رواية سجينة أبو أسد الفصل الثاني بقلم فاطمه كريم
فدك... خاله لهنا كافي حجاب مالبس ابنج رادني واني مومحجبه مال البس حجاب صعبه
إم ساهر... يمه هذا الشي بعد بينج وبين ساهر اني مادخلني
فدك... بس خاله ساهر متفهم وضلو يسولفون علمود اذا صارت الخطبه شون يسون تحضيرات المهم لل5 راحت إم ساهر إجه أبوي واخواني رايحين سائلين ع ساهر اووووو من هاي السوالف ابوي وافق واخواني وافقو بعد يومين صادف يوم احد رحت للكليه ساهر مخنزر
فدك.... يا صباح خير شبيك
ساهر... ماكو شي
فدك... لا اكو شبيك
ساهر... يعني بربج يومين اراسلج ماتردين ليش
فدك... اسفه بس مااكدر ارد عليك
ساهر... لا والله
فدك... والله
ساهر... يي شنو صار اهلج موافقين لو لا
فدك... اخوي جاي وسائل منطقتك كالو مو خوش ولد
ساهر... يي وشنو كالو
فدك... اخواني ماموافقين
ساهر... فدك انتي شنو ترديني لو لا
فدك... اهلي ماموافقين وأمك تريدني اتحجب وانته تعرفني ماريد ألبس حجاب
ساهر... بابا انتي شدخلج بامي اني لو اريد محبه اتزوج من الأول وحده محجبه مو اخذ وحده ماتلبسه واني افرضه عليها
فدك... بس ساهر ماكو نصيب
ساهر... يعني مراح نتزوج
فدك... للاسف راح نتزوج واهلي موافقين
ساهر... ولج انتي ما تبطلين سوالفج شكد خبيثه
فدك... هسه يلا عرفت اني من قبل خبيثه
ساهر... اوك لعد راح اخلي امي تتصل ع امك ويتفقون واسبوع الجاي الخطبه
فدك.... ليش بهل السرعه
ساهر... احسن علمود الخطبه تصير قبل التخرج والزواج بعد التخرج
فدك... اوك اني ماعندي شي آخذك وتروح نحضر
ساهر... بس فدفد احنه من نتزوج نرجع للانبار ونعيش ويه اهلي
فدك... لا ساهر مااكدر اهلي شلون اتركهم
ساهر... ما تركيهم كل ما يعجبج تجين تشوفيهم
فدك... ما اعرف خلي نخطب اول وبعدين نحجي بهيج أشياء خلص اليوم عادي رجعت للبيت يوم ثاني العصر اجت ام ساهر علمود الحفله واتفقو يوم الجمعه خلص الأسبوع واني واهلي كلنه وأنحضر للخطبه اخذت أجازه من الكليه اني ونهله نطلع ناخذ الأشياء اللي نحتاجها جهزنه الكوشه والورد وكل هاي الأشياء والفستان ومركز التجميل يوم الخميس رحنه اني ونهله للمركز مساج وتنظيف بشره وتنظيف جسم وكل هاي السوالف خلصنه رجعنه للبيت يوم ثاني كعدت من الصبح لل9 إجت نهله ورحنه لمركز التجميل وبدأت تشتغلت بالمكياج والشعر خلصنه ساعه ب3 اتصلت ع مسلم اجه ورجعنه للبيت رحت لبست الفستان ب4 اجوي اهل ساهر جانت الحفله بسيطه بس الاهل عقد الشيخ وخلصت الحفله وراحو اهل ساهر واقاربنه هم راحو بليل اتصل ساهر رحت للغرفه ورديت عليه
الووو
ساهر... هلا يعمري شلونج
فدك... تمام وانته
ساهر... تمام
فدك... يي تعال كلي خواتك شنو حجن عني
ساهر... ماكو بس كالن جكمه وملطلطه وشعرها أخضر جنها 🐸
فدك... يي وبعد
ساهر... اووه حجي هواي كالن مابيه احجي
فدك.. يي وانته ماتحجي لان خواتك من هسه بايعني
ساهر... ههههه يا حلوو زعلت
فدك.. انته مدخلك بيه
ساهر... لا حبيبي اتشاقه وياج كالن حلووه وحبابه وجهه بس يضحك
