رواية بيوت الصفيح الفصل الثامن والعشرون 28 والاخير بقلم زهراء السراي

ولكنّي أركضُ لا إلى شيءٍ

فقط لأنّي لا أعرفُ

كيف يتوقّفُ المرءُ حينَ يتعبُ

.

.

.

.

.

.

.

.

صِبى

_______

روحي حيث أنت

الصفحة: ٣٠١

ما أدري شنو اليوم وشنو التاريخ وشبيه

بس أحس هذا آخر يوم أگدر أتحمل بي

حبيبي الدنيا طلعت أقسى مما تتصور 

واللي جاي اعيشه هسه أسوأ من كل

شي جنت تحاول تحميني منه

جنت مرات تگلي انت قوية

وأگلك طبعاً اني اخت فرقد

بس آسفة كذبت عليك

ما جنت قوية جنت أتظاهر

جنت أحاول أبين بخير

لأن إنت ما تريد تشوفني مكسورة

بس الحقيقة 

أني انكسرت من يومك 

من أول لحظة غمضت بيها عيونك 

واختفت انفاسك وطولك الحلو من

الدنيا

بعدك بقيت أقاتل وطلعت أقاتل

حتى مشاعري حتى أعيش شفت

هواي بشر 

ودورت عليك بكل الوجوه وما لگيتگ

انت الوجه الوحيد اللي ممكن يحيني

بعد موت وبعد ماظنيت أني لگيت شخص

اعيش ويا واعيشله طلعت ظنوني مو بمحله

وطلع موضع أماني هو نفسه موضع الانكسار بحياتي

لذلك أحس بعد مايربطني شي بالدنيا غير نفس

تعبان اتمنى ينگطع 

تعبت حبيبي مو شويه

تعبت لحد ما صرت أتمنى النوم

مو راحة لا

أتمنى نوم ما أصحى منه أبد

إذا إنت تگدر تشوفني 

احضني ولو بحلم

أريد بس حضنك أريد أختفي

_______

سديت الدفتر واني ماشية بالسيارة

ورايحة بطريقي لمكتب أسد

بمحاولة أخيرة مني لأنهاء الزعل

طلب نلتقي بس ماحدد موعد ولا مكان

لذلك قررت أروح للشركة مااريد

أي سخافة من سخافاته تتكرر اذا

اجاني للبيت مااريد اضعف بحضنه وانسى الزعل لازم نتفق على كل شي

بما أن المصعد مشغول صعدت الدرج

طابق اول ثاني ثالث وصلت

ومشيت كم خطوة بين الدرج

وباب المكتب مالته الباب

مفتوح شويه اباوع واگف ظهره

للباب ووحدة ويا لابسه أسود

ظهرها يهتز واضح تبجي من صوت

شهگاتها

المكتب هادئ وبس صوت أنفاس متقطعة تطلع

منها وهي تبجي بلحظة صدمة وتردد اني

اطلع لو ابقى عرفتها هي ماكو غيرها عرفت من

صوت حنيته عليها وهو يحجي

وياها

مد إيده لزم أيدها ربت عليها بحنية و بصوت 

هادئ واساهة 

-صفا معقولة انت هيج ضعيفة اني يمج لا تخافين

ما راح أتركج بهالظرف 

فتحت الباب بالكامل وتجمدت عيوني على

مشهد راسهه الي سندته على

صدره وهي تبجي بوسط الصمت الثگيل

اللي مجتاح المكتب

دفعت الباب ودخلت وبصوت مهزوز سلمت

-السلام عليكم

هم الاثنين التفتو مبتعدين 

ابتسمت بوجههم هي طلعت راكضة

من المكتب وهو گعد عالكرسي مالته

يدعي عدم الاهتمام

حاولت مااحجي واكبح احساسي بالغضب

بس للأسف محد يستاهل قهري وحرگة

گلبي

-هاي شنو أستاذ 

باوعلي بنظرات باردة ولهجة مغلفة

بعدم اهتمام

-هذا شي ميخصج ومجنت أغازل واااضح 

جنت أواسيها

-تواسيها بهالقرب بهالطريقة

بدون اكتراث لمشاعري وان ممكن هالشي يجرحني

وگف وترك كرسيه وهو يعدل جاگيته ويسد

ازرازه

باوعلي وبنبرة ثابتة نطقها

-كل واحد يسوي اللي يريده ويريحه

انتِ مو عاندتي وداومتي مسائي تحت رفضي

وبدون متاخذين رأيي وتركتلج حرية

التصرف 

بالمقابل اني هم اليه حرية التصرف

دموعي ملت عيني وحاولت ابين الثبات

عكس عاصفة الحزن والخذلان اللي اجتاحتني

ارتجف صوتي واني ارد

-حرية التصرف مو معناها تحضن حبك القديم

وتخليني بموقف الغبية اللي زوجها يخونها

گدام عينها وتسكت 

وگع دفتر مذكراتي بالگاع من ايدي وتبعه

التلفون نزلت للأرض التقطهن وارتجفت

ايديه ثواني وايده انمدت رفعهن بدالي

ووگف لزم ايدي وتغير صوته

-لترجفييين كافي

بعدت ايده بقوة وسحبت الاغراض واني

التفت طالعة همست بضياع

- رجفة ايدي لاشيء أمام رجفة واهتزاز يقين

گلبي ومشاعري ناحيتك اليوم وهنا بترت كل شي بينا

أسد الله 

تغير صوته لخوف من انقلاب الموقف علي

ولزم ايدي يمنعني اطلع

-انتظري صِبى أفهمج دقيقة

-لا فاهمتك أسد هاي النهاية

لأن مااگدر كل مايصير خلاف بينا بالمستقبل

اشوفك تروح لحضنها حتى تثأر لنفسك

مني كل ماازعل تروح لحضنها حتى تجرحني

وگف حاير شيرد افتر بمكانه يعض على

شفته يحاول يسيطر على توتره

-غلطت يمكن بكلمتي بس الموضوع مو مثل

ماتتصورين

-شلون مو مثل مااتصور واني اشوفك

بعيني تمسح دموعها بأيدك وتوعدها

تبقى وياها وتسندها

-صِبى البنية مكسورة بأبوها

شراح اسوي اذا اشتكتلي حزنها اكسر

خاطرها زيادة واطردها بره

-هههههههه لا تكسر بخاطري اني عادي

تكسرني اني لأن صفا وجعها أهم 

انفعل وبده يعيد بموضوعنا

يحجي ويتنفس بعمق حتى ميرتفع صوته

- صِبى صِبى صِبى انتِ همممممم ماقصرتي

مااحترمتيني ولا احترمتي رأيي

داومتي من وره ظهري

-وهالشي يخليك تلتف من وره ظهري وترجعها هناااااا

-اني الي حرية التصرف بعد اللي سويتي

الي حق اتصرف مثل مااشوف شنو الفرق

بين عنادج وتصرفي

-الفرق أن دوامي مابي أحضان ولا لمسات

ووعود بالبقاء دووووام بسسس بدون

خيانة

-خياااااااانة اني غلطت يمكن ………

قاطعته وضحكت

-ههههههههههههه يمكن غلطت

-اييييي يمكن بس مااتحمل أشوفج تحكمين عليه

وكأنج متعرفين گلبي ويييين

-گلبك ومن هاللحظة عرفته مو اليه ولا جان بيوم

اتمنى تحسسسس باللي حسيته هسه

أتمنى تنكسر من موقع ثقة مثل مكسرتني

مشيت للباب وركض حضني دفعته والتفتت

-اتركنييييي الموضوع مينحل بحضن

لزم ايديه الاثنين بقوة يحاول يثبتني حتى

مااتركه واطلع

-اترررررررك ايدي أسد

-اسمعيني والله اللي شفتي

مو مثل اللي تفكرين بي مجررررد بت خالي

مجرد مواساة اقسم بالله

-الحقيقة واضحة صوتك الهادئ مواساتك

مااتذكر مرة هديت وجعي ومخاوفي

بهالطريقة طريقة حبيييب خايف على مشاعر

حبيبته

-والله لأن وياج مااحتاج ابينلج ضعفج لأنج

انت قوتي لأنج شجاعة متحبين الضعف

بس هي ضعيفة وتخوف بوقت الحزن

تحاول حتى تنتحر لذلك الكل سندها مو بس

اني فهميني انت هم مريتي بفقد فقدتي

اخوج ………………

قاطعتة بصوت مهززززوز 

-اياااااااااك تقارن حزني على أخويه

واني لوحدي بلا سند بحزن صفا

اللي الكل واگفلها واولهم زوجي ايااااك

تقارن وجعها بوجعي واني اشوف وحيدي

ينقتل گدامي  شعبالك جنت قوية

من فقدته انجنيت لشهووووور واني انتظره

شهور واني اوگف عالتل واشوفه يفتر ويشتغل

بين الشباب هااااااي صِبى القوية

لازلت بكل بيت اسكنه انتظرة يم الشباك

بلكي يمرني لو ثواني شفت القووووة

ارتجف صوته وهو يحاول يحتويني ويحتوي

الموقف

-اني موووو قصدي أجرحج ولا أقارن والله

-القصد مو مهم بعد 

الفعل هو المهم

اسندها أسد محتاجتك أكثر مني

أسندها للأبد لأني بعد مااحتاجك

هيج يخف حملك وتركز بشي واحد وشخص

واحد من هاللحظة واليوم رجعنا غرباء  

طلعت تاركة المكتب ضحكت على مدى سذاجتي

ومحاولتي للصلح لأن گلبي الحقير يريده

صعدت تكسي واخذتني روحي لحديث 

الوم بي نفسي وانعى حبي الغلط

-هاي هي صِبى راح يبقى أسد للأبد

مخليج بخانة البطلة اللي متحتاج سند

البطلة الخارقة اللي تلعق جرحها وتگوم

يبخل عليه حتى بمواساته واغدق

عليها هي بوعوده انتهى كل شي من اليوم

هو الها واني لنفسي

وصلت البيت وگعدت بالغرفة بدون مااحجي

كلمة 

سومة و مُنى بالحديقة يراجعن

سومة متحملة مسؤولية قراءة مُنى

وتقريها دائما لليل انطني المساحة

ومحد وجهلي سؤال

نامت مُنى بالصالة وهي تقرأ

ساعة بالوحدة دخلتلي سومة

للغرفة باوعتلي بدون حتى

ماتسأل گعدت بصفي عالسرير

سحبت راسي سندته على كتفها وسألتني

كلمة وحدة

-شسوالج 

وانطلقت بشكوى لأول مرة انفجر غضب

ودموع اشكي تعب سنين وخذلان گلب

-سمية اني تعبت والله تعبت 

تعبت اكون قوية بسبب الناس اللي مفترضين

اني قوية 

نزلت دموعي وصوتي الحزين رجف

- اني طول حياتي ما عرفت شلون أشبع

مو بس جوع الخبز حتى جوع الحنان جوع المشاعر

من فتحت عيوني وأنا أشوف أمي تبجي وأبوي سكران  وبيتنا فارغ

فارغ من الاكل ومن الدفو ومن الامان

ومن كل هالفوضى جان عندي فرقد 

أخوية سندي كل حياتي هو اللي جان مهون عليه مر الايام

و راح من بين إيديه بطلقة غدر جان المفروض يستقبلها صدر غير صدره موته ما أتحمل أتذكرها انكسر كل شي بيه يوم دفنو وانتهت حياتي بس………

وگعت دموعي واحاول اتماسك ابتسمت أبتسامة مرة

-دخل حياتي أسد بعد انكسارات هو الأمل اللي دخل حياتي حسبته رح يعوضني عن كل شي ضاع

اقسم بالله مادورت ويا مادة ولا حياة اجتماعية

ولا رفاهية دورت مشاعر مجردة وقت اللي

سندني بشغلي بوفاة خالتي گلت هاي هي

الحياة نصفتني لأن بعد كل انكساراتي حبني

بدون مقابل لكن للأسف بعد حين اكتشفت

ان مساعدته جانت مجرد شفقة

وان هو مو سند للحياة جانت مواقف شهامة

عابرة تخللتها مشاعر حب وبسسس

-شلووون معقولة يمثل عليج

-لا لا مامثل هو جان عنده مهمة وحدة

بهالحب والزواج اني اكون سند وفعلا كنت

سند  تتذكرين من جان مريض

من الدنيا سحبت كل قوته وخلته ما يگدر يوگف على رجله وگفتله اني وجنت عكازة

ما فارگته لحظة

ماحسسته انة وحيد رغم اذيته اليه بوقتها

جنت اساعدة اضحكه واني من جوه متحطمة وموجوعة من تغيير مزاجه وكلامة الجارح

جنت عكاز وظهر وحضن وبيت

بس هو اول متعافى نسى وحن للهشة الرقيقة

احسة ماشاف حبي اله

خوفي علي كل شي مشاف بس القوة

وهاي اكثر كلمة تذبحني من يگلي انت قوووووية

عاااااادها اليووووم انتِ قووووية وهي متتحمل

كأني والرقة نقيضان 

هو ما يدري اني ما انولدت قوية

اني صرت هيج بعد ما الحياة ضربتني الف كف بغياب احبابي بعد ما جعت أيام وتعريت ايام

واشتغلت مثل الرجال حتى أوفر اللگمة لأخواتي والعلاج لخالتي هو ميدري اني ما اختاريت القوة سمية القوة فرضتها الدنيا عليه حتى ما أنداس

وللأسف هو يشوف الرقة بس باللي توگع بأبسط مطب  وتبجي وتستنجد ما يدري إن أقسى شي هو تبجي وإنتَ واگف اني ما گدرت اوگع لأن إذا وگعت محد يشيلني هو يحب الهشة لأنه يگدر يحميها تحسسه يمكن بأهميته بس اني لا 

-ليييييش ماحجيتيله

-ماحبني بتفاصيلي عمرررره مااهتم بسؤالي عن شي من الماضي مااگدر ابوح بكلام والمقابل مسائل عالأقل عن سبب حزن عيوني بس هو رادني درع لوقت عازته واني 

تمنيت مرة وحدة مرة وحدة أحس إني مو مضطرة أكون الدرع مو مضطرة أشيل روحي على كتفي

حتى ويا الحب حتتتتتى من حبيته بقى على عاتقي ثگل روحي وثگل غيري

-واجهي صِبى احجيله اللي حجيتي هسه اليه

بوحيله بكل شي يدور بصدرج ليش تبقين تعبانة

-لا انگطع الحبل الرفيع اللي جنت متمسكة بي

وهو مو يشوفني بس قووووة ويگلي انتِ جبل تتحملين فخلي يتحمل نتيجة قراراتي تجاهه

لأن للأسف اللي ما يعرف يقدر قيمة الجبل ما يستاهل يبقى تحت ظله

تنفست بعمق واني امسح دموعي

رجعت شهگت باجية

- كافي ولج لا تموتين 

سندت راسي على صدرها وهمستلها بكلامي

كأني ابوحلها بسر

-سمية

-ها حبيبتي

- اني ما بقت عندي قوة

وحتى جلادة على مواجهة الدنيا

حتى الدموع متكفي توصف وجعي 

أريد أغمض عيوني وأنسى كل شي

واروح لأخويه

طبطبت على راسي وصوت شهگتها واضح

واستني بدموعها وصوتها الباكي كأنها أم او اخت

تحاول تشيل حمل صدري وتقاسمني وجعي

-والله لو أگدر أشيل كل وجعج عنج

دفنت راسي بصدرها وهي تمسح على شعري

بهدوء هالكلمة جانت كافية أن تهذب روحي

من حزنها وتخليني اهدأ

رفعت راسي بعد دقايق باوعتلي

-شراح تسوين

-انفصل

گلت هالكلمة وغمضت عيني واني

أحاول أنام باست راسي سمية وطلعت

من الغرفة تاركتني أنام بس هيهات

ماگدرت تغمض عيني گمت طلعت للحديقة

الجو جان بداية برد خفيف ينعش الروح

تمددت بالمرجوحة ورجعت بذاكرتي لأول

أيام رجعت بيها من غنى بعد ولادتها

تمددت بالمرجوحة ورجعت بذاكرتي لأول

أيام رجعت بيها من غنى بعد ولادتها

رجعنا أسد وصلنا البيت ودخلنا بعد

ترتيب للبيت غطينا بنوم عميق

وراهة ولمدة يومين اني اشوف

مسألة التقديم وطلعت جبت شنو

احتاجة من اوراق واستنساخات

وتم التقديم وانتظرت بأيام

أنتظاري وبشكل غير مباشر

جان أسد يلمح لرجوعنا نحجي

بالرسائل مرات ونتواصل بشكل طفيف

نسولف عن الشغل الحياة الناس عن

كل شي وجنت فعلا ملت للرجوع

لأن أشتاقله ماجان شي بأيدي

گلبي حكمني بس كل شي تغير بعد

ماطلع قبولي وبمحادثة صوتية دزلي رسالة

-صباح الخير حور بشري طلعت

القبولات

رديت علي وجنت فرحانة هوووايه

فرحانة وتمنيت يفرح ويايه

-ايييي طلع مثل متوقعت

-يااااابه الف مبرووووك ها كيك شتحب

هدية لدوامك

-تسلم كافي مباركتك وسؤالك

-صِبى مو مال مجاملات حبيبي

طلبي تحت أمرج

-بس خط اريد تدبرلي لأن تعرف مسائي

ورجوعي متأخر ………

قاطعني ودز رسالة

-راح اتصل

اتصل وفتحت خط بدون سلام دخل بالموضوع

-شنووو دراسة مسائية

-معدلي ميطلع صباحي طلع قبولي مسائي

ببرود رد وكأنه امر مفروغ منه

-دوام مسائي ممنووووع

-ليش ممنوع شنو بي خطأ هذا هو قبولي

طلع واني مرتاحة لهالشي راح اداوم

-مصرة تعانديني

تنفست بثقل أحاول انظم انفاسي وأرد

-أسد مو عناد هذا حلمي اريد أكمل دراستي

-حلمج دوام مسائي ترجعين بتالي الليل للبيت

تركي القبول وأقدملج بجامعة حسب الاختصاص

اللي تحبي وبالقسط اللي يطلبو

-لا مااترك انت متعرف شلون تركت دراستي

وبيا ظرف تركتها قبل ماالتقي بيك

الدراسة بالنسبة اليه مو ترف مو شغلة

فلوس ولا اقساط هالدراسة فرصة

حتى أصييير أنسانة جان يتخيلني فرقد

اصيرها

-صِبى مصرررررررة على هالدراسة

-اي لأن ببساطة هاي حلمي حلم خاص بيه

شي اريد احققة لنفسي

-صِبى يااحنه سوه يا هالدراسة

الطريقين سوة ميلتقن اني ودراستج المسائية

منلتقي تردين صباحي وبالمبلغ اللي تطلبي

عيوني الج

-انت قاريني غلط أسد يافلوس يامغريات

انت تعرف شگد مريت بتعب ومطبات خلال

امتحاني جنت احاول اوازن بين تعبك

ومزاجك واختي ودراستها وقمر ومشكلتها

وشغل الشركة وحياتي اللي تنهد گدامي

وبين الدراسة اني فخورة بهالمعدل

واريد ادرس وفق اللي طلعلي ادرس بزودي

اني مو بفلوسك تعرف لو تگلي اسندج

بدراستج افضل الف مرة من تگول اختاري

اي جامعة وباي مبلغ والا ماكو دراسة

-يعنيييييي تدرسين

-اكيد ادرس ليش تخليني بمفترق طرق

بين اكثر شيئين احبهن

-اذا هاي هي

-شفهم من كلامك

-افهمي أن منا وجاي كل واحد ينام عالجنب

اللي يريحه وكل واحد يتصرف وفق اللي

يحبه

-لا افهم انت تريدني بس على قياسك

مو على حقيقتي

-افهمي اللي تفهمي

غلق التلفون واختفى صفنت عالتلفون

معقولة بلحظات تغير الوضع من صلح

جان على قيد شعره بعد عني وعنه وقربنا

نرجع لبعض لزعل ووضعي بين خيارين

ياهو يا الدراسة على مزاجه وحسب ذوقه

أسبوع فات بعد هالكلام جهزت نفسي للدوام

وجبت ملابس وجهزت احتياجاتي

كاملة واني طالعة دگ تلفوني هو

مارديت توقف الرنين ورجع أتصل

رفعت السماعة اجاني صوته

-عندج مجال نطلع لمكان نحجي

-تمام

-جايج للبيت

-اني طالعة

-وين

-اجهز للدوام

-حددي نقطة اجيج

حددتله مكان مرطبات يندلها

سومة و مُنى رجعو للبيت واني

انتظرته اجاني بالسيارة صعدت سلمت

وتحرك بينا ماشي وصلنا للشركة وگف

-اليووم جمعة شعدنا جايين

-اريد احجي وياج براحتنا

صعدت بعد مافتح الحارس الابواب

دخلنا وصعدنا المصعد

وصلنا المكتب وگعدت وهو مقابيلي

گاعد عالكرسي رجله تهتز معناها متوتر

وضايج صافن وساكت وعينه تتجول على ملامحي

بغضب

-تفضل نحجي مو جبتني ليجاي

حتى نسولف

-اشوفج منطلقة ورايحة تجهزين للدوام

يعني أبددددد كلامي ماهز داخلج ولو شعرة

اشوفج طلعتي ولا كأنه وراج رجال انطاج رأيه

وعدم موافقته

-طبعا اكمل واطلع وأجهز لأن مو معنى انت الرجل بهالعلاقة لازم حتى كلامك الخاطئ يمشي عليه

