رواية المتمرد والصغيرة الفصل الثامن والعشرون بقلم رسل
______
ترى هي الاعزاز التتعبك ما يتعبونك غُرب
و الگلب محد يلچمة غير البنص الگلب ..
______
طلعت من الغرفة رحت اغسل مواعين كملتهن و رحت نمت بعد ما گعدت لحد العصر شفت هوسة برا طلعت لكيتهم كاشخين و واكفين بالصالة هو نزل لابس دشداشة و لاف الشماغ سوري
كلهم راحو بس فدعة بقت
هاي اللفة ابد ميغيرها سويت روحي ماشفتهم دخلت للمطبخ اجتي بشرى
بشرى : حبيبتي والله اني او بيدي ما اروح بس الشيخ كال كلكم بدلو رايحين لبيت حجي داوود نخطب حميدة للشيخ
اديان : الله وياكم
احس هذا الهوة الي بالدنيا كلة ميكفيني مخنوكة حيلللل
ربي والله تعبت شوكت تباوع علية يعني جان يتوسل علمود احبة
و اني ما اريدة
وهسة من حبيتة و تعلقت بي يريد يتزوج اوووووووف
والله ماعندي طاقة بعد طلعو و اني ضليت اباوع من شباك المطبخ شفتهم طلعو دخلت للغرفة قفلتها
شكد ما جان بعيوني دموع خلصتة ساعة كاملة اني بس ابجي و اناشغ بس اريد اخلص من الخنكة الي بصدري هسة لو امي عايشة
جان قبلت انذل
لو خوالي الي ماعرف عنهم شي لو يجون يخلصوني من عندة
فتحت الكنتور لكيت التليفون ماكو اكيد هو ماخذة
ورا ساعتين تقريباً دخلو ام محمد و بشرى يهلهلن
شنو هالحقارة ميگولن اني موجودة بالبيت. اباوع حتى زيد فرحان وهو مسوي روحة ما انخلق بعدة رجال دخلت بالغرفة ضليت قافلة الباب علية تعودت على هذا الروتين خمس ايام
اغسل مواعين الريوك و ادخل بالغرفة شكد ام محمد تدك و تغلط تريد اطلع اشتغل بس لو تموت ما اطلع صار خمس ايام مشايفة ولا واحد بالبيت بس ام محمد و بشرى و فدعة
اندك الباب مال الغرفة
اديان : منو
- اني
اديان: اي منو
-زيد لچ
اديان : اعذرني ما افتح الباب
- براحتج
ما اريد احجي ويا لان على الاقل جان لو بس هو واكف وياي مو كلهم ضدي حتى هيفاء لا توصل و لا تخابر شكد كرهتهم
صار عشر ايام هم ما الهم صوت لعد شوكت يتزوج طلعت اغسل مواعين الريوك
ام محمد: لججج وعلي لو عندي الصلاحية جان كتلتج و شمرتج للجلاب سا*** هم بيج بلة و تتزعلين
بشرى: اديان ابو فهد يكول الغرفة الجوة راح يفلشوها و يكبرون الصالة
اديان: لعد اني وين انام
بشرى : مادري و الله اسئلي
اديان: عادي انام بالمخزن
ام محمد : هو كلش كافي عليج انتي و الفيران سوة
اديان : ديري بالج ليصعد الضغط
ام محمد : ياا و سرطان عود هم تعرف تحجي
اديان: ان شاء الله سرطان باليكرهني
ام محمد : دمشي لج بت الفكر هم بيج بلة
اديان : ما راح انزل لمستواج
ام محمد : شو دتعاي انا ليش ساكتتلج و علي الا اخنكج
اديان.. لزمتني من شعري كمت اصييح اجة هو يركض من باب الكراج
ابو فهد: هاييييي شنو الصوووت
ام محمد: هاي السا*** تغلط علية
ابو فهد : دهدي شعرها بساع
ام محمد : يااا ولك ابو فهد تغلط علية
اديان.. اجة بساع و دفعها و لزمني من ايدي
ابو فهد : اخذي هدومج و صعديهن بالغرفة راح يجون العمال
