رواية كريات الدم السوداء الفصل الثامن والعشرون بقلم زحل
_حجاها وكام.
جر الكرسي اتوجه بي للباب
مال الغرفه كعد وهو يشعل جكارته يسحب النفس ويحاول ينفخ الدخان خارج الغرفه .التفت عليه .
الباشا:شسوي بيج محتار شلون اعاقبج.
_وليش متعب نفسك رجعني للصعده
همه ماراح يقصرون .كام وهو يدفع الكرسي
برجله تقدم عليه يحجي بغضب .
الباشا:تجذبين عينك عينك .
هم كولي سليمه الها ايد بالسويتي
لو جبروج اسقطين الطفل .
_لا محد جبرني .
الباشا:اها هو هذا الي اريد اعرفه.
_دفع رجليه وكعد بطرف الجربايه.
الباشا:هسه احجيلي.
_شحجي .
الباشا:شلون نزلتي ومنو يعرف بحملج
ومنو جابلج علاج التسقيط من كالت
سليمه حامل ليش نكرتي .
1 ت
_محد يعرف بحملي . ويومها كتلك رادت تطلب منك فلوس هواي يله تسقطني .
الباشا:وانتي خايفه عله فلوسي
لو خفتي من محابس يعوفج. لو هو الي كالج نزلي.
_مااشتهي واذا اجوع اكلك .هز راسه تمام
اجه بيده بطل ماي رفعت جسمي مستنده
عله مخده اخذتهن منه شربت وخليت الماي بصفي.
مسحت وجهي بردن دشداشتي باوعلي وكام الاكلنس شمرة عليه ورجع كعد بنفس مكانه .
1 ت
الباشا:راح اعوفج ترتاحين وبعدين نكمل كلامنا
_ماعدي شي احجي رجعني لبيتنا
الباشا:ارجعج من اعرف منو الي كالج نزلي .
_يعني شنو الفرق اذا لو احد كلي
هو اول وتالي تكلي ذبي .
الباشا:ماكتلج.
_وحته لو ماكتلي انه انزله
خو مااخلي حاله حال ولد الجده وتالي يشتغل
ويه غازي وربعه.
_فهمت كلامه بلعت غصتي وحجيت
جا ماادري بيك تريد جهال. يعني مرتك ماتخلف
ترى عادي هواي ناس اشترو جهال من الصعده
خو من جانت الجده شكد باعت .اذا تريد سلوم
تجيبلك من بيت نوشه .باوعلي عاكد حواجبه
متفاجئ من كلامي .رد بنرفزه.
الباشا:هه منو كالج ادور نغو،،
وبعدين لو اريد جهال زوجتي ماقاصرة.
7
_غير انته تكول ماخلي يمكم.
الباشا:كلام يعني اقصد لو صاير.
ولو مستحيل اتقبل هل شي.
_وانه خلصتك منه
بعد عليمن تريد تعاقبني .
الباشا:لان الطريقه غلط جان متي
لو حاجيه اكيد نشوفلج دكتورة وتنزله بدون ماتتعرضين للخطر .تدرين لو ما ملحكين عليج
جان متي ولج وصلتي للمستشفى دمج مصفر
7 ت
_وهاي انه مامتت
ولو مسوين عليه فضل
و مخليني اموت.
8
الباشا:رجعي لمكانج لا تخليني
اجرم بيج .
6 ت
_طلع وهو يسب بيه
عرفت ماراح اكدر اطلع
ماطلعت ولا حاولت اشوفه
اذا بعده موجود لو راح رجعت لفراشي تمددت
بالي يم قدر غلبني النعاس غفيت وااعرف شكد مر وقت فتحت عيوني ادور بالغرفه ماموجود
نزلت من الجربايه حاولت اتسند عله الحايط وماعرف
شنو هل الدوخه الي ملازمتني احس الكاع افتر بيه
فتحت الباب وطلعت لكيته كاعد بالصاله حس بوجودي التفت عليه وكفت اريد اتوازن ماكدرت خفت اطيح
كعدت بمكاني كام متوجه عليه.
الباشا؛المن كمتي .
_كمت اختذتهن منه تفاجئت
علاكه فتحتها بيها كل احتياجاتي نزلن ادموعي
ماادري يعطف عليه لو خايف عله نفسه الحقير
بدلت ملابسي وخليت النزعتهن بالعلاكه وطلعت
صاح عليه .
الباشا:تعاي اكلي ولا تكولي مااشتهي .
_احس روحي مثل ذبيحه العيد
يوكلونها حته تسمن ويذبحوها
كتلك اريد ارجع للبيت شكو حابسني
مثل لو شنو .
الباشا: اريد اخلص الصعده وناسها
من شرج.
6
_الضاهر يمه موصيتك
وانته ماتردلها طلب.لو تريد تكفر عن ذنبك.
الباشا:قابل انه امسقطج
لو جبرتج عله تنزلينه،شنو الذنب
السويته
لو قصدج حارمج من محابس .
11
_لاحميتني ولا نقذتني والحمد الله ماخسرتك
شي ام طيبه بعدها وياك وسليمه تتمنالك الرضى .
9 ت
الباشا:وانه بكيفج روح روح تعال تعال .
_سكت شويه ورد كمل.
الباشا:بس اريد افهم شنو ابالج
انه بيش،قصرت وياج .
_ماقصرت ونعم الله عليك. بس رجعني لان تعبت .
الباشا:اكيد ارجعج.
_شوكت لاتكلي لحد ماتلزم محابس.
الباشا:هو انتي للحكومه ماسلمتي
طلعتي من الصعده يله خبرتي
عله الجماعه.
_لان لو هو موجود مايخليهم
يسوون شي ولا يقبل اشوف لو اسمع
جان ماخله سليمه تاخذني لمكان التسليم
لهذا السبب طلعته من الصعده وترى هو ماله
ايد بالسالفه .
6 ت
الباشا:يجوز بهاي ماله ايد بس
اكيد شغله مثلهم. خو ماتردين تسوينه سيد.
_مابينا سيد ولا خير
وشغلنا معروف،وانه مالي شغل بيهم
العليه سلمت الي شفتهم بعيني . هز راسه تمام
وجر الاكل قدمه كبالي دفعته وكمت
صاح بصوت عالي .
الباشا:رجعي لمكانج بسرعه يله
اكلي لاتخليني اكوم اعلسج علس.
_شوكت تصدك ماعندي شي ويا
خزرني ودنك عله الاكل كعدت كباله
جبرت روحي اكلت شويه.
الباشا:هههههههههه دكومي عليمن تجذبين.
2 ت
_فشلني كعدت وهو كوى
مسيطر عله ضحكته.
3
الباشا:سليمه تسال عنج
_شعدها من مخطط
الباشا:انه وصيتها ماتاذيج ولا تتقرب يمج
_وليش مكلف نفسك.
الباشا:خو مااذبحها بس
انتي تتحارشين لو وحده غيرها جان
عافتج تموتين .
1
_دفاعه عنها غثني حيل.
رديت وانه وانه احاول ماابين قهري
خوفها عله نفسها
وعليك خلاها تنقلني للمستشفى .
المهم ماريد منها شي انه اساسا ماباقيه
وياها بس فترة .رفع راسه باوعلي .
الباشا:وانه ماريد اطلكج.
_خليلي مكان.برا الصعده
تقرب لزم ايدي ردت ابعد قوى قبضته.
الباشا:شوفي سونه مو هين عليه تطلبين شي وماانفذه
بس مااكدر صدكيني اول شي وضعي الاجتماعي مايسمح وعملي اذا سمعو بيه متزوج وحده .
4
_سكت عرفت قصده
هزيت راسي اي .
الباشا:بعد هذا قانون الي بنفس وضعنا
واذا حسو بيه مرتبط بوحده ملفها بي
اي شائبه يفصلوني من العمل .
_خلص فهمت وعاذرتك .
الباشا: الطلعه مو بصالحج
صدكيني لان مادامج يمهم ماياذوج.
_عله اساس هسه خايفين.
