رواية الشيخ سلطان الفصل التاسع والعشرون بقلم زينب نور
نرجع الوقت قبل 6 ايام
شمس
بعد ربع ساعه على موعد طيارتي سحبت الجنط ورحت قريب على باب المغادره. وحسيت غصه بصدري كتلتني كتل عبالك مضيعه شي رجعت للاستعلامات سالت. الرحله القادم شوكت كالو بعد 12 يوم اجلت موعد رحلتي وطلعت من صاله المغادره امشي بسرعه احس روحي انسحبت مني خابرت على سالي
كلتلها تعالي اخذيني اني بالمطار اجتي سالي اخذتني طلعت السيم كارت مال العراق وغلقت لفون
سولفتلها وصلنه للبيت
لكيت عمو وخاله وسرى ينتضروني كعدت سولفتلهم كولشي
كالولي حقج بــَس هم الحق وياه همه عشاير واهل الجنوب طبعهم يختلف وصعب شويه كلشي ولاعدهم شي يمس الشرف وتصرفه طبيعي اقتنعت بكلامهم بس بقت غصه بكلبي كولتلهم اجلت رحلتي واريد ابقه يمكم ماريد احد يعرف
كالو انتي حالج حال البنات عسى ماتبقين العمر كله يمنه هلابيج
عمه تخابرني كولتلها وصلت بقيت يوميه تخابرني مااجيب طاري سلطان ابد لان احساسي يكولي سلطان يمها لان عمه متعرف للتليفون هوايه خصوصاً البرامج اله واحد يخابرلها وكل ماتخابرني يمه سنطه وهدوء مبينه مو ايه ولا غسان مخابر عليه اكيد هذا سلطان رغم الي سواه بيه بس اشتاقيتله حيل اشتاقيت الكلمه بنيتي واشتاقيت لكلمه رويحتي ولكلشي بيه يوميه اتفرج صورة بالفون لحد مااغفه ورا 6 ايام ااستفقدت عمه صارلها يومين ممخابرتني خابرتها مجاوبت طبيت للفيس جان صبحيه ساعه9 وشفت منشور ومسوين بي اشاره لايه ولغسان حداد قريت انتقل الى رحمة الله الشيخ حمزه سلمان ابو سلطان
واساً عطت عموو مات بقيت ابجي البنات كعدن على صوتي حاولن يهدئني خابرن على ابوهن عاف دوامه واجه كلي كومي اخذج للبصره هــًـًســًه لبست اسود بنطرون وتيشيرت وفوكاه تلبيسه طويله مفتوحه وحجاب اسود طلعنه ساعه 11 وصلنه العصر الطريق كله ابجي عبالك بابا من جًٰـِّديد مات
بيت عمو هوسه الدنيه مكلوبه بي طبيت كبل للصاله والكل تباوع عليه وحجي هاي مْْـٍ❌ـْْو سافرت وشلون اجتي وشجابها بالي كوله يم سلطان ويم عمه طبيت شِفـٍـْــٰٰتْ سلطان متمددت بنص النسوان ولابس دشداشه سوده ولاف راسه حته وجه مغطي اسمع صوته يبجي ويحجي وي عمه وهو مخلي راسه بحضنه بدون وعي طبيت كبل عمه والبنات بقن مصدومات من شافني محجيت وي احد بــَس كعدت بالكاع وشلت راس سلطان خليته بحضني فتح عيونه يريد يباوع اشوفه عيونه حمر ووجهه شكد ذبلان لحيته طويله ومخربطه باوع عليه بقه يغمض ويفتح كال هاي انتي شجابج شمس هاي انتي مو لو يتراولي يمه هاي موشمس
شمس/دموعي وكعت على وجهه كوتله اي شمس اني رفع روحه وحضني حيل ويبجي واني هم حضنته وابوس براسه مااعرف شلون وباي طريقه اصبره لان فقد لاب كولش صعب واني حاسه بيه لان مجربته
سلطان/شمس ابوي مات عمج مات راح وعافني ولج دفنت ابوي بيدي ايي بيدي دفنته ابوي عافني وراح مثلج
شمس/همست باذنه اشششش هياني يمك معفتك شلون تتصورني اتركك بهيج محنه وهيج موقف سلطان اني اكثر وحده حاسه بيك لان مريت بنفس موقفك بس اني جنت وحدي ماكو الي يواسيني وانت مو وحدك اني يمك
