رواية قصة زهراء الفصل التاسع والعشرون بقلم زينب نور
زهراء:فتحت الباب واشوف النار بالبرده صرت ثوله ضليت واكفه بمكانه انوب
ركضت للحمام سطل ماي ترسته
ودخلت انه توني ذبيته
ومااسمع بس الصوت عبالك نفجار
بعد ماحسيت بشي
طحت ...
فاطمه:بالصاله ومانسمع بس صوت عبالك نفجار كلنه طفرنه
صعدو احمد وسعد يركضون صعدت وراهم جدي واكف جوه يصيح
دخلت زهراء بالكاع والغرفه عبالك صاير بيها نفجار ركضت كومت زهراء والولد
نزلته جوه نزلو الولد كعدت زهراء وسوالفت عاط بيها عمي
صالح:ولج شنهي من عقل اطفين النار بماي والكهرباء مشتغله
ام ياسر:المن مخليه البخور ونازله
زهراء:كامو واحد يرفع والثاني يكبس عبالهم متعمده خليت وصعدت
للغرفه فتحت الباب والشباك مفتوح
صعدت فاطمه
الغرفه صاير بيها فيضان
من سطل الماي
شلت الفرشه ونزلت البردات
هي العمله موو هناا العمله والمصيبه الصارت على راسي
اللابتوب مال ياسر والاوراق على الميز
من هسه الخوف اكلني ولو دره شلون شسوي
فاطمه:يعني انتي مامتعمده قدر وصار بيج بخت لو واصله النار بعد اكثر جاا احتركنه
زهراء:هذا لا يفهم لا قدر ولاشي
فاطمه:ميخالف حصريلج
رزاله من يدري ولاتراددينه
زهراء:طلعنه الغراض كلها ونشفت الكاع للساعه ٦ المغرب كملنه كلشي انكسر ظهري خطيه فاطمه مااهون بيها بس مارضت تروح
اوراق ياسر واللابتوب بالسطح بالكت يشتغل
من ينشف الوراق شريتهن
بالسطح ونزلت توضيت وصليت هم تعشو انه ماالي نفس
دخلت بغرفه بيبي نمت لثاني يوم الصبح
وره الريوك اجت منال جابها اخوها
وكفت انه سويت الغده محد من الولد هنا بس جدي كاعد بالستقبال هوه وعمي
وره الغده صعدت لكيت التلفون يدك رديت ياسر الووو
ياسر:الوو شلونج
زهراء:الحمدالله انته شلونك
ياسر:من سمعت صوتج صرت زين وين البارحه ادگ وماكو
فوك العشر مرات دكيت كلت صار بيكم شي
زهراء:لا مابينه شي بس ماصعدت نمت بغرفه بيبي
ياسر:اهااا افتحي كامرا خل اشوفج
زهراء:فتحت ضلينه نسولف كاضه گلبي بيدي خاف يسئلني على غراضه الحمدالله سده وماسئل بس هو شيطان ضل كالساعه يسئل
صاير شي شكلج ماعاجبني
نزل جوه دعاء اجت مصوره بنت اختها وارتني اياها فدوه تخبل شسموها
دعاء:هدى
زهراء:شويه وصعدت للسطح الوراق كل ورقه بصفحه لميتهن وشلت اللابتوب ونزلت سعد
بالصاله كاعد يمه فاطمه
وصلت يمه مديتله اللابتوب عرف قصدي اخذه وعدل كعدته
وفتحه
كعدت وماخليت امام مادعيته بالي يشتغل
سعد:ماكو ولا طگه
زهراء:وشلون هسه هذا اخوك لو دره والله يموتني
سعد:يعني هي هاي عمله بربج اذبين مي الكهرباء مشتعله والغراض على الميز
زهراء:انه شمدريني من شفت النار
اتخبلت حتى نسيت الغراض
سعد:فاطمه جيبي اللابتوب مالي خل اشوف الفلاش يشتغل
زهراء:كامت فاطمه جابته واجت
خله الفلاش اشتغل الحمدالله عاد هذا يشتغل
كتله باله والوراق شلون
سعد:والله هاي انتي دبريها
زهراء:كمت صعدت لليل اجت عمتي سعد وبدت ام ياسر اسولفلها
ضلت تحجي خليت وكمت انه طالعه روحي وذن بطرانات خليت وصعدت لثاني يوم واكفه اغسل اماعين الغده شفت الكراج انفتح دخل سعد توه حل من الدوام نزل يخابر شويه ودخل رفع ايده سلم رديت عليه
سعد:اي بس الوراق
ياسر:صورهن ودزهن ع الواتساب.
