شال ايده يريد يطگه
شرد مولي اشرلي تعاي مشيت ورا همين
اكو بنيه ضربتني . طلعنا لكينه الباشا بالسيارة
وكف مولي من صفحه الباشا مخلي ايده على
الباب ويحجي.
مولي::يله طيبه أن شاء الله واذا تحتاجوني
بس خابروني.
الباشا::تسلم اخي الممرضة.
مولي::عمي راح افتحلي محل مال موطه
احسن عاد تشترون مني ،،شو ماممرض وابركم
تنضرب عد غيري .
الباشا::موخوش مشروع تمرض جهال المنطقه
_صاح مولي .
مولي::خرررررب شلون مااكتشفت هل
شي من زمان أي ،، هاي العدله ابيعلهم
موطه ومن يتمرضون تضربهم ابر.
الباشا::هسه گمت تفكر صح
_حجاها وحرك وذاك يضحك ،،شويه وطبك
گبال مرطبات وبدون مايسألني نزل جاب
ازبري باوعلته وردت وجهي،، سحب ايدي خله
العلبه بيها وصعد يسوق ،ماجادلته وهو ماحجه
يسوق بهدوء برودة السيارة والابرة خففن الحگه
والحرارة الجانت بجسمي ،،حرگت القصبه بالازبري
وبعديت اشرب صدك طيب ،خلصتها كلها التفت
باوعلي شافها خلصت مد ايده اخذه خفف السيارة
بصف حاوية شمرها ،،كلت خل احاجي على مدينه
مادام هدء ، عدلت كعدتي بعدني ماحاجيه دك نقاله وقبل مايفتح خط گال
الباشا::لاتطلعين صوت لحد ماكمل مكالمتي
ويا .
_هزيت راسي اي ، فتح صوت وخله التلفون بصف
الگير اجه صوت طارق
طارق::اهلا باشا متصل بيه
الباشا::اي يابه غير گتلي اجيك ونسولف
طارق::اي بس صار عندي شغل وتاخرت
نخليها باجر .
الباشا::لا اليوم وين انته انه اجيك
وياريت تلتزم بالاتفاق من البداية كتلك لاتحسب
البنت مالها احد انته خطبتها من عدنا اعتبرنا الها
غلطت سوت ذنب جرمت ، تجي تگول هذا الصار
طارق::بس هيه زوجتي وانه مسؤول عنها
والي حق احاسبها اذا غلطت .
_انخمش گلبي بسبب كلامهم اريد بس أفهم
شصاير ضل طارق يتهرب بس الباشا مانطى مجال
الباشا::ويجوز مغلطانه حقنا نفهم ولا تعبني
ودوخ نفسك ،خصم الكلام تجيني ونتفاهم
طارق::تمام بس اوصل للبيت لان امي منتضرتني
على علاجها واجيك أن شاء الله.
_اشرتله اريدة يگله جيبها ماجنه يشوفني
نهى كلامه وسد التلفون ، صحت ليش ماكتله
يجيبها ؟
الباشا::لا تستجلين أول وتالي يشمرها عليج
_باوعتله ودرت وجهي ،التفتت من وكف
گبال مطعم ،،نزل عدل بملابسه وباوعلي
الباشا::شنو اجيبلج ؟
_ماريد شي
الباشا::اي طيبه حتى انه راح اجيب منه
_فكيت عيوني حيل ،درا وجهه وراح
شويه ورجع جايب علاگه .خلاها بالكشن الورا
وصعد .
الباشا::ماجبتلج لحوم خاف تأذيج
هاي بيزا بالخضروات .
_گتلك ماريد وخابر طارق ترى اذا ماجابها
انه اروحله .
الباشا::يسويها واخطى برا البيت وشوفي
شسوي بيج .
_لان مالنه احد هيج تسوون بينا،،طكه الاستيرن
بقوة وصاح.
الباشا::كافي عاد شنو هل خرط مامليتي
ولج الي يسمعج يكول جايرين عليجن .
-يعني لو اختك تسكت لو تروح تشوفها ما ندري
شمسوي بيها ومخلصها عليه طالع نسيت
مااكدر امي مريضه.
الباشا::خلص التردينه سوي.
_خنكتني العبرة سكتت وهو هم بعد ماحجه
وصلنه للبيت نزلت وهو نزل وراي عبالي راح
يدخل شو نزل علاكة الاكل اطانياها ودار وجه
وراح دخلت وعيوني تمطر شمرت العلاكه
وكعدت بالكاع بجيت محتارة شسوي اكول لثابت
خاف يتعارك ويا كمت ادور نقالي لكيت قدر
داكه يمكن الف مرة اتصلت عليها ردت وهيه
تسأل .
قدر::ليش هيج تخليني بقلق
_حجيتله عن روحتي للطبيب .
قدر::وهسه شلون صرتي .
_احسن شويه المهم انتي شنو وضعج ثابت
اجه لو لا
قدر::دز عليه نغم مارحت وياها وهو خابر تعارك
وياي .
_ليش؟
قدر::كتله وديني لسونه ،، يكلي يعني لو باقية
عد فيصل شلون ،، لازم تفصلين حياتج عن
اختج لان بسببج هيه تقيدت .
_ميخالف لا تجادلينه،، هو يجيبج أول وتالي .
قدر::واذا ماقبل ؟
_مو كيفه،، المهم خليني بس اشوف سالفه
مديحه واتفرغلج .
