رواية عشق مابعد الطلاق الفصل الثامن والعشرون بقلم ساره فاضل
قيصر
كاعد بالكراج اريد اخذ سياره واطلع لبغداد احس جوو العماره خنكني اليوم 30/12/2016
اجواء احتفالات والناس مخبوصه بالكرسمس اجاني طفل يبيع ورد كلي عمو تاخذ ورده الحبيبتك
رفعت راسي اله واني عيوني كله دموع مااعرف شكله جان كتله أني حبيبتي قبل شهر عرفت اني احبه ولمن اجيت حته اخذه واعترفله بحبي صدتني
واليوم باعتني وتركتني
كعد يمي وهوه مستغرب شجاي احجي بس هوه طفل برائته خلته يمسح دمعتي جان يكول لاتضوج عموو اذا تريد ترجعلك بس ادعي الله
ادعي عمو ادعي من كلبك وترجع
واذا انته ماتدعي اني ادعيلك اني يتيم والله يتقبل دعائي امي تكول دعوت اليتيم الله يقبله
بجاني كلامه شبكته وبجيت مااعرف ليش لاأعرفه ولايعرفني بس جنت محتاج أحد يواسيني وهوه اجه بوقته
كتله اني هماتين يتيم وراح ادعي ترجع حبيبتي
الطفل
انشالله ترجع عموو انشالله
قيصر
هاك هاي فلوس وطياره للبيت بعد لاتطلع بالشارع الجوو بارد والدنيه مغرب انته متخاف ع نفسك يلا حبيبي روح
جان يرجع الفلوس ويكوول
امي متقبل اخذ فلوس اذا متاخذ من عندي شي تكول مناخذ شي اذا ميشترون من عدنه
قيصر
اخذت ورده
جان يكول اكو ورده ب100الف تره الورده بالف عموو
كتله حبيبي اخذهن وكل الاأمك خل تدعيلي الله يرجعلي حبيبتي ويريح بالي
اخذ الطفل الفلوس طاير وفرحان انتجيت ع المصطبئ بين متقبط السياره الدنيه مغرب والجوو برد حيل كلش الجوو ميساعد ع الكعده بره البيت جنت منتضر تلسياره تطلع بسرعه لان اتجمدت جان يدگ تليفوني
رفل
الووو
هلوو رفل
رفل
هلو قيصر وين انته
بالكراج اريد ارجع لبغداد
رفل
لاترجع قيصر ناي تكول باجر خل يقوم بأجرائات الطلاق متريد الشغله اتطول
جمعت قوتي وگلتله ولايهمه اله اليرضيه باجر تحضر نفسه ونروح نطلك يم السيد وراح أوكل محامي يطلك قانوني وكل حقوقه توصلله سديت التليفون من رفل واني گلبي احس راح ينفجر اخذت جنطتي وطلعت من الكراج لكيت كشك جكاير بدربي اخذت باكيت جكاير اخذته ورحت لفندق بالمدينه دخلت للفندق بدلت وسبحت ومتديت لااكلت ولاشربت طول اليل جاي وجكاير لحد ماحسيت نفسي راح يغمه عليه لان تعبت والتفكير هلكني طلع الفجر صليت وبدلت نزلت جوا سالت ابو الفندق ع اقرب مطعم كال هنااك كبالك
رحت تريكت شي بسيط بس اعبي معدتي اي شيء لان حسيت الدخان راح يخنكني باوعت للساعه ب8حاسبت وطلعت بوجهي للمكتب مال السيد الي عقدنه اندله لان بالخطوبه جبنئ ويانا رحت لكيت المكتب قافل انتضرت ربع ساعه واجه السيد وخطيه تخبل شلون منتضره بدون مااتصل بي رحب بيه ودخلنه جوئ سولفتله القصئ تخبل كال معقوله كل هاذا يصير بيكم بسبب عمل لاحوالله
زين ليش البنيه طالبه الطلاك ومصره عاد سولفتله الاسباب وكال والله يا ابني مااعرف شكلك بس الله يهدي سركم واذا جان الطلاك حل وتنتهي المشاكل هاي هيه الحمدلله ع اليجيبه رب العالمين
خابرت ع خال ناي وجان تليفونه مغلق رجعت خابرت ع ابو رضا جاوبني وخطيه كلش مقهور ع موضوعنه وساعه يقنع بيه انئجل بين ماناي ترتاح اعصابه بس اخذنه وانطينه بالحجي شفنا ناي مصره