سعد:خوش هسه اشوف
زهراء:سد الخط وكال
سعد:وين الوراق
زهراء:ياااوراق
سعد:ملات ياسر يريدهن يكول ع الميز اصورهن وادزهن اله ع الواتساب بس لا يطلعن الوراق التصخمن
زهراء:صعدت جبتهن لان بس هنه ذن الي ع الميز وحده مشكوكه بس رهمتها خليتها بين الكتب حتى تنسفط والباقيات معقجات
حتى الكتابه كوه تبين انطيتهن اله بالصاله ورجعت كملت الماعين وطلعت
ياسر:بشرفك هذني اوراقيش وين لاكيهن بالزبل كتلك اوراق على الميز تنطيك اياهن زهراء
سعد:هنا ذني
ياسر:ولك شنهي ذني معقجات وكلشي مايبين
سعد:خويه هاي مرتك وهي تفهماك السالفه
زهراء:شمر التلفون عليه وصعد خليته على اذني معصب صوته بالكوه كتله الوو
ياسر:يمعوده اوراق على الميز انطيهن اله
زهراء:هنا ذني ااانه انطيتهن اله
ياسر:ولج شنهي ذني لا تخبليني
.زهراء:بس اسمعني لا اصيح والله هنا ذني اتبده عليهن مااي
ياسر:والماي شجابه يمهن هااي سالفه من ثولج مووو احجي
زهراء:صوته يصيح بالكوه تطلع الكلمه مني سد الخط صعدت انطيت التلفون لسعد ودخلت للغرفه هاي الوراق وكلب الدنيا عليهن لو دره باللابتوب شيسوي
مر ٤ايام ماتصل ولا شي وانه اخاف اتصل بيه لا يعيط بيه
كعدت الصبح وره الريوك اليوم يجي عزلت الغرفه
واللابتوب رجعته بمكانه خلي يصيح يضرب يسوي الي يريده مامتعمده انه
كويت دشاديشه ونزلت اذن وصليت بغرفه بيبي اصلي وسمعت صوته بالصاله يسلم عليهم خلصت وطلعت
ماهو كالت دعاء صعد صعدت واكول اجاك الموت ياتارك الصلاة
دخلت وجها على الكنتور يفتح بقميصه تقربت حضنته من وره
دارني عليه باسني بخدي ودخل للحمام سبح وطلع انه كاعده اعزل بجنطته
اجه تمدد ع الجربايه كتله ماتريد غده
ياسر:تعبان هسه طفي الضوه اريد انام
زهراء:طفيت الضوه وطلعت وره الغده كاعدين بالصاله نزل لابس تراك كمت صبيتله غده انطيتها وكعدت ياكل ويسولف وياهم
خلص جبتله جاي ضل كاعد ماكام
اجه سعد من الدوام كعد يمه
باليل وره العشه كاعدين كلنه ملتمين بالصاله عدنه زينب
اتبات للساعه ١٠كالها دخلت الغرفها ضل هو كاعد يدخن ولازم التلفون
بس زينب ضلت يمنه باوعلي كال
ياسر:جيبيلي اللابتوب
زهراء:كمت جبته ومحضره روحي للرزاله عدال كعدته فتحه
اباوع يدوس دگمت التشغيل مره مرتين ماكو مركزه بملامح وجها
عقد حواجبه رفع راسه عليه
ياسر:شبيه هذا مايشتغل
زهراء:ماا ما ماادري كمت اعتعت
بالحجي
هو مايخفي عليه شي يدري ضامه
عنه شي
ياسر:احجي شبيه الخره مايشتغل احد مدنيله مصخمه شي
زينب:خويه بس اهدء وهي اسولفلك
زهراء:حجيتله كلشي وزينب تهدي بالجو
مااحس بس اللابتوب صار بالنص
وشمره طگ اباب المطبخ
ياسر:غيبه ميت مره كتلج انتبهي انتبهي ماادري الثول الي بعقلج منين ماادري
زينب:خويه بس اهدء ماصار شي
جيبلك واحد لاصيح لا يرتفع ضغطك
ياسر:انه مو على المشتره على الشغل مال العالم بيه
شكلهم والوراق اسئلها ماتحجي
زهراء:انه اتخورست مارديت عليه ضل يصيح ويدفر بالغراض الكدامه
الفوك نزلو على صوته والجوه طلعو من غرفهم
صالح:على كيفك بويه شنهي هسه
زهراء:يصيح وطگ خشمه دم
ركضت زينب جابت كلنس
وكعد يمسح
ام ياسر:يممه على كيفك ويه روحك جا هي مانشاده انته اطگ وتموت
شهامها هي
صالح:يمره لو ادخلين بحجايه زينه لو ترحين
زهراء:صعدت ماحاجيهم دخلت للغرفه شلت الجنطه لا هم يشوفها ويعيط
شويه ودخل اخذ منشفه ودخل للحمام سبح وطلع بدل ولف الغتره. ونزل ماباوعلي حتى شويه ونزلت شلت الغراض الكسرهن باوعت سيارته ماهي طالع