اديان : سحبت ايدي منة بقوة و رحت للغرفة اخذت ملابسي و خليتهن بالمخزن و الله مستعدة اتحمل هذا الحر و لا انزل روحي الة و انام بغرفتة
رحت سبحت و گالو لحد تطلع الا يكملون العمال تفليش ضليت محبوسة بالحمام ساعة و نص يلا طلعت ضليت كاعدة بالمخزن نوب متت جوع و العصر رجعو العمال يشتغلون
و فدعة كاعدة بالمضيف خطية لان هي تنام بالصالة ورا شوية ماسمعت بعد صوت زلم بس صوت ام محمد لكيتها هي و بشرى ينضفن
بس البيت صار يجنن بس حرامات راحت الغرفة رتبوها و حطو القنفات و اني كاعدة على الدرج اباوع شكد دزتني ام محمد اجيب شغلات بس ما رحت
و بشرى ضلت تأفأف و فدعة و زيد و ابو فهد كاعدين بالصالة نزلت من الدرج رحت اخذت جزراية من الثلاجة و كعدت اباوع و اكل
ام محمد : هو انتي ارنب لعد شنو
اديان : ارنب و لا حية
ام محمد : هايييي عليمن و لكم انتو ما تسمعوها
اديان.. جنت منتضرة واحد منهم يصيح علية حتى انفجر بوجهة بس حرامات گامو يلعبون بتليفوناتهم و يضحكون
ام محمد : والله محد طلع عينها غيركم هاي الادبسزز
اديان: شبيج خالة تردين جزر
ام محمد: لا اريد سرطان بگلبچ
اديان: الداعي ترجع الدعوة عليه ترى ف حظري نفسج يعني
ابو فهد : هههههههههههههههه
زيد : ههههههههههه خرب يومج
ابو فهد : باجر حظري روحج راح اخذ بت حجي راضي اعقد عليها بالمحكمة يردون موافقتچ
اديان: ترى انتة راح تتزوجهة مو اني
زيد : لا احنة هيج قانون المحاكم عدنة اذا يتزوج الثانية لازم الاولى توافق
اديان: عادي مو فد مشكلة
ابو فهد : ب 8 ونص
اديان.. بس والله اني اليوم من دافعلي الصبح فرحت عبالي راح يبطل يتزوج بعدين شلون راح اشوفهم من يعقدون سوة
يا ربي والله كمت احبة سوي شي لباجر حتى ميتزوجها ضليت للصبح افتر بالبيت
المخزن حار يفور الفجر كعدو الحجي و ام محمد و فدعة صلو و رجعو نامو
فدعة : خايبة ما تنطمرين
اديان: ماريد
فدعة : طبچ حريشي
اديان: شنو يعني
فدعة : اسكتي اسكتي ما تعرفين
ضليت كاعدة لحد 8 دخلت سبحت و لبست ملابس طلعة و فوگاهن الجبة و شمرت الشال على راسي لحد 9 محد گعد شسالفة
بالتسعة و نص كامو يگعدون بس احس نضراتهم الي غريبة من
يوم الي كال راح اتزوج لسة ساعدت بشرى بالريوك و ورا شوية هو نزل كاشخ و متعطر باوعلي هم چانو كاعدين
ابو فهد : وين ؟
اديان: مو گلت تريد تعقد لمرتك
ابو فهد : اي اجلتهة لان مالهة خلگ خليناها على غير مرة
اديان.. الله لا ينطيك على هاي الفشلة اشوفها كلها تباوعلي دموعي شوية و يوگعن هزيت راسي و رحت نزعت ملابسي و لبست ملابس مال بيت
ضليت كاعدة بالصالة شفتهم خلصو گامو يغسلون رحت غسلت المواعين و هن يطبخن
ابو فهد : اديااااااان
اديان.. رحت للصالة بس ما حچيت شي
ابو فهد : دشداشتي فوگ النيلية نزليهاً
اديان: والله كلمن يخدم نفسة بنفسة
ابو فهد : شنووو ؟؟