فدك... امممم لعد اروح ارتاح هذا الاسبوع ما شفت طعم الراحه باي نهيت الاتصال ونمت ماكعدت غير يوم ثاني الساعه ب3 الظهر كمت من الفراش غسلت ورحت للصاله شوي واجه مسلم
مسلم... هلا بالعروس شنو حلالج الوضع واليوم كله نايمه
فدك... روح منا لا والله اجرم بيك
مسلم... فدوكه راح تتزوجين يي واخذ غرفتج اتزوج بيها
فدك.... مسسسسسلللللم
مسلم... لا كافررررر
فدك... مسلم خلي النفس عليك طيبه احسن
مسلم... شبيج اليوم ما تتحاجين
فدك... تعبانه اريد انام روح
مسلم.... روحي نامي محد مانعج
فدك... بعد ما بيه انام لان ظهري تكسر المهم خلص اليوم عادي يوم ثاني كعدت رحت للكليه دخلت شفت الشباب رحت عليهم
فدك.... هلا شباب
الكل... هلا
ساهر... هلا حبيبي تعالي اكعدي ليش واكفه
فدك... اريد اشرب من دمكم
الكل... يا ستار شكو
فدك... ماكو بس دمي نازل واريد اخذ منكم شوي ليش تعزون بدمكم علي حسافه يي والله ماغزر الملح والزاد 😔😔
ساهر... ولكم اليوم صاير بيها ملح وزاد شبيج
فدك... مابيه اريد انام تعبانه
ازاد... صدك فدوكه ليش اخذتي أجازه
فدك... ليش ام السان ماحجت ولا ساهر حجه
ازاد... لا شنو صاير وساهر هم يعرف
ساهر... غير انتظر تجين علمود نكلهم سوه
ازاد... ولكم احجو شبيكم
ساهر... ما بينه بس فدك انخطبت
الكل... شنو يمته وشلون
فدك... يوم الجمعه عقدنه
الكل... الف الف مبروك
عبود... منو تعيس الحظ
ساهر... احممم احممم اني
سماح... لا هيج هواي شنو هاي عود احنه اصدقاء وهيج لعد لو غرب شلون
ساهر... والله هيه حفله عنونه ماكو احد
عبود... غدارين ما توقعتها منكم
ازاد... ولا اني خيبتو ضني
فدك... هاااي شنوو ازاد زعل
ازاد... زعلت شلون تراضيني
فدك... كوم عازمتك ع قهوه بغرفه دكتور فهد
ازاد... اهوووو ماكو غير فهد روحي مالي خلك احجي وياه
فدك... اخوك مالك خلكه
ازاد... يابه حفظت وجه طلع روحي النهار كله مكابلني وكاعد
فدك... هاا لعد اني رايحه من رخصتكم عفتهم ورحت للنادي أخذت 2قهوه ورحت الغرفه دكتور فهد اوووه تعالو خلي اعرفكم شلون تعرفنه ع ازاد بيوم جنت رايحه الدكتور فهد كالعاده نشرب قهوه دكيت الباب ودخلت
فدك... الله بالخير شيخ
فهد... الله بالخير والعافيه شني هاي انستري يحرمه
فدك وهيه تثخن صوتها... شني هاي شيخ انته هينا وطكتها ضحكه
ازاد... احممم احممم
فدك... ولك داده هذا منو يا فشله الفشله
فهد... ازاد هاي فدك اللي حجيتلك عنها فدك هذا اخوي ازاد
ازاد... هيه هاي واني عبالي فد شي
فدك... ع كيفك القيصر قاهر قلوب النساء
ازاد... يلا خويه لا تنسه الاوراق وصلهن للعماده
فهد... تعال اكعد شبيك
ازاد... اريد اطلع عندي شغل
فهد... براحتك
فدك... طلع اخو وكعدنه نسولف اني و فهد
فهد... عزيزتي
فدك... نعم عزيزي
فهد... كم انتي رائعه
فدك... اوووه عزيزي اخجلني كلامك
فهد... بربج احنه بالفصحه بصفر باليد حمار
فدك... انته بيد حمار اني لا أعرف
فهد... ام تعرف كومي راح تتاخرين ع المحاضره