-خاااااطئ

-وحتى لو رفعت صوتك جوابي نفسة كلامك

خطأ واصرارك على موقفك خطأ 

-يعني حفاظي عليج غلط

خوفي عليج ميعجب انت متعرفين الدنيا

شلووون صايرة مااريدج تكونين لعبة

بيد الظروف مرة تتأخرين لليل

وبعدها تدريب وبعدها خفاااارات

-ههههههه تخاف عليه من الظروف أسد

وانت صاير ظرفي الأصعب لهالدرجة

اني صغيرة بعينك بحيث تخاف عليه

من دوام يمكن يمتد لليل شنووو ماعندك

ثقة بيه

-لا تكبرين الموضوع وتديرين دفة الحديث

لصالحج

-طبعاً احجي لصالح نفسي اذا المقابل غلطاااااان

وگف وضرب عالمكتب باثنين ايدي

وبكل قوة 

-يعني البقاء لليل ويه ناس مااااااعرفهم هو الصح

-مووووو ناس زملاء ومو مكان صفوف دراسة

انت تريد امشي على مزاجك واللي تطلبه

بلا نقاش واترك حلمي يموت

تقدم ناحيتي خطوة وخله عيني بعيني ونطق بغضب

جرف ويا باقي مشاعري 

-إنتِ تحجين عن حلمج وكأنه أنا عدوه

إنتِ نسيتي شگد وگفت وياج شگد سندتج 

انفجرت بعد كلامه ومعايرته اليه بماضي

كان

- ما نسيت بس إنت ناسي إنك ما شتريتني

بوگفاتك وياي أني زوجتك مو عبدة دين لازم أدفع ثمنه طول العمر

لمعت عيونه بغضب واطلق سهام كلامة ناحية

گلبي بلا رأفة

-انتبهييييي لأسلوبج بالكلام صِبى

مو لأن كبرتي بدون جبير يرشدج ويعلمج

عبالج الوضع يبقى قائم للأبد عبالج مثل

قبل لتتزوجين محد يحاسبج وكل شي مسموح 

صفنت بوجهه ورجلي رفضت تحمل ثقل جسدي

بعد انهياري من اللي سمعته رديت بوهن محاولة اخفي خذلاني من كلامه

-انت زووووجي مو جبيري

انت درع يحميني موووو سيف على رگبتي

مو اني اللي ينگالي هالكلام مو اني اللي

جان عندي كل شي مسموح

وكل شي بدون حساب غلطان أسد

هووووايه غلطان اذا جنت تعتقد اني هيييج

سكت ثواني يمسح على وجهه يخفي

ارتباكه من كلامه الغلط اللي گاله بحقي

غير الحديث بسرعة 

- يعني مصرة تكملين هالدراسة حتى لو خسرتيني

-إذا خسرتك لأني دورت على نفسي

فأنت ما جنت إليه من البداية

باوعلي بنظرة عدم رضا وخلة عينه بعيني

-يعني مصرة علمود دراسة تبنين

بيني وبينج جدار

شلت جنطتي من المكتب ووگفت قررت انهي هالمهزلة

فماعاد اكو اي كلام يسد الفجوة اللي

حفرها أسد بگلبي 

-إنت اللي بنيت الجدار بكلامك وتشكيكك

بأخلاقي وسلوكي وبما انك بنيت هالجدااااار

اني أرررفض اندفن جوااا

درت وجهي ماشية وصاح

-قرارج ينهي حياتنا

-لو جانت انفاسي متعلقة بي

فمرحباً بالمووووت

درت وجهي وطلعت من المكتب أحمل بصدري

فرحة قرار وعلى أكتافي ثقل الحزن

وبگلبي كسرة الكلام وبعيوني نهاية نظرات الحب

رجعت للبيت غطيت بدفتر مذكراتي

وقررت احجي كل شي لفرقد

يمكن يرشدني بحلم

الصفحة : ٢٩٠

يا وجهَ الغائبِ في قلبي

أما آن لك أن تعود

حبيبي يبدو ان هالذكرى راح تكون

مريرة وثگيلة على مسامعك وگلبك الأحبه

ماعندي شي اگوله بس تعبانة

اليوم انجرحت هوووايه وانكسرت من

موضع ثقتي

اليوم تمنيتك موجود وترد عني تعرف شگالي

الشخص اللي احبه

گال مو لأن ما إلج جبير عبالج كلشي مسموح

فرقد تتصور هالكلمة شلون نزلت على مسامعي وگلبي

تمنيتك بلحظتها

تمنيتك تلمني حتى لو وياك بقبرك

تتخيل الوحدة والتعب وسنين الوجع مالتنا اني وياك

صارت تهمة تجاهي 

تخيل تعبك وياي واحنه نجاهد ان نكووون كبار

نفسنا واحسنا تربيتنا فعلا تخيل ننعاب من هالموضع

أتمنى هالمرة تجيني صدگ

لأن گلبي تعبااااان هوووايه

_______

سديت دفتري ونمت هوووايه نمت

نوم ضعف مو نوم راحة حسيت

بأيدة تمشي على جبيني وصوته يهمسلي

-صبيوووة گعدي تأخرنا

فزيت ادورة واتلفت وگع نظري على

صورته اللي محتفظة بيها داخل كڤر تلفوني

لگيت الكڤر مفتوح وهي على مخدتي

بدون سيطرة على مشاعري انفجرت باجية

دخلت مُنى وسومة يركضون حضنوني

يسألون ماجان بلساني غير كلمتين

-ارررررريد اخووووويه هسه

انهارت مُنى بجانبي تبجي وسومة تحاول

تعرف شبيه حضنتها وبجيت لوقت غير معلوم

وعيت على نفسي اختي تبجي واني منهارة

گدامها وگفت حضنتها وهي تسأل شبيه

-حبيبتي والله مابيه شي بس بجيت لأن

شفت فرقد بالحلم 

-مشتاقتله

-واني هم هوووايه مشتاقتله

سحبتني سومة ويا مُنى وگعدت تسوي

عصرونية خلت كعك وكيك وجاي

وطلعنة للحديقة تناسيت گدامهم

وگعدت أسولف واضحك واستمريت

على هالوضع لأيام لحد ماتم أسبوع

وحان وقت الدوام ولگالي أيمن خط

من اصدقائه قبل الدوام بيوم دگ

تلفوني برقم حمزة طلعتله سلم

عليه وحجينا شويه طلع ظرف

يريد ينطنيا

-هاي دزة اسد

-رجعه اله حمزة ممحتاجة شي

-صِبى اني اخوج ومااريد اتدخل

بمشاكلكم واتطفل بس اخذي مصرفج

وراج دوام

-عندي مصرف والله رجعهم

-لزمي صِبى لتزعليني

اخذت الظرف وضميته

وداومت گمت اروح وارجع بطريقي

بدون لا اتعرف على شخص ولا أختلط

لمدة شهر ضبط كل أسبوع يجيني

الظرف بيد حمزة لو فقار لو قمر

أيام دوام ومستقرين رغم احداث الثورة

اللي صارت وتوقفنا حزنا على شبابنا اللي

راحو فترة بس رجعنا للدوام

وبيوم نايمة وسمعت صرخة

مُنى وبعد ماهديتها وفهمت اتصلت بثانيتها

بأسد بدقيقتة رفع الخط وصوته قلق الساعة

بحدود ثلاثة بالليل

-صِبى شصاير

-روح لقمر للغرفة محاولة تنتحر

ترك الخط مفتوح وراح

غلقت الخط واتصلت وره ربع ساعة بحمزة

جاوبني گال طالعين بيها للمستشفى

بقيت وياهم على أتصال بحدود الساعة

واتصل حمزة گال الحمد لله واعية وجرحها

سطحي الصبح اخذت البنات ورحتلهم

ماخذة ويايه ورد الها دخلنا واتصلت بيهم

وصلونة للغرفة

الغرفة جانت بيضة ريحة المعقمات تخنگ 

وگفت أباوعلها متمددة عالسرير وجها شاحب

وعيونها مفتوحة عالنص كأنها تخاف تغمض

وتنام لأنها متثق بسبب اللي صارلها

خليت كرسي وگعدت يمها بعد ماباستها

مُنى وسومة وحجو وياها شويه اشرتلهم يطلعون

-ليش هيج حبيبتي لهالدرجة تعبانة

وگعت دموعها وباوعت للسگف خجلا من ان تباوعلي

وماردت غير بتنهيدة حزينة

-أعرف اللي صار وياج مو سهل

-ما صدگتني خالة لحد البارحة

تنشر أشياء تبسمرني بيها حاسة اني

اتابعها بحساب وهمي

-ليش تتابعيها ياحبيبتي

-أتمنى تبررلي ليش صدگته هو وكذبتني أني

-أنتِ مغلطانة حتى تصدگج او

لا 

-تعرفين شناشره فيديو لكلب صغير يلعب

بين اديها وكاتبة عشرة الحيوانات احيانا

احسن من بعض البشر لأنهم اوفياء

تقصدني الي رغم زوجها اللي اذاني

وكسرني وتعدى عليه خلاني احس نفسي

قذرة نجسة ووصخة وهي اختارت تصدگه

اله واني لا خلتني وحيدة واختارت حياتها وياه

-هي اختارت الخطأ 

والخطأ ميدوم قمورة فد يوم راح تندم على فعلتها

والله وباوعيلي

باوعتلي لزمت ايدها

-انتِ مو وحيدة كلنا وياج اني ومُنى وسومة

وخوالج وبيبيتج وخالاتج والكل يحبج الج

واختارج ونبذهم

بقت تبجي بهدوء وكل دمعة تنزل كأنها تحرگ جزء

من ماضيها مسحت دموعها باوعتلي بنظرة

مكسورة

-خالة تعرفين مرات أتمنى لو أگدر أمسح كل شي صار أغير وجهي جسمي و حتى ذاكرتي اتمنى أمسحها

-لا قمورة حبيبتي انتِ مابيج شي غلط حتى

تغيرينه العيب بيهم هم انتِ مثالية

عضّت شفتها ورجف صوتها

-بس خالة أمي

أمي خلتني أشك بنفسي من گالت إني أكذب

حسيت يمكن فعلاً أنا متوهمة يمكن أني السبب

شديت على أيدها بقوة 

لتعيدين هالكلمة مو انتِ السبب واللي صار مو ذنبج أبد أمج غلطت لأن محمتج

بس هذا ما يعني إنج ما تستحقين الأمان والحب إنتِ تستحقين تعيشين حياة مليانة ناس تحبج تستحقين تنسين الماضي والماضي