اتفقت ويا ع الموعد والمكان وصدك ساعه ووصلو اجت ناي لابسه نضاره سوده مغطيه احلا شي بيه عيونه. حسباله ماادري مغطيتهم حته ماأشوفه اه ه ه ياني شسوي حته ترضين ترجعين
كعدنه سوه نفس القنفه وكبالنه السيد عطره البسيط الناعم جان يدخل بريتي يعبيه راحه وسكينه حجه وياها السيد وهيه مصره وتمنيته وكت الحاجاها السيد وردد اله حجة الطلاق تكول لاا
بس كالت نعم وخيبت ضني سألني السيد واني بودي اكول لاا بس انطيته وعد ووعد الحر دين اني اذيته ولازم انطيه حريته تطلكنه وطلعنه بره مااكدر اوصف شعوري حسيت الدنيه ندارت بيه بس ماحبيت تروح وهيه مسامعه شي عني ولاتعرف الضرف المريت بي المنعني من الجيه لبيت ابوه حته اصالحه وارجعه البيته وصحتله ومندارت الي ابد بس وكفت جانت تسمع كلامي وتبجي لمن سكتت مشت بدون اي ردت فعل جان نفكت عقدت الساني والكلمه الضامه بكلبي طلعت ع الساني
وكتله أحبج
عافتي وسرعت خطواته وضليت اني بحزني وبحسرتي ماعرفت شسوي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عفت كلشي وجبت كلشي ومدري شلون اجيت امشي جيتك ردت اكلك شوف ردنا نعوف كلشي وماكدرنا نعوف
كون تشوف حالي اشكد الك ملهوف
جبت كلشي اليسولف خيالي وصحوتي وطيوف جبت دكات گلبي الكطعن گلبي بجفاك سيوف
جبت صفنات روحي لسودنت روحي مثل جن وعاليتيمه يحوف كون تشوف بشفافي الحزن ماخله بسمه تعيش وكلمن گمت ابوسه بخده اطبع اووف
كون اتشوف ادموع الجدم مايدري وين يروح والخطوات عميه وتايهه بلا شوف
خلصت الوجوه وشفت كل الناس كلهه وجوه غربه ولاوجه مألوف وين الگاك يالموصوف اليه واني الك موصوف يالفرگاك غربه وكلشي مامألوف
انه بلياك مدري شبيه مابيه
زلف وبلايه ترجيه
نهر فاض ونبع ميه
ورجع ذاك النهر بس مالگاله جروف
كون تشوف حالي شخله بيها الخوف
مثل حلة مدارس روحي احسها اطفال
حلت وتركتني وباقي بس اصفوف
ويا وحشه اصفوفي م̷ـــِْن يجيني الليل
ويا لون الوجه مخطوف
كون تشوف حالي شكد الك ملهوف 😔
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عفت كلشي ورحت للفندق جمعت اغراضي ورحت للمكتب مال المحامي ابن عم صديقي انطيته وكاله ع موضوع الطلاق كامله من يمه يخلص كلشي
وكتله انته تتصرف واخذت أول سياره وتجهت البغداد رجعت للببت واني تعبان ونهلان وروحي طالعه
دخلت الغرفتي گبل لايشوفني احد من البيت دخل لغرفتي وسديت الباب واني متخبل شنو الصاير وياي ليش دنيتي متخربطه من يوم الضهرت ناي بحياتي واني طاحت هواي عالم من عيني عرفت العدو من الصديق حيل تعبت حيل مااعرف ليش هيج حياتي صارت هوسه فجئه
كل الاكدر اكوله
لاأله ألا أنت. ّأني كنت من الضالمين
ناي
مرت سنه
مرت سنه ع وفاة الوالد ومرت سنه ع اخر مره شفت بيه عمتي وقيصر ورفل قطعت كل علاقتي بيهم وحتئ الارقام الانطونياها شككتهن ماردت شي اتواصل بي لعالمهم لان بديت حياتي من جديد جنت مقرره بداخلي مااريد يجي يوم التقي بيهم واني نفس ناي القديمه لااا لازم اتطور واصير شيء واتباها بنفسي