اديان: مثل ما سمعت عفتة و دخلت بالمخزن ما طلعت لحد العصر مرن 15 يوم شگد حاول يحچي وياي بس ما حچيت ويا لگيتة مخلي الايباد و التليفون عد فدعة
و كتلها كليلة تگول خيرك سابق شكرا متريد و فدعة تگلي عفية لتنطي مجال هذا اثول مايقدر النعمة عاف هذا الجمال ورايح لام الصخول
ثاني يوم بالليل فدعة گالت
فدعة : يا خايب شو غلست على البت والله انا اكولن لو تعوفها احسن
ابو فهد : لا ان شاء الله باجر عقد المحكمة و ورا عگب باجر الحنة والعرس
فدعة: والله نزلت من عيني على هذا الذوق الجايف
ابو فهد : الشكل ميفيد انا اريد وحدة نادرة تجيبلي اخو لفهد
فهد : الله يصير عندي اخو الله
اديان.. ثاني يوم الصبح گعدو و سوت بشرى الريوك
ابو فهد : حظري نفسج بساع اريد اروح اعقد
اديان.. هزيت راسي رحت بدلت و شمرت الشال و هو شغل السيارة و گال ... يلاااااا
صعدت ليورة
ابو فهد : ما اشتغل عد الخلفوج عود من تصعد ام صگر صعدي ليورة
اديان.. شبسرعة صارت ام صگر كون الله ياخذكم اثنينكم
صعدت و هو شغل التبريد و صعد الجام
ابو فهد : لو محترمة نفسج جان ما صرتي بهذا الموقف
اديان: ترى فرحانة راح اخلص منك
ابو فهد : حتى من اموت متخلصين مني
اديان: الله ياخذ عمري و يخلصني منك
ابو فهد: تؤ تؤ ليش تدعين على نفسچ ترى عادي مو اول واحد يتزوج اني
اديان: و انتة منو كلك اني ضايجة علمود زواجك
ابو فهد: صايرة وكحة
اديان: و شتريد هسة
ابو فهد: بس خليچ هيچ لايگتلج الوكاحة
اديان .....
دخلنة بشارع مال غرف نوب و اخشاب
ابو فهد: ذوقي مو كلش بالغرف تعاي اختاريلي غرفة
اديان: والله ولا انزل
ابو فهد: شنو تغارين
اديان: عليمن ؟
ابو فهد: مادري سئلي نفسج
اديان: ما انزل
ابو فهد:هههههههههه و العباس تغارين
اديان: والله ما اغار
ابو فهد : چا ليش متختارين الغرفة
اديان: راح انزل بس علمود اثبتلك اني ما اغار
ابو فهد : يلاا
اديان: نزلت من السيارة هو هم نزل دخلنة لمحل كبيررر حيل و عندة الغرف كلها تركية تجنن شفت وحدة مو كلش حلوة كتلة هاي
ابو فهد : تؤ تؤ هذا كلة و تگولين ما اغار
اديان: ترى حلوة
ابو فهد : حبيبي شنو ارقى غرف عندك
اديان.. اشرلنة الرجال على مجموعة مال غرف تمووت لون ابيض و رصاصي كلهن حلوات يعني اي وحدة اختارها حلوة اشرتلة على وحدة
ابو فهد: خوية الغرفة هاي وصلوها للبيت هسة و زيد يطلعلكم علمود تشدوها
اديان،، صعدنة بالسيارة و اني احس الحرارة والغيرة واصلة لراسي
اديان: لعد مرتك شوكت تاخذها
ابو فهد: اهلها منتظرينة بالمحكمة
اديان.. ضليت ساكتة واني اباوعلة بس يضحك و الكاع ما لامة فرحتة هو حتى ميعرفها معقولة هيج حبها بهاي السرعة
ابو فهد : صدگ بوية
اديان: ها
ابو فهد : ان شاء الله هذا الدرس تعلمتي من عندة
اديان: شنو
ابو فهد : ترى ماخذج اعقد عليج
اديان: ترى دخت
ابو فهد: هههههههههه وحگ هو علي اعشگج واتحدى زلمة يحب حرمتة بكثري
اديان: وهسة شنو اصدك عود