عمه/يمه كومن اخوجن خلنه يسبح مغسل ابوه لازم يسبح ميصير
اجتي نرجس كومته واني وياها كومناه اخذته للحمام كولتلها خلي اني اطب وياه للحمام اسبحه
سلطان ابد مو هو منكسر فد نوب عبالك طفل وواحد يكومه وواحد يلزمه هـًُّـيًُْـچ. مكسور وين سلطان القوي الجبل مثل مايسمونه اهله صدوك الجبل منهار
طوبته للحمام كعدته على الكرسي اندك لباب مديت ايدي اخذتهن ملابسه شورت وفانيله ودشداشه سوده وشماغ اسود علكتها
ونزعته دشداشه باوع بعيوني
سلطان/شمس حوبتج طلعت بيه انه ظلمتج والله ردها اليه اخذ عامود بيتنه وحزام ضهري وكسرني هاي حوبتج بيه طلعت
شمس/لاااا لتحجي هيج شنو حوبه قضاء وقدر ميصير هيج تكول
سلطان/كام على حيله شمس هاي انتي لو يتراولي لو احلم شلون اجيتي من لندن لهنا بهالسرعه
شمس/حضنته وخليت وجهي بصدره. ماكدرت ماكدرت اروح واعوفكم حسيت مفاركه اهلي وبعدني ممسافره بالمطار وحسيت بالغربه وبالوحشه سلطان تعلمت عليكم مااكدر افاركم اجلت رحلتي ل12 يوم ورحت يم بيت صديق بابا
سلطان/حضنتها ولج هيج انه الله يحبني ودزج اليه باصعب يوم يمر بحياتي وعلي انه بالمستشفى واستفدتج. كلت كون شمس هنا تهون عليه انه بطريق النجف راد وافكر شلون راح تصير حٍيآتـَّي بعد منا شمس راحت ومنا ابوي الكسره صارت كسرتين هم كلبي انكسر عليج وهم ضهري انكسر على ابوي وافتح عيوني الكه رويحتي بحضنج وعلي عبالي تسودنت وبقه يتراوالي
شمس/لاحبيبي مايتراوالك اني يمك
سبحته ولبسته ملابسه
باوع سلطان خليت وجه. بوجهي
حبيبي ميصير تنهار وخصوصاً كدام عمه واخواتك همه ياخذون القوه والصبر منك لتضعف كدامهم وتبين حزنك ادري بحالتك وحاسه بيك والله مريت مثل تجربتك بس انت رجال صيرقوي لخاطر امك واخواتك وجهالك والخاطري اني حته غسان صارت عينه علــيك انت صرت بمكان ابوه حبيبي روح للمضيف انت صرت الشيخ من بـٍْْـٍْ؏ـٍْْد عمو والمضيف مايصير يخله من الشيخ اريدك تصير قوي وتروح للمضيف توكف على حيلك وتسوي فاتحه للشيخ ترفع الراس هاي فاتحة الشيخ حمزه ابن الشيخ سلمان وابو الشيخ سلطان
سلطان/حيلي نهد والحمل ثكيل كلش خلاه ابوي علي
شمس/وانت كد هالحمل وكد هالمسؤليه متاكده لك مو يسمونك الجبل لوما يشوفونك شكد قوي جان ماشبهوك بالجبل
سلطان/الجبل نص حيله راح وياج والنص الثاني راح وي ابوي
شمس/هياني يمك والنص الثاني بالصبر وبقوتك راح يرجعلك حيلك كامل حبيبي والله ممتعوده اشوفك هيج منكسر لخاطر عمو ولخاطري صير قوي
بسته براسه لان هو اطول مني كوه رفعت رجلي ووصلت الراسه وبسته
خله الشماغ الاسود على راسه وطلع كبل للمضيف غسلت ملابسه وعلكتهم بالحمام وطلعت رحت لعمه لان التهيت بسلطان ومسلمت على احد حضنتها وبجيت
بقت تنعي وتبجي وتنعي على الاب اني انهاريت حيل اول مره احد ينعى كدامي لنوب على لاب بقيت ابجي بحركه ومخليه راسي بحضنها
كالت ولج عمه شجابج من هناك