قدر::اذا ماجاوبج طارق روحيلها انطيج العنوان
_احجي وياها ولمحت سيارة الباشا طبكت
باوعت هاي منو ويا كمت تقربت للكامرة هيئتها بس ليش هيج لافه وجها بالشال ، صاحت قدر
قدر::الوو تسمعيني ؟
_اي بس يمكن الباشا بالباب روحي وبعدين اخابرج
سديته وركضت للباب فتحته ،،اجت شبكتني شمرت روحها بحظني تبجي بصوت عالي اشرلي دخليها جريتها دخلتها للصاله كعدت مدنكه .التفتت على
الباشا غمزلي بمعنى تبعيني وتوجه للغرفة مشيت
ورا سد الباب وحجه بصوت ناصي
الباشا::لاتكبرين الموضوع حاولين تهديها.
_هو غير أفهم شصاير
الباشا::لاكيها تحجي ويا محابس .
_صحت شنووو ،ولطمت على صدري
جر ايدي .
الباشا::مو هيج يفلفل شكو لطمتي
مو كالولج لاتعصبين .
_نكتت ايده وطلعت عليها ، لحكني .
الباشا::دتعاي بس خل تفهم
_وكفت گبالها وحجيت ،،خو گتلج
اذا ماتردينه عوفي ولج شحصلنا من قنادر وانتهى
باقيه تتراسلين ويااااا جا مابقيتي تتوسلين لحد
مايحن وياخذج ،، جرت الشال من وجها ورفعت راسها شهكت من شفت وجها ،، كله ازرك شفتها
مشكوكه خشمها عليه لزكه عيونها باقي بيهن اثر
زراك .التفتت على الباشا الي انگلب وجه .
الباشا::وداعتج اذا ماخليته يتوسل فلا
اتسمه رجال بس الي اريده ماتردين
عليه ولا تخلي يشوفج ابد
_ردت بصوت مبحوح
مديحه::اذا تريد تسوي عليه فضل وديني للصعده
اروح هناك احسن .
الباشا::لا يابة وين ترحين هنا بيت اختج
واذا ماعجبج تبقين يمها ،، اخذج يمي كومي
_باوعتله والتفتت عليها ،، هيج صارت
الكعدة بالصعده احسن مني ليش
مديحه::لان لو شما نسوي همه يبقون يشوفونا
بنات ذاك الشارع محد يصدكج ولا ينطونج حق
_هزيت راسي اي،،اشرت الباشا روح انته.
الباشا::خلصت مصلحتج وطردتيني .
_لا بعد عندي يمك مصلحه ،، حتى اذا كملت
اخذهن وامشي بمكان مابي بشر،، باوعلي ماراضي
الباشا::لا تحاولين لان ساعتها انهيج ،وبالنسبه
لقدر عد زوجها ومستقرة شكو تفترين عليها .
_اذا هيه رادت تبقى الله يسعدها ،، تجاهل
كلامي وحجه قاصد مديحه.
الباشا::اسمعي يابه اريدج تفهمين لان هاي
إم الطناكير تمشي بدون عقل ،، فنصيحه
لا تفكرين اطلعين لان طارق مايسكت ويكدر
يحقج بعقد المحكمه ويطعن بيج ويلعب لعب
وكل هذا لا شيء ،، بالنسبه لابوج ويمكن ماتعرفين
هو منو وشنو بس دريتي احنى جبرنا حتى يثبت نسبج،، ثقي اذا سمع خبر لو طارق راحله يكيف ،حتى يتخلص منج وابسط شي يكول غسل عار،فلا تنطي هل فرصه .
مديحه::ياريت يگتلني ويخلصني .
الباشا::كل شي سهل ارتاحي والج عليه اسحل
طارق لحد رجليج،، يله اخذو راحتكم واي شي يصير
خابروني .
_طلع مشيت ورا التفت باوعلي هزيت راسي شكو ؟
الباشا::اخذتي علاجج؟
_اي بس كلي راح تبلغ ابوك وثابت عن طارق
الباشا::اكيد لازم يعرفون .
_تحسرت بصوت عالي.
الباشا::اسم الله يابه
_نزلت دموعي ،،تقرب جرني لحظنه
الباشا::انتن بطلات لاتضعفين هاي الدنيا
لازم تعيشينها بعصبها وسهل وفرح وحزن
_غير كون يوم نفرح ، شو خلصناها حزن.
الباشا::ها يعني مافرحتي بيه.
_حتى فرحتي بيك ماطولت .
الباشا::ادوم وتشبعين .
_واهلك ،، دفعني وصاح.
الباشا::ردينا على نفس السالفه شبيهم
اجوج هدو عليج عاركوج ،، كافي خلصنا
_طلع وطبك الباب حيل رديت على مديحه
لكيتها متمدده بمكانها ،،لامه رجليها لبطنها مكرفصه روحها تكرفص ،، كعدت بالكاع ومديت ايدي جريت الشال من وجها دفعت ايدي ودارت وجها بجيت بقهر،، حجت بدون
ماتباوعلي .
مديحه::اريد انام
_اي امشينا للغرفه.
مديحه::ماريد اشوف بشر خليني بذيج
الغرفه .
_ماجادلتها مشيت للغرفه الثانيه رتبت بيها
فراش هيه من قبل بيها ٠جربايه ام النفر شغلت السبلت
ورجعت گتلها يله ،، گامت تجر بروحها دخلت وطبكت الباب
البجي مايبرد نار گلوبنا اتصلت بقدر .
قدر::ها بشري ؟
_حجيتلها مختصر.