ابو فهد: اي وروح امي ما مچذب هذا عقاب حتى تتأدبين
اديان : ترى ما اوافق عليك
ابو فهد : اذا انتي بت ابوج سويها و ارفضي كدام القاضي
اديان : بس والله كرهتك
ابو فهد: حقج بوية حقج وحق ربج انا قسيت وياج بس مافكرتي بية من طلعتي كدام الزلم بطرگ الدشداشة وانا اشوف ولد عمي يباعون وفاتحين حلوگهم عليج
اديان: لعد انتة كدامي و تلبس ابوية شال شتريد اصفكلك
ابو فهد : لج اني عليمن سويت هيج غير علمودج جاي يريد ياخذج ويبيعج انا غير مابقة براسي عقل يكلي طلكها اريد ابيعها بمية مليون
انا اظفرج ما ابيعة بمية مليون
اديان: لا انتة مو علمودي بس لان ضربو منطقتكم بالطلق
ابو فهد : هذا السبب الثاني بس يبقة السبب الاول انتي لان عدنة عيب و زحمة بيوت الشيخ تنرمي هسة السلف ميكول جاي ياخذون بتهم يكولون الشغلة شغلة شرف
اديان : ماريدك كرهتك والله
ابو فهد : و انا ابقة احبج بس بروح امج لتكولين اكرهك
اديان : اكوهك
ابو فهد: اخخخخخخخخخخخخخ يا علي
اديان : هاي كلكم متفقين علية
ابو فهد: اي بس فدعة و فهد عبالهم صدك
اديان: رجعني للبيت
ابو فهد : هسة خل نعقد و رجعي زعلي ..
حاليتلك هيچ ذبلانة إعلة مودك
و انتَ ما تدري شتريد ؟
ما تأذيك الرسايل ؟
گمت احس روحك بريد
______
مشت الايام و حياتنة حلوة ماكو اي مشكلة و هو هادئ
ابو فهد : بوية حضري نفسج اطلعلچ جواز
مشت الايام و حياتنة حلوة ماكو اي مشكلة و هو هادئ
ابو فهد : بوية حضري نفسج اطلعلچ جواز
اديان: هسة
ابو فهد : اي چا شوكت
اديان.. كملت و ردت اخلي مكياج بس كلت لا خاف يقلب نوب يخرب السفرة رحنة طلعلي جواز گالة باچر العصر ادزلكيا للبيت
و صدگ ثاني يوم لمن دخل بالليل گالي هذا جوازج حضري
عگب باجر نطلع قدمت على فيزة مسرعة
اديان : هو واحنة وين نسافر
ابو فهد : تركيا لو تردين غيرها
اديان: لا اريدها
ابو فهد : قابل جم اديان عندي اني
اديان: والله مادري هي بس اني
ابو فهد : هههههه اي والله
.. ثاني يوم بالليل حضررت جنطة السفر
و هو كاللهم باجر راح نسافر كلهم كالو ترجعون بسلامة
بس بناتة ضايجات
فهد : بابا انتة مو كتلي اسافر وياك
ابو فهد : هاي كدام جدك هذا الشارب مو علية اذا ما اخذتك
السفرة الجاية انتة و اخواتك هم
فهد : الزم شاربك و احلف
ابو فهد : وهاااي لزمتة و داعت عيونك اخذك
اديان.. ابو فهد حضن فهد و شالة شكد حلويين
الصبحح الساعة بالستة گعدني
اديان : ها
ابو فهد : و جعا متردين نروح
اديان: لا طبعاً اريد
دخلت سبحت و بدلت و هو دخل وراي نزلت سويت ريوگ و هو نزل مبدل تريك و اني صعدت لبست الجبة و شال خليت شوية مكياج
و هو صعد علمود ينزل الجنط
ابو فهد : هاي شنو
اديان : شنو
ابو فهد : شنو هاي الحمرة
اديان: بس هاي المرة حباب
ابو فهد : لا و الله و لا مرة
اديان: مو تخرب والله ولازم اغسل
ابو فهد: لا ماكو داعي شو تعاي
اديان.. لزم وجهي بأيدة و يمسح الحمرة بالكنينس
باسني ...