فدك المهم هذا كان اول لقاء الي ويه ازاد بعدها عرفت هوه مقدم ع دراسات عليا وماجستير ضل يكعد ويانه وهوه اكبر منه عمره حوالي راح يدخل الثلاثينات او يمكن ثلاثيني المهم خلص اليوم عادي رجعت للبيت تعبانه سلمت ودخلت الغرفتي غيرت ملابسي ونمت ما كعدت غير الساعه ب9 يمه داده هاي شكد نايمه طلعت شفت الكل كاعدين سلمت عليهم ورحت للمطبخ اكلت توست وجبنه وطلعت كعدت يمهم
يابا... هاي فدوكه شلونج
فدك... تمام باباتي حبيبي
بابا... شلونج بالكليه
فدك... تمام وعال العال ان شاء الله بس هذا الشهر واخلص
بابا... ان شاء الله بنيتي وتجين ناجحه بمعدل عالي غير تجيج السياره
مسلم... شنو هاي بابا ليش تفرق بينه
بابا... ولك انته من تخرجت مو اخذتلك سياره بعد ليش الحجي الزايد
مسلم... الحجي اليوم محشدينه علي خلي اسكت احسن
فدك... لا بابا اني شسوي بالسياره
بابا... راح تتخرجين وتشتغلين تحتاجينها
فدك... هممم براحتك يلا اني اروح ادرس كمت من يمهم ورحت للغرفه كعدت ادرس للساعه ب2 خلصت فتحت الجهاز ساهر مراسل
ساهر... هلا حب، وينج ، خاب وين صرتي
فدك... هلا حب اسفه جنت قافله الجهاز ونايمه شوي ورد
ساهر... خرب عشيرتج موتيني اراسلج وانتي ماكو
فدك... يي نايمه
ساهر... نوم العوافي
فدك... الله يعافيك
ساهر... حبي باجر راح اطلع للانبار
فدك... شسوي مو كلت الجمعه
ساهر... امي مريضه واريد اروح
فدك... سلامتها
ساهر... الله يسلمج يعمري
فدك... بس هاي الايام المحاضرات مهمه
ساهر... راح اخذ اجازه وانتي من يمج تدبريها وتسجلين المحاضره
فدك... اووك انتبه ع نفسك
ساهر... اوك حب يلا تصبحين ع خير
فدك... وانت من اهلوو
مرت الايام مثل ماهيه واجه يوم حفله التخرج رحنه واحتفلنه واجه ازاد واحتفل ويانه اخذنه صور كومه اني وساهر خلصت الحفله مرت ايام واجت الامتحانات وامتحنه وخلصنه وضلينه ننتظر النتيجه باليل اتصل ساهر وكال باجر تطلع النتأئج كتله يمه خفت هوه ضحك كلي لا تخافين انشالله خير المهم نمت كعدت يوم ثاني رحت للكليه بكامل اناقتي شفت ساهر ونهله و مرتضى وعبود و سماح كلهم واكفين رحت عليهم سلمت و عبود راح يشوف النتائج طلع
فدك... هاا بشر شنو طلع
عبود... فدك للاسف محمله ماده
فدك... عبود لا تتشاقه احجي الصدك
عبود... هذا الصدك شبيج
فدك... خرب هل حظ تعبت وما نجحت
عبود... ههه جذب عيني الاول فدك صفكولها والثاني سماح وعدهم كلهم
فدك... وساهر
عبود... للاسف هوه ضارت المحاضرات كلهن فواكع
فدك... اوووف حرامات
ساهر.. عادي حبيبي اعيد
فدك... بس اريد اعرف ليش تضرب بالمحاضرات
ساهر... مااحب ادخل هذا الدكتور مزعج
فدك... يي واحنه كل دكتور مزعج ما ندخل محاضرته المهم خلصت مناكر ويه ساهر علمود الدراسه بس هوه ما يسمع يكلي هسه ماصار شي عادي ارجع اعيد السنه رجعت للبيت من امي عرفت فرحت بعد فتره صار حفل التكريم وتوزيع الشهادات رحنه وامي وابوي وياي حفل يجنن بكل معنا الكلمه استلمت الشهاده وكنت من العشره الأوائل فرحت حيل واهلي فرحو وبابا اخذني للمعرض مال سيارات اخذلي سياره دودج تشارجر 2017 مديل حلوو حبيتها كمل الاوراق وماعرف شنو ورجعنه للبيت دخلت امي و سمسم بالصاله كعدت يمهم سوالف سمسم اللي ما تخلص