مينسي الا ترحين دكتور

-دكتور نفسي

-ايييي اكيد

-خاف يگولون عليه مجنونة

-بالعكسسس راح ترتاحين هسه اني

شوفيني احتاج دكتور نفسي ها يابطلة شگلتي

-موافقة

هزت راسها وابتسمت ووگعت دموعها

بستها وسلمت عليها وطلعت بلغتهم

اسد ارتاح وجر نفس صرت على جهة

وأشرتله اجاني نزل راسه يسمعني

-محتاجة شي

-لا ممحتاجة لذلك جبتلك ذني

فتحت الجنطة اللي جنت مخليه بيها

اظرف المصرف طول ذيج الفترة

باوعلي مستنكر

-شنو هاي

-فلوس اني مو بحاجتها

-شنوووو افهم من تصرفج

-افهم ان الصدقات تروح لأصحابها واني

مو بحاجتها وافهم ان اللي ماعدها جبير

رجعت تشتغل وتصرف على نفسها

ماكو اي داعي تدز شي بعد

ضرب الحايط الورايه بقبضة ايده

باوعتله ببرود وتحركت طالعة

والبنات ويايه رجعت للبيت

واني فعلاً لگيت شغل بمركز تجميل

بس كادر نسوي شغلي أيام جمعة وسبت

دوام كامل وبقية الأيام من السبعة ل١٢

ومناك اطلع لدوام المعهد جانت أيام برد

ودخلنا عالشتا اطلع الصبحية بالجو

البارد اتذكر أيام دوامي بالشركة

يجيني أسد اغلب الوقت بسيارته

مشغل تدفئة بالسيارة علمودي

لأن بسرعة أبرد يمر بالطريق يشتريلنا

جاي لو گهوة شگد تفاصيل جانت هو

ممنتبهلها لكن اني سجلتها

بذاكرتي مشيت بدوامي وشغلي

وتجاهلت كل مشاعر قهري ناحية

أسد اللي رغم كل شي أستمر يدز

المصرف وأستمريت أرجعه بيد مُنى

تنطي لقمر ألى أن بيوم شفت ناشر حداد

على كل حساباته اتصلت بقمر گالت توفى

خالهم أبو صفا وجد فقار وبعد مااستشاريت

سومة گالت نروح اني وياج زحمة منهم لازالو

عيالج وعلاقتهم طيبة بيج 

وبالفعل اخذنة سيارة وهناك اتصلت بقمر طلعتلي بره

للباب ودخلنا الحجية ام أسد منهارة

اخوها الجبير وهواي علاقتها قوية بي

جانت گاعدة هي وزوجته وام فقار

اول مشافونا گامو اخذنا من خاطرهم

وگعدنا صفا جانت مموجودة سألت

قمر گعدت تهمسلي همس

-من تمرض جدو قبل اسبوعين هي

ملازمته حتى تنام بصفه جانت ممصدگة

هو مريض بس تبجي والبارحة من توفى

واخذو للدفن مااخذوها دخلت غرفة

ابوها وسدت الباب رفضت تفتحه

كسرو خالو أسد وفقار شالوها للمستشفى

منتهية شاربة علبتين علاج سكر وضغط

مال ابوها تحاول تنتحر

طلعوها من المستشفى وهسه بالغرفة

نسرين والبنات ملازماتها

بعد ماقدمنا واجب العزاء طلعت للمطبخ

گالت قمر خالو أسد اجه من عزاء الرجال

گلت اسلم علي واعزي واروح

طلعت للگراج واجاني صوته المتسائل

-شفتوها أكلت شربت

-اي خالو نسرين يمها

-خوما يمها علاج شي

-لا فرغنا الغرفة

طلعت من باب المطبخ وهو بعده يحجي

-خوما دخللها أحد

صرت ويا وجه بوجه سكت وكأنه عرف

اني سمعت تقدمتله

-لا لتخاف البنات محاوطاتها وانت موجود

ان شاء الله تگوم بالسلامة

ماگدر يرد رجعت عزيته

-البقاء لله ربي يجعلها اخر الاحزان

سومة سلمت علي واني طلعت بره

اجاني صوتة وهو يطلع من الباب

-تعالو أوصلكم

-لا جايبين تكسي ابن جيرانه

-صِبى

-تسلم ذيج سيارتنا وسلملي

على صفا مگدرت اشوفها گالو أسد مانع اي

احد يدخل يعزيها

مشيت وصوته اجاني

-صِبى انتظري

-هممم

-شنو أسد مانع اي احد يدخللها

مالي علاقة اني مجرد جنت وياهم بوقت

متخربطت

-واني مسائلة مع السلامة

درت وجهي وصعدت ويا سومة بالسيارة

باوعتلي رادت تحجي

-لتگولين أي شي مالي علاقة بي والله

طلعنا للبيت وامتدت أيامي بين

دراسة وبين شغل لحد قبل كم يوم

أجاني حمزة وگعدنا بالحديقة وگعد

بشكل جدي يشرحلي مدى اعجابه

بمنى وان هو راد يتقدم بس

صارت ظروف الثورة وبعدها مرض

خالهم وأن هو يطلب مني رأيي

انطيته موافقتي بحكم معرفتي أختي

موافقة علي لكن موافقة مبدئية

لحد ما باوعلي بنظرة توسل

-صِبى اذا تعزيني وأخوج صدگ

اريدج تحجين ويه أسد الوالدة

هووواية محتاجة احد حواليها

واني مااگدر اتقدم خطوة لمنى

اذا مينحل موضوعج وموضوع

أسد على خير اتمنى ترجعين تنورين

مكانج أتمنى من اتقدم لمنى بدون منغصات

وبدون محد يكون زعلان من الثاني

ودعني وطلع وگعدت سومة تتسولني حتى

أحاجي محجيت ولا اتصلت لمدة عشر أيام

اجاني أتصال منه رفعت الخط جان كلام رسمي

-شلونج صِبى 

-الحمد لله

-عندج مجال نطلع بفد مكان نحجي

-تمام يمتى

-بهالكم يوم اذا صار مجال

-تمام

ودعني وراح وره يومين اتصل بيه حمزة

يتوسلني اروح احجي ويا گتله بس هو ماحدد مكان بعده بقى يتوسل ان اروحله وفعلا غبت

عن دوامي بالمركز واخذت تكسي للشركة

وصار اللي صار وشفت صفا يمه

تنفست بعمق نفضت عني هالذكرى

وگمت من المرجوحة

اريد ادخل جوة بيدي التلفون

اجتني رسالة من رقم بس

-اللي شفتي هذا واقع وجود أسد بحياتي

سند بمرضي وتعبي أبن خالي

وقريبي وشخصي المفضل

يجوز زعلتي مااعرف بس واقعاً

مهما صار تبقى صلة الدم أقوى

دزيتلهة كلمتين

-مبروك عليكم

خلتلي اوك عالرسالة سكرنتها

وحظرتها من الواتساب

دخلت واتسابه هو دزيت السكرين

- بلغ صفا أني مو فارغة للقتال على شخص

موجه فوهات أسلحته ناحية گلبي

وموجه بتلات الورد ناحيتها

الخيار واضح السلاح للعدو والورد

للحبيب لذلك بلغها أنها ربحت

صلة الدم صدگ طلعت أقوى وصلة الگلب

لاشيء أمامها

بسرعة شاف الرسالة اتصل رفضت

الأتصال حظرته من كل مكان

طلعت الخط وبحرگة گلب كسرته

توجهت للفراش وغفيت بقلق

نمت واليوم الثاني جان عبارة عن

اتصالات لمنى كل شويه تجيني

-فدوة صِبى أستحي من أسد

بس ردي

-غلقي التلفون فضيني

-لج عالخط جاي يسمعج

-مااريد احجي ويا احد رجاءاً

طلعت بره تعتذر واني لگيت

سبيل جديد وهو السكوت

سومة اشترتلي خط وحلفتهم مينطون

رقمي لأي شخص الى أن بيوم بنهاية

دوامي

بالمعهد اخر محاضرة وطالعة للخط

التقيت بي بالبوابة تقدملي سلم

مشيت ولأول مرة احس تصرفي هذا

بمحله تركته ورايه صعدت الخط وطلعت

للبيت

دخلت ورايه بربع ساعة اندگت الجرس

دخل هو وسومة سحبي مُنى وطلعن اثنينهن

بحجة يشترن گعد مقابيلي عصبي متوتر

ميخلي عينه بعيني

-هذا تصرف تخليني وراج

-اي

- صِبى سمعيني وحكمي 

-اممممم شنو هالمرة المبرر لوجودها ورجوعها لحياتنا بررلي يلا طلعلي حجج جديدة

-صِبى ياريت نحجي بتحظر بعيدا عن التراشق بالكلام الجارح

-امممم تمام تمام

باوعلي وهز راسه بعدم رضا وكمل

- الموضوع مو مثل ما شفتي 

صفا مكسورة أبوها قبل لا يموت وصاني بيه

طلب مني أخليها تشتغل وياي حتى تظل تحت

جناحي لأن مكتبها جانت تديره هي وابوها

-امممممم واخوانها واهلها وييييييين

-الوحيدة هي القانونية الكل بغير اختصاص

-وتريدني ارحب بالفكرررررة

- مووووضوع عمل بحت صِبى لييييش عقلج صار

صغير

-عقلي صغيييير تريدني اشوفك حاضنها واوگف

اتفرج 

-لااااااا لا بس تعرفين انتِ شگد غالية

وهي مجرد قريبة بسسسسس ماكو مشاعر بينا

بس تيتمت وابوها وصى بيها

-هييييييي مو طفلة عمرها سنة موووووو طفلة

حتى گلبك الحنون يفزلها فجأة بس صِبى

تجرحها عااااادي 

-صِبى بلا استهزاء انت مجاي تفهميني

والله ماجنت مفضلها عليج الموضوع انساني

مووو عاطفي

باوعتلة وعيوني اشتعلت غضب صفگت بأيديه

بقوة

-انساني اي والله صرت أنسان فجأة

وياها واني كل انهياري وصراعاتي وياك

من تزوجنا لحد متعالجت مجنت تلمحها

جنت مستخسر بيه كلمة شبيج

لو طبطبة بعد كل لفظ جارح تطلقه ناحيتي

لييييييييش لأني ببساطة مووووو صفا مااستحق

الحضن والحنية

-موووووووو هيج صِبى بس اللي صار

انها انتحرت بموت خالي وهالشي خلانه

كلنا حواليها مو بس انيييييي وهاج تلفوني

شوفي اذا بينا تواصل مجرد تواصل

وقت الشغل بسسسسس

-اييييي لأن هي هشة تحتاجك بس اني

كسرت گلبي الف مرة وتركتني ليييييش

لأن قوووووية تعلمت ابلع الغصة واسكت

بس انت فاااااهم غلط القووووة مو معناها

اني مااتأذى لو مااحس لو مااحتاجك 

حاول يرد سكتة بصوتي اللي ارتفع من قهري

-انت اختاريت تسندها مقابل تخييرك

اللي بين حياتنا ودراستي

انت اختاريت تغدق عليها بدفاك

وتخليني لوحدي اواجه عواصف برودك

انت أساساً مادافعت عني بكلمة وتركتها تهيني

وتلمحلي ان صلة الدم اهم من زواجنا وعلاقتنا وانت ساكت كأنك مووووافق

-صِبى انتِ جاي تحكمين عليه غلط

- لاأني جاي أحكم على وجعي واني اشوفك

تختار وجودها بحياتك على كرامتي

لذلك منا وانتهى كل شي

باوعلي ومشالي بسرعة

-هوووو شنو اللي بدأ حتى ينتهي

بعدنا ببداية حياتنا وافترقتي عني

بسبب غلطة

-لاااااااا بسبب غلطااااااات مو غلطة

وانت شسووووويت بدل لتصححه

زدت عليها فوگ الضربة ضربة

وفوگ الجرح جررررررحين

مايربطنا شي بعد هي يربطك بيها دم

ويربطك بيه مشاعر واضح انها اهم مني

لذلك تمسكت بيها انييييييي اريد منا وانهي

كل شي سمعت

تقربلي حضني بين ايدي بقوة ادفع

بي بكل قوة ايدي ميتركني

-مااااتركج وبعدنا ماانتهينا ستونا بدينا

احببببج اني افهمي

دس راسه بنحري يتنفس بتعب

دفعتة وبكل قوته دفعني عالقنفة تمدد عليه

حاضني بسرعة شفافه لامست شفافي

وصب غضبه من انفجاري بقبلة مؤلمة

ضربته على صدره ابتعد ووگفت ابجي

مسحت شفافي حييل

-اللي سويته ميحل المووووضوع اللي سويته

ميجبر خاطري فهمت

-بس گليلي شنو اليجبر خاطرج والله

أسوووووي

-طلگني

صفن بوجهي وكأنه مااستوعب كلامي

-شنوووو

-تطلگني حتى گلبي يشفى وارتاح

من اذيتك ناحيتي

باوعلي وتقدم خله عينه بعيني ونطق بهدوء

-نجوووم السما اقربلج من اللي گلتي

عشم ابليس بالجنة اطلگج

دار وجهه يريد يطلع رجع التفت

فتحلي ادي

-وشووووفي هذا حضني اللي معاجبج

راااااح ترجعيله مرغمة

-اذا شرقت الشمس من المغيب

عود أفكررررر ارجع

-نشوووووووووف

دار وجهه وطلع وانهاريت اني عالقنفة

جانت عاصفة غضب بذلت بيها كل

طاقتي وتعبت تمددت عالقنفة

وثواني بس اجتني رسالة

منه على واتساب شلون عرف رقمي

الجديد مااعرف

رسالة صوتية محولة من صفا تعتذر 

بيها

رسالة صوتية محولة من صفا تعتذر 

بيهت جان صوتها مهتز واعتذارها اجه

بصيغة كأنها مجبرة

-أعتذر صِبى اني أمر بحالة نفسية

سيئة لذلك انفجرت بغضبي ودزيتلج

هالكلام

الكل مقابل على تصرفي ولاموني

وگالو ضروري تعتذرين

لذلك اني آسفة

رديت علي

-ممحتاجة اعتذارها وبلغها اعتذارها

مرفوض 

دزيتها بس قره الرسالة حظرته

مرت أيام بعدها بهدوء اني حاظرته

مااشوف ولا أعرف أخباره

وهو مخليني براحتي ويا

انتشار الكلام عن الفايروس الجديد

والخوف والكلام عن احتمالية أنتشار المرض

مُنى عدها فيس بوك جاي افتر بالبيت

وأراجع واقرأ وسومة و مُنى بالمطبخ

اسمع همسات سومة تحلفها

-مناوي بروح اخوج ابدددد لتحجيلها

-والله مااعرف أسد شبي يعني

مصر على عدم قطع علاقته بهايه

دخلت سحبت التلفون منها

باوعت حساب أسد وصفا مشيرة ويا بوست

مكتوب 

( الف مبروووك أسد الله على فوزنا بالقضية اليوم

شكد كنت واثقة انك راح تطلع بيها بطل كالعادة

من أول يوم اشتغلنا سوة واني أعرف شكد انت مميز وذكي واليوم كل تعبنا أثمر 

شرف إلي اني كنت جزء من نجاحك وانت دائماً سبب الهامي 

شكر خاص على دعمك وثقتك بيه طول الوقت )

مرفق بالبوست صورة لأسد 

بالمحكمة هو مبتسم وبيده الملف القضية

وهي واگفة بصفه قريبة كلش ومغطية وجها

بأيموجي لبوة واگفين منسجمين

كأنهم فريق واحد 

نزلت بالتعليقات هوايه معلقين

وهو شاكرها بكلمتين

-شكرا الج

هي رادة

-مو كل يوم الواحد يشتغل ويا شخص بهالطاقة وهالروح الحلوة الله يخليك إلنا أسد 

تركت التلفون وطلعت للغرفة

رفعت الحظر عنه عالفيس وبما ان حسابه عام

دخلت التعليقات ودست لايك على البوست

وطلعت

اباوعلها متعمدة تخلي صورة لبوة

تريد وبكل طريقة تثبت ان هي المناسبة اله

بكل مرة

معقولة مفهم القصد من اللي سوته

لو فهم وغلس كالعادة

تمددت بفراشي وصوت المطر يضرب الشباك

بهدوء تلفوني بيدي أضاءة الشاشة الباردة عاكسة

على وجهي 

عيوني تسمرت عالصورة أسد واگف قريب من صفا ابتسامته واسعة

نظرة رضا وانتصار نفس الابتسامة اللي جنت احلم بيها بس واني وياه بس كل شي صار ويه غيري

نزلت دموعي وكتمت انفاسي اللي تقطعت

حسيت گلبي يضرب صدري ببطئ وكأنه

رافض يعيش قريت الكلمات مرة

ومرتين وثلاثة حسيت كأن كل كلمة

مسمار انغرز بگلبي 

-شرف إلي اني كنت جزء من نجاحك

الله يخليك إلنا أسد

يخليك إلهم مو إلي

هسه صرت إلهم 

واني اللي جنت أوگف يمك ووياك بالمحكمة حتى لو ما أفهم بالقانون

أساعدك وانجزلك بالنهار حتى متسهر

اهون عليك حتى متحس بتعب اشجعك وقت اللي

يطفى العزم بداخلك بس 

هسه كل شي صار بينك وبين غيري

غيري اللي صارت لبوتك بالصورة

غيري اللي شاركت وياك اللحظة اللي المفروض

اني اكون وياك بيها

اختنگت وتنفست احاول اتناسى اللي

شفت رجعت الحظر وضاقت بيه الدنيا

عيني صارت على صورته اللي مخليتها

جنت خلفية لجهازي

حضنت التلفون وهمست بتعب

-مبروك يا بطلهم 

ثاني يوم الصبح أتصلت بالشخص الوحيد

اللي أثق بي على سري بس اتصلت رد بكلامه

المعتاد

-ها بعد اخوج

-محتاجتك

-رگبتي سدادة من الالف للمليار

-مو فلوس وگفة أخو

-عيوني الج

-اريد أنفصل

سكت شويه ورد

-جايج لبغداد

-لا لتجي والله اتصال اذا تگدر

تحجي ويا

-لا يرادلها گعدة شوفي مراح احجي شي

لغنوة لحد مانشوف الموضوع شنو تمام

راح اجيبهم يوم صد رد نشوفكم ونطلعلنه

لمكان نحجي 

-تمام

-ليش صوتج مكسور اخت فريقد انتِ قوي

رووووحج واحجي بزود

شهگت انظم نفسي اجاني

صوته

-لا تشيلين هم

سد التلفون وثاني يوم من الصبح صار

يمنه بحجة ياخذ وارد الشركة لأن ميعرف

شراح يصير بالوضع بسبب اخبار الوباء 

وصلو والبنات استلمو رحمة وحمادة لعب

وونسة گاعدين نسولف وگلتلهم تعذروني

ورايه دوام لازم اروح

-اني اوصلج اليوم اتصلي بالخط

-ان شاء الله

اتصلت بالخط وطلعنا مداومت

گعدنا بكوفي هادئ

جگارته بيده وعينه مني

-احجيلي

أيمن اني حجيتلك و تعرف شگد حاولت أتحمل

شگد جنت قوية بس هالقوة خلصت ومابقى شي

يخليني أتمسك بهالزواج

-اففففا هاي انت صبى انتِ الصابرة السبعة

بسرعة أستسلمتي 

-لا يشهد الله ماأستسلمت بسهولة

حاربت اله وعلمودة ووياه وبكل مرة التفت الگاه طاعني بسجينة عمية ويغدرني

والصبر إنتَ شايف بعينك أيمن

كل مرة يأذيني وأظل ساكتة 

كل مرة يخذلني وأحجي لنفسي اصبري

يمكن تتغير الأمور 

بس لاهو ما يريد يتغير حبه إلي جان مجرد أحتياج

وصرت أحس روحي غريبة عنه

-بعد اخوج احجيلي شتردين مني هسه

رفعت عيوني ووگعت دموعي باوعلي ونزلت

ايده طفى الجگارة ومدلي كلينكس

مسحت دموعي وكملت

-أريدك تحجي وياه مو لأن بعدني أريده

لا، بس حتى ما أظل معلگة

حتى أطلع بكرامتي قبل ما أنكسر كلياً

إنت تعرفه يمكن يسمع منك

أريده هو اللي يترك أو على الأقل يتفق وياي عالانفصال 

بقى ساكت شوية وصافن

-إن شاء الله أحجي وياه

بس إنتِ تأكدي من قرارج لأن الطريق اللي بعد الأنفصال مو سهل

ابتسمت ابتسامة باهتة

-أيمن الطريق اللي آني بيه هسه أصعب من أي شي ينتظرني 

تدري شنو اللي كسرني أكثر من كل شي

نبرة صوته ونظرة عينه لمن يذكرها

أشوف شلون يلين شلون وگفلها حتى على حسابي

وداعة اخوية أكو لحظات حسيت بيها إني دخيلة بحياته كأن گلبه وروحه

بيهم مقعد محجوز إلها من قبل ما اني أجي

ورااااافض يحرگ هالمقعد حتى لو لخاطر حياتنا سوه

-ليش ماحجيتي ويا بينتيله

-حاولت وبينت وزعلت گلت لنفسي يمكن يوعى

يمكن يلتفت بس كل مرة يخيب ظني ما أريد

طول عمري اتقارن بيها برقتها مقابل قوتي

إحجي ويا لا تجامله گله صبى متگدر تبقى وياك بعد 

گله هاي هي قوتها انهدت وتريد ترتاح

هز راسه بحزن اشرلي نگوم

گمنا وطلعنا بره بظهر المطعم حديقة

عالشط گعدت أباوع للمي وأمواجه

هدوء طاغي عالمكان واطلق أيمن سؤاله

-واذا رفض واني أتوقع وبشكل قاطع ان هو

راح يرفض

-اخلعه

گلتهة وطگها أيمن ضحكة خلاني ضحكت ويا

-يااااااابه بنات عامر ولا تتفاهمن

-الحياة وصگعاتها خلتنا نقطع حتى أوردتنا

أذا بيها اذية

-سبعات وخوات زلمة معدل

ابتسمت على كلمته وبقينا شويه گاعدين

بالهوا 

-تدري أيمن أني واثقة لو جان فرقد موجود

جان مخلاني أصبر لحظات على اللي صار

ولا خلاني أعيش هالوحدة

جان سحب ايدي وطلعني گدام عين أسد

ووگف ضد الدنيا كلها ويا

حسرة عميقة طلعت من گلبي

التفتت امسح دموعي

-اففففه واني وين رحت

-ربي يحفظك النا أريدك تكون صوتي لأن صوتي

من التعب صار ضعيف اريدك تحجي ويا وتگله

صِبى جانت ماعدها ظهر وتعبت من قتال الدنيا

وحدها وان اخوها لو جان موجود مجان خلاها

تبقى ويه واحد گلبه مو الها

-اني ظهرج واذا بدر منه خطأ اقسم بالله أصيرلج

درع وسيف

-والنعم منك أبو حمادة

بقينة نسولف شويه وطلعنا

راجعين للبيت غِنى راجعة لبيتهم

وبس مُنى وسومة بالبيت محد عرف

جنت ممداومة

لليل عزمونه غِنى وأيمن ببيتهم عالعشا

رحنة رحومة صايرة بطوطة كيوت 

وحمادة ميتركها لحظة أباوع بفرح

لغنى واخيرا وحدة من عدنا أستقرت

الحمد لله ربي يكتب السعادة والهنى 

بالباقي من حياتهم

بعد العشة رجعنا

للبيت وأيمن دزلي رسالة رايح لأسد

بقيت مثل اللي گاعد على جمر انتظر

اللي يصير وشراح يگول بحدود ال١٢

اجاني اتصال منه وطلعتله للباب

دخلنة للحديقة وگعدنا عيني تترقب

ملامحة جان هادئ باوعلي متأسف

-مقبل للأسف متمسك بيج

-شيريد بالضبط بس فهمني

بده يحجيلي اللي دار بينهم كأني وياهم 

-اول مدخلت جان وجهه فرحان وملامحه

مرتاحة عباله راح احللكم الموضوع بين سلام وكلام

بديت احجيله

-ابو قسور تعرف معزتك يمي وشاهد الله

حاسبك اخو بس بنفس الوقت

صِبى اختي اللي ماجابتها امي وبساعة

الجد اكونلها سيف وهالسيف مااريده

يتسلط عليك

تغيرت ملامحه استغراب

-شصاير أبو حمادة

-البنية طلبت مني اوصلك كلامها وطالبة

الأنفصال وانت سيد العارفين

امساكٌ بمعروف او تسريحٌ بأحسان

وگف ووجهه تحول أحمر وحتى نبرة صوته تغيرت

-ننفصل انت مستوعب حتى سنة ماكملنا سوه

شلووون ننفصل اللي صار مو اكثر من مواساة

والبنية بنت خالي موووو غريبة ليش طال الموضوع وكبر ووصل لهالمرحلة

-ابو قسور انت فاهم وعارف ان صِبى اذكى

واعمق من انها تنفصل لمجرد كلامك ويا المحروسة

بنت خالك لازم اكو تراكمات وصلتها هالمرحلة

- أيمن انت خويي بس گللها حتى لو الدنيا كلها ضدي ما أتركها  يمكن أكون غلطت وياها يمكن قصرت بس ما راح أطلگها صبى إلي وما راح أفرط بيها