الباشا:اي يخافون لان اذا صار شي
اكيد الحكومه تجرهم كلهم
بس اذا طلعتي احتمال يقتلوج
وماينعرف منو الي قتلج
لاتنسين السويتي مو شويه بس سكوتهم
لاجل لا يثيرون الشك لانفسهم ويمكن محابس لازمهم.
_لا يخافون منك .
الباشا:اذا هيج شلون ترديني اطلكج.
_لان عرفو بعلاء يشتغل بالحكومه
وشرطو عله سليمه مادخلكم للشارع
الباشا:انتي مالج شغل .
وانه ماراح مااجي هاي الفترة
عود اذا ردتج ادز عليج.
_باشا انه بالوجه. يعني ماتجي بس
تدفع الحكومه يوميه تدخل الشارع .
الباشا:هم معليج انتي شلج شغل.
_اذا يخافون منك وماكتلوني خلاص
يحطوني بيد النصافات وانه لهسه
صفحتي توجعني من كتلتهن .
1
الباشا:شنو الحل .
_تتنازل ماخلاني اكمل صاح بصوت
هز المكان ابتعدت بخوف.
الباشا:كولي خوفج عليه وهو الي شارط عليج
خل اكلج من الاخير حته لاتعبين روحج
لو اخر يوم بعمري هم الزمه.
_ترى هو ماله شغل
انه اريد اخلص .
الباشا:ترى هو عليه الف دعوى
حته لو انه تنازلت اله يوم يلزم
وينكم بدال السنه ٢٠ .
_طبه مرض معليه عسى مادام
شغله غلط حيل بي بس همه حجتهم انته
وحضرتك لاتقبل اطلكني ولا مطلعني منهم.
7
الباشا:كومي من كدامي لا اجرم بيج.
بسرعه لمي غراضج خل اوديج
وعود من اطلعين من الصعده اطلكج.
_بسرعه لبست ولميت ملابسي
وعلاجي طول الطريق هو ينفخ
ويعارك بروحه وصلنه لراس الشارع خابر عله سليمه.
_اجت تهف بصايتها سلمت عليه
قبل مانزل شمر بحظني فلوس
نزلت دموعي تصب صاح عليه مالتفتت
مشيت وسليمه وراي دخلت بلهفه اريد بس
اوصل للغرفه انخمش كلبي من شفتها
مكرفصه روحها يم الكنتور باوعتلي ودارت وجها
بزعل شمرت العلاكه وكعدت كبالها وكلبي يدك
الف فكرة اجت بالي اريد اسالها واخاف من الجواب.
6 ت
__________قدر____________
_احس كلبي وكف
من الصدمه ماعرفت شسوي اصرخ وهو ولا مهتم
يجرجر بيه نوب ماشوف الصاله ضلمه ريحته تلعب النفس راد يخلي ايده عله حلكي
صرخت بصوت عالي سلييييمه الحكيني
طلعت من غرفتها وهيه تصيح .
سليمه:شكوو شكو .
_شغلت الضوى والتفتت علينا
والضاهر جانت نايمه .مدري دايخه انوب انه من شفت شكله الي يخرع اكرع سمين وجه مال مجرم زاد خوفي وبقيت اصرخ .
غمزتلي بمعنى اسكتي
وحاولت تخلصني منه
بس الحقير مجلب بيه كوه فلتت روحي وركضت
دفعها وتبعني مالحكت ادخل الغرفه لزمني.
سليمه:ياحجي صدك جذب دعوفها
ترى مخبله .
_رد عليها وهو يجر بيه .
!!انه اعقلها الج.
4
سليمه:دوكف بس اطيني
مجال خل احجي وياها.
_تحجي وتتقدم عليه تريد تجرني
سحبني ورا ضهرة ولازم ايدي يقوى
فرفحت روحي اخرمش بياده اطك ولا اهتم.
سليمه:كتلك اقنعها مو هيج ماراح
تقبل خرعتها وهيه مو صاحيه .وحته جانت ماتحجي
دوخر خلينه نفتهم بلكي انت سبب رجعت لسانها.
_ دفعها وجرني حيل.
وقبل مايسد الباب صحت عليها
لا عليج الله لالا ولج انه مامتزوجه
بروح امج حبوبه .لا بداعت كل عزيز عندج
شلون الي نصدمت ضلت تباوعلي
3 ت
وهو استغل صفنتها دفعني للغرفه
والتفت للباب يسده ركضت جلبت بي وهيه
هجمت جرته .
سليمه:ترى مصختها وخررر
لا افتح الباب واخلي ولد الصعده يسحلونك .
_صفكته عله وجه وهو
تخبل عافني وجلب بشعرها.
!!سافله اتمدين ايدج عليه
اله اكسرها الج .
_رغم جسارتها بس هو مسيطر عليها
سحلها سحل ضليت حايرة ادخل للغرفه
احمي روحي لو اساعدها وكل مااصرخ تصيح عليه .
_شبعها رفس عبالك يتعارك ويا رجال
فلشها تفلش. ماكدامي غير الجوارين تنقذها منه
ركضت للباب لكيته مقفول ،اصرخ ولا عبالك يسمعون رجعت اغلط واسب بيها المن قافلته ام الزلم السافله لكيته دايس عليها برجله وهيه ترافس .انتبه عليه عافها واجاني مالحكت اعبر جرني . احس بلاعيمي
اتجرحت من الصريخ ونوب الحقير يدك عليه
يجر بيه وكل همه يدخلني
للغرفه التفت متفاجئ تركني ولزم جتفه ابتعد خطوات
ونضراته الها بصدمه اتخبلت من شفت السجينه بيدها
اتهسترت ضليت اصرخ بدون وعي ركضت عليه .
7 ت
سليمه:انعل ابوجن لابو ساعة السوده
الشفتجن بيها اسكتيييييي.
_صفكتني عله وجهي بقوة
وكأنو صحتني دفعتي للغرفه وقفلت الباب من برا
الخوف والصدمه شلن حركتي احس بروحي عاجزه
ثواني يله استوعبت الصار هو يصيح رج البيت
والدم تارس ضهرة .بحركه سريعه شمرت السجينه
وهو متفاجئ من تصرفها دنك يريد
يشيل السجينه غافلته وركضت لغرفتها مالحك يلزمها طبكت الباب ضل يتلفت شافني بالشباك تقدم من خوفي ركضت ضميت روحي جوى الجربايه همزين الباب مقفول ضل يغلط .
!!اليوم اشكجن بالنص سلييييمه
انه تسوين وياي هيجججججج.
13
_يدفر بالباب حيل احس يريد يخلعه
دقايق وصارت هوسه كتمت نفسي اريد اميز الصوت عرفتهن النصافات وهو يتصايح وياهمن وسليمه تغلط عليه .
سليمه:يابه دروح .
_طلعت من جوى الجربايه زحف
وصلت للشباك . اباوعلهن شلون سحلنه
ولاعبالك هذا الي لعب بسليمه لعب صار مثل
الطفل بيدهن يجرن بي ضخامتهن عجيبه
واشكالهن قبيحه طلعنه وهو يهدد
1
!!اذا مافلشت الصعده فوك راسج سلوم .
2 ت
_طلع والنصافات رجعن عليها.
ماتوقعت يسوون بيها هيج جرتها وحده
منهن .وصفكتها عله وجهها تخبلت سليمه.
3 ت
سليمه:اطكيني حربا ولج اخليهم يضيعون ذكرج وخرررري.
حربا:انعل ابوج لابو السطل المتحاميه بي
خليتي الناس كلها رحتي لحجي فيلق
كلت الزلم ولججججج.مو راح يلزم الشارع.
يوميه جايبتلج مصيبه مللتينا بت الكلب
ونوب طاكته شيخلصنه منه .
11
_من شفتهن كتلنها ركضت فتحت الباب
وطلعت وانه ابجي مستنجده بيهن
الله علكيم فدوى اروحلكم خلصوني
منها خلوني اطلع التفتن باوعلي
وهيه سولفتلهن الصار .