قدر::وينها هسه ؟وشراح تسوي
_مو مال تلفون بس محطمه النذل گاتلها كتله موت
قدر::هو من جان يتزوج يگتل زوجاته
بس لارجع يشرب ؟
_اذا ماخليته يتخبل سهله،، المهم انتي ديري بالج
على نفسج
قدر::خابري ثابت خلي يجيبني يمج.
_اكيد هو يجيبج على مود مديحه،،بس لاتنسين
علاجج وديري بالج تتحركين
قدر::لا هو هنا مايخليني اكوم من الفراش .
_خوش روحي خليني انام لأن تعبت .
قدر::عود طمنيني عليها
_سديته وكمت محتارة افتر بالبيت شسوي دك الباشا
الباشا::ها حب شلون صرتي . و مديحه شنو أخبارها
_موزينه .
الباشا::منو انتي لو مديحه؟
_ثنينا حجيتها وبجيت .
الباشا::ها على شنو تبجين شبيج يأبه
ماعرفتج ضعيفه .
_ضعيفه لأن مالنا أهل ماعدنا أحد
الباشا::وأنه وين صرت غير افني الدنيا لعطوبج
روحي نامي والج الصافي بأجر اجيبه الج سحل،، بس خلي
نفهم منه .
_نهيت مكالمتي ويا ،، والتفتت للكامرة الشارع فارغ
تمشيت بخطوات ثگيله كعدت على القنفه جاي اتمدد
ولمحت جنطه مديحه شلتها وكمت بس شو ثكيله
مااهتميت دفعت الباب ودخلت الغرفه ضلمه وهيه مغطيه
عيونها خليت الجنطه بصفها ودرت وجهي اريد اطلع استوقفني صوتها .
مديحه::خذيها لكنتورج .
_حجتها ودفعت الجنطه ،،رجعت شلتها
وطلعت وديتها لغرفتي ،، جبتلي افراش وتمددت بالصاله
بين تفكير وقهر غفيت ماكعدت للصبح كمت بوجهي لغرفة
مديحه لكيتها كاعده صبحت عليها هزت راسها كرد
طلعت غسلت اباوع الثلاجه فارغه بس الاكل الجابه
الباشا البارحه رحت لبست صايتي كلت اروح للأسواق الي بالركن
مديت راسي عليها كتلها رايحه اجيب ريوك
مديحه ::لا ترحين ماريد .
_ أنه اريد ،، درت وجهي صاحت عليه
مديحه::لا اطلعين ماريد گتلج
_باوعتلها وكل ضني خايفه من طارق يجي
گتلها خاب غير كون يجي والكفه،، دتعاي سدي الباب
وراي ماطول بس ماعدنا شي بالثلاجه
مديحه::لا طلعين.
_باوعتلها ،، شبيج عود صدك تخافين
مديحه::ترى محابس يفتر عليج.
_باوعتلها مافاهمه هزت راسها اي ،، نزعت صايتي
وشمرت جزداني ودخلت يمها كعدت كبالها ،، دارت وجها
مني صحت لشوكت تبقين ساكته
مديحه::اتحمليني بس اكوم على حيلي
واطلع من يمج .
_ليش شسويت شنو الي بدر مني
قابل أنه سبب بمشكلتج ويا طارق ؟
مديحه::لا بس وجودي يمج خطر عليج
_ من شوكت هيج صار.خاف عبالج سكتت لو ماتهميني ،ولج صار ايام انه الوب اخابرة يكلي طالع يوميه يطلعله عذر تالي كال ماريدهاتتصل بيج .
مديحه::لو اختج جا ماسكتي كل هاي الأيام
جا اجيتيني شلون هنت عليج كل يوم إكول
هسه تفلش الباب هسه اسمع صوتها ادور عليه.
_والكلب لعبها صح ويدز رسائل بأسمج
وهذا الطمنني،، لحد امس وصلت من رقمه
رسائل على تلفون قدر وعلى اساس انتي الي
تحجين بس حسيت بي وخابرته وتعاركنا
عاد كلفت الباشا ولو تدرين گوى قبل يقابله
المهم احجيلي شنو الصار .
مديحه::گولي شنو الماصار.
_دايرة وجها وتحجي وتناشغ احس مردت گلبي
مديحه::لو عندي أهل جان سألو عني.
_كورت ايدي ودكيت على صدري أي
لو عدنا بس شنسوي ماتو وخلونه
مديحه::كرهت امي وكرهت روحي كون اموت.
ياربي موتني المن مخليني للذل.
_تقربت مديت ايدي اتلمست رأسها بعدت
عرفتها موجوعه ،،،صرخت شسوي بيك ياطارق
ويبرد گلبي .
مديحه::ماتكدرين تسوين لان محد النه ،، بس والله
لاشعل النار بگلبه .
بس فهميني شصار.
مديحه::بيوم الرجعت من يمجن تلكتني فطوم
تلعلع
_ليش
مديحه::معترضه على جيتي الجن ،، ماجادلتها
صعدت لغرفتي لكيتها صايرة سوگ بسرعه شمرت صايتي وكمت نضفت وشمرت ملابسه بالغساله هو راح جاب
اكل كملت الفوگ وتعشينا نزلت اريد انضف البيت الجوى صاح عليه
طارق::عوفي بأجر
مديحه::عاد أنه كيفت لأن تعبانه ،، دخلت سبحت
وشريت ملابسه ودخلت الغرفه لكيته مضلمها كلت يمكن نايم سديت الباب وجريت فراشي بعدني مافارشه
صاح عليه.
طارق::تعاي هنا امي شايفه افراشج بالگاع
وكلت راسي.
