رواية نهوة صقر الفصل الثاني بقلم جمانه السعيدي
صكر...قبل العرس بيوم اجو بيت عمي علي
اكيد ينزلون بيتنا باعتبار جدي وبيبي موجودين وهذا بيت العائله
البيت جبير وحضرنالهم غرفه خاصه بيهم
عمي علي عندا بنيه عمرها ١٨ زينه
وولد عمرا ١١ سنه يوسف والأم والاب
كنا متوقعين يوصون للغدا اذن اذان الضهر وبعدهم ماواصلين للساعه وحده يله وصلو اني فتحتلهم الباب
دخل عمي سلمت علي وبعدين زوجته
وبعدين يوسف واخر شي زينه
هنا وصلنا المربط الفرس هنا تسكب العبرات
هذا الي اني ماكنت حاسب حسابه
بنيه تخبل وتنكط انوثه بيضه طولها تقريبا ١٦٥
شعرها اسود فحم مسويته ستوته ليوره
عيونه سود رموشها كثيفات وسود شفايفه يخبلن
وجها دائري عدها شامه على خدها
اما جسمه قصه ثانيه جسم كله انوثه
لا مو انوثه عاديه انوثه طاغيه اديها يخبلن الأصابع عبالك اقلام الرجلين موضوع ثاني
خوب الخلفيه ابد مو مال عمرها فد شي حيل بارزه
بشكل ملفت للانتباه
لابسه بنطرون جينز ضيك وبدي اخضر
راح تكولون شلون هيج تباوع عليه نضرات مو راحه
المشكله هي شكله كلش مميز مميز بطريقه عجيبه او على الاقل اني جنت اشوف كل هاي الاشياء
مجاي اكدر انزل عيوني منه
رغم اني مو طبعي هيج اركز من اشوف بنيه
بس مااعرف ليش ركزت وياها
جمانه السعيدي
صكر...بس شفته سلمت عليه
هي باوعتلي نضره وكانما اشمئزت من شكلي ردت السلام من ورا خشمه ودخلت راسا
عرفت شكلي ماعجبه بس اني بهاي اللحظه وكعت بلقاضيه
حسيت نفسي احبه من زمان
دخلت وراها ورحت جبتلهم ماي وهليت بيهم
جدي صاح خلي امك تحضر الاكل
صكر....صار جدي
عمي علي....خل نغسل بلاول
عافو جنطهم وطلعو يغسلون هيا انطلقت تحجي وياا امي وجدي وتسولف وتضحك
بس اني ابد ماحاولت تحجي وياااي وكانما تتحاشاني
كان نفسي تحجي وياي واني ارد عليه وعيني بعينه
وتضحك وتصير ملاطفه بلكلام بينا
حاولت احجي وياها بس مااعرف شنو الموضوع الي راح احجي بي وياها
عبالك نسيت الكلام كله
ميخالف اني راح احاول أقرب عليه اكيد من تحجي وياي
وتعرف نفسيتي راح تغير نضرته اليه
جمانه السعيدي
كعدنا نتغدا كلنا وامي سئلته
امي...انتي اي صف زينه
زينه...السنه سادس
امي...بلتوفقيق انشاء الله
زينه...شكرا خاله
صكر....كاعد كباله اكل بس مااكدر انزل عيني عنه مثل السحر مرتين رفعت راسه وشافتني اباوع عليه
كلما ادنك الكه نفسي ارجع واباوع عليه اريد احفظ تفاصيله
خلصنا اكل
زوجت عمي...ماما زينه شيلي المواعين وساعدي خالتج
زينه..اي ماما
شالت اول ماعونيبن واني قربت اخذتهن من ايدها
صكر...عوفيهن لا تعبين نفسج
زينه...ماكو اي تعب
بدينا ننقل بلمواعين اني وياها بس هي مجاهلتني وحتى ماتباوع بوجهي
معقوله اني هيج شكلي مايطاق
لبست صدرية المطبخ وبدت تغسل
صكر...عوفيهن اني اغسلهن
زينه...لا عادي شغله بسيطه
صكر...لزمت ايدها وأخذت منه المجلافه عوفيهن