سليمه:من العصر وصيتها
لاطلعين وتدري عندي سهرة
وتعمدت تراوي روحها.ولجن موتني بنات راضي
شكد شفت بس مثل مكرهن ماشفت هاي الجانت مسويه روحها خرسه .
2
_ضلن يحللن حالتي وانه مفرفحه
بيد حربا .كل مااصرخ تقوي طكتها.
حربا:اش اش مااسمع صوتج.
_احس نفسي نكطع هزيت راسي اي
وانه اخلي ايدي عله حلكي امنع صوت شهكتي
دفعتني طحت يم رجلين سليمه رفستني وكامت
سحلتني للغرفه دفعتني وسدت الباب من برا ركضت للشباك اصرخ طلعونيييي منا .صاحن بيها.
حربا:عايزين وجبتيلج عله
اريد اعرف شنو ابراسج
ماخلصنه من سونه المن جبتي هايييي.
2 ت
سليمه:الصبح ارجعها للشخص الي جابها.
_هزت راسها اي طلعن وهيه راحت تقفل الباب وراهن مدري شلون انتبهت طكيت السركي وكعدت منتجيه عله الباب شسوي شلون اطلع منا لو اعرف اي لازم اشرد اروح للشرطه ماكو غير حل
كمزت من دفت الباب وصاحت.
سليمه:وينج اطلعي احجي وياج.
_مارديت عليها .ردت صاحت.
سليمه:ضلي عبالج يحميج الباب هسه راح
ادز عله ولد الصعده يشيلون حته الحايط
واسلمج بيدهم .
_كمت وانه احجي مسمعتها
اله اشتكي عليج عبالج اسكت .
سليمه:مو انه خاطفتج حته تشتكين
والحكومه غشيمه ترى محمود يريدها
من الله حته يشمرج بتهمه المخدرات .
_تقربت للشباك ورديت عليها
الله ينتقم منج ومنه والله لخلي الشرطه
اتأدبج انتي ويا .
سليمه:عود من اسلمج بيده
واكله تجذب ابنكم مامتزوجها .ويرجعج للمكان
الجان مخليج بي وهم خوش فرصه
يختلي بيج وتشخشخين عله روحج عود ساعتها
اشتكي .
10 ت
_كأنو نبهتني باوعت لملابسي
دنكت بقهر والدموع تحجب الرؤيا عني
توجهت للكنتور طلعلي ملابس بدلت
وانه ابجي بصوت عليمن اعتب امي لو الدنيا
لو سونه الي ماذكرتني ولو مااعرف شنو حالها بس اكيد افضل مني ليش هيج .نفشت الملابس طلعت نقال سونه صفنت بيمن اتصل.اي ماكو غيرة اخابر عله الباشا دكيت مغلق .شمرت النقال
ولميت رجليه لصدري وصرخت يممممممه
وين عفتيني ليش هيج سويتي بيه ضليت اصرخ
وادك عله وجهي مدت راسها سليمه من الشباك .
1 ت
سليمه:وروح امي اذا ماسكتي افلش الحايط
واسحلج امثل بيج .
2
_بيش احلفلج ماادري بي
عبالي محد وطلعت .الله ينتقم منج.
سليمة:ادعي عله امج انه شعليه.
_دنكت وانه ادعي عل كل بشر
سكتت شويه ونوب ردت تحجي.
سليمه:ولج طلعي خلي افتهم سالفتج
جا شلون محمود كال متزوجه ابن فاروق
فلك فلكم خاله احنه فقرة بس الناس مصيحتنا.
15
_رفعت راسي اباوع عليها
مزغرة عيونها وتنضرلي بشك.
سليمه:انتي جنتي مسويه روحج ماتحجين؟
_مارديت عليها ضلت تسب وتفشر.
للصبح وانه افتر بالغرفه مثل المجنونه هلكني التفكير
تعبت من البجي .شكد دعيت كون تنام حته اكدر اشرد .تقربت للشباك اباوع عليها متمدده عله القنفه
وتكلب بنقالها . التفتت عليه.
سليمه:طلعي لمي البيت وسويلنا ريوك.
_ماجني اسمعها رديت كعدت بمكاني
مالي غير سونه كمت جبت النقال
واتصلت عله الباشا هم مغلق
دخلت عله وات ساب ماعنده ضهور
شسوي ماكو غير مديحه ولو ماارتاحلها
بس مجبورة دكيت ماردت كررت الاتصال
جاوبت ومبين من صوتها جانت نايمه.
1 ت
مديحه:الووو ها شني .
_عفيه صحصحي انه قدر .
مديحه:اي اي اسمعج ها خو ماكو شي
_حجيت الها مختصر.
مديحه:ياااا فلك فلكها سلوم
وانتي المن طلعتي ونوب كشفت سالفتج
ولج شلون كتيلها مامزوجه .
_فوك الخوف الانه بي خوفتني وزادت حيرتي
تحجي برود صدك لو كالو الي ايده بالنار مو مثل الي ايده بالثلج. سكتت وانه اتحسدها هيه افضل منا
بهواي لو امي مثل امها وحته ام سونه نبهتني من شرودي .
مديحه: اصبري لحد ماتجي سونه
ترى حته لو طفرتي السياج هم ماتخلصين من النصافات ولد الصعده بكل ركن نوب يضيعون ذكرج.
8 ت
_سديته بوجهها وكمت وانه احجي
والله لو اعرف اتكطع ماابقه هنا .
ردت سليمه تصيح.
سليمه:هاي اخر فرصه اطلعين لو اطلعج
بطريقتي .خاف عبالج لازمني عنج الباب
ترى اكدر اودي عله الولد يفتحونه وخاف حميتج
من فيلق لا هل مرة اسلمج لولد الجدة عاد اطلعي وخليج مطيعه .
_صفنت ماعندي احد واتحامه بي
واذا رجعتني لمحمود راح يدمرني
اي ياقدر لازم تواجهين قدرج
خليني اسايسها باكي احصلي فرصه واطلع
بلكي سونه تجي جريت حسرة وتوكلت عله الله
كمت فتحت الباب وطلعت .باوعتلي وهزت ايدها.
سليمه:شوفي شكد ٠جنت زينه ويه اختج وتكدرين تسالينها خاف عبالج اجذب .
_بلعت غصتي وكعدت كبالها بحذر
رديت عليها. هيه وينها اختي .
سليمه:يم الباشا اول وتالي
يشمرها عليه. بس يريد يبرد كلبه بيها
ولج انتي تدرين بيها اكيد احجي منو
جابلها الدوى.
_ماعرف ولاعبالي حامل
ترى انه من موتت امي صارت بيه صدمه
وامس ماعرف شلون حجيت
عدلت كعدتها وردت مكمله كلامها.
سليمه:شوفي لا اخذت من محمود فلس
ولا طمعانه بيج بس كسرتي خاطري وجبتج
اذا ترديني احميج تحجين الصدك حته اعرف
اتصرف.
2 ت
_شحجي وانتي تعرفين كلشي
سليمه:خوش واذا طلع كلامج
جذب شسوي بيج.
_وليش مانتفق خلي راضي يطلعلي
جنسيه واشتكي عله بيت فاروق
يطوني ورث امي واطيج نصه.
سليمه:لعب هو هذول يودونا ورا الشمس
وابوج السافل مأيقبل يكول مااندك بيهم.
_حاولت استعطفها
انتي قنعي وروح امي اطيج نص الورث
ترى ابو فاروق مسجل كل الاملاك باسم
ابوي ايوب .
سليمه: اكدر اطلعلج جنسيه
ونشتكي عليهم اخلي محامي واطلع
حقج من عيونهم .
_اي هاي هيه ابدي بيها من اليوم .شعلت جكارتها
وسحبت الكوشه مال التخم خلتها بحضنها
وردت عليه.
سليمه:مو بهاي السهوله
اول شي لازم تطلكين
من طارق حته ماله حق يمنا.
_اول طلعيلي جنسيه ونوب اطلك.
سليمه:بس بشرط .
_شنو .
سليمه:هذا الكرع ماراح يسكت
اذا ماراضينا راح يلزمنا الشارع
وهو ايده طايله وعنده فلوس.