ابو فهد : عيب بابا ذني لازم بس الي
اديان : ترى ماكو داعي
ابو فه : ادري بس والله مو بيدي بعدين هذا شالج ليش متلفي عدل
اديان : هفففف احبة هيج
ابو فهد : تؤ تؤ عدلي بساع
اديان : ماريد اسافر يلة
ابو فهد : هسة مو زين مقهور عليج و مملبسچ عبا
اديان: ترى اني سافرة جنت
ابو فهد : غير عمامج گو**يد و عدهم عادي
ً
اديان... عفتة و فتحت باب الغرفة و طلعت زيد طلع من غرفتة
زيد : صباح الخير بويةو وين ابو فهد
اديان : بالغرفة
دخل زيد للغرفة و ما وقبل يخلي ابو فهد يشيل الجنط نزلهن هو
و صعدت بالسيارة ًوزيد اليسوق و صلنة للمطار زيد سلم على ابو فهد و علية وراح واحنة ضلينة
كاعدين ننتظر نص ساعة ولزم ايدي ابو فهد و صعدنة بالطيارة
كالو شدو حزام الامانً هو شدلي مالتي و كعد شد مالتة
اول ما طارت تخوف بس بعدين صارت عادي
نزلنة بأسطنبول بعدين اجر سيارة و رحنة للفندق حچة وياهم
و اجوي اثنين صعدو الجنط بالمصعد
اديان : شنو تعرف تحجي تركي
ابو فهد : لا بس الجنت احجي ويا واحد عربي مو تركي
اديان : لعد هم الاتراك بالمسلسلات يحجون عربي
ابو فهد : ههههه انجبي لج غير مدبلج
اديان : و هسة شكو تغلط
ابو فهد: وهسة هو هذا غلط
اديان : بالنسبة الك لا
ابو فهد : هايهية بعد
وصلنة لباب الغرفة فتحها جانت تجنن غرفة نوم و غرفة كعدة و حمام رتبت الملابس هو دخل سبح و اني هم ورا
ابو فهد : خلي ننام و من اكعد نطلع لو تردين هسة ؟
اديان : لا نعسانة
ابو فهد : دتعاي بحضني شو تعاي
نمت و كعدت الغرفة ثلججج كمت طفيت السبلت
هو كعد
ابو فهد: حظري روحج لان جوعان خلي نطلع ناكل
اديان .. ماشي
ضلينة بتركيا عشر ايام يمكن احلا ايام عشتها بحياتي ابو فهد هادئ و لا يصيح و لا يعصب حتى 3 مرات طلعت حاطة مكياج ما حچة بس گال حسابچ بالليل
اشتريت اشكال و الوان و هو بس يدفع خطية شسوي اشيائهم حلوة
و اشتريت لبنانتة و بشرى و هيفاء بوكسات مال مكياج لان عيب
ابو فهد : ذني شدعوة ولج
اديان : مو الي راح انطيهم للبنات
ابو فهد : اصييييلة مرتي
اديان.. ابتسمتلة
وصلنة لاخر يوم بالسفرة ...