ارجع بيكم سنه ليوره واحجيلكم شصار من وره ماتطلكت باأسبوع ووين وصل بيه الحال
اول أسبوع اتخربطت كلش وتعبت جنت حسبالي من الحزن والتعب بس لمن اخذت والي ورحنه للدكتوره طلعت حامل. بشهر الاول طبعآ ماكلت لحد حته والي ماكتله كلش فرحت بالحمل لان اعرف اذا المره حامل الطلاق يسقط ومااعرف ليش جان طلاكي من قيصر واجعني ولمن عرفت سالفة الحمل كلت الف الحمد لله ماتطلكت مااعرف ليش عقلي رافض فكرة الطلاك لان احب قيصر مااريد اخسره بس بنفس الوقت جنت داخله تحدي ماارجع الا واني فد شيء
24 ت
بس رغم هاذا كله ماكلت لحد وخليته سر ويه نفسي تعبت كلش ومجان الي احد بس الله
اجاني اقرار بحضور جلسات المحكمه كذا مره ومرحت ابد لان اعرف المحكمه راح تعرف اني حامل وميصير طلاك وهماتين ماطول مااحضر ميصير الطلاك عاد مره مرتين بعد مادزولي قرار حضور يجوز القضيه انسدت هاذا الفهمته من زينب لان ساله بت خالته دارسه قانون
قدمت ع امتحان خارجي للصف السادس واختاريت الادبي وبالگوه قبلوني لان ماعندي واسطه اخذت كتب من بت جوارينه وضليت اقراء بس شفت الشغله مترهم لازم مدرسين والفلوس العندي قربت تخلص الانطانياهن عمو عصام عاد سولفت لزينب صديقتي كالت احنئ عدنه نت وانتم جيرانه حايط ع حايط ليش متاخذين. من يمنه وتكنكين ودرسي ع اليوتيوب
كتله ماعندي جهاز
كالت اني اخلي رضئ يشتريلج نسيتي هوه يشتغل بالاجهزه
انطيته فلوس ميتين الف وبقت عندي بس ميه كتله جهاز بسيط مواله راقي جابتليا وره يومين جاهز وبي نت علمتني ع كلشي بالنت وعلمتني اشلون ادرس علي كلشي تعلمت جان ضليت ادخل دورات ع اليوتيوب وبالكوه افتهم الهم مرت الايام وصارت الامتحانات جنت بشهر الرابع وكلش كلش تعبانه انلزم من خشمي اوكع دخلت للأمتحانات والحمدلله دبرت وياي وره فتره طلعت النتائج وجان اطلع معدل 65الحمدلله احسن من الماكو ماجنت متوقعه انجح لان بالكوه جنت ادرس وره شهرين صار تقديم ع الكليات وبمساعدة ابو رضا كملي كلشي ودز اوراقي دخلت كلية تربيه قسم رياض اطفال وقبل الدوام بشهر دخلت بالتاسع وطبعآ هاذا كله واني البس واسع ومحد يدري. حتئ رضا تقدملي كذا مره ورفضته رفض قاطع اجاني للباب وحجئ وياي جان كتله بالموضوع وكتله اني بعمري محبيتك انته اخوي ومااضن الاخت اله نفس باأخوهه كلش قهرني ردت فعله وكلامه كال هاي اخر مره ادك بابج راح ابدي حياتي واحاول انساج ادعيلي انساج واعيش طبيعي لان مليت واني معلك كلبي بيج وانتي متحبيني
6 ت
عاد كتله
واني كلبي يم ابو ابني لاتعب نفسك رضا انته اخوي ورااح تضل طول عمرك اخوي
عاد من أيس من يمي. وره فره راح وتزوج بنت خالته صح بعده كلبه يمي بس يحب مرته ويحترمه والصراحه هيه تنحب ادب وحسب ونسب الله يوفقهم. وسافرو لبغداد هناك عاشو
وطبعآ محد اله معرفه بموضوه حملي بس بيت ابو رضا وحلفتهم بالله ميكولون لحد وخاصتآ عيالي مردتهم توصل الهم الاخبار. وهمه ضامين ع ابو رضا لان الرجال ميقبل بهيج شي ينضم