_باوعت عليها تحجي وكأنو الامر
عادي
رديت عليها لو اعرف يموتني .
سليمه:وانه مالي خلك المشاكل .
وحجي فيلق . مايسكت اذا ماخليج بأيده.
_كمت وانه احجي
الله ينتقم منج شكد ماتستحين
نسيت روحي ونزلت عليها
دوسه ونص مالحكت اطفر لزمتني .وماتوقعت
هيج تكتلني وكله كوم ومن رادت تفحصني
كوم جرتني ادك عليه مااعرف الطكه منين تجيني
ادفعها وترد عليه دفعتني بقوة طحت عله وجهي
شو هاي بسرعه كعدت عله رجليه ورفعت ملابسي
تخبلت ضليت اصرخ بعلو صوتي قويت روحي
وكبلتها من فوك رجليه وخرري سافله يا كافرة .
9
سليمه:وانتي وام شريفات .
دتعاي خل اادبج .
_ماعافتني لحد ماتفلش الباب .
رفستني وطلعت تركض.
سليمه:جايه جايه شسالفه.
_كمت اجر بروحي دخلت
للغرفه وقفلت الباب.كلت خل اتصل
عله الباشا بلكي فتح جهازه دكيت هم مغلق
شمرت النقال وجريت افراشي اريد اتمدد درت وجهي
كمزت وانه اشوف محابس واكف بالشباك صحت
بي لو عندك ذرة شرف طلعني منا .
_صاحت بي سليمه.
سليمه:يارجل ولك طلعت بت بيت.
_باوع عليها وهز ايده.
سليمه: جانت تفلم علينا.
مسويه روحها ماتحجي.
محابس:شنو غير كالج محمود بيوم وفاة امها
انصدمت ترى عادي وهاي الصدمه رجعت لسانها.
سليمه:وزواجها هم صدمه.
_التفت عليه ورجع نضراته الها .
طبكت الشباك ورجعت لمكاني اختفى صوتهم عرفت راح شنو من بشر وين جانت مضموتلي هاي ليش هيه
يايمه ضيعتي روحج وضيعيني
2
احسب الدقايق وينج ياسونه
حته ماحاولتي تتصلين بيه .معقوله الباشا سوا بيها شي مااضن هو بهاي الحقارة جان من المستشفى ورجعها ويه سليمه دخت وماجاي احزر تصرفات البشريه . يومين انه مثل المجنون حته النوم طار من عيني جوع و عطش خوف عين للنقال وعين للباب
تاخر الوقت .طلعت امشي عله اطراف اصابيعي
حته لا تكعد سليمه وصلت للطارمه اريد اتاكد
من الباب لكيته مقفول دخلت للحمام ورجعت
والكاها بوجهي .
سليمه:جا طفرتي السياج .
_خو فتحيلي الباب عليمن حابستني.
سليمه:احطج بيد محمود واشردي منه
خو ماتورطيني .
_مارديت عليها عبرت من يمها
اريد ادخل ركضت قبلي طبكت باب الغرفه
وكفت مانعتني ادخل . هزيت راسي شنو .
سليمه:تفحصج ام دعدوش.
2
_ضليت اتلفت بخوف وين اركض
المطبخ بابه ماينقفل ولا الحمام
باوعت الها ضحكت وهيه تغمزلي بمكر .
عرفت لو اقاتل لو استسلم جريتها رفستني
بطني طحت بالكاع هجمت عليه ادفر بكل قوتها
حاولت بس اكوم ماكدرت اصرخ ولا عبالك اكو ناس
تسمعني احس روحي بهتت جرتني تسحل بيه لغرفتها.
سليمه:اختاري انه لو ام دعدوش.
8
_لا انتي ولا هيه.
دفرتني عله وجهي
صرخت احس وجهي تفلش
مرات الانسان تجي لحظه ذكاء وبااصعب المواقف
ينتبه رفعت رجلها تريد تدفرني لزمتها باااثنين اديه
ضليت اعت بيها طاحت بصفي قويت روحي وصرت
فوكها جلبت بشعري عضيتها من ايدها
8
احس الدم صار بحلكي ضلت تصرخ هدتني والتهت بايدها ركضت للغرفه دخلت وقفلت الباب فلشت تفلش.
سليمه:خوش ضلي منا لحد ماتموتين .
خو الحكومه مالها شي يمي انتي مدمنه
وقافله عله روحج ومتي خاف عبالج سونه
تجي ايسي لان الباشا . سلمها لغازي .
_كل الصار بكوم ومن كالت هيج
احس حيلي انهد اصرخ اصرخ واسكت من وحدي
يوم بطوله وانه عله هذا الحال اتعب واسكت
وارد اصرخ لحد ماامل .
4
سليمه:كون مرض بلعومج اصبري
هسه راح اودي عله الحداد يجي
يكسر الباب .اذا ما كصيت لسانج.
_اغفى وافز وانه اتأمل
اشوف سونه داخله عليه .ابجي واعتب لحد ماامل بين النايمه وصاحيه سمعتها تتعارك ويه ام صوت ام طيبه ركزت شبيهن.
سليمه:كتلج مااجه منهد العركه.
ام طيبه:خوش وين سونه.
سليمه:نايمات هيه واختها
بغرفتهن .
ام طيبه:فتحيلي الباب اشوفهن اذا سونه هنا
مااحجي بعد .
سليمه:شنو انوب تفتشين بيتنا
ترى زودتيها . روحي شوفي
وين لكاله خن وكعد بي.
ام طيبه:لا ماروح ادور .بس اروح للجماعه
واحجيلهم شتكولين.
_تقربت للشباك اتسمع عليهن.عاطت بيها سليمه.
سليمه:وشتتوقعين اخليج تشمين الهوى
الضاهر نسيتي منو سلوم.
ام طيبه:لا مانسيت واجيت اذكرج
بالي اكدر اسوي وخاف عبالج دزين عليه ناس
تكتلني ترى وصيت ايو تحجي بمكاني .
1 ت
_التفت سليمه بخوف تباوع للشباك
ابتعدت ماخليتها تشوفني .
سليمه:كومي اطلعي واذا سمعت
حرف طالع انهيج .
ام طيبه:تمام طالعه بس مارايحه
لبيتي بوجهي لل.
_ ماخلتها تكمل الضاهر طكتها
صرخت ام طيبه .
ام طيبه:اطكينيييي ولج سلوم اذا
ماندمتج بسيطه حته الباشا بعد مايهمني .
_رفعت البرده من الطرف اباوع
كامت ام طيبه تريد تطلع لزمتها سليمه.
_من خوفي احس كل جسمي يرجف
جرتها خنكتها وذيج ترافس برجليها
عيونها نطن ليبرا ضليت حايرة
صرخت من شفتها تشهك النفس وهاي ماتقبل تعوفها
فتحت الباب وركضت عله سليمه دفعتها بكل قوتي
واصرخ بهستريا تريد تسد حلكي ماتكدر اطفر بالصاله
شلون المخبله ام طيبه طلعت تركض ركضت ورها
مالحكت اعبر الباب جرتني سليمه.
سليمه:اتسكتين لو اخنكج بمكانها.
_هزيت راسي اي
وانه ارجف سحلتني للغرفه
دفعتني وطلعت تكرفصت بمكاني
ملابسي نكعت كرهت روحي . ضليت عله وضعي
للصبح اسمعها كل شويه تخابر لشخص مااهتميت
فكرت انتحر .مالي غير حل دخلت باوعتلي .
_مارديت عليها بس اطمنت من كالت
راح تجي سونه . دك تلفونها عافتني وطلعت
من خلال كلامها عرفت تحجي ويا الباشا.
سليمه:بيش اجازيك باشا انطيك اعيوني
قليل بحقك . ههههه اي تدلل بس مو اليوم
بس خل ارتب الوضع .
_شويه ومدت راسها عليه .
سليمه:راح اجيب سونه واجي لاتخافين
ولا تحاولين تطلعين لان اقفل الباب من برا
ولو تصرخين للصبح محد يجيج.