واني اعرف شلون ارجعها

-احجيلك شغلة

-تفضل

-دگعد بعد اخوك اعصابك ترجف

گعد وبديت احجيله مشكلتي ويا غِنى

-شوف بوقت من الاوقات وصل من عائلتي كلام

لغنى عن زواج مؤقت قديم

واني مو معصوم رجال ارمل احتاج انثى

بحياتي

وتزوجت كم شهر بنية الله يوفقها

ويسترها جانت شريكتي بالشغل وها مو

شريكة بس كلام لا شرييييكة بنص راس المال

بالشركة

والله بساعة اللي شفت دمعة

غِنى وهي تحجي بيها بلحظتها بلا تردد

نهيت العقد وانطيتها نصها وطلعت من يمي

موووو خوف لا حفاظاً على گلبها وعيونهة من الزعل

فما بالك ببنت خالك الله يحفظها اللي ضداً بصبى

تنزل كلام جارح وتدزلها رسائل

ومع هذا صبى تعاملت

ويه الموضوع بتحظر بس والله والله لو شايف

دمووووعها بلحظة اللي تگلي لو فرقد موجود

جان سحب ايدي وطلعني من حياة أسد بلا رجعة

خوفاً على گلبي من الحزن

شوف ليا مرحلة واصلة من الحزن والتعب تشكيك

لأخوها

صفن على كلامي ورجع تجاوب وياي

-والله والله وروح والدي صفا مجرد

زميلة عمل ………

-عذراً عالمقاطعة هي زميلة عمل بالنسبة الك

بس هي حاسبتك غير شي صِبى بنية وفاهمة مشاعر

البنات اللي مثلها وتعرف ان بنت خالك تحاول

تزيحها وتاخذ مكانها

-مااااعاش ولا كان

-ماااعرف بعد اخوك انت گلي هسه شنو

ردك لأن اني رسول بينكم

-خليها ترتاح هالفترة واني اتفاهم وياها

كملنا الكلام وهاي اجيتج

-يعني رفض

-متمسك بيج

-بس متمسك بصفا هم

سكتنا عن الكلام وأيمن عينه مني

-اني راجع باجر الفجر اريد منج

تهدين بعد اخوج بلكي ترتاح الأنفس

وتكملون

-الله كريم

ودعني وطلع والفجرية مرو من الباب

ودعونا وراحو خمس ايام مرت بعدها

واتصل بيه حمزة

-اني اخوج الجبير وطالبج

آخر مرة تحجون لخاطري اني و مُنى بلكي

ترسون على بر

-ميفيد الكلام وياه 

-اگلج لخاطري

-تمام وين 

-يجيكم للبيت بكيفج

-هاي هي

-باجر الصبح موجودة

-اي

-هاي هي

بلغت سومة بكلامي وگالت شوفي راح استغل

دوام مُنى واني انزل اتسوگ وتفاهموا

جنت ماعندي اي طاقة للجدل

الصبح سومة طلعت للسوگ واندگت الباب

فتحتة سلم ودخلنا للصالة

-شلونج صِبى

-الحمد لله

-اني جاي اليوم انهي اللي سمعته ونرجع 

صِبى متمسك بيج وأحبج اقسم بالله

أشتاقلج بالثواني والدقايق

-ادري تحبني وتشتاقلي ومفتقدني

بسسس سكوتك

سكوتك عن اللي شفته منها واللي سمعته

واللي وصلني وكلامك عني كأني منحلة وبنت شوارع وبأني مالي جبير هو اللي موتني

-يعني متأكدة وتعرفين قيمتج عندي

وشگد احبج

-مايعنيني شگد تحبني ولا شگد تعبر

اذا تصرفاتك عكس كلامك

وگف متعصب وتقدملي

-صِبى ارررررريد هسه تاخذين موووووقف

-نتطلگ

انفجر غضب بوجهي

-ماااااطلگ گتلج لو نبقى الف سنة

ماااطلگج ليييش اني جاي أسعى واحاول 

اصلح اللي صار وانت تجين تخررربينه بكلمة طلگني

گعدت بهدوء عالكرسي وباوعتله بنظرة ثابتة

-خليها تخرب هالمرة مالي نفس

أصلح اي شي

-لهالدرجة

-واكثرررررر اني ماانفجر من مووووقف واحد

اني اجمع تحملت اعذار راقبت تابعت حاولت

وانت شااااهد وشفت اذا اني سووويت العليه وزايد 

باوعلي وثبت نظراته على ملامحي حتى

يعرف وقع كلامه شراح يكون عليه

-طلاگ مااطلگ وأخليج هيج مثل البيت

الوقف لا لسما ولا لأرض بس مستحيل اطلگ

ابتسمت بوجهه وهو تنرفز مسح جبينه

-تعرف شنو شعوري هسه

هز راسه ميريد يسمعلي

-احس بعد شعوري بالأمان وياك والطمأنينة

بوقت ما

بأنك جاي تاكل گلبي وتقطعه بأسنان

غضبك قطعة قطعة تخيل شگد جارحني انت وهسه

جاي تزيد

گعد بتعب مقابيلي

-اني قانوني وراح تخسرين المعركة وياي

اذا ماقررتي ننفصل

-شتعرف عن الخسارة أنتَ اني بست

عيون فرقد اخووووية عزييز عيني

وهو بالكفن

بس موت فرقد هو خسارتي الجبيرة 

اللي صابتني واقتلعت نص من گلبي

تعتقد بعد هالخسارة تجي خسارة

ثانية اعظم 

سوي اللي تحبه أسد

-صِبى بعد اللي گاله أيمن

فهميني هسه مشكلتنا صفا بس 

-لتنطقققققق أسمها يمييييي

نهائياً شنوووو اللي يخليك تفضل

وجودها على حياتنا سوووووه هاااااا

-وصية ……………

-اشششششششششش مو طفلة هييييي

بنت تعدت الثلاثيييييين موووووو طفلة

فاهم تگلي يتيمة هههههههههههه يتيمة

وكأن ابوها تركها عمرها سنة اوعى لنفسك

أسد اللي جاي تسوووووي هو ترسبات مشاعر

متبقية بگلبك الها وتحاول تبررها بحجة

الانسانية اذا حااااااااابها روووحلها

بس قبل لتروح تطلگني تمام مااااابقى

وياك

-طلاگ مااطلگ وسوي اللي يعجبج

بس راح تبقين على ذمتي للموت

-تمام يعني راح تبقى تشتغل وياها

وعلى تواصل رغم ان هي سبب مشاكلنا

هسه

-اذا شغلتج عناد بعناد فأي باقيييييين

واذا انتِ عنودية قيراط

اني عنودي ٢٤ قيراط

هدأت وخليت عيني بعينه

-خليني أذكرك ان هي هاي صفا نفسها

اللي بلحظة وگفت بعز أزمتك اطلقت عليك ابشع

كلام ونعتتك بالمعاق لخاطر مصلحتها

اذا متبتعد عنها ثأراً لكرامة زوجتك

ابتعد عنها لخاطر كرامتك او يجوز مراح تسويها

لأن تبقى بنت خالتك وحبيبتك في وقت سابق

باوعتله ببرود ويبدو أني اصبت موقع غروره

وگف ووجهه تحول لكرة نار وبذات

اللحظة أتصل بفقار

-فقار تسحب ملف اخر قضيتين من صفا

ماااااكو شراكة اسحبهن

مالك علاقة

سد الخط واجة گعد بصفي فتح التلفون

المحادثة بينهم بس كلام شغل

درت وجهي ممهتمة انطاها حظر

ووگف

-وهاي صار اللي تردي صِبى 

كاااااافي خل نعيش حياتنا

وگفت ويا مبتسمة

-تعرف شنو اكثر شي يجرح

انك مسويت اللي سويته هسه

لخاطري لكن سويته لكرامتك اللي انجرحت

من ذكرتك بالموقف وهسه نرجع لموضوعنا

تطلگني بهدوء وبتحظر بدون هوسة

حفاظاً على منظرنا

انفجر غاضب وبده يصيح

-مااااااااافاهم اللي تردي شنو بالضبط

خبلتيييييني صِبى شتردين

-انت بنفسك تطلگني لآخر لحظاتنا اريد منظرك

يبقى مثل ماهو وتطلگني انت وگلهم 

متفاهمنا مااريد الموضوع يجي مني وتنجرح

-يجييييييي منج شنووووووو

-تطلگني بنفسك لو ……

-لووووو شنوووو

-أخلعك أني

باوعلي غاضب ورفع أيده للمرة الثانية

ثبتت نظراتي علي نزل ايده وتقدملي

-أقسم بالله أنشزج واجيبج لبيت الطاعة

وغصباً عليج ترجعيلي وهاي عنجهيتج وتكبرج

أنزلهن للگاع

ماسيطرت على دموعي وانهاريت عالقنفة أبجي

مغطية وجهي بكفوفي وارتفع صوتي بدون سيطرة

مني يفتر يمي يحاول يهدي الموضوع

-صِبى عصبتيني بس اسمعي وشويه اهدييييي

والله بسبب كلامج انفجرت غاضب

مسحت دموعي ووگفت

-اذا كل هالأذية سويتها وانتَ تحبني

لعد اذا تكرهني شتسوي

-صِبى گتلج العندي

-واني هم عن اذنك

طلعت من الصالة وسمعت صوت الباب

وهو ينغلق بقوة يعلن عن طلعته من البيت

گعدت هادئة أحاول ألگالي مخرج من الوضع

ملگيت غير النوم

طلعت من الصالة وسمعت صوت الباب

وهو ينغلق بقوة يعلن عن طلعته من البيت

گعدت هادئة أحاول ألگالي مخرج من الوضع

ملگيت غير النوم الأيام البعدها انشغلنا بأخبار

الفايروس اللي اجتاح العالم ووقف الحياة بشكل

نهائي

رجعت الأظرف اللي يدزها تكدست

يدزها بيد حمزة وقت دوامي تستلمها سومة 

واني صرت كل ظرف اكتب علي تاريخه

واضمه وابتدينا بثاني شهر بالسنة الجديدة

والأستعداد على اوجه لمجابهة الفايروس

صار اتصالي بغنى عن طريق التلفون

كل يوم اطمأن عليها وعلى عائلتها

ومن الشهر الثالث بدت الحالات تنتشر

وبدت الدولة تحدد اوقات العمل والدوام

وبدو بالحظر الجزئي ولعدة أيام

وركضت الأيام مسرعة امتحنت نصف

الفصل وبعدها داومت والايام اخذت أيام

وحمزة كل فترة يجي جايب مسواگ

وشغلات طبية معقمات وكمامات

من ارجعهن بيده يحلف ان هالشي منه

هو

وركضت الأيام مسرعة وأستفحل الفايروس

وتعطل الدوام بمحاولة لأستيعاب المرض

وتم الحظر حتى بين المحافظات المركز اللي اشتغل بي انغلق

والدوام صار يوم حظوري والباقي عالنت

حاولت اتابع وياهم لكن صابني أحباط شديد

وبعدني أجابه حزني وكرهي للأمتحان النهائي

بسبب اللي صار بفرقد قبل امتحاني

الاخير وقت موتة بعدها

ماحسيت الا واحنه بمواجهة المرض داخل البيت

بعد ماسومة لگفت الفايروس وهي طالعة

تتسوگ بده الموضوع بحرارة

طفيفة وصداع بس شافت نفسها هيج

حبست نفسها بالغرفة

دخلت بيومها بيدي شوربة

-طلعي طلعي ولج

-سوووومة لازم تاكلين

-ولج مصابة يمكن

-لا لا فلاونزا

باوعتلي وابتسمت

-فقدت حاسة الشم متشوفيني ولج

ابتعدت عنجن وكمامتي ملازمتني

طلعي وختلي بالغرفة انت ومناوي فدوة

لا تنعدي

-مااتركج شلون اتركج بهالحالة

-اصير زينة ماعليه شي

شوفي اريدج تحافظين على مُنى ترى

تتنگ وتنتهي والله اذا انعدت

خلي المعقمات بديجن فهمتي عليه

-ليظل بالج مُنى راح اخليها بالغرفة

واني يمج هنا

-ماااااكو يمي طلعي ولج النفس مو زين

تركتها وطلعت اخذت فلوس

مضطرة من الاظرف ورحت

لأقرب صيدلية اخذت جهاز

اوكسيمتر ومعقمات زيادة

وفيتامينات وبلشت وياها يومين

مرن وتمت سومة الأسبوع وبدت

الاعراض تزيد مُنى تبجي وفاتحة

اتصال وياها فيديو تحجي لأن اني

مانعتها تدخل الغرفة ولا تطلع من غرفتنا

بالليل البيت جان هادي

بس الهدوء مكسور بنفَس سومة الثگيل

وحرارة جسمها اللي كل دقيقة تزيد

دخلت عليها بصحن مي بارد وكمادات

گعدت قست حرارتها

ـ سومة شلونج هسه

بعدج حاسة بضيق بالنفس

ردا بصوت مبحوح وهي تحاول تبتسم

ـ شويه بس صدري يوجعني وراسي مصدع 

فحصت الاوكسجين مالتها ممتاز

-سومة اوكسجينج طبيعي حبيبتي

لتخافين

غمضت عيونها بتعب باوعتلها وجهه شاحب

بجيت 

باوعتلي والعرگ نازل على جبينها

تحاول تبعد الخوف عني

ـ لا تبجين صِبى يمكن هالكم يوم وأصير زينة

-اكيييييد تصيرين زينة ربنا موجود وانتِ بطلة

هزت راسها وغمضت مستسلمة للحرارة

والتعب

صار عشر أيام وتقريبا خفت الحرارة

بس صوت الگحة يجيب التايه صرت اسويلها

شوربات مليانة فوائد خضروات

ولحوم وكلنا ناكل 

لمست أيدي من تحت الكف الطبي

-عمري ماانسى وگفتج وياي

ـ تتذكرين شلون انتي جنتي توگفين ويايه بكل محنة هسه إجه دوري أني أوگف وياج

-ماقصرتي والله الاخت متسوي

اللي سويتي 

وية كل ساعة تمر سومة تخف وتتحسن

صار سهري وياها عبارة عن حديثي

عن حياتنا وويه كل قصة وموقف احجي

الها تنصدم باللي عشته اني واخواتي

كل يوم نسهر نسولف هي بسريرها

واني عالكرسي متابعتها تركت فكرة

اكمال هالسنة الدراسية

بسبب تعب سومة وتعبي النفسي

ودراسة منى للسنة الاخيرة

وتحسنت سومة ويافرحتي بيها

مُنى جانت متوترة بسبب تأجيل الامتحانات

وانتشرت الاقاويل بالاكتفاء بدرجة

امتحان نصف السنة ورجعت الورزاة

وقررت تأجيل الامتحان للمرة الثانية

وهيج وصلنا الشهر الثامن من هالسنة

مع ابتعادي التام عن أسد وتوقف أي

تواصل بينا سوى عن طريق حمزة

اللي اعرف بي ياخذ ويجيب أخبار

والحمد لله تمت الامتحانات 

كل يوم أروح وياها من تمتحن لأن

توزعو على مراكز امتحانية مختلفة

والمدرسة بعيدة گمت أخذها الاجواء جانت

متعبة وكئيبةالعراق كله عايش جو غريب ما يشبه أي سنة قبلها

الهوى الصبح ثگيل كمامة على الوجه

والحر قوووي لأن الموعد جان بأواخر آب

الشوارع نصها فاااارغة وكأنه داخل فيلم رعب

الطلاب جانت عيونهم بين القلق من الامتحان والخوف من كورونا

باب المدرسة الشرطة واگفة

والكوادر الصحية لازمة أجهزة قياس الحرارة

تعقيم للأيدين قبل الدخول

والمعقم ريحته طاغية على الجو

ماكو تجمعات مثل قبل كل واحد يمشي بخط مستقيم للمكان المخصص إله والمسافات محسوبة بالمتر بين كل مقعد ومقعد

الجو مشحون بالتوووتر والقلق

والى أن اكملت مُنى آخر أمتحان أرتاحينا

والحمد لله جانت زينة بالامتحان ومكتفية 

بأجاباتها واني كذلك اشوفه أنجاز ان گدرت

تمتحن بهيج جو متوتر

اما اني فماامتحنت ولا اقتربت من كتبي

نفسيتي متدمرة وأحس الحياة توقفت

بعيني وبعد ماكو شي يسوى أعيش علموده

جانت الاخبار تجيني متذبذبة من قمر

اللي تحجي لمنى أن أسد اغلق باب

التعاون ويه مكتب صفا اللي غلقته

وسافرت بعز الأزمة من انرفع الحظر

الجوي وراحت لأستراليا يم بيت أخوها

صراحة ماهمني هالشي لأن 

كل تفكيري جان مصبوب بالشغل دخلنا

نهاية سنة ٢٠٢٠ شهر ١٢ بنهايته جانت الأصابات

بأوجهة 

الحياة شبه توقفت ومالگيت بس

شغل بعيادة طبية بما اني اعرف اضرب

أبر واعرف اولويات الشغل بالتمريض

بس سمعت غِنى تجننت وبيومها اجاني

اتصال من أيمن اعادلي بي ثقتي أن الحياة

ممكن تجلبلك أخوة من غير امك اتصل بيه

بالليل وبصوت كله دفو وحنية سألني

ـ سمعت من غنى تريدين تشتغلين بعيادة تمريض

- هاي غِنى كبرت الموضوع 

ـ بعد اخوج أحنه بهالوقت نتحاشى المستشفى حتى لو عدنا شغل بي أنتِ ليش تخاطرين كورونا ما ترحم

ـ ما أتحمل أظل بلا فايدة خلي أشتغل

ـ اسمعيني زين مصرفج عليه

لا تفكرين بالشغل وأني أخوج مثل فرقد 

لا تجازفين بهالشغلة

صمت ساد لثواني وهمست مقهورة

ـ أيمن أنتَ تدري شكد هاي الكلمة تعنيلي

ـ أدري وأعرف شگد تعزي وتحبي

احلفج بي لتشتغلين

لا تخاطرين الوضع صعببببب وبهالوقت نوگف

واحد للثاني 

-بس والله مو شغلة فلوس بس اني اريد

احس نفسي جاي اقدم شي بهالازمة

احس اذا ابقى گاعدة بالبيت راح اختنگ

من أفكاري لازم اتخذ خطوة شجاعة واشتغل 

ـ أفهمج بس مو كل خطوة شجاعة صح

أحياناً الشجاعة الحقيقية إن تحمين نفسج واحبابج من خطر محقق

ـ بس إذا كلنا فكرنا هالشكل منو راح يساعد الناس

ـ أكو ناس متدربين لهالمخاطر

يعرفون شلون يتعاملون ويه الازمة 

وأكو ناس دورهم يحافظون على نفسهم حتى يظلون السند لأهلهم إنتِ من هالنوع سند لغنى ولمنى

وحتى لسمية سمعي جايكم باجر علي صاحبي

تعرفي اللي يدير المكتب

-اي اعرفه

-يجيبلج شي تاخذي

-اذا فلوووس ليجي

-أگلج صِبى ترى انت زعطوطة واني اكبر

منج سمعي كلامي ليش تضطريني أسحلج

-هههههههههههههه ها طلعت الحقيقة

-اي هاي غِنى تگول وضع أيمن السافل المنحط

مايظهر الا للعزاز والله شاهد انت عزيزة بمعزة

رهام وأكثرررر بعد اخوج لا تخطين هيج خطوة

خطر فهمتي

-فهمت

-صِبى 

-ها ابو حمادة

-ترة أسد كل اسبوع يتصل بيه

ويسأل عليج وها خل اگلج مجند

ناس تعرف اخبارج وفهمج كفاية

-لتنطي رد واعرف ياخذ اخبار من حمزة ومنى

وقمر خلي براحته شعليه بي قابل

-بنات عامر العناد يمشي بدمجن

-ههههههههههههه والله الظاهر غِنى ملوعتك

-خل تولي هالقزمة

اجاني صوتها تصيح

-وهالقزمة ماحبيتها وموتت نفسك علمووووودها

-اجت صافرة الانذار اودعناكم

ضحك وودعني وراح وفعلا ثاني يوم

صار اللي صار وأجه علي صديقه

بيده علاگة صغيرة سلمها بيدي

وراح وره ساعة اندگت الباب طلعت

سومة ورجعت راكضة تدگ على خدها

-صخاااام بعيني ولج اجه

-منووووو

-أسد الغاااااابة وعيونه بالحق ميتحاجه

ثواني يلا أستوعبت الكلام

بلا انتباه سحبت حجاب شمرته على راسي

وطلعت لگيته بنص الحديقة بلا سلام توجهلي

أباوع لملامحه المتغيرة الشيب اللي منتشر على

اطراف شعره ولحيته المرتبة جسمة اللي مليان

وصاير أحلى بلبسه الشتوي الأنيق صفنت وهو يتقدم

ناحيتي بس وگعت عينه بعيني توقف

وطلع السلام من شفافه ببحة عميقة 

-شلونج صِبى

-الحمد لله

ابتسم واختفت أبتسامته وفتح التلفون

خلا بوجهي صورة شاشة لكاميرا البيت

لعلي وهو ينطيني الفلوس 

-هذااااااا منوووووو

صفنت بوجهه

-منين جبت هالصوووووورة

-مو مهم منييين المهم منوووو

-سؤالي واضح منين جبت الصورة مال الكاميرات

عض شفافة يمحي توتره

-رابط الكاميرات يمي

بهتت وجاوبته

-ماعندك ثقة بيه

تقرب مني نزل الحجاب من راسي

وعدل ضفيرتي على كتفي ومرر اصبعه

بسرعة وخفة على نحري وابتعدت عنه

همس بشوق

-ليش متگولين ماگدرت أعيش بلا مااشوف طولج 

الغبي وعيونج الخاااارقات للعادة

ليش متحسين وتگولين اني ماگدرت أتحمل بلا مااشوفج

طول هالأشهر ماجان اكو سبيل غير هذا

اسمع صوتج من تتصلين بأمي

مانسيتي مكالمتج الأسبوعية الها

ولا سؤالج على ام فقار كل فترة

ولا توصيتج لقمر أن تنتبهلي وتتابع

صحتي بس نسيتيني الي 

-مو مبرر حتى تشك وتربط الكاميرات يمك

-ماااااااا أشك وأيمن ميخطي خطوة

تجاهج بدون مينطيني خبر بسس

اللي يأذيني رفضج أن تاخذين مصرفج

اللي هو حقج مني وتوافقين تاخذين من أيمن

-سواء أنت أو أيمن اي قرش دخل بيتي

منكم يرجع وانت تعرفني مااضطرني

للقبول غير أيجار الأشهر الفاتت اللي

رفضت تاخذه سمية لذلك وافقت اخذ

وبعدين هذا مو حديثنا بأي حق تربط

الكاميرات على تلفونك

اقترب مني وباوع بعيني بأشتياق

-بحق أني زووووجج

-راح تكون

بس گلت هالكلمة خزرني

-لو الف سنة راح ابقى زوجج ومااكون غير شي

نقر على جبيني بأصبعه وراد يطلع

التفتلي راجع

-حمزة يريد مُنى وثقي وصدگي ميتزوجون

قبل ماارجعج لحضني حتى يصير العررررس

عرسييييين

-تحلم

-لا راح احقق أن شاء الله

دار وجهة وطلع ورجعت اني

دخلت حلفتهم الاثنين سومة ومنى مقبلن

يحلفن لذلك عرفت وحدة منهن مخليتة يربط

الكاميرات والثانية تغطي على جريمتها

وبسبب فرحتي بنتيجة قبول مُنى ماحاسبها

من عرفت هي اللي مخلية أسد يربط

الكاميرات بعد ماحست بالذنب واجت اعترفتلي 

فرحتي بيها جانت متنوصف لأن القبولات

تأخرت لحد شهر ١٢ اللي احنه بي

حالياً وصار اللي تريده وانقبلت

علم النفس الاجتماعي جامعة …………

هي وقمر ذات التخصص وبده

دوامهم متذبذب وهجين بين الحضوري

والالكتروني

جانت فرحانة بهالدوام

وطايرة انها دخلت شي هي حابته

آني رجعت لدوامي وبديت أنتظم بي

وكذلك الكتروني وحظوري بس

الحياة صارت جامدة 

وأغلب الوقت خوووف لحد منصابت مُنى هي وقمر

منعرف منو عدت منو هالكلام جان

قبل الأمتحانات النهائية

جانت وگعتها متوسطة الشدة اخذت

بالي منها وحاوطناها اني وسومة برعايتنا

لحد متحسنت

وبعد عناء تقررت الأمتحانات وأمتحنت هي قبلي

واني بعدها بيوم الأمتحان الثاني

أجاني فيديو من رقم غريب

فتحته جان تسجيل شاشة لأتصال فيديو

بين سناء وصفا ألاتصال أقل

مايقال عنة ان هو مهين بحقي جانو

كأنهم متصلين من زمان كلام سناء

خلاني مكممة شفافي من الصدمة ليش

هيج كارهتني رغم ماعندي موقف مو زين

وياها گاعدة وتحجي ويه صفا بكل ثقة

-ومنو گلج أسد صابر عليها

ترة حسيته أرتاح منها والا وين اكو

رجال يتحمل سنة ونص مدري شگد

بدوووون زوجته

-اسكتي سناء رجاءاً شفادني المشي

وره مشورتج تالي حظرني بدون اي كلام

وسمعت من نسرين حظرني لخاطر المحروسة

-انتِ غبية بسرعة طگيتي الجواز وسافرتي

المكاااااان فارغ واني سمعت طراطيش كلام

ان هو يريد يخطب

-كذاااااااااابة

-والله ومحدد حتى موعد بشهر العاشر

-منوووو گلج

-بنتي والله سامعته يحجي ويه فقار

يگله هاي هي على شهر

العاشر اخطبها خالي مر

هوايه على وفاته وراح اعتذر

من الولد ومن امي رايدها

ومقتنع وخلي اللي يصير

يصير شنو اسوي لصبى اول وتالي

راح تخضع للأمر الواقع

-لج هاااااااي عليه أكييييييد

مدام يعتذر من اخواني وعمتي

-ايييييي ولج ليش اتصلت بيج تعااااي

رجعي وبما ان حتى امج بره يم اخوج

تعاي گعدي ببيت أهلي صيري گدام

عينه هالفترة 

-ماااعرف سناء خليها تجي منه

وهو يتصل 

-يحبج

-اعررررف والا ماشالني بين ايدي

گدام اخواني بعزة بابا من تخربطت 

-اخذيها مني لتتركينه لهاي 

اللي لا اصل ولا اهل

خلص الفيديو ليجاي

وبعده وصلتني رسالة مكتوب بيها

-رووووحي لبيت أسد راح تلگين

صفا موووووجودة للمرة الألف اختارها

هي وتركج ومباقي على خطوبتهم شي

وانتِ باقية معاندة نفسج ومقدمته الها

على طبق من ذهب

انحظرت بعدها بس المحادثة موجودة

والفيديو حفظته

وبلا اي تفاهم اتصلت بقمر

-هلووو خالة

-قمر سؤال واحد وراها اروح

-گولي خالة

-صفا من يمتى يمكم

تلعثمت بالرد بس جاوبت

-صارلها أسبوعين

-تمام في امان الله حبيبتي 

سديت الأتصال طلعت جنطة

جمعت بيها ملابس اليه ولمنى 

وگعدتها من النوم سومة طالعة تتسوگ

مُنى مصدومة وتباوعلي ممستوعبة

-ويييييين رايحين

-لأربيل گووووومي مدام الحظر

للستة يلا يبدي

-صِبى ياااربيل وامتحاناتج

-ماامتحن

-صِبى فدوووووة لعينج هم تضيعين هالسنة

انفجرت غاضبة واصيح

-انعل ابوووووو الامتحااااان گوووووووومي

نوووولي منا اذا بقيت هنا امووووووت والله

أمووووووووت

ركضتلي حضنتني خايفة

-شبيج صباوي والله راح تنجلطين باوعي

وجهج شاحب وترجفين

-اذا تحبيني بروح خالتي لبسي بدون

كلام

تركتني وبلا صوت لبست وتجهزت واجت

لزمت ايدي واني گاعدة ومتتظرتها

-اني وياج صِبى شتسوين ووين ترحين وياج

اهم شي متنقهرين بس فهميني شصار

ولأول مرة احجي لمنى كبنية جبيرة اللي

صار فتحت التلفون تشوف الفيديو تركت التلفون

بيدهة من انفتحت الباب دخلت سومة گمتلها من شهگت وهي تشوف الجنط

-وين رايحااااااات ولجن

-لأربيل سووووومة أريد ابتعد

-وامتحاناتج ولج صِبى هم تضيعين هالسنة

-عمري كله ضاع سووومة ماوكفت عالسنة هايه

-شصااااااار صباووووي ولج احجيلي وجهج

أصفر

اجتي مُنى من الغرفة بيدها التلفون خلته

بيد سومة

-سومة خلينه نروح وتبتعد صِبى فترة

باوعيلها ذوت وذبلت والله يقتلها القهر بس

تبقى هنا خلي يدورها يجوز يحس على نفسه

حضنتنه احنه الأثنين وباست صِبى 

-راح اطفي الكاميرات خلي يفر بأذنه من يشوفها

طافية راح يجيني اني متأكدة وساعتها والله

اگله مااعرف وينها انهزمت بدون متنطيتي

خبر

وفعلا صار هيج طفت سومة الكاميرات واحنه

طلعنا بعد وداع ودموووع صعدنا السيارات

ومااتصلت

صعدنة السيارات

ومااتصلت لا بغنى ولا أيمن حتى ليظل بالهم

بعد خمس ساعات بين قطوعات وسيطرات

وصلنا غِنى جانت بين الفرحة والصدمة اول

مدخلنا متقربنالهم گلتلها تعقم الجنط

وتطلعلنا ملابس منها سبحنه بالحمام البره

ودخلنالهم حضنتنا فرحانة

-يمممممممه مشتاقتلكم

لييييش ماجبتو سوووومة

باوعت عليه وصفنت

-وامتحانج ولج صِبى 

-تعبانة غِنى

باوعت بوجهي وسحبتني لغرفة حمادة

-نامي وارتاحي مراح اسألج اي شي

حبيبتي

دخلت للغرفة ظلمتها وطلعت

تمددت بالفراش وعيني عالسگف

الكلام يتردد ببالي اللي يصير

يصير شنو اسوي لصبى اول وتالي

راح تخضع للأمر الواقع

هسه فهمت كل شي جان واضح بس أني غشيمة ما جنت أشوف

شسوي لصبى أكيد راح تخضع للأمر الواقع هههه

يعني هو متأكد إني ما عندي خيار

عبالك  متأكد إني ما أگدر أصرخ بوجه ظلمه اليه

لأن الدنيا علمتني السكوت يمكن ميعرف شگد هذا الكلام وجعني ما يعرف شلون حسسني إني جماد