مديحه::لاتكلي امك حاسبتني زوجه
وتريدك ،، ماخلاني اكمل .
طارق::لا بس تمشي وتحجي على ابو ماخذها
مؤقت .
مديحه::مااعترضت،، اخذت غطاي تمددت على الجربايه
يمه بقى هو يخلق مواضيع وسألني عن قدر ،، وأنه
گوى فاكه عيوني من التعب غفيت وهو يسولف فزيت على صوت نقالي،،الغرفه ضلمه نزلت من الجربايه وكل ضني انتي بدون شوف فتحت خط بس من اجاني صوته انصدمت
التفتت اباوع لطارق نايم سديت بوجه ، اريد اغلق النقال
دك مرة ثانيه رفضته وبسرعه طفيت جهازي وشمرته بمكانه
ورجعت لمكاني ومدري من الخوف مدري لأن نمت وشعري مبلل حسيت بروحي صخنت غطيت راسي . مادري شكد
مر وقت فزيت على صوت طارق يكعد بيه فكيت عيوني
بتعب اريد اركز جر الغطى شمرة ورد عليه جرني وكفني
گباله وأنه شلون المسطورة مامفتهمه منه .
طارق:::عذرتج وكلت مااغصبها ولا اضغط
عليها خليها براحتها لحد ماتثق بيه وتحبني
تالي هيج تسوين تخونيني ليششششش بنت الكلب
محترمج ومسويج بشر .
مديحة::فتح النقال وخلا گدامي دخل على الرسائل
وتفاجئت من ذاك الناقص گاتبلي عود من يطلع الطلي
اتصلي بيه ،، مافهمت شي واستغربت كلامه رفعت راسي
لطارق گتله ماعرفه ولا اعرف الرقم رديت بالليل لأن
عبالي سونه بس من سمعت صوت رجال سديته
طارق::وأنه فزيت على صوته ومن شفتج گمتي
وجاوبتي هم عبالي البنات بس من سديتي استغربت
ورجع دك وفصلتي ، شكيت بقيت لحد ماغفيتي گمت
فتحته لگيته كاتبلج هذا رقمي أنه رجعت للعراق
خابريني ضروري .
_زين ونوب؟
مديحه::اي ضليت احلف مامتواصله ويا طارق
ماقنع گال راح اتصل بي وخل انشوف شيريد
اتصل وفتح الصوت حجيت أنه الوو رد عليه النذل يضحك
محابس::ها بنت التالف شلونج
مديحه::وحسب توجيهات طارق جاريته بالكلام
كتله زينه بس أنته شكو مخابرني وبعدين ادك عليه
بالليل ماكلت رجلها يمها .
_اي خوش وشگال ؟
مديحه::ردة خله طارق يتخبل . گال يله عاد شلون
رجال،، المهم اريد اشوفج شوكت تگدرين تجين
عاد أنه بسرعه غلطت عليه ،، دروح سافل اجي
شنو ،، مالحكت اكمل طارق سد النقال وصفكني
طارق::تردين تنبهينه بوجودي ماخليتي
يكمل كلامه اليوم ادفنج .
-ضليت اصرخ ولك ماعندي شي ويا ،،احنه
نتعارك ورجع محابس دك ،، كالي ردي وكليله الي راح افهمجيا ، رديت على محابس كتله يمعود شتريد فگ
عني لاتسويلي مشكله أنه متزوجه وستقريت ابعد عني
ضحك ورد ،، هههههههه عاد شلون زواج انتي خذتي
حتى تنسيني بي وهو خذاج حتى يوصل لقدر .
_هيه تحجي وأنه تمنيت يصير محابس بيدي .
مديحه::گتله لا غلطان، وروح بعد لا تخابرني
اترجاك خليني مستورة ترى إذا عرف بيه يموتني
_خوش
مديحه::رد بضحك وجان قاصد ويمكن متاكد طارق يمي
_شلون يعني شسوى ؟
مديحه::گال ها وأستاذ طارق يدري لو ماگتيله
زين شاف بطنج لو لأن أنه متأكد حتى لو مسويه
تجميل مايروح الأثر ،، مالحكت احجي طارق سد الخط
وجرني اريد بس احمي روحي ماكدرت ماعرف الطكه
منين تجيني اخر شي جرني للجربايه .
_حجتها وبجت بصوت عالي، ادنيت شبكتها
دفعتني وضلت تلطم على وجها ،، تصرخ بوجع
مديحه::ماتوقعته يسوي بيه هيج ،، شكك ملابسي
عليه اجر الغطه اريد استر روحي وهو تخبل
طارق::اگول ماتخليني اتقربلج ثاري الاخ
ماخذج ومخلي علامه ملكيه .
_عرفت تمم زواجه بيها ،، وردت اهون عليها الأمر
كتلها ،، اي وهاي افضل شي حتى يعرف محد لامسج
غيرة ، رفعت راسها باوعتلي وگامت رفعت ملابسها
شهكت شنو هذا ليش شون
مديحه::اول ماجردني من كلشي ويتفحص
جسمي يدور عباله اكو اثر مخلي محابس بيه
ونوب اخخخخخ يمه ولج يمه تعاي اخذيني
_من حرگت گلبي وأنه اشوفها شلون منهارة
گمت الطم على وجهي . ردت كملت
مديحه::منا الهبطه ومنا الكتل الي كتلنيا وأنه اساسا
مريضه من الليل صخنت ،، هجم عليه مثل الجلب
نهشني نهش فقدت السيطرة على روحي وهو
_باوعتلها.