فدك... يي سمسم ما تريد تتزوج
مسلم... لا ماريد خليني هيج احسن اطلع وادخل براحتي
فدك... لا يعمري اني راح اخطبلك وحده
مسلم... منو هاي
فدك... ريم اخت ساهر
مسلم... اني ساهر بكبره ما بالعه بعد تجيبيلي اخته يمااي غير اموت
فدك... وليش ما عاجبك ساهر
مسلم... تردين الصراحه لو ابن عمه
فدك... الصراحه
مسلم... مااعرف احسه لاعوب ابو بنات
فدك... لا والله
مسلم... والله ما عاجبني بس من سئلنه عليه يكولون خوش ولد ومااعرف شنو
فدك... سمسم اسكت لا تلعب بعقلي
مسلم... لا حياتي ما العب بعقلج بس هذا الصدك انتي ما منتبه عليه وبعدين سالفه تسكنون بالانبار هاي جديده احنه اتفقنا تسكنون بغداد
فدك ماعجبني كلام مسلم ضجت اترخص منهم وكمت رحت للغرفه ونمت ما عندي شي وضوجه مر شهر واحنه هذا حالنه عادي ماكو شي جديد نفس الروتين بليل اسهر ويه ساهر وبنهار نايمه كلت خلي اشتغل واعيش حياتي رحت البابا
فدك... بابا عندي موضوع وياك
بابا... يي بنيتي كولي
فدك... بابا اريد اشتغل
بابا... ليش بابا ناقصج شي حته تشتغلين
فدك... لا بابا ما ناقصني شي بس اريد اشتغل تعلمت ع الكليه وهسه بالبيت ملل اشتغل وايد الفراغ اللي انه بي
بابا... اوك حبيبي راح اتصل ع ابن عمج عنده صديقه محامي واشوف اذا يكدر يشغلج عنده
فدك... اوك اتصل بابا ع ابن عمي اسامه وكله شوي ورجع اتصل وكله المحامي موافق أتفق وياه ابو كله باجر نروح الا رحت نمت واني بالي هواي احلام وراح احققهن نمت كعدت يوم ثاني حضرت نفسي وطلعت رحت اني وبابا المحامي شاف شهادتي وكال
الحامي... ايي محامي يشغلها عنده ع هاي درجاتها ومن العشره الأوائل
فدك... يعني هسه اكدر اشتغل
المحامي.... يي تكدرين وان شاء الله تصيرين محاميه ناجحه وعادله
فدك... ان شاء الله يمته اكدر ابلش
المحامي... يمته ما يعجبج
فدك... حته لو اليوم
المحامي... مستعجله كلش
فدك... يي لان بالبيت ملل
المحامي.... لا خليها من باجر تبلشين
فدك... اوك بس اذا عندك شغل انطيني اساعدك بي بالبيت
المحامي... اوك اخذي هاي القضيه طلاق بلشي بيها
فدك... اوك أستاذ جاسم اخذت الملف واتشكرت منه وابوي هم ورجعنه للبيت فرحانه راح اشتغل طبعا اني اريد اشتغل لا علمود فلوس ولا شي بس اريد اضيع وقت خلص اليوم واني ادرس بالقضيه وحسب كلام المره تكول هيه مضلومه لان ميصرف لا عليها ولا ع ابنها ضليت ادرس بيها دخل بابا وشافني كاعده ع مكتب والوراق يمي طلبت منه رقم أستاذ جاسم علمود اخذ منه تفاصيل اكثر المهم بلشت شغل واني اتواصل ويه ساهر يجي يشوفني ونطلع سوه مر 4اشهر واني اشتغل ويه أستاذ جاسم بيوم طلعنه اني وساهر رحنه لمطعم كعدنه كتله اني اروح للحمامات رحت من رجعت شفت بنيه كاعده يمه وتسولف رحت عليهم هوه من شافني وجه كام ينطي الوان
فدك... ساهر منو هاي
البنيه... اني زوجته انتي منو...
شكرا لزيارتكم عالم روايات سكيرهوم