_درت وجهي منها
عافتني وطلعت بقيت عله كعدتي
اقل النص ساعه وسمعت الباب انفتح
دخلت سونه بلهفه انصدمت من شافتني
كعدت كبالي والخوف واضح بعيونها ضلت تتلفت
رادت تحظني بعدت عنها بجت وهيه تتعذر.
سونه:لو تدرين الصار بيه
جا مازعلتي . مو بيدي اتاخرت عليج
بس الاقوى مني ياقدر وصلت الموت وبالي يمج.
سونه:صايييير شي لا توجعين كلبي .
_قطعت كلامها بدخول سليمه وهيه تحجي .
سليمه:مابيها شي بس تتعاير.
_كامت وهيه تنزع بصايتها .
سونه:اذا مسويتلها شي احفريلج كبر .
بالخرابه ياسليمه .
سليمه:هههه غير كونج مرة
منو انتي وتحجين الضحك عليج محابس
لو القشمرتج مديحه وطيحت نغلج.
7 ت
سونه :اها والبشر مايتعلم ويصير
قوى اله مايخذله كم دمغه من الدنيا
وانه طيحت طفل انتي وكل الصعده تعرف ابو
فلا تفكرين اخاف .اطلعي ماريد اسحلج .
_ضلت سليمه فاكه حلكها
رادت تحجي دفعتها سونه طلعتها وقفلت الباب
والتفت عليه ايديها عله راسها تباوعلي بحيرة
نزلن دموعي عله وضعها دنكت تمسح بوجهي
شبكتها وبجيت بصوت هيه تبجي وانه ابجي
لحد ماتعبنا .
1
سونه:احجيلي اذا الي خاطر عندج والله مابيه
ترى حيلي مهدود .
_كمت خليت الكارتون عله الشباك
ونزلت البرده وتاكدت من الباب مقفول
وهيه تباوعلي بااستغراب اشرتلها تعاي
هنا بزاويه حته لاتسمعنا .كامت وهيه تتلفت.
سونه:بس كون محد اعتده
عليج طمنيني وبعدين نسولف .
_لا ماكدر يسويلي شي
سولفت الها كلشي ويه كل كلمه
تلطم عله وجها ضلت تعض بااديها
تالي شبكتني وبجت .
سونه:الف الحمد الله والشكر
بس بعد مالنا كعده لازم نطلع
مادام عرفت بيج مامتزوجه ماتعوفج
وهذا فيلق مايسكت عنها اله تحطج بيده.
_مااعتقد تاذيج تخاف .
سونه:مادام الها خاطر عنده وبس خابرته
جابني ماتخاف بس خوفها من ام طيبه
وبس هو ياثر عليها واكيد هو الي خلها
تسكت ماتشوفين جابني .
_سمعتها اتكله تدلل وبعيني
بس خلي ارتب الوضع يمكن
يريد يجي يسهر هنا.
سونه:لازم يجي حته اكدر اسوي الي اريده.
_خلينا نطلع يولون اكيد يجي يوم
والله ينتقم منهم .
سونه:تبقين عله وضعج وانه راح ابقه
اعارك بيها.
_اي هيه عبالها عقلي شخط.
سونه:انشخطه اذا لزم الامر.
تصرفين بعدوانيه حته وياي فهمتي
راح اجرج للحمام صيحي طكيني
بعد ماوصيج ابو الخيوط .
_طلعنا سليمه كاعده عله القنفه
دفعت سونه وهجمت عليها طفرت
وهيه تسب بيه.
سليمه:ومرض ام السوادين ترى اكسر رجليج.
10
_جرتني سونه للحمام .
سونه:معوده سبحي شنو هل غضب
احتركت روحك راضي انه عايزه.
_دفعتني وطلعت دموعي تنزل ويه الماي
صح تمنيت يصير عندي اخت ورغم حبي الها
بس ماتمنيت بهيج ضرف ولا هذا المكان ولا ابونا
راضي سبحت جابتلي ملابس طلعتني تسحل بيه
وسليمه لابده بغرفتها ايام واحنه نمثل
3 ت
نخلص اليل نضحك جوى البطانيه . سهرات سليمه مستمرة بس الغريب لا ام طيبه ولا الباشا بينو وعلاء
صار ليل نهار كاعد بالصاله ويجيبوله بيت نوشه
عله كولتهم اباوع لسونه تصفن . اشرتلها ها وين وصلتي .
_فكيت حلكي يا غير يسجنوني.
سونه:اكتليها وانتحري.
1
_يمممه اسم الله.
سونه:هههههه لاتصدكين بس
سكوتها مو خالي اكيد جاي تخطط لشي.
_واكيد راح توصل لطارق واحنه مامتاكدين
منه اذا بعده يعتبرني بت لو هم يبيعني.
سونه:مالنا غير بعضنا بعد مانتامل شخص
يحمينا .وين تلفوني .
_حجتها وكامت اشرتلها بالكنتور.
سونه:اكتمي صوتج .
_اباوع الها اتصلت وخلت نقالها بذنها.
سونه:الضاهر ام طيبه الها كلمه عليك.
سونه:خسرت كلشي
في سبيل اطلعها ماردت غير ابقه بيتنا
جديت واشتغلت وتزوجت محابس وسلمته روحي
ردته يحميني منها وخذلني واخذت الباشا تالي
هيه مرتاحه وانه من الخوف مانام
ضاله اغمض عين وافتح عين .
1 ت
_واذا اجه وسهر ترى هو مبين
ماخلتني اكمل.
سونه:اله اخلي يبجي دم
مادام هيج سوى وكاعد يراضيهن
عله احسابي وعادي عنده حته لو مايشوفي
اذن جذاب . وماطلكني لاجل مصلحته .
3
_تمكيجت ورتبت شعرها
دك نقالها طلعت تتمايل ردت اطكها
شردت وهيه تضحك.
سونه:شوفي شكد محترمته بحيث
راح افتحله الباب واستقبله
عود ماوصيج الزمي الشباك.
سليمه:كتلج روحي ويا للمزرعه
لاتسويلنا سالفه .
سونه:ماامن اعوف اختي يمج.
سليمه:اخذيها وياج.
سونه:ههههههه ضحكتيني ترى اعرف مخططج.
سليمه:اطلبيني بيتي ماريدجن بي.
سونه:تمام فتحيلنه الباب خلينه نطلع.
سليمه:كولي للباشا اذا كالي اي
روحي الله وياج.
سونه:وقدر.
سليمه:هم اخابر عله اهل فاروق يجون
واخلي عليهم شهود مو بعد يومين يداعوني بيها .
سونه:لحد هذا اليوم احنه مرتبين امورنا.
سليمه:ومحابس ؟
سونه:نستغل الباشا لحد مانخلص محابس
من افات الصعده وفلوسج عله الي
احصله من الباشا ونطلع منا شتكولين .
سليمه؛واذا لعبتي بذيلج .
سونه:مو من مصلحتي.
سليمه:اول مرة لازم نتخلص من علاء.
_ضليت اصفن اباوع لسونه
شلون تحجي .
سونه:وليش ماتستغلين وجوده
بيوم الي هو هنا خليهم يسلمون بضاعتهم.
سليمه:اشور الولد وانشوف شيكولون.
_ومنا بدت سونه تلعب عله الكل
علاء سيس ويا بت نوشه . وشكد
حاولن يطردنا يجي غصبن عنهن .
_واستمرت سونه بسهراتها ويا الباشا
وبيوم سليمه دزت عله بت نوشه اجت
مدري شنو اتفقت وياها . كعدت سونه حجيتلها.
سونه:طبهم مرض الكل .
_لليل سونه خابرها الباشا نهت مكالمتها
وباوعتلي بحيرة .ها شبيج تصفنين.
سونه:يريد اطلع ويا يكول مانتاخر.
_اي روحي ماعليه شي اقفل الباب
بس انتي لاتتاخرين .
سونه:ابد لاتفتحين الباب ماتاخر.