مديحه::قبل من تكول قدر من الخوف مااسيطر
على نفسي اگول شلون ،، بس من صارت بيه عرفت
الخوف يخلي الإنسان مايتحكم بروحه،،من تأكد
أنه مامعيوبه تفاجئ جر الغطى شمرة عليه وطلع
من الغرفه ماكدرت اكوم ولا اتحرك من الوجع لو من الفشله
بقيت بمكاني ساعه او اقل دخلت عليه فطوم عبالي تريد
تسالني تساعدني شو هاي نزعي نعالج وهجمي لا بيه ادافع
عن روحي ولان بدون ملابس بقيت محتارة ،، خليتها
تبرد گلبها بيه شبعتني نعل ويا طلعتها دخل طارق تفاجئ
من شافها
طارق::شگو يمه شعدج صعدتي ؟
فاطمه::بردت گلبي بيها بنت الزنا الدايحه هاي
مديحه::التفت باوعلي ورد باوعلها افتهم هيه
كتلتني كلب الدنيا ضل يصيح ويغلط ويسب بروحه
طلعها وسد الباب اجه راد يگومني رفضت
طارق::گومي اسبحي اخذج للطبيب
مديحه::اذا عندك ذرة غيرة ورحمه خليني اطلع
وديني لسونه
طارق::انسي هل سالفه ولاتعبين نفسج
خلص من اليوم اي علاقه بماضيج ماريد وهذا حسابه يمي
مديحه::وأنه ماريدك خو ماتجبرني
طارق::عود نتفاهم بعدين گومي اسبحي
مديحه::من حرگت گلبي كعدت وأنه لافه الغطه
على روحي غلطت عليه نبشت سابع جد اله ،، عافني وطلع
بقيت يومي كله أنه بمكاني ردت حيلي يعيني بس اكوم
ماكدرت مدري شلون غفيت فزيت احس روحي بالسكف
ركزت هو واكف فوك راسي ويمه مرة متوسطه بالعمر
دنكت تفحص حرارتي باوعت لروحي لابسه ملابس
ضليت أتلفت وكل ضني حلم بس تاكدت من باوعت
للمرايه غمضت عيوني اتذكر الصار طلع هو والمرة
بقت تقنع بيه اكوم گوى حضنتني دخلتني للحمام
ومن كد ماهلكانه ماجادلتها ولا رفضت سبحتني،ولبستني
طلعت لكيت الفراش مغير والغرفه نضيفه تمددت بمكاني بقت المرة يمي تسولف بالي مو يمها افكر شلون اطلع نقالي
عنده كلت اگيد سونه،، تجيني خلي شكد يريد يحبسني
_وروح جويسم تقشمرت لأن الرسائ لوصلتنا
وكتلج شنو مضمونها بس ماسكتت كل يوم اخابرة يتعذر
المهم أنه كشفته وعرفت نذل وراد يخرب على قدر من بقى
مديحه::لا دز الرسائل حتى لاتقلقن
_بس كلام الرسائل جان
مديحه::اي من راد يقنعني واعتذر،، گتله ترى
كلام محابس صح اخذتك انسى بيك الماضي وانته نفس
الشي خاف عبالك غشيمه زواجك مني لأجل قدر
طارق:: طلعت من السجن تخبلت ادورها
من عرفت المرت بي وزواجها من ثابت حقدت على الكل
بس بعد ماتأگدت من حبها لزوجها واستقرارها توجهت
لكربلاء دخلت للامام دعيتلها ودعيت لنفسي تصدگين
او لا بس هذا الي صار ،، اسألج عليها لأن تخصني گاخت
حسيت مامرتاحه وترى ثابت استغل حاجتها صدگيني
لو طالع أنه وملتقي بيها قبل لايزوجها جان ماقبلت بي
ومن خلال مكالماتج وياها عرفت جاي تعاني .
مديحه::بقى يحجي ماجاوبته لحد ما انتي
متصله بي گال ردي عليهن برسائل رفضت عاد هو راسلجن
ثاني يوم اجه وهم حاول يتعذر گتله طلكني
طارق::انسي هل سالفه
مديحه::شكد تريد تحبسني اول وتالي اطلع
هاي اذا ماجتك سونه وانصحك لاتواجها
طارق::غبيه سلاسل ثقت بثابت وهملت الباشا
لو متخذته رجال جان سندها هيه وقدر
مديحه::وهيج خلصها يكعد يمي بالساعات
يريدني ارضى اخر شي دخل جايب بيده
علبه جبيرة فتحها تفاجئت من شفت الذهب البيها
سوارت ومداليه وتراجي،خلاها يمي
طارق:: اول شي أنه زوجج الصار بينا مو غلط
صح الطريقه ماجانت مرضيه بس اتمنى تسامحيني
مديحه::للموت ادعي عليك
طارق::إذن كلام محابس صح انتي ماتحبيني
مديحه::وكلام سونه صح أنته خذتني جسر
طارق::لا مو صح وهسه اثبتلج قدر من بدايه
حياتها تعتبرني اخ وأنه تقبلت الأمر
مديحه::حجاها وكعد يمي طلع نقاله وراسلجن
بأسمي وبيومها سأل قدر بعدج تحبينه
_اي وتفاجئنا بس كلت طناكيرج
مديحه::ومن جاب طاري محابس انتن اكدتن
بينا شي من كلتي عافج هنا هو تخبل كال يعني
عندج شي ويا .
مديحه::افتح نقالي حتى اثبتلك، فتحه والمصيبه
ذاك النذل خارط خرط بالر سائل ،، ويمكن يوصله
اشعار من ينفتح نقالي دك
طارق:: جاوبي وجاري بالكلام كليله شتريد وتكفني شرك لأن إذا طارق حس بيه يطلكني .