مو أنسانة عدها كرامة والها حق تختار

بس غلطان مووووو اني الأخضع ولا اني

الأسكت ونهاية طريقنا ياأسد هي هاية

غطيت بالنوم وصحيت على صوت دگة

الباب عرفته أيمن لبست حجابي وطلعت

واگف وابتسامته الحلوة مضوية وجهه

-يااااااابه نوووورت أربيييييل

-بوجودك ابو حمادة شلونك

-الحمد لله گعدي يابه وقت عشه وشلون جبتلج

عشه ضلووووع غنم شووووي متبلة

وحبشكلات وياها

-ليش تكلف نفسك

مشينه للمطبخ وهو يحجي

-مو الكم اللحم هنا عندي دينصورة اكلة للحوم

مسوية نظام غذائي بس بروتين وهاي مگظيها

صرفيات عليها وعلى صماخها

التفتت غِنى باوعتلة صفح

-شتسوي عيوني ابتليت بعد

الوزن منين اجاني موووو من ولادة بنتك

-بنتج اللي عمرها سنتيييين بعدج تسوين دايت

من وراها

غمزلها وهي ضحكت خجلانة

-شسوووووي الاكل طييييب

مُنى شايله رحمة وتباوع لطول غِنى

-ترة وزنج طبيييعي ليش الدايت

-لا حبي لازم احافظ على رشاقتي

لأن الزلم ميملي عينهم بس التراااااااب

وگف يمها يلگط زيتون من الصحن

-حبيبتي اني انسان ميهمني الوزن

ابتسمت هي وهو كمل

-حبيبتي اني اجرش اخضر ويابس

سمينة وضعيفة طويلة وقصيرة سمرة

وبيضة

ضربتة على كتفه ورفعت السجينة

-شوووو طلعت سرسرياتك گدام اخواتي

-لأن متكدرين تسوين شي كدامهم

ضحك وطلع من المطبخ اشرلي عالحديقة

دفعتني غِنى 

-طلعي گعدي بالحديقة اني ومناوي نجهز العشه

طلعت گعدت يمه باوعلي بهدوء وسأل

-احجيلي

ابتسمت على كلمته المعتادة

فتحت التلفون عالفيديو بس خليته

يسمع لأن هن محجبات وبالاتصال شعرهم طالع

جگارته بيده يستمع لحد ماكمل الاتصال

-اسد يعرف بهالكلام

-لا 

-من اجيتي گلتيله

-اكيد لا

-خليييها عليه 

-الله عليك لتگله يمي

-لا هالمرة اريد اتحيون والعب علي

-لا حشاك

-ميخالف شويه جرة اذن متضر

احجيلي أنتِ شحاسة

-يمكن راح يكون أصعب قرار أخذه

بس الحقيقة بعد مااگدر أكمل وأني گلبي مو مرتاح

جنت أظن إن الحب وحده كافي بس بمرور

الوقت اكتشفت إن التفاهم والراحة النفسية أهم

ما أنكر لحظات حلوة قضيناها ولا مشاعر جانت صادقة

بس المشي بعكس الاتجاه لمشاعري وللي أحسه تعبني لذلك هالمرة اختار نفسي وبس ارجع ارفع

معاملة للأنفصال جان رافض ننفصل وكل مرة

يگول اخليج ترتاحين وبمرور الوقت نرجع

بس هاي مر الوقت وماحصلت بس الأذى

-وياج اني باللي تردي بس اسمعيني

لازم يعرف اللي صار حتى

ساعتهة تكونين مسويه اللي عليج

والأذى اجه منه هووو وهو اللي سبب رحيلج

-هو مطردني ولا بعدني عنه بصراحة

بس خله البقاء ويا مستحيل بتصرفاته

وهاياني طلعت من حياته

كأنما أني اللي قررت اتركه مو هو اللي

دفعني بتصرفاته

دخلن البنات للحديقة بيدهن صينية المشاوي

والمقبلات الاولاد يفترون

حوالينا وياكلون ونسة وضحكات عالية

وفرحة باللمة بس ناقصها سومة

بعد العشه والونسة دخلنا للغرف ننام

حمادة نام يم مُنى وبقو يودودون ويسولفون

ويلعبون بالتلفون 

واني تصفحت شويه بالتلفون ونمت

صبحية صحيت على صوت تلفوني يرن

جانت سومة صوتها مرح وتحجي بأريحية

-ها حبيبتي سومة

-شوفي تصوير الكاميرات الدزيته

دخلت واتساب شفت التصوير اسد

بالباب يحوم ويدگ الجرس

وسومة طلعت تتمشى بهدوء فتحتله

الباب وبقو يحجون بالحديقة

وانقطع التصوير

-هاي يمتى وره مطلعنا

-اييييييي وره مطلعتو بساعة

اجة شايفة العتوي المحروگ ذيله صوته رايح

واضح جان يصيح بالبيت سألني

-وينها اريد احاجيها

-مااعرف رجعت من السوگ لگيتها

رايحة وتاركتلي رسالة كاتبة

اني اسفة سومة لأن طلعت بدون ماابلغج

بس اني تعبت وحتى الامتحان تركته

مراح امتحن اخذت اختي وطالعة منا مكان

بي أسد وصفا مااريد اكون بي خلي يتزوجها

بما ان هو مقرر خلي يعرف أني حبيبته

ولازلت بس بطلت أسعى بعد

صفن بوجهي واني اسفط بهالكذب وارجع

ليوره گعد عالمرجوحة وباوعلي

-وييين راحت مشفت الكاميرات

-اي مطفيتهم قبل لتطلع

وتدري حتى مصرف ماكو جوه ايدها شلون

طلعت ووين رايحة مااعرف

-شجااااها ليش هيج صاااار راح

يصير سنتين واني أحاول أنهي الزعل

-تسمعني واني اختك ولا تزعل مني

بس اسوأ إحساس ممكن أن توصله لإنسان قريب منك هو من تستهين بزعله

-اني مستهين بزعلها

-اييييي لأن تكرر نفس الأخطاء والتصرفات التي تجرحها كم مرة بمرة

-بس اقسم باالله اللي رادته تم وسويته

-بس الوصلها مو هيييين

-الكل تحاسب والله والكلام انفهم

بطريقة خاطئة

- شيفيد تصرفك وهي بعيدة

جان من باب أولى متصرف هالتصرف گدامها

هي انتظرت تصرفك هذا تسترجع بي كرامتها

گدامها هي جانت تظن انت مخليها بمكانة عالية بحياتك بس انت مرة مرتين تصرفت بعناد وياها وفضلت غيرها حتى لو عناد بس هي

خاب ظنها وتراكمت الخيبات بصدرها

لحد الانفجار وهاي انهزمت ومانعرف طريقها

وگف محتار شيسوي وشيگول اخر شي

دگ التلفون على حمزة وودعني وطلع

واعصابه ناااار

-ليش هيج گلتيله

-معلييييج انتِ المهم خل افتنلج شصار واروح

-شنووو

-مناوي السوووسة هي موصلة كل شي لقمر

وحمزة لذلك عرف اسد بنفس الساعة

واجاني

-الحقييييرة

-لتحاسبيها اصلا زين سوت خلي يفترر

مثل العطشان يدور مي وميلگه وسمعي

لتخلين مُنى ترد علي ولا غِنى وحتى أيمن

-أيمن گال راح اگله مااعرف وينهم

-والله سبع خلي هذا دووووا يمي اني

يلة رووووحي ولا تضلين تفكرين

-تعاي يمنه سومة

-لا ولج خليني هنا اعيش دور المظلومة اللي

صديقاتها طلعو من البيت ومتدري وينهم

حتى كل ميجي احرگ گلبه

ضحكت على سوالفها وودعتها

بالليل وبعد مااتصل أسد الف مرة

على مُنى وماردت

اتصل بغنى اللي سوت نفسها مصدومة

واخر شي أتصل بأيمن جان گاعد بالهول

أشر لغنى تاخذ روح وحمادة حتى يفتهم

فتح سبيكر واجاني صوته القلق

-ها ابووو حمادة الله يساعدك

-ابو قسور حبيبي شخبارك

بشر رضت الأميرة

ضحك بتوتر وسأله

-أيمن يعني البنات مو يمك

-يابنات

سألة أيمن بخوف مصطنع

-صِبى و مُنى ليييييش شصاير

-موضوع واصل بالغلط لصبى وطالعة هي ومنى

وماكو خبر لا منى ترد

ولا سومة تعرف وينهم

-جاااااايك لبغداد اني

-لا لا بس خلي ام حمادة تتصل بيهم

وانت اتصل بلكي يردون

-راح اتصل وأردلك خبر

-منتظرك بعد اخوك

سد الخط وصفگ بيده وصاح

-جوووووواري هاتو الخمر والفاكهة

طگتها غِنى ضحكة وصاحت من المطبخ

-شيريد ابو لهب

-جيبي فاكهة خل ناكل حتى اكذب

على معدة مليانة

نص ساعة سوالف وضحك أتصل أيمن

بأسد

-ها بشرررر

-ردو بس مگالو وين

-صدگ تحجييييي

-حلفتهم ومحد حجت صِبى جانت منهارة

ومتحجي بين كلمة والثانية تبجي مااعرف

شوصلها لحافة الأنهيارر ياخوفي تسوي

بنفسها شي 

سكت اسد لثواني ورد خايف

-لااااا مامعقووولة صِبى عاقلة متسويها

-لا احتمال جبير تسويها متعرف المرة وقت الغيرة

شتسوي

سد التلفون وودع أيمن اللي لعبلي حواجبه

-يومين اطبخه على نار هادية

وراها اگلة اجوني لأربيل فهمتي

-لتگله

-لا بعد اخوج ميصير العيب يركبج

ويصير هو صاحب الحق وأبو الراهي

وفعلا يومين مرو تلفون منى ميسكت

من الرنين لحد مغلقته

باليوم الثالث أيمن أتصل بي وفتح

سبيكر اجاني صوته ملهوف

-بشر ابو حمادة

-اجوني البنات جانو بفندق هنا

-بيهم شي صِبى بيها شي

-لا بس حتى متقبل تحجي تركناها تنام

وترتاح

-اني لو بيدي اجي بس حظر

تام شفت شصار اغلاق كلي بسبب

الأصابات بالك عليهم وبس يرهم

الموضوع اجي وافهمها كل شي

-يصير خير

ودعة وراح وهنا أيمن تغيرت لهجته

-بعد كافي صِبى نهدي اللعب

وتگعدين تتفاهمين ويا اسمعيني

انتي لو صدگ متحبي جان اخذتي

خطوة جدية بالانفصال بس طول هالفترة

مخليه خط رجعة وأمل ان بيوم ترجعون

-جنت أنوي أعاتبه واحجي ويا عن كل الهفوات

والفجوات اللي صارت بينا

مااكذب عليك جانت كرامتي المجروحة

تنتظر منة اعتذار بس للأسف جانت

كل اعتذاراته مشروطة وكأنه يحملني منية

عن اعتذاره بسبب اذيتي

من شفت اكثر من مرة لا مبالاة لجرحي

قررت أعاقبة بالغياب 

-وهاي غبتي بعد اخوج بس شنووو

مو يومين وگلتي رجعني

شهرررررر ضبط تبقين هنا من يفتحون

الحظر اطلعج انتِ ومنى كم مكان تتنفسون

هوى نظيف وتنظمين افكارج

-وغنوة

-غنوة لباب البيت متقبل تطلع تخاف عالجهال

بالسيارة اطلعهم افرهم ترجعنه تسويلنه

اعادة فرمتة حتى تايرات السيارة

تعقمها

-لتلومني ردتو تموتون من انصابيتو

باوعلها مبتسم

-وانتِ انصابيتي وقمتي

بواجبنا تدرين الله وداج اليه هدية

ابتسمتلة خجلانة وهو كمل

-بس شنووو

هدية مجعمرة ولسانها يلوط اذانها

-تسلم ابو حمادة هذا اقل واجب

-بعد رووووووحي

بقو يتناكفون ويتشاقون والاطفال

يلعبون سومة تتصل كل يوم نسولف

نتونس وياها لأن تضوج لوحدها

واسد يريد يجي ومنعة ظرف أصابة

والدته

وهيج مر الشهر ورجعنا أيمن

لبغداد بشهر السابع نهايته تقريباً

سومة جانت طايرة

برجعتنا واني احس رجعت لبيتي

بس رجعت بهمة عطلة واني گاعدة

و مُنى گاعدة قررنا نسوي مشروع

أكل وبدت سومة تروج بالاسواق

القريبة وصرنا كل يوم نسوي وجبة

معجنات وكبب نبيعها للأسواق

الحوالينه الى ان بيوم وية طلعة سومة

ومنى اندگت الباب فتحتها بدون

مااشوف الكاميرات وشفته واگف

بطولة الفارغ وبنطرونه الجينز وتشيرتة

الأسود للأبد يبقى هذا الستايل هو المحبب

لگلبي علي دفع الباب ودخل

سحبني بسرعة حضني جمدت بمكاني

واني أسمع أنفاسة العالية وصوته

الهادئ

-شلون گدرتي

ابتعدت واني اعدل خصلات شعري

اللي تهوست بهالحضن المفاجئ

-مثل ماانت گدرت تحدد موعد

تخطب بي وتسـتأذن من اخوة زوجتك

المستقبلية

دفعني وهو يدخلني للبيت جوة

صرنا بالصالة اني واگفة وهو گبالي

وگف قريب مني عينه بعيني حرك

اصبعه على جبيني

-هالدماغ هذا وقت الزعل يحجججججر

اللي وصلج الكلام واحد كلب

والي حجو الكلام كلاب اكثر حتى لو

كانت اختي وقريبتي

-فهمني بالله

-وجايتني بعد شهر تطلبين تفسير

-لو الف سنة ابقى من حقي اسأل وادور

تفسير للي سمعته وكسر گلبي

مد ايده ناحية گلبي وكتمت أنفاسي من لمسته

-ماجاي اسمع شي غير دگات هادئة

يمكن بعدها تنبض الي

-يمكن

-اممممم اشرحلج

-اشرحلي

-اللي صار بنت سناء اختي سامعتني احجي

وية فقار عن الخطوبة

-اي مبرررروك مهنايين

-تخلينه نحجي لو شلووون

-تفضل

باوعتلة صفح وگعدت

-باووووعي صفح وذبحيني بطارف الرمش

مااهتميت للغزل ولا بينت تأثري

-المهم

-اييييييي نجي للمهم

گالهة واجه گعد بصفي حشك نفسه

ابتعدت سحبني بصفه ولزم أيديه بقوة

-هيج نحجي ابقي ثابتة لتتحركين

گالها وضغط ايديه

-بنت سناء سامعتني احجي عن خطوووبة

بس موووو خطووووبتي خطوبة حمزة الكلب

اللي مصصصر يسوي الخطوبة بيوم عيد

ميلادة ١٠/١٠ وگعد ينوح ويلطم خاف صِبى متقبل

عالخطوبة بظل زعلكم

گتلة البنية اني رايدها الك وراح اخطبها و صِبى

راح تخضع للأمر الواقع مدام انت تحب البنية

-اممممممم

-اييييييه ياحوووور سناء استنتجت غير

شي لأن گلت استأذن من ولد خالي وامي

راحت للطرف الثاني نقلت الصورة غلط

-ايييييي والطرف الثاني يدز فيديوات ورسايل

-لا

-دافع عنها براحتك

-لا جديات اللي رسلج كل شي حمزة

وقمر

صفنت بوجهه وعيوني راحت

للفراغ ماحسيت بس ببوسة سريعة

بمكان غمازتي

ابتعدت بسرعة وهو كمل ولا كأنه مسوي شي

-وحمزة ليش هيج سوه

-هذا الشي تعرفينه منه

فتح تلفونه اتصل بحمزة وفتح السبيكر

-اسمع حمزة اسأل وانت رد والا ماككككو مُنى

-تأمرررررني انت ابو قسوووور

-ليش دزيت الفيديوات لصبى

-بدااااعتك بس لا گاعدة يمك

-اي الغي خلصني

-يابه الله بالخير ام قسوووور

اني معليه هاي قمر گالت خل نثير غيرتها

حتى خالو يشرحلها ويعتذر ويرجعون

سوييييه

-امممممممم وتالي

-التالي يمج بعد اخوج مو عرفتي الصدگ

بشري شتگولين

-موافقة

ابتسم أسد واني كملت

-موافقة على خطوبتكم واباركلكم هالخطوة

ومعليكم بيه اني واستاذ أسد موضوعنا

منتهي

اختفت ابتسامته وسد التلفون

باوعلي ونظرة تحدي اعتلت ملامحة واني گاعدة

هادئة والجو مشحون مشاعر متذبذبة

-ماااراح اتركج هالمرررة كااافي بعد اعتقد السنتين هذبو گلبنا وروحنا 

-خلينا من الكلام سمعته هوايه وبالأخير الأفعال

تگول العكس

-صدگي راح تررررجعين

-الحب مو بالگوه والعيشة سوه مو بالأكراه

-تحددددددي ياحور راح ترجعين لحضني

مو مجبببرة لا راح تختارين الرجوع بأرادتج

وساعتها أشووووفج شوق سنتين شسووووه بيه

تقدملي ووگفت هاربة من نظراته تمسك بيه

وهو يسندني عالحايط اللي ورايه

دفعته وثبتني بين ايدي 

الصالة ضواها خافت هدوء مله الجو

بس التوتر واضح عليه درت وجهي مااباوعلةه

گلبي ينبض بسرعة بنضات وتوتر مااگدر

اخفي

قربه جان لدرجة احساسي بأنفاسه

على مسام وجهي نزل ايده برقة مسح على

ظهري وانحنى على وجهي دفو انفاسه

لمس وجهي ضمني بحضنه جسمه جان دافي

وايدي القوية محاوطتني حتى ماابتعد 

باس جبيني بعدت راسي باوع بعيوني

رفضي الواضح للي جاي يسوي

همس بجانب شفافي

-حضني هووو المكان النهائي لوجودج

فهمتي 

الجو مليان بشحنة رومانسية من ناحيته

وتوتر من ناحيتي

هدوء واني ابعد بي وهو متمسك بية وأنفاسه متلاحقة ببطئ وثقل كأنه مايگدر عالبعد أكثر

ايدي ارتفعت تبعده شبك كفه بكفي رافع ايدي

بمستوى وجهي صرت بالكامل بحضنه تحركت

وهو همس

-خلي حرررركاتج محسوبة راح اسوووي جريمة

هنا اشششش اهدي 

رفعت عيوني علي

جانت عيونه مشتعلة بنار شوق جارف يمكن

او حاجة جسدية

باوعتله برفض احكم قبضة ايده على اديه

ارتجفت انفاسه من حسيت كف ايدة الثانية يتجول

على نحري بخفة حسيت بلسعة حرارة

ايده على جلدي

غمضت عيني مستنكرة 

أقترب شويه اكثر شفافه على شفافي ثبتت بهدوء همس بصوت منخفض مليان اشتياق تحدي

-اثبتي اششش دقيقة وحدة بس دقيقة

شفافه كممت شفافي بلطف أول مرة قبلة هادئة ناعمة فتحت شفافي اتنفس وابتعد وكأني فتحتله باب الجنان  تعمق برجفة لدرجة القسوة انفاسه جانت متسارعة بين  الخوف من ردة فعلي من يتركني وبين الرغبة والتحدي 

أيدي تسللت بلطف لظهري جذبني ناحيته

وحضني بقوة مخالف أضلاعي وتنهد بعدها براحة

ابتعد منطيني مساحة اول ماترك ادية مسحت شفافي

وهالحركة تغثة بشكل

سحب وجهي ورجع كرر نفس الفعلة ومطر وجهي

بقبلات لحد متعب

رفعت نظري اله خزرته رجعلي الخزرة

بأبتسامة خبيثة

-أن شاء الله تكون أرتاحيت

قرب راسة لأذني همس

-لا أكييييد الأفعال اللي أريد اسويها وياج تندرج تحت بند +١٨

دفعته ووخرت اعدل بشعري اللي حاط

نگرة من نگري حسرة لمسني امتدت ادي

هوست شعري بهمجية

-هسه المطلوب شنو

-خطوبة هالأثنين لعبو نفسي كل مااخطو خطوة 

لخطوبتهم تصير كارثة شگلتي بعد شهرين

-هاي هي بس اطلبها من أيمن مو مني

-طالبها وگال على عيوني

-تمام شوكت متحبون اهلا وسهلا

-واحنه

-شبينه احنه

-راجعين

رفعتله حاجبي بتحدي واني اكرر كلامه

-عشم أبلييييس بالجنة عنجهيتي وكبريائي

ميسمحولي ارجع

جذبني بين ادي من خصري

-أذوبهن بافعالي

دفعته واشرتله عالباب

-اللي تسوي هسة ميندرج ضمن

بند الاعتذااااار وميطيب خاطري وعن اذنك اطلع عيب من سومة شتگول

-متگول حبيبي

مشى للباب وباووعلي

-شهرررين زمان وبعدها .........

