رواية مليكه الفصل الثاني بقلم جمانه السعيدي
مليكه...بصف الاول متوسط بيوم كنت نايمه بغرفة جدي
وسمعته يحجي هو وبيبي
كان يوم جمعه والدنيا تمطر اني كعدت من النوم بس بقيت بفراشي
لان مطر وكانت الدوره عليه من تجيني اعتكف وابطل حركه هواي
احس كلهم يعرفون بيه
المهم كنت مدده ومتغطيه وسمعت حديث بين جدي وبيبي
بيبي....الله يرحمه همزين هي ماشايفته ضالم ماكو رحمه بكلبه
جدي....مايجوز على الميت غير الرحمه
بيبي...اي رحمه وهو شمر هاي المسكينه لحمه ولا سئل عنه ولا ذكرها كل هذا الوقت
راح يربي ابن مرته وعايف بنته مايسئل عليه
جدي... صار عندا ولد وبنيه
بيبي...اي ذيج خلفته وحد يربيهم ويدللهم وهاي المسكينه ماله شغل بيه
جدي...راح بيد رب العالمين الي ماضيع يمه شي
هسه ربج يحاسبه على كلشي
على كل يوم مر على هاي المسكينه
بيبي...الله يطول عمرك ودلله اكثر واكثر الله لايعوزه اله
جدي...عافه كل هاي السنيين وماله ذنب
بيبي...الله كريم ماكطع بيه كلنا دايرين بالنا عليه
جمانه السعيدي
مليكه...عرفت من حديثهم ابوي مات
ماكان عندي اي مشاعر من اي نوع من سمعت هذا الخبر
لان اني مااعرفه ولا شايفته مره بحياتي ابد
اذا مات او بقى عايش ماكو فرق بحياتي ابد
استمرت الايام متشابه بحياتي الحد ماوصلت صف ثالث متوسط
ابن خالي كاظم هاشم كان احلى واحد بهاي العوائل
طول وجسم رياضي ولحيه وشوارب
وكارزما وحضور وكوميدي اي مكان يكون بي
يبقى يحشش ويضحك
اني ماكنت منتبهتله ابد رغم اني كل النهار بيتهم
بس ماكو بعقلي شي اتجاها
او اني كل مواضيع الحب ماتجي على بالي
الحد يوم رحت الهم وكانن خواته كاعدات وبت خالته
جايه تقرأ ويااا اخته
بت خالته حلوه بشكل مو معقول تخبل ناعمه وتحجي بصوت ناصي ولبسه كيوت
الضاهر كان اكو علاقه بينه وبينه
هو يحبه ومتعلق بيه حيل
اني لان كانت حياتي مخربطه وبس لعب وحركه مفرطه
والعب وياا الولد اكثر من البنات
كنت مامنتبه الهم
طبعا اني عندي تليفون بس مابي اي وسيلة تواصل اجتماعي بس انزل بي اللعاب
من اكعد ابقه اللعب العاب
بيومه رحت عليهم
بس دخلت راسا هاشم طفر من مكانه
هاشم...هله هله بت عمتي هله بلحلوه وين جنتي
صار ساعه منتضرج
مليكه..اني استغربت اول مره يحجي وياي هيج
اشرت وكتله عليه
هاشم...اكو وحده هنا بت عمتي غيرج
مليكه...بهاي اللحظه بلذات حسيت مشاعر حب انولدت
بروحي حسيت نفسي فرحانه على شويةخجل
اني ابد مامفكره هاشم ممكن يباوع عليه
خله ايدا على جتفي وكام يمشي وياي
طبعا خواته وبت خالته كاعدات يباوعن علينا
بس اني نسيت كلشي عقلي وكلبي اندمج ويااا
وصدكت هو يحبني ومنتضرني
كعدني على القنفه وكعد بصفي ولزم ايدي
هاشم....شنو آخر الاخبار اعرف انتي السنه ثالث اي شي يصعب عليج اني موجود
اكدر اساعدج باي موضوع يصعب عليج
مليكه...بقيت ساكته واباوع علي بين مصدكه وبين مصدومه
وبين احلم لو حقيقه هذا الوضع
الي اني كنت مامفتهمته بهاي اللحظه