_طلعت بقيت انه مرة اتمدد مرة انام
وبدت سهرت سليمه وبت نوشه.تفاجئت من
سمعت صوتها تحجي وادك بالباب عله كيف.
_سويت روحي مااسمعها .ضلت تحجي وتتحلف
مارديت عليها ايست مني . كمت طفيت الضوى
ورفعت البرده بت نوشه تركص
وعلاء صاير طلي .انتبهت سليمه ماكو ركزت
اباوع وين راحت شويه وخطفت من يم الشباك
كمزت ايدي عله حلكي شعدها واكفه هنا عبرت
لغرفتها شويه وطلعت تتمضحك .
3
سليمه:ترى تاخر الوقت .
علاء:الباشا مايجي.
سليمه:لا راح لام طيبه .
_استغربت ليش كالتله هيج.
طلع يترنح قفلن الباب ورا ورجعن
يتمضحكن .دخلت سليمه لغرفتها وطلعت لابسه صايتها وبيدها نقال تقربت يمها بت نوشه مدري شنو شوفتها خلصنها ضحك طلعن وهنه يتاشورن ضليت دايخه وين راحن كلت استغل الفرصه اطلع للحمام وهم جعت سونه بعد مابيها جيه طلعت وانه ادعي كون مايصادفني احد مامر ساعه ودخلت سليمه تتلفت شافتي .
سليمه:سونه مااجت .
هزيت راسي لا.
سليمه:لمي الصاله.وكفي المطبخ.
_حجتهن وتوجهت لغرفتنا ركضت وراها
شتسوي .لكيتها واكفه بالشباك وتصور
صحت بيها ليش تصورين بيه .
4
سليمه:ها طلع لسانج مو خرسه.
_ مايعجبني احجي وياج .
التفت عليه هزت راسها وطلعت
كلت بس تجي سونه اكلها . صاحت عليه.
سليمه:تعاي موكتلج لمي الصاله.
_ماجادلتها كامت للمطبخ مدري شتسوي.
وانه التهيت اعزل ايدي عله خشمي
من ريحه القواطي مال الخمر .طلعت
شايله ناركيلتها كعدت مخليه
رجل عله رجل وتباوعلي .نضراتها تخوف
ارتبكت طاح الكلاص من ايدي .
سليمه:ثول حته ثول.
_ابد ماارتاحيت لنضراتها
ردت اعوف الكزاز وادخل زمخت بيه.
سليمه:تعاي لمي وانكسحي.
دنكت اريد اشيل بقايا الكلاص
ماحسيت اله رجلها فوك ايدي احس الكزازه
دخلت بنص كلبي صرخت بكل قوتي ماوخرت لحد ماتاكدت فات نصها بيدي ضليت اطفر انكت بيها
والدم ترس الكاع وهيه تكفخ بيه.
7 ت
سليمه؛حته تعرفين ماخايفه من اختج
وساكته بمزاجي،.
قربتني للناركيله مطلتني بالكاع وكعدت عله صدرت
سحبت المنقاش شالت بي الجمرة فرت روحي توسلت بيها ضليت افر براسي مناومنا .
سليمه:خلي اختج تنفخ عليه وطيرني.
مدي السانج بسرعه .
6 ت
_اتخبلت اصرخ واحلف بيها
بروح امج والله بعد ماعيدها .حبوبه حبوبه عوفيني.
باوعتلي وماضنيتها بهاي الحقارة والدنائه شكد جنت اكول ماعدها شرف ولا اخلاق ولا دين بس مو هيج
مدت ايدها لدشداشتي جرتها فكيت عيني بصدمه.
سليمه:اختاري بالسانج لو اخليها
بصدرج لحد ماتطفى .
_نزلن دموعي بحركه احس حرارتهم
اقوى من الجمرة البيدها .غمضت وانه اعاتب ربي
عصرت فكي بحيث اصابعها نبتن بخدودي
مديت الساني من الخوف ماحسيت بالم الحرك
لحد مابعدت عني .
_هزيت راسي اي وانه ازحف للغرفه
ماقفلت الباب بعد منين اخاف وشيصير
اكثر من ألصار . احس حلكي اشتعل نار
مااكدر ابلع ريجي ضليت محتارة شلون ابرده
فاكه حلكي والوب . مدري شنو هل البروده الزمتني
بردت بحيث ارجف ولساني مشتعل نار زحفت للفراش
خفت اخابر عله الباشا وين اشكي ضلمي اللهي
اتقربت للنقال اديه ترجف دكيت عله مديحه ماردت
دورت رقم محابس دكيت وانه اون رد بثكل .
محابس:ها شعدج مخابرة .
_ماكدرت احجي قربت حلكي للنقال
ونيت بعبره اممم امممم . صفن ثواني ونوب صاح.
محابس:شبيج وين انتي احجي
سونه سونه .
_حسيت بخطوات يم الباب شمرت النقال جوى الغطه
دخلت سليمه تباوعلي بشك. خذتلها نضرة
سليمه:مااسمعلج صوت مفهووووم .
4 ت
هزيت راسي اي. طلعت
مديت ايدي للنقال طلعته ساد الخط
بسرعه كتبتله رساله الحكني انه قدر
بس وصلت حذفتها وشمرت النقال
دقايق واسمع الباب تفلش .
سليمه:شكووو .
_دخل وهيه ورا باوعلي بصدمه:
محابس:منو سوا بيها هيج .
_خزرتني سليمه دنكت بخوف .
محابس:تحجين لو شنو .
_رفعت راسي لكيته خانكها .
محابس:جنيتي عله روحج باجر اخابر راضي
ترجعين بيته ويطلكج مالج كعده بينا.
7
سليمه:عليمن محترك كلبك ترى من العصر
هيه بحظنه وهسه خابرني جايين بالطريق
اطلع ليش تخليني انهيها . وهو ماباقيله
ايام ويطلكها .
_صفكها راشدي بكل قوته صرخت
وهيه تلزم خدها.
سليمه:اطكني ولك عله شنو طكيتني
مو اتفقن ويه الضباط يعلسن بينا .
محابس:اشششش ماريد اسمع صوتج .
لو اعرف اسلم الصعده كلها كون اخليج
تفترين بالشوارع.
_دفعها وجرني .طلعني للصاله.
محابس:شو بله شبي حلكج.
_مديت لساني غمض عيونه بااسف
كام بعصبيه مالحكت تشرد جرها
فلشها تفلش بس العجيب ماحاولت
اطكه ولاصرخت بس ادموعها تصب.
13
_اندك الباب دفعته وهيه تحجي .
سليمه:اصعد للبيتونه بسرعه
امشييي .
محابس:راجعلج سهله .
_ركض للدرج وهيه راحت للباب
دخلت سونه بيدها علاليك بهت من شافتني
حته جنطتها طاحت من ايدها . ضلت متصنمه
بمكانها وتلطم .
سونه:يمه يمه شبيها شبيها
احجي سليييمه احركج وروح جويسم .
سليمه:ادبتها موخوش ادميه
تفلت بوجهي .
_هجمت عليها سونه ضلن وحده اطك الثانيه
دفعتها سليمه ودخلت لغرفتها .توجهت عليه
كومتني .
سونه:احجيلي بس احجي ولج ليششششش
سليييمه جنيتي عله روحج .
_لزمتها من ايدها انتبهتلي اشرتلها
عله الباب . ركضت قفلته واجت كعدت كبالي
مديت لساني لطمت عله وجها وهيه تبجي بعبرة
مثل الطفل فرفحت .
_نهت مكالمتها وكامت تفتر بالغرفه
شلون المخبله . مدري ابجي عله روحي لو عليها.
صفنت وعبالك اذكرت شي دنكت اخذت نقالها
عبالي تخابر محابس .
سونه:وتريدني اثق بيك وانته شتكلك
سلوم تنفذ مع الاسف .وانه عبالي صدك مشتاقلي.
10
_سدت وكعدت كبالي.
سونه:وحق كل دمعه من عيونج اله اندمهم.
1 ت
_قطع حديثها صوت الباب
كامت وهيه تحجي. بصوت عالي.