دگ على صدره

-راح تتوسدين هالصدر

-اي احجيلك بالموضوع عود

ضحك بصوت عالي من كلامي وطلع وهو يرد

بأعجاب

-متوووكحة صِبى هالنسخة الجديدة منج

يرادلها درررراسة عميقة على طررريقتي

سد الباب وراه واني گعدت صافنة

شلووون سكتت على تصرفاته بس لا هو

اجبرني بقوته ذراعه وحبسني بحضنه

ضربت جبيني وگمت منتظرة البنات

دخلت سومة عيونها تتفحصني

تقربت لزمت خدي

-والله شلون مااشوف أسد الغابة اجه

هناااا ولعب جووولة بالبوس وراح

غطيت خدودي وهي ضحكت

-وجهج احمرررر من لحيته ياثووولة

غسلي وتعاي نسولف

غسلت ورجعتلها

-هاج هاي فلوس الثلاث ماركتات

اخذت جزء بسيط منهم وخليتهم بين

اديها

-هذا حقج

-مااخذ والله اني اصلاً متونسة

عالشغل

-ميخالف احنه بيت واحد خليهن مصرف

گمت وياها رحنة للحديقة

و مُنى ويانه

-مناوي اجه اسد طلبج

باوعتلي وهي تگرط جوز

-وأخيرا

كفختها

-شو انتِ متستحين

-ليش استحي شو الموضوع معلق صارلة سنتين ومااحجيلج أنت شايفته اخووو اسد

الغابة غير يشق شق

-ياادبسز

-طبعا ادبسز حبيبتي قابل مثلج

مسوية حصار عالولد

-گومي منا لج

گامت وهي تهز كتفها

-تطگ ببالي اسووويها

شيوخ كبار امشيها

على بيتة اوديها واخطبه

-يااااااا فلتانة

-وياااااا يمه ارررريده

هزت رگبة وسومة تصفگلها

-يممممه مستهترات

-ابقي انتِ طلعي لأسد الغابة بنقاب

منا لمن تاخذة هاي البربوگ صفا ببنطرونها 

االي بس تبزي بدنبوس يطگ

-هههههههههههه شمدريج سومة

-غير شفتها عند قمر حجابها فررري

كلاوووووات

-خل تووولي هسه سمعيني

بعد شهرين الخطوبة

-هلا بيهم

گعدنا نسولف ونخطط

وهيج مرو الشهرين راكضات وعشرة

عشرة راح تتم الخطوبة اجت غِنى

بس شنو خوووافة تمشي وتعقم

اني وسومة جهزنا مُنى بكل

شي قبل يومين رتبنا الصالة النه

والرياجيل بالحديقة رتبت مناوي

نفسها بالبيت وبما ان الحظر جان

جزئي اجت السيارات بالتتابع ممنوع

ازدحامات وتجمعات البنات حاظرات

سناء وام فقار والحجية وخالاتهم

الكل لابس كمامات وملتزم الا العرسان

واحنة تم العقد وأيمن هو الوكيل

ارتفعت الأصوات بفرح

وبدو فقرات العرسان سحبتني

الحجية واخذتني للمطبخ

باوعتلي ونزعت الكمامة

-ولج شگد گلبج قاسي 

ابتمست بوجها

-تردين احجي وياج كأم زوجي لو امي

لزمت كفوفي وكعدنه عالميز

-لا احجيلي مثل امج

بديت احجيلها تفاصيل من اللي

صار وهي تباوعلي بدون رد

اخر شي باستني من جبيني

-سبعة واخت رجال بس ادبتي

بهالسنتين مانام الليل مثل العالم

مخلي كامراتج بتلفونه ويبباوعلج مثل

اليباوع لهلال العيد مامرة ذكر مرضه

وماگال محد طلعني من ازمتي غير صِبى

صايرة حديثه بكل مجلس وكل مكان

اذا طاب خاطرج من الزعل رجعيله يمه

هو هم كبر ويريد مريته يمه تتلگينه من يجي

تعبان ووتوسدين صدره تالي الليل

هزيت راسي اوافقهة الكلام

-الله كريم خالة 

طلعنا يمهم للصالة والهوسة قايمة

تسأل على موعد العرس واعلنها حمزة

-من تنتهي ازمة الفايروس حتى نسوي

عرس فخم

وبين فرحتنا بيهم وضيافتنا راحو

وانطلقت غِنى وعائلتها لبيتهم

الفجر 

وبقينة اني والبنات نعزل ونرتب 

البيت وبدت مطاردات توم وجيري

مُنى وحمزة أثنين مجانين مخطوبين

عركات ومشاكل ٢٤ ساعة يتصافون

ساعة ويتعاركون يوم

بجي يونسنا هو وياها وقمر

ويروح وابتدت السنة الدراسية

بعد أيام من خطوبتهم يرحون

سوه ويرجعون سوه صرت

كل يوم الصبح أگعد أكتب

بدفتري فرحانة بأستقرار حياة

اخواتي وافكر بحياتي شراح تكون

بأيامهة جنت أدور شغل والدوام

أحس نفسي تركته ومااريده هالفترة

وفعلا لگيت شغل جزئي اربع ساعات

باليوم بعيادة طبيب أطفال من ٢ لل٦

وبديت أدوام تحت رفض اسد اللي

اجة معصب وگامت بينه مشكلة

جرحنا بيها بعض بشكل جبير 

دخل بدون حتى ميسلم قدمتله سومة

عصير تركه عالطاولة وعينه مني

-ويييين العزم صار كم يوم اشوفج تطگين

الكشخة وتطلعين مترجعين الا المغرب

-اطگ الكشخة؟ ترة مرايحة ملهى ليلي

رايحة لشغلي

-وشغلج هذا ماگلتي .........

قطع كلامة وتقدم ناحيتي لزم ايدي بقوة مگومني ويا

-ماگلتي عندي رجل گ***د اگله علي

غمضت عيني من كلامه وتنفست مبتعدة

-انتبه لكلامك أسسسسد شنو هالحجي

- يعني كل هالوقت مافهمت شترديييين

وتركتج مرتاحة گلت احل الامور هالفترة

فجأة الگاج تشتغلين بدون علمي

شنووو اني مووووو بعينج 

- لا تلفها وتدورها المشكلة مو بالشغل

المشكلة انت تشوف أي خطوة اسويها ضدك

لأنك نرجسي وما تتحمل أشوف حياتي بعيد عنك

فلتت مني الكلمة وتلعثمت باوعلي صافن بقهر

-نرجسي لأن اررريدج وانتِ رافضة بس علمود تكبرج وعنادج

مو لأنج مظلومة مثل ما تحاولين تصورين للغير 

ضحكت بسخرية على كلامة

-تكبر لا غلطان مو تكببببر كررررامة

انت أنسان تريد الدنيا كلها تتمحور حول مزاجك انت

مشى خطوتين ناحيتي خفف نبرة صوته

بس سياط كلامة لسعت شعوري

- لا تلعبين دور الضحية انتِ الي خليتي نفسج بهالوضع

-تمااااااااام اني اللي خليت نفسي

لأن اني اللي دفعت صفا من جديد لحضنك

اني اللي جرحتك واذيتك بالكلام وعيرتك بمساندتي

وبأصلك وعدم وجود شخص جبير بحياتك

اني اللي تمسكت بماضي خطيبي السابق واحتفظت بذكرياته بكنتورررري انتبببببببه أسد منو الظالم

بهالقصة ومنووووو المظلوم

ساد صمت ثگيل بالصالة تنفس هو بعمق

واني امسح بوجهي اتحاشى البجي گدامه

التفتلي

-صِبى لازم تعترفين انتِ هم غلطتي

-ماغلطت بشنوووو غلطت وياااااك 

ارتفع صوته بغضب متزايد

- أنتِ حتى لمن تغلطين تدورين ألف سبب حتى تطلعين بريئة متمردة وعنييييدة ما تعترفيييين

سنتين كل محاولاتي فشلت بفهمج

وتحملت وزر وتعب بعدنا هالسنتين وتوقف حياتنا 

- لأنك فعلًا السبب انت ما تشوف غير نفسك

ما يهمك شلون تأذيت انت ممستوعب شگد جنت مؤذي المهم عندك نررررجع وصورتك تبقى تلمع

گدام الكل 

-أي صورة حياتي خربت من وره عنادج ورافضة ترجعين بس حتى تثبتين انج اقوى 

-مووووو هاي القووووة اللي قللت من شأني

بيها گدام اخوانك وگعدت تعدد صفات بنت خالك

عكس صفاتي واحتضنتها بووووقت تعبها

المززززززيف مقابل عنادك ويايه وشغلك وياها

صفن بوجهي

-اي تعب مزززززززيف

ولحظتها استوعبت اجه وقت الكلام اللي سمعته من قمر

-بنت خالك الحساسة الرقيقة

بالمرتين اللي حاولت تنتحر جان انتحارها

ميتم الا والكل حواليها حتى ينقذوها بالوقت المناسب وگايلتها بصريح

العبارة بوفاة ابووووها ان هي سوت هالشي

لكسب استعطافك وماشاء الله حصلت مبتغاها

وزوجي يرفعها بين احضانه خووووفاً عليها

بينما كاسر گلبي وتلمحلي بالاذى

وبصريح العبارة تگلي مااتركها وابقى اسندها

-يعني اللي سويتي كلة ثأراً لكرامتج

من مشاعر قدييييمة وكرامتج اهم من حياتنا

-اي كرامتي أهم شنو موقفي واني راجعتلك وبعدك

تتصل بيها وتشتغل وياها وهي جارحتني بالكلام

بدون رد فعل منك انت ساكت ولا كأني اعنيلك

شي 

-يبدووو انج مراح تنسين للأبد 

لحظة صمت ثگيلة حلت بينا عيوني مااسيطر عليها دموعي تتابع بصمت واحد جرح الثاني بالكلام

صوت أنفاسه جان مسموع باوعلي بنظرة خليط بين الغضب والخذلان 

رديتلة النظرة بعيون مليانة دموع 

بنبرة صوت مهزوزة گال

-تدرين يمكن عندج حق ما بقى داعي نكمل

ابتسمت مقهورة اللي صار جان انفجار خلانه

منعرف شنگول مسحت دموعي ووگفت

- أخيراً گلت شي صح

استدار وطلع من الباب وضربه اصدر صوت

عالي انفتحت الباب الداخلية ودخلت سومة

شهگت وحضنتها واني منهارة يمكن هي هاي

الخاتمة يمكن هيج أحسن

أسبوع بعدها تعبت شوية اخذت اجازة

من الشغل وبدت عليه علامات الأصابة

بالفايروس تحضرت مُنى هي وسومة

لمساندتي

يومين شي بسيط باليوم الثالث

ارتفعت حرارتي الرابع بديت اكح

واختنگ لحد الأسبوع اني رافضة اروح

للدكتور سومة لابسة كمامتها وتفتر حواليه

بالسوائل الدافية والعصائر بس تبجي

جنت أسمع وأشوف بلحظات اللي اگدر

افتح اجفاني توگع دموعي من الحرارة

مُنى تبجي و غِنى اسمعهم يحجون وياها

ومتگدر تجي بسبب الحظر 

اليوم الثامن صرت أشوف ضوة حلووو يفتر بالغرفة

واشوفه وهو يتحرك وشعره البني الناعم

يتطاير ينزل لثامه ويضحكلي

-ولج صبيوة رجعي وين جايه

وراي اني مو صغير

مديت ايدي اله وهمست

-حبيبي أخاف عليك خليني

هنا عيني منك

شفته وهو يقترب مني مد ايده

لأجفاني غمضها

-رجعي للبيت يلا حبيبتي

-فررقد

همست ورحت بأغماءة

صحيت منها على صوته وهو يحجي وياهم

-شلووون مابلغتوني

مُنى انتِ ليش ماحجيتي لحمزة عالاقل

اسمع صوت مُنى تبجي

-والله هي متقبل

حسيت بأيده ترفعني سندني على

صدره وهو يصيح

-گوة تتنفس سومة فتحيلي الباب

وعدلي حجابها على راسها

احس بيهم من نقلوني بالسيارة

ومن وصلنا المستشفى اللي بقى

أسد يتصل واحنه بالطريق يدور على

جناح بمستشفى أهلي خاص

رفعوني واول شي سوو الاوكسجين

أحس جاي اتنفس أحسن بس رئاتي

متعيني اكح واختنگ ايده لازمة

ايدي طول ميفرون بيه للتحاليل

والاشعة والرنين بعد ساعة احس

استقريت بمكان وخفت الفوضى

حواليه وصوت سومة الباكي

-اني أبقى يمها

-لا رجعي للبيت اني يمها

مُنى تبقى وحدها ومنريدها تنصاب

-شلووون

-اني وياها ليظل بالج روحي

وعذريني مااگدر اوصلج راح يجي الدكتور

يفهمني الوضع

حسيت بوجه سومة وهي تبوس جبيني

وگعت دموعها على وجهي

ونزلت دموعي حزن على موقفها

احس بجيبني المتعرق والبرد اللي صابني

وصوته يهمس بقلق 

-فتحي عينج حور 

فتحت عيني وانسابت دموعي نازلة

اكتسى وجهه الحزن واني ارجع اغمض

واكح خلالي الماسك وغطيت بأغماءة

ثانية وعيت منها على صوت الدكتور

وهو يوجه الممرضين اللي يعلگولي المحاليل

والاجهزة اللي تفحص الاوكسجين والنبض

الاعراض بدت تشتد

ضيق بالتنفس الم وضغط بالصدر بديت

اتشوش وماانتبه للكلام سعال قوي ومستمر 

حرارة مرتفعة ومتنخفض رغم كمية الادوية

اوكسجيني نزل عن ال٩٤

خلوني عالاوكسجين بشكل كامل ابر

فايروسات وكورتيزون ابر مميعة للدم

خوفاً من الجلطة 

بكل هالوضع أسد جان عالتلفون ويا

الكل ويه أيمن وغنى ومنى وسومة

واهله يرفعني لحضنه ياخذني للحمام

ويرجعني طلع نص ساعة ورجع بجنطة

ملابس من البيت غيرلي ملابسي

بعد ماغسلت بكل هالفوضى الاوكسجين

ممفارگني والحجي يأذي صدري

بس هدوء وصمت بهاليوم اللي هو الثالث

اليه بالمستشفى ارتفعت حرارتي ومنزلت

ولزمتني رجفة رغم الجو المعتدل ايده

ممتدة لجبيني بالكمادات رجفت شفافي

بعدت الماسك

-أسد الله

باوعلي وعيونه ذبلت حزن

-ها حبيبتي

-بردانة

لفني بالبطانيات لف ولازلت اطگ

السن بالسن رفع البطانيات

ورجفت سحبني لحضنه عدل الماسك

على وجهي وسند راسي على صدره

والتف ويايه بالبطانيات

جسمي كله يرجف حاوطني بأيدي

ورجلي وسند راسي بفكه حتى تخف رجفتي

وارتفع همس صوته بقراءة القرآن

بصوت هادئ

غفيت بعدها وهو يمسح على اكتافي

ويحجي بهدوء ويقسم

-اقسم بالله بعد ماافارگج ثواني

غفيت لوقت غير معلوم أسمع

صوته يتذبذب ويحجي بصوت مرتجف

بالتلفون

-يوم ادعيلها وضعها ميطمن

والله ألوم بنفسي كل ثانية ودقيقة

على كل شي صار

والله مااسامح نفسي اذا ضاعت

من ايدي بهالمرض وهي زعلانة مني 

كحيت التفتلي وسد التلفون

-صِبى تسمعيني

هزيت راسي وسحبت أيده

- مُنى 

-مابيها شي منتظرتج بالبيت سمعتي 

الدكتور گال مباقي شي ونطلعج منا

-اريد مي

-زين اكو شوربة رهيبة سوتها الحجية

تاكلين شويه

-مااگدر

-شووويه حتى لو شي بسيط

جاب الحافظة خلاها عالميز

رفع السرير بمستوى گعدة

رفع الماسك وبين خاشوگة والثانية

يرجع الماسك اتنفس ويرجعه

اشرتله مااريد

مسح شفافي ورجع شربني مي

ورجع الماسك عينه مني احس

ثقل على صدري كأني شايله

جبل

تنفست حيل والنفس مرجع بصدري

وگف يشوف شبيه اشرتله على صدري

مختنگة رفعني بحضنه يدگ على ظهري

بخفة بديت اغيب عن الوعي وايديه

وگعت بوهن وصوته العالي ارتفع

وهو ينزلني عالسرير ويطلع مفزووع

غبت ووعيت والهوسة حواليه

والاوكسجين يندفع بنسبة

أعلى لصدري احس تنفست بملئ

رئاتي لأول مرة فتحت عيني علي

وهو يدس خصل شعري جوه الحجاب

ويحجي ويه الدكتور

-يعني مااوكلها بعد

-بس هاليومين خل يتحسن تنفسها وجاي

يتحسن لتخاف اصابة رئتها تحسنت

بس متتحمل الاكل خليها عالعصائر

والمحاليل

طلع الدكتور وهو التفتلي راجع

گعد بالگاع ووجهه بمستوى السرير

لازم أيدي 

-باوعيلي

خليت عيني بعينه أبتسمت

وعلى ابتسامتي أبتسم باس كفي

وهمس

-ماكو رجعة غير لصدري

وماكو سكن بعد غير گلبي مستحيل

أفرط بيج بعد الصار

ماگدرت ارد بس راحة صابت

اوصالي بسبب الاوكسجين اللي

انبث برئاتي وغفيت لأول مرة

من أيام بنفس كامل بلا خنگة

اجاني صوت سومة البعيد وهي

تحجي ويا فتحت عيوني ويا اخر كلام

-لذلك هي تستحق

كل شي الحجيته الك قبل

واللي حجيته هسه ترررريدها لازم

تحافظ عليها اقسم بالله فراق الموت

اصعب من اي فراق 

شفتها بعينك جانت على حافة الموت وحجت ويه أخوها الله يرحمه تخيل لو فاقدها وبينكم هالزعل