ابو فهد: شبعتي لو بعد
اديان : لا شبعت
ابو فهد : شگد احبچ
اديان : اني هم احبك
ابو فهد : دتعايي خل نودع تركيا
اديان : شنو
ابو فهد : احب الثول مالتج وعلي تعاي اكلج ...
وووووو
دخلت سبحت و هو نام كعدت الصبح على صوت الدوش ضليت نايمة طلع هو من الحمام شافني كاعدة باسني
ابو فهد : شلونة الحلو
اديان: زينة و انتة
ابو فهد : انتي يمي يعني شلوني
اديان : هنيالي لعد
ابو فهد : بويية يا بعد چبدي
اديان : هههههه حياتي
بدلنة و كملنة ورحنة للمطار ما شاء الله اجينة بأثنين جنط رجعنة ب خمسة نزلنة بمطار بغداد و من مطار بغداد للبصرة
لگينة زيد و ابو سراب بالمطار
حضنو ابو فهد و سلمو علية
زيد : ها لج تونستي يرضاها الله انتي بتركيا و اني بالبصرة
اديان: هههههه بعد بعد ابچي
ابو سراب : ههههههههه هيج احسلك
رجعنة للبيت زيد صعد الجنط و ابو فهد ضل حاضن فهد و يبوس
بي حضن بناتة و هنة اجني سلمن علية بس ضايجات
صعدت كبل نمت و هو هم نام جانت دنيا الظهر
كعدت الساعة ب 8 بالليل هو بعدة نايم اني شبعانة نوم دخلت سبحت ومشطت و نزلت جوة جانت بشرى جاي تسوي عشا ساعدتهة و صعدت كعدتة ونزل صبو عشة و كعدنة ..
الحجي : ها بوية ان شاء الله تونستي
اديان : اي
الحجي : بالعافية بوية
فدعة : ما تشوفها حتى سمنانة
زيد : هسة حاطة عينج على البنية
فدعة : وانتة شكو كل ما اتنفست و دافعتلهة شني هاي الشفاقة
زيد : ههههههههه غير مرت اخوي
فدعة : امداك و امدا اخوك
ابو فهد : زين اني شكو
زيد: عوفها عوفها تريدلها رجل
كلهم طگوها ضحكة وهي هم وياهم
الحجي : ابو فهد باجر يجون بيت حجي داوود خابروني وكتلهم تعالو باجر
ابو فهد: ان شاء الله خير
فدعة : اي خل ينگلعن وهاي سراب هم شوفولهة رجل
زيد : راح اشوفلج انتي وياها ابو و ابنة حتلو ادفع فوكاج فلوس اهم شي ياخذج
فدعة : خايبين ما تطوني النعال
زيد : ههههههههه احب اشاقيج و العباس
.... ثاني يوم العصر اجوي بيت عمهم لبست فستان بنفسجي فاتح و شمرت شال بنفسجي على شعري و حطيت مكياج خفيف و نزلت
اديان : السلام عليكم
ام عماد : اللهم صلي على محمد و ال محمد شني هذا الحسن
هاي ياهي منهن الجبيرة لو الصغيرة
فدعة : يا خايبة شجاج هاي مرت ابو فهد
فدعة : يا خايبة شجاج هاي مرت ابو فهد
ام عماد : يا استغفر الله حبيبة تعاي خل ابوسج بس والله ما ضنيتج هالصغر
اديان : لا عادي خالة
رحت يم بشرى بالمطبخ سوت عصير و اني رتبت الكيك و الزلم دخلو من المضيف كعدو بالصالة صارت مجزرة
نزلن زهراء و حوراء بس مبالغات بالمكياج
راحت بشرى و سراب قدمن اني خفت لان هو گاعد و مبين ضايج مدري ليش ضليت كاعدة بالمطبخ سمعت هاي المرة تگول
- چا وين هاي الحليوة مرت ابو فهد
ابو فهد : اديااااان
اديان.. عدلت شالي و طلعت من المطبخ شفتهم كلهم يباوعون شنو مشايفيني قبل و گفت يم بشرى
بشرى: سلمي ولج
... شفت رجال جبير بالعمر كاعد بصف ابو فهد كتلة شلونك عمو
- هلا يابة شونج
- الحمدلله
اكو رجال هيج يطلع بكد زيد كال چا و احنة شنو نبزز
بشرى : تستحي خطية
سجاد : ذيب ابو فهد ماخذلك وحدة حتى ما تحچي هواي
ابو فهد : دسكت لا تگوملك مرتك تكتلك
طگوهاا ضحكة ....