شمس/عمه ماكدرت اسافر واعوفكم تعلمت عليكم انتم اهلي وماعندي غيركم بقيت ابغداد يم بيت صديق بابا كلت ارتاح فتره لحد ماعرفت بخبر وفاة عمو كانما بابا مات من جديد كمت سلمت على البنات وبجيت وياهن لنوب رحت على عماتي سلمت ورجعت كعدت يم عمه
اجتي زينب وايه يحضنن بيه ويبوسن ممصدكات رجعتلهم ورا شويه اجتي هيا تركض شمرت نفسها بحضني يمه سـَـاعه حاضنتها وابوس بيها
هيا/اني وبابا جنه نبجي عليج من رحتي وعفتينا بابا كال عافتنه وبعد ماترجع
شمس/لاحبيبتي هياني رجعت ماكدرت لا على فراكج ولا على فراك بابا مااكدر بدونكم شويه
وكالت عمه يمه اصعدي لغرفتج اخذيلج دشداشه سوده من ايه والبسيها ويمه عينج على سلطان سوده عليه انكسر ضهره بروحة ابوه
شمس/انشالله عمه
صعدت لغرفتي طبيت هوسه الغرفه دا ارتب بالجربايه ولكيت ثوبي لابيض جوه اللحاف هنا عرفت سلطان مخلي اخذته ضميته ورتب الغرفه جابتلي ايه دشداشه سوده. لبستها ولفيت حجابي ونزلت يم البنات لليل كلش جابو سلطان منتهي فد نوب طوبوه ولد خالته كالو راح يتخربط خلو هنا يرتاح وينام
عمه صاحت يمه كومي لزلمتج خلي يصعد يرتاح فوك انهد حيله وباجر وراه عزا ووادم تجي
لزمت سلطان من ايده وصعدنه فوك طبينه للغرفه كعد ع القنفه وورث جكاره يدخن وصافن
شمس/كعدت بالكاع مقابيله وخليت راسي على رجليه
سلطان/ابوي راح مني بس الله شويه رحم بحالي من رجعلي شمس توكف وياي بمحنتي
بقيت امسد براسها ودموعي تصب على ابوي
شمس انتي مو كل متحجين تكولين انه يتيمه
هــًـًســًه انه هم صرت يتيم
شمس/سلطان حاسه بكسرت كلبك بس انت قوي اني ضعيفه
سلطان/لاوعلي اكابر وابين انه قوي بس انه كلش ضعيف من جوايه واكتشفت هالشي من رحتي من ايدي
عرفت حسيت بنفسي شكد ضعيف وعاجز شفت مرتي تروح كدام عيني ومابيدي اسوي شي
شمس/واني جنت حاسه راح تمنعني
سلطان/انه لوتبقه علي احبسج واحبس روحي وياج بالغرفه وبداخل الغرفه هم اخافن لاترحين مني احبسج بحضني بس ابوي منعني وكلش جان يحس بذنب اتجاهج وانه اخافن على صحته وماكدرت امنعج
بس هــًـًســًه ابوي راح
شمس/واني رجعت
كمت وخرت الغتره من راسه ونزعته الدشداشه
واخذته للجربايه يله حبيبي ارتاح باجر وراك كعده وتعب لازم توكف على رجليك
سلطان/شني ماتنامين يمي
شمس/طبعاًبس اطفي الضوه
طفيت الضوه نزعت دشداشتي ماعرف آنہامہ بيها وطبيت جوه اللحاف اخذت راسه بحضني ابوس بي وامسد بشعره لحد مااغفه على صدري مو عبالك هذاك سلطان القوي
لا عبالك طفل نايم بحضني هلكد مكسور على عمو حضنته من راسه وخليت خشمي بخشمه وغطيت راسنه اريد انفاسنه تتحد سويه رجعت من جًٰـِّديد سلطان وشمس
سلطان
فزيت من النوم ماادري بيش الساعه بــَس انه متغطي حته راسي انفاس شمس كلش قريبه عليه ياااربي حلم هذا لو حقيقه شمس ردت اليه وردت روحي وياها من امس وكل شويهً اكولن يمكن حلم لو اتخايلها بــَس هــًـًســًه اتنفس انفاسها ايي هاي رويحتي بحضني نايمه وخرت اللحاف اباوع عليها نايمه صفنت بوجهه اتمعن معانيها ربي عوضتني بيه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
