رواية الضابط واليتيمة الفصل السابع والعشرون بقلم بقلم مجهول
كضينا خمس ايام من احلى ايام حياتي كلها طلعات وونسة وتسوق وكلشي بخاطري سوينا الشي الوحيد انو جان وليد بعيد عني كلش اهلة ميقبلون نكعد سوة نادرا نطلع وحدنا ولفترة قصيرة كلش هو مجان كلش مهتم بس اني جنت كلش حزينة
باخر يوم من السفرة قررت اسوي شي كلهم جانوا نايمين من التعب خمس ايام كلها طلعات وماكو راحة ابد كعدت الساعة ٤ الفجر صليت وبدلت وحطيت عطر ريحتة اتجنن ورحت على الاستقبال (كنبصت 😂) يم راس وليد ضليت اباوع علي شلون نايم
- وليد وليدددد
- ولليد
مكعد ضليت اضرب بي على وجهة خفيف فتح عيونة باوعلي مصدوم
- ها مينا شبيج
- كوم وياية
-ها
جريت ايدة ودا امشي عبالي كام محسيت الة جر ايدي ورجعت وكعت على بحضنة انصدمت وكلبي يدك بسرعة طلعت مني شهكة خفيفة ضليت اباوع بعيونة
- وين وامبدلة
دا احاول اكوم ثبتني بقوة اكبر
- شبيك وليد وخر شوية
- جاوبيني
- نطلع اني وياك وحدنا
جنا نهمس حتى محد يكعد هو اتقرب على اذني حيل وهمس
- ليش وحدنا
- وليد
ابتسم وكومني وكام
- عشر دقايق اغسل واجي
انتضرتة طلع من الحمام لابس اتراكة نفسة النايم بي بس معدل نفسة ومسوي شعرة ومغسل وراش عطرة الي يجنن
راح لبس حذائة واني جنت صافنة علي اباوعلة كام عدل بجامتة ومدلي ايدة حسسني مثل الطفلة الي انمدلها ايدنا حتى تلزمها ومتيه
لزمت ايدة وكمت طلعنا من الشقة
- الساعة ابيش ولج
باوعتلة وابتسمت لان اعرف راح يرزلني
- ٤:٣٠
باوعلي فتح حلكة يريد يحجي ومحجة شي بس ضغط على ايدي حيل
- اه اه وليد وليد حباب ايدي
- تستاهلين
- ههههههههههه
ضلينا نمشي بالشوارع مو كلش فارغة اكو كم واحد واحلى شي فارغة بس اني وهو وحدنا كلش ارتاحيت
- ما عاتبتيني ولا بجيتي جنت منتضر انفجارج بس متوقعت النتيجة هيج
- شسوي هذا حبيبي واحد ميشتاقلي
التفت علية وحط ايدي على جتفي
- ميت شوق اريد احضن واسولف وكلشي ابالج بس ميصير اهلي وياية وهم يخافون عليج مني لهذا هيج يسون بس ميدرون المفروض ايخافون علية منج
- ولييد
- ههههههه عينة لوليد وروحة تعاي
اشرلي على حضنة اتقربت وهو حضني صرت يم صدرة دافي ومريح وكلة امان ممكن اذبح احد حتى ابقى هنا وخرني من حضنة جنت مغمضة
- ولييد
ضجت لان وخرني وهسوتني دا افتح اعيوني حسيت بشي على شفتي فتحت عيني ماكو شي اباوعة بس المنضر الي ورة وليد ووليد جان يبوسني بالبداية جان بس حاط شفتة بس بعدين بدة يتحرك رجعت ليورة بدون ما احس بس هو ثبتني بايدة غمضت عيني وحسيت بطني عصرتني وكلبي يدك حيل مشاعري ما اعرف شحس بالضبط بديت احس بشفتة اكثر جان ناعم وياية كلش عض شفتي الجوة ووخر عني جنت بعدني مغمضة
- افتحي عيونج
حركت راسي بمعنى لا
- مينا باوعيلي
جان صوتة هادئ كلش فتحت تك عين وباوعتلة
- احبج
راسا حضنتة وهو شالني جلبت بركبتة افتر بية شوية ونزلني
مقبلت اوخر من حضنة ابد
وخرني هو ولزم ايدي ودخل اصابعة باصابعي بطني بعدها توجعني
مشينا بدون منحجي شي وكعدنا على مسطبة خشب لف ايدة وحطها ورة ظهري وصرت يم ركبتة جنت مختلة راسي هناك وهو يلعب بشعري
- عادي انام
- ام
نمت بدون ما احس باي شي ....