هو زعلان وياا بت خالته وحبيبته ويردها تغار علي
وتصالحه وماكو كبش فداء غيري موجود
بما ان اني ماكو اي احد وراي بس جدي الي مايعرف كل هاي الشغلات
مليكه...هاشم من شافني دخلت اجته فكرت يسمعني كلام حلو
ويقرب عليه ويلزم ايدي
اني لان ماعندي خبره بهاي المواضبع صدكت
حسيت احساس يخبل
معقوله الحب هيج حلو هو هذا الحب
هو مستمر لازم ايدي وكاعد بصفي ويسمعني كلام حلووو
واني مدنكه واعدل بشعري من الخجل
راسا بت خالته وكفت وكالت اني اروح اريد ارجع البيتنا
اخت هاشم...وين بعد وكت توج اجيتي
هاشم...تعاي مليكه لج انتي صدك مليكه
انتي مليكة كلبي وعيوني
الكل كان فاهم اللعبه الي اني المغفله الوحيده بلمكان
اخواته وحبيبته كلهم فاهمين الا اني كنت مصدكه
لان بعمري ماتوقعت هاشم يحبني لو يباوع عليه
كان يمثل الدور بكل اتقان
اني وصلني احساس الحب منه وصدكت
جمانه السعيدي
بس كامت بت خالته
هو وكف وسحبني من ايدي وكال تعاي اشوفج شنو اشتريتلج
اني كمت ويااا بس امشي بدون وعي مامصدكه
راسا بت خالته انفعلت وكامت طلعت والبنات راحن وياها للباب
هو راسا عاف ايدي ولزم تليفونه وكام يدز رسايل
واني بقيت واكفه بمكاني مثل الثوله
وبعدين اجا اتصال وطلع
رجعن خواته ثنيبنهن يضحكن
امل...شفتي شلون تخبلت تريد بس تطلع حتى لا تشوفه
زينب...وهو ولله لوتي شلون طير برج من عقله
امل...ذوله ثنيبنهم يلعبون علينا
مليكه...زينب التفتت عليه بعدني واكفه بمكاني
جان اتكول انتي شبيج واكفه ماتكعدين
خلاص المسرحيه خلصت
مليكه...اي مسرحيه
امل...مسرحيه هاشم وبت خالتي
مليكه...اني فهمت بهاي اللحظه هو كان يمثل دور الحبيب عليه حتى يحرك كلب حبيبته
بس ماكنت اريد اصدك ابد
لان كلبي صدك بي
كلت لا ذني يجذبن عليه
هو يحبني ايجوز بت خالته هاي لازكتله
المهم...طلعت من بيتهم ورجعت البيتنا دخلت بغرفة جدي
وكمت استذكر كل كلمه كاله
وكفت كبال المرابه وكمت اباوع على نفسي
لابسه تراك بسيط اصلا كل قطعه لون ماله علاقه بالون الثاني
وشعري اقل من عادي اصلا من امس مامشطه
وحتى وجهي الصبح غسلته وهاي هي
معقوله يحبني
لو كان يضحك عليه
بس بت خالته حلوه وناعمه وكله انوثه
واذا اني هم حلوه لو ابدل واعدل شعري شويه
هو كال تعاي جبتلج شي
بس نسا وطلع وما شفته شنو الشي الي جابه اليه
من يمته هاشم يهتم بيه لو يشتريلي
لا قبل جنت زغيره وهسه كبرت وتغيرت
باجر اخلي جدي يشتريلي ملابس حلوات وعطر مثل عطر
نرجس بت خالو سعد لان طيب
وأصبغ اضافري واروح عليهم
اريده يشوفني حلوه ويتعلق بيه كون مايتندم لان يحبني
معقوله هاشم عايف بنات العائله كلهن ويحبني اني
ليش اني شبيه
ماناقصني شي بس هنا كل النهار ملتهيات يبدلن ويعدلن
واني على طبيعتي
جمانه السعيدي
بقيت انتضر جدي لمن اجا المغرب
لاكيته بلباب
مليكه...هلو جدووو
جدي...هله حبيبت جدوووو
مليكه ...اربد فلوس اشتري ملابس حلوات
جدو....صار مو ندللين
مليكه...اريد ملابس بنات حلوات
جدو...اها هلمره ملابس بنات شعجب