عناد منك وعناد منها وسنتين ضاعن

خسارة علمود ناس متسوى لتزعل مني

بس بنت خالك صلفة عينك عينك تدزلها

تگلها هو شخصي المفضل وها خلي بعملك

صفا بنفسها حاجية لأختك سناء الله يحفظها

وهالحجي مو من جيبي من قمر تگلها أسد

اخر فرصة الية للزواج والانجاب

لأن منفصلة قلت فرص زواجي

يعني مو حبا بقرابة الدم لازگة لا

متعمدة تريد تخرب حياتك وحياة صِبى 

-الگلتي قبل وهسه على راسي

وگلتها الج ولحمزة تطلع منا على بيتنا

مستحيل افرط بيها وراح ارجعها حتى

لو اضطرني الأمر اكلبجها

-ههههههههههه مو لهالدرجة

-لا واكثر اگولها وياريت تسمعني

غصباً عليها ترجعلي

وگفت سومة واجت ناحيتي

مبتسمة

-شوفها گاعدة وسمعت

اني اطمأنيت عليج راح اترككم

باقيلج خمس أيام وتطلعين بهالخمس

أيام اتفقو احجو تعاتبو بس

المهم طلعو بنتيجة تجبر بخاطركم

انتم الأثنين

وانت خوية دير بالك 

على نفسك صح مصاب قبل بس ممكن 

تنصاب مرة ثانية وعينك من صبية

ترى تستاهل الدلال 

طلعت هي وهو گام للغرفة طفى

اضائتها وأجه گعد بصفي صح

صدري مرتاح بس مااگدر أحجي

لزم ايدي بلطف وباوع بعيوني

-راح احجيلج الصار والسمعته

وبعدها أعتذرلج كل اعتذارات الدنيا

لأن مافهمتج وماشفتج مو شكلا لا

ماشفت روحج الهشة

وگلبج المتكسر اللي ماباقي منه بس جزء

حبيتيني بي وللأسف بقلة

معرفتي بيج كسرته

اعترف أني جنت أناني طماع

ردتج سند ماانكر ولازلت اريدج سند

بس بعد السمعتة عرفت غلطي

واجيت اصححه وصار اللي صار

عناد منج وعناد وتعنت واحيانا حقارة

مني وصلنا لهالحال

ترك الكرسي وعدل كمامته وصعد بصفي عالسرير

حركني شويه اخذني لحضنه ساند راسي

لصدره وايده تتحرك بشعري بهدوء وبده

يسرد حديث اني مسامعتة ولا اعرف عنه شي

حديث خلاني أعرف ان الدنيا ولدتلي أخت

ثالثة أخت مثل سومة تمشي وتسد ثغرات

حياتي واخطائي

تجولت ايده بشعري براحة وبده يحجي

بهدوء وسلاسة

-طول هالسنتين المضو جانت سومة

مثل الجندي المجهول بحياتج ويه

كل مواجهة وهفوة بيني وبينج

لو اشوفها لو تتصل بيه وتبدي تنصحني

وبذات الوقت تأنبني ودائما جانت كلمتها

-أنت شتعرف عن صِبى حتى تحكم عليها

هالكلمة تكررت بأكثر من موووقف واكثر

من حديث الى أن صار اللي صار ورحتي لأربيل

بأيامها جنت مثل اللي مضيع حلم عمره

ماانكر بهاليوم اللي رحتلها بي وحجت اللي

حجته جنت عصبي وجرحتها بالكلام يمكن

بس جانت مثل الاخت الجبيرة تشد وترخي

بالكلام دخلت بيومها وبعد غياب يومين

واني ادور عنج واسأل دگيت عليها الباب

اشرتلي تفضل

دخلت گعدنة بالحديقة جابت عصير

وگعدت مقابيلي

-سومة احجيلي اني متأكد تعرفين مكانها

-مااعرفة صراحة البنية طلعت منا غضبانة

ومحجت وين رايحة مخليتلي بس رسالة

-سمية خلينة اخوة وگليلي وووووووينها

ارتفع صوتي وهي قابلتني ببرود مطلق

-مااعرف وتريد الصدگ بعد اللي

صار حتى لو عرفت مراح اگلك

-انتتتتتتتت ماكو غيرج اللي قويتي شوكتها

عليييييية انت خليتيها تعاند وتكابر وتركب راسها

-هههههه اذاً انت بعدك ماتعرف صِبى

-شعرررررررف بس فهميني كل مرة

نفس الجملة شعررررف شنو المحتاج أعرفه

وانت تعرفي اكثر مني عن زوجتي

-جييييد هسه يحلى الكلام عندك وقت

لعد اسمع وركز

تعرف ابو صِبى شسوه بيهم

-اعرف جان يشرب

-يشرب ويقامر ويزني وبسببة مات فرقد

تعرف شصار بصبى بعد موت اخووها

-هي متعلقة بي بس مااعرف غير هالشي

-ليش مسألت

-هي مثل الكتاب المغلق متحجيلي

-ليش مافكرت تسألها وانت تشوفها بكل

مرة تكتب بدفتر مذكرات ويوميات حتى اخوها

يقراها

تعرف انها من يوم اللي مات لليوم تفز الفجر

مرات توگف يم الشباك تنتظره ولمن تدخل اشعة

الشمس تأيس وترجع تدخل

وبمرة انتَ شايفها فاتحة الشباك

گايللها سدي الهوا حار يدخل للغرفة

صفنت لثواني بوجها وادركت شتريد تگول

-جان المفروض اسألها ليش تكرر هالفعل

-صححح 

زين تعرف تركت دراستها بالمرتين وتحججت

بالتعب والمشاكل والفايروس 

-ليييش 

-لأن رابطة هالشي بمقتل أخوها

تتذكر ايام وفاته اللي اجت بعدها

امتحانات وتركتها فكرت سألتها ليش بالسنتين

تركت السنة الاولى

-شلون امتحنت السادس

-تحدي لنفسها وتحلف ان وهي تمشي

للأمتحان تحس بخطوات فرقد وراها

وهو يوصلها مثل ايامهم قبل

هزيت راسي رافض سماع هالقصة

-جاعت وعرت واجت أيام تگول ابويه

يطلع للشرب يتركنا وصارت اكلتنا خبز بالدهن

لأن خالتي مبيدها شي

وهي بعدها مصدومة بموت اخوها

وترفض تطلب حتى من صديق اخوها

اللي امنه عليهم 

صِبى بنية فقيرة من بيئة فقيرة بس غنية

روح اللي تشوفه تكبر

هاي كرامة

اللي تشوفه عناد

هذا أثبات ذات قوية سند

اخت رجال بس بنفس الوقت گلب ماكو

تحس كل گلبها هناك بوادي السلام اندفن

ويا الشاب ابو ١٨ سنة اللي مردت الرصاصة

گلبة ولازالت تتخايله

تدري مرة گالتلي اني عبالي گلبي

خلص ومابي مكان بس لفرقد

وسبحان اللي زرع حب أسد بگلبي

وسواله مكانة بزاوية صغيرة رممها

وسكنها بعد تعب وغربة مشاعر واهل

هيج جانت حاسبتك حبيب بوقت المشاعر

واهل بوقت الغربة بس للأسف

انت مقريتها ولا فسرتها

تعرف ليش من سمعت كلامك ويه اخوك

قبل العرس ليش كملت

سألتها اني ماجان عدها رد بس كلمة

وحدة

-لأن حبيته سومة گلت يتغير هالشي

من يشوفني ساندته بدون اعتبارات

بس للأسف انت خربت الوضع

من بينتلها ان الحياة عرض وطلب

وانك راح تنطيها المقابل المادي

من تساعدك كلامك بينلها انها عادي

مو مهمة بت فگر ومتعودة عالصگعات

لذلك تتحمل غيابك اذا صار بيك شي

-غلطانة مو هيج

-لا هيج هي ذكية وتقرأ البشر

من تصرفاته ولا تزعل عليه فترة مرضك

يمكن ناسيها جانت كل جمعة من تجي

متحجي ويانه تدخل الغرفة ساعة

اكثر تطلع عيونها وارمة من البجي

مرة مرتين الى أن بمرة ضغطت عليها

ومگالت بس شويه مواقف واحد منهم

رافع ايدك عليها

بيومها وصفت شعورها بجملة حزينة

گالتلي

-كفه اللي جنت مأمنة بي بعد كل مينرفع

حتى لو يمسح دمعتي او يرتفع للدعاء راح

اجفل متوقعة منه صفعة تنهي اخر ذرات

شعوري بالأمان

والمرة البعدها لگيتها لازمة مراية تمسح

الكحل اللي مزين عيونها وتسألني

-ليش گلي كرهت عيونج

خلاني اني اكرههم هم

عيوني الجان فرقد يغازلهم ويضحك

ويگلي هاي العيون الحور عجيبة

الدنيا الثامنة

دمر هالذكرى اليه من نطق كلمة

اكره عيونج

اما آخر مرة اجت بيها جانت ذابلة

ساكنة هادئة سألتها

گالت لگيته شايل ذكريات صفا من الكنتور

على اساس يدمرهم ويحرگهم

لگيتهم بالمكتب مخفيات

ورة فترة رجعت ولگيتهم مشمورين

بالزبل ببساطة لأن صفا جرحته بالكلام

يعني فضل جرحه على جرحي رغم معرفته

اني ممكن الگاهم بسهولة

-هاي هالگد جارحها اني هيج متلاعب بسعادتها

ومبجي عيونها الحلوة

-والقاضية انك ماعرفت تحبها

واستكثرت نفسك عليها ورجعت

كررت نفس الغلط برجعة صفا للشغل

تعرف شي

-عرفيني

-جملة وحدة جانت ممكن تنهي الخلاف

-جملة ؟

-ايييييي لهالدرجة صِبى بسيطة

بس لو گايللها يحترگ الشغل ويه صفا

وتحترگ صفا نفسها انتِ الأهم عندي

-مو ممكن توافق

-اكيد لا وانت بذات الوقت تعاركت وياها

ودمرتها وهي جايتك فرحانة تحاول

تنهي الخلاف وتفرحك بقبولها

تالي تسويهة فلتانة ......

-لا اااااا حشاها مگايل هيج

-كلامك اوحالها بنفس المعنى

بدل متحتويها ورغم كل شي

هي صبرت وخلت خط رجعة

لكنك بترت كل حبل للصلح

وتركتها تصارع ظنونها واختك

وصفا ساعدن على هالشي لحد

موصلت حافة الأنهيار

المهم اني اريد اگلك شي

-گولي

-حب صِبى

-والله أحبها يابشر

-لا حبها هيييج مثل البنات الصغار

المراهقات اللي يدزولهن اغاني

ويجيبولهن نفاخات بالعيد وككاو

ابو الربع

حبها حب يناسب عمرها حب مخابيل

عيشها اللي معاشته

رجعلها طفولتها الضاعت بين المقالع

وتلال الزبالة

ومراهقتها اللي كضتها واگفة عالشباك تنتظر

اخوها خوفا ان يسرقه كف المجهول

حبها لشبابها لعمر ال٢٦ اللي مافهمت

منة غير الفرة عالمكاتب متلثمة وتنظيف

الحمامات وطلبات الموظفين

حبها كأنك تحب لأول مرة الحب الوقور

هذا خلو للشياب انتم شباب حبها ببساطة

هيج بين الثواني والدقايق وهي گاعدة

يمك دزلها احبج هذا الحب اللي تحتاجة صِبى

هذا الحب اللي گالتلك علي حبني لنفسي

وصدگ حبها لنفسها والله تستاهل تنحب

حضني لصدره اقوى وكمل

-من يومها عرفت أن اكو من صِبى نسختين

نسخة هادئة متعايشة ويه الناس اللي

ميعرفوها وهاي نسخة مرتبة وقورة

قوية شجاعة

والنسخة الثانية اللي تطلع بس ويه

اللي يحبوها النسخة الحساسة

الهشة اللي ممكن جنح فراشة رقيق

يجرحها

بساعتها عرفت النسخة اللي وياي

جانت النسخة الهادئة اللي متطلع

بس للغربة واكتشفت وقتها اني

غربت نفسي عنج بأيدي دفعتج

عني وابعدتج الى ان رجعتيني غريب

بسبب افعالي المجحفة وياج

وقررت ابني جسر ثقة جديد بينا الى أن اخذج

لحضني مو كأسد الله مديرج وزوجج

لا كأسد الحبيب العاشق المتيم

اللي اكتشف بهالسنتين أن هو خسر

حلم عمره

باوعلي وباس عيني

-احب هالعيون وساعة اللي شفتج

أول مرة قررت ان هالعيون راح تكون

بداية صباحاتي لسنيني الجايه

وراح اگولها هسه وارجع اگولها

بعدين يحترگ الشغل والقرابة وصلة

الدم والعناد والمناطح

گالها وضرب جبينه بجبيني وضحك

-كل شي يحترگ لخاطر لحظة وحدة من

لحظات هالسنتين الضاعن بدونج

تحترك صفا وأهل صفا وأسد الله ......

مديت ايدي بهدوء لشفافه ابتسم

وباس اطراف اصابعي

-كل شي يحترگ لعيونج بس خليهن

يرجعن يأمنن بية ويطمأنن بوجودي

غمضت عيني بهدوء ودسيت

راسي بصدره حضني قوي وهمس

-رجعي نوري عتمة أيامي حور

ضغطت على كفه بكفي وحسيت

براحة عظيمة سكنت أوصالي 

هذا الأعتذار اللي ردتة كأنه أعتذرلي

عن كل سنين عذابي من أيام طفولتي

لمراهقتي لشبابي

غفيت لوقت طويل

وصوته وهو يهمسلي بكلام مسامعته

منه قبل 

-تعرفين يمتى عرفت اني خسرتج

من اختفت لمعة عيونج تجاهي

ومن بطلت أسمع نغمة صوتج بنطق

اسمي بالكامل أسد الله وتحول أسمي

لجماد أستاذ صرتي تسميني

عرفت اني خسرتج وتوقفتي عن 

متابعتي بأهتمام

لكن تبدلت الأدوار وصرت كل يوم احترگلج

شوگ

بس اعتدادي

برأيي خلاني اتمسك بكلامي

وأحاول اثبت أن العناد يجيب عناد

عاندتج بكلامي وأفعالي وجرحتج لأني

ماعرفتج

فتحت عيوني ببطئ

وگعت على نظراته جانت هادئة ثابتة كأنها تحاول توصل لكل زوايا روحي اقترب وهمس يم اذني 

- آسف آسف لكل كلمة لكل نظرة

لكل تصرف غلط بدر مني آسف عن اليوم

وعن باجر وعن سنين جايه خاف تنسيني

الدنيا واعيد بيهه نفس الغلط

عبالي بهالسنتين بين الشغل والزواج عرفتج

بس طلعت غلطان ما ميزت مشاعرج 

ولا حتى گدرت أقره گلبج

رفعت الماسك من وجهي أخذت نفس طويل 

همست

-طلعني منا

-بس نطمأن على صحتج

مسح على خدي ورجع الماسك بهدوء على وجهي 

مد إيده ودخل كفه بكفي وتغلغلت أصابعه بين أصابعي دفو غريب اجتاحني

وغمضت 

بعد هاليوم بيومين الدكتور

گال مااحتاج ابقى بالمستشفى تنفسي

طبيعي وكل شي بخير

دخلني أسد للحمام غيرت ملابسي

وطلعنا جان وزني من المرض منتهي 

طلعت بره وتنفست وكأني أنولدت من جديد

وصلنا البيت دگ الباب فتحو النا وارتفع صوت

الهلاهل من سومة والفرح بعيونها وصوتها

واااااضح مُنى بالدوام متدري گوه امشي

رفعني أسد من الگاع دخلني الغرفة اطمأن

علية وطلع سومة گعدت يمي لزمت ايديه

-بشريني بصحتج اول شي

-الحمد لله المسحة الاخيرة سلبية

-هسه بشريني بيكم انتِ وأسد الغابة

تفاهمتو

-يعني

-ولججججج

ابتسمت وهزيت راسي

-هاااااه شنو

-تفاهمنا

ساعة ورجع الباب اندگ ودخل أسد

وهو يحاجي سومة

-جيبيها للگراج بس لبسيها حجاب

لبست حجابي وسندتني سومة

جان أسد ويا رجال گصاب سجينته بيدة

وخروف طالع صوته بالحديقة

وگف يمي وأشر للرجال

-صلي على محمد وبلش

ذبح الرجال الخروف قريب من رجلي

ودخلني أسد جوة وبقى هو وسومة بره

نص ساعة ودخلت مُنى وصوتها المرح الفرحان

ملى البيت ركضتلي حضنتني

-هسسسسه يلا تنفست الحمدلله

على سلامتج صباوي

دخلو أسد وسومة اشرت لمنى

طلعت وياها اجه گعد بصفي عالسرير

-شلونها المعنويات

-الحمد لله

باوعلي بحذر

-بعدنا عالاتفاق

ابتسمت وهزيت راسي

تقدملي باس خدي وگام

-تسوگتلج فواكه اكلي وتغذي

وعلاجج استمري علي اليوم راح ارتاح

بالبيت وباجر جايج تمام

-تمام

ودعني وطلع اباوع لتلفوني عالجانب

عالميز سحبته واتصلت بغنى كاميرا

فتحت الخط وعاطت

-طلعتتتتتتتي

-الحمد لله

غطت بالبجي وگوه سكتت

-مابيه شي باوعي والله تحسنت

-أسد ماقصر

-ماانسى وگفته

-غصباً علي يوگفلج المبادرة بكل شي لازم

تجي من الرجل المصالحة وحل المشاكل

كلهة افعال الرجل المرأة ماعليها غير تستجيب

للي يتقدملها نجاح العلاقة يبدي من مبادرة

الرجل لذلك تركي يبادر

بالصلح

بالهدايا

بالعطاء 

ابددددددددد للمستقبل لتقدمين اكثر

من اللي يتقدملج من الطرف المقابل

فهمتي خلي استحقاقج عالي

العطاء الزايد بكل مجالات الحياة

يجلب الطمع فهمتي عليه

-فهمت

-يلا حبيبتي هسة ارتاحي بس ينرفع

الحظر اجيجججج طايرة

ودعتني وراحت وگعدت أفكر بكلامها

غمضت عيني براحة وگعدت أسترجع

خطواتي ولگيت اخطائي وهفواتي

وجزئي من الخطأ اللي صار وفهمته

بوقت متأخر عرفت اني وعلى مدار حياتي

جنت انطي بلا وعي 

جنت أنطي دون حساب

أراعي

أداري

احمل نفسي فوگ طاقتي

حتى من جنت بحاجة مساعدة مسألت

احد يساعدني 

ومن انخذل اگعد الوم نفسي متناسية

اني اني انطيت مجال للغير لأستغلالي 

إلى أن فهمت متأخر 

الخطأ مو من الناس بس 

بل الخطأ مني مرات 

لأني انطيتهم السلطة ان يأذوني

واني ارد الأذى بود وتسامح 

هسه فهمت اني لازم ماارهق نفسي 

انطي على قدر اللي آخذه

بس هالشي مو معناه مااحب

احب واعيش وارتاح لكن مو على

حساب نفسي

.

.

.

.

.

_______

٢٠٢٢ الشهر السابع

.

.

.

.

.

مغمضة عيني بتعب بطني ثگيييلة

احس تريد تنفجر رفعتها بين ايديه

اخفف الضغط ضحكت على

نفسي واصلة السابع أي ضغط يخف

عدلت ثوبي اللي صعد ويه

كرشي و شعلت النار أكمل تحميس الجدر

ضفتله المي وبلشت اطبخ التمن

وحسيت بيد تلتف حواليه

-حوووور 

-حبيبي الله يساعدك

التفتت صرت بين ادي

مسح على بطني ويضحك

-يمتى تفضضض واگدر أحضنج عدل 

-والله على دفراتك تالي الليل راح يجي قبل

اوانه

-هههههههههههههه لج ليش تتهميني باطل

-أسد ياباطل غير انت تلعب تايكواندو بالليل

فدوة لعينك

-فدووووة لعينج انتِ

گالها وباسني بوسة خطف وهو يتلفت

-ماكو البطوطة الثانية

-تعبت وگلتلها تروح تنام

-بيييييت الحوامل والبطاررريق

شمرلي بوسة بالهوا وصعد للغرفة

يغير ملابسه ويرتاح

دخلت الحجية للمطبخ اجت دفعتني

بخفة ايدها

-ولج مو گتلج اني اصلي واجيج

اكمل

-گعدي ارتاحي خالة اني ماعندي

شي وارتاح للوكفة اكثر من الگعدة

-ميخالف مددي ارتاحي

-اذا مددت اتكسل وبعد مااگوم

-وين قمورة

-يم فقار بالصالة والصياح گايم

-اطيحلها حظها والله هالشهر

الزووواج شنو شاتلة الولد شتل

دخلت قمر وتباوع للحجية صفح

-ذاك حفيدج المفضل مابي شي

ولا مشتووول 

دخل فقار غم قمر وحضن الحجية يشكيلها

-تقبليييهة حتى الاخشاب اللي اشتريتها

راح موديلها وقمر الزمان خانم راااااافضة

-ماكو مو بكيفها أسد گال هالشهر

واذا هي مررررة تررررفض

صفنت قمر وتغيرت ملامحها من الشقة

للتوتر طلعو الحجية وفقار بره واني قبغت

الجدر وصحتلها تگعد يمي

باوعتلي وفهمتني قبل لا احجي وردت

-خايفة خالة

-ليييش ياحبيبتي مو فهمتج والله بالزواج

الموضوع مختلف انت مو تحبين فقار

-ايييي أحبه

-باعي والشي اللي يصير بين الازواج

واحد من الاف التعابير عن الحب

يعني اللي تفكرين بي مختلف اذا طرفين محبين

ومقبلين عالموضوع بود وحب بدون

اجبار مراح تجيج ذيج الخيالات وذاك

الخوف

-مُنى تگلي روحي مراجعة للدكتور

مابيها شي

-عفيييية عليج والله تردين اخذج

اني

لعبلتلي حواجبها وهي گايمة

-اني مااخذ ويايه بطريق حبييييي

-يااااااسخيفة 

شمرتلي بوسة وطلعت

خلصت شغلي ونزلتلي مُنى تتگلب

-تررررررره ماصاررررت يمتى اجييييب

-بعدج ستوووج داخلة الخامس وييين تجيبين

-ولج صبيوووة كرشي جبببير

-صلي عالنبي حبيبتي شبيج

-سوووودة عليه عفتج ورحت روحي ارتاحي

واني وقمر نصب الغدة

-اسد مياكل تدرين واني تعبانة راح

انام لتگعدونا للغدة

-تمام حبيبتي

تركتهة وصعدت للغرفة دخلت اخذتلي ملابس

باردة ودخلت سبحت ورحت تمددت بصفه

بخفة ايده امتدت تمسح على بطني

-ليش منايم عيوني

-منتظرج عرفتج راح تصعديلي

فتح ايده خليت راسي

على زندة واحتضني سحب ايدي

-حكيلي شعررري

مديت اصابعي بفروة راسه

ون بتعب لدقايق وغط بالنوم

اباوع لوجهه اليوم تعبان هالقضية اخذت

هووواية من وقته وطاقته

عيني علي مسحت على رموشه الحلوة

تقربت بست عيونه ابتسم وهمس

-متحررشة

ورجع غفة مديت كفي حضنت كفه

واباوع منو جان يصدگ سنتين فراق

واصرار عالأنفصال نرجع بعدها

لبعض ونتيجتها منتظرين طفل

ينور حياتنا 

اخذتني الذكريات بأمواجها ترميني

يمين وشمال ورجعتني لكل ذكريات

ذيج الأيام رجعت بذاكرتي لبعد

تحسني وبعد مارجعت من المستشفى للبيت بعد

اصابتي بالفايروس

.

.

.

.

.

.