باوعت لابو فهد اشرلي بعيونة فوگ
ام داوود : يا ما تعوف البنية شنو راح ناكلها
اديان... مسح شواربة و گال .. لا حجية بس رايدها تحضرلي فلوس صديقي جاي عليهن
ام داوود : براحتكم يمة
اديان... صعدت فوگ و گلبي يوجعني مادري احسة عصبي نزعت الشال و ضليت افتر بالغرفة شوية و فتح الباب لزمني من زندييي
ابو فهد : انتييييي شلون هيج تطلعين كدامهم
اديان: شمسوية
ابو فهد : شنو هذااا اللبس
اديان: شبي طويل و ردن
ابو فهد : بس مفصل على جسمج و شنوووو هذا المكياج
اديان: شلون يعني بعد ما احطط
ابو فهد : اييييي متحطين شنو عايزةة انتي
اديان: دهد ايدي كامت توجعي ....
هد ايدي و لزم الثوب من فوك و شگة من الطول للطول ضليت صافنة
هااااي ليشششششش
سحبت المنشفة جانت على القنفة و غطيت جسمي
ابو فهد : صوتج نصي لا امرد حلگج و هاي شگيتة حتى بعد متلبسي
اديان : متصيرلك چاررة
ابو فهد : شنو شنو شگلتي
اديان : ما گلت شي
ابو فهد : اي عبالي
نزلة جوة ماكو لحد ميرحون رجلج اگصهة و علي
اديان: هو انتة گدرتك علية
ابو فهد : هششششش ماريد نفس
اديان: اي ديلا
ابو فهد: لتراددين
اديان : عود ميخالف
ابو فهد : كااااافي جاي اكلج
اديان : اي يلة درينة
ابو فهد : حلگج سدييي لا اجي افلش وجهج
اديان: دطلع يلا
مادري ليش مجاي اسكت احس روحي اذا سكتت ماعندي كرامة اجة لزمني من شعري
ابو فهد: مو جاي اكلج سدي حلكج
اديان : دهد شعري يلا
ابو فهد : لتراددين
اديان: افتهمت هسة دوخررر
ما احس غير راشدي خدي راحح انهضمت حطيت ايدي على عيوني هو عاف شعري و كال استغفر اللللللله يااا ربي
غطيت راسي بالحاف و ضليت ابجي سمعت باب الغرفة انسد
نمت مادري بروحي فزيت لگيتة شامر الفستان بالگاع و ديلبسني ملابس اول شي نصدمت بعدين تذكرت من ضربني راشدي سحبت اللحاف و غطيت راسي
ابو فهد : بوية و القران اعتذر
اديان' .......
ابو فهد : اللهمم صبرچ يا روحح
اديان.. حسيت بي نام و خرت اللحاف من راسي نوب جوعانة و شبعانة نوم هو حاط ايدة على عيونة كمت اخذت الاب توب فتحتة
و طلعت مسلسل دموع الورد مال عمار و نرمين
ابو فهد : جبتلچ حلويات بالجرارة مال الكومدي
اديان.. عفتة ما حاچيتة بس والله نزيت عبالي نايم ضليت اباوع لحد ما نعست عصافير بطني تعاركن من الجوع و ما مديت ايدي على الحلويات الجايبهن
الاكل يروح و يجي بس الكرامة اذا راحت متجي ..