_صحت شتريد نسل سلوم وتربات النصافات
محابس:: على أساس انتي بت شيخ زايد
امشي ام الزوايه ماميت على خلقتج بس اريدج
تتاكديلي من سونه شوكت تروح لبيتها وبيوم الترحين يمها
انطيني خبر .
_مافهمت يعني يريد يجيني لبيتي لو شنو
مديحه::حته أنه خفت عاد كتله ترى الباشا تزوجها
محابس ::مثل زواج امج .
مديحه::هسه شتريد مخابرني.
محابس::تنفذين الاريده وديري بالج تلعبين بذيلج لأن ساعتها اعلسج وتعرفين شقصد وتدرين مايصعب شي على الجماعه يعني لو بالبيت الأبيض مو بيت فاروق هم يوصلونج
مديحه::اشرلي طارق جاري بالكلام رديت عليه وإذا
راحت لبيتها عبالك تكدر توصلها
محابس::هيه ماجي تطلع من المنطقه مال بيت الحجي
مديحه::لا ماتطلع واصلا هيه بيت قدر،،ولاتعب روحك
لأن ماتلوحها من تطلع اخو الباشا يوصلها
محابس::هاي مهمتج،،شوكت ترحيلها ؟
مديحه::مادري لأن طارق مايقبل اروح لحد ماتجي
لبيتها .
محابس::من ترحين خابريني .
مديحه::وبعدين ؟
محابس::من ترحين افهمج.
_هيه تحجي وأنه الخوف تسلل لگلبي كمت
قفلت البوب ورجعت يمها ،،كملي
مديحه::شكمل سدة وطارق حضر رقمه .
_بالنسبة اله سهله خلينا بيج
مديحه::هاي أنه گدامج ياريت تشوفيلي شي
يموتني حتى اخلص .
_موت ياخذهم كلهم سهله اله ابچيك ياطارق،،كومي
نامي بالغرفه خلاسويلج اگل .
مديحه::ماريد شي ولا اريد اشوف بشر.
_عفتها وطلعت خابرت على مولي رد
مولي::ها اخت سلاسل شلونج بشري ضربتي
ابرتج .
_ضحكت ،، لا تشيل هم مديحه يمي هيه تضربني.
مولي::جا شعندج متصله بيه؟
_تدري هاي الفترة يم قدر وماطالع
وهسه كعدت الثلاجه فارغه .
مولي::صار دزيلي قائمه على وات ساب .
_لا بس جيبلنا خبز واجبان عود بعدين أنه اطلع
اتسوك
مولي::ماعدنا نسوان تطلع .دزي التردي بين مااقط
الباشا .
_ماانطاني مجال احجي دزيتله بس خبز صمون
واجبان رسلتها ودخلت للمطبخ سويت جاي صفنت
احجي الباشا عن محابس لو اسكت ضليت اصفن
تالي كلت خل اشوف سالفة طارق اول وبعدين أفرغ
لمحابس رحت لمديحه كوى كومتها للحمام غسلت
وكعدت بالصاله رديت خابرت مولي كتله وياك حليب
شويه واجه طلعت اخذت منه العلاكه .
مولي::تردون شي بعد ؟
_سلامتك راح مولي سديت الباب ورجعت
للمطبخ ،، مامخلي شي ماجايبه ،،عزلت المسواك
وفورتلها حليب حضرت الصينيه شلتها خليتها گدامها ورجعت جبت نقالي ،كعدت كبالها ،، نزلت بدون جدال ،،شالت كوب الحليب شربت منه اباوعلها مكسورة
مو ذيج الجانت بأصعب المواقف تحشش شالت راسها باوعتلي .
مديحه::شبي وجهج ؟
_خنكتني العبرة نوب تسالين عني نزلت الكوب من أيدها
ودفعت الصينيه وشبكتني بجيت وهيه ماقصرت
مديحه::احجيلي شبيج .قدر شلون صارت
_شحجي وشخلي؟
مديحه::كلهن لاتخاين شي!
_حجيتلها كل شي .
مديحه::وشناويه ؟
_بعدني ماراده دك نقالي باوعت رقم طارق
صحت الله جابك فتحت خط وقبل مايكول الو استلمته
ولك ادعي ماصادفك ،، وروح جويسم إذا ماندمتك سهله
طارق::بخدمتج تمونين اختي انتي وشما يصير ماازعل منج
_انوب خلاني افور من حرگة گلبي سديته بوجها
باوعتلها شسوي بي كليلي .
مديحه::اول وتالي يجي وفوخي گلبج بي
_وهاي أمه شلون الوحها ؟
مديحه::هو ماقصر بيها هجم البيت كسر الغراض
گلها وهيه تخبلت دزت على خواله وكوى سكتو
_على أساس شريف وماقبل عليها من طكتج
جا ماحاسب روحه .
مديحه::همه يبررون تصرفهم غيرة
_انعل ابو هيج غيرة منيلهم الغيرة
حجيتها والتفتت على نقالي وهذا الثاني الي ماعرف شتاليتي ويا ،، رديت عليه
الباشا::صباح اسمر بلون خدودج.
_سكتني كلامه ،،
الباشا::ها سمرة شلون صرتي ؟
_زينه
الباشا::ومديحه؟
_هاي هيه كاعده شلونها على الضيم الي مسوي
بيها طارق .
الباشا::اليوم يجي خابرة الحجي .
_يجي هنا ؟
الباشا::لا لبيتنا.