زينه...تمام وين الجاي اني اروح اصبلهم
اخذت الجاي وراحت
واني لبست الصدريه وبديت اغسل بمكانه
اني دوم اساعد امي اغسل المواعين ىو اغسل البيت
حتى الفراشات من يخلص الشتا اغسلهن
لان امي ماتكدر وحدها
ماااستنكف اذا اساعدها ابد
كملت ورحت لكيتهم مخلصين جاي
عمو علي...خل نرتاح شويه علمود الحنه بليل
اخذت الجاي وطلعنا كلنا وهمه سدو الباب نامووو
اني رحت البيت عمي اساعدهم بتحضير الحنه
قبل المغرب بشويه رجعت للبيت لكيتهم كاعدين يحضرون نفسهم للحنه وامي كاعد تحضر بلعشى
شاويه دجاج ومحضره بتيته
صكر.... اساعدج
امي...اي حضر اللبن والزلاطه
كملنا العشى وأخذته الهم
كانت زينه لابسه فستان وردي ضيك وطويل بس بارز كل معالم جسمه من شفته ضجت
هاي شلون راح تروح هيج وشكم واحد راح يخلي عينه عليه
شلون اخليه تغير هذا البس مااريدها نطلع هيج
هي مو تدري احنا منطقه شعبيه عشائريه
مافكرت تلبس شي مستور اكدر
طلعت للمطبخ
صكر...يمه اريد احجي وياج
امي...شنو العشى ناقص شي هاا نسيت الماي تعال اخذه
صكر. عوفي الماي هسه تعاي خلي زينه تغير لبسه
امي...زينه تغير لبسه
صكر...اي انتي ماشفتي الثوب الي لابسته جسمه كلش مبين خوب الخلفيه استغفر الله
امي...يااا انت من يمته هيج تخلي عينك على بنات الناس
صكر...مو خال عيني عليه بس ولله الثوب الي لابسته
مفصل على جسمه فصال
وراح تروح بيت عمي وهي مالابسه عبايه
شلون راح تدخل عليهم هيج فهميني
امي...انت صدك تحجي وانت شنو دخلك ابوها موجود
امه موجوده اخوها موجود همه يحاسبونه
انت مالك علاقه بيه
صكر...اني راح احجي وياها
امي...انت ماتستحي ولله عيب خطار يومين ويرحون
هيج موضوع راح يزعلهم منك
غمض عيونك ولا تخلي عينك على البنيه
بعدين حرام هيج ادقق بتفاصيل جسمه انت اتصلي مايصير تنضرله هيج نضره
الي اعرف انت مالك شغل بهاي السوالف
شنو الجديد اليوم
عوف البنيه بحاله من تفوت يمك غمض عيونك
هاك اخذ الماي راح يخلصون اكل
#جمانه السعيدي
اخذت الماي خليته وطلعت
رحت سبحت وبدلت وتانقت على حسب الاصول
رجعت لكيتهم مكملين اكل
عمو علي....يله صكر تاخذنا البيت عمك يحيى
صكر....يله تفضلو
طلعو كدامي هي تمشي الثوب ضيك وفوك مامببن تفاصيل جسمه النوب بي فتحه طويله من ورا طالعه رجله كله
استغفر الله ربي واتوب اليك
صعدت اني بلصدر وهمه كعدو ورا
مشت السياره واني ماكو بعقلي غير البيت متروس شباب
شلون زبنه راح تدخل هيج
وكم واحد راح يخلي عينه عليه
خاف واحد منهم يجيه بدرب ناعم وينسق وياها
هسه هي المن اجت
اني ليش ماكتله غيري ملابسج او على الاقل تلبس عبايه
ياربي ليش دمي محروق عليه
نزلنا والحمد لله بعد الشباب مامجمعين بس ولد عمي وثنيين ولد جواا كاعدبن يتعشون
دخلن زينه وامه جوا يم النسوان واني كعدت وياا الولد برا
طول الحفله اي واحد يربد شي من جوا راسا اني اطفر