مرت الايام واني هلكانه من الحمل كلش لحد مايوم من الايام والي اجئ من الشغل المغرب واني لازمني الوجع سوده عليه راد عشه سويتله عشه بسيط اول ماخلص اكله واجاني بجيت وكتله والي روح صيحلي ام رضا راااااح امووووت
خطيه اجت ام رضا والبنات يركضن عرفن صارت عندي ولاده اخذني ورحنه للمستشفئ اول مدخلت كالو وين اوراق الدكتوره كنالهم ممراجعين أبد زين وين سوناراته كنالهم مماخذه سونر بس اول شهر الحمل دخلوني وع مسؤليت ابو رضا طبعآ ابو رضا جان متفاجئ وبالاخير ام رضا فهته وعصب عليه كله هاي جريمه شلون تضمن هيج شي بلكوه سكتته وكلتله ناي اكو اباله شي ميصير ندخل بيه احنه مووصيين عليه
ابو رضا
لاا وصيين وبس تطلع اخابر ع اهل الجاهل شنيه هيته
انتن بكيفجن تضمن هيج شي هسه مافكرتن شلون انطلع بيان وكل مستمسكات ماعدجن
ام رضا
الله كريم يارجال الله كريم
مرت ساعات وناي جوه عاد الساعه بال2گالو من جاي ويه ناي
ام رضا
انه يمه انه
دخلت ام رضا جوا ولكت ناي جايبه طفل مثل الملاك مغطئ ومخلينه يم امه
يتربه بعزج يمه
ناي
وبصوت تعبان
مشكوره خاله تعبتج
ام رضا
يووو شني هلحجي يمه انتي غير بنيتي اهم شي سلامتج وسلامت وليدج يمه
لفت ام رضا الطفل ورتبت ناي وخذته لبره صاحو وراها هاكم الورقه مال الدخوليه احنه دخلناكم ع مسؤليتنه لان البنيه منتهيه وكلنه نسويه لله وام ياسين الممرضه معارفكم وكفلتكم الاهيه موهيته هاذا مستشفئ وكلشي يمشي بالقانون و تره هاي يعاقب عليه القانون انتن جايات لاعقد زواج ولاجنسيه بس لاتنسن باجر يجي ابو الطفل ويسجله
ام رضا
اعذرينه يمه ادوهنه وطلعنه ع وجوهنه وبيتنه بعيد انشالله من الصبح ابوه يمكم
اخذنه ناي للبيت اول مادخلنه لكيت البنات متانياتني خليت ناي بفراشه ورحت للبيت طلعت هدوم مال جهال قدبمه جبتهن لبستهن للوليد بين مايطلع الصبح واروح اشتريله شيء سوده عليه جبنا من المستشفئ بطرك الجرجف الله يطي الممرضه اطتنه شاش شدينه راسه
نومناها ونومنه وليده وللصبح ماغمضتلي عين من البجي عليه وع حاله اخخ ياربي شمسوي هلبنيه بدنياها وهيج تتعذب نامت وناوم وليده بدون صوت الصبح كعدت زينب كتله عينج عليه هسه اجي رحت جبت ريوك ذبيته ع الكاونتر كتله زينب بس تكعد ريكيه وسويله جاي حار وسوي حلو حيل اله خل يغسل بطنه
طلعت بوجهي للسوك رحت جبت للوليد كاروك وفراش واشتريتله هدوم اشكال وحفاضات وحليب كلشي جبتله ورجعت للبيت لكيت ناي كاعده والبنات ماخذاته للحمام مسبحاته ومرتباته
هله هله يمه صبحج الاه بالخير
ام رضا
يااا شني هلحجي انتي غريبه ولج انتي بمعزت زينب ونرجس ماافرق بيناتجن هلطول
اتريكتي يمه
ناي
اي خاله الحمدلله البنات ماقصرن
خطيه من الصبح لهسه كايمات بيه صلاوات
ام رضا
انه هسه رحت للسوك وجهزتلج الوليد من الابره للخيط ماخليت شي وانتي شتشوفين نقص كولي وانه امج مااقصر
ناي
ياصدك جذب خاله شسالفه انتي متكفله بينه منيلج انتي اني مااخذهن اذا ماادفع فلوسهن
ام رضا
بسج بسج شني هلحجي شني نموونه دخلينه من هلحجي
ناي