رجعت صعدت لبست تراك وتمددت فزيت على الضوه وهو يشغله
باوعت ساعه ١ وين جان كل هذا الوكت اباوعله التفت عليه ودار وجها للكنتور بدل واجه تمدد وانطاني ظهره قهرني انه شنو ذنبي هم انطيته ظهري ونمت
للصبح نزلت هو نايم حضرنه الريوك كاعد احاجي برحاب اوديها عليه شفته نزل يتمايل بمشيته وعاقد حواجبه
كعد سكته اتريك وكام صعد اخذت الماعين اغسلهن شويه وكفخني عطره مبدل وكاشخ طلع من باب المطبخ للكراج
شغل السياره وطلع يموتني بتصرفاته هااي ومنال وامه مكيفات عدهن عيد من اتعارك وياي
سوينه الغده زينب راحت لبيتها
وره الاذان دخل بالصاله محد بيها خله وصعد شافته منال صعد ركضت صعدت قبلها لكيته داخل للغرفه الباب مفتوح دخلت وطبگته
كام يطلع بالغراض جايب للابتوب جديد واوراق ومدري شنو كاعد على الجربايه ويفتح بالغراض
تقربت كعدت بحضنه بسته بخده
ياسر:شتردين
زهراء:😳 اسفه تره مو قصدي والله
ياسر:😕 لو صاير بيج شي من وره ثولج هاذا غبيه والله
زهراء:هسه انته خايف عليه لو ترزل بيه
ياسر:ثنينهن من سئلتج صاير شي كلتي لاااا
زهراء:يعني شتريدني اكلك
افتن على روحي مخبله شنوو
ياسر:لازم اعاقبج
زهراء:ههههه همست يم اذنه كلشي منك حلووو كلت هيج
وهذا شمرني على الجربايه صار فوگي
ياسر:اهااا بس موو اي عقاب عقاب ياسر هذا مو سهل
زهراء:لا حباب بس وخر مو مردتني جواك
ياسر:تتحارشين وهسه صرت حباب موو
زهراء:هههه انته دائما حباب بس لو تعوف خبالاتك
ياسر:ولج شنهي انه خبل حتى اعوف خبالاتي
زهراء:لالا حشاك موو عليك
دفن راسه برگبتي
رفع راسه باسني بخدي
كام طلع للحمام البره يسبح انه سبحت وطلعت شويه ودخل
بدلنه ونزلنه عيون منال وخالتها ينگطن سم شافن ياسر مبين سابح ويضحك عكس الصبح كعدنه تغدينه
وخلصنه انطيناهم جاي العصر سعد وفاطمه سيرو على اهلي
لليل رجعو
ثاني يوم ياسر طلع من الصبح
ويه صحبانه
واگفه اغسل بماعين الريوگ
وندگ الباب حيل عمي صالح بالحديقه كاعد اباوع من شباك المطبخ كام توه فتحه وادنگ مره على رجليه مافتهمت شدگول لان بعيده بس مبينه تبجي
كامت دخلها عمي للصاله
صالح:ادخلي بويه ادخلي ومايصير غير الترديه انشاءالله
دخيله عدنه انتي
زهراء:دخلت بنيه شابه تلكتها عمتي سعاد وام ياسر ومنال نزلت على الصوت
اجت اخذت ماي وراحت انه هم دخلت يمهن
بس البت من شكلها مارتاحيتلها
من نظرت عيونها ورفعت حاجبها
حواجبها شيطانيات
بوكتها هذا المديل شايعات بيه النسوان المهم كعدت محد حاجاها
لان تبجي اسكت بيها عمتي سعاد
صاح جدي زهبو غداكم
طبخت وكملته صلو وهاي على كعدتها بالصاله يمها عمتي سعاد
صبينه الغده الهم بالستقبال
شاله سعد
واكفه اصب ماادري بياسر داخل من الباب الخارجي للصاله
ياسر:دخلت للصاله ماعبالي اكو احد شفت مره كاعده بسرعه طلعت للمطبخ
منو هناا
زهراء:ماادري
ياسر:شنو ماتدرين
زهراء:الفهمته من عمي الظاهر دخيله عليكم
ياسر:يالله خير انه رايح اتغده من تخلصين افتحي باب الترك اريد اصعد انام
زهراء:صار ودينه الغده للصاله تغدينه وكمنه نسيت مافتحت الباب سمعت يدگ رحت فتحته اله صعد رجعت للمطبخ وكفنه انه ودعاء نغسل اماعين
خلصنه رحنه كعدنه بالصاله شويه ودك احمد باب الستقبال
احمد:يممه كلي للحرمه الشيخ يريدها
زهراء:اخذتها ام ياسر وكامن دخلن للستقبال وسدو الباب انه بهاي المواقف يصيبني فضووول
وكفت وره الباب وخليت اذني البنات يضحكن عليه وعمتي سعاد اصيح.......
الفصل الثلاثون من هنا