مليكه...اني بنيه واريد ملابس بنات حلوات
جدو...باجر الصبح انتي ومرت خالج روحي للسوك واشتري اي شي يعجبج
مليكه ...تمام
بس تعشينا رحت البيت خالو سعد خالي الزغير
دخلت لكيت نرجس كاعده بلغرفه
اني احب نرجس واحسه قريبه عليه حيل
مليكه...اريد صبغ اضافر
نرجس...انتي تصبغين اضافر شعجب
مليكه...ليش مو بنيه مثلجن
نرجس...انتي ولد مو بنيه
مليكه...واريد اسم العطر الي تخلينه اريد اشتري مثله
نرجس....استغربت فتحت عيوني ورفعت حواجبي
هم تردين عطر
مليكه...واذا عندج فستان حلووو مال بيت
اريد البسه باجر وارجعه اللج لان جدي باجر يشترلي ملابس جدد وحلوات
نرجس...قربت وخليت ايدي على كصته...شو مامصخنه
انتي بيج شي صبغ اضافر وعطر وثوب
لا انتي مو مليكه الي اعرفه
مليكه....ذيج السوالف قبل اني بعد هسه كبرت وتغيرت
نرجس...خاف تحبين ولج
مليكه...هااا لا مااحب بس اريد اغير شكلي
اكلج نرجس يصير اصبغ شعري
نرجس...لا لا انتي مو مليكه ابد ولج شنو تعرضتي الحادث
فقدتي الذاكره
لو واحد خطف مليكه وجابلنا وحده غيره
مليكه...هسا تنطيني لو لا فضيني اريد اروح
نرجس...اي تعاي اخذي اي شي تردي
مليكه..صبغت اضافري وأخذت العطر حتى اخذله صوره
بلموبايل واجيب مثله
وانطتني ثوب ماروني كلش حلووو
ثاني يوم كان جمعه كعدت من الصبح سبحت وبدلت
جدي انطاني فلوس
رحنا اني وزوجت خالي ناضم
اشتريت ثوب وردي كلش حلووو
وتراك بناتي بنفسجي فاتح
وعطر مثل عطر نرجس وصبغ اضافر وطوك
ورجعنا للبيت
جمانه السعيدي
طبعا هاشم اكبر مني بثمن سنوات مخلص كليه ويشتغل
وياا خالي عدهم محل حبوب بلسوك
الصبح مايطلع يبقى نايم والضهر يتغدا ويروح للمحل وخالي يجي يتغدا وينام ويروح للمحل
والمغرب يله يرجعون سويه
المهم اني بدلت ومشطت شعري وخليت الطوك
وسبحت بلعطر ورحت البيت خالي كاظم حتى من يكعد هاشم يشوفني ويعرف اني شكد حلوه
ويحبني من صدك
بس دخلت كلهم تفاجئو بيه بنات خالي وأم هاشم
ام هاشم...شني هذا الجمال هاي مليكه لو غيرها
مليكه كلش خجلت من كلامه
بنات خالي ضلن يسمعني كلام شنو هلجمال وين جنتي ضامه هاي الحلا
زينب...اليوم كتلتي الولد الي عايش بداخلج وطلعت مليكه
البنيه الحلوه
اي من زمان هيج غيري شكلج
المهم بقيت كاعده اريد هاشم يكعد ويشوفني
جدي دز عليه خلي تجي اريد اشوف ششترت من السوك
كتلهم بعدين
هسه شويه واجي
لمن اذن اذان الضهر يله كعد
ام هاشم كانت ملتهيه بلطبخ والبنات كل وحده لازمه شغله
واني كاعده على نار
طلع هاشم من غرفته اني باوعت علي ودنكت
بس هو ابد مااهتمت الوجودي ولا علق اي تعليق
بس كال هلووو
دخل الحمام غسل وطلع كال حضرو الاكل
واني كاعده مثل الصنم بمكاني
كعد ياكل ويتراسل بتليفونه ويضحك
كمل اكل وطلع من البيت واني بقيت كاعده بمكاني
ام هاشم...تعاي تغدي
مليكه...لا شكرا ورجعت البيتنا فشلانه
وين كلامه امس وين اليوم ماباوع بخلقتي
بعد عليمن كاتله نفسي من البارحه لليوم
اذا هو مامعبرني