بهاليوم بعد ماتركني أسد وراح يرتاح لازمني الأرق مااعرف فرح لو تعب

بس الأعرفه جنت مشتاقة لفرقد

هوووواية ودفتري من اسابيع مكاتبة

بي گمت على كيف بعد نوم سومة

و مُنى طلعته وگعدت يم الشباك اكتب

روحي حيث أنت

الصفحة: ٣٤٠

حبيبي فرقد اعذرني عالبعد هالأيام اكيد انت تعرف

وحاس بيه وبمرضي ماعندي كلام اگوله بس 

والله مشتاقتلك مشتاقة لصوتك للطمأنينة اللي جنت تزرعها بگلبي حتى بأصعب اللحظات

أعرف ما راح ترجع بس كل ما يشتد وجعي

لو تفرحني الحياة 

أغمض عيني وأتمنى ألگاك گبالي مرة ثانية

واحضنك حتى لو ثواني 

_________

سديت الدفتر جانت الساعة ٣ الفجر

دگ تلفوني أستغربت رحت رفعته ونورت الشاشة

بأسمة فتحت الخط واجاني صوته

-صباح الخير حور

-صباح النور أسد الله

ضحك براحة وسألني وكأنه جان منصت لكل كلمة گالتها سومة عن سهري وانتظاري 

-شتسوين يم الشباك

ابتسمت بوجع ورديت

-ماادري أنتظره لو أنتظر ذكريات ايامي

القديمة وياه

-اريد اعرف شلون جان شنو سبب هالحب

البينج وبينه وسر هالعلاقة اللي ماتزعزعت

أسسها من سنين

-جان يفهمني

صمت ساد للحظات واجاني صوته

-وبعد

-يحبني حب الأبن لأمه رغم هو الجبير

يفهمني من رمشة عيني جان اخويه

وابوية وصديقي وأبن گلبي

تمنيت ولسنين ان الرصاصة اللي صابت

گلبة الحنون انقسمت نصين وصابت گلبي

مثل ماجنه نتقاسم رغيف الخبز

والمخدة واللحاف وحتى ذرات الهوا

سكتت بسبب الغصات اللي تلاحقت 

ببلعومي همس ينسيني اللي جاي احسه

-حور

-ها عيني

-شتحبين نغير ببيتنا بغرفتنا

بحياتنا

-ابد للتعب نفسك خلي كل شي مثل ماهو

اريد شي واحد بس

-عيوني الج

-سالمات عيونك أسد الله اني طبعي الكتمان لذلك عوودني على وجودك

من أسكت حاجيني ومن أنسى ذكرني

أني تعودت أقطع مسافات التعب وحيدة

أمشي وحيدة أتسوگ وحيدة أسهر وحيدة

وأصـحى وحيدة

يمكن لهذا السبب جنت أحتاج وقت 

حتى أتعلم شلون أقاسمك يومي حتى أشاركك تفاصيل جنت متعودة أسويها وحدي 

رد علية بأريحية وهدوء يطمني

-صِبى يمكن ماجنت أعرف بس هسه

صرت اعرف انج متعودة تكتمين الوجع

والتعب واعرف ان السكوت والهدوء بالنسبة الج

أمان بس اني اريد اكسر هالامان

واصير جزء منه واوعدج وعد 

من تسكتين راح أحجي وياج

ومن تنسين راح اذكرج ان الكتمان ماله

اي مكان بحياتنا بعد اعرف مشيتي سنين

لوحدج وهالشي شجاعة وبسالة بالنسبة

لبنية بعمرج وادري ان الوحدة صارت رفيقتج

بس اريدج وياي تجربين شلون اذا اكو شخص

يمشي وياج بكل خطوة شعورج وانتِ

تتقاسمين همج ويه شخص يحبج

-ماراح تتعب

-وعددددد مااتعب وراح اكون وياج بالتعب

والراحة والفرح والدموع راح اكون

وياج موجود بكل لحظاتج حتى اللحظات

اللي تحسينها ماتستحق المشاركة

راح تلگيني حاظر 

-واني هذا يكفيني 

-فتحي الكاميرا اشوفج

فتحت الكاميرا وضوة من الشباك يضرب 

على وجهي

- وعيناك داري ودار السلام

وانت البداية في كل شيء ومسك الختام 

ابتسمت وحسيت بالتعب رحت للسرير

-باجر جايين الوالدة وام فقار يشوفوج

-هلا بيهم

-صِبى

-ها عيوني

-نرجع

-بعد

-ماكو بعد شوفي نهاية هالشهر زواج

مُنى وحمزة وبنفس الوقت زواجنا

ضحك وغمزلي

-شگلتي

-تمام

باوعلي وسألني

-صبى ليش مترجعين تكملين دراسة

-مااگدر حالياً

-تدرسين قانون تصيرين المحامية

صبى عامر حرم المحامي أسد الله

غالب

-يمكن بالمستقبل القادم

-واني انتظرج تأشرين وأنفذلج اي حلم 

يلا هسة روحي نامي ارتاحي تصبحين

على خير

ودعته وراح غطيت بالنوم لثاني

يوم استلمتني سومة من الصبح

-مو سبحتي تعاي احفلج والمعج

-مابيه حييل

-انجبي عيب جاية ام اسد الغابة واخته واهله

گعدت رتبت حواجبي ووجهي

غيرت ملابسي وگعدت دگ تلفوني

غِنى فرحانة

-جااااايتج بالطريق

-الله عليج

-والله بس سمعت الحظر يبدي من الستة بالليل

للستة الصبح گتله امشششي نطلع هسه

وجاييينج

-هلا بييييكم اشتاقيتلكم

-حظرووووولنا غده گلي لسووومة تبسي

دجااااج

-تدللون

بس سمعت سومة گلبت الدنيا تموت

على رحمة وحمادة

جهزو الغدة البنات دخلولنا تقريبا الساعة

وحدة الظهر بين فرحة شفائي ووجودهم

حواليه گعدنا نتغده ونسولف

فرحانين بين ماارتاحو اتصل أسد العصر واجو

هو واهله حمزة وفقار وام فقار 

الكل فرحان بخبر زواج حمزة اللي فرضه

عليهم أسد فرض لأن يعرف ماارجعله ومنى

بعدها ممتزوجة

بسرعة بسرعة مرت الأيام سريعة

بساعات الحظر نجهز بالبيت وبساعات

رفع الحظر نطلع نجهز سومة و مُنى 

وبكل طلعة يجن جايباتلي شي وكأنهن

مصدگات أني عروس جديدة

جهزنا لزفاف مُنى واني اخذتلي

سومة فستان اوف وايت بفضي

لبسته ورتبت مكياج بسيط

مجنت حاسة بتوتر بالعكس جنت

مقبلة وبهمة على أن ابدي حياة

جديدة بتفكير جديد ويا رجل اكتشفني

وحبني من جديد

اجت سيارة الزفة اللي يقودها أسد

دخلو ياخذون مُنى وهو اباوعله من بعيد

عينة تدورني واني ورا واگفة نقرت بأطراف

أصابعي على كتفة التفت مبتسم باوعلي بأعجاب

-حورررر العين

لزم ايدي وسحبني لداخل البيت

-ويييين غراضج يلا زفتنا وصلت

-مااروح وياك

-اي ميخالف

گالها وشالني من الگاع لحضنه واني اتلفت

خاف واحد يشوفني نزلت واشرتله عالغرفة

شال الجنطتين مالاتي وطلع بيهن شويه

ورجع بدت زفة حمزة والهوسة البسيطة

بباب البيت اباوع لأيمن سلم على حمزة يوصي

على مُنى 

طلعو للسيارة وقمر وراها ترتب الفستان

وگف أسد يسلم على أيمن

أيمن اشرلي على ايدي ومن فوگ ملابسي سحبها

خلاها بيد أسد

-أمانة رب العالمين وأمانتك صِبى 

مو بس اخت مرتي صِبى اخيتي

الصغيرة عينك منها وداريها

انت جربت وشفت زعلها شلووونه

مااريد اسمع عن اخباركم بس اليسر

الگلب بعد اخوك

تصافح هو وأسد وهو يرد علي

-بعيوني

طلعنا فتحلي باب السيارة وصعدنا

حمزة و مُنى بالسيارة گاعدين ليوره

زفة بسيطة افترت شويه

ورجعنا للبيت دخلت هالبيت للمرة

الثانية بعد سنين اتمنى قدومي

ودخلتي هالمرة متجيب وياها

بس الفرح للجاي من أيامي

دخلنا وهوسو للعرسان وصور

عائلية وهالأمور وبعدها الكل راح

لبيته گاعدين اني والحجية بغرفتها

على سريرها وام فقار وياها

ابتدت الحجية الكلام

-شوفي يوم راح انصحج نصيحة ام

تنصح بنتها معليه بأسد

حياتج تردينها تمشي شدي

وأرخي مرة هيج ومرة هيج

الرجال من يتعود عالمرة تتنازل

هو راح يدوس بيها للعظم

مااگلج تنازلي بس زعلي

ومن تزعلين لا تبعدين عن حضنه

زعلي وتدللي وانتظري هو يراضيج

اذا غلطان واذا انت غلطانة راضي

الحياة اخذ وعطاء لا تصيرين لينة

ويعصرج عصر ولا يابسة ويكسرج

كسر خلي الصار حلقة بأذنج ……

قاطعتها ام فقار

-العفو يمه بس أبو قسور منتظر مرته

على نار وانت هنا تنصحين بيها ضده

-اني ويه الحق وهو غلطان

-ايييي يوم وبنت اخوج الحبابة الها دور

-خل تولي راحت لا ردت

يلا صعدي لرجلج من اليووووم

الزعل بهالبيت ومن ماتردين تگابلين

وجهه الأملح تعالي لغرفتي هنا وزعلي فاهمة

باستني ودفعتني

-روحيله منتظر صار سنتين سودة

عليه

تحركت ماشية لگيته منتظرني بباب

الدرج مدلي أيده وصعدنا للغرفة

دخلت بعدها مثل ماهي نفس ترتيبها

ونزاكتها سد الباب وباوعلي

-يااااابه نورت دنيتي هسسسه

گالها وتوجهلي حاضني

رفعني بخفة أيده من الگاع

لدقايق نزلني وفتح حجابي

سحب ضفيرتي

-شگد مشتاق ايديه تحتل هالشعر

وتخبصخ خبببص

ضحكت علي وهو يفتح اطراف ضفيرتي

دگ تلفونه

تركني وتوجهله رفع السماعة وتغيرت

ملامحه

-هلا هلااااا بيكم تنورون منتظركم

باوعلي من فوگ ليجوه ضايج

-جاييين خطار نستأنف ليلة عرسنا

بعد ساعتين او اكثر

تقدملي باسني بسرعة ونزل

طلعت ملابس بسيطة ودخلت للحمام

سبحت وبدلت ملابسي وگعدت ارتب

جنطي مرت ساعة والثانية وخلصت شغلي

انتظرته بس تأخر هوايه

عيني مقاومت النعاس بعد

بديت اغفي وغطيت بالنوم

حسيت بعد مدة بي وهو يتمدد بصفي

درت وجهي علي واني

مغمضة  حضني قوي جسمه مجرش من المي

والجو بارد 

مديت ايدي لصدره لمكان الوشم قشعر جسمه

حسيت بتليف بالجلد وملمس خشن بسبب

القشط  ممتد لمساحة مو قليلة

من ناحية گلبه 

فتحت عيني التقت بعينه

ذبلت ملامحه على وجهي وسحبني

قوي لحضنه تقدم لوجهي

والتقى العاشق بالمعشوق

ابتعدت واني 

اباوعلة وجهة الحلو وجبينه المتعرق

وشعره اللي طولان ونازل خصل على وجهه 

بعدت شعرة عن جبينه وهو منتظر أشارة

مني

دسيت راسي بصدره وهمست

-نعسانة أسد الله

-نامي حبيبتي

گالها وحاوطني كلي بين ايدي

وغفيت بهدوء راسي بين صدره

ونحره ونبضاته اللي ترتفع تارة

وتنخض تارة لحد متعمقت بالنوم

صحيت بعدها على صوت المنبه

وصحى هو وياي باوعلي وتنفس براحة

-وأخيراً صبحت بهالعيون 

باس جبيني وگام

-تنزلين نتريگ جاي الطباخ وراح

يبلش يسوي غدة عازم كم شخص

-جاية

وگفنا سويه تعثرت بسبب دوختي

لأن گمت بسرعة حاوط خصري مثبتني

-تررريگي هذا هبوط ضغط تمام

-تمام

غسلت وبدلت ونزلنا سويه

لگيت حمزة و مُنى يحوسون

بالمطبخ يسوون ريوگ والحجية

صافنة عليهم

-صباح الخير خالة

-صباح العافية تعاليلي وشوفي

غير عرسان احنه نصعدلهم الريوگ

ذوله نزلو يسوون ريوگ على مزاجهم

التفتت مُنى

-قابل احنه خطار بيبي 

حمزة جاب الجاي خلا عالميز وهي

خلت صحون البيض والجبن

بيدها تلفونها اتصلت بقمر

-تعاي تريگي بنت حمااااااتي

سدت التلفون شويه ونزلت قمر

-عوووذة انت مو عروس لازم ندللج

-حبيبتي گلتيها عرووس مو مكسحة

گعدنة تريگنه وراحو الشباب ويه

الطباخ للظهر كملو كل شي من بره

ماكو هوسة يمنه دزولنا غده تغدينه

كملو الشباب كل شي والناس تغدت

بس جاي سوينه شربو وتوزعت الناس

وراحت

صعدت للغرفة جهزت لأسد ملابس

دخل تعبان بوجهة للحمام سبح وطلع

ماسوه اي شي بس سحبني ويا للسرير

سند راسه على صدري وغط بالنوم

للعصر تسحبت تاركته ونزلت جوه يم

الحجية والبنات

نسرين هااادئة ومالها علاقة سناء ابد حتى كلام

متوجهلي البقية مرحين ومنطلقين

سوالف وضحك گعد أسد وانشغل طول

العصرية للمغرب بأستقبال الخطار

بعد العشه توزعنا للغرف دخل للغرفة

طفى الاضوية 

و بلا نقاش رفعني من الگاع لحضنه

-يااااااابة مشتاق 

كالها وعينة بعيني

الغرفة جانت تغط بهدوء الليل

ونسمات دافية تجيبها التدفئة ناحيتنه

گلبه جان ينبض قوي واحس بي 

اقترب من وجهي ببطئ حرك إيده بلطف على خصلات شعري 

همسلي بصوت دافي

-سنتين اشتياق مااعتقد تكفيني هالليلة

رفعت عيوني اله اقترب مني أكثر

جبينة لامس جبيني بلطف

وانطلق بقبلة امتدت مثل موجة دافية

سرقت من عدنه الأحساس بالوقت

محاوط وجهي بكفوفه

ايده انسابت بهدوء من وجهي لكتفي 

ضغط علي بخفة أيده

سحبني اكثر لحضنه اقتربلي لدرجة

احساسي بكل مسامة بجلده

عطر صوته أنفاسه حسيت كأني صرت جزء منه

غمضت عيني وإيدي حاوطت نحره

غرگت اصابعي بشعره

مرر اصابعه على خصري يرسم خطوط وهمية 

شدني اله اكثر وهمس

-حبيبي

اقترب مرة ثانية مقبل نحري

وابتدت ليلة شوق قديمة

جانت المفروض هي تكون ليلتنا

الأولى اندمجنا

وبدت ليلة اسميها

ليلة زفافي الحقيقية

ليلة حب

خطهة أسد بهمسات

ليلة نختم بيها

قصة بدت بمأساة

وانتهت بسبع سعادات

بعد ساعات لامني لحضنه يعدل

شعري اللي كل مرة يهوسة بهمجية

جان يحاجيني بهمس ويوعدني

بحياة مابيها اطراف تهدد أستقرارنا

غطينا بعدها بنوم صحينا بي على صوت

التلفون فز أسد وكأنه منتظر هالأتصال

فتح الخط بس گال الووو والطرف الثاني

يحجي لمدة دقايق انرسمت أبتسامة

دااافية على وجهة شكر المتصل وودعه

وتقربلي باس جبيني

-يابه شلووون صباح اجيتي

وجبتي وياج كل الخيييير

-شصاير

-أياد

-اعوذ بالله شبي

-صار سنتين من قدمت أوراقي

للسفارة الالمانية تثبت ان هو متحرش

وعندة ملف بالعراق

وكل مااحاول اخلي الموضوع يوصل

هناك حتى يصيرله ملف هناك ويطيحون حظه

ماترهم هسة اتصل صديق

اليه وگال وصلت الملفات ومسويله

استدعاء

-والله عاشت ايدك

-وايدج

كالها وگام للحمام وطلع وره دقايق

يلمع من النظافة

دخلت بعده لگيته بره

طلعت وشفته واگف بباب غرفة

قمر حاضنها

-واعدتج اخذلج حقج بس بعد والله

لااخلي يفر بأذنه بسيطة

ابتسمتله قمر وهو يباوعلي غمز

واجاني

-صباحية مباركة

-الله يبارك بيك

-ااااااخ بس بعد مارويت

-اكووو قارورة مي جوه روح اشرب

ضحك علية وهو يخربط شعري 

مرت ايام بعد هاليوم مخبوصين

اني ويا بقضية أياد اوراق وجيب

وودي وره شهر ونص من رجوعنا لبعض

گاعد يشتغل بالاوراق ويباوع

بالملفات گدامه

بهدوء دفعت اختبار الحمل اللي

استخدمته بعد ماحسيت بغياب

الشهرية

رفع راسه باوعلي مصدوم

-اصابة كوووورونا

باوعتلة وضربت جبيني

-ركزززززز أسد الله

-اختبار كورونا 

-بسسس

صفن شويه ووگف على طوله

رجع گعد يتمعن بوجهي

-لتگوليها

هزيت راسي اضحك على ردة فعله

-جاااااااي ……

اثنينا نطقنا بنفس الوقت هو گال

-قسووور

واني گلت

-فرقد

باوعلي وهدأ صوته گعد يباوع لعيوني

-وليش غرگت هالعيون بدموع الحزززن

بالله جاي فرررقد المفروض نفرح

لو نحزن

-مو انت تحب أسم ……

قاطعني مبتسم

-وهم احب اسم فرقد على حبج اله

أذا الله أذن وطلع ولد راح يكون

فرقد أسد الله غالب

حاوط اكتافي يسألني

-گلتي للحجية

-هي جابتلي الأختبار

-تحقق حلم جنت أشوفه بعيد

-ماكو شي بعيد على رب

العالمين

تتابعت الأيام عليه بحمل هادئ

مابي منغصات غير العطور اللي صرت

اكرهه حياة متكاملة

تفاهم بوقت الغضب نسكت

ووقت الهدوء نرجع نتناقش

نسولف بكل شي ونحجي عن اي

شي اغلب الاوقات اللي يلگاني

بيها يم الشباك الفجر يگعد

مقابيلي بدون كلام لحد ماامل

ويرجع يلمني بحضنه بدون

ميسأل لحد هاللحظة

ودخولي الشهر السابع

وسعادتي الغامرة اللي عرفت

بيها جنس الجنين ولد احس

كأني راح اولد فرقد ثاني يملي

حياتي لحد هاللحظة عالسرير

بعد ماصحيت من ذكرياتي 

تقربتله بست خده ووگفت

حتى اطلع من الغرفة

فز من نومه وباوعلي 

-حبيبتي

-عيوووني 

-رجعي يمي بعدني نعسان

ضحكت علي واني اشوفه

ينتظر حضني مثل طفل صغير

رجعت يمه ورجع نام

رجعت لنفسي بحديث سري واني اباوع

لملامحة السمرة وگعت دموعي بس هالمرة

مو دموع حزن لا دموع كتبلها رب العالمين

معنى ثاني مليان سعادة 

واخذتني روحي لحديث سري بيني وبين

نفسي واني اعدد محطات حياتي

لحد موصلت لهالمحطة 

شوفي صبى بعد كل التعب

بعد كل هالمشاوير اللي مشيتيها بحزن 

بعد كل الليالي اللي نامت بيها عيونج على دمع وحزن

رب العالمين ما نسى گلبج

يمكن جربج  يمكن خلاج تشوفين الضيق

حتى تذوقين طعم الفرج

هسه أسد رجع مو بس رجع

رجع وهو شايل گلبه بأيده

وگال هذا ملكج 

جنت أحسب النهاية السعيدة مجرد حجي أفلام

وقصص

بس رب العالمين يكتبها للي صبر

للي ظل واگف حتى وهو بعز السقوط اثر التعب

واليوم  كل حلم انتظرته صار حقيقة

وگدامي  وكل دمعة ودعوة دعيتها بالليل على سجادتي صارت حقيقة

يمكن الدنيا ما دايمة بس الرحمة دايمة

والألفة والمحبة والود والنهايات السعيدة موجودة

بعدها موجودة بس تجي بوقت رب العالمين يوقته

مو احنه

______

٢٠٢٣ ليلة رأس السنة

مجتمعين كلنا حوالين الصوبة

والحجية گاعدة على جهة بحضنها

فرقد وسومة اللي صارت صديقتها

المفضلة گاعدة بصفها مخليه أسد

الصغير أبن مُنى بحضنها ويسولفن

عن طريقة گماط الطفل

اني و غِنى وقمر و مُنى وأم فقار

وبناتها گاعدين نعدل بالميز ونخلي

الأكلات اللي مسويتها الحجية

سوت هالعزيمة وحلفت هالليلة محد

يطلع كلنا نحتفل بنفس المكان

الشباب بالصالة گاعدين

وصوتهم طالع اكو لعبة طوبة

يحللون اشواطها وواحد يصد وواحد

يرد الجو رغم برده بي دفو عائلة

اباوع لأخواتي منطلقات فرح بهيج

اجواء واني اعرف الحجية سوت

هاللمة لخاطر مُنى اللي گالتلها اتمنى

نحتفل اني واخواتي بجو عائلي

تحضر الميز واجتمع الكل ياكل ويسولف

وگفت آني وطلعت تلفوني أكتب

بي آخر مذكرة لفرقد بعد ماخلص

الدفتر واني ابلغه بولادة طفل

سميته على أسمه وطلع بالملامح يشبهه

طلعت مذكرة الهاتف وسطرت آخر كلمات

روحي حيث أنت

المذكرة الأخيرة

حبيبي فرقد 

اليوم احنه متجمعين ببيت دافي

أخواتك الثلاثة وأولادهم والضحك مالي المكان

ريحة الأكل

سوالفهم ضحكاتهم

حتى أصوات الأولاد وهمم يبجون أشياء كلها

تفرح القلب الگلب وتدفي الكل مواجه بعضه

ويحجي الا اني

جنت گاعدة وعيني تفتر عليهم

وأتخيلك گاعد بينا مثل قبل

من تجي من الشغل تعبان وتنتظرني اگعد يمك تحجيلي عن يومك وتضيع تعبك بسوالف

ونكت حتى تشوفني أضحك وماابجي واني

اشوف اصابعك التعبانة وايدك المجروحة

حبيبي ارتاح 

أخواتك فرحانين بحياتهم كل وحدة مستقرة

وجاي اشوف الرضا عن حياتهم وشركائهم

بعيونهم 

حبيبي أني فرحانة بيهم وبنفسي

لأن رغم كل التعب وصلنا لهنا

بس فرقد حتى وسط هالسعادة

جنت حاسة بفراغ

لكن اگدر اگلك اليوم اني سعيدة

وأگدر أبتسم من گلبي 

بس الغصة الوحيدة اللي ما أگدر أطلعها

هي إنت اعذرني لأن اتعب گلبك بكلامي بس حبيبي 

غيابك صار جزء مني 

جزء من كل لحظة حلوة أو مرة 

جزء من حياتي اللي راح أكملها ودائما ناقصها حضورك

تخيل حتى وأني أكتب هالكلمات

أحس بيك تبتسم وكأنك تگلي

عيشي حياتج صبيوة

راح أعيش فرقد للأبد بس بيك وبذكراك

________