سونه:سليييمه كومي فتحي الباب خل ربيع
يدخل يداوي قدر .لا تسوين روحج ميته
ترى احرك البيت عليج .
سلمه:انعل ابوج لابو قدر .
_الم ياكل بكلبي عيوني قفلن بس مااكدر انام
دخل ربيع وهو يستغفر شاف الساني هز راسه بااسف
ربيع:ليش هيج مو خطيه.
سليمه:شوف شغلك بدون لغوى.
2
ربيع:هذا مرهم بس لازم يشوفها دكتور حروق
لا باجر يلتهب السانها اكيد.
سونه:اطيني مسكن خليها بس تهود
عله مايصير الصبح.
_انطاها عصارة وحبوب وطلع
رادت تبعه مديحه لزمتها سونه.
سونه:ماحلفج بشي لان ماعدجن غالي
بس اذكري بيوم تحتاجيني .
1 ت
مديحه:شتردين كولي.
سونه:تشوفيلي منو عنده لو شويه ....
7
_لطمت صدرها مديحه.
مديحه:تردين تشربينها ولج تموت
خاف يصير عدها تسمم .
4
سونه:مو الها .
_هزت راسها مديحه اي وطلعت
اليل طويل لو الموجع يحس الساعه ماتمشي
مافاد لا مرهم ولا مسكن فرت روحي .
سونه:كومي برا بلكي الهوى البارد يبرد لسانج.
_طلعتني وكل ضنها ابرودت الجوى يتهون عليه
حرارت الحرك لفت اجتافي بطانيه وكعدتني
بالطارمه للصبح احنه دموعنا تصب رفعت نضري
للسما اللهي انت الشافي ربي ارحم قلة حيلتي .
سونه:كومي اكيد يسمع منج
لان انتي انضف مني .
_مدري من التعب لو القهر لو الحبوب
نمت فزيت لكيتها كاعده يم راسي
ودموعها تصب.
سونه:ها شلون صرتي.
_كسرت خاطري ماكدرت اكلها الالم زايد
سكتت . يومين وانه امثل عليها مابين وجعي
كبالها بس العجيب تتصرف اعتيادي
بدلت وتمكيجت اباوعلها حلوة بس حزنها واضح
سمعت صوت الباشا دنكت عليه باستني وطلعت
تغني واحس بيها تصرخ رغم بحت صوتها تطرب
اكبر واحد بس محد يعرفها بكدي دخلت تمسح بدموعها .
سونه:تكدرين تضمين روحج
دقايق اريد الباشا
يدخل يمي .
_هزيت راسي اي وزحفت جوى
الجربايه صاحت عليه.
سونه:باشا .
الباشا:ها سمرة .
11
سونه:اذا تريد تثبتلي انك مامتفق ويه سليمه
عليه اتنفذ الي اطلبه منك .
الباشا:حلفتلج ولو مااعرف هيه شسوت
وليش انتي مغثوثه.
سونه:بيوم الي طلعت وياك
مخابرة مديحه مقشمرتها عله اساس انه
رايدتها ومن جايه كاتلتها .
الباشا:ليش؟
سونه:لان هيه الجابتلي الحبوب وسقطت .
الباشا:لا موهيج بس جان متي لان تصرفها غلط.
2
_يعني لو انه ضامه عليك ومخليته وصلت اشهر
بعد مااكدر اذبه شتسوي.
الباشا:اكيد انه مو مجرم خو ماقتله
بس اخذه منج.
_كتمت نفسي احس العبرة خنكتني
من يمي انقهرت الله يساعد كلبج سونه.
سونه:بس انه مو مثلك عندي
استعداد اموته ولا انطيكيا .
الباشا:جا اخذي احتايطج منا وهيج
حته مانضطر لهيج امر.
سونه:صار بس مو اليوم
الباشا:جا شوكت .
_طلعت جني بزون .
جريتها وانه ادور عله النقال .
سونه:تعاي انه اسولفلج.
_كعدت كبالها .
سونه:باجر لازم ننفش البيت عله النقال
الجان بيد سليمه بيوم حركتج اكيد صورن بي.
_هزيت راسي أي.
سونه:وبعدها اطلعج منا.
_درت وجهي منها بزعل.
سونه:ايام واتبعج ايام بس خل ابجيها
واخذ حيفي منهم .
_ثاني يوم طلعت سليمه
كاشخه عله حبايه ونص.وتتبسم بشماته.
سونه:ها وين .
سليمه:الباشا خابرني سهران يم ام طيبه.
_سكتت سونه .وسليمه طلعت.
شويه دك نقالها كامت جابته. فتحت
خط وخلته بصفها وردت بدلع.
سونه:باشا توها طلعت .
الباشا:خوش اجيج.
سونه:لا وين تجي غير قفلت الباب.
الباشا:جا المن خليتيني اخابرها.
سونه:حته احرك كلبها.
الباشا:جا خل اروح يمهن احسن.
سونه:كيفك خو ما اتوسل بيك
هو انته ماتستغني عن ام طيبه.
_اباوعلها بصدمه وهيه مامهتمه.
يربي دخت اصفن بي لو ادوخ بيها رد بلهفه.
الباشا:استغني عن الدنيا بس كون انتي
تمشين عدل وياي.
19
سونه:ادري بيك تشك بيه
وحته اثبتلك ماعندي شي نبقه
فاتحين خط لحد الصبح.
الباشا:سمرة وتالي وياج.
_ردت اكوم احس بروحي صخنت
جرتني مكعدتني.
سونه:جا شسوي غير حته تطمن.
الباشا:وانه راح اثق بيج
يله سدي عندي كم شغله اكملهن
وخابرج .
سونه:ها تريد تروح الها .
الباشا:هههههههههه لا وداعت عيونج.
1
سونه:خوش باي .
_سدت وكامت ركض لغرفة سليمه
لكتها مقفوله . باوعتلها بقهر
هزت ايدها وتوجهت للمطبخ جرت الكرسي
وصعدت تبحوش فوك الكاونتر نزلت وهيه تهز ركبه.
سونه:يابه اذا مابجيتج ياسلوم.
7
_توجهت للغرفه وانه افتر وراها
مثل الثوله . وعجيب شلون تعرف مضمامها
بدون مادور دنكت رفعت مندر الجربايه
باوعت اكو قماش مدري دشداشه قديمه
سحبتها نزلن دموعي خفت من الي نسوي
التفتت عليه .
سونه:بس اليوم احسبي شبقى كم ساعه
ويخلص اليوم .
_باوعتلها بتسال .
سونه:بس كون الله يوكف بدربج
ادعي انه مايسمع مني لان عندي ذنوب
باجر اطلعج منا .
حاولت احجي بس الم الساني يعيقني
رجعت كلشي لمكانه وجرتني طلعنه
من غرفة سليمه حاولت تفتح النقال طافي مدري شبي .
سونه:شلون نعرف الي بداخله.
_رجعت كتبت الها
خاف من ينفتح يوصلها اشعار
كوى فهمتها. خاف مسويات بي مصيبه
وطيح براسج .
سونه:تمام .
_اليل كله احنه نخطط والباشا كل شويه متصل
عجيب كلامه مال واحد عاشك بس ليش هيج
يتصرف وياها . لحد ماكالتله.
5
سونه:يله سده خل اخابر سليمه اكلها لاتنتضر.
الباشا:ههههههههه واذا هلست اعطوبج.
2
سونه:تخاف منك.
الباشا:تمام يله باي انه خل اشرد
راح اغلق جهازي وباجر اجيج .
1
سونه:انتضرك.
_سدته وشكد حاولت امنعها
عاندت اله تتصل بسليمه.
سونه:ها سلوم اكلج ترى الباشا راح لبيتهم
لاتنتضرينه تعاي باجر يجي هنا يسهر.
_ماانطتها مجال ترد سدت وكامت قفلت باب الغرفه
كل ماتمر ساعه احس كلبي ينعصر شكد حاولت تطلع وياي رفضت .كامت طلعت الفلوس وخلتهن بعلاكه.