راح اسمي محمد
محمد قيصر محمد
سمعت مره من عمتي الله يذكره بالخير قيصر امنيته يخلف ولد ويسمي ع اسم ابوو
ام رضا
اصيله يمه اصيله بس يايمه شلون هاذا الاسم يتثبت اذا ابوو ماموجود ولامستمسكاته موجوده تره الوليد لهسه لابيان ولاراح يتلقح
ناي
عدي عقد زواجنه المصدق عندي نسخه منه لان من عقدنه بالعماره قيصر خلاهن يمي وابوي الله يرحمه كال خلي واحد يمي كلشي يصير بالدنيه لان اني كلبي جان لاجمني وهوه خلاه والجناسي مالتي ومال قيصر هم عدي نسخ منه اخذيهن خاله للمستشفئ وشوفي اذا يقبلون واذا ماكو خليه غير وقت يحله الحلال
ام رضا
اوديهن يمه لي ماأوديهن مامتعاجزه منهن بس يمه عمج ابو رضا ماناوي يسكت يريد يحجي لهل رجلج من البارحه لليوم كوه مسكته
ناي
خاله كليله يصبر لخاطري اني اكله شنو ناويه بس ارتاح اروح وافهمه
ام رضا
ان شالله الله كريم يمه الله يقدم البي الخير
ناي
بجه حمودي واول مره اسمعه يبجي بالبيت مااعرف شنو جان شعوري وشلون اوصفه احس روحي محطوطه كبالي بالكاروك سمت ام رضا وخلته بيدي اخذته لحضني شبكته وشميته وبجيت من كل كلبي هلاا بيك يحلوو جنت منتضرتك نورت البيت يحبيب ماما ااااخ لو ابوك يعرف بيك شمحلاه هسه انته بحضنه ادعيلي ماما ادعيلي الله يوفقني وأوكف ع رجلي وحته من يجي يوم الااعرف ابوك بوجودك اعرفه عليك واني مسنوده والي ضهر مااريد ارجع واني ماله شي بدنيته اريد ارجع واخلي موبس يحبني بالكلام اريده يحبني كلب والسان
مرت الاأيام وام رضا راحت للمستشفئ ولكت بالتسجيل اقاربهم وسهل الموضوع وسجل الطفل
بدون حضور الاب ولاالجناسي الاصليه اتشكرت ام رضا من يمه واخذت البيان وراحت البيته وثاني يوم من الصبح راحت لدائرة النفوس وسجلت الطفل وكلوله اسبوع وتعالي استلمي الجنسيه فرحت ورجعت بشرت ناي وهنا اول شغله صعبه هانت راحو سجلو الطفل بالمستوصف ولقحو ع اكمل وجه ورجعت ناي لحياته وروتينه بس هلمره ع ايده طفل مرت الايام وصار عمر حمودي شهر ونص وبده الدوام وهنا ناي احتارت وين تخلي حمودي اول اسبوع ضلت تخلي يم بيت ابو رضا بس شافت تكلفة الحليب صعبه خاصتآ لمن اخر شهرين ابو قيصر. مدزله فلوس ضلت تاخذ ابنه وياها للدوام واخذت اذن من الدكاتره الجانو متعاطفين وياه انو تدخل محضرات باابنه بس متكعد يم الطلاب جانت تكعد باخر القاعه مرت الايام ولحد مأجئ الشته ورجعت برودت الجوو فضيعه عاد حمودي تمرض مرض كلش قوي الطفل فجئه مصخن وميقبل يرضع وحرارته تخوف كلش تعب ماعرفت شتسويله منا لليل الحراره زادت لحد ماانشمر كامت ناي تصرخ حسباله ابنه مات راح والي ركض لبيت ابو رضا اجت ام رضا وابو رضا كلوله لبسي وخل ناخذه للمستشفئ بسرعه لبست عباتي ع السريع وحمودي ملفوف ابطانيته اخذت الطريق كله ابجي وادعي ابني مابي شيء وصلنه للمستشفئ مليان بشر والدكاتره كله مخبوصه كالو اكو دكتور خفر نايم هسه انكعده يجي انتضروو دقايق لان بس هوه شاغر هسه كل الدكاتره مشغولين
لشوي و أجه الدكتور أول مالتفتت
شكرا لزيارتكم عالم روايات سكيرهوم