اني اجيبه خاف احد يدخل ويشوفه
اريد اضمه من عيونهم لان كنت خايف عليه حيل
دخلت اربع مرات جوا بس ماشفته ولا مره
خلصت الحفله
وعمي علي كال يله خل يجون الجماعه اروح نرتاح
عمي يحيى...وين ابقو يمنا اليله ماشفنا كم
اني راسا دخلت بلحديث
صكر...لا عمو ووين بيتكم زغير وهوسه ماياخذون راحتهم خل يجون يمنا يرتاحون اكثر
عمي علي...اني اريد اشوف الحجي واكعد ويااا على غير مره
صكر...فرحت من سمعت راح يرحون ويانه
صعدنا بلسياره ورجعنا البيتنا
امي طبعا ماراحت للحنه بقت تنضف وترتب
صكر...ليش مارحتي للحنه
امي...يمه حنة ولد اني شكو رايحه باجر اروح من الصبح حتى اساعدهم
صكر.....صعدت بدلت ونزلت شويه طعت زينه لابسه
تراك بنفسجي البدي ضيك وقصير والبجامه ضابه جسمه ضب
درت وجهي اصلا حرام اباوع عليه
بس اريد اعرف عمي شلون يخليه تلبس هيج لبس
غسلت ودخلت للغرفه
جمانه السعيدي
صكر...ثاني يوم كعدت من الصبح ورحت البيت عمي حتى اساعدهم طلعت قبل لا يكعدون اهلي وبيت عمي
بدينا نشتغل جان يجي العريس يمي
لؤي....هلو ضلع يوم الك
صكر...تسلم وانت حاضر انشاء الله
لؤي...يكولون عد عمو علي بنيه تفلش البارحه امي بس تحجي بيه
صكر...هنا خفت هاي شلون ورطه اذا خالتي هيج تحجي
الولد لو شافوها وحجو وياها شلون
لؤي....امي تكول لو شايفته قبل جان خطبته الك اريد اشوفه اليوم البارحه التهيت بلحنه وماشفته
صكر...شلك بهاي السوالف انت اليوم عريس
لوي...أمتع عيوني شويه
صكر....حرام عليك
لؤي....هااا ههههههه نسيت ولك نازله عليك تصنيف
صكر...راسا سكتت وحسيت حراره كامت تطلع من وجهي
صكر...منو
لؤي....بت عمو علي تكول الزينب اختي كلكم حلوين
ولد وبنات بس صكر دخيل الله حتى على وجه مااكدر اباوع استغفر الله عليمن طالع
شو امه حلوه وعمامي حلوين بس هو طافر من الجدر
كلش شكله مامقبول
اني منه حتى للشارع مااطلع بهذا وجه
خوب الخشم عبالك ساحة الوثبه شكبرا
صكر....سكتت ماكدرت ارد علي ابد معقوله تحجي عليه هيج ليش تحكم عليه من شكلي
بعدين هاي خلقت رب العالمين اني شبيدي
لو لان هي حلوه شايفه نفسه على الناس
ضميت الضوجه بكلبي
اشتغل بدون نفس وودي اطلع من بيتهم وبعد ماارجع
ابد بس خاف يكولون انهزم من الشغل
بعد ماعندي اي امل ممكن تحبني
لو تقرب عليه أو تقبل اني اتقرب منه واحجي وياها
اذا هي هيج تشوفني
كملت شغل وقبل الغدا رجعت اليتنا شكد حاولو يخلون ابقه للغدا بس ماقبلت
نفسي انسدت بعد الكلام الي سمعته
رجعت للببت اسمعهم يسولفون ويضحكون بيت عمو علي هم وامي وجدي وبيبي
مادخلت ولا سلمت عليهم
راسا اخذت ملابسي ودخلت الحمام احس نار مشتعله بجسمي
امي...هاا ماما اجيت
صكر...اي
امي ..احضرلك الغدا
صكر...مااربد اني من اجوع اكل
امي...احنا راح نطلع نروح البيت عمك قفل البيبان زين قبل لا نطلع
صكر...اي