_باشا يجي هنا وابوك إذا عاجبه هلا بي ماعاجبه
يدخل بيتي
الباشا::لا تأكلين تبن ،، اياج تتجاوزين فهمتي
هذا ابوي وكلمته تمشي عليج وعليه وهو يعرف يتصرف
ويا طارق لاتدخلين
_لا والله تعذرني مديحه يمي وتخصني
وابوك مشكور وكلامه يمشي عليك،، حجيتها وسديته
رجع دك قفلت النقال وكمت مسوي روحه خير ويسوي لله
هذن بعد مايمشمن يمي ومن اليوم محد اله كلمه علينا
احجي وافتر بالصاله التفت على مديحه تباوعلي هزيت
راسي ها شو جنج ماراضيه
مديحه::بالنسبه لطارق بعد لو يصوغ روحه
ذهب ماارجع ، بس فكري بسالفتج لأن محابس مايفكج
خليج بحماية الباشا
_غير كون يجي محابس وادوس رأسه .
مديحه::بس فهميني الحجي شنو رده شكال
_ماعرف بس واضح رافض لأن ثابت،، ماكال
شصار والباشا يصيح معليج بيهم
مديحه::إذن رافض زواج ابنه منج
_وعنه ماقبل على أساس أنه كاعده ابجي بابهم
خل يلزم ابنه خلي يجبرة يطلكني .
مديحه::وقدر عرفت؟
_هاي الي لازمتني ،، واول وتالي تعرف،بس خايفه
يشدون وياها بسببي.
مديحه؛:ثابت ماينطي بيها.
_مابيهم خير
مديحه؛:لو ماهيه جا بعتي بيتج وأنه وياج
ونمشي لغير محافظه
_وهذا الناويته، بس خل نشوف طارق شنو تاليته
مديحه::أنه جبت ذهبي وياي وحتى الجابه الي
عود يراضيني وفلوس المهر البقن والعقد
_سكتت لليل مافتحت جهازي بقينا أنه وياها
مرة نبجي ومرة نخطط ،، ومااستغربت من شفت سيارة
ثابت طبكت كمت فتحت الباب نزلت قدر وهو سلم من بعيد
اشرتله ماتنزل
ثابت::عندي شغل عود بعدين اجيج
_دخلنا واخ من قدر شسوت من شافت مديحه
صفنت ،، سبحانه الله جانن وحدة تضد الثانيه هسه
علاقتهن عجيبه عبالك أنه أكبر منهن وهنه لأن نفس العمر مندمجات شبكتها وبجت
قدر::كسر بيده الحقر خل يجي اله العب بي لعب
_كوى سكتتها ،، كعدت تمسح بدموعها،، سالتها
شنو الأوضاع بيت الحجي.
قدر::مارايحه همه يجون شويه ويرحون.
_عفتهن يسولفن وكمت سويت اكل صاحت عليه قدر
قدر::سونه فتحي نقالج الباشا يدك عليه
_دجيبي تلكينه يمج على القنفه،، شمرته
عليه وردت يم مديحه ،، فتحت والرسائل مثل المطر
الباشا::يأبه شسوي بيج إذا ماعلكتج فلقه
اريد اتوبج من هذا طبعج
_دكيت عليه رد بصياح
الباشا::تسدينه بوجهي سهله بنت التالف
بس افرغلج اله امشيج مثل المسطرة
_هو يحجي وأنه اكصص بالخيار صاح
الباشا::مو احجي وياج
_اسمعك يعني شرد عليك اذا أنته مستلمني غلط
الباشا::هينه ،، امشي اطيني مديحه
_خير شتريد منها؟
الباشا::معليج انجري انطيها النقال
_طلعت اطيتها النقال باوعتلي مستغربه،، اشرتلها
ردي الباشا يريدج .
مديحه::ها باشا
_سكتت تستمعله مدري شيحجي وياها،، وقبل
ماتسده باوعتلي وكالتله
مديحه::مالي شي يمه يطلكني لاشوفه
ولا اكعد ولابينا كلام .
_مدت النقال الي اخذت ورجعت للمطبخ
حجيت ها هسه شنو اسده عندك شي بعد
الباشا::امشي كليلها تحضر نفسها راح اجي عليها
طارق بيت اهلي حتى نفهم منها ومنه
_وانه كتلك يجي هنا ،، سده بوجهي مااهتميت
بقيت احضر دقائق وصوت الجرس هلهل ،، غسلت لديه
وطلعت اول مافتحت الباب جرني
الباشا::تردين تمشين كلامج علينا هيج شايفتنا
مو زلم دتعاي اعلمج
_يحجي ويعت بيه على صوتنا اجن البنات
قدر::ليش ليش باشا هيه مريضه ماتشوف وجها
_ويمكن خجل من قدر دفعني ودخل،، موجه كلامه لمديحه
الباشا::تعاي يأبه زوجج عدنا وأبوي ماقصر بي
وهو يتعذر وترى اي رجل مكانه مايسكت وهذا النذل
بس خل اطيح بي اله اسحله
مديحه::كتلك مالي كلام ويا باشا يطلكني وكلمن يروح
لحاله اصلا زواجنا غلط
الباشا::امشي واحجي هل كلام هناك
مديحه::تعذرني ماروح .
_التفت باوعلي درت وجهي منه هز رأسه تمام وطلع
قدر::زين تسوين .
مديحه::بعدني مامسويه.
_بعدنا نحجي ودك ثابت ردت قدر
قدر::ها لا ابقى .