سونه:صيري شاطرة لا تضيعين تعبي
كون بوجهج للمركز ديري بالج احد يلكفج
لو ياخذ التلفون منج .
_وشكد كصيرة ساعات الوداع
ثاني يوم صبحت سليمه تصيح
وتسب .
سليمه:وين تردين توصلين سونه
كل عقلج يترك ام طيبه.
سونه:كافي قابل ماخذه بي طابو .
1 ت
سليمه:تحلمين .
سونه:ليش محترك كلبج خو هم
اخذلي ويا فترة
واعوفه خلينا نستفاد .
_ضلن يداهرن وانه كلبي يدك
خاف سليمه تحس بالنقال اجه الباشا من وكت
نصبت سهرتها سليمه. وسونه كلبت خلقتها كلاب
لبست بدله وتمكيجت طوخ تخبل من شافها
بعد ماركصت دخلت تغير ملابسها وتحاول ماتباوع بوجهي بجيت ركضت عليه .
سونه:اشششش لاتضيعين الفرصه
اكيد من تحجين للشرطه راح يجيبونج
ويجون اطلع وياج .
_اشرتلها عله الساني شلون احجي.
سونه:وانه تعمدت ماداويتج حته يصدكون
اكتبيلهم مثل مافهمتج .
_كامت مدري شطلعت من كنتورها
جيس زغير خلته بصدرها وطلعت
ضليت حايرة وكفت بالشباك اباوعلها.
خلت سليمه تركص وهيه اخذت اكلاص الباشا
للمطبخ خلت بي ثلج ورجعت .
5 ت
_وهو شلون المسطور اقل الساعه
وصار تشريب .
الباشا:ولج سلوم شخليتي بالمشروب .
_كام يريد يكتلها .وكفت بينهم سونه .
سليمه:انته كثرت باشا.
سليمه:معوده خل يروح لايصير بي شي.
سونه:شحطيتيله .
سليمه:ايا بت التالف ولج هو كثر.
سونه:خابري للخال خلي
يودي عليه احد ياخذه.
_ابتسمت سليمه .
سليمه:اي فرصه نشوف الثكيل .
7
_كمزن ثنينهن من سمعن صوته صاح عليهن
طلعت سونه تركض وسليمه خابرت شخص
تحجي ويا وتتمايع سدته وطلعت .
_ماودي الوقت يمشي وتراجعت
عن خطتنا بس هيه اصرت .
سونه:نبقه جوى ايدها .
_الباشا ماراح يسكت وهو ماخلتني اكمل.
سونه:ينساني تعوضه سليمه بغير وحده
هذا والي مثله حبهم سوالف ليل
بس يطلع صبح . ينساني.
3
_شبكتها ابجي بسكوت .
سونه:يله هذا مايدخل سيارته يم بابنه
يخليها بالركن انتي لفي روحج لف
ومادام يدرون بي هنا ماراح يهتمون عبالهم
انه طلعت ويا ماوصيج واذا تضايقتي
عله ايدج اليمنه بيت مديحه دفعي الباب ودخلي.
_احس انخمش كلبي من صاحت سليمه
وصوت نقالها يعلن عن وصول الشخص .
ركضت سونه جرت العلاكه خلتها بيدي
ردت احضنها دفعتني وطلعت .
6 ت
سونه:بس ااشرلج اطلعين .
_اختنكت اريد اصرخ ياربي رحمتك.
_اسمع سليمه ترحب
سليمه:هلا ومرحبا تفضل.
ركضت وكفت ورا الباب
وهمه انشغلو يحجون . طولو احس الكاع افترت
بيه الغرفه ضلمه النفس ضاك عليه .دك كلبي ويه
دكات اطراف اصابعها فتحت الباب دارت وجها الهم
ماخلتني اباوعلها طلعت امشي عله اطراف اصابعي
نزلت البوشه عله وجهي طلعت وانه ارجف
مدري خوف لو برد . ادموعي تصب مدري من الم
الحرك لو من قهري وضياعي لو حسرتي عليها شلون عفتها راح تحلكني لو لاامشي بهمه اتلفت وكل شويه اكمز الشارع بعيد شيوصلني صرت بصف البيوت رب العالمين رحم بحالي بيومها برد ومطر احس الهوى يكص بعضامي كل اشويه اعثر بسبب البوشه
عبرت بيت مديحه والخوف سيطر عليه
من اذكرت وصف سونه لمكان النصافات
تبنجن رجليه صرت بصف السيارة ماكدرت اتحرك
انشلت حركتي من شفت خيال شخص واكف
دنكت وانه ادعي اللهي اخذ عمري ولا تخليني
بيدهم صوت انذار السيارة وشتغلت لايتاتها
التفت اباوع وراي خيال يتقدم ناحيتي
رفعت نفسي اريد اركض لزمت بالباب اجه بيدي
تفاجئت ضليت اتلفت بخوف رفعت وجي للسما
ربيي بكيفك انته تعلم بحالي اليرضيك سوي
جريت الباب وصعدت طبكته عله كيف وبسرعه
عبرت للجنطه الورا كرفصت روحي
شويه واقترب واحد يم السيارة وهو
يسب بالي ويا.
3
!!دصعد معود .
1
_صعده بالصدر وسد الباب ودار صعد
!! خره بهيج ونسه معقوله توصل
لهذا الحد فكر بوضيفتك .
!اووو دفضها امشي معود هو انته المن اجيت.
_يحجي بعصبيه وكف كلبي
من سمعت صوت الباشا،
ضليت اعض بااديه لا يالله .
!!لو ما الخال يتصل بيه فلا اوصل
اخليك للعبيد تلعب عليك.
!هههههههههاي غير يخبلون.
3 ت
_تقربت من باب الجنطه بحذر
كلت بس يوكف افتحه واشمر روحي
مشت السيارة هواي .
وهذا رابط نقاله عله السيارة
وترني من كد مادك وهو مايجاوب .
تالي رد بصياح .
!!يابه شكو يعني اسوق اسوق افهم
مارديت عليك ليش تلح
_وانه شمدريني بيك تسوق
وين انته شعدك طالع بهل المطر.
!!اتونس اتونس .
_ههههه لا صدك وين انته ضل بالي .
!!خابرني الخال عله هذا الغضب
صاير ثريد جبته وهل حاير بي وين اودي .
_دجيبه يمي انه لوحدي بالبيت.
3 ت
!!خوش جايك دفتح الباب انه قريب عليك.
_همه يحجون وانه عيوني طفت
احاول اكتم نفسي ضليت مكرفصه
روحي اتلمست الباب ادور عله اليده منين ينفتح
كلت بس يوكف اطفر .تلفونه ماسكت خفف من سرعه السيارة وهو مستلم الباشل غلط.
!!!من نعلله شكلك نوب غافي .
_يتصلون بي وهو يرفضهم اخر
شي رد بعصبيه.
_شكوو.
_رد عليه الطرف الثاني بضحك.
!!شبيك معود قلقتني
.وين صرت مو كتلني البرد .
_حجه بصوت مرعب رجف كل خليه بجسمي
معناها حاس بوجودي داخل السيارة
2
_اششش اكطع الصوت خليني اركز.
4
!!ولك شبيك بس فهمني معود اكو احد تابعك
_لا بس يمكن تايهه.
4 ت
!!شنووو منين اجتك والف مرة الحجي
وصاك من تطلع كول ياربي كفيني شر التايهات .
7 ت
_رد وحسيت بي قاصدني .
_ماكلت لان جنت بنصهن .
11
!!!!ههههههه خوش عاد حمامه غرابِ
_ماعرف لحد الان ماشفت
!!!واذا حيه .
_نكطع ذيلها قبل راسها.
صباحكم ورد
بارت يستحق الانتضآر
اتمنى تقدرون التعب
بالنسبه للبنات الي تعلق وطالب بالابطال
ترى كتابتي تخص الشارع وسونه واختها
اكدر اختصر واضهرلكم الابطال وتنتهي الروايه
بس عدنا سوالف بهذا الشارع ماتخطر
شكرا لزيارتكم عالم روايات سكيرهوم