_ومن ردها عرفت ماقبل تبقى سكتت كلت هيه ويا
قدر::هو شنو غير ابات يم اختي
و مديحه هنا خليني اشوفهن ،، وأنه شعليه تعاركو تصالحو شلي شغل كافي عاد مللتني خلص تعبت تعبت حابسني هناك
اي وأنه ماريد اروح لأن اريج تغثني .
_سدته ودموعها تصب ،، كلت راح يجيها بس مااجه
كتلهن تعشن والله كريم ،، بقن اليل كله هنه يسولفن
فرشتلهن وقفلت البوب عيني للكامرة بالي بكلام
مديحه عن محابس ،، خليتهن يغفن وكمت خابرت
رد بثكل
الباشا::خو ماكو شي
_اريد أكلك شي بس مو تصيح وتسوي مشكله
الباشا::شمسويه من مصيبه؟
_حجيتله عن محابس سكت ثواني عرفته شعل جكارة
من صوت الجداحه،، شويه ورد
الباشا::اشويه واخابرج
_بدون ماساله دريت راح يخابر الخال،، اخذله ربع
ساعه ورجع دك جاوبته
الباشا::باب ماينفتح الا تتأكدين منو ،،لو تحترك
المنطقه مااطلعين الا بعلمي ،، بالنسبه لقدر كليلها ترد
لبيتها ومديحه يمج لحد مانحل مشكلتها فهمتي لولا
_غير تفهمني شكو ترى هو مايجي لا عبالك
وحتى لو وصل الباب اله اخلي دمه بطوله
الباشا::راجع صارله ايام ومتحاجي ويا ابو وطالع
من البيت ،، ومدام سوى هيج إذن ناوي على سالفه
موزينه.
_اي ليش ماابو يصيح عليه وهو ليش متعارك ويا
الباشا::اي هسه احجيلج عنه امشي لا اجيج
اطلع قهري بعطوبج.
_شوف لو غريب جا كلت اذبه بالتوقيف
جان اشتكيت عليه بس لان ابن خالك
الباشا::سونه ليش احسج تتعمدين تثيرين
اعصابي وترديني اجيج
_اسمعني وهذا الكلام توصله لخالك إذا محابس
وصل بابي اشتكي عليه.
الباشا::انجري
_سديته ورجعت يم البنات قدر نايمه دنكت عليها
بستها مديحه عيونها للكامرة اشرتلها تعاي كامت وراي
الغرفه
مديحه::ها
_حجيتلها كلام الباشا
مديحه::اي صح كلشي يطلع من محابس
_والحل ؟
مديحه::إذا وصل ننعل وإلديه واحنى اساسا بابنا
مسدود بعد منين خايفه ، وماضن الباشا يسكت عنه
_وعود أنه ناويه افتح محلي
مديحه::مايخليج الباشا
_التفتنا مخترعين من صوت الجرس .
ركضت باوعت للكامرة خرب هسه شسوي
مديحه::فتحيله الباب راح ادخل قدر للغرفه
انام هناك احسن.
_هزيت راسي اي ومشيت ،، فتحتله دخل
وهو يسب بيه كعد واشرلي بمعنى جيبي ماي،، رحت جبتله
بطل ماي ونفاظه خليتهن گباله .
الباشا::وتالي وياج فهميني
_شمسويه ؟
الباشا::لامه البنات يمج شكو ؟
_ها اطردهن حتى أنته تجي براحتك،، رفع رأسه باوعلي
الباشا::هاي كم مرة عديتها ولج هيج سايفتني ملطلط واركض وراج لأجل معاشرة طاح حظج شوكت تفهمين احبج وعدا هذا انتي زوجتي واجبي احميج .
_حبيش باشا وحتى لو هم ماراح نگدر
اهلك مستحيل،، كمزت من دفر الطبله طاحت النفاضه
ونكسرت باوعتله.
الباشا::رجعنا اهلي شكو،، يأبه اعتبريني يتيم
من خرب ساعة السودة العرفتج بيها،، شنو هل غضب
الحظ جابج لدربي أنه وين والحب وهل خرط وين تعبت
كافي من انعل حظي مو دمرتيني.
_اذا هيج عوفني أولي عنك،، باوعلي وأشر على
رأسه عكدت حواجبي مافتهمه .
الباشا::وهذا غير كون ابطل تفكير بيج.
_ها عقلك خوش عبالي گلبك يوجعك لأن تحبني
اذا على راسك سهله اشرب بندول.
الباشا::ومنو گالج القلب مصدر الحب؟
_ها نوب انقلبت السالفه حتى هاي هم تريد تغيرها!
الباشا::مو أنه اغير بس هاي الحقيقه المرفوضه
الحب ليس في القلب .
-بعد حته القلب هم تريد تجذبه غير الناس كلها تحب بقلبه.
كام جرني طلعنا بالحديقه كعد واشرلي كعدت كباله فتح
نقاله واشرلي اتقرب يمه
الباشا::تعاي خلي اراويج معلومات ودراسات
راح تقتنعين انو القلب مو مصدر الحب،،وانه احبج
بروحي وعقلي .
_صفنت ثواني ،، باوعتله هز رأسه شكو
رديت تدري أنه مثل حب العقل هيج احس روحي
حقيقه مرفوضه.
شلونكم حبايب شخباركم
اعتذر الله شاهد تعبني هل بارت
اتمنى تعذروني
تعالو نشوف هل حقيقه المرفوضه
شنو نهايتها
قدر وثابت
مديحه وطارق
سونه والباشا
شكرا لزيارتكم عالم روايات سكيرهوم
